Bibles in ancient languages
Old translations
Modern translations

Biblia Hebraica Stuttgartensia Josué 12:10

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאֵ֣לֶּה׀ מַלְכֵ֣י הָאָ֗רֶץ אֲשֶׁ֨ר הִכּ֤וּ בְנֵֽי־יִשְׂרָאֵל֙ וַיִּֽרְשׁ֣וּ אֶת־אַרְצָ֔ם בְּעֵ֥בֶר הַיַּרְדֵּ֖ן מִזְרְחָ֣ה הַשָּׁ֑מֶשׁ מִנַּ֤חַל אַרְנֹון֙ עַד־הַ֣ר חֶרְמֹ֔ון וְכָל־הָעֲרָבָ֖ה מִזְרָֽחָה׃

wĕʼé֣lėh׀ malĕké֣y háʼá֗reẕ ʼàşě֨r hik֤̇ẇ bĕnéֽy־yişĕ̂ráʼél֙ wayiֽ̇rĕş֣̌ẇ ʼeţ־ʼarĕẕá֔m bĕ̇ʻé֥ber hayȧrĕdé֖̇n mizĕrĕẖá֣h haşá֑̇̌meş̌ minȧ֤ẖal ʼarĕnòwn֙ ʻad־ha֣r ẖerĕmò֔wn wĕkál־háʻàrábá֖h mizĕráֽẖáh׃

2
סִיחֹון֙ מֶ֣לֶךְ הָאֱמֹרִ֔י הַיֹּושֵׁ֖ב בְּחֶשְׁבֹּ֑ון מֹשֵׁ֡ל מֵעֲרֹועֵ֡ר אֲשֶׁר֩ עַל־שְׂפַת־נַ֨חַל אַרְנֹ֜ון וְתֹ֤וךְ הַנַּ֨חַל֙ וַחֲצִ֣י הַגִּלְעָ֔ד וְעַד֙ יַבֹּ֣ק הַנַּ֔חַל גְּב֖וּל בְּנֵ֥י עַמֹּֽון׃

siyẖòwn֙ me֣lekĕ háʼèmòri֔y hayò̇wşé֖̌b bĕ̇ẖeşĕ̌bò֑̇wn mòşé̌֡l méʻàròwʻé֡r ʼàşěr֩ ʻal־şĕ̂paţ־na֨ẖal ʼarĕnò֜wn wĕţò֤wkĕ hanȧ֨ẖal֙ waẖàẕi֣y hagi̇lĕʻá֔d wĕʻad֙ yabò֣̇q hanȧ֔ẖal gĕ̇b֖ẇl bĕ̇né֥y ʻamòֽ̇wn׃

3
וְהָעֲרָבָה֩ עַד־יָ֨ם כִּנְרֹ֜ות מִזְרָ֗חָה וְ֠עַד יָ֣ם הָעֲרָבָ֤ה יָם־הַמֶּ֨לַח֙ מִזְרָ֔חָה דֶּ֖רֶךְ בֵּ֣ית הַיְשִׁמֹ֑ות וּמִ֨תֵּימָ֔ן תַּ֖חַת אַשְׁדֹּ֥ות הַפִּסְגָּֽה׃

wĕháʻàrábáh֩ ʻad־yá֨m ki̇nĕrò֜wţ mizĕrá֗ẖáh wĕ֠ʻad yá֣m háʻàrábá֤h yám־hamė֨laẖ֙ mizĕrá֔ẖáh dė֖rekĕ bé֣̇yţ hayĕşǐmò֑wţ ẇmi֨ţé̇ymá֔n ţȧ֖ẖaţ ʼaşĕ̌dò֥̇wţ hapi̇sĕgáֽ̇h׃

4
וּגְב֗וּל עֹ֚וג מֶ֣לֶךְ הַבָּשָׁ֔ן מִיֶּ֖תֶר הָרְפָאִ֑ים הַיֹּושֵׁ֥ב בְּעַשְׁתָּרֹ֖ות וּבְאֶדְרֶֽעִי׃

ẇgĕb֗ẇl ʻò֚wg me֣lekĕ habá̇şá̌֔n miyė֖ţer hárĕpáʼi֑ym hayò̇wşé֥̌b bĕ̇ʻaşĕ̌ţá̇rò֖wţ ẇbĕʼedĕreֽʻiy׃

5
וּ֠מֹשֵׁל בְּהַ֨ר חֶרְמֹ֤ון וּבְסַלְכָה֙ וּבְכָל־הַבָּשָׁ֔ן עַד־גְּב֥וּל הַגְּשׁוּרִ֖י וְהַמַּעֲכָתִ֑י וַחֲצִי֙ הַגִּלְעָ֔ד גְּב֖וּל סִיחֹ֥ון מֶֽלֶךְ־חֶשְׁבֹּֽון׃

