Bibles in ancient languages
Old translations
Modern translations

Biblia Hebraica Stuttgartensia Jérémie 44:22

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ אֶ֚ל כָּל־הַיְּהוּדִ֔ים הַיֹּשְׁבִ֖ים בְּאֶ֣רֶץ מִצְרָ֑יִם הַיֹּשְׁבִ֤ים בְּמִגְדֹּל֙ וּבְתַחְפַּנְחֵ֣ס וּבְנֹ֔ף וּבְאֶ֥רֶץ פַּתְרֹ֖וס לֵאמֹֽר׃ ס

hadá̇bár֙ ʼàşě֣r háyá֣h ʼeֽl־yirĕmĕyá֔hẇ ʼe֚l ká̇l־hayĕ̇hẇdi֔ym hayò̇şĕ̌bi֖ym bĕ̇ʼe֣reẕ miẕĕrá֑yim hayò̇şĕ̌bi֤ym bĕ̇migĕdò̇l֙ ẇbĕţaẖĕpȧnĕẖé֣s ẇbĕnò֔p ẇbĕʼe֥reẕ pȧţĕrò֖ws léʼmòֽr׃ s

2
כֹּה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל אַתֶּ֣ם רְאִיתֶ֗ם אֵ֤ת כָּל־הָֽרָעָה֙ אֲשֶׁ֤ר הֵבֵ֨אתִי֙ עַל־יְר֣וּשָׁלִַ֔ם וְעַ֖ל כָּל־עָרֵ֣י יְהוּדָ֑ה וְהִנָּ֤ם חָרְבָּה֙ הַיֹּ֣ום הַזֶּ֔ה וְאֵ֥ין בָּהֶ֖ם יֹושֵֽׁב׃

kò̇h־ʼáma֞r yĕhwá֤h ẕĕbáʼòwţ֙ ʼèlòhé֣y yişĕ̂ráʼé֔l ʼaţė֣m rĕʼiyţe֗m ʼé֤ţ ká̇l־háֽráʻáh֙ ʼàşě֤r hébé֨ʼţiy֙ ʻal־yĕr֣ẇşá̌lia֔m wĕʻa֖l ká̇l־ʻáré֣y yĕhẇdá֑h wĕhiná֤̇m ẖárĕbá̇h֙ hayò֣̇wm hazė֔h wĕʼé֥yn bá̇he֖m yòwşéֽ̌b׃

3
מִפְּנֵ֣י רָעָתָ֗ם אֲשֶׁ֤ר עָשׂוּ֙ לְהַכְעִסֵ֔נִי לָלֶ֣כֶת לְקַטֵּ֔ר לַעֲבֹ֖ד לֵאלֹהִ֣ים אֲחֵרִ֑ים אֲשֶׁר֙ לֹ֣א יְדָע֔וּם הֵ֖מָּה אַתֶּ֥ם וַאֲבֹתֵיכֶֽם׃

mipĕ̇né֣y ráʻáţá֗m ʼàşě֤r ʻáş̂ẇ֙ lĕhakĕʻisé֔niy lále֣keţ lĕqaté̇֔r laʻàbò֖d léʼlòhi֣ym ʼàẖéri֑ym ʼàşěr֙ lò֣ʼ yĕdáʻ֔ẇm hé֖má̇h ʼaţė֥m waʼàbòţéykeֽm׃

4
וָאֶשְׁלַ֤ח אֲלֵיכֶם֙ אֶת־כָּל־עֲבָדַ֣י הַנְּבִיאִ֔ים הַשְׁכֵּ֥ים וְשָׁלֹ֖חַ לֵאמֹ֑ר אַל־נָ֣א תַעֲשׂ֗וּ אֵ֛ת דְּבַֽר־הַתֹּעֵבָ֥ה הַזֹּ֖את אֲשֶׁ֥ר שָׂנֵֽאתִי׃

wáʼeşĕ̌la֤ẖ ʼàléykem֙ ʼeţ־ká̇l־ʻàbáda֣y hanĕ̇biyʼi֔ym haşĕ̌ké֥̇ym wĕşá̌lò֖ẖa léʼmò֑r ʼal־ná֣ʼ ţaʻàş̂֗ẇ ʼé֛ţ dĕ̇baֽr־haţò̇ʻébá֥h hazò֖̇ʼţ ʼàşě֥r şá̂néֽʼţiy׃

