Bibles in ancient languages
Old translations
Modern translations

Biblia Hebraica Stuttgartensia Jérémie 35:10

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הַדָּבָ֛ר אֲשֶׁר־הָיָ֥ה אֶֽל־יִרְמְיָ֖הוּ מֵאֵ֣ת יְהוָ֑ה בִּימֵ֨י יְהֹויָקִ֧ים בֶּן־יֹאשִׁיָּ֛הוּ מֶ֥לֶךְ יְהוּדָ֖ה לֵאמֹֽר׃

hadá̇bá֛r ʼàşěr־háyá֥h ʼeֽl־yirĕmĕyá֖hẇ méʼé֣ţ yĕhwá֑h bi̇ymé֨y yĕhòwyáqi֧ym bėn־yòʼşǐyá֛̇hẇ me֥lekĕ yĕhẇdá֖h léʼmòֽr׃

2
הָלֹוךְ֮ אֶל־בֵּ֣ית הָרֵכָבִים֒ וְדִבַּרְתָּ֣ אֹותָ֔ם וַהֲבִֽאֹותָם֙ בֵּ֣ית יְהוָ֔ה אֶל־אַחַ֖ת הַלְּשָׁכֹ֑ות וְהִשְׁקִיתָ֥ אֹותָ֖ם יָֽיִן׃

hálòwkĕ֮ ʼel־bé֣̇yţ hárékábiym֒ wĕdibȧrĕţá֣̇ ʼòwţá֔m wahàbiֽʼòwţám֙ bé֣̇yţ yĕhwá֔h ʼel־ʼaẖa֖ţ halĕ̇şá̌kò֑wţ wĕhişĕ̌qiyţá֥ ʼòwţá֖m yáֽyin׃

3
וָאֶקַּ֞ח אֶת־יַאֲזַנְיָ֤ה בֶֽן־יִרְמְיָ֨הוּ֙ בֶּן־חֲבַצִּנְיָ֔ה וְאֶת־אֶחָ֖יו וְאֶת־כָּל־בָּנָ֑יו וְאֵ֖ת כָּל־בֵּ֥ית הָרֵכָבִֽים׃

wáʼeqȧ֞ẖ ʼeţ־yaʼàzanĕyá֤h beֽn־yirĕmĕyá֨hẇ֙ bėn־ẖàbaẕi̇nĕyá֔h wĕʼeţ־ʼeẖá֖yw wĕʼeţ־ká̇l־bá̇ná֑yw wĕʼé֖ţ ká̇l־bé֥̇yţ hárékábiֽym׃

4
וָאָבִ֤א אֹתָם֙ בֵּ֣ית יְהוָ֔ה אֶל־לִשְׁכַּ֗ת בְּנֵ֛י חָנָ֥ן בֶּן־יִגְדַּלְיָ֖הוּ אִ֣ישׁ הָאֱלֹהִ֑ים אֲשֶׁר־אֵ֨צֶל֙ לִשְׁכַּ֣ת הַשָּׂרִ֔ים אֲשֶׁ֣ר מִמַּ֗עַל לְלִשְׁכַּ֛ת מַעֲשֵׂיָ֥הוּ בֶן־שַׁלֻּ֖ם שֹׁמֵ֥ר הַסַּֽף׃

wáʼábi֤ʼ ʼòţám֙ bé֣̇yţ yĕhwá֔h ʼel־lişĕ̌kȧ֗ţ bĕ̇né֛y ẖáná֥n bėn־yigĕdȧlĕyá֖hẇ ʼi֣yş̌ háʼèlòhi֑ym ʼàşěr־ʼé֨ẕel֙ lişĕ̌kȧ֣ţ haşá̇̂ri֔ym ʼàşě֣r mimȧ֗ʻal lĕlişĕ̌kȧ֛ţ maʻàşé̂yá֥hẇ ben־şǎlu֖̇m şò̌mé֥r hasȧֽp׃