ẇ֠mòşé̌l bĕ̇ha֨r ẖerĕmò֤wn ẇbĕsalĕkáh֙ ẇbĕkál־habá̇şá̌֔n ʻad־gĕ̇b֥ẇl hagĕ̇ş̌ẇri֖y wĕhamȧʻàkáţi֑y waẖàẕiy֙ hagi̇lĕʻá֔d gĕ̇b֖ẇl siyẖò֥wn meֽlekĕ־ẖeşĕ̌bòֽ̇wn׃

6
מֹשֶׁ֧ה עֶֽבֶד־יְהוָ֛ה וּבְנֵ֥י יִשְׂרָאֵ֖ל הִכּ֑וּם וַֽ֠יִּתְּנָהּ מֹשֶׁ֨ה עֶֽבֶד־יְהוָ֜ה יְרֻשָּׁ֗ה לָרֻֽאוּבֵנִי֙ וְלַגָּדִ֔י וְלַחֲצִ֖י שֵׁ֥בֶט הַֽמְנַשֶּֽׁה׃ ס

mòşě֧h ʻeֽbed־yĕhwá֛h ẇbĕné֥y yişĕ̂ráʼé֖l hik֑̇ẇm waֽ֠yi̇ţĕ̇náḣ mòşě֨h ʻeֽbed־yĕhwá֜h yĕruşá̇̌֗h láruֽʼẇbéniy֙ wĕlagá̇di֔y wĕlaẖàẕi֖y şé֥̌bet haֽmĕnaşėֽ̌h׃ s

7
וְאֵ֣לֶּה מַלְכֵ֣י הָאָ֡רֶץ אֲשֶׁר֩ הִכָּ֨ה יְהֹושֻׁ֜עַ וּבְנֵ֣י יִשְׂרָאֵ֗ל בְּעֵ֤בֶר הַיַּרְדֵּן֙ יָ֔מָּה מִבַּ֤עַל גָּד֙ בְּבִקְעַ֣ת הַלְּבָנֹ֔ון וְעַד־הָהָ֥ר הֶחָלָ֖ק הָעֹלֶ֣ה שֵׂעִ֑ירָה וַיִּתְּנָ֨הּ יְהֹושֻׁ֜עַ לְשִׁבְטֵ֧י יִשְׂרָאֵ֛ל יְרֻשָּׁ֖ה כְּמַחְלְקֹתָֽם׃

wĕʼé֣lėh malĕké֣y háʼá֡reẕ ʼàşěr֩ hiká̇֨h yĕhòwşǔ֜ʻa ẇbĕné֣y yişĕ̂ráʼé֗l bĕ̇ʻé֤ber hayȧrĕdé̇n֙ yá֔má̇h mibȧ֤ʻal gá̇d֙ bĕ̇biqĕʻa֣ţ halĕ̇bánò֔wn wĕʻad־háhá֥r heẖálá֖q háʻòle֣h şé̂ʻi֑yráh wayi̇ţĕ̇ná֨ḣ yĕhòwşǔ֜ʻa lĕşǐbĕté֧y yişĕ̂ráʼé֛l yĕruşá֖̇̌h kĕ̇maẖĕlĕqòţáֽm׃

8
בָּהָ֣ר וּבַשְּׁפֵלָ֗ה וּבָֽעֲרָבָה֙ וּבָ֣אֲשֵׁדֹ֔ות וּבַמִּדְבָּ֖ר וּבַנֶּ֑גֶב הַֽחִתִּי֙ הָֽאֱמֹרִ֔י וְהַֽכְּנַעֲנִי֙ הַפְּרִזִּ֔י הַחִוִּ֖י וְהַיְבוּסִֽי׃ פ

bá̇há֣r ẇbaşĕ̇̌pélá֗h ẇbáֽʻàrábáh֙ ẇbá֣ʼàşé̌dò֔wţ ẇbami̇dĕbá֖̇r ẇbanė֑geb haֽẖiţi̇y֙ háֽʼèmòri֔y wĕhaֽkĕ̇naʻàniy֙ hapĕ̇rizi̇֔y haẖiwi֖̇y wĕhayĕbẇsiֽy׃ p