5
וְלֹ֤א שָֽׁמְעוּ֙ וְלֹא־הִטּ֣וּ אֶת־אָזְנָ֔ם לָשׁ֖וּב מֵרָֽעָתָ֑ם לְבִלְתִּ֥י קַטֵּ֖ר לֵאלֹהִ֥ים אֲחֵרִֽים׃

wĕlò֤ʼ şáֽ̌mĕʻẇ֙ wĕlòʼ־hiṫ֣ẇ ʼeţ־ʼázĕná֔m láş֖̌ẇb méráֽʻáţá֑m lĕbilĕţi֥̇y qaté֖̇r léʼlòhi֥ym ʼàẖériֽym׃

6
וַתִּתַּ֤ךְ חֲמָתִי֙ וְאַפִּ֔י וַתִּבְעַר֙ בְּעָרֵ֣י יְהוּדָ֔ה וּבְחֻצֹ֖ות יְרֽוּשָׁלִָ֑ם וַתִּהְיֶ֛ינָה לְחָרְבָּ֥ה לִשְׁמָמָ֖ה כַּיֹּ֥ום הַזֶּֽה׃ ס

waţi̇ţȧ֤kĕ ẖàmáţiy֙ wĕʼapi̇֔y waţi̇bĕʻar֙ bĕ̇ʻáré֣y yĕhẇdá֔h ẇbĕẖuẕò֖wţ yĕrֽẇşá̌liá֑m waţi̇hĕye֛ynáh lĕẖárĕbá֥̇h lişĕ̌mámá֖h kȧyò֥̇wm hazėֽh׃ s

7
וְעַתָּ֡ה כֹּֽה־אָמַ֣ר יְהוָה֩ אֱלֹהֵ֨י צְבָאֹ֜ות אֱלֹהֵ֣י יִשְׂרָאֵ֗ל לָמָה֩ אַתֶּ֨ם עֹשִׂ֜ים רָעָ֤ה גְדֹולָה֙ אֶל־נַפְשֹׁ֣תֵכֶ֔ם לְהַכְרִ֨ית לָכֶ֧ם אִישׁ־וְאִשָּׁ֛ה עֹולֵ֥ל וְיֹונֵ֖ק מִתֹּ֣וךְ יְהוּדָ֑ה לְבִלְתִּ֛י הֹותִ֥יר לָכֶ֖ם שְׁאֵרִֽית׃

wĕʻaţá̇֡h kòֽ̇h־ʼáma֣r yĕhwáh֩ ʼèlòhé֨y ẕĕbáʼò֜wţ ʼèlòhé֣y yişĕ̂ráʼé֗l lámáh֩ ʼaţė֨m ʻòşî֜ym ráʻá֤h gĕdòwláh֙ ʼel־napĕşò֣̌ţéke֔m lĕhakĕri֨yţ láke֧m ʼiyş̌־wĕʼişá֛̇̌h ʻòwlé֥l wĕyòwné֖q miţò֣̇wkĕ yĕhẇdá֑h lĕbilĕţi֛̇y hòwţi֥yr láke֖m şĕ̌ʼériֽyţ׃

8
לְהַכְעִסֵ֨נִי֙ בְּמַעֲשֵׂ֣י יְדֵיכֶ֔ם לְקַטֵּ֞ר לֵאלֹהִ֤ים אֲחֵרִים֙ בְּאֶ֣רֶץ מִצְרַ֔יִם אֲשֶׁר־אַתֶּ֥ם בָּאִ֖ים לָג֣וּר שָׁ֑ם לְמַ֨עַן֙ הַכְרִ֣ית לָכֶ֔ם וּלְמַ֤עַן הֱיֹֽותְכֶם֙ לִקְלָלָ֣ה וּלְחֶרְפָּ֔ה בְּכֹ֖ל גֹּויֵ֥י הָאָֽרֶץ׃

lĕhakĕʻisé֨niy֙ bĕ̇maʻàşé֣̂y yĕdéyke֔m lĕqaté̇֞r léʼlòhi֤ym ʼàẖériym֙ bĕ̇ʼe֣reẕ miẕĕra֔yim ʼàşěr־ʼaţė֥m bá̇ʼi֖ym lág֣ẇr şá֑̌m lĕma֨ʻan֙ hakĕri֣yţ láke֔m ẇlĕma֤ʻan hèyòֽwţĕkem֙ liqĕlálá֣h ẇlĕẖerĕpá̇֔h bĕ̇kò֖l gò̇wyé֥y háʼáֽreẕ׃

