Bibles in ancient languages
Old translations
Modern translations

Biblia Hebraica Stuttgartiensia Jeremiah 15

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֤אמֶר יְהוָה֙ אֵלַ֔י אִם־יַעֲמֹ֨ד מֹשֶׁ֤ה וּשְׁמוּאֵל֙ לְפָנַ֔י אֵ֥ין נַפְשִׁ֖י אֶל־הָעָ֣ם הַזֶּ֑ה שַׁלַּ֥ח מֵֽעַל־פָּנַ֖י וְיֵצֵֽאוּ׃

wayò֤̇ʼmer yĕhwáh֙ ʼéla֔y ʼim־yaʻàmò֨d mòşě֤h ẇşĕ̌mẇʼél֙ lĕpána֔y ʼé֥yn napĕşǐ֖y ʼel־háʻá֣m hazė֑h şǎlȧ֥ẖ méֽʻal־pá̇na֖y wĕyéẕéֽʼẇ׃

2
וְהָיָ֛ה כִּֽי־יֹאמְר֥וּ אֵלֶ֖יךָ אָ֣נָה נֵצֵ֑א וְאָמַרְתָּ֨ אֲלֵיהֶ֜ם כֹּֽה־אָמַ֣ר יְהוָ֗ה אֲשֶׁ֨ר לַמָּ֤וֶת לַמָּ֨וֶת֙ וַאֲשֶׁ֤ר לַחֶ֨רֶב֙ לַחֶ֔רֶב וַאֲשֶׁ֤ר לָֽרָעָב֙ לָֽרָעָ֔ב וַאֲשֶׁ֥ר לַשְּׁבִ֖י לַשֶּֽׁבִי׃

wĕháyá֛h kiֽ̇y־yòʼmĕr֥ẇ ʼéle֖yká ʼá֣náh néẕé֑ʼ wĕʼámarĕţá̇֨ ʼàléyhe֜m kòֽ̇h־ʼáma֣r yĕhwá֗h ʼàşě֨r lamá֤̇weţ lamá̇֨weţ֙ waʼàşě֤r laẖe֨reb֙ laẖe֔reb waʼàşě֤r láֽráʻáb֙ láֽráʻá֔b waʼàşě֥r laşĕ̇̌bi֖y laşėֽ̌biy׃

3
וּפָקַדְתִּ֨י עֲלֵיהֶ֜ם אַרְבַּ֤ע מִשְׁפָּחֹות֙ נְאֻם־יְהוָ֔ה אֶת־הַחֶ֣רֶב לַֽהֲרֹ֔ג וְאֶת־הַכְּלָבִ֖ים לִסְחֹ֑ב וְאֶת־עֹ֧וף הַשָּׁמַ֛יִם וְאֶת־בֶּהֱמַ֥ת הָאָ֖רֶץ לֶאֱכֹ֥ל וּלְהַשְׁחִֽית׃

ẇpáqadĕţi̇֨y ʻàléyhe֜m ʼarĕbȧ֤ʻ mişĕ̌pá̇ẖòwţ֙ nĕʼum־yĕhwá֔h ʼeţ־haẖe֣reb laֽhàrò֔g wĕʼeţ־hakĕ̇lábi֖ym lisĕẖò֑b wĕʼeţ־ʻò֧wp haşá̇̌ma֛yim wĕʼeţ־bėhèma֥ţ háʼá֖reẕ leʼèkò֥l ẇlĕhaşĕ̌ẖiֽyţ׃

4
וּנְתַתִּ֣ים לִזְוָעָה לְכֹ֖ל מַמְלְכֹ֣ות הָאָ֑רֶץ בִּ֠גְלַל מְנַשֶּׁ֤ה בֶן־יְחִזְקִיָּ֨הוּ֙ מֶ֣לֶךְ יְהוּדָ֔ה עַ֥ל אֲשֶׁר־עָשָׂ֖ה בִּירוּשָׁלִָֽם׃

ẇnĕţaţi֣̇ym lizĕwáʻáh lĕkò֖l mamĕlĕkò֣wţ háʼá֑reẕ bi̇֠gĕlal mĕnaşė֤̌h ben־yĕẖizĕqiyá̇֨hẇ֙ me֣lekĕ yĕhẇdá֔h ʻa֥l ʼàşěr־ʻáşá֖̂h bi̇yrẇşá̌láֽim׃

