Bibles in ancient languages
Old translations
Modern translations

Biblia Hebraica Stuttgartiensia Jeremiah 36

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַֽיְהִי֙ בַּשָּׁנָ֣ה הָרְבִיעִ֔ת לִיהֹויָקִ֥ים בֶּן־יֹאשִׁיָּ֖הוּ מֶ֣לֶךְ יְהוּדָ֑ה הָיָ֞ה הַדָּבָ֤ר הַזֶּה֙ אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

waֽyĕhiy֙ bȧşá̇̌ná֣h hárĕbiyʻi֔ţ liyhòwyáqi֥ym bėn־yòʼşǐyá֖̇hẇ me֣lekĕ yĕhẇdá֑h háyá֞h hadá̇bá֤r hazėh֙ ʼeֽl־yirĕmĕyá֔hẇ méʼé֥ţ yĕhwá֖h léʼmòֽr׃

2
קַח־לְךָ֮ מְגִלַּת־סֵפֶר֒ וְכָתַבְתָּ֣ אֵלֶ֗יהָ אֵ֣ת כָּל־הַדְּבָרִ֞ים אֲשֶׁר־דִּבַּ֧רְתִּי אֵלֶ֛יךָ עַל־יִשְׂרָאֵ֥ל וְעַל־יְהוּדָ֖ה וְעַל־כָּל־הַגֹּויִ֑ם מִיֹּ֞ום דִּבַּ֤רְתִּי אֵלֶ֨יךָ֙ מִימֵ֣י יֹאשִׁיָּ֔הוּ וְעַ֖ד הַיֹּ֥ום הַזֶּֽה׃

qaẖ־lĕká֮ mĕgilȧţ־séper֒ wĕkáţabĕţá֣̇ ʼéle֗yhá ʼé֣ţ ká̇l־hadĕ̇bári֞ym ʼàşěr־di̇bȧ֧rĕţi̇y ʼéle֛yká ʻal־yişĕ̂ráʼé֥l wĕʻal־yĕhẇdá֖h wĕʻal־ká̇l־hagò̇wyi֑m miyò̇֞wm di̇bȧ֤rĕţi̇y ʼéle֨yká֙ miymé֣y yòʼşǐyá̇֔hẇ wĕʻa֖d hayò֥̇wm hazėֽh׃

3
אוּלַ֤י יִשְׁמְעוּ֙ בֵּ֣ית יְהוּדָ֔ה אֵ֚ת כָּל־הָ֣רָעָ֔ה אֲשֶׁ֛ר אָנֹכִ֥י חֹשֵׁ֖ב לַעֲשֹׂ֣ות לָהֶ֑ם לְמַ֣עַן יָשׁ֗וּבוּ אִ֚ישׁ מִדַּרְכֹּ֣ו הָרָעָ֔ה וְסָלַחְתִּ֥י לַעֲוֹנָ֖ם וּלְחַטָּאתָֽם׃ ס

ʼẇla֤y yişĕ̌mĕʻẇ֙ bé֣̇yţ yĕhẇdá֔h ʼé֚ţ ká̇l־há֣ráʻá֔h ʼàşě֛r ʼánòki֥y ẖòşé֖̌b laʻàşò֣̂wţ láhe֑m lĕma֣ʻan yáş̌֗ẇbẇ ʼi֚yş̌ midȧrĕkò֣̇w háráʻá֔h wĕsálaẖĕţi֥̇y laʻàwòná֖m ẇlĕẖatá̇ʼţáֽm׃ s

4
וַיִּקְרָ֣א יִרְמְיָ֔הוּ אֶת־בָּר֖וּךְ בֶּן־נֵֽרִיָּ֑ה וַיִּכְתֹּ֨ב בָּר֜וּךְ מִפִּ֣י יִרְמְיָ֗הוּ אֵ֣ת כָּל־דִּבְרֵ֧י יְהוָ֛ה אֲשֶׁר־דִּבֶּ֥ר אֵלָ֖יו עַל־מְגִלַּת־סֵֽפֶר׃

wayi̇qĕrá֣ʼ yirĕmĕyá֔hẇ ʼeţ־bá̇r֖ẇkĕ bėn־néֽriyá֑̇h wayi̇kĕţò̇֨b bá̇r֜ẇkĕ mipi֣̇y yirĕmĕyá֗hẇ ʼé֣ţ ká̇l־di̇bĕré֧y yĕhwá֛h ʼàşěr־di̇bė֥r ʼélá֖yw ʻal־mĕgilȧţ־séֽper׃

