Bibles in ancient languages
Old translations
Modern translations

Biblia Hebraica Stuttgartensia Jérémie 17:3

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
חַטַּ֣את יְהוּדָ֗ה כְּתוּבָ֛ה בְּעֵ֥ט בַּרְזֶ֖ל בְּצִפֹּ֣רֶן שָׁמִ֑יר חֲרוּשָׁה֙ עַל־ל֣וּחַ לִבָּ֔ם וּלְקַרְנֹ֖ות מִזְבְּחֹותֵיכֶֽם׃

ẖatȧ֣ʼţ yĕhẇdá֗h kĕ̇ţẇbá֛h bĕ̇ʻé֥t bȧrĕze֖l bĕ̇ẕipò֣̇ren şá̌mi֑yr ẖàrẇşá̌h֙ ʻal־l֣ẇẖa libá̇֔m ẇlĕqarĕnò֖wţ mizĕbĕ̇ẖòwţéykeֽm׃

2
כִּזְכֹּ֤ר בְּנֵיהֶם֙ מִזְבְּחֹותָ֔ם וַאֲשֵׁרֵיהֶ֖ם עַל־עֵ֣ץ רַֽעֲנָ֑ן עַ֖ל גְּבָעֹ֥ות הַגְּבֹהֹֽות׃

ki̇zĕkò֤̇r bĕ̇néyhem֙ mizĕbĕ̇ẖòwţá֔m waʼàşé̌réyhe֖m ʻal־ʻé֣ẕ raֽʻàná֑n ʻa֖l gĕ̇báʻò֥wţ hagĕ̇bòhòֽwţ׃

3
הֲרָרִי֙ בַּשָּׂדֶ֔ה חֵילְךָ֥ כָל־אֹוצְרֹותֶ֖יךָ לָבַ֣ז אֶתֵּ֑ן בָּמֹתֶ֕יךָ בְּחַטָּ֖את בְּכָל־גְּבוּלֶֽיךָ׃

hàráriy֙ bȧşá̇̂de֔h ẖéylĕká֥ kál־ʼòwẕĕròwţe֖yká lába֣z ʼeţé֑̇n bá̇mòţe֕yká bĕ̇ẖatá֖̇ʼţ bĕ̇kál־gĕ̇bẇleֽyká׃

4
וְשָׁמַטְתָּ֗ה וּבְךָ֙ מִנַּחֲלָֽתְךָ֙ אֲשֶׁ֣ר נָתַ֣תִּי לָ֔ךְ וְהַעֲבַדְתִּ֨יךָ֙ אֶת־אֹ֣יְבֶ֔יךָ בָּאָ֖רֶץ אֲשֶׁ֣ר לֹֽא־יָדָ֑עְתָּ כִּֽי־אֵ֛שׁ קְדַחְתֶּ֥ם בְּאַפִּ֖י עַד־עֹולָ֥ם תּוּקָֽד׃ ס

wĕşá̌matĕţá̇֗h ẇbĕká֙ minȧẖàláֽţĕká֙ ʼàşě֣r náţa֣ţi̇y lá֔kĕ wĕhaʻàbadĕţi̇֨yká֙ ʼeţ־ʼò֣yĕbe֔yká bá̇ʼá֖reẕ ʼàşě֣r lòֽʼ־yádá֑ʻĕţá̇ kiֽ̇y־ʼé֛ş̌ qĕdaẖĕţė֥m bĕ̇ʼapi֖̇y ʻad־ʻòwlá֥m ţ̇ẇqáֽd׃ s

5
כֹּ֣ה׀ אָמַ֣ר יְהוָ֗ה אָר֤וּר הַגֶּ֨בֶר֙ אֲשֶׁ֣ר יִבְטַ֣ח בָּֽאָדָ֔ם וְשָׂ֥ם בָּשָׂ֖ר זְרֹעֹ֑ו וּמִן־יְהוָ֖ה יָס֥וּר לִבֹּֽו׃

kò֣̇h׀ ʼáma֣r yĕhwá֗h ʼár֤ẇr hagė֨ber֙ ʼàşě֣r yibĕta֣ẖ báֽ̇ʼádá֔m wĕşá֥̂m bá̇şá֖̂r zĕròʻò֑w ẇmin־yĕhwá֖h yás֥ẇr libòֽ̇w׃

