Bibles in ancient languages
Old translations
Modern translations

Biblia Hebraica Stuttgartensia Josué 22:7

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אָ֚ז יִקְרָ֣א יְהֹושֻׁ֔עַ לָרֽאוּבֵנִ֖י וְלַגָּדִ֑י וְלַחֲצִ֖י מַטֵּ֥ה מְנַשֶּֽׁה׃

ʼá֚z yiqĕrá֣ʼ yĕhòwşǔ֔ʻa lárֽʼẇbéni֖y wĕlagá̇di֑y wĕlaẖàẕi֖y maté֥̇h mĕnaşėֽ̌h׃

2
וַיֹּ֣אמֶר אֲלֵיהֶ֔ם אַתֶּ֣ם שְׁמַרְתֶּ֔ם אֵ֚ת כָּל־אֲשֶׁ֣ר צִוָּ֣ה אֶתְכֶ֔ם מֹשֶׁ֖ה עֶ֣בֶד יְהוָ֑ה וַתִּשְׁמְע֣וּ בְקֹולִ֔י לְכֹ֥ל אֲשֶׁר־צִוִּ֖יתִי אֶתְכֶֽם׃

wayò֣̇ʼmer ʼàléyhe֔m ʼaţė֣m şĕ̌marĕţė֔m ʼé֚ţ ká̇l־ʼàşě֣r ẕiwá֣̇h ʼeţĕke֔m mòşě֖h ʻe֣bed yĕhwá֑h waţi̇şĕ̌mĕʻ֣ẇ bĕqòwli֔y lĕkò֥l ʼàşěr־ẕiwi֖̇yţiy ʼeţĕkeֽm׃

3
לֹֽא־עֲזַבְתֶּ֣ם אֶת־אֲחֵיכֶ֗ם זֶ֚ה יָמִ֣ים רַבִּ֔ים עַ֖ד הַיֹּ֣ום הַזֶּ֑ה וּשְׁמַרְתֶּ֕ם אֶת־מִשְׁמֶ֕רֶת מִצְוַ֖ת יְהוָ֥ה אֱלֹהֵיכֶֽם׃

lòֽʼ־ʻàzabĕţė֣m ʼeţ־ʼàẖéyke֗m ze֚h yámi֣ym rabi̇֔ym ʻa֖d hayò֣̇wm hazė֑h ẇşĕ̌marĕţė֕m ʼeţ־mişĕ̌me֕reţ miẕĕwa֖ţ yĕhwá֥h ʼèlòhéykeֽm׃

4
וְעַתָּ֗ה הֵנִ֨יחַ יְהוָ֤ה אֱלֹֽהֵיכֶם֙ לַֽאֲחֵיכֶ֔ם כַּאֲשֶׁ֖ר דִּבֶּ֣ר לָהֶ֑ם וְעַתָּ֡ה פְּנוּ֩ וּלְכ֨וּ לָכֶ֜ם לְאָהֳלֵיכֶ֗ם אֶל־אֶ֨רֶץ֙ אֲחֻזַּתְכֶ֔ם אֲשֶׁ֣ר׀ נָתַ֣ן לָכֶ֗ם מֹשֶׁה֙ עֶ֣בֶד יְהוָ֔ה בְּעֵ֖בֶר הַיַּרְדֵּֽן׃

wĕʻaţá̇֗h héni֨yẖa yĕhwá֤h ʼèlòֽhéykem֙ laֽʼàẖéyke֔m kȧʼàşě֖r di̇bė֣r láhe֑m wĕʻaţá̇֡h pĕ̇nẇ֩ ẇlĕk֨ẇ láke֜m lĕʼáholéyke֗m ʼel־ʼe֨reẕ֙ ʼàẖuzȧţĕke֔m ʼàşě֣r׀ náţa֣n láke֗m mòşěh֙ ʻe֣bed yĕhwá֔h bĕ̇ʻé֖ber hayȧrĕdéֽ̇n׃

5
רַ֣ק׀ שִׁמְר֣וּ מְאֹ֗ד לַעֲשֹׂ֨ות אֶת־הַמִּצְוָ֣ה וְאֶת־הַתֹּורָה֮ אֲשֶׁ֣ר צִוָּ֣ה אֶתְכֶם֮ מֹשֶׁ֣ה עֶֽבֶד־יְהוָה֒ לְ֠אַהֲבָה אֶת־יְהוָ֨ה אֱלֹֽהֵיכֶ֜ם וְלָלֶ֧כֶת בְּכָל־דְּרָכָ֛יו וְלִשְׁמֹ֥ר מִצְוֹתָ֖יו וּלְדָבְקָה־בֹ֑ו וּלְעָבְדֹ֕ו בְּכָל־לְבַבְכֶ֖ם וּבְכָל־נַפְשְׁכֶֽם׃

ra֣q׀ şǐmĕr֣ẇ mĕʼò֗d laʻàşò̂֨wţ ʼeţ־hami̇ẕĕwá֣h wĕʼeţ־haţò̇wráh֮ ʼàşě֣r ẕiwá֣̇h ʼeţĕkem֮ mòşě֣h ʻeֽbed־yĕhwáh֒ lĕ֠ʼahàbáh ʼeţ־yĕhwá֨h ʼèlòֽhéyke֜m wĕlále֧keţ bĕ̇kál־dĕ̇ráká֛yw wĕlişĕ̌mò֥r miẕĕwòţá֖yw ẇlĕdábĕqáh־bò֑w ẇlĕʻábĕdò֕w bĕ̇kál־lĕbabĕke֖m ẇbĕkál־napĕşĕ̌keֽm׃