5
וַיְצַוֶּ֣ה יִרְמְיָ֔הוּ אֶת־בָּר֖וּךְ לֵאמֹ֑ר אֲנִ֣י עָצ֔וּר לֹ֣א אוּכַ֔ל לָבֹ֖וא בֵּ֥ית יְהוָֽה׃

wayĕẕawė֣h yirĕmĕyá֔hẇ ʼeţ־bá̇r֖ẇkĕ léʼmò֑r ʼàni֣y ʻáẕ֔ẇr lò֣ʼ ʼẇka֔l lábò֖wʼ bé֥̇yţ yĕhwáֽh׃

6
וּבָאתָ֣ אַתָּ֡ה וְקָרָ֣אתָ בַמְּגִלָּ֣ה אֲשֶׁר־כָּתַֽבְתָּ־מִפִּי֩ אֶת־דִּבְרֵ֨י יְהוָ֜ה בְּאָזְנֵ֥י הָעָ֛ם בֵּ֥ית יְהוָ֖ה בְּיֹ֣ום צֹ֑ום וְגַ֨ם בְּאָזְנֵ֧י כָל־יְהוּדָ֛ה הַבָּאִ֥ים מֵעָרֵיהֶ֖ם תִּקְרָאֵֽם׃

ẇbáʼţá֣ ʼaţá̇֡h wĕqárá֣ʼţá bamĕ̇gilá֣̇h ʼàşěr־ká̇ţaֽbĕţá̇־mipi̇y֩ ʼeţ־di̇bĕré֨y yĕhwá֜h bĕ̇ʼázĕné֥y háʻá֛m bé֥̇yţ yĕhwá֖h bĕ̇yò֣wm ẕò֑wm wĕga֨m bĕ̇ʼázĕné֧y kál־yĕhẇdá֛h habá̇ʼi֥ym méʻáréyhe֖m ţi̇qĕráʼéֽm׃

7
אוּלַ֞י תִּפֹּ֤ל תְּחִנָּתָם֙ לִפְנֵ֣י יְהוָ֔ה וְיָשֻׁ֕בוּ אִ֖ישׁ מִדַּרְכֹּ֣ו הָרָעָ֑ה כִּֽי־גָדֹ֤ול הָאַף֙ וְהַ֣חֵמָ֔ה אֲשֶׁר־דִּבֶּ֥ר יְהוָ֖ה אֶל־הָעָ֥ם הַזֶּֽה׃

ʼẇla֞y ţi̇pò֤̇l ţĕ̇ẖiná̇ţám֙ lipĕné֣y yĕhwá֔h wĕyáşǔ֕bẇ ʼi֖yş̌ midȧrĕkò֣̇w háráʻá֑h kiֽ̇y־gádò֤wl háʼap֙ wĕha֣ẖémá֔h ʼàşěr־di̇bė֥r yĕhwá֖h ʼel־háʻá֥m hazėֽh׃

8
וַיַּ֗עַשׂ בָּרוּךְ֙ בֶּן־נֵ֣רִיָּ֔ה כְּכֹ֥ל אֲשֶׁר־צִוָּ֖הוּ יִרְמְיָ֣הוּ הַנָּבִ֑יא לִקְרֹ֥א בַסֵּ֛פֶר דִּבְרֵ֥י יְהוָ֖ה בֵּ֥ית יְהֹוָֽה׃ ס

wayȧ֗ʻaş̂ bá̇rẇkĕ֙ bėn־né֣riyá̇֔h kĕ̇kò֥l ʼàşěr־ẕiwá֖̇hẇ yirĕmĕyá֣hẇ haná̇bi֑yʼ liqĕrò֥ʼ basé֛̇per di̇bĕré֥y yĕhwá֖h bé֥̇yţ yĕhòwáֽh׃ s