5
וָאֶתֵּ֞ן לִפְנֵ֣י׀ בְּנֵ֣י בֵית־הָרֵכָבִ֗ים גְּבִעִ֛ים מְלֵאִ֥ים יַ֖יִן וְכֹסֹ֑ות וָאֹמַ֥ר אֲלֵיהֶ֖ם שְׁתוּ־יָֽיִן׃

wáʼeţé̇֞n lipĕné֣y׀ bĕ̇né֣y béyţ־hárékábi֗ym gĕ̇biʻi֛ym mĕléʼi֥ym ya֖yin wĕkòsò֑wţ wáʼòma֥r ʼàléyhe֖m şĕ̌ţẇ־yáֽyin׃

6
וַיֹּאמְר֖וּ לֹ֣א נִשְׁתֶּה־יָּ֑יִן כִּי֩ יֹונָדָ֨ב בֶּן־רֵכָ֜ב אָבִ֗ינוּ צִוָּ֤ה עָלֵ֨ינוּ֙ לֵאמֹ֔ר לֹ֧א תִשְׁתּוּ־יַ֛יִן אַתֶּ֥ם וּבְנֵיכֶ֖ם עַד־עֹולָֽם׃

wayò̇ʼmĕr֖ẇ lò֣ʼ nişĕ̌ţėh־yá֑̇yin ki̇y֩ yòwnádá֨b bėn־réká֜b ʼábi֗ynẇ ẕiwá֤̇h ʻálé֨ynẇ֙ léʼmò֔r lò֧ʼ ţişĕ̌ţ̇ẇ־ya֛yin ʼaţė֥m ẇbĕnéyke֖m ʻad־ʻòwláֽm׃

7
וּבַ֣יִת לֹֽא־תִבְנ֗וּ וְזֶ֤רַע לֹֽא־תִזְרָ֨עוּ֙ וְכֶ֣רֶם לֹֽא־תִטָּ֔עוּ וְלֹ֥א יִֽהְיֶ֖ה לָכֶ֑ם כִּ֠י בָּאֳהָלִ֤ים תֵּֽשְׁבוּ֙ כָּל־יְמֵיכֶ֔ם לְמַ֨עַן תִּֽחְי֜וּ יָמִ֤ים רַבִּים֙ עַל־פְּנֵ֣י הָאֲדָמָ֔ה אֲשֶׁ֥ר אַתֶּ֖ם גָּרִ֥ים שָֽׁם׃

ẇba֣yiţ lòֽʼ־ţibĕn֗ẇ wĕze֤raʻ lòֽʼ־ţizĕrá֨ʻẇ֙ wĕke֣rem lòֽʼ־ţitá̇֔ʻẇ wĕlò֥ʼ yiֽhĕye֖h láke֑m ki̇֠y bá̇ʼoháli֤ym ţéֽ̇şĕ̌bẇ֙ ká̇l־yĕméyke֔m lĕma֨ʻan ţiֽ̇ẖĕy֜ẇ yámi֤ym rabi̇ym֙ ʻal־pĕ̇né֣y háʼàdámá֔h ʼàşě֥r ʼaţė֖m gá̇ri֥ym şáֽ̌m׃

8
וַנִּשְׁמַ֗ע בְּקֹ֨ול יְהֹונָדָ֤ב בֶּן־רֵכָב֙ אָבִ֔ינוּ לְכֹ֖ל אֲשֶׁ֣ר צִוָּ֑נוּ לְבִלְתִּ֤י שְׁתֹֽות־יַ֨יִן֙ כָּל־יָמֵ֔ינוּ אֲנַ֣חְנוּ נָשֵׁ֔ינוּ בָּנֵ֖ינוּ וּבְנֹתֵֽינוּ׃

wani̇şĕ̌ma֗ʻ bĕ̇qò֨wl yĕhòwnádá֤b bėn־rékáb֙ ʼábi֔ynẇ lĕkò֖l ʼàşě֣r ẕiwá֑̇nẇ lĕbilĕţi֤̇y şĕ̌ţòֽwţ־ya֨yin֙ ká̇l־yámé֔ynẇ ʼàna֣ẖĕnẇ náşé̌֔ynẇ bá̇né֖ynẇ ẇbĕnòţéֽynẇ׃

