Bibles in ancient languages
Old translations
Modern translations

Biblia Hebraica Stuttgartensia Josué 17:3

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֤י הַגֹּורָל֙ לְמַטֵּ֣ה מְנַשֶּׁ֔ה כִּי־ה֖וּא בְּכֹ֣ור יֹוסֵ֑ף לְמָכִיר֩ בְּכֹ֨ור מְנַשֶּׁ֜ה אֲבִ֣י הַגִּלְעָ֗ד כִּ֣י ה֤וּא הָיָה֙ אִ֣ישׁ מִלְחָמָ֔ה וַֽיְהִי־לֹ֖ו הַגִּלְעָ֥ד וְהַבָּשָֽׁן׃

wayĕhi֤y hagò̇wrál֙ lĕmaté֣̇h mĕnaşė̌֔h ki̇y־h֖ẇʼ bĕ̇kò֣wr yòwsé֑p lĕmákiyr֩ bĕ̇kò֨wr mĕnaşė̌֜h ʼàbi֣y hagi̇lĕʻá֗d ki֣̇y h֤ẇʼ háyáh֙ ʼi֣yş̌ milĕẖámá֔h waֽyĕhiy־lò֖w hagi̇lĕʻá֥d wĕhabá̇şáֽ̌n׃

2
וַ֠יְהִי לִבְנֵ֨י מְנַשֶּׁ֥ה הַנֹּותָרִים֮ לְמִשְׁפְּחֹתָם֒ לִבְנֵ֨י אֲבִיעֶ֜זֶר וְלִבְנֵי־חֵ֗לֶק וְלִבְנֵ֤י אַשְׂרִיאֵל֙ וְלִבְנֵי־שֶׁ֔כֶם וְלִבְנֵי־חֵ֖פֶר וְלִבְנֵ֣י שְׁמִידָ֑ע אֵ֠לֶּה בְּנֵ֨י מְנַשֶּׁ֧ה בֶּן־יֹוסֵ֛ף הַזְּכָרִ֖ים לְמִשְׁפְּחֹתָֽם׃

wa֠yĕhiy libĕné֨y mĕnaşė֥̌h hanò̇wţáriym֮ lĕmişĕ̌pĕ̇ẖòţám֒ libĕné֨y ʼàbiyʻe֜zer wĕlibĕnéy־ẖé֗leq wĕlibĕné֤y ʼaşĕ̂riyʼél֙ wĕlibĕnéy־şě֔kem wĕlibĕnéy־ẖé֖per wĕlibĕné֣y şĕ̌miydá֑ʻ ʼé֠lėh bĕ̇né֨y mĕnaşė֧̌h bėn־yòwsé֛p hazĕ̇kári֖ym lĕmişĕ̌pĕ̇ẖòţáֽm׃

3
וְלִצְלָפְחָד֩ בֶּן־חֵ֨פֶר בֶּן־גִּלְעָ֜ד בֶּן־מָכִ֣יר בֶּן־מְנַשֶּׁ֗ה לֹא־הָ֥יוּ לֹ֛ו בָּנִ֖ים כִּ֣י אִם־בָּנֹ֑ות וְאֵ֨לֶּה֙ שְׁמֹ֣ות בְּנֹתָ֔יו מַחְלָ֣ה וְנֹעָ֔ה חָגְלָ֥ה מִלְכָּ֖ה וְתִרְצָֽה׃

wĕliẕĕlápĕẖád֩ bėn־ẖé֨per bėn־gi̇lĕʻá֜d bėn־máki֣yr bėn־mĕnaşė̌֗h lòʼ־há֥yẇ lò֛w bá̇ni֖ym ki֣̇y ʼim־bá̇nò֑wţ wĕʼé֨lėh֙ şĕ̌mò֣wţ bĕ̇nòţá֔yw maẖĕlá֣h wĕnòʻá֔h ẖágĕlá֥h milĕká֖̇h wĕţirĕẕáֽh׃