9
וַיְהִ֣י בַשָּׁנָ֣ה הַ֠חֲמִשִׁית לִיהֹויָקִ֨ים בֶּן־יֹאשִׁיָּ֤הוּ מֶֽלֶךְ־יְהוּדָה֙ בַּחֹ֣דֶשׁ הַתְּשִׁעִ֔י קָרְא֨וּ צֹ֜ום לִפְנֵ֧י יְהוָ֛ה כָּל־הָעָ֖ם בִּירֽוּשָׁלִָ֑ם וְכָל־הָעָ֗ם הַבָּאִ֛ים מֵעָרֵ֥י יְהוּדָ֖ה בִּירוּשָׁלִָֽם׃

wayĕhi֣y başá̇̌ná֣h ha֠ẖàmişǐyţ liyhòwyáqi֨ym bėn־yòʼşǐyá֤̇hẇ meֽlekĕ־yĕhẇdáh֙ bȧẖò֣deş̌ haţĕ̇şǐʻi֔y qárĕʼ֨ẇ ẕò֜wm lipĕné֧y yĕhwá֛h ká̇l־háʻá֖m bi̇yrֽẇşá̌liá֑m wĕkál־háʻá֗m habá̇ʼi֛ym méʻáré֥y yĕhẇdá֖h bi̇yrẇşá̌láֽim׃

10
וַיִּקְרָ֨א בָר֥וּךְ בַּסֵּ֛פֶר אֶת־דִּבְרֵ֥י יִרְמְיָ֖הוּ בֵּ֣ית יְהוָ֑ה בְּלִשְׁכַּ֡ת גְּמַרְיָהוּ֩ בֶן־שָׁפָ֨ן הַסֹּפֵ֜ר בֶּחָצֵ֣ר הָעֶלְיֹ֗ון פֶּ֣תַח שַׁ֤עַר בֵּית־יְהוָה֙ הֶֽחָדָ֔שׁ בְּאָזְנֵ֖י כָּל־הָעָֽם׃

wayi̇qĕrá֨ʼ bár֥ẇkĕ bȧsé֛̇per ʼeţ־di̇bĕré֥y yirĕmĕyá֖hẇ bé֣̇yţ yĕhwá֑h bĕ̇lişĕ̌kȧ֡ţ gĕ̇marĕyáhẇ֩ ben־şá̌pá֨n hasò̇pé֜r bėẖáẕé֣r háʻelĕyò֗wn pė֣ţaẖ şǎ֤ʻar bé̇yţ־yĕhwáh֙ heֽẖádá֔ş̌ bĕ̇ʼázĕné֖y ká̇l־háʻáֽm׃

11
וַ֠יִּשְׁמַ֗ע מִכָ֨יְהוּ בֶן־גְּמַרְיָ֧הוּ בֶן־שָׁפָ֛ן אֶת־כָּל־דִּבְרֵ֥י יְהוָ֖ה מֵעַ֥ל הַסֵּֽפֶר׃

wa֠yi̇şĕ̌ma֗ʻ miká֨yĕhẇ ben־gĕ̇marĕyá֧hẇ ben־şá̌pá֛n ʼeţ־ká̇l־di̇bĕré֥y yĕhwá֖h méʻa֥l haséֽ̇per׃

12
וַיֵּ֤רֶד בֵּית־הַמֶּ֨לֶךְ֙ עַל־לִשְׁכַּ֣ת הַסֹּפֵ֔ר וְהִ֨נֵּה־שָׁ֔ם כָּל־הַשָּׂרִ֖ים יֹֽושְׁבִ֑ים אֱלִישָׁמָ֣ע הַסֹּפֵ֡ר וּדְלָיָ֣הוּ בֶן־שְׁ֠מַעְיָהוּ וְאֶלְנָתָ֨ן בֶּן־עַכְבֹּ֜ור וּגְמַרְיָ֧הוּ בֶן־שָׁפָ֛ן וְצִדְקִיָּ֥הוּ בֶן־חֲנַנְיָ֖הוּ וְכָל־הַשָּׂרִֽים׃

wayé֤̇red bé̇yţ־hamė֨lekĕ֙ ʻal־lişĕ̌kȧ֣ţ hasò̇pé֔r wĕhi֨né̇h־şá̌֔m ká̇l־haşá̇̂ri֖ym yòֽwşĕ̌bi֑ym ʼèliyşá̌má֣ʻ hasò̇pé֡r ẇdĕláyá֣hẇ ben־şĕ̌֠maʻĕyáhẇ wĕʼelĕnáţá֨n bėn־ʻakĕbò̇֜wr ẇgĕmarĕyá֧hẇ ben־şá̌pá֛n wĕẕidĕqiyá֥̇hẇ ben־ẖànanĕyá֖hẇ wĕkál־haşá̇̂riֽym׃