5
כִּ֠י מִֽי־יַחְמֹ֤ל עָלַ֨יִךְ֙ יְר֣וּשָׁלִַ֔ם וּמִ֖י יָנ֣וּד לָ֑ךְ וּמִ֣י יָס֔וּר לִשְׁאֹ֥ל לְשָׁלֹ֖ם לָֽךְ׃

ki̇֠y miֽy־yaẖĕmò֤l ʻála֨yikĕ֙ yĕr֣ẇşá̌lia֔m ẇmi֖y yán֣ẇd lá֑kĕ ẇmi֣y yás֔ẇr lişĕ̌ʼò֥l lĕşá̌lò֖m láֽkĕ׃

6
אַ֣תְּ נָטַ֥שְׁתְּ אֹתִ֛י נְאֻם־יְהוָ֖ה אָחֹ֣ור תֵּלֵ֑כִי וָאַ֨ט אֶת־יָדִ֤י עָלַ֨יִךְ֙ וָֽאַשְׁחִיתֵ֔ךְ נִלְאֵ֖יתִי הִנָּחֵֽם׃

ʼa֣ţĕ̇ náta֥şĕ̌ţĕ̇ ʼòţi֛y nĕʼum־yĕhwá֖h ʼáẖò֣wr ţé̇lé֑kiy wáʼa֨t ʼeţ־yádi֤y ʻála֨yikĕ֙ wáֽʼaşĕ̌ẖiyţé֔kĕ nilĕʼé֖yţiy hiná̇ẖéֽm׃

7
וָאֶזְרֵ֥ם בְּמִזְרֶ֖ה בְּשַׁעֲרֵ֣י הָאָ֑רֶץ שִׁכַּ֤לְתִּי אִבַּ֨דְתִּי֙ אֶת־עַמִּ֔י מִדַּרְכֵיהֶ֖ם לֹוא־שָֽׁבוּ׃

wáʼezĕré֥m bĕ̇mizĕre֖h bĕ̇şǎʻàré֣y háʼá֑reẕ şǐkȧ֤lĕţi̇y ʼibȧ֨dĕţi̇y֙ ʼeţ־ʻami̇֔y midȧrĕkéyhe֖m lòwʼ־şáֽ̌bẇ׃

8
עָֽצְמוּ־לִ֤י אלמנתו מֵחֹ֣ול יַמִּ֔ים הֵבֵ֨אתִי לָהֶ֥ם עַל־אֵ֛ם בָּח֖וּר שֹׁדֵ֣ד בַּֽצָּהֳרָ֑יִם הִפַּ֤לְתִּי עָלֶ֨יהָ֙ פִּתְאֹ֔ם עִ֖יר וּבֶהָלֹֽות׃

ʻáֽẕĕmẇ־li֤y ʼlmnţw méẖò֣wl yami̇֔ym hébé֨ʼţiy láhe֥m ʻal־ʼé֛m bá̇ẖ֖ẇr şò̌dé֣d bȧֽẕá̇horá֑yim hipȧ֤lĕţi̇y ʻále֨yhá֙ pi̇ţĕʼò֔m ʻi֖yr ẇbehálòֽwţ׃

9
אֻמְלְלָ֞ה יֹלֶ֣דֶת הַשִּׁבְעָ֗ה נָפְחָ֥ה נַפְשָׁ֛הּ בָּאָה שִׁמְשָׁ֛הּ בְּעֹ֥ד יֹומָ֖ם בֹּ֣ושָׁה וְחָפֵ֑רָה וּשְׁאֵֽרִיתָ֗ם לַחֶ֧רֶב אֶתֵּ֛ן לִפְנֵ֥י אֹיְבֵיהֶ֖ם נְאֻם־יְהוָֽה׃ ס

ʼumĕlĕlá֞h yòle֣deţ haşi̇̌bĕʻá֗h nápĕẖá֥h napĕşá֛̌ḣ bá̇ʼáh şǐmĕşá֛̌ḣ bĕ̇ʻò֥d yòwmá֖m bò֣̇wşá̌h wĕẖápé֑ráh ẇşĕ̌ʼéֽriyţá֗m laẖe֧reb ʼeţé֛̇n lipĕné֥y ʼòyĕbéyhe֖m nĕʼum־yĕhwáֽh׃ s

10
אֹֽוי־לִ֣י אִמִּ֔י כִּ֣י יְלִדְתִּ֗נִי אִ֥ישׁ רִ֛יב וְאִ֥ישׁ מָדֹ֖ון לְכָל־הָאָ֑רֶץ לֹֽא־נָשִׁ֥יתִי וְלֹא־נָֽשׁוּ־בִ֖י כֻּלֹּ֥ה מְקַלְלַֽונִי׃ ס