9
וּלְבִלְתִּ֛י בְּנֹ֥ות בָּתִּ֖ים לְשִׁבְתֵּ֑נוּ וְכֶ֧רֶם וְשָׂדֶ֛ה וָזֶ֖רַע לֹ֥א יִֽהְיֶה־לָּֽנוּ׃

ẇlĕbilĕţi֛̇y bĕ̇nò֥wţ bá̇ţi֖̇ym lĕşǐbĕţé֑̇nẇ wĕke֧rem wĕşá̂de֛h wáze֖raʻ lò֥ʼ yiֽhĕyeh־láֽ̇nẇ׃

10
וַנֵּ֖שֶׁב בָּֽאֳהָלִ֑ים וַנִּשְׁמַ֣ע וַנַּ֔עַשׂ כְּכֹ֥ל אֲשֶׁר־צִוָּ֖נוּ יֹונָדָ֥ב אָבִֽינוּ׃

wané֖̇şěb báֽ̇ʼoháli֑ym wani̇şĕ̌ma֣ʻ wanȧ֔ʻaş̂ kĕ̇kò֥l ʼàşěr־ẕiwá֖̇nẇ yòwnádá֥b ʼábiֽynẇ׃

11
וַיְהִ֗י בַּעֲלֹ֨ות נְבוּכַדְרֶאצַּ֥ר מֶֽלֶךְ־בָּבֶל֮ אֶל־הָאָרֶץ֒ וַנֹּ֗אמֶר בֹּ֚אוּ וְנָבֹ֣וא יְרוּשָׁלִַ֔ם מִפְּנֵי֙ חֵ֣יל הַכַּשְׂדִּ֔ים וּמִפְּנֵ֖י חֵ֣יל אֲרָ֑ם וַנֵּ֖שֶׁב בִּירוּשָׁלִָֽם׃ פ

wayĕhi֗y bȧʻàlò֨wţ nĕbẇkadĕreʼẕȧ֥r meֽlekĕ־bá̇bel֮ ʼel־háʼáreẕ֒ wanò̇֗ʼmer bò֚̇ʼẇ wĕnábò֣wʼ yĕrẇşá̌lia֔m mipĕ̇néy֙ ẖé֣yl hakȧşĕ̂di̇֔ym ẇmipĕ̇né֖y ẖé֣yl ʼàrá֑m wané֖̇şěb bi̇yrẇşá̌láֽim׃ p

12
וַֽיְהִי֙ דְּבַר־יְהוָ֔ה אֶֽל־יִרְמְיָ֖הוּ לֵאמֹֽר׃

waֽyĕhiy֙ dĕ̇bar־yĕhwá֔h ʼeֽl־yirĕmĕyá֖hẇ léʼmòֽr׃

13
כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הָלֹ֤ךְ וְאָֽמַרְתָּ֙ לְאִ֣ישׁ יְהוּדָ֔ה וּלְיֹֽושְׁבֵ֖י יְרֽוּשָׁלִָ֑ם הֲלֹ֨וא תִקְח֥וּ מוּסָ֛ר לִשְׁמֹ֥עַ אֶל־דְּבָרַ֖י נְאֻם־יְהוָֽה׃

kòֽ̇h־ʼáma֞r yĕhwá֤h ẕĕbáʼòwţ֙ ʼèlòhé֣y yişĕ̂ráʼé֔l hálò֤kĕ wĕʼáֽmarĕţá̇֙ lĕʼi֣yş̌ yĕhẇdá֔h ẇlĕyòֽwşĕ̌bé֖y yĕrֽẇşá̌liá֑m hàlò֨wʼ ţiqĕẖ֥ẇ mẇsá֛r lişĕ̌mò֥ʻa ʼel־dĕ̇bára֖y nĕʼum־yĕhwáֽh׃