13
וַיַּגֵּ֤ד לָהֶם֙ מִכָ֔יְהוּ אֵ֥ת כָּל־הַדְּבָרִ֖ים אֲשֶׁ֣ר שָׁמֵ֑עַ בִּקְרֹ֥א בָר֛וּךְ בַּסֵּ֖פֶר בְּאָזְנֵ֥י הָעָֽם׃

wayȧgé֤̇d láhem֙ miká֔yĕhẇ ʼé֥ţ ká̇l־hadĕ̇bári֖ym ʼàşě֣r şá̌mé֑ʻa bi̇qĕrò֥ʼ bár֛ẇkĕ bȧsé֖̇per bĕ̇ʼázĕné֥y háʻáֽm׃

14
וַיִּשְׁלְח֨וּ כָל־הַשָּׂרִ֜ים אֶל־בָּר֗וּךְ אֶת־יְהוּדִ֡י בֶּן־נְ֠תַנְיָהוּ בֶּן־שֶׁלֶמְיָ֣הוּ בֶן־כּוּשִׁי֮ לֵאמֹר֒ הַמְּגִלָּ֗ה אֲשֶׁ֨ר קָרָ֤אתָ בָּהּ֙ בְּאָזְנֵ֣י הָעָ֔ם קָחֶ֥נָּה בְיָדְךָ֖ וָלֵ֑ךְ וַ֠יִּקַּח בָּר֨וּךְ בֶּן־נֵרִיָּ֤הוּ אֶת־הַמְּגִלָּה֙ בְּיָדֹ֔ו וַיָּבֹ֖א אֲלֵיהֶֽם׃

wayi̇şĕ̌lĕẖ֨ẇ kál־haşá̇̂ri֜ym ʼel־bá̇r֗ẇkĕ ʼeţ־yĕhẇdi֡y bėn־nĕ֠ţanĕyáhẇ bėn־şělemĕyá֣hẇ ben־k̇ẇşǐy֮ léʼmòr֒ hamĕ̇gilá̇֗h ʼàşě֨r qárá֤ʼţá bá̇ḣ֙ bĕ̇ʼázĕné֣y háʻá֔m qáẖe֥ná̇h bĕyádĕká֖ wálé֑kĕ wa֠yi̇qȧẖ bá̇r֨ẇkĕ bėn־nériyá֤̇hẇ ʼeţ־hamĕ̇gilá̇h֙ bĕ̇yádò֔w wayá̇bò֖ʼ ʼàléyheֽm׃

15
וַיֹּאמְר֣וּ אֵלָ֔יו שֵׁ֣ב נָ֔א וּקְרָאֶ֖נָּה בְּאָזְנֵ֑ינוּ וַיִּקְרָ֥א בָר֖וּךְ בְּאָזְנֵיהֶֽם׃

wayò̇ʼmĕr֣ẇ ʼélá֔yw şé֣̌b ná֔ʼ ẇqĕráʼe֖ná̇h bĕ̇ʼázĕné֑ynẇ wayi̇qĕrá֥ʼ bár֖ẇkĕ bĕ̇ʼázĕnéyheֽm׃

16
וַיְהִ֗י כְּשָׁמְעָם֙ אֶת־כָּל־הַדְּבָרִ֔ים פָּחֲד֖וּ אִ֣ישׁ אֶל־רֵעֵ֑הוּ וַיֹּֽאמְרוּ֙ אֶל־בָּר֔וּךְ הַגֵּ֤יד נַגִּיד֙ לַמֶּ֔לֶךְ אֵ֥ת כָּל־הַדְּבָרִ֖ים הָאֵֽלֶּה׃

wayĕhi֗y kĕ̇şá̌mĕʻám֙ ʼeţ־ká̇l־hadĕ̇bári֔ym pá̇ẖàd֖ẇ ʼi֣yş̌ ʼel־réʻé֑hẇ wayòֽ̇ʼmĕrẇ֙ ʼel־bá̇r֔ẇkĕ hagé֤̇yd nagi̇yd֙ lamė֔lekĕ ʼé֥ţ ká̇l־hadĕ̇bári֖ym háʼéֽlėh׃