ʼòֽwy־li֣y ʼimi̇֔y ki֣̇y yĕlidĕţi̇֗niy ʼi֥yş̌ ri֛yb wĕʼi֥yş̌ mádò֖wn lĕkál־háʼá֑reẕ lòֽʼ־náşǐ֥yţiy wĕlòʼ־náֽş̌ẇ־bi֖y ku̇lò֥̇h mĕqalĕlaֽwniy׃ s

11
אָמַ֣ר יְהוָ֔ה אִם־לֹ֥א שָׁרֹותִךָ לְטֹ֑וב אִם־לֹ֣וא׀ הִפְגַּ֣עְתִּֽי בְךָ֗ בְּעֵ֥ת־רָעָ֛ה וּבְעֵ֥ת צָרָ֖ה אֶת־הָאֹיֵֽב׃

ʼáma֣r yĕhwá֔h ʼim־lò֥ʼ şá̌ròwţiká lĕtò֑wb ʼim־lò֣wʼ׀ hipĕgȧ֣ʻĕţiֽ̇y bĕká֗ bĕ̇ʻé֥ţ־ráʻá֛h ẇbĕʻé֥ţ ẕárá֖h ʼeţ־háʼòyéֽb׃

12
הֲיָרֹ֨עַ בַּרְזֶ֧ל׀ בַּרְזֶ֛ל מִצָּפֹ֖ון וּנְחֹֽשֶׁת׃

hàyárò֨ʻa bȧrĕze֧l׀ bȧrĕze֛l miẕá̇pò֖wn ẇnĕẖòֽşěţ׃

13
חֵילְךָ֧ וְאֹוצְרֹותֶ֛יךָ לָבַ֥ז אֶתֵּ֖ן לֹ֣א בִמְחִ֑יר וּבְכָל־חַטֹּאותֶ֖יךָ וּבְכָל־גְּבוּלֶֽיךָ׃

ẖéylĕká֧ wĕʼòwẕĕròwţe֛yká lába֥z ʼeţé֖̇n lò֣ʼ bimĕẖi֑yr ẇbĕkál־ẖatò̇ʼwţe֖yká ẇbĕkál־gĕ̇bẇleֽyká׃

14
וְהַֽעֲבַרְתִּי֙ אֶת־אֹ֣יְבֶ֔יךָ בְּאֶ֖רֶץ לֹ֣א יָדָ֑עְתָּ כִּֽי־אֵ֛שׁ קָדְחָ֥ה בְאַפִּ֖י עֲלֵיכֶ֥ם תּוּקָֽד׃ ס

wĕhaֽʻàbarĕţi̇y֙ ʼeţ־ʼò֣yĕbe֔yká bĕ̇ʼe֖reẕ lò֣ʼ yádá֑ʻĕţá̇ kiֽ̇y־ʼé֛ş̌ qádĕẖá֥h bĕʼapi֖̇y ʻàléyke֥m ţ̇ẇqáֽd׃ s

15
אַתָּ֧ה יָדַ֣עְתָּ יְהוָ֗ה זָכְרֵ֤נִי וּפָקְדֵ֨נִי֙ וְהִנָּ֤קֶם לִי֙ מֵרֹ֣דְפַ֔י אַל־לְאֶ֥רֶךְ אַפְּךָ֖ תִּקָּחֵ֑נִי דַּ֕ע שְׂאֵתִ֥י עָלֶ֖יךָ חֶרְפָּֽה׃

ʼaţá֧̇h yáda֣ʻĕţá̇ yĕhwá֗h zákĕré֤niy ẇpáqĕdé֨niy֙ wĕhiná֤̇qem liy֙ mérò֣dĕpa֔y ʼal־lĕʼe֥rekĕ ʼapĕ̇ká֖ ţi̇qá̇ẖé֑niy dȧ֕ʻ şĕ̂ʼéţi֥y ʻále֖yká ẖerĕpáֽ̇h׃

16
נִמְצְא֤וּ דְבָרֶ֨יךָ֙ וָאֹ֣כְלֵ֔ם וַיְהִ֤י דְבָרֶיךָ לִ֔י לְשָׂשֹׂ֖ון וּלְשִׂמְחַ֣ת לְבָבִ֑י כִּֽי־נִקְרָ֤א שִׁמְךָ֙ עָלַ֔י יְהוָ֖ה אֱלֹהֵ֥י צְבָאֹֽות׃ ס

nimĕẕĕʼ֤ẇ dĕbáre֨yká֙ wáʼò֣kĕlé֔m wayĕhi֤y dĕbáreyká li֔y lĕşá̂şò֖̂wn ẇlĕşîmĕẖa֣ţ lĕbábi֑y kiֽ̇y־niqĕrá֤ʼ şǐmĕká֙ ʻála֔y yĕhwá֖h ʼèlòhé֥y ẕĕbáʼòֽwţ׃ s