6
וְהָיָה֙ כְּעַרְעָ֣ר בָּֽעֲרָבָ֔ה וְלֹ֥א יִרְאֶ֖ה כִּי־יָבֹ֣וא טֹ֑וב וְשָׁכַ֤ן חֲרֵרִים֙ בַּמִּדְבָּ֔ר אֶ֥רֶץ מְלֵחָ֖ה וְלֹ֥א תֵשֵֽׁב׃ ס

wĕháyáh֙ kĕ̇ʻarĕʻá֣r báֽ̇ʻàrábá֔h wĕlò֥ʼ yirĕʼe֖h ki̇y־yábò֣wʼ tò֑wb wĕşá̌ka֤n ẖàrériym֙ bȧmi̇dĕbá̇֔r ʼe֥reẕ mĕléẖá֖h wĕlò֥ʼ ţéşéֽ̌b׃ s

7
בָּר֣וּךְ הַגֶּ֔בֶר אֲשֶׁ֥ר יִבְטַ֖ח בַּֽיהוָ֑ה וְהָיָ֥ה יְהוָ֖ה מִבְטַחֹֽו׃

bá̇r֣ẇkĕ hagė֔ber ʼàşě֥r yibĕta֖ẖ bȧֽyhwá֑h wĕháyá֥h yĕhwá֖h mibĕtaẖòֽw׃

8
וְהָיָ֞ה כְּעֵ֣ץ׀ שָׁת֣וּל עַל־מַ֗יִם וְעַל־יוּבַל֙ יְשַׁלַּ֣ח שָֽׁרָשָׁ֔יו וְלֹ֤א יִרָא כִּֽי־יָבֹ֣א חֹ֔ם וְהָיָ֥ה עָלֵ֖הוּ רַֽעֲנָ֑ן וּבִשְׁנַ֤ת בַּצֹּ֨רֶת֙ לֹ֣א יִדְאָ֔ג וְלֹ֥א יָמִ֖ישׁ מֵעֲשֹׂ֥ות פֶּֽרִי׃

wĕháyá֞h kĕ̇ʻé֣ẕ׀ şá̌ţ֣ẇl ʻal־ma֗yim wĕʻal־yẇbal֙ yĕşǎlȧ֣ẖ şáֽ̌ráşá̌֔yw wĕlò֤ʼ yiráʼ kiֽ̇y־yábò֣ʼ ẖò֔m wĕháyá֥h ʻálé֖hẇ raֽʻàná֑n ẇbişĕ̌na֤ţ bȧẕò̇֨reţ֙ lò֣ʼ yidĕʼá֔g wĕlò֥ʼ yámi֖yş̌ méʻàşò֥̂wţ pėֽriy׃

9
עָקֹ֥ב הַלֵּ֛ב מִכֹּ֖ל וְאָנֻ֣שׁ ה֑וּא מִ֖י יֵדָעֶֽנּוּ׃

ʻáqò֥b halé֛̇b mikò֖̇l wĕʼánu֣ş̌ h֑ẇʼ mi֖y yédáʻeֽṅẇ׃

10
אֲנִ֧י יְהוָ֛ה חֹקֵ֥ר לֵ֖ב בֹּחֵ֣ן כְּלָיֹ֑ות וְלָתֵ֤ת לְאִישׁ֙ כְּדַרְכֹּו כִּפְרִ֖י מַעֲלָלָֽיו׃ ס

ʼàni֧y yĕhwá֛h ẖòqé֥r lé֖b bò̇ẖé֣n kĕ̇láyò֑wţ wĕláţé֤ţ lĕʼiyş̌֙ kĕ̇darĕkò̇w ki̇pĕri֖y maʻàláláֽyw׃ s