17
וְאֶ֨ת־בָּר֔וּךְ שָׁאֲל֖וּ לֵאמֹ֑ר הַגֶּד־נָ֣א לָ֔נוּ אֵ֗יךְ כָּתַ֛בְתָּ אֶת־כָּל־הַדְּבָרִ֥ים הָאֵ֖לֶּה מִפִּֽיו׃

wĕʼe֨ţ־bá̇r֔ẇkĕ şá̌ʼàl֖ẇ léʼmò֑r hagėd־ná֣ʼ lá֔nẇ ʼé֗ykĕ ká̇ţa֛bĕţá̇ ʼeţ־ká̇l־hadĕ̇bári֥ym háʼé֖lėh mipiֽ̇yw׃

18
וַיֹּ֤אמֶר לָהֶם֙ בָּר֔וּךְ מִפִּיו֙ יִקְרָ֣א אֵלַ֔י אֵ֥ת כָּל־הַדְּבָרִ֖ים הָאֵ֑לֶּה וַאֲנִ֛י כֹּתֵ֥ב עַל־הַסֵּ֖פֶר בַּדְּיֹֽו׃ פ

wayò֤̇ʼmer láhem֙ bá̇r֔ẇkĕ mipi̇yw֙ yiqĕrá֣ʼ ʼéla֔y ʼé֥ţ ká̇l־hadĕ̇bári֖ym háʼé֑lėh waʼàni֛y kò̇ţé֥b ʻal־hasé֖̇per bȧdĕ̇yòֽw׃ p

19
וַיֹּאמְר֤וּ הַשָּׂרִים֙ אֶל־בָּר֔וּךְ לֵ֥ךְ הִסָּתֵ֖ר אַתָּ֣ה וְיִרְמְיָ֑הוּ וְאִ֥ישׁ אַל־יֵדַ֖ע אֵיפֹ֥ה אַתֶּֽם׃

wayò̇ʼmĕr֤ẇ haşá̇̂riym֙ ʼel־bá̇r֔ẇkĕ lé֥kĕ hisá̇ţé֖r ʼaţá֣̇h wĕyirĕmĕyá֑hẇ wĕʼi֥yş̌ ʼal־yéda֖ʻ ʼéypò֥h ʼaţėֽm׃

20
וַיָּבֹ֤אוּ אֶל־הַמֶּ֨לֶךְ֙ חָצֵ֔רָה וְאֶת־הַמְּגִלָּ֣ה הִפְקִ֔דוּ בְּלִשְׁכַּ֖ת אֱלִישָׁמָ֣ע הַסֹּפֵ֑ר וַיַּגִּ֨ידוּ֙ בְּאָזְנֵ֣י הַמֶּ֔לֶךְ אֵ֖ת כָּל־הַדְּבָרִֽים׃

wayá̇bò֤ʼẇ ʼel־hamė֨lekĕ֙ ẖáẕé֔ráh wĕʼeţ־hamĕ̇gilá֣̇h hipĕqi֔dẇ bĕ̇lişĕ̌kȧ֖ţ ʼèliyşá̌má֣ʻ hasò̇pé֑r wayȧgi̇֨ydẇ֙ bĕ̇ʼázĕné֣y hamė֔lekĕ ʼé֖ţ ká̇l־hadĕ̇báriֽym׃

21
וַיִּשְׁלַ֨ח הַמֶּ֜לֶךְ אֶת־יְהוּדִ֗י לָקַ֨חַת֙ אֶת־הַמְּגִלָּ֔ה וַיִּ֨קָּחֶ֔הָ מִלִּשְׁכַּ֖ת אֱלִישָׁמָ֣ע הַסֹּפֵ֑ר וַיִּקְרָאֶ֤הָ יְהוּדִי֙ בְּאָזְנֵ֣י הַמֶּ֔לֶךְ וּבְאָזְנֵי֙ כָּל־הַשָּׂרִ֔ים הָעֹמְדִ֖ים מֵעַ֥ל הַמֶּֽלֶךְ׃

wayi̇şĕ̌la֨ẖ hamė֜lekĕ ʼeţ־yĕhẇdi֗y láqa֨ẖaţ֙ ʼeţ־hamĕ̇gilá̇֔h wayi̇֨qá̇ẖe֔há mili̇şĕ̌kȧ֖ţ ʼèliyşá̌má֣ʻ hasò̇pé֑r wayi̇qĕráʼe֤há yĕhẇdiy֙ bĕ̇ʼázĕné֣y hamė֔lekĕ ẇbĕʼázĕnéy֙ ká̇l־haşá̇̂ri֔ym háʻòmĕdi֖ym méʻa֥l hamėֽlekĕ׃