6
וַֽיְבָרְכֵ֖ם יְהֹושֻׁ֑עַ וַֽיְשַׁלְּחֵ֔ם וַיֵּלְכ֖וּ אֶל־אָהֳלֵיהֶֽם׃ ס

waֽyĕbárĕké֖m yĕhòwşǔ֑ʻa waֽyĕşǎlĕ̇ẖé֔m wayé̇lĕk֖ẇ ʼel־ʼáholéyheֽm׃ s

7
וְלַחֲצִ֣י׀ שֵׁ֣בֶט הַֽמְנַשֶּׁ֗ה נָתַ֣ן מֹשֶׁה֮ בַּבָּשָׁן֒ וּלְחֶצְיֹ֗ו נָתַ֤ן יְהֹושֻׁ֨עַ֙ עִם־אֲחֵיהֶ֔ם מֵעֵבֶר הַיַּרְדֵּ֖ן יָ֑מָּה וְ֠גַם כִּ֣י שִׁלְּחָ֧ם יְהֹושֻׁ֛עַ אֶל־אָהֳלֵיהֶ֖ם וַיְבָרֲכֵֽם׃

wĕlaẖàẕi֣y׀ şé֣̌bet haֽmĕnaşė̌֗h náţa֣n mòşěh֮ bȧbá̇şá̌n֒ ẇlĕẖeẕĕyò֗w náţa֤n yĕhòwşǔ֨ʻa֙ ʻim־ʼàẖéyhe֔m méʻéber hayȧrĕdé֖̇n yá֑má̇h wĕ֠gam ki֣̇y şǐlĕ̇ẖá֧m yĕhòwşǔ֛ʻa ʼel־ʼáholéyhe֖m wayĕbáràkéֽm׃

8
וַיֹּ֨אמֶר אֲלֵיהֶ֜ם לֵאמֹ֗ר בִּנְכָסִ֨ים רַבִּ֜ים שׁ֤וּבוּ אֶל־אָֽהֳלֵיכֶם֙ וּבְמִקְנֶ֣ה רַב־מְאֹ֔ד בְּכֶ֨סֶף וּבְזָהָ֜ב וּבִנְחֹ֧שֶׁת וּבְבַרְזֶ֛ל וּבִשְׂלָמֹ֖ות הַרְבֵּ֣ה מְאֹ֑ד חִלְק֥וּ שְׁלַל־אֹיְבֵיכֶ֖ם עִם־אֲחֵיכֶֽם׃ פ

wayò̇֨ʼmer ʼàléyhe֜m léʼmò֗r bi̇nĕkási֨ym rabi̇֜ym ş֤̌ẇbẇ ʼel־ʼáֽholéykem֙ ẇbĕmiqĕne֣h rab־mĕʼò֔d bĕ̇ke֨sep ẇbĕzáhá֜b ẇbinĕẖò֧şěţ ẇbĕbarĕze֛l ẇbişĕ̂lámò֖wţ harĕbé֣̇h mĕʼò֑d ẖilĕq֥ẇ şĕ̌lal־ʼòyĕbéyke֖m ʻim־ʼàẖéykeֽm׃ p

9
וַיָּשֻׁ֣בוּ וַיֵּלְכ֡וּ בְּנֵי־רְאוּבֵ֨ן וּבְנֵי־גָ֜ד וַחֲצִ֣י׀ שֵׁ֣בֶט הַֽמְנַשֶּׁ֗ה מֵאֵת֙ בְּנֵ֣י יִשְׂרָאֵ֔ל מִשִּׁלֹ֖ה אֲשֶׁ֣ר בְּאֶֽרֶץ־כְּנָ֑עַן לָלֶ֜כֶת אֶל־אֶ֣רֶץ הַגִּלְעָ֗ד אֶל־אֶ֤רֶץ אֲחֻזָּתָם֙ אֲשֶׁ֣ר נֹֽאחֲזוּ־בָ֔הּ עַל־פִּ֥י יְהוָ֖ה בְּיַד־מֹשֶֽׁה׃

wayá̇şǔ֣bẇ wayé̇lĕk֡ẇ bĕ̇néy־rĕʼẇbé֨n ẇbĕnéy־gá֜d waẖàẕi֣y׀ şé֣̌bet haֽmĕnaşė̌֗h méʼéţ֙ bĕ̇né֣y yişĕ̂ráʼé֔l mişi̇̌lò֖h ʼàşě֣r bĕ̇ʼeֽreẕ־kĕ̇ná֑ʻan lále֜keţ ʼel־ʼe֣reẕ hagi̇lĕʻá֗d ʼel־ʼe֤reẕ ʼàẖuzá̇ţám֙ ʼàşě֣r nòֽʼẖàzẇ־bá֔ḣ ʻal־pi֥̇y yĕhwá֖h bĕ̇yad־mòşěֽh׃

