Bibles in ancient languages
Old translations
Modern translations

Biblia Hebraica Stuttgartensia Josué 8:29

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֨אמֶר יְהוָ֤ה אֶל־יְהֹושֻׁ֨עַ֙ אַל־תִּירָ֣א וְאַל־תֵּחָ֔ת קַ֣ח עִמְּךָ֗ אֵ֚ת כָּל־עַ֣ם הַמִּלְחָמָ֔ה וְק֖וּם עֲלֵ֣ה הָעָ֑י רְאֵ֣ה׀ נָתַ֣תִּי בְיָדְךָ֗ אֶת־מֶ֤לֶךְ הָעַי֙ וְאֶת־עַמֹּ֔ו וְאֶת־עִירֹ֖ו וְאֶת־אַרְצֹֽו׃

wayò̇֨ʼmer yĕhwá֤h ʼel־yĕhòwşǔ֨ʻa֙ ʼal־ţi̇yrá֣ʼ wĕʼal־ţé̇ẖá֔ţ qa֣ẖ ʻimĕ̇ká֗ ʼé֚ţ ká̇l־ʻa֣m hami̇lĕẖámá֔h wĕq֖ẇm ʻàlé֣h háʻá֑y rĕʼé֣h׀ náţa֣ţi̇y bĕyádĕká֗ ʼeţ־me֤lekĕ háʻay֙ wĕʼeţ־ʻamò̇֔w wĕʼeţ־ʻiyrò֖w wĕʼeţ־ʼarĕẕòֽw׃

2
וְעָשִׂ֨יתָ לָעַ֜י וּלְמַלְכָּ֗הּ כַּאֲשֶׁ֨ר עָשִׂ֤יתָ לִֽירִיחֹו֙ וּלְמַלְכָּ֔הּ רַק־שְׁלָלָ֥הּ וּבְהֶמְתָּ֖הּ תָּבֹ֣זּוּ לָכֶ֑ם שִׂים־לְךָ֥ אֹרֵ֛ב לָעִ֖יר מֵאַחֲרֶֽיהָ׃

wĕʻáşî֨yţá láʻa֜y ẇlĕmalĕká̇֗ḣ kȧʼàşě֨r ʻáşî֤yţá liֽyriyẖòw֙ ẇlĕmalĕká̇֔ḣ raq־şĕ̌lálá֥ḣ ẇbĕhemĕţá֖̇ḣ ţá̇bò֣żẇ láke֑m şîym־lĕká֥ ʼòré֛b láʻi֖yr méʼaẖàreֽyhá׃

3
וַיָּ֧קָם יְהֹושֻׁ֛עַ וְכָל־עַ֥ם הַמִּלְחָמָ֖ה לַעֲלֹ֣ות הָעָ֑י וַיִּבְחַ֣ר יְ֠הֹושֻׁעַ שְׁלֹשִׁ֨ים אֶ֤לֶף אִישׁ֙ גִּבֹּורֵ֣י הַחַ֔יִל וַיִּשְׁלָחֵ֖ם לָֽיְלָה׃

wayá֧̇qám yĕhòwşǔ֛ʻa wĕkál־ʻa֥m hami̇lĕẖámá֖h laʻàlò֣wţ háʻá֑y wayi̇bĕẖa֣r yĕ֠hòwşǔʻa şĕ̌lòşǐ֨ym ʼe֤lep ʼiyş̌֙ gi̇bò̇wré֣y haẖa֔yil wayi̇şĕ̌láẖé֖m láֽyĕláh׃

4
וַיְצַ֨ו אֹתָ֜ם לֵאמֹ֗ר רְ֠אוּ אַתֶּ֞ם אֹרְבִ֤ים לָעִיר֙ מֵאַחֲרֵ֣י הָעִ֔יר אַל־תַּרְחִ֥יקוּ מִן־הָעִ֖יר מְאֹ֑ד וִהְיִיתֶ֥ם כֻּלְּכֶ֖ם נְכֹנִֽים׃

wayĕẕa֨w ʼòţá֜m léʼmò֗r rĕ֠ʼẇ ʼaţė֞m ʼòrĕbi֤ym láʻiyr֙ méʼaẖàré֣y háʻi֔yr ʼal־ţȧrĕẖi֥yqẇ min־háʻi֖yr mĕʼò֑d wihĕyiyţe֥m ku̇lĕ̇ke֖m nĕkòniֽym׃