22
וְהַמֶּ֗לֶךְ יֹושֵׁב֙ בֵּ֣ית הַחֹ֔רֶף בַּחֹ֖דֶשׁ הַתְּשִׁיעִ֑י וְאֶת־הָאָ֖ח לְפָנָ֥יו מְבֹעָֽרֶת׃

wĕhamė֗lekĕ yòwşé̌b֙ bé֣̇yţ haẖò֔rep bȧẖò֖deş̌ haţĕ̇şǐyʻi֑y wĕʼeţ־háʼá֖ẖ lĕpáná֥yw mĕbòʻáֽreţ׃

23
וַיְהִ֣י׀ כִּקְרֹ֣וא יְהוּדִ֗י שָׁלֹ֣שׁ דְּלָתֹות֮ וְאַרְבָּעָה֒ יִֽקְרָעֶ֨הָ֙ בְּתַ֣עַר הַסֹּפֵ֔ר וְהַשְׁלֵ֕ךְ אֶל־הָאֵ֖שׁ אֲשֶׁ֣ר אֶל־הָאָ֑ח עַד־תֹּם֙ כָּל־הַמְּגִלָּ֔ה עַל־הָאֵ֖שׁ אֲשֶׁ֥ר עַל־הָאָֽח׃

wayĕhi֣y׀ ki̇qĕrò֣wʼ yĕhẇdi֗y şá̌lò֣ş̌ dĕ̇láţòwţ֮ wĕʼarĕbá̇ʻáh֒ yiֽqĕráʻe֨há֙ bĕ̇ţa֣ʻar hasò̇pé֔r wĕhaşĕ̌lé֕kĕ ʼel־háʼé֖ş̌ ʼàşě֣r ʼel־háʼá֑ẖ ʻad־ţò̇m֙ ká̇l־hamĕ̇gilá̇֔h ʻal־háʼé֖ş̌ ʼàşě֥r ʻal־háʼáֽẖ׃

24
וְלֹ֣א פָחֲד֔וּ וְלֹ֥א קָרְע֖וּ אֶת־בִּגְדֵיהֶ֑ם הַמֶּ֨לֶךְ֙ וְכָל־עֲבָדָ֔יו הַשֹּׁ֣מְעִ֔ים אֵ֥ת כָּל־הַדְּבָרִ֖ים הָאֵֽלֶּה׃

wĕlò֣ʼ páẖàd֔ẇ wĕlò֥ʼ qárĕʻ֖ẇ ʼeţ־bi̇gĕdéyhe֑m hamė֨lekĕ֙ wĕkál־ʻàbádá֔yw haşò֣̇̌mĕʻi֔ym ʼé֥ţ ká̇l־hadĕ̇bári֖ym háʼéֽlėh׃

25
וְגַם֩ אֶלְנָתָ֨ן וּדְלָיָ֤הוּ וּגְמַרְיָ֨הוּ֙ הִפְגִּ֣עוּ בַמֶּ֔לֶךְ לְבִלְתִּ֥י שְׂרֹ֖ף אֶת־הַמְּגִלָּ֑ה וְלֹ֥א שָׁמַ֖ע אֲלֵיהֶֽם׃

wĕgam֩ ʼelĕnáţá֨n ẇdĕláyá֤hẇ ẇgĕmarĕyá֨hẇ֙ hipĕgi֣̇ʻẇ bamė֔lekĕ lĕbilĕţi֥̇y şĕ̂rò֖p ʼeţ־hamĕ̇gilá֑̇h wĕlò֥ʼ şá̌ma֖ʻ ʼàléyheֽm׃

26
וַיְצַוֶּ֣ה הַ֠מֶּלֶךְ אֶת־יְרַחְמְאֵ֨ל בֶּן־הַמֶּ֜לֶךְ וְאֶת־שְׂרָיָ֣הוּ בֶן־עַזְרִיאֵ֗ל וְאֶת־שֶֽׁלֶמְיָ֨הוּ֙ בֶּֽן־עַבְדְּאֵ֔ל לָקַ֨חַת֙ אֶת־בָּר֣וּךְ הַסֹּפֵ֔ר וְאֵ֖ת יִרְמְיָ֣הוּ הַנָּבִ֑יא וַיַּסְתִּרֵ֖ם יְהוָֽה׃ ס

wayĕẕawė֣h ha֠mėlekĕ ʼeţ־yĕraẖĕmĕʼé֨l bėn־hamė֜lekĕ wĕʼeţ־şĕ̂ráyá֣hẇ ben־ʻazĕriyʼé֗l wĕʼeţ־şěֽlemĕyá֨hẇ֙ bėֽn־ʻabĕdĕ̇ʼé֔l láqa֨ẖaţ֙ ʼeţ־bá̇r֣ẇkĕ hasò̇pé֔r wĕʼé֖ţ yirĕmĕyá֣hẇ haná̇bi֑yʼ wayȧsĕţi̇ré֖m yĕhwáֽh׃ s

