Bibles in ancient languages
Old translations
Modern translations

Biblia Hebraica Stuttgartiensia Joshua 13

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וִיהֹושֻׁ֣עַ זָקֵ֔ן בָּ֖א בַּיָּמִ֑ים וַיֹּ֨אמֶר יְהוָ֜ה אֵלָ֗יו אַתָּ֤ה זָקַ֨נְתָּה֙ בָּ֣אתָ בַיָּמִ֔ים וְהָאָ֛רֶץ נִשְׁאֲרָ֥ה הַרְבֵּֽה־מְאֹ֖ד לְרִשְׁתָּֽהּ׃

wiyhòwşǔ֣ʻa záqé֔n bá֖̇ʼ bȧyá̇mi֑ym wayò̇֨ʼmer yĕhwá֜h ʼélá֗yw ʼaţá֤̇h záqa֨nĕţá̇h֙ bá֣̇ʼţá bayá̇mi֔ym wĕháʼá֛reẕ nişĕ̌ʼàrá֥h harĕbéֽ̇h־mĕʼò֖d lĕrişĕ̌ţáֽ̇ḣ׃

2
זֹ֥את הָאָ֖רֶץ הַנִּשְׁאָ֑רֶת כָּל־גְּלִילֹ֥ות הַפְּלִשְׁתִּ֖ים וְכָל־הַגְּשׁוּרִֽי׃

zò֥ʼţ háʼá֖reẕ hani̇şĕ̌ʼá֑reţ ká̇l־gĕ̇liylò֥wţ hapĕ̇lişĕ̌ţi֖̇ym wĕkál־hagĕ̇ş̌ẇriֽy׃

3
מִֽן־הַשִּׁיחֹ֞ור אֲשֶׁ֣ר׀ עַל־פְּנֵ֣י מִצְרַ֗יִם וְעַ֨ד גְּב֤וּל עֶקְרֹון֙ צָפֹ֔ונָה לַֽכְּנַעֲנִ֖י תֵּחָשֵׁ֑ב חֲמֵ֣שֶׁת׀ סַרְנֵ֣י פְלִשְׁתִּ֗ים הָעַזָּתִ֤י וְהָאַשְׁדֹּודִי֙ הָאֶשְׁקְלֹונִ֣י הַגִּתִּ֔י וְהָעֶקְרֹונִ֖י וְהָעַוִּֽים׃

miֽn־haşi̇̌yẖò֞wr ʼàşě֣r׀ ʻal־pĕ̇né֣y miẕĕra֗yim wĕʻa֨d gĕ̇b֤ẇl ʻeqĕròwn֙ ẕápò֔wnáh laֽkĕ̇naʻàni֖y ţé̇ẖáşé֑̌b ẖàmé֣şěţ׀ sarĕné֣y pĕlişĕ̌ţi̇֗ym háʻazá̇ţi֤y wĕháʼaşĕ̌dò̇wdiy֙ háʼeşĕ̌qĕlòwni֣y hagi̇ţi̇֔y wĕháʻeqĕròwni֖y wĕháʻawiֽ̇ym׃

4
מִתֵּימָ֞ן כָּל־אֶ֣רֶץ הַֽכְּנַעֲנִ֗י וּמְעָרָ֛ה אֲשֶׁ֥ר לַצִּידֹנִ֖ים עַד־אֲפֵ֑קָה עַ֖ד גְּב֥וּל הָאֱמֹרִֽי׃

miţé̇ymá֞n ká̇l־ʼe֣reẕ haֽkĕ̇naʻàni֗y ẇmĕʻárá֛h ʼàşě֥r laẕi̇ydòni֖ym ʻad־ʼàpé֑qáh ʻa֖d gĕ̇b֥ẇl háʼèmòriֽy׃

5
וְהָאָ֣רֶץ הַגִּבְלִ֗י וְכָל־הַלְּבָנֹון֙ מִזְרַ֣ח הַשֶּׁ֔מֶשׁ מִבַּ֣עַל גָּ֔ד תַּ֖חַת הַר־חֶרְמֹ֑ון עַ֖ד לְבֹ֥וא חֲמָֽת׃

wĕháʼá֣reẕ hagi̇bĕli֗y wĕkál־halĕ̇bánòwn֙ mizĕra֣ẖ haşė̌֔meş̌ mibȧ֣ʻal gá̇֔d ţȧ֖ẖaţ har־ẖerĕmò֑wn ʻa֖d lĕbò֥wʼ ẖàmáֽţ׃