5
וַאֲנִ֗י וְכָל־הָעָם֙ אֲשֶׁ֣ר אִתִּ֔י נִקְרַ֖ב אֶל־הָעִ֑יר וְהָיָ֗ה כִּֽי־יֵצְא֤וּ לִקְרָאתֵ֨נוּ֙ כַּאֲשֶׁ֣ר בָּרִֽאשֹׁנָ֔ה וְנַ֖סְנוּ לִפְנֵיהֶֽם׃

waʼàni֗y wĕkál־háʻám֙ ʼàşě֣r ʼiţi̇֔y niqĕra֖b ʼel־háʻi֑yr wĕháyá֗h kiֽ̇y־yéẕĕʼ֤ẇ liqĕráʼţé֨nẇ֙ kȧʼàşě֣r bá̇riֽʼşò̌ná֔h wĕna֖sĕnẇ lipĕnéyheֽm׃

6
וְיָצְא֣וּ אַחֲרֵ֗ינוּ עַ֣ד הַתִּיקֵ֤נוּ אֹותָם֙ מִן־הָעִ֔יר כִּ֣י יֹֽאמְר֔וּ נָסִ֣ים לְפָנֵ֔ינוּ כַּאֲשֶׁ֖ר בָּרִֽאשֹׁנָ֑ה וְנַ֖סְנוּ לִפְנֵיהֶֽם׃

wĕyáẕĕʼ֣ẇ ʼaẖàré֗ynẇ ʻa֣d haţi̇yqé֤nẇ ʼòwţám֙ min־háʻi֔yr ki֣̇y yòֽʼmĕr֔ẇ nási֣ym lĕpáné֔ynẇ kȧʼàşě֖r bá̇riֽʼşò̌ná֑h wĕna֖sĕnẇ lipĕnéyheֽm׃

7
וְאַתֶּ֗ם תָּקֻ֨מוּ֙ מֵהָ֣אֹורֵ֔ב וְהֹורַשְׁתֶּ֖ם אֶת־הָעִ֑יר וּנְתָנָ֛הּ יְהוָ֥ה אֱלֹֽהֵיכֶ֖ם בְּיֶדְכֶֽם׃

wĕʼaţė֗m ţá̇qu֨mẇ֙ méhá֣ʼòwré֔b wĕhòwraşĕ̌ţė֖m ʼeţ־háʻi֑yr ẇnĕţáná֛ḣ yĕhwá֥h ʼèlòֽhéyke֖m bĕ̇yedĕkeֽm׃

8
וְהָיָ֞ה כְּתָפְשְׂכֶ֣ם אֶת־הָעִ֗יר תַּצִּ֤יתוּ אֶת־הָעִיר֙ בָּאֵ֔שׁ כִּדְבַ֥ר יְהוָ֖ה תַּעֲשׂ֑וּ רְא֖וּ צִוִּ֥יתִי אֶתְכֶֽם׃

wĕháyá֞h kĕ̇ţápĕşĕ̂ke֣m ʼeţ־háʻi֗yr ţȧẕi֤̇yţẇ ʼeţ־háʻiyr֙ bá̇ʼé֔ş̌ ki̇dĕba֥r yĕhwá֖h ţȧʻàş֑̂ẇ rĕʼ֖ẇ ẕiwi֥̇yţiy ʼeţĕkeֽm׃

9
וַיִּשְׁלָחֵ֣ם יְהֹושֻׁ֗עַ וַיֵּֽלְכוּ֙ אֶל־הַמַּאְרָ֔ב וַיֵּשְׁב֗וּ בֵּ֧ין בֵּֽית־אֵ֛ל וּבֵ֥ין הָעַ֖י מִיָּ֣ם לָעָ֑י וַיָּ֧לֶן יְהֹושֻׁ֛עַ בַּלַּ֥יְלָה הַה֖וּא בְּתֹ֥וךְ הָעָֽם׃

wayi̇şĕ̌láẖé֣m yĕhòwşǔ֗ʻa wayéֽ̇lĕkẇ֙ ʼel־hamȧʼĕrá֔b wayé̇şĕ̌b֗ẇ bé֧̇yn béֽ̇yţ־ʼé֛l ẇbé֥yn háʻa֖y miyá֣̇m láʻá֑y wayá֧̇len yĕhòwşǔ֛ʻa bȧlȧ֥yĕláh hah֖ẇʼ bĕ̇ţò֥wkĕ háʻáֽm׃

