Bibles in ancient languages
Old translations
Modern translations

Biblia Hebraica Stuttgartiensia Jeremiah 29

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאֵ֨לֶּה֙ דִּבְרֵ֣י הַסֵּ֔פֶר אֲשֶׁ֥ר שָׁלַ֛ח יִרְמְיָ֥ה הַנָּבִ֖יא מִירוּשָׁלִָ֑ם אֶל־יֶ֜תֶר זִקְנֵ֣י הַגֹּולָ֗ה וְאֶל־הַכֹּהֲנִ֤ים וְאֶל־הַנְּבִיאִים֙ וְאֶל־כָּל־הָעָ֔ם אֲשֶׁ֨ר הֶגְלָ֧ה נְבֽוּכַדְנֶאצַּ֛ר מִירוּשָׁלִַ֖ם בָּבֶֽלָה׃

wĕʼé֨lėh֙ di̇bĕré֣y hasé̇֔per ʼàşě֥r şá̌la֛ẖ yirĕmĕyá֥h haná̇bi֖yʼ miyrẇşá̌liá֑m ʼel־ye֜ţer ziqĕné֣y hagò̇wlá֗h wĕʼel־hakò̇hàni֤ym wĕʼel־hanĕ̇biyʼiym֙ wĕʼel־ká̇l־háʻá֔m ʼàşě֨r hegĕlá֧h nĕbֽẇkadĕneʼẕȧ֛r miyrẇşá̌lia֖m bá̇beֽláh׃

2
אַחֲרֵ֣י צֵ֣את יְכָנְיָֽה־הַ֠מֶּלֶךְ וְהַגְּבִירָ֨ה וְהַסָּרִיסִ֜ים שָׂרֵ֨י יְהוּדָ֧ה וִירוּשָׁלִַ֛ם וְהֶחָרָ֥שׁ וְהַמַּסְגֵּ֖ר מִירוּשָׁלִָֽם׃

ʼaẖàré֣y ẕé֣ʼţ yĕkánĕyáֽh־ha֠mėlekĕ wĕhagĕ̇biyrá֨h wĕhasá̇riysi֜ym şá̂ré֨y yĕhẇdá֧h wiyrẇşá̌lia֛m wĕheẖárá֥ş̌ wĕhamȧsĕgé֖̇r miyrẇşá̌láֽim׃

3
בְּיַד֙ אֶלְעָשָׂ֣ה בֶן־שָׁפָ֔ן וּגְמַרְיָ֖ה בֶּן־חִלְקִיָּ֑ה אֲשֶׁ֨ר שָׁלַ֜ח צִדְקִיָּ֣ה מֶֽלֶךְ־יְהוּדָ֗ה אֶל־נְבוּכַדְנֶאצַּ֛ר מֶ֥לֶךְ בָּבֶ֖ל בָּבֶ֥לָה לֵאמֹֽר׃ ס

bĕ̇yad֙ ʼelĕʻáşá֣̂h ben־şá̌pá֔n ẇgĕmarĕyá֖h bėn־ẖilĕqiyá֑̇h ʼàşě֨r şá̌la֜ẖ ẕidĕqiyá֣̇h meֽlekĕ־yĕhẇdá֗h ʼel־nĕbẇkadĕneʼẕȧ֛r me֥lekĕ bá̇be֖l bá̇be֥láh léʼmòֽr׃ s

4
כֹּ֥ה אָמַ֛ר יְהוָ֥ה צְבָאֹ֖ות אֱלֹהֵ֣י יִשְׂרָאֵ֑ל לְכָל־הַ֨גֹּולָ֔ה אֲשֶׁר־הִגְלֵ֥יתִי מִירוּשָׁלִַ֖ם בָּבֶֽלָה׃

kò֥̇h ʼáma֛r yĕhwá֥h ẕĕbáʼò֖wţ ʼèlòhé֣y yişĕ̂ráʼé֑l lĕkál־ha֨gò̇wlá֔h ʼàşěr־higĕlé֥yţiy miyrẇşá̌lia֖m bá̇beֽláh׃