9
מֶ֥לֶךְ יְרִיחֹ֖ו אֶחָ֑ד מֶ֧לֶךְ הָעַ֛י אֲשֶׁר־מִצַּ֥ד בֵּֽית־אֵ֖ל אֶחָֽד׃

me֥lekĕ yĕriyẖò֖w ʼeẖá֑d me֧lekĕ háʻa֛y ʼàşěr־miẕȧ֥d béֽ̇yţ־ʼé֖l ʼeẖáֽd׃

10
מֶ֤לֶךְ יְרוּשָׁלִַ֨ם֙ אֶחָ֔ד מֶ֥לֶךְ חֶבְרֹ֖ון אֶחָֽד׃

me֤lekĕ yĕrẇşá̌lia֨m֙ ʼeẖá֔d me֥lekĕ ẖebĕrò֖wn ʼeẖáֽd׃

11
מֶ֤לֶךְ יַרְמוּת֙ אֶחָ֔ד מֶ֥לֶךְ לָכִ֖ישׁ אֶחָֽד׃

me֤lekĕ yarĕmẇţ֙ ʼeẖá֔d me֥lekĕ láki֖yş̌ ʼeẖáֽd׃

12
מֶ֤לֶךְ עֶגְלֹון֙ אֶחָ֔ד מֶ֥לֶךְ גֶּ֖זֶר אֶחָֽד׃

me֤lekĕ ʻegĕlòwn֙ ʼeẖá֔d me֥lekĕ gė֖zer ʼeẖáֽd׃

13
מֶ֤לֶךְ דְּבִר֙ אֶחָ֔ד מֶ֥לֶךְ גֶּ֖דֶר אֶחָֽד׃

me֤lekĕ dĕ̇bir֙ ʼeẖá֔d me֥lekĕ gė֖der ʼeẖáֽd׃

14
מֶ֤לֶךְ חָרְמָה֙ אֶחָ֔ד מֶ֥לֶךְ עֲרָ֖ד אֶחָֽד׃

me֤lekĕ ẖárĕmáh֙ ʼeẖá֔d me֥lekĕ ʻàrá֖d ʼeẖáֽd׃

15
מֶ֤לֶךְ לִבְנָה֙ אֶחָ֔ד מֶ֥לֶךְ עֲדֻלָּ֖ם אֶחָֽד׃

me֤lekĕ libĕnáh֙ ʼeẖá֔d me֥lekĕ ʻàdulá֖̇m ʼeẖáֽd׃

16
מֶ֤לֶךְ מַקֵּדָה֙ אֶחָ֔ד מֶ֥לֶךְ בֵּֽית־אֵ֖ל אֶחָֽד׃

me֤lekĕ maqé̇dáh֙ ʼeẖá֔d me֥lekĕ béֽ̇yţ־ʼé֖l ʼeẖáֽd׃

17
מֶ֤לֶךְ תַּפּ֨וּחַ֙ אֶחָ֔ד מֶ֥לֶךְ חֵ֖פֶר אֶחָֽד׃

me֤lekĕ ţȧṗ֨ẇẖa֙ ʼeẖá֔d me֥lekĕ ẖé֖per ʼeẖáֽd׃

18
מֶ֤לֶךְ אֲפֵק֙ אֶחָ֔ד מֶ֥לֶךְ לַשָּׁרֹ֖ון אֶחָֽד׃

me֤lekĕ ʼàpéq֙ ʼeẖá֔d me֥lekĕ laşá̇̌rò֖wn ʼeẖáֽd׃

19
מֶ֤לֶךְ מָדֹון֙ אֶחָ֔ד מֶ֥לֶךְ חָצֹ֖ור אֶחָֽד׃

me֤lekĕ mádòwn֙ ʼeẖá֔d me֥lekĕ ẖáẕò֖wr ʼeẖáֽd׃

20
מֶ֣לֶךְ שִׁמְרֹ֤ון מְראֹון֙ אֶחָ֔ד מֶ֥לֶךְ אַכְשָׁ֖ף אֶחָֽד׃

me֣lekĕ şǐmĕrò֤wn mĕrʼòwn֙ ʼeẖá֔d me֥lekĕ ʼakĕşá֖̌p ʼeẖáֽd׃

21
מֶ֤לֶךְ תַּעְנַךְ֙ אֶחָ֔ד מֶ֥לֶךְ מְגִדֹּ֖ו אֶחָֽד׃

me֤lekĕ ţȧʻĕnakĕ֙ ʼeẖá֔d me֥lekĕ mĕgidò֖̇w ʼeẖáֽd׃

22
מֶ֤לֶךְ קֶ֨דֶשׁ֙ אֶחָ֔ד מֶֽלֶךְ־יָקְנֳעָ֥ם לַכַּרְמֶ֖ל אֶחָֽד׃

me֤lekĕ qe֨deş̌֙ ʼeẖá֔d meֽlekĕ־yáqĕnoʻá֥m lakȧrĕme֖l ʼeẖáֽd׃

23
מֶ֥לֶךְ דֹּ֛ור לְנָפַ֥ת דֹּ֖ור אֶחָ֑ד מֶֽלֶךְ־גֹּויִ֥ם לְגִלְגָּ֖ל אֶחָֽד׃

me֥lekĕ dò֛̇wr lĕnápa֥ţ dò֖̇wr ʼeẖá֑d meֽlekĕ־gò̇wyi֥m lĕgilĕgá֖̇l ʼeẖáֽd׃

24
מֶ֥לֶךְ תִּרְצָ֖ה אֶחָ֑ד כָּל־מְלָכִ֖ים שְׁלֹשִׁ֥ים וְאֶחָֽד׃ פ

me֥lekĕ ţi̇rĕẕá֖h ʼeẖá֑d ká̇l־mĕláki֖ym şĕ̌lòşǐ֥ym wĕʼeẖáֽd׃ p