9
הַֽשְׁכַחְתֶּם֩ אֶת־רָעֹ֨ות אֲבֹותֵיכֶ֜ם וְאֶת־רָעֹ֣ות׀ מַלְכֵ֣י יְהוּדָ֗ה וְאֵת֙ רָעֹ֣ות נָשָׁ֔יו וְאֵת֙ רָעֹ֣תֵכֶ֔ם וְאֵ֖ת רָעֹ֣ת נְשֵׁיכֶ֑ם אֲשֶׁ֤ר עָשׂוּ֙ בְּאֶ֣רֶץ יְהוּדָ֔ה וּבְחֻצֹ֖ות יְרוּשָׁלִָֽם׃

haֽşĕ̌kaẖĕţėm֩ ʼeţ־ráʻò֨wţ ʼàbòwţéyke֜m wĕʼeţ־ráʻò֣wţ׀ malĕké֣y yĕhẇdá֗h wĕʼéţ֙ ráʻò֣wţ náşá̌֔yw wĕʼéţ֙ ráʻò֣ţéke֔m wĕʼé֖ţ ráʻò֣ţ nĕşé̌yke֑m ʼàşě֤r ʻáş̂ẇ֙ bĕ̇ʼe֣reẕ yĕhẇdá֔h ẇbĕẖuẕò֖wţ yĕrẇşá̌láֽim׃

10
לֹ֣א דֻכְּא֔וּ עַ֖ד הַיֹּ֣ום הַזֶּ֑ה וְלֹ֣א יָרְא֗וּ וְלֹֽא־הָלְכ֤וּ בְתֹֽורָתִי֙ וּבְחֻקֹּתַ֔י אֲשֶׁר־נָתַ֥תִּי לִפְנֵיכֶ֖ם וְלִפְנֵ֥י אֲבֹותֵיכֶֽם׃ ס

lò֣ʼ dukĕ̇ʼ֔ẇ ʻa֖d hayò֣̇wm hazė֑h wĕlò֣ʼ yárĕʼ֗ẇ wĕlòֽʼ־hálĕk֤ẇ bĕţòֽwráţiy֙ ẇbĕẖuqò̇ţa֔y ʼàşěr־náţa֥ţi̇y lipĕnéyke֖m wĕlipĕné֥y ʼàbòwţéykeֽm׃ s

11
לָכֵ֗ן כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִ֨י שָׂ֥ם פָּנַ֛י בָּכֶ֖ם לְרָעָ֑ה וּלְהַכְרִ֖ית אֶת־כָּל־יְהוּדָֽה׃

láké֗n kòֽ̇h־ʼáma֞r yĕhwá֤h ẕĕbáʼòwţ֙ ʼèlòhé֣y yişĕ̂ráʼé֔l hinĕni֨y şá֥̂m pá̇na֛y bá̇ke֖m lĕráʻá֑h ẇlĕhakĕri֖yţ ʼeţ־ká̇l־yĕhẇdáֽh׃

12
וְלָקַחְתִּ֞י אֶת־שְׁאֵרִ֣ית יְהוּדָ֗ה אֲשֶׁר־שָׂ֨מוּ פְנֵיהֶ֜ם לָבֹ֣וא אֶֽרֶץ־מִצְרַיִם֮ לָג֣וּר שָׁם֒ וְתַ֨מּוּ כֹ֜ל בְּאֶ֧רֶץ מִצְרַ֣יִם יִפֹּ֗לוּ בַּחֶ֤רֶב בָּֽרָעָב֙ יִתַּ֔מּוּ מִקָּטֹן֙ וְעַד־גָּדֹ֔ול בַּחֶ֥רֶב וּבָרָעָ֖ב יָמֻ֑תוּ וְהָיוּ֙ לְאָלָ֣ה לְשַׁמָּ֔ה וְלִקְלָלָ֖ה וּלְחֶרְפָּֽה׃

wĕláqaẖĕţi̇֞y ʼeţ־şĕ̌ʼéri֣yţ yĕhẇdá֗h ʼàşěr־şá̂֨mẇ pĕnéyhe֜m lábò֣wʼ ʼeֽreẕ־miẕĕrayim֮ lág֣ẇr şá̌m֒ wĕţa֨ṁẇ kò֜l bĕ̇ʼe֧reẕ miẕĕra֣yim yipò̇֗lẇ bȧẖe֤reb báֽ̇ráʻáb֙ yiţȧ֔ṁẇ miqá̇tòn֙ wĕʻad־gá̇dò֔wl bȧẖe֥reb ẇbáráʻá֖b yámu֑ţẇ wĕháyẇ֙ lĕʼálá֣h lĕşǎmá̇֔h wĕliqĕlálá֖h ẇlĕẖerĕpáֽ̇h׃