5
בְּנ֥וּ בָתִּ֖ים וְשֵׁ֑בוּ וְנִטְע֣וּ גַנֹּ֔ות וְאִכְל֖וּ אֶת־פִּרְיָֽן׃

bĕ̇n֥ẇ báţi֖̇ym wĕşé֑̌bẇ wĕnitĕʻ֣ẇ ganò̇֔wţ wĕʼikĕl֖ẇ ʼeţ־pi̇rĕyáֽn׃

6
קְח֣וּ נָשִׁ֗ים וְהֹולִידוּ֮ בָּנִ֣ים וּבָנֹות֒ וּקְח֨וּ לִבְנֵיכֶ֜ם נָשִׁ֗ים וְאֶת־בְּנֹֽותֵיכֶם֙ תְּנ֣וּ לַֽאֲנָשִׁ֔ים וְתֵלַ֖דְנָה בָּנִ֣ים וּבָנֹ֑ות וּרְבוּ־שָׁ֖ם וְאַל־תִּמְעָֽטוּ׃

qĕẖ֣ẇ náşǐ֗ym wĕhòwliydẇ֮ bá̇ni֣ym ẇbánòwţ֒ ẇqĕẖ֨ẇ libĕnéyke֜m náşǐ֗ym wĕʼeţ־bĕ̇nòֽwţéykem֙ ţĕ̇n֣ẇ laֽʼànáşǐ֔ym wĕţéla֖dĕnáh bá̇ni֣ym ẇbánò֑wţ ẇrĕbẇ־şá֖̌m wĕʼal־ţi̇mĕʻáֽtẇ׃

7
וְדִרְשׁ֞וּ אֶת־שְׁלֹ֣ום הָעִ֗יר אֲשֶׁ֨ר הִגְלֵ֤יתִי אֶתְכֶם֙ שָׁ֔מָּה וְהִתְפַּֽלְל֥וּ בַעֲדָ֖הּ אֶל־יְהוָ֑ה כִּ֣י בִשְׁלֹומָ֔הּ יִהְיֶ֥ה לָכֶ֖ם שָׁלֹֽום׃ פ

wĕdirĕş̌֞ẇ ʼeţ־şĕ̌lò֣wm háʻi֗yr ʼàşě֨r higĕlé֤yţiy ʼeţĕkem֙ şá̌֔má̇h wĕhiţĕpȧֽlĕl֥ẇ baʻàdá֖ḣ ʼel־yĕhwá֑h ki֣̇y bişĕ̌lòwmá֔ḣ yihĕye֥h láke֖m şá̌lòֽwm׃ p

8
כִּי֩ כֹ֨ה אָמַ֜ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל אַל־יַשִּׁ֧יאוּ לָכֶ֛ם נְבִֽיאֵיכֶ֥ם אֲשֶׁר־בְּקִרְבְּכֶ֖ם וְקֹֽסְמֵיכֶ֑ם וְאַֽל־תִּשְׁמְעוּ֙ אֶל־חֲלֹמֹ֣תֵיכֶ֔ם אֲשֶׁ֥ר אַתֶּ֖ם מַחְלְמִֽים׃

ki̇y֩ kò֨h ʼáma֜r yĕhwá֤h ẕĕbáʼòwţ֙ ʼèlòhé֣y yişĕ̂ráʼé֔l ʼal־yaşi֧̇̌yʼẇ láke֛m nĕbiֽyʼéyke֥m ʼàşěr־bĕ̇qirĕbĕ̇ke֖m wĕqòֽsĕméyke֑m wĕʼaֽl־ţi̇şĕ̌mĕʻẇ֙ ʼel־ẖàlòmò֣ţéyke֔m ʼàşě֥r ʼaţė֖m maẖĕlĕmiֽym׃

9
כִּ֣י בְשֶׁ֔קֶר הֵ֛ם נִבְּאִ֥ים לָכֶ֖ם בִּשְׁמִ֑י לֹ֥א שְׁלַחְתִּ֖ים נְאֻם־יְהוָֽה׃ ס

ki֣̇y bĕşě֔qer hé֛m nibĕ̇ʼi֥ym láke֖m bi̇şĕ̌mi֑y lò֥ʼ şĕ̌laẖĕţi֖̇ym nĕʼum־yĕhwáֽh׃ s