6
כָּל־יֹשְׁבֵ֣י הָ֠הָר מִֽן־הַלְּבָנֹ֞ון עַד־מִשְׂרְפֹ֥ת מַ֨יִם֙ כָּל־צִ֣ידֹנִ֔ים אָֽנֹכִי֙ אֹורִישֵׁ֔ם מִפְּנֵ֖י בְּנֵ֣י יִשְׂרָאֵ֑ל רַ֠ק הַפִּלֶ֤הָ לְיִשְׂרָאֵל֙ בְּֽנַחֲלָ֔ה כַּאֲשֶׁ֖ר צִוִּיתִֽיךָ׃

ká̇l־yòşĕ̌bé֣y há֠hár miֽn־halĕ̇bánò֞wn ʻad־mişĕ̂rĕpò֥ţ ma֨yim֙ ká̇l־ẕi֣ydòni֔ym ʼáֽnòkiy֙ ʼòwriyşé̌֔m mipĕ̇né֖y bĕ̇né֣y yişĕ̂ráʼé֑l ra֠q hapi̇le֤há lĕyişĕ̂ráʼél֙ bĕֽ̇naẖàlá֔h kȧʼàşě֖r ẕiwi̇yţiֽyká׃

7
וְעַתָּ֗ה חַלֵּ֞ק אֶת־הָאָ֧רֶץ הַזֹּ֛את בְּנַחֲלָ֖ה לְתִשְׁעַ֣ת הַשְּׁבָטִ֑ים וַחֲצִ֖י הַשֵּׁ֥בֶט הַֽמְנַשֶּֽׁה׃

wĕʻaţá̇֗h ẖalé̇֞q ʼeţ־háʼá֧reẕ hazò֛̇ʼţ bĕ̇naẖàlá֖h lĕţişĕ̌ʻa֣ţ haşĕ̇̌báti֑ym waẖàẕi֖y haşé֥̇̌bet haֽmĕnaşėֽ̌h׃

8
עִמֹּ֗ו הָרֽאוּבֵנִי֙ וְהַגָּדִ֔י לָקְח֖וּ נַחֲלָתָ֑ם אֲשֶׁר֩ נָתַ֨ן לָהֶ֜ם מֹשֶׁ֗ה בְּעֵ֤בֶר הַיַּרְדֵּן֙ מִזְרָ֔חָה כַּאֲשֶׁר֙ נָתַ֣ן לָהֶ֔ם מֹשֶׁ֖ה עֶ֥בֶד יְהוָֽה׃

ʻimò̇֗w hárֽʼẇbéniy֙ wĕhagá̇di֔y láqĕẖ֖ẇ naẖàláţá֑m ʼàşěr֩ náţa֨n láhe֜m mòşě֗h bĕ̇ʻé֤ber hayȧrĕdé̇n֙ mizĕrá֔ẖáh kȧʼàşěr֙ náţa֣n láhe֔m mòşě֖h ʻe֥bed yĕhwáֽh׃

9
מֵעֲרֹועֵ֡ר אֲשֶׁר֩ עַל־שְׂפַת־נַ֨חַל אַרְנֹ֜ון וְהָעִ֨יר אֲשֶׁ֧ר בְּתֹוךְ־הַנַּ֛חַל וְכָל־הַמִּישֹׁ֥ר מֵידְבָ֖א עַד־דִּיבֹֽון׃

méʻàròwʻé֡r ʼàşěr֩ ʻal־şĕ̂paţ־na֨ẖal ʼarĕnò֜wn wĕháʻi֨yr ʼàşě֧r bĕ̇ţòwkĕ־hanȧ֛ẖal wĕkál־hami̇yşò֥̌r méydĕbá֖ʼ ʻad־di̇ybòֽwn׃

10
וְכֹ֗ל עָרֵי֙ סִיחֹון֙ מֶ֣לֶךְ הָאֱמֹרִ֔י אֲשֶׁ֥ר מָלַ֖ךְ בְּחֶשְׁבֹּ֑ון עַד־גְּב֖וּל בְּנֵ֥י עַמֹּֽון׃

wĕkò֗l ʻáréy֙ siyẖòwn֙ me֣lekĕ háʼèmòri֔y ʼàşě֥r mála֖kĕ bĕ̇ẖeşĕ̌bò֑̇wn ʻad־gĕ̇b֖ẇl bĕ̇né֥y ʻamòֽ̇wn׃