10
וַיָּבֹ֨אוּ֙ אֶל־גְּלִילֹ֣ות הַיַּרְדֵּ֔ן אֲשֶׁ֖ר בְּאֶ֣רֶץ כְּנָ֑עַן וַיִּבְנ֣וּ בְנֵי־רְאוּבֵ֣ן וּבְנֵי־גָ֡ד וַחֲצִ֣י שֵׁבֶט֩ הַֽמְנַשֶּׁ֨ה שָׁ֤ם מִזְבֵּ֨חַ֙ עַל־הַיַּרְדֵּ֔ן מִזְבֵּ֥חַ גָּדֹ֖ול לְמַרְאֶֽה׃

wayá̇bò֨ʼẇ֙ ʼel־gĕ̇liylò֣wţ hayȧrĕdé̇֔n ʼàşě֖r bĕ̇ʼe֣reẕ kĕ̇ná֑ʻan wayi̇bĕn֣ẇ bĕnéy־rĕʼẇbé֣n ẇbĕnéy־gá֡d waẖàẕi֣y şé̌bet֩ haֽmĕnaşė̌֨h şá֤̌m mizĕbé̇֨ẖa֙ ʻal־hayȧrĕdé̇֔n mizĕbé֥̇ẖa gá̇dò֖wl lĕmarĕʼeֽh׃

11
וַיִּשְׁמְע֥וּ בְנֵֽי־יִשְׂרָאֵ֖ל לֵאמֹ֑ר הִנֵּ֣ה בָנ֣וּ בְנֵֽי־רְאוּבֵ֣ן וּבְנֵי־גָ֡ד וַחֲצִי֩ שֵׁ֨בֶט הַֽמְנַשֶּׁ֜ה אֶת־הַמִּזְבֵּ֗חַ אֶל־מוּל֙ אֶ֣רֶץ כְּנַ֔עַן אֶל־גְּלִילֹות֙ הַיַּרְדֵּ֔ן אֶל־עֵ֖בֶר בְּנֵ֥י יִשְׂרָאֵֽל׃

wayi̇şĕ̌mĕʻ֥ẇ bĕnéֽy־yişĕ̂ráʼé֖l léʼmò֑r hiné֣̇h bán֣ẇ bĕnéֽy־rĕʼẇbé֣n ẇbĕnéy־gá֡d waẖàẕiy֩ şé̌֨bet haֽmĕnaşė̌֜h ʼeţ־hami̇zĕbé̇֗ẖa ʼel־mẇl֙ ʼe֣reẕ kĕ̇na֔ʻan ʼel־gĕ̇liylòwţ֙ hayȧrĕdé̇֔n ʼel־ʻé֖ber bĕ̇né֥y yişĕ̂ráʼéֽl׃

12
וַֽיִּשְׁמְע֖וּ בְּנֵ֣י יִשְׂרָאֵ֑ל וַיִּקָּ֨הֲל֜וּ כָּל־עֲדַ֤ת בְּנֵֽי־יִשְׂרָאֵל֙ שִׁלֹ֔ה לַעֲלֹ֥ות עֲלֵיהֶ֖ם לַצָּבָֽא׃ פ

waֽyi̇şĕ̌mĕʻ֖ẇ bĕ̇né֣y yişĕ̂ráʼé֑l wayi̇qá̇֨hàl֜ẇ ká̇l־ʻàda֤ţ bĕ̇néֽy־yişĕ̂ráʼél֙ şǐlò֔h laʻàlò֥wţ ʻàléyhe֖m laẕá̇báֽʼ׃ p

13
וַיִּשְׁלְח֨וּ בְנֵֽי־יִשְׂרָאֵ֜ל אֶל־בְּנֵי־רְאוּבֵ֧ן וְאֶל־בְּנֵי־גָ֛ד וְאֶל־חֲצִ֥י שֵֽׁבֶט־מְנַשֶּׁ֖ה אֶל־אֶ֣רֶץ הַגִּלְעָ֑ד אֶת־פִּינְחָ֖ס בֶּן־אֶלְעָזָ֥ר הַכֹּהֵֽן׃

wayi̇şĕ̌lĕẖ֨ẇ bĕnéֽy־yişĕ̂ráʼé֜l ʼel־bĕ̇néy־rĕʼẇbé֧n wĕʼel־bĕ̇néy־gá֛d wĕʼel־ẖàẕi֥y şéֽ̌bet־mĕnaşė֖̌h ʼel־ʼe֣reẕ hagi̇lĕʻá֑d ʼeţ־pi̇ynĕẖá֖s bėn־ʼelĕʻázá֥r hakò̇héֽn׃

