Bibles in ancient languages
Old translations
Modern translations

Biblia Hebraica Stuttgartensia Jérémie 46:28

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אֲשֶׁ֨ר הָיָ֧ה דְבַר־יְהוָ֛ה אֶל־יִרְמְיָ֥הוּ הַנָּבִ֖יא עַל־הַגֹּויִֽם׃

ʼàşě֨r háyá֧h dĕbar־yĕhwá֛h ʼel־yirĕmĕyá֥hẇ haná̇bi֖yʼ ʻal־hagò̇wyiֽm׃

2
לְמִצְרַ֗יִם עַל־חֵ֨יל פַּרְעֹ֤ה נְכֹו֙ מֶ֣לֶךְ מִצְרַ֔יִם אֲשֶׁר־הָיָ֥ה עַל־נְהַר־פְּרָ֖ת בְּכַרְכְּמִ֑שׁ אֲשֶׁ֣ר הִכָּ֗ה נְבֽוּכַדְרֶאצַּר֙ מֶ֣לֶךְ בָּבֶ֔ל בִּשְׁנַת֙ הָֽרְבִיעִ֔ית לִיהֹויָקִ֥ים בֶּן־יֹאשִׁיָּ֖הוּ מֶ֥לֶךְ יְהוּדָֽה׃

lĕmiẕĕra֗yim ʻal־ẖé֨yl pȧrĕʻò֤h nĕkòw֙ me֣lekĕ miẕĕra֔yim ʼàşěr־háyá֥h ʻal־nĕhar־pĕ̇rá֖ţ bĕ̇karĕkĕ̇mi֑ş̌ ʼàşě֣r hiká̇֗h nĕbֽẇkadĕreʼẕȧr֙ me֣lekĕ bá̇be֔l bi̇şĕ̌naţ֙ háֽrĕbiyʻi֔yţ liyhòwyáqi֥ym bėn־yòʼşǐyá֖̇hẇ me֥lekĕ yĕhẇdáֽh׃

3
עִרְכ֤וּ מָגֵן֙ וְצִנָּ֔ה וּגְשׁ֖וּ לַמִּלְחָמָֽה׃

ʻirĕk֤ẇ mágén֙ wĕẕiná̇֔h ẇgĕş֖̌ẇ lami̇lĕẖámáֽh׃

4
אִסְר֣וּ הַסּוּסִ֗ים וַֽעֲלוּ֙ הַפָּ֣רָשִׁ֔ים וְהִֽתְיַצְּב֖וּ בְּכֹ֥ובָעִ֑ים מִרְקוּ֙ הָֽרְמָחִ֔ים לִבְשׁ֖וּ הַסִּרְיֹנֹֽת׃

ʼisĕr֣ẇ haṡẇsi֗ym waֽʻàlẇ֙ hapá֣̇ráşǐ֔ym wĕhiֽţĕyaẕĕ̇b֖ẇ bĕ̇kò֥wbáʻi֑ym mirĕqẇ֙ háֽrĕmáẖi֔ym libĕş֖̌ẇ hasi̇rĕyònòֽţ׃

5
מַדּ֣וּעַ רָאִ֗יתִי הֵ֣מָּה חַתִּים֮ נְסֹגִ֣ים אָחֹור֒ וְגִבֹּורֵיהֶ֣ם יֻכַּ֔תּוּ וּמָנֹ֥וס נָ֖סוּ וְלֹ֣א הִפְנ֑וּ מָגֹ֥ור מִסָּבִ֖יב נְאֻם־יְהוָֽה׃

maḋ֣ẇʻa ráʼi֗yţiy hé֣má̇h ẖaţi̇ym֮ nĕsògi֣ym ʼáẖòwr֒ wĕgibò̇wréyhe֣m yukȧ֔ţ̇ẇ ẇmánò֥ws ná֖sẇ wĕlò֣ʼ hipĕn֑ẇ mágò֥wr misá̇bi֖yb nĕʼum־yĕhwáֽh׃

6
אַל־יָנ֣וּס הַקַּ֔ל וְאַל־יִמָּלֵ֖ט הַגִּבֹּ֑ור צָפֹ֨ונָה֙ עַל־יַ֣ד נְהַר־פְּרָ֔ת כָּשְׁל֖וּ וְנָפָֽלוּ׃

ʼal־yán֣ẇs haqȧ֔l wĕʼal־yimá̇lé֖t hagi̇bò֑̇wr ẕápò֨wnáh֙ ʻal־ya֣d nĕhar־pĕ̇rá֔ţ ká̇şĕ̌l֖ẇ wĕnápáֽlẇ׃

