Bibles in ancient languages
Old translations
Modern translations

Biblia Hebraica Stuttgartensia Jérémie 16:21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
לֹֽא־תִקַּ֥ח לְךָ֖ אִשָּׁ֑ה וְלֹֽא־יִהְי֤וּ לְךָ֙ בָּנִ֣ים וּבָנֹ֔ות בַּמָּקֹ֖ום הַזֶּֽה׃

lòֽʼ־ţiqȧ֥ẖ lĕká֖ ʼişá֑̇̌h wĕlòֽʼ־yihĕy֤ẇ lĕká֙ bá̇ni֣ym ẇbánò֔wţ bȧmá̇qò֖wm hazėֽh׃

3
כִּי־כֹ֣ה׀ אָמַ֣ר יְהוָ֗ה עַל־הַבָּנִים֙ וְעַל־הַבָּנֹ֔ות הַיִּלֹּודִ֖ים בַּמָּקֹ֣ום הַזֶּ֑ה וְעַֽל־אִמֹּתָ֞ם הַיֹּלְדֹ֣ות אֹותָ֗ם וְעַל־אֲבֹותָ֛ם הַמֹּולִדִ֥ים אֹותָ֖ם בָּאָ֥רֶץ הַזֹּֽאת׃

ki̇y־kò֣h׀ ʼáma֣r yĕhwá֗h ʻal־habá̇niym֙ wĕʻal־habá̇nò֔wţ hayi̇lò̇wdi֖ym bȧmá̇qò֣wm hazė֑h wĕʻaֽl־ʼimò̇ţá֞m hayò̇lĕdò֣wţ ʼòwţá֗m wĕʻal־ʼàbòwţá֛m hamò̇wlidi֥ym ʼòwţá֖m bá̇ʼá֥reẕ hazòֽ̇ʼţ׃

4
מְמֹותֵ֨י תַחֲלֻאִ֜ים יָמֻ֗תוּ לֹ֤א יִסָּֽפְדוּ֙ וְלֹ֣א יִקָּבֵ֔רוּ לְדֹ֛מֶן עַל־פְּנֵ֥י הָאֲדָמָ֖ה יִֽהְי֑וּ וּבַחֶ֤רֶב וּבָֽרָעָב֙ יִכְל֔וּ וְהָיְתָ֤ה נִבְלָתָם֙ לְמַאֲכָ֔ל לְעֹ֥וף הַשָּׁמַ֖יִם וּלְבֶהֱמַ֥ת הָאָֽרֶץ׃ ס

mĕmòwţé֨y ţaẖàluʼi֜ym yámu֗ţẇ lò֤ʼ yisáֽ̇pĕdẇ֙ wĕlò֣ʼ yiqá̇bé֔rẇ lĕdò֛men ʻal־pĕ̇né֥y háʼàdámá֖h yiֽhĕy֑ẇ ẇbaẖe֤reb ẇbáֽráʻáb֙ yikĕl֔ẇ wĕháyĕţá֤h nibĕláţám֙ lĕmaʼàká֔l lĕʻò֥wp haşá̇̌ma֖yim ẇlĕbehèma֥ţ háʼáֽreẕ׃ s

5
כִּֽי־כֹ֣ה׀ אָמַ֣ר יְהוָ֗ה אַל־תָּבֹוא֙ בֵּ֣ית מַרְזֵ֔חַ וְאַל־תֵּלֵ֣ךְ לִסְפֹּ֔וד וְאַל־תָּנֹ֖ד לָהֶ֑ם כִּֽי־אָסַ֨פְתִּי אֶת־שְׁלֹומִ֜י מֵאֵ֨ת הָעָ֤ם־הַזֶּה֙ נְאֻם־יְהוָ֔ה אֶת־הַחֶ֖סֶד וְאֶת־הָֽרַחֲמִֽים׃

kiֽ̇y־kò֣h׀ ʼáma֣r yĕhwá֗h ʼal־ţá̇bòwʼ֙ bé֣̇yţ marĕzé֔ẖa wĕʼal־ţé̇lé֣kĕ lisĕpò̇֔wd wĕʼal־ţá̇nò֖d láhe֑m kiֽ̇y־ʼása֨pĕţi̇y ʼeţ־şĕ̌lòwmi֜y méʼé֨ţ háʻá֤m־hazėh֙ nĕʼum־yĕhwá֔h ʼeţ־haẖe֖sed wĕʼeţ־háֽraẖàmiֽym׃