13
וּפָקַדְתִּ֗י עַ֤ל הַיֹּֽושְׁבִים֙ בְּאֶ֣רֶץ מִצְרַ֔יִם כַּאֲשֶׁ֥ר פָּקַ֖דְתִּי עַל־יְרֽוּשָׁלִָ֑ם בַּחֶ֥רֶב בָּרָעָ֖ב וּבַדָּֽבֶר׃

ẇpáqadĕţi̇֗y ʻa֤l hayòֽ̇wşĕ̌biym֙ bĕ̇ʼe֣reẕ miẕĕra֔yim kȧʼàşě֥r pá̇qa֖dĕţi̇y ʻal־yĕrֽẇşá̌liá֑m bȧẖe֥reb bá̇ráʻá֖b ẇbadáֽ̇ber׃

14
וְלֹ֨א יִהְיֶ֜ה פָּלִ֤יט וְשָׂרִיד֙ לִשְׁאֵרִ֣ית יְהוּדָ֔ה הַבָּאִ֥ים לָגֽוּר־שָׁ֖ם בְּאֶ֣רֶץ מִצְרָ֑יִם וְלָשׁ֣וּב׀ אֶ֣רֶץ יְהוּדָ֗ה אֲשֶׁר־הֵ֜מָּה מְנַשְּׂאִ֤ים אֶת־נַפְשָׁם֙ לָשׁוּב֙ לָשֶׁ֣בֶת שָׁ֔ם כִּ֥י לֹֽא־יָשׁ֖וּבוּ כִּ֥י אִם־פְּלֵטִֽים׃ ס

wĕlò֨ʼ yihĕye֜h pá̇li֤yt wĕşá̂riyd֙ lişĕ̌ʼéri֣yţ yĕhẇdá֔h habá̇ʼi֥ym lágֽẇr־şá֖̌m bĕ̇ʼe֣reẕ miẕĕrá֑yim wĕláş֣̌ẇb׀ ʼe֣reẕ yĕhẇdá֗h ʼàşěr־hé֜má̇h mĕnaşĕ̇̂ʼi֤ym ʼeţ־napĕşá̌m֙ láş̌ẇb֙ láşě֣beţ şá̌֔m ki֥̇y lòֽʼ־yáş֖̌ẇbẇ ki֥̇y ʼim־pĕ̇létiֽym׃ s

15
וַיַּעֲנ֣וּ אֶֽת־יִרְמְיָ֗הוּ כָּל־הָאֲנָשִׁ֤ים הַיֹּֽדְעִים֙ כִּֽי־מְקַטְּרֹ֤ות נְשֵׁיהֶם֙ לֵאלֹהִ֣ים אֲחֵרִ֔ים וְכָל־הַנָּשִׁ֥ים הָעֹמְדֹ֖ות קָהָ֣ל גָּדֹ֑ול וְכָל־הָעָ֛ם הַיֹּשְׁבִ֥ים בְּאֶֽרֶץ־מִצְרַ֖יִם בְּפַתְרֹ֥וס לֵאמֹֽר׃

wayȧʻàn֣ẇ ʼeֽţ־yirĕmĕyá֗hẇ ká̇l־háʼànáşǐ֤ym hayòֽ̇dĕʻiym֙ kiֽ̇y־mĕqatĕ̇rò֤wţ nĕşé̌yhem֙ léʼlòhi֣ym ʼàẖéri֔ym wĕkál־haná̇şǐ֥ym háʻòmĕdò֖wţ qáhá֣l gá̇dò֑wl wĕkál־háʻá֛m hayò̇şĕ̌bi֥ym bĕ̇ʼeֽreẕ־miẕĕra֖yim bĕ̇paţĕrò֥ws léʼmòֽr׃

16
הַדָּבָ֛ר אֲשֶׁר־דִּבַּ֥רְתָּ אֵלֵ֖ינוּ בְּשֵׁ֣ם יְהוָ֑ה אֵינֶ֥נּוּ שֹׁמְעִ֖ים אֵלֶֽיךָ׃

hadá̇bá֛r ʼàşěr־di̇bȧ֥rĕţá̇ ʼélé֖ynẇ bĕ̇şé֣̌m yĕhwá֑h ʼéyne֥ṅẇ şò̌mĕʻi֖ym ʼéleֽyká׃