7
מִי־זֶ֖ה כַּיְאֹ֣ר יַֽעֲלֶ֑ה כַּנְּהָרֹ֕ות יִֽתְגָּעֲשׁ֖וּ מֵימָֽיו׃

miy־ze֖h kȧyĕʼò֣r yaֽʻàle֑h kȧnĕ̇hárò֕wţ yiֽţĕgá̇ʻàş֖̌ẇ méymáֽyw׃

8
מִצְרַ֨יִם֙ כַּיְאֹ֣ר יַֽעֲלֶ֔ה וְכַנְּהָרֹ֖ות יִתְגֹּ֣עֲשׁוּ מָ֑יִם וַיֹּ֗אמֶר אַֽעֲלֶה֙ אֲכַסֶּה־אֶ֔רֶץ אֹבִ֥ידָה עִ֖יר וְיֹ֥שְׁבֵי בָֽהּ׃

miẕĕra֨yim֙ kȧyĕʼò֣r yaֽʻàle֔h wĕkanĕ̇hárò֖wţ yiţĕgò֣̇ʻàş̌ẇ má֑yim wayò̇֗ʼmer ʼaֽʻàleh֙ ʼàkasėh־ʼe֔reẕ ʼòbi֥ydáh ʻi֖yr wĕyò֥şĕ̌béy báֽḣ׃

9
עֲל֤וּ הַסּוּסִים֙ וְהִתְהֹלְל֣וּ הָרֶ֔כֶב וְיֵצְא֖וּ הַגִּבֹּורִ֑ים כּ֤וּשׁ וּפוּט֙ תֹּפְשֵׂ֣י מָגֵ֔ן וְלוּדִ֕ים תֹּפְשֵׂ֖י דֹּ֥רְכֵי קָֽשֶׁת׃

ʻàl֤ẇ haṡẇsiym֙ wĕhiţĕhòlĕl֣ẇ háre֔keb wĕyéẕĕʼ֖ẇ hagi̇bò̇wri֑ym k֤̇ẇş̌ ẇpẇt֙ ţò̇pĕşé֣̂y mágé֔n wĕlẇdi֕ym ţò̇pĕşé֖̂y dò֥̇rĕkéy qáֽşěţ׃

10
וְֽהַיֹּ֨ום הַה֜וּא לַאדֹנָ֧י יְהוִ֣ה צְבָאֹ֗ות יֹ֤ום נְקָמָה֙ לְהִנָּקֵ֣ם מִצָּרָ֔יו וְאָכְלָ֥ה חֶ֨רֶב֙ וְשָׂ֣בְעָ֔ה וְרָוְתָ֖ה מִדָּמָ֑ם כִּ֣י זֶ֠בַח לַאדֹנָ֨י יְהוִ֧ה צְבָאֹ֛ות בְּאֶ֥רֶץ צָפֹ֖ון אֶל־נְהַר־פְּרָֽת׃

wĕֽhayò̇֨wm hah֜ẇʼ laʼdòná֧y yĕhwi֣h ẕĕbáʼò֗wţ yò֤wm nĕqámáh֙ lĕhiná̇qé֣m miẕá̇rá֔yw wĕʼákĕlá֥h ẖe֨reb֙ wĕşá֣̂bĕʻá֔h wĕráwĕţá֖h midá̇má֑m ki֣̇y ze֠baẖ laʼdòná֨y yĕhwi֧h ẕĕbáʼò֛wţ bĕ̇ʼe֥reẕ ẕápò֖wn ʼel־nĕhar־pĕ̇ráֽţ׃

11
עֲלִ֤י גִלְעָד֙ וּקְחִ֣י צֳרִ֔י בְּתוּלַ֖ת בַּת־מִצְרָ֑יִם לַשָּׁוְא֙ הִרְבֵּיתִי רְפֻאֹ֔ות תְּעָלָ֖ה אֵ֥ין לָֽךְ׃

ʻàli֤y gilĕʻád֙ ẇqĕẖi֣y ẕori֔y bĕ̇ţẇla֖ţ bȧţ־miẕĕrá֑yim laşá̇̌wĕʼ֙ hirĕbé̇yţiy rĕpuʼò֔wţ ţĕ̇ʻálá֖h ʼé֥yn láֽkĕ׃

12
שָׁמְע֤וּ גֹויִם֙ קְלֹונֵ֔ךְ וְצִוְחָתֵ֖ךְ מָלְאָ֣ה הָאָ֑רֶץ כִּֽי־גִבֹּ֤ור בְּגִבֹּור֙ כָּשָׁ֔לוּ יַחְדָּ֖יו נָפְל֥וּ שְׁנֵיהֶֽם׃ פ

