Bibles in ancient languages
Old translations
Modern translations

Biblia Hebraica Stuttgartensia Jérémie 2:36

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
הָלֹ֡ךְ וְקָֽרָאתָ֩ בְאָזְנֵי֙ יְרוּשָׁלִַ֜ם לֵאמֹ֗ר כֹּ֚ה אָמַ֣ר יְהוָ֔ה זָכַ֤רְתִּי לָךְ֙ חֶ֣סֶד נְעוּרַ֔יִךְ אַהֲבַ֖ת כְּלוּלֹתָ֑יִךְ לֶכְתֵּ֤ךְ אַחֲרַי֙ בַּמִּדְבָּ֔ר בְּאֶ֖רֶץ לֹ֥א זְרוּעָֽה׃

hálò֡kĕ wĕqáֽráʼţá֩ bĕʼázĕnéy֙ yĕrẇşá̌lia֜m léʼmò֗r kò֚̇h ʼáma֣r yĕhwá֔h záka֤rĕţi̇y lákĕ֙ ẖe֣sed nĕʻẇra֔yikĕ ʼahàba֖ţ kĕ̇lẇlòţá֑yikĕ lekĕţé֤̇kĕ ʼaẖàray֙ bȧmi̇dĕbá̇֔r bĕ̇ʼe֖reẕ lò֥ʼ zĕrẇʻáֽh׃

3
קֹ֤דֶשׁ יִשְׂרָאֵל֙ לַיהוָ֔ה רֵאשִׁ֖ית תבואתה כָּל־אֹכְלָ֣יו יֶאְשָׁ֔מוּ רָעָ֛ה תָּבֹ֥א אֲלֵיהֶ֖ם נְאֻם־יְהוָֽה׃ פ

qò֤deş̌ yişĕ̂ráʼél֙ layhwá֔h réʼşǐ֖yţ ţbwʼţh ká̇l־ʼòkĕlá֣yw yeʼĕşá̌֔mẇ ráʻá֛h ţá̇bò֥ʼ ʼàléyhe֖m nĕʼum־yĕhwáֽh׃ p

4
שִׁמְע֥וּ דְבַר־יְהוָ֖ה בֵּ֣ית יַעֲקֹ֑ב וְכָֽל־מִשְׁפְּחֹ֖ות בֵּ֥ית יִשְׂרָאֵֽל׃

şǐmĕʻ֥ẇ dĕbar־yĕhwá֖h bé֣̇yţ yaʻàqò֑b wĕkáֽl־mişĕ̌pĕ̇ẖò֖wţ bé֥̇yţ yişĕ̂ráʼéֽl׃

5
כֹּ֣ה׀ אָמַ֣ר יְהוָ֗ה מַה־מָּצְא֨וּ אֲבֹותֵיכֶ֥ם בִּי֙ עָ֔וֶל כִּ֥י רָחֲק֖וּ מֵעָלָ֑י וַיֵּֽלְכ֛וּ אַחֲרֵ֥י הַהֶ֖בֶל וַיֶּהְבָּֽלוּ׃

kò֣̇h׀ ʼáma֣r yĕhwá֗h mah־má̇ẕĕʼ֨ẇ ʼàbòwţéyke֥m bi̇y֙ ʻá֔wel ki֥̇y ráẖàq֖ẇ méʻálá֑y wayéֽ̇lĕk֛ẇ ʼaẖàré֥y hahe֖bel wayėhĕbáֽ̇lẇ׃

6
וְלֹ֣א אָמְר֔וּ אַיֵּ֣ה יְהוָ֔ה הַמַּעֲלֶ֥ה אֹתָ֖נוּ מֵאֶ֣רֶץ מִצְרָ֑יִם הַמֹּולִ֨יךְ אֹתָ֜נוּ בַּמִּדְבָּ֗ר בְּאֶ֨רֶץ עֲרָבָ֤ה וְשׁוּחָה֙ בְּאֶ֨רֶץ֙ צִיָּ֣ה וְצַלְמָ֔וֶת בְּאֶ֗רֶץ לֹֽא־עָ֤בַר בָּהּ֙ אִ֔ישׁ וְלֹֽא־יָשַׁ֥ב אָדָ֖ם שָֽׁם׃