10
וַיַּשְׁכֵּ֤ם יְהֹושֻׁ֨עַ֙ בַּבֹּ֔קֶר וַיִּפְקֹ֖ד אֶת־הָעָ֑ם וַיַּ֨עַל ה֜וּא וְזִקְנֵ֧י יִשְׂרָאֵ֛ל לִפְנֵ֥י הָעָ֖ם הָעָֽי׃

wayȧşĕ̌ké֤̇m yĕhòwşǔ֨ʻa֙ bȧbò̇֔qer wayi̇pĕqò֖d ʼeţ־háʻá֑m wayȧ֨ʻal h֜ẇʼ wĕziqĕné֧y yişĕ̂ráʼé֛l lipĕné֥y háʻá֖m háʻáֽy׃

11
וְכָל־הָעָ֨ם הַמִּלְחָמָ֜ה אֲשֶׁ֣ר אִתֹּ֗ו עָלוּ֙ וַֽיִּגְּשׁ֔וּ וַיָּבֹ֖אוּ נֶ֣גֶד הָעִ֑יר וַֽיַּחֲנוּ֙ מִצְּפֹ֣ון לָעַ֔י וְהַגַּ֖י בֵּינֹו וּבֵין־הָעָֽי׃

wĕkál־háʻá֨m hami̇lĕẖámá֜h ʼàşě֣r ʼiţò̇֗w ʻálẇ֙ waֽyi̇gĕ̇ş̌֔ẇ wayá̇bò֖ʼẇ ne֣ged háʻi֑yr waֽyȧẖànẇ֙ miẕĕ̇pò֣wn láʻa֔y wĕhagȧ֖y bé̇ynòw ẇbéyn־háʻáֽy׃

12
וַיִּקַּ֕ח כַּחֲמֵ֥שֶׁת אֲלָפִ֖ים אִ֑ישׁ וַיָּ֨שֶׂם אֹותָ֜ם אֹרֵ֗ב בֵּ֧ין בֵּֽית־אֵ֛ל וּבֵ֥ין הָעַ֖י מִיָּ֥ם לָעִֽיר׃

wayi̇qȧ֕ẖ kȧẖàmé֥şěţ ʼàlápi֖ym ʼi֑yş̌ wayá̇֨şêm ʼòwţá֜m ʼòré֗b bé֧̇yn béֽ̇yţ־ʼé֛l ẇbé֥yn háʻa֖y miyá֥̇m láʻiֽyr׃

13
וַיָּשִׂ֨ימוּ הָעָ֜ם אֶת־כָּל־הַֽמַּחֲנֶ֗ה אֲשֶׁר֙ מִצְּפֹ֣ון לָעִ֔יר וְאֶת־עֲקֵבֹ֖ו מִיָּ֣ם לָעִ֑יר וַיֵּ֧לֶךְ יְהֹושֻׁ֛עַ בַּלַּ֥יְלָה הַה֖וּא בְּתֹ֥וךְ הָעֵֽמֶק׃

wayá̇şî֨ymẇ háʻá֜m ʼeţ־ká̇l־haֽmȧẖàne֗h ʼàşěr֙ miẕĕ̇pò֣wn láʻi֔yr wĕʼeţ־ʻàqébò֖w miyá֣̇m láʻi֑yr wayé֧̇lekĕ yĕhòwşǔ֛ʻa bȧlȧ֥yĕláh hah֖ẇʼ bĕ̇ţò֥wkĕ háʻéֽmeq׃