6
וּמֵ֨תוּ גְדֹלִ֧ים וּקְטַנִּ֛ים בָּאָ֥רֶץ הַזֹּ֖את לֹ֣א יִקָּבֵ֑רוּ וְלֹֽא־יִסְפְּד֣וּ לָהֶ֔ם וְלֹ֣א יִתְגֹּדַ֔ד וְלֹ֥א יִקָּרֵ֖חַ לָהֶֽם׃

ẇmé֨ţẇ gĕdòli֧ym ẇqĕtani֛̇ym bá̇ʼá֥reẕ hazò֖̇ʼţ lò֣ʼ yiqá̇bé֑rẇ wĕlòֽʼ־yisĕpĕ̇d֣ẇ láhe֔m wĕlò֣ʼ yiţĕgò̇da֔d wĕlò֥ʼ yiqá̇ré֖ẖa láheֽm׃

7
וְלֹֽא־יִפְרְס֥וּ לָהֶ֛ם עַל־אֵ֖בֶל לְנַחֲמֹ֣ו עַל־מֵ֑ת וְלֹֽא־יַשְׁק֤וּ אֹותָם֙ כֹּ֣וס תַּנְחוּמִ֔ים עַל־אָבִ֖יו וְעַל־אִמֹּֽו׃

wĕlòֽʼ־yipĕrĕs֥ẇ láhe֛m ʻal־ʼé֖bel lĕnaẖàmò֣w ʻal־mé֑ţ wĕlòֽʼ־yaşĕ̌q֤ẇ ʼòwţám֙ kò֣̇ws ţȧnĕẖẇmi֔ym ʻal־ʼábi֖yw wĕʻal־ʼimòֽ̇w׃

8
וּבֵית־מִשְׁתֶּ֥ה לֹא־תָבֹ֖וא לָשֶׁ֣בֶת אֹותָ֑ם לֶאֱכֹ֖ל וְלִשְׁתֹּֽות׃ ס

ẇbéyţ־mişĕ̌ţė֥h lòʼ־ţábò֖wʼ láşě֣beţ ʼòwţá֑m leʼèkò֖l wĕlişĕ̌ţòֽ̇wţ׃ s

9
כִּי֩ כֹ֨ה אָמַ֜ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִ֨י מַשְׁבִּ֜ית מִן־הַמָּקֹ֥ום הַזֶּ֛ה לְעֵינֵיכֶ֖ם וּבִֽימֵיכֶ֑ם קֹ֤ול שָׂשֹׂון֙ וְקֹ֣ול שִׂמְחָ֔ה קֹ֥ול חָתָ֖ן וְקֹ֥ול כַּלָּֽה׃

ki̇y֩ kò֨h ʼáma֜r yĕhwá֤h ẕĕbáʼòwţ֙ ʼèlòhé֣y yişĕ̂ráʼé֔l hinĕni֨y maşĕ̌bi̇֜yţ min־hamá̇qò֥wm hazė֛h lĕʻéynéyke֖m ẇbiֽyméyke֑m qò֤wl şá̂şò̂wn֙ wĕqò֣wl şîmĕẖá֔h qò֥wl ẖáţá֖n wĕqò֥wl kȧláֽ̇h׃