wĕlò֣ʼ ʼámĕr֔ẇ ʼayé֣̇h yĕhwá֔h hamȧʻàle֥h ʼòţá֖nẇ méʼe֣reẕ miẕĕrá֑yim hamò̇wli֨ykĕ ʼòţá֜nẇ bȧmi̇dĕbá̇֗r bĕ̇ʼe֨reẕ ʻàrábá֤h wĕş̌ẇẖáh֙ bĕ̇ʼe֨reẕ֙ ẕiyá֣̇h wĕẕalĕmá֔weţ bĕ̇ʼe֗reẕ lòֽʼ־ʻá֤bar bá̇ḣ֙ ʼi֔yş̌ wĕlòֽʼ־yáşǎ֥b ʼádá֖m şáֽ̌m׃

7
וָאָבִ֤יא אֶתְכֶם֙ אֶל־אֶ֣רֶץ הַכַּרְמֶ֔ל לֶאֱכֹ֥ל פִּרְיָ֖הּ וְטוּבָ֑הּ וַתָּבֹ֨אוּ֙ וַתְּטַמְּא֣וּ אֶת־אַרְצִ֔י וְנַחֲלָתִ֥י שַׂמְתֶּ֖ם לְתֹועֵבָֽה׃

wáʼábi֤yʼ ʼeţĕkem֙ ʼel־ʼe֣reẕ hakȧrĕme֔l leʼèkò֥l pi̇rĕyá֖ḣ wĕtẇbá֑ḣ waţá̇bò֨ʼẇ֙ waţĕ̇tamĕ̇ʼ֣ẇ ʼeţ־ʼarĕẕi֔y wĕnaẖàláţi֥y şâmĕţė֖m lĕţòwʻébáֽh׃

8
הַכֹּהֲנִ֗ים לֹ֤א אָֽמְרוּ֙ אַיֵּ֣ה יְהוָ֔ה וְתֹפְשֵׂ֤י הַתֹּורָה֙ לֹ֣א יְדָע֔וּנִי וְהָרֹעִ֖ים פָּ֣שְׁעוּ בִ֑י וְהַנְּבִיאִים֙ נִבְּא֣וּ בַבַּ֔עַל וְאַחֲרֵ֥י לֹֽא־יֹועִ֖לוּ הָלָֽכוּ׃

hakò̇hàni֗ym lò֤ʼ ʼáֽmĕrẇ֙ ʼayé֣̇h yĕhwá֔h wĕţòpĕşé֤̂y haţò̇wráh֙ lò֣ʼ yĕdáʻ֔ẇniy wĕháròʻi֖ym pá֣̇şĕ̌ʻẇ bi֑y wĕhanĕ̇biyʼiym֙ nibĕ̇ʼ֣ẇ babȧ֔ʻal wĕʼaẖàré֥y lòֽʼ־yòwʻi֖lẇ háláֽkẇ׃

9
לָכֵ֗ן עֹ֛ד אָרִ֥יב אִתְּכֶ֖ם נְאֻם־יְהוָ֑ה וְאֶת־בְּנֵ֥י בְנֵיכֶ֖ם אָרִֽיב׃

láké֗n ʻò֛d ʼári֥yb ʼiţĕ̇ke֖m nĕʼum־yĕhwá֑h wĕʼeţ־bĕ̇né֥y bĕnéyke֖m ʼáriֽyb׃

10
כִּ֣י עִבְר֞וּ אִיֵּ֤י כִתִּיִּים֙ וּרְא֔וּ וְקֵדָ֛ר שִׁלְח֥וּ וְהִֽתְבֹּונְנ֖וּ מְאֹ֑ד וּרְא֕וּ הֵ֥ן הָיְתָ֖ה כָּזֹֽאת׃

ki֣̇y ʻibĕr֞ẇ ʼiyé֤̇y kiţi̇yi̇ym֙ ẇrĕʼ֔ẇ wĕqédá֛r şǐlĕẖ֥ẇ wĕhiֽţĕbò̇wnĕn֖ẇ mĕʼò֑d ẇrĕʼ֕ẇ hé֥n háyĕţá֖h ká̇zòֽʼţ׃