14
וַיְהִ֞י כִּרְאֹ֣ות מֶֽלֶךְ־הָעַ֗י וַֽיְמַהֲר֡וּ וַיַּשְׁכִּ֡ימוּ וַיֵּצְא֣וּ אַנְשֵֽׁי־הָעִ֣יר לִקְרַֽאת־יִ֠שְׂרָאֵל לַֽמִּלְחָמָ֞ה ה֧וּא וְכָל־עַמֹּ֛ו לַמֹּועֵ֖ד לִפְנֵ֣י הָֽעֲרָבָ֑ה וְהוּא֙ לֹ֣א יָדַ֔ע כִּֽי־אֹרֵ֥ב לֹ֖ו מֵאַחֲרֵ֥י הָעִֽיר׃

wayĕhi֞y ki̇rĕʼò֣wţ meֽlekĕ־háʻa֗y waֽyĕmahàr֡ẇ wayȧşĕ̌ki̇֡ymẇ wayé̇ẕĕʼ֣ẇ ʼanĕşéֽ̌y־háʻi֣yr liqĕraֽʼţ־yi֠şĕ̂ráʼél laֽmi̇lĕẖámá֞h h֧ẇʼ wĕkál־ʻamò֛̇w lamò̇wʻé֖d lipĕné֣y háֽʻàrábá֑h wĕhẇʼ֙ lò֣ʼ yáda֔ʻ kiֽ̇y־ʼòré֥b lò֖w méʼaẖàré֥y háʻiֽyr׃

15
וַיִּנָּֽגְע֛וּ יְהֹושֻׁ֥עַ וְכָל־יִשְׂרָאֵ֖ל לִפְנֵיהֶ֑ם וַֽיִּרְדְּפוּ֙ אַחֲרֵ֣י יְהֹושֻׁ֔עַ וַיָּנֻ֖סוּ דֶּ֥רֶךְ הַמִּדְבָּֽר׃

wayi̇náֽ̇gĕʻ֛ẇ yĕhòwşǔ֥ʻa wĕkál־yişĕ̂ráʼé֖l lipĕnéyhe֑m waֽyi̇rĕdĕ̇pẇ֙ ʼaẖàré֣y yĕhòwşǔ֔ʻa wayá̇nu֖sẇ dė֥rekĕ hami̇dĕbáֽ̇r׃

16
וַיִּזָּעֲק֗וּ כָּל־הָעָם֙ אֲשֶׁ֣ר בָּעִיר לִרְדֹּ֖ף אַחֲרֵיהֶ֑ם וַֽיִּרְדְּפוּ֙ אַחֲרֵ֣י יְהֹושֻׁ֔עַ וַיִּנָּתְק֖וּ מִן־הָעִֽיר׃

wayi̇zá̇ʻàq֗ẇ ká̇l־háʻám֙ ʼàşě֣r bá̇ʻiyr lirĕdò֖̇p ʼaẖàréyhe֑m waֽyi̇rĕdĕ̇pẇ֙ ʼaẖàré֣y yĕhòwşǔ֔ʻa wayi̇ná̇ţĕq֖ẇ min־háʻiֽyr׃

17
וְלֹֽא־נִשְׁאַ֣ר אִ֗ישׁ בָּעַי֙ וּבֵ֣ית אֵ֔ל אֲשֶׁ֥ר לֹֽא־יָצְא֖וּ אַחֲרֵ֣י יִשְׂרָאֵ֑ל וַיַּעַזְב֤וּ אֶת־הָעִיר֙ פְּתוּחָ֔ה וַֽיִּרְדְּפ֖וּ אַחֲרֵ֥י יִשְׂרָאֵֽל׃ פ

wĕlòֽʼ־nişĕ̌ʼa֣r ʼi֗yş̌ bá̇ʻay֙ ẇbé֣yţ ʼé֔l ʼàşě֥r lòֽʼ־yáẕĕʼ֖ẇ ʼaẖàré֣y yişĕ̂ráʼé֑l wayȧʻazĕb֤ẇ ʼeţ־háʻiyr֙ pĕ̇ţẇẖá֔h waֽyi̇rĕdĕ̇p֖ẇ ʼaẖàré֥y yişĕ̂ráʼéֽl׃ p

18
וַיֹּ֨אמֶר יְהוָ֜ה אֶל־יְהֹושֻׁ֗עַ נְ֠טֵה בַּכִּידֹ֤ון אֲשֶׁר־בְּיָֽדְךָ֙ אֶל־הָעַ֔י כִּ֥י בְיָדְךָ֖ אֶתְּנֶ֑נָּה וַיֵּ֧ט יְהֹושֻׁ֛עַ בַּכִּידֹ֥ון אֲשֶׁר־בְּיָדֹ֖ו אֶל־הָעִֽיר׃

wayò̇֨ʼmer yĕhwá֜h ʼel־yĕhòwşǔ֗ʻa nĕ֠téh bȧki̇ydò֤wn ʼàşěr־bĕ̇yáֽdĕká֙ ʼel־háʻa֔y ki֥̇y bĕyádĕká֖ ʼeţĕ̇ne֑ná̇h wayé֧̇t yĕhòwşǔ֛ʻa bȧki̇ydò֥wn ʼàşěr־bĕ̇yádò֖w ʼel־háʻiֽyr׃