10
כִּֽי־כֹה֙ אָמַ֣ר יְהוָ֔ה כִּ֠י לְפִ֞י מְלֹ֧את לְבָבֶ֛ל שִׁבְעִ֥ים שָׁנָ֖ה אֶפְקֹ֣ד אֶתְכֶ֑ם וַהֲקִמֹתִ֤י עֲלֵיכֶם֙ אֶת־דְּבָרִ֣י הַטֹּ֔וב לְהָשִׁ֣יב אֶתְכֶ֔ם אֶל־הַמָּקֹ֖ום הַזֶּֽה׃

kiֽ̇y־kòh֙ ʼáma֣r yĕhwá֔h ki̇֠y lĕpi֞y mĕlò֧ʼţ lĕbábe֛l şǐbĕʻi֥ym şá̌ná֖h ʼepĕqò֣d ʼeţĕke֑m wahàqimòţi֤y ʻàléykem֙ ʼeţ־dĕ̇bári֣y hatò̇֔wb lĕháşǐ֣yb ʼeţĕke֔m ʼel־hamá̇qò֖wm hazėֽh׃

11
כִּי֩ אָנֹכִ֨י יָדַ֜עְתִּי אֶת־הַמַּחֲשָׁבֹ֗ת אֲשֶׁ֧ר אָנֹכִ֛י חֹשֵׁ֥ב עֲלֵיכֶ֖ם נְאֻם־יְהוָ֑ה מַחְשְׁבֹ֤ות שָׁלֹום֙ וְלֹ֣א לְרָעָ֔ה לָתֵ֥ת לָכֶ֖ם אַחֲרִ֥ית וְתִקְוָֽה׃

ki̇y֩ ʼánòki֨y yáda֜ʻĕţi̇y ʼeţ־hamȧẖàşá̌bò֗ţ ʼàşě֧r ʼánòki֛y ẖòşé֥̌b ʻàléyke֖m nĕʼum־yĕhwá֑h maẖĕşĕ̌bò֤wţ şá̌lòwm֙ wĕlò֣ʼ lĕráʻá֔h láţé֥ţ láke֖m ʼaẖàri֥yţ wĕţiqĕwáֽh׃

12
וּקְרָאתֶ֤ם אֹתִי֙ וַֽהֲלַכְתֶּ֔ם וְהִתְפַּלַּלְתֶּ֖ם אֵלָ֑י וְשָׁמַעְתִּ֖י אֲלֵיכֶֽם׃

ẇqĕráʼţe֤m ʼòţiy֙ waֽhàlakĕţė֔m wĕhiţĕpȧlȧlĕţė֖m ʼélá֑y wĕşá̌maʻĕţi֖̇y ʼàléykeֽm׃

13
וּבִקַּשְׁתֶּ֥ם אֹתִ֖י וּמְצָאתֶ֑ם כִּ֥י תִדְרְשֻׁ֖נִי בְּכָל־לְבַבְכֶֽם׃

ẇbiqȧşĕ̌ţė֥m ʼòţi֖y ẇmĕẕáʼţe֑m ki֥̇y ţidĕrĕşǔ֖niy bĕ̇kál־lĕbabĕkeֽm׃

14
וְנִמְצֵ֣אתִי לָכֶם֮ נְאֻם־יְהוָה֒ וְשַׁבְתִּ֣י אֶת־שְׁבִיתְכֶם וְקִבַּצְתִּ֣י אֶ֠תְכֶם מִֽכָּל־הַגֹּויִ֞ם וּמִכָּל־הַמְּקֹומֹ֗ות אֲשֶׁ֨ר הִדַּ֧חְתִּי אֶתְכֶ֛ם שָׁ֖ם נְאֻם־יְהוָ֑ה וַהֲשִׁבֹתִ֣י אֶתְכֶ֔ם אֶל־הַ֨מָּקֹ֔ום אֲשֶׁר־הִגְלֵ֥יתִי אֶתְכֶ֖ם מִשָּֽׁם׃

wĕnimĕẕé֣ʼţiy lákem֮ nĕʼum־yĕhwáh֒ wĕşǎbĕţi֣̇y ʼeţ־şĕ̌biyţĕkem wĕqibȧẕĕţi֣̇y ʼe֠ţĕkem miֽká̇l־hagò̇wyi֞m ẇmiká̇l־hamĕ̇qòwmò֗wţ ʼàşě֨r hidȧ֧ẖĕţi̇y ʼeţĕke֛m şá֖̌m nĕʼum־yĕhwá֑h wahàşǐbòţi֣y ʼeţĕke֔m ʼel־ha֨má̇qò֔wm ʼàşěr־higĕlé֥yţiy ʼeţĕke֖m mişáֽ̇̌m׃