11
קֹרֵ֤א דָגַר֙ וְלֹ֣א יָלָ֔ד עֹ֥שֶׂה עֹ֖שֶׁר וְלֹ֣א בְמִשְׁפָּ֑ט בַּחֲצִ֤י יֹמֹו יַעַזְבֶ֔נּוּ וּבְאַחֲרִיתֹ֖ו יִהְיֶ֥ה נָבָֽל׃

qòré֤ʼ dágar֙ wĕlò֣ʼ yálá֔d ʻò֥şêh ʻò֖şěr wĕlò֣ʼ bĕmişĕ̌pá֑̇t bȧẖàẕi֤y yòmòw yaʻazĕbe֔ṅẇ ẇbĕʼaẖàriyţò֖w yihĕye֥h nábáֽl׃

12
כִּסֵּ֣א כָבֹ֔וד מָרֹ֖ום מֵֽרִאשֹׁ֑ון מְקֹ֖ום מִקְדָּשֵֽׁנוּ׃

ki̇sé֣̇ʼ kábò֔wd márò֖wm méֽriʼşò֑̌wn mĕqò֖wm miqĕdá̇şéֽ̌nẇ׃

13
מִקְוֵ֤ה יִשְׂרָאֵל֙ יְהוָ֔ה כָּל־עֹזְבֶ֖יךָ יֵבֹ֑שׁוּ יִסֹורַי בָּאָ֣רֶץ יִכָּתֵ֔בוּ כִּ֥י עָזְב֛וּ מְקֹ֥ור מַֽיִם־חַיִּ֖ים אֶת־יְהוָֽה׃ ס

miqĕwé֤h yişĕ̂ráʼél֙ yĕhwá֔h ká̇l־ʻòzĕbe֖yká yébò֑ş̌ẇ yisòwray bá̇ʼá֣reẕ yiká̇ţé֔bẇ ki֥̇y ʻázĕb֛ẇ mĕqò֥wr maֽyim־ẖayi֖̇ym ʼeţ־yĕhwáֽh׃ s

14
רְפָאֵ֤נִי יְהוָה֙ וְאֵ֣רָפֵ֔א הֹושִׁיעֵ֖נִי וְאִוָּשֵׁ֑עָה כִּ֥י תְהִלָּתִ֖י אָֽתָּה׃

rĕpáʼé֤niy yĕhwáh֙ wĕʼé֣rápé֔ʼ hòwşǐyʻé֖niy wĕʼiwá̇şé֑̌ʻáh ki֥̇y ţĕhilá̇ţi֖y ʼáֽţá̇h׃

15
הִנֵּה־הֵ֕מָּה אֹמְרִ֖ים אֵלָ֑י אַיֵּ֥ה דְבַר־יְהוָ֖ה יָ֥בֹוא נָֽא׃

hiné̇h־hé֕má̇h ʼòmĕri֖ym ʼélá֑y ʼayé֥̇h dĕbar־yĕhwá֖h yá֥bòwʼ náֽʼ׃

16
וַאֲנִ֞י לֹא־אַ֣צְתִּי׀ מֵרֹעֶ֣ה אַחֲרֶ֗יךָ וְיֹ֥ום אָנ֛וּשׁ לֹ֥א הִתְאַוֵּ֖יתִי אַתָּ֣ה יָדָ֑עְתָּ מֹוצָ֣א שְׂפָתַ֔י נֹ֥כַח פָּנֶ֖יךָ הָיָֽה׃

waʼàni֞y lòʼ־ʼa֣ẕĕţi̇y׀ méròʻe֣h ʼaẖàre֗yká wĕyò֥wm ʼán֛ẇş̌ lò֥ʼ hiţĕʼawé֖̇yţiy ʼaţá֣̇h yádá֑ʻĕţá̇ mòwẕá֣ʼ şĕ̂páţa֔y nò֥kaẖ pá̇ne֖yká háyáֽh׃