19
וְהָאֹורֵ֡ב קָם֩ מְהֵרָ֨ה מִמְּקֹומֹ֤ו וַיָּר֨וּצוּ֙ כִּנְטֹ֣ות יָדֹ֔ו וַיָּבֹ֥אוּ הָעִ֖יר וַֽיִּלְכְּד֑וּהָ וַֽיְמַהֲר֔וּ וַיַּצִּ֥יתוּ אֶת־הָעִ֖יר בָּאֵֽשׁ׃

wĕháʼòwré֡b qám֩ mĕhérá֨h mimĕ̇qòwmò֤w wayá̇r֨ẇẕẇ֙ ki̇nĕtò֣wţ yádò֔w wayá̇bò֥ʼẇ háʻi֖yr waֽyi̇lĕkĕ̇d֑ẇhá waֽyĕmahàr֔ẇ wayȧẕi֥̇yţẇ ʼeţ־háʻi֖yr bá̇ʼéֽş̌׃

20
וַיִּפְנ֣וּ אַנְשֵׁי֩ הָעַ֨י אַחֲרֵיהֶ֜ם וַיִּרְא֗וּ וְהִנֵּ֨ה עָלָ֜ה עֲשַׁ֤ן הָעִיר֙ הַשָּׁמַ֔יְמָה וְלֹא־הָיָ֨ה בָהֶ֥ם יָדַ֛יִם לָנ֖וּס הֵ֣נָּה וָהֵ֑נָּה וְהָעָם֙ הַנָּ֣ס הַמִּדְבָּ֔ר נֶהְפַּ֖ךְ אֶל־הָרֹודֵֽף׃

wayi̇pĕn֣ẇ ʼanĕşé̌y֩ háʻa֨y ʼaẖàréyhe֜m wayi̇rĕʼ֗ẇ wĕhiné̇֨h ʻálá֜h ʻàşǎ֤n háʻiyr֙ haşá̇̌ma֔yĕmáh wĕlòʼ־háyá֨h báhe֥m yáda֛yim lán֖ẇs hé֣ná̇h wáhé֑ná̇h wĕháʻám֙ haná֣̇s hami̇dĕbá̇֔r nehĕpȧ֖kĕ ʼel־háròwdéֽp׃

21
וִיהֹושֻׁ֨עַ וְכָֽל־יִשְׂרָאֵ֜ל רָא֗וּ כִּֽי־לָכַ֤ד הָֽאֹרֵב֙ אֶת־הָעִ֔יר וְכִ֥י עָלָ֖ה עֲשַׁ֣ן הָעִ֑יר וַיָּשֻׁ֕בוּ וַיַּכּ֖וּ אֶת־אַנְשֵׁ֥י הָעָֽי׃

wiyhòwşǔ֨ʻa wĕkáֽl־yişĕ̂ráʼé֜l ráʼ֗ẇ kiֽ̇y־láka֤d háֽʼòréb֙ ʼeţ־háʻi֔yr wĕki֥y ʻálá֖h ʻàşǎ֣n háʻi֑yr wayá̇şǔ֕bẇ wayȧk֖̇ẇ ʼeţ־ʼanĕşé֥̌y háʻáֽy׃

22
וְאֵ֨לֶּה יָצְא֤וּ מִן־הָעִיר֙ לִקְרָאתָ֔ם וַיִּֽהְי֤וּ לְיִשְׂרָאֵל֙ בַּתָּ֔וֶךְ אֵ֥לֶּה מִזֶּ֖ה וְאֵ֣לֶּה מִזֶּ֑ה וַיַּכּ֣וּ אֹותָ֔ם עַד־בִּלְתִּ֥י הִשְׁאִֽיר־לֹ֖ו שָׂרִ֥יד וּפָלִֽיט׃

wĕʼé֨lėh yáẕĕʼ֤ẇ min־háʻiyr֙ liqĕráʼţá֔m wayiֽ̇hĕy֤ẇ lĕyişĕ̂ráʼél֙ bȧţá̇֔wekĕ ʼé֥lėh mizė֖h wĕʼé֣lėh mizė֑h wayȧk֣̇ẇ ʼòwţá֔m ʻad־bi̇lĕţi֥̇y hişĕ̌ʼiֽyr־lò֖w şá̂ri֥yd ẇpáliֽyt׃