10
וְהָיָ֗ה כִּ֤י תַגִּיד֙ לָעָ֣ם הַזֶּ֔ה אֵ֥ת כָּל־הַדְּבָרִ֖ים הָאֵ֑לֶּה וְאָמְר֣וּ אֵלֶ֗יךָ עַל־מֶה֩ דִבֶּ֨ר יְהוָ֤ה עָלֵ֨ינוּ֙ אֵ֣ת כָּל־הָרָעָ֤ה הַגְּדֹולָה֙ הַזֹּ֔את וּמֶ֤ה עֲוֹנֵ֨נוּ֙ וּמֶ֣ה חַטָּאתֵ֔נוּ אֲשֶׁ֥ר חָטָ֖אנוּ לַֽיהוָ֥ה אֱלֹהֵֽינוּ׃

wĕháyá֗h ki֤̇y ţagi̇yd֙ láʻá֣m hazė֔h ʼé֥ţ ká̇l־hadĕ̇bári֖ym háʼé֑lėh wĕʼámĕr֣ẇ ʼéle֗yká ʻal־meh֩ dibė֨r yĕhwá֤h ʻálé֨ynẇ֙ ʼé֣ţ ká̇l־háráʻá֤h hagĕ̇dòwláh֙ hazò̇֔ʼţ ẇme֤h ʻàwòné֨nẇ֙ ẇme֣h ẖatá̇ʼţé֔nẇ ʼàşě֥r ẖátá֖ʼnẇ laֽyhwá֥h ʼèlòhéֽynẇ׃

11
וְאָמַרְתָּ֣ אֲלֵיהֶ֗ם עַל֩ אֲשֶׁר־עָזְב֨וּ אֲבֹותֵיכֶ֤ם אֹותִי֙ נְאֻם־יְהוָ֔ה וַיֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים וַיַּעַבְד֖וּם וַיִּשְׁתַּחֲו֣וּ לָהֶ֑ם וְאֹתִ֣י עָזָ֔בוּ וְאֶת־תֹּורָתִ֖י לֹ֥א שָׁמָֽרוּ׃

wĕʼámarĕţá֣̇ ʼàléyhe֗m ʻal֩ ʼàşěr־ʻázĕb֨ẇ ʼàbòwţéyke֤m ʼòwţiy֙ nĕʼum־yĕhwá֔h wayé̇lĕk֗ẇ ʼaֽẖàréy֙ ʼèlòhi֣ym ʼàẖéri֔ym wayȧʻabĕd֖ẇm wayi̇şĕ̌ţȧẖàw֣ẇ láhe֑m wĕʼòţi֣y ʻázá֔bẇ wĕʼeţ־ţò̇wráţi֖y lò֥ʼ şá̌máֽrẇ׃

12
וְאַתֶּ֛ם הֲרֵעֹתֶ֥ם לַעֲשֹׂ֖ות מֵאֲבֹֽותֵיכֶ֑ם וְהִנְּכֶ֣ם הֹלְכִ֗ים אִ֚ישׁ אַֽחֲרֵי֙ שְׁרִר֣וּת לִבֹּֽו־הָרָ֔ע לְבִלְתִּ֖י שְׁמֹ֥עַ אֵלָֽי׃

wĕʼaţė֛m hàréʻòţe֥m laʻàşò֖̂wţ méʼàbòֽwţéyke֑m wĕhinĕ̇ke֣m hòlĕki֗ym ʼi֚yş̌ ʼaֽẖàréy֙ şĕ̌rir֣ẇţ libòֽ̇w־hárá֔ʻ lĕbilĕţi֖̇y şĕ̌mò֥ʻa ʼéláֽy׃