11
הַהֵימִ֥יר גֹּוי֙ אֱלֹהִ֔ים וְהֵ֖מָּה לֹ֣א אֱלֹהִ֑ים וְעַמִּ֛י הֵמִ֥יר כְּבֹודֹ֖ו בְּלֹ֥וא יֹועִֽיל׃

hahéymi֥yr gò̇wy֙ ʼèlòhi֔ym wĕhé֖má̇h lò֣ʼ ʼèlòhi֑ym wĕʻami֛̇y hémi֥yr kĕ̇bòwdò֖w bĕ̇lò֥wʼ yòwʻiֽyl׃

12
שֹׁ֥מּוּ שָׁמַ֖יִם עַל־זֹ֑את וְשַׂעֲר֛וּ חָרְב֥וּ מְאֹ֖ד נְאֻם־יְהוָֽה׃

şò֥̌ṁẇ şá̌ma֖yim ʻal־zò֑ʼţ wĕşâʻàr֛ẇ ẖárĕb֥ẇ mĕʼò֖d nĕʼum־yĕhwáֽh׃

13
כִּֽי־שְׁתַּ֥יִם רָעֹ֖ות עָשָׂ֣ה עַמִּ֑י אֹתִ֨י עָזְב֜וּ מְקֹ֣ור׀ מַ֣יִם חַיִּ֗ים לַחְצֹ֤ב לָהֶם֙ בֹּארֹ֔ות בֹּארֹת֙ נִשְׁבָּרִ֔ים אֲשֶׁ֥ר לֹא־יָכִ֖לוּ הַמָּֽיִם׃

kiֽ̇y־şĕ̌ţȧ֥yim ráʻò֖wţ ʻáşá֣̂h ʻami֑̇y ʼòţi֨y ʻázĕb֜ẇ mĕqò֣wr׀ ma֣yim ẖayi̇֗ym laẖĕẕò֤b láhem֙ bò̇ʼrò֔wţ bò̇ʼròţ֙ nişĕ̌bá̇ri֔ym ʼàşě֥r lòʼ־yáki֖lẇ hamáֽ̇yim׃

14
הַעֶ֨בֶד֙ יִשְׂרָאֵ֔ל אִם־יְלִ֥יד בַּ֖יִת ה֑וּא מַדּ֖וּעַ הָיָ֥ה לָבַֽז׃

haʻe֨bed֙ yişĕ̂ráʼé֔l ʼim־yĕli֥yd bȧ֖yiţ h֑ẇʼ maḋ֖ẇʻa háyá֥h lábaֽz׃

15
עָלָיו֙ יִשְׁאֲג֣וּ כְפִרִ֔ים נָתְנ֖וּ קֹולָ֑ם וַיָּשִׁ֤יתוּ אַרְצֹו֙ לְשַׁמָּ֔ה עָרָ֥יו נִצְּתָה מִבְּלִ֥י יֹשֵֽׁב׃

ʻáláyw֙ yişĕ̌ʼàg֣ẇ kĕpiri֔ym náţĕn֖ẇ qòwlá֑m wayá̇şǐ֤yţẇ ʼarĕẕòw֙ lĕşǎmá̇֔h ʻárá֥yw niẕĕ̇ţáh mibĕ̇li֥y yòşéֽ̌b׃

16
גַּם־בְּנֵי־נֹ֖ף וְתַחְפְּנֵס יִרְע֖וּךְ קָדְקֹֽד׃

gȧm־bĕ̇néy־nò֖p wĕţaẖĕpĕ̇nés yirĕʻ֖ẇkĕ qádĕqòֽd׃

17
הֲלֹוא־זֹ֖את תַּעֲשֶׂה־לָּ֑ךְ עָזְבֵךְ֙ אֶת־יְהוָ֣ה אֱלֹהַ֔יִךְ בְּעֵ֖ת מֹולִיכֵ֥ךְ בַּדָּֽרֶךְ׃

hàlòwʼ־zò֖ʼţ ţȧʻàşêh־lá֑̇kĕ ʻázĕbékĕ֙ ʼeţ־yĕhwá֣h ʼèlòha֔yikĕ bĕ̇ʻé֖ţ mòwliyké֥kĕ bȧdáֽ̇rekĕ׃