23
וְאֶת־מֶ֥לֶךְ הָעַ֖י תָּ֣פְשׂוּ חָ֑י וַיַּקְרִ֥בוּ אֹתֹ֖ו אֶל־יְהֹושֻֽׁעַ׃

wĕʼeţ־me֥lekĕ háʻa֖y ţá֣̇pĕş̂ẇ ẖá֑y wayȧqĕri֥bẇ ʼòţò֖w ʼel־yĕhòwşǔֽʻa׃

24
וַיְהִ֣י כְּכַלֹּ֣ות יִשְׂרָאֵ֡ל לַהֲרֹג֩ אֶת־כָּל־יֹשְׁבֵ֨י הָעַ֜י בַּשָּׂדֶ֗ה בַּמִּדְבָּר֙ אֲשֶׁ֣ר רְדָפ֣וּם בֹּ֔ו וַֽיִּפְּל֥וּ כֻלָּ֛ם לְפִי־חֶ֖רֶב עַד־תֻּמָּ֑ם וַיָּשֻׁ֤בוּ כָל־יִשְׂרָאֵל֙ הָעַ֔י וַיַּכּ֥וּ אֹתָ֖הּ לְפִי־חָֽרֶב׃

wayĕhi֣y kĕ̇kalò֣̇wţ yişĕ̂ráʼé֡l lahàròg֩ ʼeţ־ká̇l־yòşĕ̌bé֨y háʻa֜y bȧşá̇̂de֗h bȧmi̇dĕbá̇r֙ ʼàşě֣r rĕdáp֣ẇm bò̇֔w waֽyi̇pĕ̇l֥ẇ kulá֛̇m lĕpiy־ẖe֖reb ʻad־ţu̇má֑̇m wayá̇şǔ֤bẇ kál־yişĕ̂ráʼél֙ háʻa֔y wayȧk֥̇ẇ ʼòţá֖ḣ lĕpiy־ẖáֽreb׃

25
וַיְהִי֩ כָל־הַנֹּ֨פְלִ֜ים בַּיֹּ֤ום הַהוּא֙ מֵאִ֣ישׁ וְעַד־אִשָּׁ֔ה שְׁנֵ֥ים עָשָׂ֖ר אָ֑לֶף כֹּ֖ל אַנְשֵׁ֥י הָעָֽי׃

wayĕhiy֩ kál־hanò̇֨pĕli֜ym bȧyò֤̇wm hahẇʼ֙ méʼi֣yş̌ wĕʻad־ʼişá̇̌֔h şĕ̌né֥ym ʻáşá֖̂r ʼá֑lep kò֖̇l ʼanĕşé֥̌y háʻáֽy׃

26
וִיהֹושֻׁ֨עַ֙ לֹֽא־הֵשִׁ֣יב יָדֹ֔ו אֲשֶׁ֥ר נָטָ֖ה בַּכִּידֹ֑ון עַ֚ד אֲשֶׁ֣ר הֶחֱרִ֔ים אֵ֖ת כָּל־יֹשְׁבֵ֥י הָעָֽי׃

wiyhòwşǔ֨ʻa֙ lòֽʼ־héşǐ֣yb yádò֔w ʼàşě֥r nátá֖h bȧki̇ydò֑wn ʻa֚d ʼàşě֣r heẖèri֔ym ʼé֖ţ ká̇l־yòşĕ̌bé֥y háʻáֽy׃

27
רַ֣ק הַבְּהֵמָ֗ה וּשְׁלַל֙ הָעִ֣יר הַהִ֔יא בָּזְז֥וּ לָהֶ֖ם יִשְׂרָאֵ֑ל כִּדְבַ֣ר יְהוָ֔ה אֲשֶׁ֥ר צִוָּ֖ה אֶת־יְהֹושֻֽׁעַ׃

ra֣q habĕ̇hémá֗h ẇşĕ̌lal֙ háʻi֣yr hahi֔yʼ bá̇zĕz֥ẇ láhe֖m yişĕ̂ráʼé֑l ki̇dĕba֣r yĕhwá֔h ʼàşě֥r ẕiwá֖̇h ʼeţ־yĕhòwşǔֽʻa׃