15
כִּ֖י אֲמַרְתֶּ֑ם הֵקִ֨ים לָ֧נוּ יְהוָ֛ה נְבִאִ֖ים בָּבֶֽלָה׃ ס

ki֖̇y ʼàmarĕţė֑m héqi֨ym lá֧nẇ yĕhwá֛h nĕbiʼi֖ym bá̇beֽláh׃ s

16
כִּי־כֹ֣ה׀ אָמַ֣ר יְהוָ֗ה אֶל־הַמֶּ֨לֶךְ֙ הַיֹּושֵׁב֙ אֶל־כִּסֵּ֣א דָוִ֔ד וְאֶל־כָּל־הָעָ֔ם הַיֹּושֵׁ֖ב בָּעִ֣יר הַזֹּ֑את אֲחֵיכֶ֕ם אֲשֶׁ֛ר לֹֽא־יָצְא֥וּ אִתְּכֶ֖ם בַּגֹּולָֽה׃

ki̇y־kò֣h׀ ʼáma֣r yĕhwá֗h ʼel־hamė֨lekĕ֙ hayò̇wşé̌b֙ ʼel־ki̇sé֣̇ʼ dáwi֔d wĕʼel־ká̇l־háʻá֔m hayò̇wşé֖̌b bá̇ʻi֣yr hazò֑̇ʼţ ʼàẖéyke֕m ʼàşě֛r lòֽʼ־yáẕĕʼ֥ẇ ʼiţĕ̇ke֖m bȧgò̇wláֽh׃

17
כֹּ֤ה אָמַר֙ יְהוָ֣ה צְבָאֹ֔ות הִנְנִי֙ מְשַׁלֵּ֣חַ בָּ֔ם אֶת־הַחֶ֖רֶב אֶת־הָרָעָ֣ב וְאֶת־הַדָּ֑בֶר וְנָתַתִּ֣י אֹותָ֗ם כַּתְּאֵנִים֙ הַשֹּׁ֣עָרִ֔ים אֲשֶׁ֥ר לֹא־תֵאָכַ֖לְנָה מֵרֹֽעַ׃

kò֤̇h ʼámar֙ yĕhwá֣h ẕĕbáʼò֔wţ hinĕniy֙ mĕşǎlé֣̇ẖa bá̇֔m ʼeţ־haẖe֖reb ʼeţ־háráʻá֣b wĕʼeţ־hadá֑̇ber wĕnáţaţi֣̇y ʼòwţá֗m kȧţĕ̇ʼéniym֙ haşò֣̇̌ʻári֔ym ʼàşě֥r lòʼ־ţéʼáka֖lĕnáh méròֽʻa׃

18
וְרָֽדַפְתִּי֙ אַֽחֲרֵיהֶ֔ם בַּחֶ֖רֶב בָּרָעָ֣ב וּבַדָּ֑בֶר וּנְתַתִּ֨ים לִזְוָעָה לְכֹ֣ל׀ מַמְלְכֹ֣ות הָאָ֗רֶץ לְאָלָ֤ה וּלְשַׁמָּה֙ וְלִשְׁרֵקָ֣ה וּלְחֶרְפָּ֔ה בְּכָל־הַגֹּויִ֖ם אֲשֶׁר־הִדַּחְתִּ֥ים שָֽׁם׃

wĕráֽdapĕţi̇y֙ ʼaֽẖàréyhe֔m bȧẖe֖reb bá̇ráʻá֣b ẇbadá֑̇ber ẇnĕţaţi̇֨ym lizĕwáʻáh lĕkò֣l׀ mamĕlĕkò֣wţ háʼá֗reẕ lĕʼálá֤h ẇlĕşǎmá̇h֙ wĕlişĕ̌réqá֣h ẇlĕẖerĕpá̇֔h bĕ̇kál־hagò̇wyi֖m ʼàşěr־hidȧẖĕţi֥̇ym şáֽ̌m׃

19
תַּ֛חַת אֲשֶֽׁר־לֹא־שָׁמְע֥וּ אֶל־דְּבָרַ֖י נְאֻם־יְהוָ֑ה אֲשֶׁר֩ שָׁלַ֨חְתִּי אֲלֵיהֶ֜ם אֶת־עֲבָדַ֤י הַנְּבִאִים֙ הַשְׁכֵּ֣ם וְשָׁלֹ֔חַ וְלֹ֥א שְׁמַעְתֶּ֖ם נְאֻם־יְהוָֽה׃