14
וַעֲשָׂרָ֤ה נְשִׂאִים֙ עִמֹּ֔ו נָשִׂ֨יא אֶחָ֜ד נָשִׂ֤יא אֶחָד֙ לְבֵ֣ית אָ֔ב לְכֹ֖ל מַטֹּ֣ות יִשְׂרָאֵ֑ל וְאִ֨ישׁ רֹ֧אשׁ בֵּית־אֲבֹותָ֛ם הֵ֖מָּה לְאַלְפֵ֥י יִשְׂרָאֵֽל׃

waʻàşá̂rá֤h nĕşîʼiym֙ ʻimò̇֔w náşî֨yʼ ʼeẖá֜d náşî֤yʼ ʼeẖád֙ lĕbé֣yţ ʼá֔b lĕkò֖l matò֣̇wţ yişĕ̂ráʼé֑l wĕʼi֨yş̌ rò֧ʼş̌ bé̇yţ־ʼàbòwţá֛m hé֖má̇h lĕʼalĕpé֥y yişĕ̂ráʼéֽl׃

15
וַיָּבֹ֜אוּ אֶל־בְּנֵי־רְאוּבֵ֧ן וְאֶל־בְּנֵי־גָ֛ד וְאֶל־חֲצִ֥י שֵֽׁבֶט־מְנַשֶּׁ֖ה אֶל־אֶ֣רֶץ הַגִּלְעָ֑ד וַיְדַבְּר֥וּ אִתָּ֖ם לֵאמֹֽר׃

wayá̇bò֜ʼẇ ʼel־bĕ̇néy־rĕʼẇbé֧n wĕʼel־bĕ̇néy־gá֛d wĕʼel־ẖàẕi֥y şéֽ̌bet־mĕnaşė֖̌h ʼel־ʼe֣reẕ hagi̇lĕʻá֑d wayĕdabĕ̇r֥ẇ ʼiţá֖̇m léʼmòֽr׃

16
כֹּ֣ה אָמְר֞וּ כֹּ֣ל׀ עֲדַ֣ת יְהוָ֗ה מָֽה־הַמַּ֤עַל הַזֶּה֙ אֲשֶׁ֤ר מְעַלְתֶּם֙ בֵּאלֹהֵ֣י יִשְׂרָאֵ֔ל לָשׁ֣וּב הַיֹּ֔ום מֵאַחֲרֵ֖י יְהוָ֑ה בִּבְנֹֽותְכֶ֤ם לָכֶם֙ מִזְבֵּ֔חַ לִמְרָדְכֶ֥ם הַיֹּ֖ום בַּיהוָֽה׃

kò֣̇h ʼámĕr֞ẇ kò֣̇l׀ ʻàda֣ţ yĕhwá֗h máֽh־hamȧ֤ʻal hazėh֙ ʼàşě֤r mĕʻalĕţėm֙ bé̇ʼlòhé֣y yişĕ̂ráʼé֔l láş֣̌ẇb hayò̇֔wm méʼaẖàré֖y yĕhwá֑h bi̇bĕnòֽwţĕke֤m lákem֙ mizĕbé̇֔ẖa limĕrádĕke֥m hayò֖̇wm bȧyhwáֽh׃

17
הַמְעַט־לָ֨נוּ֙ אֶת־עֲוֹ֣ן פְּעֹ֔ור אֲשֶׁ֤ר לֹֽא־הִטַּהַ֨רְנוּ֙ מִמֶּ֔נּוּ עַ֖ד הַיֹּ֣ום הַזֶּ֑ה וַיְהִ֥י הַנֶּ֖גֶף בַּעֲדַ֥ת יְהוָֽה׃

hamĕʻat־lá֨nẇ֙ ʼeţ־ʻàwò֣n pĕ̇ʻò֔wr ʼàşě֤r lòֽʼ־hitȧha֨rĕnẇ֙ mimė֔ṅẇ ʻa֖d hayò֣̇wm hazė֑h wayĕhi֥y hanė֖gep bȧʻàda֥ţ yĕhwáֽh׃

18
וְאַתֶּם֙ תָּשֻׁ֣בוּ הַיֹּ֔ום מֵאַחֲרֵ֖י יְהוָ֑ה וְהָיָ֗ה אַתֶּ֞ם תִּמְרְד֤וּ הַיֹּום֙ בַּֽיהוָ֔ה וּמָחָ֕ר אֶֽל־כָּל־עֲדַ֥ת יִשְׂרָאֵ֖ל יִקְצֹֽף׃

wĕʼaţėm֙ ţá̇şǔ֣bẇ hayò̇֔wm méʼaẖàré֖y yĕhwá֑h wĕháyá֗h ʼaţė֞m ţi̇mĕrĕd֤ẇ hayò̇wm֙ bȧֽyhwá֔h ẇmáẖá֕r ʼeֽl־ká̇l־ʻàda֥ţ yişĕ̂ráʼé֖l yiqĕẕòֽp׃