şá̌mĕʻ֤ẇ gòwyim֙ qĕlòwné֔kĕ wĕẕiwĕẖáţé֖kĕ málĕʼá֣h háʼá֑reẕ kiֽ̇y־gibò֤̇wr bĕ̇gibò̇wr֙ ká̇şá̌֔lẇ yaẖĕdá֖̇yw nápĕl֥ẇ şĕ̌néyheֽm׃ p

13
הַדָּבָר֙ אֲשֶׁ֣ר דִּבֶּ֣ר יְהוָ֔ה אֶֽל־יִרְמְיָ֖הוּ הַנָּבִ֑יא לָבֹ֗וא נְבֽוּכַדְרֶאצַּר֙ מֶ֣לֶךְ בָּבֶ֔ל לְהַכֹּ֖ות אֶת־אֶ֥רֶץ מִצְרָֽיִם׃

hadá̇bár֙ ʼàşě֣r di̇bė֣r yĕhwá֔h ʼeֽl־yirĕmĕyá֖hẇ haná̇bi֑yʼ lábò֗wʼ nĕbֽẇkadĕreʼẕȧr֙ me֣lekĕ bá̇be֔l lĕhakò֖̇wţ ʼeţ־ʼe֥reẕ miẕĕráֽyim׃

14
הַגִּ֤ידוּ בְמִצְרַ֨יִם֙ וְהַשְׁמִ֣יעוּ בְמִגְדֹּ֔ול וְהַשְׁמִ֥יעוּ בְנֹ֖ף וּבְתַחְפַּנְחֵ֑ס אִמְר֗וּ הִתְיַצֵּב֙ וְהָכֵ֣ן לָ֔ךְ כִּֽי־אָכְלָ֥ה חֶ֖רֶב סְבִיבֶֽיךָ׃

hagi֤̇ydẇ bĕmiẕĕra֨yim֙ wĕhaşĕ̌mi֣yʻẇ bĕmigĕdò̇֔wl wĕhaşĕ̌mi֥yʻẇ bĕnò֖p ẇbĕţaẖĕpȧnĕẖé֑s ʼimĕr֗ẇ hiţĕyaẕé̇b֙ wĕháké֣n lá֔kĕ kiֽ̇y־ʼákĕlá֥h ẖe֖reb sĕbiybeֽyká׃

15
מַדּ֖וּעַ נִסְחַ֣ף אַבִּירֶ֑יךָ לֹ֣א עָמַ֔ד כִּ֥י יְהוָ֖ה הֲדָפֹֽו׃

maḋ֖ẇʻa nisĕẖa֣p ʼabi̇yre֑yká lò֣ʼ ʻáma֔d ki֥̇y yĕhwá֖h hàdápòֽw׃

16
הִרְבָּ֖ה כֹּושֵׁ֑ל גַּם־נָפַ֞ל אִ֣ישׁ אֶל־רֵעֵ֗הוּ וַיֹּֽאמְרוּ֙ ק֣וּמָה׀ וְנָשֻׁ֣בָה אֶל־עַמֵּ֗נוּ וְאֶל־אֶ֨רֶץ֙ מֹֽולַדְתֵּ֔נוּ מִפְּנֵ֖י חֶ֥רֶב הַיֹּונָֽה׃

hirĕbá֖̇h kò̇wşé֑̌l gȧm־nápa֞l ʼi֣yş̌ ʼel־réʻé֗hẇ wayòֽ̇ʼmĕrẇ֙ q֣ẇmáh׀ wĕnáşǔ֣báh ʼel־ʻamé̇֗nẇ wĕʼel־ʼe֨reẕ֙ mòֽwladĕţé̇֔nẇ mipĕ̇né֖y ẖe֥reb hayò̇wnáֽh׃

17
קָרְא֖וּ שָׁ֑ם פַּרְעֹ֤ה מֶֽלֶךְ־מִצְרַ֨יִם֙ שָׁאֹ֔ון הֶעֱבִ֖יר הַמֹּועֵֽד׃

qárĕʼ֖ẇ şá֑̌m pȧrĕʻò֤h meֽlekĕ־miẕĕra֨yim֙ şá̌ʼò֔wn heʻèbi֖yr hamò̇wʻéֽd׃

18
חַי־אָ֨נִי֙ נְאֻם־הַמֶּ֔לֶךְ יְהוָ֥ה צְבָאֹ֖ות שְׁמֹ֑ו כִּ֚י כְּתָבֹ֣ור בֶּֽהָרִ֔ים וּכְכַרְמֶ֖ל בַּיָּ֥ם יָבֹֽוא׃