ţȧ֛ẖaţ ʼàşěֽr־lòʼ־şá̌mĕʻ֥ẇ ʼel־dĕ̇bára֖y nĕʼum־yĕhwá֑h ʼàşěr֩ şá̌la֨ẖĕţi̇y ʼàléyhe֜m ʼeţ־ʻàbáda֤y hanĕ̇biʼiym֙ haşĕ̌ké֣̇m wĕşá̌lò֔ẖa wĕlò֥ʼ şĕ̌maʻĕţė֖m nĕʼum־yĕhwáֽh׃

20
וְאַתֶּ֖ם שִׁמְע֣וּ דְבַר־יְהוָ֑ה כָּל־הַ֨גֹּולָ֔ה אֲשֶׁר־שִׁלַּ֥חְתִּי מִירוּשָׁלִַ֖ם בָּבֶֽלָה׃ ס

wĕʼaţė֖m şǐmĕʻ֣ẇ dĕbar־yĕhwá֑h ká̇l־ha֨gò̇wlá֔h ʼàşěr־şǐlȧ֥ẖĕţi̇y miyrẇşá̌lia֖m bá̇beֽláh׃ s

21
כֹּֽה־אָמַר֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל אֶל־אַחְאָ֤ב בֶּן־קֹֽולָיָה֙ וְאֶל־צִדְקִיָּ֣הוּ בֶן־מַֽעֲשֵׂיָ֔ה הַֽנִּבְּאִ֥ים לָכֶ֛ם בִּשְׁמִ֖י שָׁ֑קֶר הִנְנִ֣י׀ נֹתֵ֣ן אֹתָ֗ם בְּיַד֙ נְבֽוּכַדְרֶאצַּ֣ר מֶֽלֶךְ־בָּבֶ֔ל וְהִכָּ֖ם לְעֵינֵיכֶֽם׃

kòֽ̇h־ʼámar֩ yĕhwá֨h ẕĕbáʼò֜wţ ʼèlòhé֣y yişĕ̂ráʼé֗l ʼel־ʼaẖĕʼá֤b bėn־qòֽwláyáh֙ wĕʼel־ẕidĕqiyá֣̇hẇ ben־maֽʻàşé̂yá֔h haֽni̇bĕ̇ʼi֥ym láke֛m bi̇şĕ̌mi֖y şá֑̌qer hinĕni֣y׀ nòţé֣n ʼòţá֗m bĕ̇yad֙ nĕbֽẇkadĕreʼẕȧ֣r meֽlekĕ־bá̇be֔l wĕhiká֖̇m lĕʻéynéykeֽm׃

22
וְלֻקַּ֤ח מֵהֶם֙ קְלָלָ֔ה לְכֹל֙ גָּל֣וּת יְהוּדָ֔ה אֲשֶׁ֥ר בְּבָבֶ֖ל לֵאמֹ֑ר יְשִֽׂמְךָ֤ יְהוָה֙ כְּצִדְקִיָּ֣הוּ וּכְאֶחָ֔ב אֲשֶׁר־קָלָ֥ם מֶֽלֶךְ־בָּבֶ֖ל בָּאֵֽשׁ׃

wĕluqȧ֤ẖ méhem֙ qĕlálá֔h lĕkòl֙ gá̇l֣ẇţ yĕhẇdá֔h ʼàşě֥r bĕ̇bábe֖l léʼmò֑r yĕşîֽmĕká֤ yĕhwáh֙ kĕ̇ẕidĕqiyá֣̇hẇ ẇkĕʼeẖá֔b ʼàşěr־qálá֥m meֽlekĕ־bá̇be֖l bá̇ʼéֽş̌׃