19
וְאַ֨ךְ אִם־טְמֵאָ֜ה אֶ֣רֶץ אֲחֻזַּתְכֶ֗ם עִבְר֨וּ לָכֶ֜ם אֶל־אֶ֨רֶץ אֲחֻזַּ֤ת יְהוָה֙ אֲשֶׁ֤ר שָֽׁכַן־שָׁם֙ מִשְׁכַּ֣ן יְהוָ֔ה וְהֵאָחֲז֖וּ בְּתֹוכֵ֑נוּ וּבַֽיהוָ֣ה אַל־תִּמְרֹ֗דוּ וְאֹתָ֨נוּ֙ אֶל־תִּמְרֹ֔דוּ בִּבְנֹֽתְכֶ֤ם לָכֶם֙ מִזְבֵּ֔חַ מִֽבַּלְעֲדֵ֔י מִזְבַּ֖ח יְהוָ֥ה אֱלֹהֵֽינוּ׃

wĕʼa֨kĕ ʼim־tĕméʼá֜h ʼe֣reẕ ʼàẖuzȧţĕke֗m ʻibĕr֨ẇ láke֜m ʼel־ʼe֨reẕ ʼàẖuzȧ֤ţ yĕhwáh֙ ʼàşě֤r şáֽ̌kan־şá̌m֙ mişĕ̌kȧ֣n yĕhwá֔h wĕhéʼáẖàz֖ẇ bĕ̇ţòwké֑nẇ ẇbaֽyhwá֣h ʼal־ţi̇mĕrò֗dẇ wĕʼòţá֨nẇ֙ ʼel־ţi̇mĕrò֔dẇ bi̇bĕnòֽţĕke֤m lákem֙ mizĕbé̇֔ẖa miֽbȧlĕʻàdé֔y mizĕbȧ֖ẖ yĕhwá֥h ʼèlòhéֽynẇ׃

20
הֲלֹ֣וא׀ עָכָ֣ן בֶּן־זֶ֗רַח מָ֤עַל מַ֨עַל֙ בַּחֵ֔רֶם וְעַֽל־כָּל־עֲדַ֥ת יִשְׂרָאֵ֖ל הָ֣יָה קָ֑צֶף וְהוּא֙ אִ֣ישׁ אֶחָ֔ד לֹ֥א גָוַ֖ע בַּעֲוֹנֹֽו׃ פ

hàlò֣wʼ׀ ʻáká֣n bėn־ze֗raẖ má֤ʻal ma֨ʻal֙ bȧẖé֔rem wĕʻaֽl־ká̇l־ʻàda֥ţ yişĕ̂ráʼé֖l há֣yáh qá֑ẕep wĕhẇʼ֙ ʼi֣yş̌ ʼeẖá֔d lò֥ʼ gáwa֖ʻ bȧʻàwònòֽw׃ p

21
וַֽיַּעֲנוּ֙ בְּנֵי־רְאוּבֵ֣ן וּבְנֵי־גָ֔ד וַחֲצִ֖י שֵׁ֣בֶט הַֽמְנַשֶּׁ֑ה וַֽיְדַבְּר֔וּ אֶת־רָאשֵׁ֖י אַלְפֵ֥י יִשְׂרָאֵֽל׃

waֽyȧʻànẇ֙ bĕ̇néy־rĕʼẇbé֣n ẇbĕnéy־gá֔d waẖàẕi֖y şé֣̌bet haֽmĕnaşė֑̌h waֽyĕdabĕ̇r֔ẇ ʼeţ־ráʼşé֖̌y ʼalĕpé֥y yişĕ̂ráʼéֽl׃

22
אֵל֩׀ אֱלֹהִ֨ים׀ יְהוָ֜ה אֵ֣ל׀ אֱלֹהִ֤ים׀ יְהוָה֙ ה֣וּא יֹדֵ֔עַ וְיִשְׂרָאֵ֖ל ה֣וּא יֵדָ֑ע אִם־בְּמֶ֤רֶד וְאִם־בְּמַ֨עַל֙ בַּֽיהוָ֔ה אַל־תֹּושִׁיעֵ֖נוּ הַיֹּ֥ום הַזֶּֽה׃

ʼél֩׀ ʼèlòhi֨ym׀ yĕhwá֜h ʼé֣l׀ ʼèlòhi֤ym׀ yĕhwáh֙ h֣ẇʼ yòdé֔ʻa wĕyişĕ̂ráʼé֖l h֣ẇʼ yédá֑ʻ ʼim־bĕ̇me֤red wĕʼim־bĕ̇ma֨ʻal֙ bȧֽyhwá֔h ʼal־ţò̇wşǐyʻé֖nẇ hayò֥̇wm hazėֽh׃