4
וַתִּקְרַ֡בְנָה לִפְנֵי֩ אֶלְעָזָ֨ר הַכֹּהֵ֜ן וְלִפְנֵ֣י׀ יְהֹושֻׁ֣עַ בִּן־נ֗וּן וְלִפְנֵ֤י הַנְּשִׂיאִים֙ לֵאמֹ֔ר יְהוָה֙ צִוָּ֣ה אֶת־מֹשֶׁ֔ה לָֽתֶת־לָ֥נוּ נַחֲלָ֖ה בְּתֹ֣וךְ אַחֵ֑ינוּ וַיִּתֵּ֨ן לָהֶ֜ם אֶל־פִּ֤י יְהוָה֙ נַֽחֲלָ֔ה בְּתֹ֖וךְ אֲחֵ֥י אֲבִיהֶֽן׃

waţi̇qĕra֡bĕnáh lipĕnéy֩ ʼelĕʻázá֨r hakò̇hé֜n wĕlipĕné֣y׀ yĕhòwşǔ֣ʻa bi̇n־n֗ẇn wĕlipĕné֤y hanĕ̇şîyʼiym֙ léʼmò֔r yĕhwáh֙ ẕiwá֣̇h ʼeţ־mòşě֔h láֽţeţ־lá֥nẇ naẖàlá֖h bĕ̇ţò֣wkĕ ʼaẖé֑ynẇ wayi̇ţé̇֨n láhe֜m ʼel־pi֤̇y yĕhwáh֙ naֽẖàlá֔h bĕ̇ţò֖wkĕ ʼàẖé֥y ʼàbiyheֽn׃

5
וַיִּפְּל֥וּ חַבְלֵֽי־מְנַשֶּׁ֖ה עֲשָׂרָ֑ה לְבַ֞ד מֵאֶ֤רֶץ הַגִּלְעָד֙ וְהַבָּשָׁ֔ן אֲשֶׁ֖ר מֵעֵ֥בֶר לַיַּרְדֵּֽן׃

wayi̇pĕ̇l֥ẇ ẖabĕléֽy־mĕnaşė֖̌h ʻàşá̂rá֑h lĕba֞d méʼe֤reẕ hagi̇lĕʻád֙ wĕhabá̇şá̌֔n ʼàşě֖r méʻé֥ber layȧrĕdéֽ̇n׃

6
כִּ֚י בְּנֹ֣ות מְנַשֶּׁ֔ה נָחֲל֥וּ נַחֲלָ֖ה בְּתֹ֣וךְ בָּנָ֑יו וְאֶ֨רֶץ֙ הַגִּלְעָ֔ד הָיְתָ֥ה לִבְנֵֽי־מְנַשֶּׁ֖ה הַנֹּֽותָרִֽים׃

ki֚̇y bĕ̇nò֣wţ mĕnaşė̌֔h náẖàl֥ẇ naẖàlá֖h bĕ̇ţò֣wkĕ bá̇ná֑yw wĕʼe֨reẕ֙ hagi̇lĕʻá֔d háyĕţá֥h libĕnéֽy־mĕnaşė֖̌h hanòֽ̇wţáriֽym׃

7
וַיְהִ֤י גְבוּל־מְנַשֶּׁה֙ מֵֽאָשֵׁ֔ר הַֽמִּכְמְתָ֔ת אֲשֶׁ֖ר עַל־פְּנֵ֣י שְׁכֶ֑ם וְהָלַ֤ךְ הַגְּבוּל֙ אֶל־הַיָּמִ֔ין אֶל־יֹשְׁבֵ֖י עֵ֥ין תַּפּֽוּחַ׃

wayĕhi֤y gĕbẇl־mĕnaşė̌h֙ méֽʼáşé̌֔r haֽmi̇kĕmĕţá֔ţ ʼàşě֖r ʻal־pĕ̇né֣y şĕ̌ke֑m wĕhála֤kĕ hagĕ̇bẇl֙ ʼel־hayá̇mi֔yn ʼel־yòşĕ̌bé֖y ʻé֥yn ţȧṗֽẇẖa׃