11
וְהַגִּלְעָ֞ד וּגְב֧וּל הַגְּשׁוּרִ֣י וְהַמַּעֲכָתִ֗י וְכֹ֨ל הַ֥ר חֶרְמֹ֛ון וְכָל־הַבָּשָׁ֖ן עַד־סַלְכָֽה׃

wĕhagi̇lĕʻá֞d ẇgĕb֧ẇl hagĕ̇ş̌ẇri֣y wĕhamȧʻàkáţi֗y wĕkò֨l ha֥r ẖerĕmò֛wn wĕkál־habá̇şá֖̌n ʻad־salĕkáֽh׃

12
כָּל־מַמְלְכ֥וּת עֹוג֙ בַּבָּשָׁ֔ן אֲשֶׁר־מָלַ֥ךְ בְּעַשְׁתָּרֹ֖ות וּבְאֶדְרֶ֑עִי ה֤וּא נִשְׁאַר֙ מִיֶּ֣תֶר הָרְפָאִ֔ים וַיַּכֵּ֥ם מֹשֶׁ֖ה וַיֹּרִשֵֽׁם׃

ká̇l־mamĕlĕk֥ẇţ ʻòwg֙ bȧbá̇şá̌֔n ʼàşěr־mála֥kĕ bĕ̇ʻaşĕ̌ţá̇rò֖wţ ẇbĕʼedĕre֑ʻiy h֤ẇʼ nişĕ̌ʼar֙ miyė֣ţer hárĕpáʼi֔ym wayȧké֥̇m mòşě֖h wayò̇rişéֽ̌m׃

13
וְלֹ֤א הֹורִ֨ישׁוּ֙ בְּנֵ֣י יִשְׂרָאֵ֔ל אֶת־הַגְּשׁוּרִ֖י וְאֶת־הַמַּעֲכָתִ֑י וַיֵּ֨שֶׁב גְּשׁ֤וּר וּמַֽעֲכָת֙ בְּקֶ֣רֶב יִשְׂרָאֵ֔ל עַ֖ד הַיֹּ֥ום הַזֶּֽה׃

wĕlò֤ʼ hòwri֨yş̌ẇ֙ bĕ̇né֣y yişĕ̂ráʼé֔l ʼeţ־hagĕ̇ş̌ẇri֖y wĕʼeţ־hamȧʻàkáţi֑y wayé̇֨şěb gĕ̇ş֤̌ẇr ẇmaֽʻàkáţ֙ bĕ̇qe֣reb yişĕ̂ráʼé֔l ʻa֖d hayò֥̇wm hazėֽh׃

14
רַ֚ק לְשֵׁ֣בֶט הַלֵּוִ֔י לֹ֥א נָתַ֖ן נַחֲלָ֑ה אִשֵּׁ֨י יְהוָ֜ה אֱלֹהֵ֤י יִשְׂרָאֵל֙ ה֣וּא נַחֲלָתֹ֔ו כַּאֲשֶׁ֖ר דִּבֶּר־לֹֽו׃ ס

ra֚q lĕşé֣̌bet halé̇wi֔y lò֥ʼ náţa֖n naẖàlá֑h ʼişé̇̌֨y yĕhwá֜h ʼèlòhé֤y yişĕ̂ráʼél֙ h֣ẇʼ naẖàláţò֔w kȧʼàşě֖r di̇bėr־lòֽw׃ s