28
וַיִּשְׂרֹ֥ף יְהֹושֻׁ֖עַ אֶת־הָעָ֑י וַיְשִׂימֶ֤הָ תֵּל־עֹולָם֙ שְׁמָמָ֔ה עַ֖ד הַיֹּ֥ום הַזֶּֽה׃

wayi̇şĕ̂rò֥p yĕhòwşǔ֖ʻa ʼeţ־háʻá֑y wayĕşîyme֤há ţé̇l־ʻòwlám֙ şĕ̌mámá֔h ʻa֖d hayò֥̇wm hazėֽh׃

29
וְאֶת־מֶ֧לֶךְ הָעַ֛י תָּלָ֥ה עַל־הָעֵ֖ץ עַד־עֵ֣ת הָעָ֑רֶב וּכְבֹ֣וא הַשֶּׁמֶשׁ֩ צִוָּ֨ה יְהֹושֻׁ֜עַ וַיֹּרִ֧ידוּ אֶת־נִבְלָתֹ֣ו מִן־הָעֵ֗ץ וַיַּשְׁלִ֤יכוּ אֹותָהּ֙ אֶל־פֶּ֨תַח֙ שַׁ֣עַר הָעִ֔יר וַיָּקִ֤ימוּ עָלָיו֙ גַּל־אֲבָנִ֣ים גָּדֹ֔ול עַ֖ד הַיֹּ֥ום הַזֶּֽה׃ פ

wĕʼeţ־me֧lekĕ háʻa֛y ţá̇lá֥h ʻal־háʻé֖ẕ ʻad־ʻé֣ţ háʻá֑reb ẇkĕbò֣wʼ haşė̌meş̌֩ ẕiwá̇֨h yĕhòwşǔ֜ʻa wayò̇ri֧ydẇ ʼeţ־nibĕláţò֣w min־háʻé֗ẕ wayȧşĕ̌li֤ykẇ ʼòwţáḣ֙ ʼel־pė֨ţaẖ֙ şǎ֣ʻar háʻi֔yr wayá̇qi֤ymẇ ʻáláyw֙ gȧl־ʼàbáni֣ym gá̇dò֔wl ʻa֖d hayò֥̇wm hazėֽh׃ p

30
אָ֣ז יִבְנֶ֤ה יְהֹושֻׁ֨עַ֙ מִזְבֵּ֔חַ לַֽיהוָ֖ה אֱלֹהֵ֣י יִשְׂרָאֵ֑ל בְּהַ֖ר עֵיבָֽל׃

ʼá֣z yibĕne֤h yĕhòwşǔ֨ʻa֙ mizĕbé̇֔ẖa laֽyhwá֖h ʼèlòhé֣y yişĕ̂ráʼé֑l bĕ̇ha֖r ʻéybáֽl׃

31
כַּאֲשֶׁ֣ר צִוָּה֩ מֹשֶׁ֨ה עֶֽבֶד־יְהוָ֜ה אֶת־בְּנֵ֣י יִשְׂרָאֵ֗ל כַּכָּתוּב֙ בְּסֵ֨פֶר֙ תֹּורַ֣ת מֹשֶׁ֔ה מִזְבַּח֙ אֲבָנִ֣ים שְׁלֵמֹ֔ות אֲשֶׁ֛ר לֹֽא־הֵנִ֥יף עֲלֵיהֶ֖ן בַּרְזֶ֑ל וַיַּעֲל֨וּ עָלָ֤יו עֹלֹות֙ לַֽיהוָ֔ה וַֽיִּזְבְּח֖וּ שְׁלָמִֽים׃

kȧʼàşě֣r ẕiwá̇h֩ mòşě֨h ʻeֽbed־yĕhwá֜h ʼeţ־bĕ̇né֣y yişĕ̂ráʼé֗l kȧká̇ţẇb֙ bĕ̇sé֨per֙ ţò̇wra֣ţ mòşě֔h mizĕbȧẖ֙ ʼàbáni֣ym şĕ̌lémò֔wţ ʼàşě֛r lòֽʼ־héni֥yp ʻàléyhe֖n bȧrĕze֑l wayȧʻàl֨ẇ ʻálá֤yw ʻòlòwţ֙ laֽyhwá֔h waֽyi̇zĕbĕ̇ẖ֖ẇ şĕ̌lámiֽym׃