23
לִבְנֹ֥ות לָ֨נוּ֙ מִזְבֵּ֔חַ לָשׁ֖וּב מֵאַחֲרֵ֣י יְהוָ֑ה וְאִם־לְהַעֲלֹ֨ות עָלָ֜יו עֹולָ֣ה וּמִנְחָ֗ה וְאִם־לַעֲשֹׂ֤ות עָלָיו֙ זִבְחֵ֣י שְׁלָמִ֔ים יְהוָ֖ה ה֥וּא יְבַקֵּֽשׁ׃

libĕnò֥wţ lá֨nẇ֙ mizĕbé̇֔ẖa láş֖̌ẇb méʼaẖàré֣y yĕhwá֑h wĕʼim־lĕhaʻàlò֨wţ ʻálá֜yw ʻòwlá֣h ẇminĕẖá֗h wĕʼim־laʻàşò֤̂wţ ʻáláyw֙ zibĕẖé֣y şĕ̌lámi֔ym yĕhwá֖h h֥ẇʼ yĕbaqéֽ̇ş̌׃

24
וְאִם־לֹ֤א מִדְּאָגָה֙ מִדָּבָ֔ר עָשִׂ֥ינוּ אֶת־זֹ֖את לֵאמֹ֑ר מָחָ֗ר יֹאמְר֨וּ בְנֵיכֶ֤ם לְבָנֵ֨ינוּ֙ לֵאמֹ֔ר מַה־לָּכֶ֕ם וְלַֽיהוָ֖ה אֱלֹהֵ֥י יִשְׂרָאֵֽל׃

wĕʼim־lò֤ʼ midĕ̇ʼágáh֙ midá̇bá֔r ʻáşî֥ynẇ ʼeţ־zò֖ʼţ léʼmò֑r máẖá֗r yòʼmĕr֨ẇ bĕnéyke֤m lĕbáné֨ynẇ֙ léʼmò֔r mah־lá̇ke֕m wĕlaֽyhwá֖h ʼèlòhé֥y yişĕ̂ráʼéֽl׃

25
וּגְב֣וּל נָֽתַן־יְ֠הוָה בֵּינֵ֨נוּ וּבֵינֵיכֶ֜ם בְּנֵי־רְאוּבֵ֤ן וּבְנֵי־גָד֙ אֶת־הַיַּרְדֵּ֔ן אֵין־לָכֶ֥ם חֵ֖לֶק בַּֽיהוָ֑ה וְהִשְׁבִּ֤יתוּ בְנֵיכֶם֙ אֶת־בָּנֵ֔ינוּ לְבִלְתִּ֖י יְרֹ֥א אֶת־יְהוָֽה׃

ẇgĕb֣ẇl náֽţan־yĕ֠hwáh bé̇yné֨nẇ ẇbéynéyke֜m bĕ̇néy־rĕʼẇbé֤n ẇbĕnéy־gád֙ ʼeţ־hayȧrĕdé̇֔n ʼéyn־láke֥m ẖé֖leq bȧֽyhwá֑h wĕhişĕ̌bi֤̇yţẇ bĕnéykem֙ ʼeţ־bá̇né֔ynẇ lĕbilĕţi֖̇y yĕrò֥ʼ ʼeţ־yĕhwáֽh׃

26
וַנֹּ֕אמֶר נַעֲשֶׂה־נָּ֣א לָ֔נוּ לִבְנֹ֖ות אֶת־הַמִּזְבֵּ֑חַ לֹ֥א לְעֹולָ֖ה וְלֹ֥א לְזָֽבַח׃

wanò̇֕ʼmer naʻàşêh־ná֣̇ʼ lá֔nẇ libĕnò֖wţ ʼeţ־hami̇zĕbé֑̇ẖa lò֥ʼ lĕʻòwlá֖h wĕlò֥ʼ lĕzáֽbaẖ׃

27
כִּי֩ עֵ֨ד ה֜וּא בֵּינֵ֣ינוּ וּבֵינֵיכֶ֗ם וּבֵ֣ין דֹּרֹותֵינוּ֮ אַחֲרֵינוּ֒ לַעֲבֹ֞ד אֶת־עֲבֹדַ֤ת יְהוָה֙ לְפָנָ֔יו בְּעֹלֹותֵ֥ינוּ וּבִזְבָחֵ֖ינוּ וּבִשְׁלָמֵ֑ינוּ וְלֹא־יֹאמְר֨וּ בְנֵיכֶ֤ם מָחָר֙ לְבָנֵ֔ינוּ אֵין־לָכֶ֥ם חֵ֖לֶק בַּיהוָֽה׃

ki̇y֩ ʻé֨d h֜ẇʼ bé̇yné֣ynẇ ẇbéynéyke֗m ẇbé֣yn dò̇ròwţéynẇ֮ ʼaẖàréynẇ֒ laʻàbò֞d ʼeţ־ʻàbòda֤ţ yĕhwáh֙ lĕpáná֔yw bĕ̇ʻòlòwţé֥ynẇ ẇbizĕbáẖé֖ynẇ ẇbişĕ̌lámé֑ynẇ wĕlòʼ־yòʼmĕr֨ẇ bĕnéyke֤m máẖár֙ lĕbáné֔ynẇ ʼéyn־láke֥m ẖé֖leq bȧyhwáֽh׃