23
יַ֡עַן אֲשֶׁר֩ עָשׂ֨וּ נְבָלָ֜ה בְּיִשְׂרָאֵ֗ל וַיְנַֽאֲפוּ֙ אֶת־נְשֵׁ֣י רֵֽעֵיהֶ֔ם וַיְדַבְּר֨וּ דָבָ֤ר בִּשְׁמִי֙ שֶׁ֔קֶר אֲשֶׁ֖ר לֹ֣וא צִוִּיתִ֑ם וְאָנֹכִ֛י הוּיֹדֵעַ וָעֵ֖ד נְאֻם־יְהוָֽה׃ ס

ya֡ʻan ʼàşěr֩ ʻáş̂֨ẇ nĕbálá֜h bĕ̇yişĕ̂ráʼé֗l wayĕnaֽʼàpẇ֙ ʼeţ־nĕşé֣̌y réֽʻéyhe֔m wayĕdabĕ̇r֨ẇ dábá֤r bi̇şĕ̌miy֙ şě֔qer ʼàşě֖r lò֣wʼ ẕiwi̇yţi֑m wĕʼánòki֛y hẇyòdéʻa wáʻé֖d nĕʼum־yĕhwáֽh׃ s

24
וְאֶל־שְׁמַעְיָ֥הוּ הַנֶּחֱלָמִ֖י תֹּאמַ֥ר לֵאמֹֽר׃

wĕʼel־şĕ̌maʻĕyá֥hẇ hanėẖèlámi֖y ţò̇ʼma֥r léʼmòֽr׃

25
כֹּֽה־אָמַ֞ר יְהוָ֧ה צְבָאֹ֛ות אֱלֹהֵ֥י יִשְׂרָאֵ֖ל לֵאמֹ֑ר יַ֡עַן אֲשֶׁ֣ר אַתָּה֩ שָׁלַ֨חְתָּ בְשִׁמְכָ֜ה סְפָרִ֗ים אֶל־כָּל־הָעָם֙ אֲשֶׁ֣ר בִּירוּשָׁלִַ֔ם וְאֶל־צְפַנְיָ֤ה בֶן־מַֽעֲשֵׂיָה֙ הַכֹּהֵ֔ן וְאֶ֥ל כָּל־הַכֹּהֲנִ֖ים לֵאמֹֽר׃

kòֽ̇h־ʼáma֞r yĕhwá֧h ẕĕbáʼò֛wţ ʼèlòhé֥y yişĕ̂ráʼé֖l léʼmò֑r ya֡ʻan ʼàşě֣r ʼaţá̇h֩ şá̌la֨ẖĕţá̇ bĕşǐmĕká֜h sĕpári֗ym ʼel־ká̇l־háʻám֙ ʼàşě֣r bi̇yrẇşá̌lia֔m wĕʼel־ẕĕpanĕyá֤h ben־maֽʻàşé̂yáh֙ hakò̇hé֔n wĕʼe֥l ká̇l־hakò̇hàni֖ym léʼmòֽr׃

26
יְהוָ֞ה נְתָנְךָ֣ כֹהֵ֗ן תַּ֚חַת יְהֹויָדָ֣ע הַכֹּהֵ֔ן לִֽהְיֹ֤ות פְּקִדִים֙ בֵּ֣ית יְהוָ֔ה לְכָל־אִ֥ישׁ מְשֻׁגָּ֖ע וּמִתְנַבֵּ֑א וְנָתַתָּ֥ה אֹתֹ֛ו אֶל־הַמַּהְפֶּ֖כֶת וְאֶל־הַצִּינֹֽק׃

yĕhwá֞h nĕţánĕká֣ kòhé֗n ţȧ֚ẖaţ yĕhòwyádá֣ʻ hakò̇hé֔n liֽhĕyò֤wţ pĕ̇qidiym֙ bé֣̇yţ yĕhwá֔h lĕkál־ʼi֥yş̌ mĕşǔgá֖̇ʻ ẇmiţĕnabé֑̇ʼ wĕnáţaţá֥̇h ʼòţò֛w ʼel־hamȧhĕpė֖keţ wĕʼel־haẕi̇ynòֽq׃

27
וְעַתָּ֗ה לָ֚מָּה לֹ֣א גָעַ֔רְתָּ בְּיִרְמְיָ֖הוּ הָֽעֲנְּתֹתִ֑י הַמִּתְנַבֵּ֖א לָכֶֽם׃

wĕʻaţá̇֗h lá֚má̇h lò֣ʼ gáʻa֔rĕţá̇ bĕ̇yirĕmĕyá֖hẇ háֽʻànĕ̇ţòţi֑y hami̇ţĕnabé֖̇ʼ lákeֽm׃