8
לִמְנַשֶּׁ֕ה הָיְתָ֖ה אֶ֣רֶץ תַּפּ֑וּחַ וְתַפּ֛וּחַ אֶל־גְּב֥וּל מְנַשֶּׁ֖ה לִבְנֵ֥י אֶפְרָֽיִם׃

limĕnaşė̌֕h háyĕţá֖h ʼe֣reẕ ţȧṗ֑ẇẖa wĕţaṗ֛ẇẖa ʼel־gĕ̇b֥ẇl mĕnaşė֖̌h libĕné֥y ʼepĕráֽyim׃

9
וְיָרַ֣ד הַגְּבוּל֩ נַ֨חַל קָנָ֜ה נֶ֣גְבָּה לַנַּ֗חַל עָרִ֤ים הָאֵ֨לֶּה֙ לְאֶפְרַ֔יִם בְּתֹ֖וךְ עָרֵ֣י מְנַשֶּׁ֑ה וּגְב֤וּל מְנַשֶּׁה֙ מִצְּפֹ֣ון לַנַּ֔חַל וַיְהִ֥י תֹצְאֹתָ֖יו הַיָּֽמָּה׃

wĕyára֣d hagĕ̇bẇl֩ na֨ẖal qáná֜h ne֣gĕbá̇h lanȧ֗ẖal ʻári֤ym háʼé֨lėh֙ lĕʼepĕra֔yim bĕ̇ţò֖wkĕ ʻáré֣y mĕnaşė֑̌h ẇgĕb֤ẇl mĕnaşė̌h֙ miẕĕ̇pò֣wn lanȧ֔ẖal wayĕhi֥y ţòẕĕʼòţá֖yw hayáֽ̇má̇h׃

10
נֶ֣גְבָּה לְאֶפְרַ֗יִם וְצָפֹ֨ונָה֙ לִמְנַשֶּׁ֔ה וַיְהִ֥י הַיָּ֖ם גְּבוּלֹ֑ו וּבְאָשֵׁר֙ יִפְגְּע֣וּן מִצָּפֹ֔ון וּבְיִשָּׂשכָ֖ר מִמִּזְרָֽח׃

ne֣gĕbá̇h lĕʼepĕra֗yim wĕẕápò֨wnáh֙ limĕnaşė̌֔h wayĕhi֥y hayá֖̇m gĕ̇bẇlò֑w ẇbĕʼáşé̌r֙ yipĕgĕ̇ʻ֣ẇn miẕá̇pò֔wn ẇbĕyişá̇̂şká֖r mimi̇zĕráֽẖ׃

11
וַיְהִ֨י לִמְנַשֶּׁ֜ה בְּיִשָּׂשכָ֣ר וּבְאָשֵׁ֗ר בֵּית־שְׁאָ֣ן וּ֠בְנֹותֶיהָ וְיִבְלְעָ֨ם וּבְנֹותֶ֜יהָ וְֽאֶת־יֹשְׁבֵ֧י דֹ֣אר וּבְנֹותֶ֗יהָ וְיֹשְׁבֵ֤י עֵֽין־דֹּר֙ וּבְנֹתֶ֔יהָ וְיֹשְׁבֵ֤י תַעְנַךְ֙ וּבְנֹתֶ֔יהָ וְיֹשְׁבֵ֥י מְגִדֹּ֖ו וּבְנֹותֶ֑יהָ שְׁלֹ֖שֶׁת הַנָּֽפֶת׃