28
וַנֹּ֕אמֶר וְהָיָ֗ה כִּֽי־יֹאמְר֥וּ אֵלֵ֛ינוּ וְאֶל־דֹּרֹתֵ֖ינוּ מָחָ֑ר וְאָמַ֡רְנוּ רְא֣וּ אֶת־תַּבְנִית֩ מִזְבַּ֨ח יְהוָ֜ה אֲשֶׁר־עָשׂ֣וּ אֲבֹותֵ֗ינוּ לֹ֤א לְעֹולָה֙ וְלֹ֣א לְזֶ֔בַח כִּי־עֵ֣ד ה֔וּא בֵּינֵ֖ינוּ וּבֵינֵיכֶֽם׃

wanò̇֕ʼmer wĕháyá֗h kiֽ̇y־yòʼmĕr֥ẇ ʼélé֛ynẇ wĕʼel־dò̇ròţé֖ynẇ máẖá֑r wĕʼáma֡rĕnẇ rĕʼ֣ẇ ʼeţ־ţȧbĕniyţ֩ mizĕbȧ֨ẖ yĕhwá֜h ʼàşěr־ʻáş֣̂ẇ ʼàbòwţé֗ynẇ lò֤ʼ lĕʻòwláh֙ wĕlò֣ʼ lĕze֔baẖ ki̇y־ʻé֣d h֔ẇʼ bé̇yné֖ynẇ ẇbéynéykeֽm׃

29
חָלִילָה֩ לָּ֨נוּ מִמֶּ֜נּוּ לִמְרֹ֣ד בַּֽיהוָ֗ה וְלָשׁ֤וּב הַיֹּום֙ מֵאַחֲרֵ֣י יְהוָ֔ה לִבְנֹ֣ות מִזְבֵּ֔חַ לְעֹלָ֖ה לְמִנְחָ֣ה וּלְזָ֑בַח מִלְּבַ֗ד מִזְבַּח֙ יְהוָ֣ה אֱלֹהֵ֔ינוּ אֲשֶׁ֖ר לִפְנֵ֥י מִשְׁכָּנֹֽו׃ פ

ẖáliyláh֩ lá̇֨nẇ mimė֜ṅẇ limĕrò֣d bȧֽyhwá֗h wĕláş֤̌ẇb hayò̇wm֙ méʼaẖàré֣y yĕhwá֔h libĕnò֣wţ mizĕbé̇֔ẖa lĕʻòlá֖h lĕminĕẖá֣h ẇlĕzá֑baẖ milĕ̇ba֗d mizĕbȧẖ֙ yĕhwá֣h ʼèlòhé֔ynẇ ʼàşě֖r lipĕné֥y mişĕ̌ká̇nòֽw׃ p

30
וַיִּשְׁמַ֞ע פִּֽינְחָ֣ס הַכֹּהֵ֗ן וּנְשִׂיאֵ֨י הָעֵדָ֜ה וְרָאשֵׁ֨י אַלְפֵ֤י יִשְׂרָאֵל֙ אֲשֶׁ֣ר אִתֹּ֔ו אֶת־הַ֨דְּבָרִ֔ים אֲשֶׁ֧ר דִּבְּר֛וּ בְּנֵי־רְאוּבֵ֥ן וּבְנֵי־גָ֖ד וּבְנֵ֣י מְנַשֶּׁ֑ה וַיִּיטַ֖ב בְּעֵינֵיהֶֽם׃

wayi̇şĕ̌ma֞ʻ piֽ̇ynĕẖá֣s hakò̇hé֗n ẇnĕşîyʼé֨y háʻédá֜h wĕráʼşé̌֨y ʼalĕpé֤y yişĕ̂ráʼél֙ ʼàşě֣r ʼiţò̇֔w ʼeţ־ha֨dĕ̇bári֔ym ʼàşě֧r di̇bĕ̇r֛ẇ bĕ̇néy־rĕʼẇbé֥n ẇbĕnéy־gá֖d ẇbĕné֣y mĕnaşė֑̌h wayi̇yta֖b bĕ̇ʻéynéyheֽm׃