15
וַיִּתֵּ֣ן מֹשֶׁ֔ה לְמַטֵּ֥ה בְנֵֽי־רְאוּבֵ֖ן לְמִשְׁפְּחֹתָֽם׃

wayi̇ţé֣̇n mòşě֔h lĕmaté֥̇h bĕnéֽy־rĕʼẇbé֖n lĕmişĕ̌pĕ̇ẖòţáֽm׃

16
וַיְהִ֨י לָהֶ֜ם הַגְּב֗וּל מֵעֲרֹועֵ֡ר אֲשֶׁר֩ עַל־שְׂפַת־נַ֨חַל אַרְנֹ֜ון וְהָעִ֨יר אֲשֶׁ֧ר בְּתֹוךְ־הַנַּ֛חַל וְכָל־הַמִּישֹׁ֖ר עַל־מֵידְבָֽא׃

wayĕhi֨y láhe֜m hagĕ̇b֗ẇl méʻàròwʻé֡r ʼàşěr֩ ʻal־şĕ̂paţ־na֨ẖal ʼarĕnò֜wn wĕháʻi֨yr ʼàşě֧r bĕ̇ţòwkĕ־hanȧ֛ẖal wĕkál־hami̇yşò֖̌r ʻal־méydĕbáֽʼ׃

17
חֶשְׁבֹּ֥ון וְכָל־עָרֶ֖יהָ אֲשֶׁ֣ר בַּמִּישֹׁ֑ר דִּיבֹון֙ וּבָמֹ֣ות בַּ֔עַל וּבֵ֖ית בַּ֥עַל מְעֹֽון׃

ẖeşĕ̌bò֥̇wn wĕkál־ʻáre֖yhá ʼàşě֣r bȧmi̇yşò֑̌r di̇ybòwn֙ ẇbámò֣wţ bȧ֔ʻal ẇbé֖yţ bȧ֥ʻal mĕʻòֽwn׃

18
וְיַ֥הְצָה וּקְדֵמֹ֖ת וּמֵפָֽעַת׃

wĕya֥hĕẕáh ẇqĕdémò֖ţ ẇmépáֽʻaţ׃

19
וְקִרְיָתַ֣יִם וְשִׂבְמָ֔ה וְצֶ֥רֶת הַשַּׁ֖חַר בְּהַ֥ר הָעֵֽמֶק׃

wĕqirĕyáţa֣yim wĕşîbĕmá֔h wĕẕe֥reţ haşȧ֖̌ẖar bĕ̇ha֥r háʻéֽmeq׃

20
וּבֵ֥ית פְּעֹ֛ור וְאַשְׁדֹּ֥ות הַפִּסְגָּ֖ה וּבֵ֥ית הַיְשִׁמֹֽות׃

ẇbé֥yţ pĕ̇ʻò֛wr wĕʼaşĕ̌dò֥̇wţ hapi̇sĕgá֖̇h ẇbé֥yţ hayĕşǐmòֽwţ׃

21
וְכֹל֙ עָרֵ֣י הַמִּישֹׁ֔ר וְכָֽל־מַמְלְכ֗וּת סִיחֹון֙ מֶ֣לֶךְ הָאֱמֹרִ֔י אֲשֶׁ֥ר מָלַ֖ךְ בְּחֶשְׁבֹּ֑ון אֲשֶׁר֩ הִכָּ֨ה מֹשֶׁ֜ה אֹתֹ֣ו׀ וְאֶת־נְשִׂיאֵ֣י מִדְיָ֗ן אֶת־אֱוִ֤י וְאֶת־רֶ֨קֶם֙ וְאֶת־צ֤וּר וְאֶת־חוּר֙ וְאֶת־רֶ֔בַע נְסִיכֵ֣י סִיחֹ֔ון יֹשְׁבֵ֖י הָאָֽרֶץ׃

wĕkòl֙ ʻáré֣y hami̇yşò̌֔r wĕkáֽl־mamĕlĕk֗ẇţ siyẖòwn֙ me֣lekĕ háʼèmòri֔y ʼàşě֥r mála֖kĕ bĕ̇ẖeşĕ̌bò֑̇wn ʼàşěr֩ hiká̇֨h mòşě֜h ʼòţò֣w׀ wĕʼeţ־nĕşîyʼé֣y midĕyá֗n ʼeţ־ʼèwi֤y wĕʼeţ־re֨qem֙ wĕʼeţ־ẕ֤ẇr wĕʼeţ־ẖẇr֙ wĕʼeţ־re֔baʻ nĕsiyké֣y siyẖò֔wn yòşĕ̌bé֖y háʼáֽreẕ׃