28
כִּ֣י עַל־כֵּ֞ן שָׁלַ֥ח אֵלֵ֛ינוּ בָּבֶ֥ל לֵאמֹ֖ר אֲרֻכָּ֣ה הִ֑יא בְּנ֤וּ בָתִּים֙ וְשֵׁ֔בוּ וְנִטְע֣וּ גַנֹּ֔ות וְאִכְל֖וּ אֶת־פְּרִיהֶֽן׃

ki֣̇y ʻal־ké̇֞n şá̌la֥ẖ ʼélé֛ynẇ bá̇be֥l léʼmò֖r ʼàruká֣̇h hi֑yʼ bĕ̇n֤ẇ báţi̇ym֙ wĕşé̌֔bẇ wĕnitĕʻ֣ẇ ganò̇֔wţ wĕʼikĕl֖ẇ ʼeţ־pĕ̇riyheֽn׃

29
וַיִּקְרָ֛א צְפַנְיָ֥ה הַכֹּהֵ֖ן אֶת־הַסֵּ֣פֶר הַזֶּ֑ה בְּאָזְנֵ֖י יִרְמְיָ֥הוּ הַנָּבִֽיא׃ פ

wayi̇qĕrá֛ʼ ẕĕpanĕyá֥h hakò̇hé֖n ʼeţ־hasé֣̇per hazė֑h bĕ̇ʼázĕné֖y yirĕmĕyá֥hẇ haná̇biֽyʼ׃ p

30
וַֽיְהִי֙ דְּבַר־יְהוָ֔ה אֶֽל־יִרְמְיָ֖הוּ לֵאמֹֽר׃

waֽyĕhiy֙ dĕ̇bar־yĕhwá֔h ʼeֽl־yirĕmĕyá֖hẇ léʼmòֽr׃

31
שְׁלַ֤ח עַל־כָּל־הַגֹּולָה֙ לֵאמֹ֔ר כֹּ֚ה אָמַ֣ר יְהוָ֔ה אֶל־שְׁמַעְיָ֖ה הַנֶּחֱלָמִ֑י יַ֡עַן אֲשֶׁר֩ נִבָּ֨א לָכֶ֜ם שְׁמַעְיָ֗ה וַֽאֲנִי֙ לֹ֣א שְׁלַחְתִּ֔יו וַיַּבְטַ֥ח אֶתְכֶ֖ם עַל־שָֽׁקֶר׃

şĕ̌la֤ẖ ʻal־ká̇l־hagò̇wláh֙ léʼmò֔r kò֚̇h ʼáma֣r yĕhwá֔h ʼel־şĕ̌maʻĕyá֖h hanėẖèlámi֑y ya֡ʻan ʼàşěr֩ nibá̇֨ʼ láke֜m şĕ̌maʻĕyá֗h waֽʼàniy֙ lò֣ʼ şĕ̌laẖĕţi̇֔yw wayȧbĕta֥ẖ ʼeţĕke֖m ʻal־şáֽ̌qer׃

32
לָכֵ֞ן כֹּֽה־אָמַ֣ר יְהוָ֗ה הִנְנִ֨י פֹקֵ֜ד עַל־שְׁמַעְיָ֣ה הַנֶּחֱלָמִי֮ וְעַל־זַרְעֹו֒ לֹא־יִהְיֶ֨ה לֹ֜ו אִ֣ישׁ׀ יֹושֵׁ֣ב׀ בְּתֹוךְ־הָעָ֣ם הַזֶּ֗ה וְלֹֽא־יִרְאֶ֥ה בַטֹּ֛וב אֲשֶׁר־אֲנִ֥י עֹשֶֽׂה־לְעַמִּ֖י נְאֻם־יְהוָ֑ה כִּֽי־סָרָ֥ה דִבֶּ֖ר עַל־יְהוָֽה׃ ס

láké֞n kòֽ̇h־ʼáma֣r yĕhwá֗h hinĕni֨y pòqé֜d ʻal־şĕ̌maʻĕyá֣h hanėẖèlámiy֮ wĕʻal־zarĕʻòw֒ lòʼ־yihĕye֨h lò֜w ʼi֣yş̌׀ yòwşé֣̌b׀ bĕ̇ţòwkĕ־háʻá֣m hazė֗h wĕlòֽʼ־yirĕʼe֥h batò֛̇wb ʼàşěr־ʼàni֥y ʻòşêֽh־lĕʻami֖̇y nĕʼum־yĕhwá֑h kiֽ̇y־sárá֥h dibė֖r ʻal־yĕhwáֽh׃ s