14
הוּקַ֡ם אֶת־דִּבְרֵ֣י יְהֹונָדָ֣ב בֶּן־רֵ֠כָב אֲשֶׁר־צִוָּ֨ה אֶת־בָּנָ֜יו לְבִלְתִּ֣י שְׁתֹֽות־יַ֗יִן וְלֹ֤א שָׁתוּ֙ עַד־הַיֹּ֣ום הַזֶּ֔ה כִּ֣י שָֽׁמְע֔וּ אֵ֖ת מִצְוַ֣ת אֲבִיהֶ֑ם וְאָ֨נֹכִ֜י דִּבַּ֤רְתִּי אֲלֵיכֶם֙ הַשְׁכֵּ֣ם וְדַבֵּ֔ר וְלֹ֥א שְׁמַעְתֶּ֖ם אֵלָֽי׃

hẇqa֡m ʼeţ־di̇bĕré֣y yĕhòwnádá֣b bėn־ré֠káb ʼàşěr־ẕiwá̇֨h ʼeţ־bá̇ná֜yw lĕbilĕţi֣̇y şĕ̌ţòֽwţ־ya֗yin wĕlò֤ʼ şá̌ţẇ֙ ʻad־hayò֣̇wm hazė֔h ki֣̇y şáֽ̌mĕʻ֔ẇ ʼé֖ţ miẕĕwa֣ţ ʼàbiyhe֑m wĕʼá֨nòki֜y di̇bȧ֤rĕţi̇y ʼàléykem֙ haşĕ̌ké֣̇m wĕdabé̇֔r wĕlò֥ʼ şĕ̌maʻĕţė֖m ʼéláֽy׃

15
וָאֶשְׁלַ֣ח אֲלֵיכֶ֣ם אֶת־כָּל־עֲבָדַ֣י הַנְּבִאִ֣ים׀ הַשְׁכֵּ֣ים וְשָׁלֹ֣חַ׀ לֵאמֹ֡ר שֻׁבוּ־נָ֡א אִישׁ֩ מִדַּרְכֹּ֨ו הָרָעָ֜ה וְהֵיטִ֣יבוּ מַֽעַלְלֵיכֶ֗ם וְאַל־תֵּ֨לְכ֜וּ אַחֲרֵ֨י אֱלֹהִ֤ים אֲחֵרִים֙ לְעָבְדָ֔ם וּשְׁבוּ֙ אֶל־הָ֣אֲדָמָ֔ה אֲשֶׁר־נָתַ֥תִּי לָכֶ֖ם וְלַאֲבֹֽתֵיכֶ֑ם וְלֹ֤א הִטִּיתֶם֙ אֶֽת־אָזְנְכֶ֔ם וְלֹ֥א שְׁמַעְתֶּ֖ם אֵלָֽי׃

wáʼeşĕ̌la֣ẖ ʼàléyke֣m ʼeţ־ká̇l־ʻàbáda֣y hanĕ̇biʼi֣ym׀ haşĕ̌ké֣̇ym wĕşá̌lò֣ẖa׀ léʼmò֡r şǔbẇ־ná֡ʼ ʼiyş̌֩ midȧrĕkò̇֨w háráʻá֜h wĕhéyti֣ybẇ maֽʻalĕléyke֗m wĕʼal־ţé̇֨lĕk֜ẇ ʼaẖàré֨y ʼèlòhi֤ym ʼàẖériym֙ lĕʻábĕdá֔m ẇşĕ̌bẇ֙ ʼel־há֣ʼàdámá֔h ʼàşěr־náţa֥ţi̇y láke֖m wĕlaʼàbòֽţéyke֑m wĕlò֤ʼ hiti̇yţem֙ ʼeֽţ־ʼázĕnĕke֔m wĕlò֥ʼ şĕ̌maʻĕţė֖m ʼéláֽy׃

16
כִּ֣י הֵקִ֗ימוּ בְּנֵי֙ יְהֹונָדָ֣ב בֶּן־רֵכָ֔ב אֶת־מִצְוַ֥ת אֲבִיהֶ֖ם אֲשֶׁ֣ר צִוָּ֑ם וְהָעָ֣ם הַזֶּ֔ה לֹ֥א שָׁמְע֖וּ אֵלָֽי׃ ס

ki֣̇y héqi֗ymẇ bĕ̇néy֙ yĕhòwnádá֣b bėn־réká֔b ʼeţ־miẕĕwa֥ţ ʼàbiyhe֖m ʼàşě֣r ẕiwá֑̇m wĕháʻá֣m hazė֔h lò֥ʼ şá̌mĕʻ֖ẇ ʼéláֽy׃ s