13
וְהֵטַלְתִּ֣י אֶתְכֶ֗ם מֵעַל֙ הָאָ֣רֶץ הַזֹּ֔את עַל־הָאָ֕רֶץ אֲשֶׁר֙ לֹ֣א יְדַעְתֶּ֔ם אַתֶּ֖ם וַאֲבֹֽותֵיכֶ֑ם וַעֲבַדְתֶּם־שָׁ֞ם אֶת־אֱלֹהִ֤ים אֲחֵרִים֙ יֹומָ֣ם וָלַ֔יְלָה אֲשֶׁ֛ר לֹֽא־אֶתֵּ֥ן לָכֶ֖ם חֲנִינָֽה׃ ס

wĕhétalĕţi֣̇y ʼeţĕke֗m méʻal֙ háʼá֣reẕ hazò̇֔ʼţ ʻal־háʼá֕reẕ ʼàşěr֙ lò֣ʼ yĕdaʻĕţė֔m ʼaţė֖m waʼàbòֽwţéyke֑m waʻàbadĕţėm־şá̌֞m ʼeţ־ʼèlòhi֤ym ʼàẖériym֙ yòwmá֣m wála֔yĕláh ʼàşě֛r lòֽʼ־ʼeţé֥̇n láke֖m ẖàniynáֽh׃ s

14
לָכֵ֛ן הִנֵּֽה־יָמִ֥ים בָּאִ֖ים נְאֻם־יְהוָ֑ה וְלֹֽא־יֵאָמֵ֥ר עֹוד֙ חַי־יְהוָ֔ה אֲשֶׁ֧ר הֶעֱלָ֛ה אֶת־בְּנֵ֥י יִשְׂרָאֵ֖ל מֵאֶ֥רֶץ מִצְרָֽיִם׃

láké֛n hinéֽ̇h־yámi֥ym bá̇ʼi֖ym nĕʼum־yĕhwá֑h wĕlòֽʼ־yéʼámé֥r ʻòwd֙ ẖay־yĕhwá֔h ʼàşě֧r heʻèlá֛h ʼeţ־bĕ̇né֥y yişĕ̂ráʼé֖l méʼe֥reẕ miẕĕráֽyim׃

15
כִּ֣י אִם־חַי־יְהוָ֗ה אֲשֶׁ֨ר הֶעֱלָ֜ה אֶת־בְּנֵ֤י יִשְׂרָאֵל֙ מֵאֶ֣רֶץ צָפֹ֔ון וּמִכֹּל֙ הָֽאֲרָצֹ֔ות אֲשֶׁ֥ר הִדִּיחָ֖ם שָׁ֑מָּה וַהֲשִֽׁבֹתִים֙ עַל־אַדְמָתָ֔ם אֲשֶׁ֥ר נָתַ֖תִּי לַאֲבֹותָֽם׃ ס

ki֣̇y ʼim־ẖay־yĕhwá֗h ʼàşě֨r heʻèlá֜h ʼeţ־bĕ̇né֤y yişĕ̂ráʼél֙ méʼe֣reẕ ẕápò֔wn ẇmikò̇l֙ háֽʼàráẕò֔wţ ʼàşě֥r hidi̇yẖá֖m şá֑̌má̇h wahàşǐֽbòţiym֙ ʻal־ʼadĕmáţá֔m ʼàşě֥r náţa֖ţi̇y laʼàbòwţáֽm׃ s

16
הִנְנִ֨י שֹׁלֵ֜חַ לְדַוָּגִים רַבִּ֛ים נְאֻם־יְהוָ֖ה וְדִיג֑וּם וְאַֽחֲרֵי־כֵ֗ן אֶשְׁלַח֙ לְרַבִּ֣ים צַיָּדִ֔ים וְצָד֞וּם מֵעַ֤ל כָּל־הַר֙ וּמֵעַ֣ל כָּל־גִּבְעָ֔ה וּמִנְּקִיקֵ֖י הַסְּלָעִֽים׃

hinĕni֨y şò̌lé֜ẖa lĕdawá̇giym rabi֛̇ym nĕʼum־yĕhwá֖h wĕdiyg֑ẇm wĕʼaֽẖàréy־ké֗n ʼeşĕ̌laẖ֙ lĕrabi֣̇ym ẕayá̇di֔ym wĕẕád֞ẇm méʻa֤l ká̇l־har֙ ẇméʻa֣l ká̇l־gi̇bĕʻá֔h ẇminĕ̇qiyqé֖y hasĕ̇láʻiֽym׃