18
וְעַתָּ֗ה מַה־לָּךְ֙ לְדֶ֣רֶךְ מִצְרַ֔יִם לִשְׁתֹּ֖ות מֵ֣י שִׁחֹ֑ור וּמַה־לָּךְ֙ לְדֶ֣רֶךְ אַשּׁ֔וּר לִשְׁתֹּ֖ות מֵ֥י נָהָֽר׃

wĕʻaţá̇֗h mah־lá̇kĕ֙ lĕde֣rekĕ miẕĕra֔yim lişĕ̌ţò֖̇wţ mé֣y şǐẖò֑wr ẇmah־lá̇kĕ֙ lĕde֣rekĕ ʼaş̇̌֔ẇr lişĕ̌ţò֖̇wţ mé֥y náháֽr׃

19
תְּיַסְּרֵ֣ךְ רָעָתֵ֗ךְ וּמְשֻֽׁבֹותַ֨יִךְ֙ תֹּוכִחֻ֔ךְ וּדְעִ֤י וּרְאִי֙ כִּי־רַ֣ע וָמָ֔ר עָזְבֵ֖ךְ אֶת־יְהוָ֣ה אֱלֹהָ֑יִךְ וְלֹ֤א פַחְדָּתִי֙ אֵלַ֔יִךְ נְאֻם־אֲדֹנָ֥י יְהוִ֖ה צְבָאֹֽות׃

ţĕ̇yasĕ̇ré֣kĕ ráʻáţé֗kĕ ẇmĕşǔֽbòwţa֨yikĕ֙ ţò̇wkiẖu֔kĕ ẇdĕʻi֤y ẇrĕʼiy֙ ki̇y־ra֣ʻ wámá֔r ʻázĕbé֖kĕ ʼeţ־yĕhwá֣h ʼèlòhá֑yikĕ wĕlò֤ʼ paẖĕdá̇ţiy֙ ʼéla֔yikĕ nĕʼum־ʼàdòná֥y yĕhwi֖h ẕĕbáʼòֽwţ׃

20
כִּ֣י מֵעֹולָ֞ם שָׁבַ֣רְתִּי עֻלֵּ֗ךְ נִתַּ֨קְתִּי֙ מֹוסְרֹתַ֔יִךְ וַתֹּאמְרִ֖י לֹ֣א אֶעֱבֹד כִּ֣י עַֽל־כָּל־גִּבְעָ֞ה גְּבֹהָ֗ה וְתַ֨חַת֙ כָּל־עֵ֣ץ רַעֲנָ֔ן אַ֖תְּ צֹעָ֥ה זֹנָֽה׃

ki֣̇y méʻòwlá֞m şá̌ba֣rĕţi̇y ʻulé̇֗kĕ niţȧ֨qĕţi̇y֙ mòwsĕròţa֔yikĕ waţò̇ʼmĕri֖y lò֣ʼ ʼeʻèbòd ki֣̇y ʻaֽl־ká̇l־gi̇bĕʻá֞h gĕ̇bòhá֗h wĕţa֨ẖaţ֙ ká̇l־ʻé֣ẕ raʻàná֔n ʼa֖ţĕ̇ ẕòʻá֥h zònáֽh׃

21
וְאָֽנֹכִי֙ נְטַעְתִּ֣יךְ שֹׂרֵ֔ק כֻּלֹּ֖ה זֶ֣רַע אֱמֶ֑ת וְאֵיךְ֙ נֶהְפַּ֣כְתְּ לִ֔י סוּרֵ֖י הַגֶּ֥פֶן נָכְרִיָּֽה׃

wĕʼáֽnòkiy֙ nĕtaʻĕţi֣̇ykĕ şò̂ré֔q ku̇lò֖̇h ze֣raʻ ʼème֑ţ wĕʼéykĕ֙ nehĕpȧ֣kĕţĕ̇ li֔y sẇré֖y hagė֥pen nákĕriyáֽ̇h׃

22
כִּ֤י אִם־תְּכַבְּסִי֙ בַּנֶּ֔תֶר וְתַרְבִּי־לָ֖ךְ בֹּרִ֑ית נִכְתָּ֤ם עֲוֹנֵךְ֙ לְפָנַ֔י נְאֻ֖ם אֲדֹנָ֥י יְהוִֽה׃

ki֤̇y ʼim־ţĕ̇kabĕ̇siy֙ bȧnė֔ţer wĕţarĕbi̇y־lá֖kĕ bò̇ri֑yţ nikĕţá֤̇m ʻàwònékĕ֙ lĕpána֔y nĕʼu֖m ʼàdòná֥y yĕhwiֽh׃