17
לֹֽא־יָשַׁ֥בְתִּי בְסֹוד־מְשַׂחֲקִ֖ים וָֽאֶעְלֹ֑ז מִפְּנֵ֤י יָֽדְךָ֙ בָּדָ֣ד יָשַׁ֔בְתִּי כִּֽי־זַ֖עַם מִלֵּאתָֽנִי׃ ס

lòֽʼ־yáşǎ֥bĕţi̇y bĕsòwd־mĕşâẖàqi֖ym wáֽʼeʻĕlò֑z mipĕ̇né֤y yáֽdĕká֙ bá̇dá֣d yáşǎ֔bĕţi̇y kiֽ̇y־za֖ʻam milé̇ʼţáֽniy׃ s

18
לָ֣מָּה הָיָ֤ה כְאֵבִי֙ נֶ֔צַח וּמַכָּתִ֖י אֲנוּשָׁ֑ה֙ מֵֽאֲנָה֙ הֵֽרָפֵ֔א הָיֹ֨ו תִֽהְיֶ֥ה לִי֙ כְּמֹ֣ו אַכְזָ֔ב מַ֖יִם לֹ֥א נֶאֱמָֽנוּ׃ ס

lá֣má̇h háyá֤h kĕʼébiy֙ ne֔ẕaẖ ẇmaká̇ţi֖y ʼànẇşá֑̌h֙ méֽʼànáh֙ héֽrápé֔ʼ háyò֨w ţiֽhĕye֥h liy֙ kĕ̇mò֣w ʼakĕzá֔b ma֖yim lò֥ʼ neʼèmáֽnẇ׃ s

19
לָכֵ֞ן כֹּֽה־אָמַ֣ר יְהוָ֗ה אִם־תָּשׁ֤וּב וַאֲשִֽׁיבְךָ֙ לְפָנַ֣י תַּֽעֲמֹ֔ד וְאִם־תֹּוצִ֥יא יָקָ֛ר מִזֹּולֵ֖ל כְּפִ֣י תִֽהְיֶ֑ה יָשֻׁ֤בוּ הֵ֨מָּה֙ אֵלֶ֔יךָ וְאַתָּ֖ה לֹֽא־תָשׁ֥וּב אֲלֵיהֶֽם׃

láké֞n kòֽ̇h־ʼáma֣r yĕhwá֗h ʼim־ţá̇ş֤̌ẇb waʼàşǐֽybĕká֙ lĕpána֣y ţȧֽʻàmò֔d wĕʼim־ţò̇wẕi֥yʼ yáqá֛r mizò̇wlé֖l kĕ̇pi֣y ţiֽhĕye֑h yáşǔ֤bẇ hé֨má̇h֙ ʼéle֔yká wĕʼaţá֖̇h lòֽʼ־ţáş֥̌ẇb ʼàléyheֽm׃

20
וּנְתַתִּ֜יךָ לָעָ֣ם הַזֶּ֗ה לְחֹומַ֤ת נְחֹ֨שֶׁת֙ בְּצוּרָ֔ה וְנִלְחֲמ֥וּ אֵלֶ֖יךָ וְלֹא־י֣וּכְלוּ לָ֑ךְ כִּֽי־אִתְּךָ֥ אֲנִ֛י לְהֹושִֽׁיעֲךָ֥ וּלְהַצִּילֶ֖ךָ נְאֻם־יְהוָֽה׃

ẇnĕţaţi̇֜yká láʻá֣m hazė֗h lĕẖòwma֤ţ nĕẖò֨şěţ֙ bĕ̇ẕẇrá֔h wĕnilĕẖàm֥ẇ ʼéle֖yká wĕlòʼ־y֣ẇkĕlẇ lá֑kĕ kiֽ̇y־ʼiţĕ̇ká֥ ʼàni֛y lĕhòwşǐֽyʻàká֥ ẇlĕhaẕi̇yle֖ká nĕʼum־yĕhwáֽh׃

21
וְהִצַּלְתִּ֖יךָ מִיַּ֣ד רָעִ֑ים וּפְדִתִ֖יךָ מִכַּ֥ף עָרִצִֽים׃ פ

wĕhiẕȧlĕţi֖̇yká miyȧ֣d ráʻi֑ym ẇpĕdiţi֖yká mikȧ֥p ʻáriẕiֽym׃ p