ẖay־ʼá֨niy֙ nĕʼum־hamė֔lekĕ yĕhwá֥h ẕĕbáʼò֖wţ şĕ̌mò֑w ki֚̇y kĕ̇ţábò֣wr bėֽhári֔ym ẇkĕkarĕme֖l bȧyá֥̇m yábòֽwʼ׃

19
כְּלֵ֤י גֹולָה֙ עֲשִׂ֣י לָ֔ךְ יֹושֶׁ֖בֶת בַּת־מִצְרָ֑יִם כִּֽי־נֹף֙ לְשַׁמָּ֣ה תִֽהְיֶ֔ה וְנִצְּתָ֖ה מֵאֵ֥ין יֹושֵֽׁב׃ ס

kĕ̇lé֤y gòwláh֙ ʻàşî֣y lá֔kĕ yòwşě֖beţ bȧţ־miẕĕrá֑yim kiֽ̇y־nòp֙ lĕşǎmá֣̇h ţiֽhĕye֔h wĕniẕĕ̇ţá֖h méʼé֥yn yòwşéֽ̌b׃ s

20
עֶגְלָ֥ה יְפֵֽה־פִיָּ֖ה מִצְרָ֑יִם קֶ֥רֶץ מִצָּפֹ֖ון בָּ֥א בָֽא׃

ʻegĕlá֥h yĕpéֽh־piyá֖̇h miẕĕrá֑yim qe֥reẕ miẕá̇pò֖wn bá֥̇ʼ báֽʼ׃

21
גַּם־שְׂכִרֶ֤יהָ בְקִרְבָּהּ֙ כְּעֶגְלֵ֣י מַרְבֵּ֔ק כִּֽי־גַם־הֵ֧מָּה הִפְנ֛וּ נָ֥סוּ יַחְדָּ֖יו לֹ֣א עָמָ֑דוּ כִּ֣י יֹ֥ום אֵידָ֛ם בָּ֥א עֲלֵיהֶ֖ם עֵ֥ת פְּקֻדָּתָֽם׃

gȧm־şĕ̂kire֤yhá bĕqirĕbá̇ḣ֙ kĕ̇ʻegĕlé֣y marĕbé̇֔q kiֽ̇y־gam־hé֧má̇h hipĕn֛ẇ ná֥sẇ yaẖĕdá֖̇yw lò֣ʼ ʻámá֑dẇ ki֣̇y yò֥wm ʼéydá֛m bá֥̇ʼ ʻàléyhe֖m ʻé֥ţ pĕ̇qudá̇ţáֽm׃

22
קֹולָ֖הּ כַּנָּחָ֣שׁ יֵלֵ֑ךְ כִּֽי־בְחַ֣יִל יֵלֵ֔כוּ וּבְקַרְדֻּמֹּות֙ בָּ֣אוּ לָ֔הּ כְּחֹטְבֵ֖י עֵצִֽים׃

qòwlá֖ḣ kȧná̇ẖá֣ş̌ yélé֑kĕ kiֽ̇y־bĕẖa֣yil yélé֔kẇ ẇbĕqarĕdu̇mò̇wţ֙ bá֣̇ʼẇ lá֔ḣ kĕ̇ẖòtĕbé֖y ʻéẕiֽym׃

23
כָּרְת֤וּ יַעְרָהּ֙ נְאֻם־יְהוָ֔ה כִּ֖י לֹ֣א יֵֽחָקֵ֑ר כִּ֤י רַבּוּ֙ מֵֽאַרְבֶּ֔ה וְאֵ֥ין לָהֶ֖ם מִסְפָּֽר׃

ká̇rĕţ֤ẇ yaʻĕráḣ֙ nĕʼum־yĕhwá֔h ki֖̇y lò֣ʼ yéֽẖáqé֑r ki֤̇y raḃẇ֙ méֽʼarĕbė֔h wĕʼé֥yn láhe֖m misĕpáֽ̇r׃

24
הֹבִ֖ישָׁה בַּת־מִצְרָ֑יִם נִתְּנָ֖ה בְּיַ֥ד עַם־צָפֹֽון׃

hòbi֖yşá̌h bȧţ־miẕĕrá֑yim niţĕ̇ná֖h bĕ̇ya֥d ʻam־ẕápòֽwn׃

25
אָמַר֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל הִנְנִ֤י פֹוקֵד֙ אֶל־אָמֹ֣ון מִנֹּ֔א וְעַל־פַּרְעֹה֙ וְעַל־מִצְרַ֔יִם וְעַל־אֱלֹהֶ֖יהָ וְעַל־מְלָכֶ֑יהָ וְעַ֨ל־פַּרְעֹ֔ה וְעַ֥ל הַבֹּטְחִ֖ים בֹּֽו׃