23
אֵ֣יךְ תֹּאמְרִ֞י לֹ֣א נִטְמֵ֗אתִי אַחֲרֵ֤י הַבְּעָלִים֙ לֹ֣א הָלַ֔כְתִּי רְאִ֤י דַרְכֵּךְ֙ בַּגַּ֔יְא דְּעִ֖י מֶ֣ה עָשִׂ֑ית בִּכְרָ֥ה קַלָּ֖ה מְשָׂרֶ֥כֶת דְּרָכֶֽיהָ׃

ʼé֣ykĕ ţò̇ʼmĕri֞y lò֣ʼ nitĕmé֗ʼţiy ʼaẖàré֤y habĕ̇ʻáliym֙ lò֣ʼ hála֔kĕţi̇y rĕʼi֤y darĕké̇kĕ֙ bȧgȧ֔yĕʼ dĕ̇ʻi֖y me֣h ʻáşî֑yţ bi̇kĕrá֥h qalá֖̇h mĕşá̂re֥keţ dĕ̇rákeֽyhá׃

24
פֶּ֣רֶה׀ לִמֻּ֣ד מִדְבָּ֗ר בְּאַוַּ֤ת נַפשֹׁו שָׁאֲפָ֣ה ר֔וּחַ תַּאֲנָתָ֖הּ מִ֣י יְשִׁיבֶ֑נָּה כָּל־מְבַקְשֶׁ֨יהָ֙ לֹ֣א יִיעָ֔פוּ בְּחָדְשָׁ֖הּ יִמְצָאֽוּנְהָ׃

pė֣reh׀ limu֣̇d midĕbá̇֗r bĕ̇ʼawȧ֤ţ napşò̌w şá̌ʼàpá֣h r֔ẇẖa ţȧʼànáţá֖ḣ mi֣y yĕşǐybe֑ná̇h ká̇l־mĕbaqĕşě֨yhá֙ lò֣ʼ yiyʻá֔pẇ bĕ̇ẖádĕşá֖̌ḣ yimĕẕáʼֽẇnĕhá׃

25
מִנְעִ֤י רַגְלֵךְ֙ מִיָּחֵ֔ף וּגֹורֹנֵךְ מִצִּמְאָ֑ה וַתֹּאמְרִ֣י נֹואָ֔שׁ לֹ֕וא כִּֽי־אָהַ֥בְתִּי זָרִ֖ים וְאַחֲרֵיהֶ֥ם אֵלֵֽךְ׃

minĕʻi֤y ragĕlékĕ֙ miyá̇ẖé֔p ẇgòwrònékĕ miẕi̇mĕʼá֑h waţò̇ʼmĕri֣y nòwʼá֔ş̌ lò֕wʼ kiֽ̇y־ʼáha֥bĕţi̇y zári֖ym wĕʼaẖàréyhe֥m ʼéléֽkĕ׃

26
כְּבֹ֤שֶׁת גַּנָּב֙ כִּ֣י יִמָּצֵ֔א כֵּ֥ן הֹבִ֖ישׁוּ בֵּ֣ית יִשְׂרָאֵ֑ל הֵ֤מָּה מַלְכֵיהֶם֙ שָֽׂרֵיהֶ֔ם וְכֹהֲנֵיהֶ֖ם וּנְבִיאֵיהֶֽם׃

kĕ̇bò֤şěţ gȧná̇b֙ ki֣̇y yimá̇ẕé֔ʼ ké֥̇n hòbi֖yş̌ẇ bé֣̇yţ yişĕ̂ráʼé֑l hé֤má̇h malĕkéyhem֙ şáֽ̂réyhe֔m wĕkòhànéyhe֖m ẇnĕbiyʼéyheֽm׃