17
לָ֠כֵן כֹּֽה־אָמַ֨ר יְהוָ֜ה אֱלֹהֵ֤י צְבָאֹות֙ אֱלֹהֵ֣י יִשְׂרָאֵ֔ל הִנְנִ֧י מֵבִ֣יא אֶל־יְהוּדָ֗ה וְאֶ֤ל כָּל־יֹֽושְׁבֵי֙ יְר֣וּשָׁלִַ֔ם אֵ֚ת כָּל־הָ֣רָעָ֔ה אֲשֶׁ֥ר דִּבַּ֖רְתִּי עֲלֵיהֶ֑ם יַ֣עַן דִּבַּ֤רְתִּי אֲלֵיהֶם֙ וְלֹ֣א שָׁמֵ֔עוּ וָאֶקְרָ֥א לָהֶ֖ם וְלֹ֥א עָנֽוּ׃

lá֠kén kòֽ̇h־ʼáma֨r yĕhwá֜h ʼèlòhé֤y ẕĕbáʼòwţ֙ ʼèlòhé֣y yişĕ̂ráʼé֔l hinĕni֧y mébi֣yʼ ʼel־yĕhẇdá֗h wĕʼe֤l ká̇l־yòֽwşĕ̌béy֙ yĕr֣ẇşá̌lia֔m ʼé֚ţ ká̇l־há֣ráʻá֔h ʼàşě֥r di̇bȧ֖rĕţi̇y ʻàléyhe֑m ya֣ʻan di̇bȧ֤rĕţi̇y ʼàléyhem֙ wĕlò֣ʼ şá̌mé֔ʻẇ wáʼeqĕrá֥ʼ láhe֖m wĕlò֥ʼ ʻánֽẇ׃

18
וּלְבֵ֨ית הָרֵכָבִ֜ים אָמַ֣ר יִרְמְיָ֗הוּ כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל יַ֚עַן אֲשֶׁ֣ר שְׁמַעְתֶּ֔ם עַל־מִצְוַ֖ת יְהֹונָדָ֣ב אֲבִיכֶ֑ם וַֽתִּשְׁמְרוּ֙ אֶת־כָּל־מִצְוֹתָ֔יו וַֽתַּעֲשׂ֔וּ כְּכֹ֥ל אֲשֶׁר־צִוָּ֖ה אֶתְכֶֽם׃ ס

ẇlĕbé֨yţ hárékábi֜ym ʼáma֣r yirĕmĕyá֗hẇ kòֽ̇h־ʼáma֞r yĕhwá֤h ẕĕbáʼòwţ֙ ʼèlòhé֣y yişĕ̂ráʼé֔l ya֚ʻan ʼàşě֣r şĕ̌maʻĕţė֔m ʻal־miẕĕwa֖ţ yĕhòwnádá֣b ʼàbiyke֑m waֽţi̇şĕ̌mĕrẇ֙ ʼeţ־ká̇l־miẕĕwòţá֔yw waֽţȧʻàş̂֔ẇ kĕ̇kò֥l ʼàşěr־ẕiwá֖̇h ʼeţĕkeֽm׃ s

19
לָכֵ֗ן כֹּ֥ה אָמַ֛ר יְהוָ֥ה צְבָאֹ֖ות אֱלֹהֵ֣י יִשְׂרָאֵ֑ל לֹֽא־יִכָּרֵ֨ת אִ֜ישׁ לְיֹונָדָ֧ב בֶּן־רֵכָ֛ב עֹמֵ֥ד לְפָנַ֖י כָּל־הַיָּמִֽים׃ פ

láké֗n kò֥̇h ʼáma֛r yĕhwá֥h ẕĕbáʼò֖wţ ʼèlòhé֣y yişĕ̂ráʼé֑l lòֽʼ־yiká̇ré֨ţ ʼi֜yş̌ lĕyòwnádá֧b bėn־réká֛b ʻòmé֥d lĕpána֖y ká̇l־hayá̇miֽym׃ p