wayĕhi֨y limĕnaşė̌֜h bĕ̇yişá̇̂şká֣r ẇbĕʼáşé̌֗r bé̇yţ־şĕ̌ʼá֣n ẇ֠bĕnòwţeyhá wĕyibĕlĕʻá֨m ẇbĕnòwţe֜yhá wĕֽʼeţ־yòşĕ̌bé֧y dò֣ʼr ẇbĕnòwţe֗yhá wĕyòşĕ̌bé֤y ʻéֽyn־dò̇r֙ ẇbĕnòţe֔yhá wĕyòşĕ̌bé֤y ţaʻĕnakĕ֙ ẇbĕnòţe֔yhá wĕyòşĕ̌bé֥y mĕgidò֖̇w ẇbĕnòwţe֑yhá şĕ̌lò֖şěţ hanáֽ̇peţ׃

12
וְלֹ֤א יָכְלוּ֙ בְּנֵ֣י מְנַשֶּׁ֔ה לְהֹורִ֖ישׁ אֶת־הֶֽעָרִ֣ים הָאֵ֑לֶּה וַיֹּ֨ואֶל֙ הַֽכְּנַעֲנִ֔י לָשֶׁ֖בֶת בָּאָ֥רֶץ הַזֹּֽאת׃

wĕlò֤ʼ yákĕlẇ֙ bĕ̇né֣y mĕnaşė̌֔h lĕhòwri֖yş̌ ʼeţ־heֽʻári֣ym háʼé֑lėh wayò̇֨wʼel֙ haֽkĕ̇naʻàni֔y láşě֖beţ bá̇ʼá֥reẕ hazòֽ̇ʼţ׃

13
וַֽיְהִ֗י כִּ֤י חָֽזְקוּ֙ בְּנֵ֣י יִשְׂרָאֵ֔ל וַיִּתְּנ֥וּ אֶת־הַֽכְּנַעֲנִ֖י לָמַ֑ס וְהֹורֵ֖שׁ לֹ֥א הֹורִישֹֽׁו׃ ס

waֽyĕhi֗y ki֤̇y ẖáֽzĕqẇ֙ bĕ̇né֣y yişĕ̂ráʼé֔l wayi̇ţĕ̇n֥ẇ ʼeţ־haֽkĕ̇naʻàni֖y láma֑s wĕhòwré֖ş̌ lò֥ʼ hòwriyşòֽ̌w׃ s

14
וַֽיְדַבְּרוּ֙ בְּנֵ֣י יֹוסֵ֔ף אֶת־יְהֹושֻׁ֖עַ לֵאמֹ֑ר מַדּוּעַ֩ נָתַ֨תָּה לִּ֜י נַחֲלָ֗ה גֹּורָ֤ל אֶחָד֙ וְחֶ֣בֶל אֶחָ֔ד וַֽאֲנִ֣י עַם־רָ֔ב עַ֥ד אֲשֶׁר־עַד־כֹּ֖ה בֵּֽרְכַ֥נִי יְהוָֽה׃

waֽyĕdabĕ̇rẇ֙ bĕ̇né֣y yòwsé֔p ʼeţ־yĕhòwşǔ֖ʻa léʼmò֑r maḋẇʻa֩ náţa֨ţá̇h li̇֜y naẖàlá֗h gò̇wrá֤l ʼeẖád֙ wĕẖe֣bel ʼeẖá֔d waֽʼàni֣y ʻam־rá֔b ʻa֥d ʼàşěr־ʻad־kò֖̇h béֽ̇rĕka֥niy yĕhwáֽh׃

15
וַיֹּ֨אמֶר אֲלֵיהֶ֜ם יְהֹושֻׁ֗עַ אִם־עַם־רַ֤ב אַתָּה֙ עֲלֵ֣ה לְךָ֣ הַיַּ֔עְרָה וּבֵרֵאתָ֤ לְךָ֙ שָׁ֔ם בְּאֶ֥רֶץ הַפְּרִזִּ֖י וְהָֽרְפָאִ֑ים כִּֽי־אָ֥ץ לְךָ֖ הַר־אֶפְרָֽיִם׃

wayò̇֨ʼmer ʼàléyhe֜m yĕhòwşǔ֗ʻa ʼim־ʻam־ra֤b ʼaţá̇h֙ ʻàlé֣h lĕká֣ hayȧ֔ʻĕráh ẇbéréʼţá֤ lĕká֙ şá̌֔m bĕ̇ʼe֥reẕ hapĕ̇rizi֖̇y wĕháֽrĕpáʼi֑ym kiֽ̇y־ʼá֥ẕ lĕká֖ har־ʼepĕráֽyim׃