17
כִּ֩י עָשֹׂ֨ה נַעֲשֶׂ֜ה אֶֽת־כָּל־הַדָּבָ֣ר׀ אֲשֶׁר־יָצָ֣א מִפִּ֗ינוּ לְקַטֵּ֞ר לִמְלֶ֣כֶת הַשָּׁמַיִם֮ וְהַסֵּֽיךְ־לָ֣הּ נְסָכִים֒ כַּאֲשֶׁ֨ר עָשִׂ֜ינוּ אֲנַ֤חְנוּ וַאֲבֹתֵ֨ינוּ֙ מְלָכֵ֣ינוּ וְשָׂרֵ֔ינוּ בְּעָרֵ֣י יְהוּדָ֔ה וּבְחֻצֹ֖ות יְרוּשָׁלִָ֑ם וַנִּֽשְׂבַּֽע־לֶ֨חֶם֙ וַנִּֽהְיֶ֣ה טֹובִ֔ים וְרָעָ֖ה לֹ֥א רָאִֽינוּ׃

ki̇֩y ʻáşò̂֨h naʻàşê֜h ʼeֽţ־ká̇l־hadá̇bá֣r׀ ʼàşěr־yáẕá֣ʼ mipi̇֗ynẇ lĕqaté̇֞r limĕle֣keţ haşá̇̌mayim֮ wĕhaséֽ̇ykĕ־lá֣ḣ nĕsákiym֒ kȧʼàşě֨r ʻáşî֜ynẇ ʼàna֤ẖĕnẇ waʼàbòţé֨ynẇ֙ mĕláké֣ynẇ wĕşá̂ré֔ynẇ bĕ̇ʻáré֣y yĕhẇdá֔h ẇbĕẖuẕò֖wţ yĕrẇşá̌liá֑m waniֽ̇şĕ̂bȧֽʻ־le֨ẖem֙ waniֽ̇hĕye֣h tòwbi֔ym wĕráʻá֖h lò֥ʼ ráʼiֽynẇ׃

18
וּמִן־אָ֡ז חָדַ֜לְנוּ לְקַטֵּ֨ר לִמְלֶ֧כֶת הַשָּׁמַ֛יִם וְהַסֵּֽךְ־לָ֥הּ נְסָכִ֖ים חָסַ֣רְנוּ כֹ֑ל וּבַחֶ֥רֶב וּבָרָעָ֖ב תָּֽמְנוּ׃

ẇmin־ʼá֡z ẖáda֜lĕnẇ lĕqaté̇֨r limĕle֧keţ haşá̇̌ma֛yim wĕhaséֽ̇kĕ־lá֥ḣ nĕsáki֖ym ẖása֣rĕnẇ kò֑l ẇbaẖe֥reb ẇbáráʻá֖b ţáֽ̇mĕnẇ׃

19
וְכִֽי־אֲנַ֤חְנוּ מְקַטְּרִים֙ לִמְלֶ֣כֶת הַשָּׁמַ֔יִם וּלְהַסֵּ֥ךְ לָ֖הּ נְסָכִ֑ים הֲמִֽבַּלְעֲדֵ֣י אֲנָשֵׁ֗ינוּ עָשִׂ֨ינוּ לָ֤הּ כַּוָּנִים֙ לְהַ֣עֲצִבָ֔ה וְהַסֵּ֥ךְ לָ֖הּ נְסָכִֽים׃ פ

wĕkiֽy־ʼàna֤ẖĕnẇ mĕqatĕ̇riym֙ limĕle֣keţ haşá̇̌ma֔yim ẇlĕhasé֥̇kĕ lá֖ḣ nĕsáki֑ym hàmiֽbȧlĕʻàdé֣y ʼànáşé̌֗ynẇ ʻáşî֨ynẇ lá֤ḣ kȧwá̇niym֙ lĕha֣ʻàẕibá֔h wĕhasé֥̇kĕ lá֖ḣ nĕsákiֽym׃ p

20
וַיֹּ֥אמֶר יִרְמְיָ֖הוּ אֶל־כָּל־הָעָ֑ם עַל־הַגְּבָרִ֤ים וְעַל־הַנָּשִׁים֙ וְעַל־כָּל־הָעָ֔ם הָעֹנִ֥ים אֹתֹ֛ו דָּבָ֖ר לֵאמֹֽר׃

wayò֥̇ʼmer yirĕmĕyá֖hẇ ʼel־ká̇l־háʻá֑m ʻal־hagĕ̇bári֤ym wĕʻal־haná̇şǐym֙ wĕʻal־ká̇l־háʻá֔m háʻòni֥ym ʼòţò֛w dá̇bá֖r léʼmòֽr׃