17
אַל־תִּֽהְיֵה־לִ֖י לִמְחִתָּ֑ה מַֽחֲסִי־אַ֖תָּה בְּיֹ֥ום רָעָֽה׃

ʼal־ţiֽ̇hĕyéh־li֖y limĕẖiţá֑̇h maֽẖàsiy־ʼa֖ţá̇h bĕ̇yò֥wm ráʻáֽh׃

18
יֵבֹ֤שׁוּ רֹדְפַי֙ וְאַל־אֵבֹ֣שָׁה אָ֔נִי יֵחַ֣תּוּ הֵ֔מָּה וְאַל־אֵחַ֖תָּה אָ֑נִי הָבִ֤יא עֲלֵיהֶם֙ יֹ֣ום רָעָ֔ה וּמִשְׁנֶ֥ה שִׁבָּרֹ֖ון שָׁבְרֵֽם׃ ס

yébò֤ş̌ẇ ròdĕpay֙ wĕʼal־ʼébò֣şá̌h ʼá֔niy yéẖa֣ţ̇ẇ hé֔má̇h wĕʼal־ʼéẖa֖ţá̇h ʼá֑niy hábi֤yʼ ʻàléyhem֙ yò֣wm ráʻá֔h ẇmişĕ̌ne֥h şǐbá̇rò֖wn şá̌bĕréֽm׃ s

19
כֹּה־אָמַ֨ר יְהוָ֜ה אֵלַ֗י הָלֹ֤ךְ וְעָֽמַדְתָּ֙ בְּשַׁ֣עַר בְּנֵֽי־עָם אֲשֶׁ֨ר יָבֹ֤אוּ בֹו֙ מַלְכֵ֣י יְהוּדָ֔ה וַאֲשֶׁ֖ר יֵ֣צְאוּ בֹ֑ו וּבְכֹ֖ל שַׁעֲרֵ֥י יְרוּשָׁלִָֽם׃

kò̇h־ʼáma֨r yĕhwá֜h ʼéla֗y hálò֤kĕ wĕʻáֽmadĕţá̇֙ bĕ̇şǎ֣ʻar bĕ̇néֽy־ʻám ʼàşě֨r yábò֤ʼẇ bòw֙ malĕké֣y yĕhẇdá֔h waʼàşě֖r yé֣ẕĕʼẇ bò֑w ẇbĕkò֖l şǎʻàré֥y yĕrẇşá̌láֽim׃

20
וְאָמַרְתָּ֣ אֲ֠לֵיהֶם שִׁמְע֨וּ דְבַר־יְהוָ֜ה מַלְכֵ֤י יְהוּדָה֙ וְכָל־יְהוּדָ֔ה וְכֹ֖ל יֹשְׁבֵ֣י יְרוּשָׁלִָ֑ם הַבָּאִ֖ים בַּשְּׁעָרִ֥ים הָאֵֽלֶּה׃ ס

wĕʼámarĕţá֣̇ ʼà֠léyhem şǐmĕʻ֨ẇ dĕbar־yĕhwá֜h malĕké֤y yĕhẇdáh֙ wĕkál־yĕhẇdá֔h wĕkò֖l yòşĕ̌bé֣y yĕrẇşá̌liá֑m habá̇ʼi֖ym bȧşĕ̇̌ʻári֥ym háʼéֽlėh׃ s

21
כֹּ֚ה אָמַ֣ר יְהוָ֔ה הִשָּׁמְר֖וּ בְּנַפְשֹֽׁותֵיכֶ֑ם וְאַל־תִּשְׂא֤וּ מַשָּׂא֙ בְּיֹ֣ום הַשַּׁבָּ֔ת וַהֲבֵאתֶ֖ם בְּשַׁעֲרֵ֥י יְרוּשָׁלִָֽם׃

kò֚̇h ʼáma֣r yĕhwá֔h hişá̇̌mĕr֖ẇ bĕ̇napĕşòֽ̌wţéyke֑m wĕʼal־ţi̇şĕ̂ʼ֤ẇ maşá̇̂ʼ֙ bĕ̇yò֣wm haşȧ̌bá̇֔ţ wahàbéʼţe֖m bĕ̇şǎʻàré֥y yĕrẇşá̌láֽim׃