27
אֹמְרִ֨ים לָעֵ֜ץ אָ֣בִי אַ֗תָּה וְלָאֶ֨בֶן֙ אַ֣תְּ יְלִדְתִּני כִּֽי־פָנ֥וּ אֵלַ֛י עֹ֖רֶף וְלֹ֣א פָנִ֑ים וּבְעֵ֤ת רָֽעָתָם֙ יֹֽאמְר֔וּ ק֖וּמָה וְהֹושִׁיעֵֽנוּ׃

ʼòmĕri֨ym láʻé֜ẕ ʼá֣biy ʼa֗ţá̇h wĕláʼe֨ben֙ ʼa֣ţĕ̇ yĕlidĕţi̇ny kiֽ̇y־pán֥ẇ ʼéla֛y ʻò֖rep wĕlò֣ʼ páni֑ym ẇbĕʻé֤ţ ráֽʻáţám֙ yòֽʼmĕr֔ẇ q֖ẇmáh wĕhòwşǐyʻéֽnẇ׃

28
וְאַיֵּ֤ה אֱלֹהֶ֨יךָ֙ אֲשֶׁ֣ר עָשִׂ֣יתָ לָּ֔ךְ יָק֕וּמוּ אִם־יֹושִׁיע֖וּךָ בְּעֵ֣ת רָעָתֶ֑ךָ כִּ֚י מִסְפַּ֣ר עָרֶ֔יךָ הָי֥וּ אֱלֹהֶ֖יךָ יְהוּדָֽה׃ ס

wĕʼayé֤̇h ʼèlòhe֨yká֙ ʼàşě֣r ʻáşî֣yţá lá̇֔kĕ yáq֕ẇmẇ ʼim־yòwşǐyʻ֖ẇká bĕ̇ʻé֣ţ ráʻáţe֑ká ki֚̇y misĕpȧ֣r ʻáre֔yká háy֥ẇ ʼèlòhe֖yká yĕhẇdáֽh׃ s

29
לָ֥מָּה תָרִ֖יבוּ אֵלָ֑י כֻּלְּכֶ֛ם פְּשַׁעְתֶּ֥ם בִּ֖י נְאֻם־יְהוָֽה׃

lá֥má̇h ţári֖ybẇ ʼélá֑y ku̇lĕ̇ke֛m pĕ̇şǎʻĕţė֥m bi֖̇y nĕʼum־yĕhwáֽh׃

30
לַשָּׁוְא֙ הִכֵּ֣יתִי אֶת־בְּנֵיכֶ֔ם מוּסָ֖ר לֹ֣א לָקָ֑חוּ אָכְלָ֧ה חַרְבְּכֶ֛ם נְבִֽיאֵיכֶ֖ם כְּאַרְיֵ֥ה מַשְׁחִֽית׃

laşá̇̌wĕʼ֙ hiké֣̇yţiy ʼeţ־bĕ̇néyke֔m mẇsá֖r lò֣ʼ láqá֑ẖẇ ʼákĕlá֧h ẖarĕbĕ̇ke֛m nĕbiֽyʼéyke֖m kĕ̇ʼarĕyé֥h maşĕ̌ẖiֽyţ׃

31
הַדֹּ֗ור אַתֶּם֙ רְא֣וּ דְבַר־יְהוָ֔ה הֲמִדְבָּ֤ר הָיִ֨יתִי֙ לְיִשְׂרָאֵ֔ל אִ֛ם אֶ֥רֶץ מַאְפֵּ֖לְיָ֑ה מַדּ֜וּעַ אָמְר֤וּ עַמִּי֙ רַ֔דְנוּ לֹֽוא־נָבֹ֥וא עֹ֖וד אֵלֶֽיךָ׃

hadò̇֗wr ʼaţėm֙ rĕʼ֣ẇ dĕbar־yĕhwá֔h hàmidĕbá֤̇r háyi֨yţiy֙ lĕyişĕ̂ráʼé֔l ʼi֛m ʼe֥reẕ maʼĕpé֖̇lĕyá֑h maḋ֜ẇʻa ʼámĕr֤ẇ ʻami̇y֙ ra֔dĕnẇ lòֽwʼ־nábò֥wʼ ʻò֖wd ʼéleֽyká׃