ʼámar֩ yĕhwá֨h ẕĕbáʼò֜wţ ʼèlòhé֣y yişĕ̂ráʼé֗l hinĕni֤y pòwqéd֙ ʼel־ʼámò֣wn minò̇֔ʼ wĕʻal־pȧrĕʻòh֙ wĕʻal־miẕĕra֔yim wĕʻal־ʼèlòhe֖yhá wĕʻal־mĕláke֑yhá wĕʻa֨l־pȧrĕʻò֔h wĕʻa֥l habò̇tĕẖi֖ym bòֽ̇w׃

26
וּנְתַתִּ֗ים בְּיַד֙ מְבַקְשֵׁ֣י נַפְשָׁ֔ם וּבְיַ֛ד נְבֽוּכַדְרֶאצַּ֥ר מֶֽלֶךְ־בָּבֶ֖ל וּבְיַד־עֲבָדָ֑יו וְאַחֲרֵי־כֵ֛ן תִּשְׁכֹּ֥ן כִּֽימֵי־קֶ֖דֶם נְאֻם־יְהוָֽה׃ ס

ẇnĕţaţi̇֗ym bĕ̇yad֙ mĕbaqĕşé֣̌y napĕşá̌֔m ẇbĕya֛d nĕbֽẇkadĕreʼẕȧ֥r meֽlekĕ־bá̇be֖l ẇbĕyad־ʻàbádá֑yw wĕʼaẖàréy־ké֛n ţi̇şĕ̌kò֥̇n kiֽ̇yméy־qe֖dem nĕʼum־yĕhwáֽh׃ s

27
וְ֠אַתָּה אַל־תִּירָ֞א עַבְדִּ֤י יַֽעֲקֹב֙ וְאַל־תֵּחַ֣ת יִשְׂרָאֵ֔ל כִּ֠י הִנְנִ֤י מֹושִֽׁעֲךָ֙ מֵֽרָחֹ֔וק וְאֶֽת־זַרְעֲךָ֖ מֵאֶ֣רֶץ שִׁבְיָ֑ם וְשָׁ֧ב יַעֲקֹ֛וב וְשָׁקַ֥ט וְשַׁאֲנַ֖ן וְאֵ֥ין מַחֲרִֽיד׃ ס

wĕ֠ʼaţá̇h ʼal־ţi̇yrá֞ʼ ʻabĕdi֤̇y yaֽʻàqòb֙ wĕʼal־ţé̇ẖa֣ţ yişĕ̂ráʼé֔l ki̇֠y hinĕni֤y mòwşǐֽʻàká֙ méֽráẖò֔wq wĕʼeֽţ־zarĕʻàká֖ méʼe֣reẕ şǐbĕyá֑m wĕşá֧̌b yaʻàqò֛wb wĕşá̌qa֥t wĕşǎʼàna֖n wĕʼé֥yn maẖàriֽyd׃ s

28
אַ֠תָּה אַל־תִּירָ֞א עַבְדִּ֤י יַֽעֲקֹב֙ נְאֻם־יְהוָ֔ה כִּ֥י אִתְּךָ֖ אָ֑נִי כִּי֩ אֶעֱשֶׂ֨ה כָלָ֜ה בְּכָֽל־הַגֹּויִ֣ם׀ אֲשֶׁ֧ר הִדַּחְתִּ֣יךָ שָׁ֗מָּה וְאֹֽתְךָ֙ לֹא־אֶעֱשֶׂ֣ה כָלָ֔ה וְיִסַּרְתִּ֨יךָ֙ לַמִּשְׁפָּ֔ט וְנַקֵּ֖ה לֹ֥א אֲנַקֶּֽךָּ׃ ס

ʼa֠ţá̇h ʼal־ţi̇yrá֞ʼ ʻabĕdi֤̇y yaֽʻàqòb֙ nĕʼum־yĕhwá֔h ki֥̇y ʼiţĕ̇ká֖ ʼá֑niy ki̇y֩ ʼeʻèşê֨h kálá֜h bĕ̇káֽl־hagò̇wyi֣m׀ ʼàşě֧r hidȧẖĕţi֣̇yká şá̌֗má̇h wĕʼòֽţĕká֙ lòʼ־ʼeʻèşê֣h kálá֔h wĕyisȧrĕţi̇֨yká֙ lami̇şĕ̌pá̇֔t wĕnaqé֖̇h lò֥ʼ ʼànaqėֽká̇׃ s