22
וְלֹא־תֹוצִ֨יאוּ מַשָּׂ֤א מִבָּֽתֵּיכֶם֙ בְּיֹ֣ום הַשַּׁבָּ֔ת וְכָל־מְלָאכָ֖ה לֹ֣א תַֽעֲשׂ֑וּ וְקִדַּשְׁתֶּם֙ אֶת־יֹ֣ום הַשַּׁבָּ֔ת כַּאֲשֶׁ֥ר צִוִּ֖יתִי אֶת־אֲבֹותֵיכֶֽם׃

wĕlòʼ־ţòwẕi֨yʼẇ maşá֤̇̂ʼ mibáֽ̇ţé̇ykem֙ bĕ̇yò֣wm haşȧ̌bá̇֔ţ wĕkál־mĕláʼká֖h lò֣ʼ ţaֽʻàş֑̂ẇ wĕqidȧşĕ̌ţėm֙ ʼeţ־yò֣wm haşȧ̌bá̇֔ţ kȧʼàşě֥r ẕiwi֖̇yţiy ʼeţ־ʼàbòwţéykeֽm׃

23
וְלֹ֣א שָֽׁמְע֔וּ וְלֹ֥א הִטּ֖וּ אֶת־אָזְנָ֑ם וַיַּקְשׁוּ֙ אֶת־עָרְפָּ֔ם לְבִלְתִּ֣י שֹׁומֵעַ וּלְבִלְתִּ֖י קַ֥חַת מוּסָֽר׃

wĕlò֣ʼ şáֽ̌mĕʻ֔ẇ wĕlò֥ʼ hiṫ֖ẇ ʼeţ־ʼázĕná֑m wayȧqĕş̌ẇ֙ ʼeţ־ʻárĕpá̇֔m lĕbilĕţi֣̇y şò̌wméʻa ẇlĕbilĕţi֖̇y qa֥ẖaţ mẇsáֽr׃

24
וְ֠הָיָה אִם־שָׁמֹ֨עַ תִּשְׁמְע֤וּן אֵלַי֙ נְאֻם־יְהוָ֔ה לְבִלְתִּ֣י׀ הָבִ֣יא מַשָּׂ֗א בְּשַׁעֲרֵ֛י הָעִ֥יר הַזֹּ֖את בְּיֹ֣ום הַשַּׁבָּ֑ת וּלְקַדֵּשׁ֙ אֶת־יֹ֣ום הַשַּׁבָּ֔ת לְבִלְתִּ֥י עֲשֹֽׂות־בֹּה כָּל־מְלָאכָֽה׃

wĕ֠háyáh ʼim־şá̌mò֨ʻa ţi̇şĕ̌mĕʻ֤ẇn ʼélay֙ nĕʼum־yĕhwá֔h lĕbilĕţi֣̇y׀ hábi֣yʼ maşá̇̂֗ʼ bĕ̇şǎʻàré֛y háʻi֥yr hazò֖̇ʼţ bĕ̇yò֣wm haşȧ̌bá֑̇ţ ẇlĕqadé̇ş̌֙ ʼeţ־yò֣wm haşȧ̌bá̇֔ţ lĕbilĕţi֥̇y ʻàşòֽ̂wţ־bò̇h ká̇l־mĕláʼkáֽh׃