21
הֲלֹ֣וא אֶת־הַקִּטֵּ֗ר אֲשֶׁ֨ר קִטַּרְתֶּ֜ם בְּעָרֵ֤י יְהוּדָה֙ וּבְחֻצֹ֣ות יְרוּשָׁלִַ֔ם אַתֶּ֧ם וַאֲבֹֽותֵיכֶ֛ם מַלְכֵיכֶ֥ם וְשָׂרֵיכֶ֖ם וְעַ֣ם הָאָ֑רֶץ אֹתָם֙ זָכַ֣ר יְהוָ֔ה וַֽתַּעֲלֶ֖ה עַל־לִבֹּֽו׃

hàlò֣wʼ ʼeţ־haqi̇té̇֗r ʼàşě֨r qitȧrĕţė֜m bĕ̇ʻáré֤y yĕhẇdáh֙ ẇbĕẖuẕò֣wţ yĕrẇşá̌lia֔m ʼaţė֧m waʼàbòֽwţéyke֛m malĕkéyke֥m wĕşá̂réyke֖m wĕʻa֣m háʼá֑reẕ ʼòţám֙ záka֣r yĕhwá֔h waֽţȧʻàle֖h ʻal־libòֽ̇w׃

22
וְלֹֽא־יוּכַל֩ יְהוָ֨ה עֹ֜וד לָשֵׂ֗את מִפְּנֵי֙ רֹ֣עַ מַעַלְלֵיכֶ֔ם מִפְּנֵ֥י הַתֹּועֵבֹ֖ת אֲשֶׁ֣ר עֲשִׂיתֶ֑ם וַתְּהִ֣י אַ֠רְצְכֶם לְחָרְבָּ֨ה וּלְשַׁמָּ֧ה וְלִקְלָלָ֛ה מֵאֵ֥ין יֹושֵׁ֖ב כְּהַיֹּ֥ום הַזֶּֽה׃

wĕlòֽʼ־yẇkal֩ yĕhwá֨h ʻò֜wd láşé̂֗ʼţ mipĕ̇néy֙ rò֣ʻa maʻalĕléyke֔m mipĕ̇né֥y haţò̇wʻébò֖ţ ʼàşě֣r ʻàşîyţe֑m waţĕ̇hi֣y ʼa֠rĕẕĕkem lĕẖárĕbá̇֨h ẇlĕşǎmá֧̇h wĕliqĕlálá֛h méʼé֥yn yòwşé֖̌b kĕ̇hayò֥̇wm hazėֽh׃

23
מִפְּנֵי֩ אֲשֶׁ֨ר קִטַּרְתֶּ֜ם וַאֲשֶׁ֧ר חֲטָאתֶ֣ם לַיהוָ֗ה וְלֹ֤א שְׁמַעְתֶּם֙ בְּקֹ֣ול יְהוָ֔ה וּבְתֹרָתֹ֧ו וּבְחֻקֹּתָ֛יו וּבְעֵדְוֹתָ֖יו לֹ֣א הֲלַכְתֶּ֑ם עַל־כֵּ֞ן קָרָ֥את אֶתְכֶ֛ם הָרָעָ֥ה הַזֹּ֖את כַּיֹּ֥ום הַזֶּֽה׃ ס

mipĕ̇néy֩ ʼàşě֨r qitȧrĕţė֜m waʼàşě֧r ẖàtáʼţe֣m layhwá֗h wĕlò֤ʼ şĕ̌maʻĕţėm֙ bĕ̇qò֣wl yĕhwá֔h ẇbĕţòráţò֧w ẇbĕẖuqò̇ţá֛yw ẇbĕʻédĕwòţá֖yw lò֣ʼ hàlakĕţė֑m ʻal־ké̇֞n qárá֥ʼţ ʼeţĕke֛m háráʻá֥h hazò֖̇ʼţ kȧyò֥̇wm hazėֽh׃ s

24
וַיֹּ֤אמֶר יִרְמְיָ֨הוּ֙ אֶל־כָּל־הָעָ֔ם וְאֶ֖ל כָּל־הַנָּשִׁ֑ים שִׁמְעוּ֙ דְּבַר־יְהוָ֔ה כָּל־יְהוּדָ֕ה אֲשֶׁ֖ר בְּאֶ֥רֶץ מִצְרָֽיִם׃ ס

wayò֤̇ʼmer yirĕmĕyá֨hẇ֙ ʼel־ká̇l־háʻá֔m wĕʼe֖l ká̇l־haná̇şǐ֑ym şǐmĕʻẇ֙ dĕ̇bar־yĕhwá֔h ká̇l־yĕhẇdá֕h ʼàşě֖r bĕ̇ʼe֥reẕ miẕĕráֽyim׃ s