32
הֲתִשְׁכַּ֤ח בְּתוּלָה֙ עֶדְיָ֔הּ כַּלָּ֖ה קִשֻּׁרֶ֑יהָ וְעַמִּ֣י שְׁכֵח֔וּנִי יָמִ֖ים אֵ֥ין מִסְפָּֽר׃

hàţişĕ̌kȧ֤ẖ bĕ̇ţẇláh֙ ʻedĕyá֔ḣ kȧlá֖̇h qişu̇̌re֑yhá wĕʻami֣̇y şĕ̌kéẖ֔ẇniy yámi֖ym ʼé֥yn misĕpáֽ̇r׃

33
מַה־תֵּיטִ֥בִי דַּרְכֵּ֖ךְ לְבַקֵּ֣שׁ אַהֲבָ֑ה לָכֵן֙ גַּ֣ם אֶת־הָרָעֹ֔ות לִמַּדְתִּי אֶת־דְּרָכָֽיִךְ׃

mah־ţé̇yti֥biy dȧrĕké֖̇kĕ lĕbaqé֣̇ş̌ ʼahàbá֑h lákén֙ gȧ֣m ʼeţ־háráʻò֔wţ limȧdĕţi̇y ʼeţ־dĕ̇rákáֽyikĕ׃

34
גַּ֤ם בִּכְנָפַ֨יִךְ֙ נִמְצְא֔וּ דַּ֛ם נַפְשֹׁ֥ות אֶבְיֹונִ֖ים נְקִיִּ֑ים לֹֽא־בַמַּחְתֶּ֥רֶת מְצָאתִ֖ים כִּ֥י עַל־כָּל־אֵֽלֶּה׃

gȧ֤m bi̇kĕnápa֨yikĕ֙ nimĕẕĕʼ֔ẇ dȧ֛m napĕşò֥̌wţ ʼebĕyòwni֖ym nĕqiyi֑̇ym lòֽʼ־bamȧẖĕţė֥reţ mĕẕáʼţi֖ym ki֥̇y ʻal־ká̇l־ʼéֽlėh׃

35
וַתֹּֽאמְרִי֙ כִּ֣י נִקֵּ֔יתִי אַ֛ךְ שָׁ֥ב אַפֹּ֖ו מִמֶּ֑נִּי הִנְנִי֙ נִשְׁפָּ֣ט אֹותָ֔ךְ עַל־אָמְרֵ֖ךְ לֹ֥א חָטָֽאתִי׃

waţòֽ̇ʼmĕriy֙ ki֣̇y niqé̇֔yţiy ʼa֛kĕ şá֥̌b ʼapò֖̇w mimė֑ni̇y hinĕniy֙ nişĕ̌pá֣̇t ʼòwţá֔kĕ ʻal־ʼámĕré֖kĕ lò֥ʼ ẖátáֽʼţiy׃

36
מַה־תֵּזְלִ֥י מְאֹ֖ד לְשַׁנֹּ֣ות אֶת־דַּרְכֵּ֑ךְ גַּ֤ם מִמִּצְרַ֨יִם֙ תֵּבֹ֔ושִׁי כַּאֲשֶׁר־בֹּ֖שְׁתְּ מֵאַשּֽׁוּר׃

mah־ţé̇zĕli֥y mĕʼò֖d lĕşǎnò֣̇wţ ʼeţ־dȧrĕké֑̇kĕ gȧ֤m mimi̇ẕĕra֨yim֙ ţé̇bò֔wşǐy kȧʼàşěr־bò֖̇şĕ̌ţĕ̇ méʼaşֽ̇̌ẇr׃

37
גַּ֣ם מֵאֵ֥ת זֶה֙ תֵּֽצְאִ֔י וְיָדַ֖יִךְ עַל־רֹאשֵׁ֑ךְ כִּֽי־מָאַ֤ס יְהֹוָה֙ בְּמִבְטַחַ֔יִךְ וְלֹ֥א תַצְלִ֖יחִי לָהֶֽם׃

gȧ֣m méʼé֥ţ zeh֙ ţéֽ̇ẕĕʼi֔y wĕyáda֖yikĕ ʻal־ròʼşé֑̌kĕ kiֽ̇y־máʼa֤s yĕhòwáh֙ bĕ̇mibĕtaẖa֔yikĕ wĕlò֥ʼ ţaẕĕli֖yẖiy láheֽm׃