31
וַיֹּ֣אמֶר פִּֽינְחָ֣ס בֶּן־אֶלְעָזָ֣ר הַכֹּהֵ֡ן אֶל־בְּנֵי־רְאוּבֵ֨ן וְאֶל־בְּנֵי־גָ֜ד וְאֶל־בְּנֵ֣י מְנַשֶּׁ֗ה הַיֹּ֤ום׀ יָדַ֨עְנוּ֙ כִּֽי־בְתֹוכֵ֣נוּ יְהוָ֔ה אֲשֶׁ֛ר לֹֽא־מְעַלְתֶּ֥ם בַּֽיהוָ֖ה הַמַּ֣עַל הַזֶּ֑ה אָ֗ז הִצַּלְתֶּ֛ם אֶת־בְּנֵ֥י יִשְׂרָאֵ֖ל מִיַּ֥ד יְהוָֽה׃

wayò֣̇ʼmer piֽ̇ynĕẖá֣s bėn־ʼelĕʻázá֣r hakò̇hé֡n ʼel־bĕ̇néy־rĕʼẇbé֨n wĕʼel־bĕ̇néy־gá֜d wĕʼel־bĕ̇né֣y mĕnaşė̌֗h hayò֤̇wm׀ yáda֨ʻĕnẇ֙ kiֽ̇y־bĕţòwké֣nẇ yĕhwá֔h ʼàşě֛r lòֽʼ־mĕʻalĕţė֥m bȧֽyhwá֖h hamȧ֣ʻal hazė֑h ʼá֗z hiẕȧlĕţė֛m ʼeţ־bĕ̇né֥y yişĕ̂ráʼé֖l miyȧ֥d yĕhwáֽh׃

32
וַיָּ֣שָׁב פִּֽינְחָ֣ס בֶּן־אֶלְעָזָ֣ר הַכֹּהֵ֣ן׀ וְהַנְּשִׂיאִ֡ים מֵאֵ֣ת בְּנֵֽי־רְאוּבֵן֩ וּמֵאֵ֨ת בְּנֵי־גָ֜ד מֵאֶ֧רֶץ הַגִּלְעָ֛ד אֶל־אֶ֥רֶץ כְּנַ֖עַן אֶל־בְּנֵ֣י יִשְׂרָאֵ֑ל וַיָּשִׁ֥בוּ אֹותָ֖ם דָּבָֽר׃

wayá֣̇şá̌b piֽ̇ynĕẖá֣s bėn־ʼelĕʻázá֣r hakò̇hé֣n׀ wĕhanĕ̇şîyʼi֡ym méʼé֣ţ bĕ̇néֽy־rĕʼẇbén֩ ẇméʼé֨ţ bĕ̇néy־gá֜d méʼe֧reẕ hagi̇lĕʻá֛d ʼel־ʼe֥reẕ kĕ̇na֖ʻan ʼel־bĕ̇né֣y yişĕ̂ráʼé֑l wayá̇şǐ֥bẇ ʼòwţá֖m dá̇báֽr׃

33
וַיִּיטַ֣ב הַדָּבָ֗ר בְּעֵינֵי֙ בְּנֵ֣י יִשְׂרָאֵ֔ל וַיְבָרֲכ֥וּ אֱלֹהִ֖ים בְּנֵ֣י יִשְׂרָאֵ֑ל וְלֹ֣א אָמְר֗וּ לַעֲלֹ֤ות עֲלֵיהֶם֙ לַצָּבָ֔א לְשַׁחֵת֙ אֶת־הָאָ֔רֶץ אֲשֶׁ֛ר בְּנֵי־רְאוּבֵ֥ן וּבְנֵי־גָ֖ד יֹשְׁבִ֥ים בָּֽהּ׃

wayi̇yta֣b hadá̇bá֗r bĕ̇ʻéynéy֙ bĕ̇né֣y yişĕ̂ráʼé֔l wayĕbáràk֥ẇ ʼèlòhi֖ym bĕ̇né֣y yişĕ̂ráʼé֑l wĕlò֣ʼ ʼámĕr֗ẇ laʻàlò֤wţ ʻàléyhem֙ laẕá̇bá֔ʼ lĕşǎẖéţ֙ ʼeţ־háʼá֔reẕ ʼàşě֛r bĕ̇néy־rĕʼẇbé֥n ẇbĕnéy־gá֖d yòşĕ̌bi֥ym báֽ̇ḣ׃

34
וַֽיִּקְרְא֛וּ בְּנֵי־רְאוּבֵ֥ן וּבְנֵי־גָ֖ד לַמִּזְבֵּ֑חַ כִּ֣י עֵ֥ד הוּא֙ בֵּֽינֹתֵ֔ינוּ כִּ֥י יְהוָ֖ה הָאֱלֹהִֽים׃ פ

waֽyi̇qĕrĕʼ֛ẇ bĕ̇néy־rĕʼẇbé֥n ẇbĕnéy־gá֖d lami̇zĕbé֑̇ẖa ki֣̇y ʻé֥d hẇʼ֙ béֽ̇ynòţé֔ynẇ ki֥̇y yĕhwá֖h háʼèlòhiֽym׃ p