25
וּבָ֣אוּ בְשַׁעֲרֵ֣י הָעִ֣יר הַזֹּ֡את מְלָכִ֣ים׀ וְשָׂרִ֡ים יֹשְׁבִים֩ עַל־כִּסֵּ֨א דָוִ֜ד רֹכְבִ֣ים׀ בָּרֶ֣כֶב וּבַסּוּסִ֗ים הֵ֚מָּה וְשָׂ֣רֵיהֶ֔ם אִ֥ישׁ יְהוּדָ֖ה וְיֹשְׁבֵ֣י יְרוּשָׁלִָ֑ם וְיָשְׁבָ֥ה הָֽעִיר־הַזֹּ֖את לְעֹולָֽם׃

ẇbá֣ʼẇ bĕşǎʻàré֣y háʻi֣yr hazò̇֡ʼţ mĕláki֣ym׀ wĕşá̂ri֡ym yòşĕ̌biym֩ ʻal־ki̇sé̇֨ʼ dáwi֜d ròkĕbi֣ym׀ bá̇re֣keb ẇbaṡẇsi֗ym hé֚má̇h wĕşá֣̂réyhe֔m ʼi֥yş̌ yĕhẇdá֖h wĕyòşĕ̌bé֣y yĕrẇşá̌liá֑m wĕyáşĕ̌bá֥h háֽʻiyr־hazò֖̇ʼţ lĕʻòwláֽm׃

26
וּבָ֣אוּ מֵעָרֵֽי־יְ֠הוּדָה וּמִסְּבִיבֹ֨ות יְרוּשָׁלִַ֜ם וּמֵאֶ֣רֶץ בִּנְיָמִ֗ן וּמִן־הַשְּׁפֵלָ֤ה וּמִן־הָהָר֙ וּמִן־הַנֶּ֔גֶב מְבִאִ֛ים עֹולָ֥ה וְזֶ֖בַח וּמִנְחָ֣ה וּלְבֹונָ֑ה וּמְבִאֵ֥י תֹודָ֖ה בֵּ֥ית יְהוָֽה׃

ẇbá֣ʼẇ méʻáréֽy־yĕ֠hẇdáh ẇmisĕ̇biybò֨wţ yĕrẇşá̌lia֜m ẇméʼe֣reẕ bi̇nĕyámi֗n ẇmin־haşĕ̇̌pélá֤h ẇmin־háhár֙ ẇmin־hanė֔geb mĕbiʼi֛ym ʻòwlá֥h wĕze֖baẖ ẇminĕẖá֣h ẇlĕbòwná֑h ẇmĕbiʼé֥y ţòwdá֖h bé֥̇yţ yĕhwáֽh׃

27
וְאִם־לֹ֨א תִשְׁמְע֜וּ אֵלַ֗י לְקַדֵּשׁ֙ אֶת־יֹ֣ום הַשַּׁבָּ֔ת וּלְבִלְתִּ֣י׀ שְׂאֵ֣ת מַשָּׂ֗א וּבֹ֛א בְּשַׁעֲרֵ֥י יְרוּשָׁלִַ֖ם בְּיֹ֣ום הַשַּׁבָּ֑ת וְהִצַּ֧תִּי אֵ֣שׁ בִּשְׁעָרֶ֗יהָ וְאָֽכְלָ֛ה אַרְמְנֹ֥ות יְרוּשָׁלִַ֖ם וְלֹ֥א תִכְבֶּֽה׃ פ

wĕʼim־lò֨ʼ ţişĕ̌mĕʻ֜ẇ ʼéla֗y lĕqadé̇ş̌֙ ʼeţ־yò֣wm haşȧ̌bá̇֔ţ ẇlĕbilĕţi֣̇y׀ şĕ̂ʼé֣ţ maşá̇̂֗ʼ ẇbò֛ʼ bĕ̇şǎʻàré֥y yĕrẇşá̌lia֖m bĕ̇yò֣wm haşȧ̌bá֑̇ţ wĕhiẕȧ֧ţi̇y ʼé֣ş̌ bi̇şĕ̌ʻáre֗yhá wĕʼáֽkĕlá֛h ʼarĕmĕnò֥wţ yĕrẇşá̌lia֖m wĕlò֥ʼ ţikĕbėֽh׃ p