22
וְאֶת־בִּלְעָ֥ם בֶּן־בְּעֹ֖ור הַקֹּוסֵ֑ם הָרְג֧וּ בְנֵֽי־יִשְׂרָאֵ֛ל בַּחֶ֖רֶב אֶל־חַלְלֵיהֶֽם׃

wĕʼeţ־bi̇lĕʻá֥m bėn־bĕ̇ʻò֖wr haqò̇wsé֑m hárĕg֧ẇ bĕnéֽy־yişĕ̂ráʼé֛l bȧẖe֖reb ʼel־ẖalĕléyheֽm׃

23
וַיְהִ֗י גְּבוּל֙ בְּנֵ֣י רְאוּבֵ֔ן הַיַּרְדֵּ֖ן וּגְב֑וּל זֹ֣את נַחֲלַ֤ת בְּנֵֽי־רְאוּבֵן֙ לְמִשְׁפְּחֹתָ֔ם הֶעָרִ֖ים וְחַצְרֵיהֶֽן׃ פ

wayĕhi֗y gĕ̇bẇl֙ bĕ̇né֣y rĕʼẇbé֔n hayȧrĕdé֖̇n ẇgĕb֑ẇl zò֣ʼţ naẖàla֤ţ bĕ̇néֽy־rĕʼẇbén֙ lĕmişĕ̌pĕ̇ẖòţá֔m heʻári֖ym wĕẖaẕĕréyheֽn׃ p

24
וַיִּתֵּ֤ן מֹשֶׁה֙ לְמַטֵּה־גָ֔ד לִבְנֵי־גָ֖ד לְמִשְׁפְּחֹתָֽם׃

wayi̇ţé֤̇n mòşěh֙ lĕmaté̇h־gá֔d libĕnéy־gá֖d lĕmişĕ̌pĕ̇ẖòţáֽm׃

25
וַיְהִ֤י לָהֶם֙ הַגְּב֔וּל יַעְזֵר֙ וְכָל־עָרֵ֣י הַגִּלְעָ֔ד וַחֲצִ֕י אֶ֖רֶץ בְּנֵ֣י עַמֹּ֑ון עַד־עֲרֹועֵ֕ר אֲשֶׁ֖ר עַל־פְּנֵ֥י רַבָּֽה׃

wayĕhi֤y láhem֙ hagĕ̇b֔ẇl yaʻĕzér֙ wĕkál־ʻáré֣y hagi̇lĕʻá֔d waẖàẕi֕y ʼe֖reẕ bĕ̇né֣y ʻamò֑̇wn ʻad־ʻàròwʻé֕r ʼàşě֖r ʻal־pĕ̇né֥y rabáֽ̇h׃

26
וּמֵחֶשְׁבֹּ֛ון עַד־רָמַ֥ת הַמִּצְפֶּ֖ה וּבְטֹנִ֑ים וּמִֽמַּחֲנַ֖יִם עַד־גְּב֥וּל לִדְבִֽר׃

ẇméẖeşĕ̌bò֛̇wn ʻad־ráma֥ţ hami̇ẕĕpė֖h ẇbĕtòni֑ym ẇmiֽmȧẖàna֖yim ʻad־gĕ̇b֥ẇl lidĕbiֽr׃

27
וּבָעֵ֡מֶק בֵּ֣ית הָרָם֩ וּבֵ֨ית נִמְרָ֜ה וְסֻכֹּ֣ות וְצָפֹ֗ון יֶ֚תֶר מַמְלְכ֗וּת סִיחֹון֙ מֶ֣לֶךְ חֶשְׁבֹּ֔ון הַיַּרְדֵּ֖ן וּגְבֻ֑ל עַד־קְצֵה֙ יָם־כִּנֶּ֔רֶת עֵ֥בֶר הַיַּרְדֵּ֖ן מִזְרָֽחָה׃

ẇbáʻé֡meq bé֣̇yţ hárám֩ ẇbé֨yţ nimĕrá֜h wĕsukò֣̇wţ wĕẕápò֗wn ye֚ţer mamĕlĕk֗ẇţ siyẖòwn֙ me֣lekĕ ẖeşĕ̌bò̇֔wn hayȧrĕdé֖̇n ẇgĕbu֑l ʻad־qĕẕéh֙ yám־ki̇nė֔reţ ʻé֥ber hayȧrĕdé֖̇n mizĕráֽẖáh׃