25
כֹּֽה־אָמַ֣ר יְהוָֽה־צְבָאֹות֩ אֱלֹהֵ֨י יִשְׂרָאֵ֜ל לֵאמֹ֗ר אַתֶּ֨ם וּנְשֵׁיכֶ֜ם וַתְּדַבֵּ֣רְנָה בְּפִיכֶם֮ וּבִידֵיכֶ֣ם מִלֵּאתֶ֣ם׀ לֵאמֹר֒ עָשֹׂ֨ה נַעֲשֶׂ֜ה אֶת־נְדָרֵ֗ינוּ אֲשֶׁ֤ר נָדַ֨רְנוּ֙ לְקַטֵּר֙ לִמְלֶ֣כֶת הַשָּׁמַ֔יִם וּלְהַסֵּ֥ךְ לָ֖הּ נְסָכִ֑ים הָקֵ֤ים תָּקִ֨ימְנָה֙ אֶת־נִדְרֵיכֶ֔ם וְעָשֹׂ֥ה תַעֲשֶׂ֖ינָה אֶת־נִדְרֵיכֶֽם׃ פ

kòֽ̇h־ʼáma֣r yĕhwáֽh־ẕĕbáʼòwţ֩ ʼèlòhé֨y yişĕ̂ráʼé֜l léʼmò֗r ʼaţė֨m ẇnĕşé̌yke֜m waţĕ̇dabé֣̇rĕnáh bĕ̇piykem֮ ẇbiydéyke֣m milé̇ʼţe֣m׀ léʼmòr֒ ʻáşò̂֨h naʻàşê֜h ʼeţ־nĕdáré֗ynẇ ʼàşě֤r náda֨rĕnẇ֙ lĕqaté̇r֙ limĕle֣keţ haşá̇̌ma֔yim ẇlĕhasé֥̇kĕ lá֖ḣ nĕsáki֑ym háqé֤ym ţá̇qi֨ymĕnáh֙ ʼeţ־nidĕréyke֔m wĕʻáşò֥̂h ţaʻàşê֖ynáh ʼeţ־nidĕréykeֽm׃ p

26
לָכֵן֙ שִׁמְע֣וּ דְבַר־יְהוָ֔ה כָּל־יְהוּדָ֕ה הַיֹּשְׁבִ֖ים בְּאֶ֣רֶץ מִצְרָ֑יִם הִנְנִ֨י נִשְׁבַּ֜עְתִּי בִּשְׁמִ֤י הַגָּדֹול֙ אָמַ֣ר יְהוָ֔ה אִם־יִהְיֶה֩ עֹ֨וד שְׁמִ֜י נִקְרָ֣א׀ בְּפִ֣י׀ כָּל־אִ֣ישׁ יְהוּדָ֗ה אֹמֵ֛ר חַי־אֲדֹנָ֥י יְהוִ֖ה בְּכָל־אֶ֥רֶץ מִצְרָֽיִם׃

lákén֙ şǐmĕʻ֣ẇ dĕbar־yĕhwá֔h ká̇l־yĕhẇdá֕h hayò̇şĕ̌bi֖ym bĕ̇ʼe֣reẕ miẕĕrá֑yim hinĕni֨y nişĕ̌bȧ֜ʻĕţi̇y bi̇şĕ̌mi֤y hagá̇dòwl֙ ʼáma֣r yĕhwá֔h ʼim־yihĕyeh֩ ʻò֨wd şĕ̌mi֜y niqĕrá֣ʼ׀ bĕ̇pi֣y׀ ká̇l־ʼi֣yş̌ yĕhẇdá֗h ʼòmé֛r ẖay־ʼàdòná֥y yĕhwi֖h bĕ̇kál־ʼe֥reẕ miẕĕráֽyim׃