27
וַיְהִ֥י דְבַר־יְהוָ֖ה אֶֽל־יִרְמְיָ֑הוּ אַחֲרֵ֣י׀ שְׂרֹ֣ף הַמֶּ֗לֶךְ אֶת־הַמְּגִלָּה֙ וְאֶת־הַדְּבָרִ֔ים אֲשֶׁ֨ר כָּתַ֥ב בָּר֛וּךְ מִפִּ֥י יִרְמְיָ֖הוּ לֵאמֹֽר׃

wayĕhi֥y dĕbar־yĕhwá֖h ʼeֽl־yirĕmĕyá֑hẇ ʼaẖàré֣y׀ şĕ̂rò֣p hamė֗lekĕ ʼeţ־hamĕ̇gilá̇h֙ wĕʼeţ־hadĕ̇bári֔ym ʼàşě֨r ká̇ţa֥b bá̇r֛ẇkĕ mipi֥̇y yirĕmĕyá֖hẇ léʼmòֽr׃

28
שׁ֥וּב קַח־לְךָ֖ מְגִלָּ֣ה אַחֶ֑רֶת וּכְתֹ֣ב עָלֶ֗יהָ אֵ֤ת כָּל־הַדְּבָרִים֙ הָרִ֣אשֹׁנִ֔ים אֲשֶׁ֣ר הָי֗וּ עַל־הַמְּגִלָּה֙ הָרִ֣אשֹׁנָ֔ה אֲשֶׁ֥ר שָׂרַ֖ף יְהֹויָקִ֥ים מֶֽלֶךְ־יְהוּדָֽה׃

ş֥̌ẇb qaẖ־lĕká֖ mĕgilá֣̇h ʼaẖe֑reţ ẇkĕţò֣b ʻále֗yhá ʼé֤ţ ká̇l־hadĕ̇báriym֙ hári֣ʼşò̌ni֔ym ʼàşě֣r háy֗ẇ ʻal־hamĕ̇gilá̇h֙ hári֣ʼşò̌ná֔h ʼàşě֥r şá̂ra֖p yĕhòwyáqi֥ym meֽlekĕ־yĕhẇdáֽh׃

29
וְעַל־יְהֹויָקִ֤ים מֶֽלֶךְ־יְהוּדָה֙ תֹאמַ֔ר כֹּ֖ה אָמַ֣ר יְהוָ֑ה אַ֠תָּה שָׂרַ֜פְתָּ אֶת־הַמְּגִלָּ֤ה הַזֹּאת֙ לֵאמֹ֔ר מַדּוּעַ֩ כָּתַ֨בְתָּ עָלֶ֜יהָ לֵאמֹ֗ר בֹּֽא־יָבֹ֤וא מֶֽלֶךְ־בָּבֶל֙ וְהִשְׁחִית֙ אֶת־הָאָ֣רֶץ הַזֹּ֔את וְהִשְׁבִּ֥ית מִמֶּ֖נָּה אָדָ֥ם וּבְהֵמָֽה׃ ס

wĕʻal־yĕhòwyáqi֤ym meֽlekĕ־yĕhẇdáh֙ ţòʼma֔r kò֖̇h ʼáma֣r yĕhwá֑h ʼa֠ţá̇h şá̂ra֜pĕţá̇ ʼeţ־hamĕ̇gilá֤̇h hazò̇ʼţ֙ léʼmò֔r maḋẇʻa֩ ká̇ţa֨bĕţá̇ ʻále֜yhá léʼmò֗r bòֽ̇ʼ־yábò֤wʼ meֽlekĕ־bá̇bel֙ wĕhişĕ̌ẖiyţ֙ ʼeţ־háʼá֣reẕ hazò̇֔ʼţ wĕhişĕ̌bi֥̇yţ mimė֖ná̇h ʼádá֥m ẇbĕhémáֽh׃ s