28
זֹ֛את נַחֲלַ֥ת בְּנֵי־גָ֖ד לְמִשְׁפְּחֹתָ֑ם הֶעָרִ֖ים וְחַצְרֵיהֶֽם׃

zò֛ʼţ naẖàla֥ţ bĕ̇néy־gá֖d lĕmişĕ̌pĕ̇ẖòţá֑m heʻári֖ym wĕẖaẕĕréyheֽm׃

29
וַיִּתֵּ֣ן מֹשֶׁ֔ה לַחֲצִ֖י שֵׁ֣בֶט מְנַשֶּׁ֑ה וַיְהִ֗י לַחֲצִ֛י מַטֵּ֥ה בְנֵֽי־מְנַשֶּׁ֖ה לְמִשְׁפְּחֹותָֽם׃

wayi̇ţé֣̇n mòşě֔h laẖàẕi֖y şé֣̌bet mĕnaşė֑̌h wayĕhi֗y laẖàẕi֛y maté֥̇h bĕnéֽy־mĕnaşė֖̌h lĕmişĕ̌pĕ̇ẖòwţáֽm׃

30
וַיְהִ֣י גְבוּלָ֗ם מִמַּחֲנַ֨יִם כָּֽל־הַבָּשָׁ֜ן כָּֽל־מַמְלְכ֣וּת׀ עֹ֣וג מֶֽלֶךְ־הַבָּשָׁ֗ן וְכָל־חַוֹּ֥ת יָאִ֛יר אֲשֶׁ֥ר בַּבָּשָׁ֖ן שִׁשִּׁ֥ים עִֽיר׃

wayĕhi֣y gĕbẇlá֗m mimȧẖàna֨yim káֽ̇l־habá̇şá̌֜n káֽ̇l־mamĕlĕk֣ẇţ׀ ʻò֣wg meֽlekĕ־habá̇şá̌֗n wĕkál־ẖawò֥̇ţ yáʼi֛yr ʼàşě֥r bȧbá̇şá֖̌n şǐşi֥̇̌ym ʻiֽyr׃

31
וַחֲצִ֤י הַגִּלְעָד֙ וְעַשְׁתָּרֹ֣ות וְאֶדְרֶ֔עִי עָרֵ֛י מַמְלְכ֥וּת עֹ֖וג בַּבָּשָׁ֑ן לִבְנֵ֤י מָכִיר֙ בֶּן־מְנַשֶּׁ֔ה לַחֲצִ֥י בְנֵֽי־מָכִ֖יר לְמִשְׁפְּחֹותָֽם׃

waẖàẕi֤y hagi̇lĕʻád֙ wĕʻaşĕ̌ţá̇rò֣wţ wĕʼedĕre֔ʻiy ʻáré֛y mamĕlĕk֥ẇţ ʻò֖wg bȧbá̇şá֑̌n libĕné֤y mákiyr֙ bėn־mĕnaşė̌֔h laẖàẕi֥y bĕnéֽy־máki֖yr lĕmişĕ̌pĕ̇ẖòwţáֽm׃

32
אֵ֕לֶּה אֲשֶׁר־נִחַ֥ל מֹשֶׁ֖ה בְּעַֽרְבֹ֣ות מֹואָ֑ב מֵעֵ֛בֶר לְיַרְדֵּ֥ן יְרִיחֹ֖ו מִזְרָֽחָה׃ ס

ʼé֕lėh ʼàşěr־niẖa֥l mòşě֖h bĕ̇ʻaֽrĕbò֣wţ mòwʼá֑b méʻé֛ber lĕyarĕdé֥̇n yĕriyẖò֖w mizĕráֽẖáh׃ s

33
וּלְשֵׁ֨בֶט֙ הַלֵּוִ֔י לֹֽא־נָתַ֥ן מֹשֶׁ֖ה נַחֲלָ֑ה יְהוָ֞ה אֱלֹהֵ֤י יִשְׂרָאֵל֙ ה֣וּא נַחֲלָתָ֔ם כַּאֲשֶׁ֖ר דִּבֶּ֥ר לָהֶֽם׃

ẇlĕşé̌֨bet֙ halé̇wi֔y lòֽʼ־náţa֥n mòşě֖h naẖàlá֑h yĕhwá֞h ʼèlòhé֤y yişĕ̂ráʼél֙ h֣ẇʼ naẖàláţá֔m kȧʼàşě֖r di̇bė֥r láheֽm׃