27
הִנְנִ֨י שֹׁקֵ֧ד עֲלֵיהֶ֛ם לְרָעָ֖ה וְלֹ֣א לְטֹובָ֑ה וְתַמּוּ֩ כָל־אִ֨ישׁ יְהוּדָ֜ה אֲשֶׁ֧ר בְּאֶֽרֶץ־מִצְרַ֛יִם בַּחֶ֥רֶב וּבָרָעָ֖ב עַד־כְּלֹותָֽם׃

hinĕni֨y şò̌qé֧d ʻàléyhe֛m lĕráʻá֖h wĕlò֣ʼ lĕtòwbá֑h wĕţaṁẇ֩ kál־ʼi֨yş̌ yĕhẇdá֜h ʼàşě֧r bĕ̇ʼeֽreẕ־miẕĕra֛yim bȧẖe֥reb ẇbáráʻá֖b ʻad־kĕ̇lòwţáֽm׃

28
וּפְלִיטֵ֨י חֶ֜רֶב יְשֻׁב֨וּן מִן־אֶ֧רֶץ מִצְרַ֛יִם אֶ֥רֶץ יְהוּדָ֖ה מְתֵ֣י מִסְפָּ֑ר וְֽיָדְע֞וּ כָּל־שְׁאֵרִ֣ית יְהוּדָ֗ה הַבָּאִ֤ים לְאֶֽרֶץ־מִצְרַ֨יִם֙ לָג֣וּר שָׁ֔ם דְּבַר־מִ֥י יָק֖וּם מִמֶּ֥נִּי וּמֵהֶֽם׃

ẇpĕliyté֨y ẖe֜reb yĕşǔb֨ẇn min־ʼe֧reẕ miẕĕra֛yim ʼe֥reẕ yĕhẇdá֖h mĕţé֣y misĕpá֑̇r wĕֽyádĕʻ֞ẇ ká̇l־şĕ̌ʼéri֣yţ yĕhẇdá֗h habá̇ʼi֤ym lĕʼeֽreẕ־miẕĕra֨yim֙ lág֣ẇr şá̌֔m dĕ̇bar־mi֥y yáq֖ẇm mimė֥ni̇y ẇméheֽm׃

29
וְזֹאת־לָכֶ֤ם הָאֹות֙ נְאֻם־יְהוָ֔ה כִּֽי־פֹקֵ֥ד אֲנִ֛י עֲלֵיכֶ֖ם בַּמָּקֹ֣ום הַזֶּ֑ה לְמַ֨עַן֙ תֵּֽדְע֔וּ כִּי֩ קֹ֨ום יָק֧וּמוּ דְבָרַ֛י עֲלֵיכֶ֖ם לְרָעָֽה׃ ס

wĕzòʼţ־láke֤m háʼòwţ֙ nĕʼum־yĕhwá֔h kiֽ̇y־pòqé֥d ʼàni֛y ʻàléyke֖m bȧmá̇qò֣wm hazė֑h lĕma֨ʻan֙ ţéֽ̇dĕʻ֔ẇ ki̇y֩ qò֨wm yáq֧ẇmẇ dĕbára֛y ʻàléyke֖m lĕráʻáֽh׃ s

30
כֹּ֣ה׀ אָמַ֣ר יְהוָ֗ה הִנְנִ֣י נֹ֠תֵן אֶת־פַּרְעֹ֨ה חָפְרַ֤ע מֶֽלֶךְ־מִצְרַ֨יִם֙ בְּיַ֣ד אֹֽיְבָ֔יו וּבְיַ֖ד מְבַקְשֵׁ֣י נַפְשֹׁ֑ו כַּאֲשֶׁ֨ר נָתַ֜תִּי אֶת־צִדְקִיָּ֣הוּ מֶֽלֶךְ־יְהוּדָ֗ה בְּיַ֨ד נְבוּכַדְרֶאצַּ֧ר מֶֽלֶךְ־בָּבֶ֛ל אֹיְבֹ֖ו וּמְבַקֵּ֥שׁ נַפְשֹֽׁו׃ ס

kò֣̇h׀ ʼáma֣r yĕhwá֗h hinĕni֣y nò֠ţén ʼeţ־pȧrĕʻò֨h ẖápĕra֤ʻ meֽlekĕ־miẕĕra֨yim֙ bĕ̇ya֣d ʼòֽyĕbá֔yw ẇbĕya֖d mĕbaqĕşé֣̌y napĕşò֑̌w kȧʼàşě֨r náţa֜ţi̇y ʼeţ־ẕidĕqiyá֣̇hẇ meֽlekĕ־yĕhẇdá֗h bĕ̇ya֨d nĕbẇkadĕreʼẕȧ֧r meֽlekĕ־bá̇be֛l ʼòyĕbò֖w ẇmĕbaqé֥̇ş̌ napĕşòֽ̌w׃ s