30
לָכֵ֞ן כֹּֽה־אָמַ֣ר יְהוָ֗ה עַל־יְהֹֽויָקִים֙ מֶ֣לֶךְ יְהוּדָ֔ה לֹא־יִֽהְיֶה־לֹּ֥ו יֹושֵׁ֖ב עַל־כִּסֵּ֣א דָוִ֑ד וְנִבְלָתֹו֙ תִּֽהְיֶ֣ה מֻשְׁלֶ֔כֶת לַחֹ֥רֶב בַּיֹּ֖ום וְלַקֶּ֥רַח בַּלָּֽיְלָה׃

láké֞n kòֽ̇h־ʼáma֣r yĕhwá֗h ʻal־yĕhòֽwyáqiym֙ me֣lekĕ yĕhẇdá֔h lòʼ־yiֽhĕyeh־lò֥̇w yòwşé֖̌b ʻal־ki̇sé֣̇ʼ dáwi֑d wĕnibĕláţòw֙ ţiֽ̇hĕye֣h muşĕ̌le֔keţ laẖò֥reb bȧyò֖̇wm wĕlaqė֥raẖ bȧláֽ̇yĕláh׃

31
וּפָקַדְתִּ֨י עָלָ֧יו וְעַל־זַרְעֹ֛ו וְעַל־עֲבָדָ֖יו אֶת־עֲוֹנָ֑ם וְהֵבֵאתִ֣י עֲ֠לֵיהֶם וְעַל־יֹשְׁבֵ֨י יְרוּשָׁלִַ֜ם וְאֶל־אִ֣ישׁ יְהוּדָ֗ה אֵ֧ת כָּל־הָרָעָ֛ה אֲשֶׁר־דִּבַּ֥רְתִּי אֲלֵיהֶ֖ם וְלֹ֥א שָׁמֵֽעוּ׃ ס

ẇpáqadĕţi̇֨y ʻálá֧yw wĕʻal־zarĕʻò֛w wĕʻal־ʻàbádá֖yw ʼeţ־ʻàwòná֑m wĕhébéʼţi֣y ʻà֠léyhem wĕʻal־yòşĕ̌bé֨y yĕrẇşá̌lia֜m wĕʼel־ʼi֣yş̌ yĕhẇdá֗h ʼé֧ţ ká̇l־háráʻá֛h ʼàşěr־di̇bȧ֥rĕţi̇y ʼàléyhe֖m wĕlò֥ʼ şá̌méֽʻẇ׃ s

32
וְיִרְמְיָ֜הוּ לָקַ֣ח׀ מְגִלָּ֣ה אַחֶ֗רֶת וַֽיִּתְּנָהּ֮ אֶל־בָּר֣וּךְ בֶּן־נֵרִיָּהוּ֮ הַסֹּפֵר֒ וַיִּכְתֹּ֤ב עָלֶ֨יהָ֙ מִפִּ֣י יִרְמְיָ֔הוּ אֵ֚ת כָּל־דִּבְרֵ֣י הַסֵּ֔פֶר אֲשֶׁ֥ר שָׂרַ֛ף יְהֹויָקִ֥ים מֶֽלֶךְ־יְהוּדָ֖ה בָּאֵ֑שׁ וְעֹ֨וד נֹוסַ֧ף עֲלֵיהֶ֛ם דְּבָרִ֥ים רַבִּ֖ים כָּהֵֽמָּה׃ ס

wĕyirĕmĕyá֜hẇ láqa֣ẖ׀ mĕgilá֣̇h ʼaẖe֗reţ waֽyi̇ţĕ̇náḣ֮ ʼel־bá̇r֣ẇkĕ bėn־nériyá̇hẇ֮ hasò̇pér֒ wayi̇kĕţò֤̇b ʻále֨yhá֙ mipi֣̇y yirĕmĕyá֔hẇ ʼé֚ţ ká̇l־di̇bĕré֣y hasé̇֔per ʼàşě֥r şá̂ra֛p yĕhòwyáqi֥ym meֽlekĕ־yĕhẇdá֖h bá̇ʼé֑ş̌ wĕʻò֨wd nòwsa֧p ʻàléyhe֛m dĕ̇bári֥ym rabi֖̇ym ká̇héֽmá̇h׃ s