16
וַיֹּֽאמְרוּ֙ בְּנֵ֣י יֹוסֵ֔ף לֹֽא־יִמָּ֥צֵא לָ֖נוּ הָהָ֑ר וְרֶ֣כֶב בַּרְזֶ֗ל בְּכָל־הַֽכְּנַעֲנִי֙ הַיֹּשֵׁ֣ב בְּאֶֽרֶץ־הָעֵ֔מֶק לַֽאֲשֶׁ֤ר בְּבֵית־שְׁאָן֙ וּבְנֹותֶ֔יהָ וְלַֽאֲשֶׁ֖ר בְּעֵ֥מֶק יִזְרְעֶֽאל׃

wayòֽ̇ʼmĕrẇ֙ bĕ̇né֣y yòwsé֔p lòֽʼ־yimá֥̇ẕéʼ lá֖nẇ háhá֑r wĕre֣keb bȧrĕze֗l bĕ̇kál־haֽkĕ̇naʻàniy֙ hayò̇şé֣̌b bĕ̇ʼeֽreẕ־háʻé֔meq laֽʼàşě֤r bĕ̇béyţ־şĕ̌ʼán֙ ẇbĕnòwţe֔yhá wĕlaֽʼàşě֖r bĕ̇ʻé֥meq yizĕrĕʻeֽʼl׃

17
וַיֹּ֤אמֶר יְהֹושֻׁ֨עַ֙ אֶל־בֵּ֣ית יֹוסֵ֔ף לְאֶפְרַ֥יִם וְלִמְנַשֶּׁ֖ה לֵאמֹ֑ר עַם־רַ֣ב אַתָּ֗ה וְכֹ֤חַ גָּדֹול֙ לָ֔ךְ לֹֽא־יִהְיֶ֥ה לְךָ֖ גֹּורָ֥ל אֶחָֽד׃

wayò֤̇ʼmer yĕhòwşǔ֨ʻa֙ ʼel־bé֣̇yţ yòwsé֔p lĕʼepĕra֥yim wĕlimĕnaşė֖̌h léʼmò֑r ʻam־ra֣b ʼaţá̇֗h wĕkò֤ẖa gá̇dòwl֙ lá֔kĕ lòֽʼ־yihĕye֥h lĕká֖ gò̇wrá֥l ʼeẖáֽd׃

18
כִּ֣י הַ֤ר יִֽהְיֶה־לָּךְ֙ כִּֽי־יַ֣עַר ה֔וּא וּבֵ֣רֵאתֹ֔ו וְהָיָ֥ה לְךָ֖ תֹּֽצְאֹתָ֑יו כִּֽי־תֹורִ֣ישׁ אֶת־הַֽכְּנַעֲנִ֗י כִּ֣י רֶ֤כֶב בַּרְזֶל֙ לֹ֔ו כִּ֥י חָזָ֖ק הֽוּא׃ פ

ki֣̇y ha֤r yiֽhĕyeh־lá̇kĕ֙ kiֽ̇y־ya֣ʻar h֔ẇʼ ẇbé֣réʼţò֔w wĕháyá֥h lĕká֖ ţòֽ̇ẕĕʼòţá֑yw kiֽ̇y־ţòwri֣yş̌ ʼeţ־haֽkĕ̇naʻàni֗y ki֣̇y re֤keb bȧrĕzel֙ lò֔w ki֥̇y ẖázá֖q hֽẇʼ׃ p