17
כִּ֤י עֵינַי֙ עַל־כָּל־דַּרְכֵיהֶ֔ם לֹ֥א נִסְתְּר֖וּ מִלְּפָנָ֑י וְלֹֽא־נִצְפַּ֥ן עֲוֹנָ֖ם מִנֶּ֥גֶד עֵינָֽי׃

ki֤̇y ʻéynay֙ ʻal־ká̇l־dȧrĕkéyhe֔m lò֥ʼ nisĕţĕ̇r֖ẇ milĕ̇páná֑y wĕlòֽʼ־niẕĕpȧ֥n ʻàwòná֖m minė֥ged ʻéynáֽy׃

18
וְשִׁלַּמְתִּ֣י רִֽאשֹׁונָ֗ה מִשְׁנֵ֤ה עֲוֹנָם֙ וְחַטָּאתָ֔ם עַ֖ל חַלְּלָ֣ם אֶת־אַרְצִ֑י בְּנִבְלַ֤ת שִׁקּֽוּצֵיהֶם֙ וְתֹועֲבֹ֣ותֵיהֶ֔ם מָלְא֖וּ אֶת־נַחֲלָתִֽי׃ ס

wĕşǐlȧmĕţi֣̇y riֽʼşò̌wná֗h mişĕ̌né֤h ʻàwònám֙ wĕẖatá̇ʼţá֔m ʻa֖l ẖalĕ̇lá֣m ʼeţ־ʼarĕẕi֑y bĕ̇nibĕla֤ţ şǐqֽ̇ẇẕéyhem֙ wĕţòwʻàbò֣wţéyhe֔m málĕʼ֖ẇ ʼeţ־naẖàláţiֽy׃ s

19
יְהוָ֞ה עֻזִּ֧י וּמָעֻזִּ֛י וּמְנוּסִ֖י בְּיֹ֣ום צָרָ֑ה אֵלֶ֗יךָ גֹּויִ֤ם יָבֹ֨אוּ֙ מֵֽאַפְסֵי־אָ֔רֶץ וְיֹאמְר֗וּ אַךְ־שֶׁ֨קֶר֙ נָחֲל֣וּ אֲבֹותֵ֔ינוּ הֶ֖בֶל וְאֵֽין־בָּ֥ם מֹועִֽיל׃

yĕhwá֞h ʻuzi֧̇y ẇmáʻuzi֛̇y ẇmĕnẇsi֖y bĕ̇yò֣wm ẕárá֑h ʼéle֗yká gò̇wyi֤m yábò֨ʼẇ֙ méֽʼapĕséy־ʼá֔reẕ wĕyòʼmĕr֗ẇ ʼakĕ־şě֨qer֙ náẖàl֣ẇ ʼàbòwţé֔ynẇ he֖bel wĕʼéֽyn־bá֥̇m mòwʻiֽyl׃

20
הֲיַעֲשֶׂה־לֹּ֥ו אָדָ֖ם אֱלֹהִ֑ים וְהֵ֖מָּה לֹ֥א אֱלֹהִֽים׃

hàyaʻàşêh־lò֥̇w ʼádá֖m ʼèlòhi֑ym wĕhé֖má̇h lò֥ʼ ʼèlòhiֽym׃

21
לָכֵן֙ הִנְנִ֣י מֹֽודִיעָ֔ם בַּפַּ֣עַם הַזֹּ֔את אֹודִיעֵ֥ם אֶת־יָדִ֖י וְאֶת־גְּבֽוּרָתִ֑י וְיָדְע֖וּ כִּֽי־שְׁמִ֥י יְהוָֽה׃ ס

lákén֙ hinĕni֣y mòֽwdiyʻá֔m bȧpȧ֣ʻam hazò̇֔ʼţ ʼòwdiyʻé֥m ʼeţ־yádi֖y wĕʼeţ־gĕ̇bֽẇráţi֑y wĕyádĕʻ֖ẇ kiֽ̇y־şĕ̌mi֥y yĕhwáֽh׃ s