32
וַיִּכְתָּב־שָׁ֖ם עַל־הָאֲבָנִ֑ים אֵ֗ת מִשְׁנֵה֙ תֹּורַ֣ת מֹשֶׁ֔ה אֲשֶׁ֣ר כָּתַ֔ב לִפְנֵ֖י בְּנֵ֥י יִשְׂרָאֵֽל׃

wayi̇kĕţá̇b־şá֖̌m ʻal־háʼàbáni֑ym ʼé֗ţ mişĕ̌néh֙ ţò̇wra֣ţ mòşě֔h ʼàşě֣r ká̇ţa֔b lipĕné֖y bĕ̇né֥y yişĕ̂ráʼéֽl׃

33
וְכָל־יִשְׂרָאֵ֡ל וּזְקֵנָ֡יו וְשֹׁטְרִ֣ים׀ וְשֹׁפְטָ֡יו עֹמְדִ֣ים מִזֶּ֣ה׀ וּמִזֶּ֣ה׀ לָאָרֹ֡ון נֶגֶד֩ הַכֹּהֲנִ֨ים הַלְוִיִּ֜ם נֹשְׂאֵ֣י׀ אֲרֹ֣ון בְּרִית־יְהוָ֗ה כַּגֵּר֙ כָּֽאֶזְרָ֔ח חֶצְיֹו֙ אֶל־מ֣וּל הַר־גְּרִזִ֔ים וְהַֽחֶצְיֹ֖ו אֶל־מ֣וּל הַר־עֵיבָ֑ל

wĕkál־yişĕ̂ráʼé֡l ẇzĕqéná֡yw wĕşò̌tĕri֣ym׀ wĕşò̌pĕtá֡yw ʻòmĕdi֣ym mizė֣h׀ ẇmizė֣h׀ láʼárò֡wn neged֩ hakò̇hàni֨ym halĕwiyi̇֜m nòşĕ̂ʼé֣y׀ ʼàrò֣wn bĕ̇riyţ־yĕhwá֗h kȧgé̇r֙ káֽ̇ʼezĕrá֔ẖ ẖeẕĕyòw֙ ʼel־m֣ẇl har־gĕ̇rizi֔ym wĕhaֽẖeẕĕyò֖w ʼel־m֣ẇl har־ʻéybá֑l

34
וְאַֽחֲרֵי־כֵ֗ן קָרָא֙ אֶת־כָּל־דִּבְרֵ֣י הַתֹּורָ֔ה הַבְּרָכָ֖ה וְהַקְּלָלָ֑ה כְּכָל־הַכָּת֖וּב בְּסֵ֥פֶר הַתֹּורָֽה׃

wĕʼaֽẖàréy־ké֗n qáráʼ֙ ʼeţ־ká̇l־di̇bĕré֣y haţò̇wrá֔h habĕ̇ráká֖h wĕhaqĕ̇lálá֑h kĕ̇kál־haká̇ţ֖ẇb bĕ̇sé֥per haţò̇wráֽh׃

35
לֹֽא־הָיָ֣ה דָבָ֔ר מִכֹּ֖ל אֲשֶׁר־צִוָּ֣ה מֹשֶׁ֑ה אֲשֶׁ֨ר לֹֽא־קָרָ֜א יְהֹושֻׁ֗עַ נֶ֣גֶד כָּל־קְהַ֤ל יִשְׂרָאֵל֙ וְהַנָּשִׁ֣ים וְהַטַּ֔ף וְהַגֵּ֖ר הַהֹלֵ֥ךְ בְּקִרְבָּֽם׃ פ

lòֽʼ־háyá֣h dábá֔r mikò֖̇l ʼàşěr־ẕiwá֣̇h mòşě֑h ʼàşě֨r lòֽʼ־qárá֜ʼ yĕhòwşǔ֗ʻa ne֣ged ká̇l־qĕha֤l yişĕ̂ráʼél֙ wĕhaná̇şǐ֣ym wĕhatȧ֔p wĕhagé֖̇r hahòlé֥kĕ bĕ̇qirĕbáֽ̇m׃ p