Bibles in ancient languages
Old translations
Modern translations

Biblia Hebraica Stuttgartensia Jérémie 6:26

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הָעִ֣זוּ׀ בְּנֵ֣י בִניָמִ֗ן מִקֶּ֨רֶב֙ יְר֣וּשָׁלִַ֔ם וּבִתְקֹ֨ועַ֙ תִּקְע֣וּ שֹׁופָ֔ר וְעַל־בֵּ֥ית הַכֶּ֖רֶם שְׂא֣וּ מַשְׂאֵ֑ת כִּ֥י רָעָ֛ה נִשְׁקְפָ֥ה מִצָּפֹ֖ון וְשֶׁ֥בֶר גָּדֹֽול׃

háʻi֣zẇ׀ bĕ̇né֣y binyámi֗n miqė֨reb֙ yĕr֣ẇşá̌lia֔m ẇbiţĕqò֨wʻa֙ ţi̇qĕʻ֣ẇ şò̌wpá֔r wĕʻal־bé֥̇yţ hakė֖rem şĕ̂ʼ֣ẇ maşĕ̂ʼé֑ţ ki֥̇y ráʻá֛h nişĕ̌qĕpá֥h miẕá̇pò֖wn wĕşě֥ber gá̇dòֽwl׃

2
הַנָּוָה֙ וְהַמְּעֻנָּגָ֔ה דָּמִ֖יתִי בַּת־צִיֹּֽון׃

haná̇wáh֙ wĕhamĕ̇ʻuná̇gá֔h dá̇mi֖yţiy bȧţ־ẕiyòֽ̇wn׃

3
אֵלֶ֛יהָ יָבֹ֥אוּ רֹעִ֖ים וְעֶדְרֵיהֶ֑ם תָּקְע֨וּ עָלֶ֤יהָ אֹהָלִים֙ סָבִ֔יב רָע֖וּ אִ֥ישׁ אֶת־יָדֹֽו׃

ʼéle֛yhá yábò֥ʼẇ ròʻi֖ym wĕʻedĕréyhe֑m ţá̇qĕʻ֨ẇ ʻále֤yhá ʼòháliym֙ sábi֔yb ráʻ֖ẇ ʼi֥yş̌ ʼeţ־yádòֽw׃

4
קַדְּשׁ֤וּ עָלֶ֨יהָ֙ מִלְחָמָ֔ה ק֖וּמוּ וְנַעֲלֶ֣ה בַֽצָּהֳרָ֑יִם אֹ֥וי לָ֨נוּ֙ כִּי־פָנָ֣ה הַיֹּ֔ום כִּ֥י יִנָּט֖וּ צִלְלֵי־עָֽרֶב׃

qadĕ̇ş֤̌ẇ ʻále֨yhá֙ milĕẖámá֔h q֖ẇmẇ wĕnaʻàle֣h baֽẕá̇horá֑yim ʼò֥wy lá֨nẇ֙ ki̇y־páná֣h hayò̇֔wm ki֥̇y yiná̇t֖ẇ ẕilĕléy־ʻáֽreb׃

5
ק֚וּמוּ וְנַעֲלֶ֣ה בַלָּ֔יְלָה וְנַשְׁחִ֖יתָה אַרְמְנֹותֶֽיהָ׃ ס

q֚ẇmẇ wĕnaʻàle֣h balá̇֔yĕláh wĕnaşĕ̌ẖi֖yţáh ʼarĕmĕnòwţeֽyhá׃ s

6
כִּ֣י כֹ֤ה אָמַר֙ יְהוָ֣ה צְבָאֹ֔ות כִּרְת֣וּ עֵצָ֔ה וְשִׁפְכ֥וּ עַל־יְרוּשָׁלִַ֖ם סֹלְלָ֑ה הִ֚יא הָעִ֣יר הָפְקַ֔ד כֻּלָּ֖הּ עֹ֥שֶׁק בְּקִרְבָּֽהּ׃

ki֣̇y kò֤h ʼámar֙ yĕhwá֣h ẕĕbáʼò֔wţ ki̇rĕţ֣ẇ ʻéẕá֔h wĕşǐpĕk֥ẇ ʻal־yĕrẇşá̌lia֖m sòlĕlá֑h hi֚yʼ háʻi֣yr hápĕqa֔d ku̇lá֖̇ḣ ʻò֥şěq bĕ̇qirĕbáֽ̇ḣ׃

7
כְּהָקִ֥יר בְּוֵר מֵימֶ֔יהָ כֵּ֖ן הֵקֵ֣רָה רָעָתָ֑הּ חָמָ֣ס וָ֠שֹׁד יִשָּׁ֨מַע בָּ֧הּ עַל־פָּנַ֛י תָּמִ֖יד חֳלִ֥י וּמַכָּֽה׃

kĕ̇háqi֥yr bĕ̇wér méyme֔yhá ké֖̇n héqé֣ráh ráʻáţá֑ḣ ẖámá֣s wá֠şò̌d yişá̇̌֨maʻ bá֧̇ḣ ʻal־pá̇na֛y ţá̇mi֖yd ẖoli֥y ẇmakáֽ̇h׃

8
הִוָּסְרִי֙ יְר֣וּשָׁלִַ֔ם פֶּן־תֵּקַ֥ע נַפְשִׁ֖י מִמֵּ֑ךְ פֶּן־אֲשִׂימֵ֣ךְ שְׁמָמָ֔ה אֶ֖רֶץ לֹ֥וא נֹושָֽׁבָה׃ פ

hiwá̇sĕriy֙ yĕr֣ẇşá̌lia֔m pėn־ţé̇qa֥ʻ napĕşǐ֖y mimé֑̇kĕ pėn־ʼàşîymé֣kĕ şĕ̌mámá֔h ʼe֖reẕ lò֥wʼ nòwşáֽ̌báh׃ p

9
כֹּ֤ה אָמַר֙ יְהֹוָ֣ה צְבָאֹ֔ות עֹולֵ֛ל יְעֹולְל֥וּ כַגֶּ֖פֶן שְׁאֵרִ֣ית יִשְׂרָאֵ֑ל הָשֵׁב֙ יָדְךָ֔ כְּבֹוצֵ֖ר עַל־סַלְסִלֹּֽות׃

kò֤̇h ʼámar֙ yĕhòwá֣h ẕĕbáʼò֔wţ ʻòwlé֛l yĕʻòwlĕl֥ẇ kagė֖pen şĕ̌ʼéri֣yţ yişĕ̂ráʼé֑l háşé̌b֙ yádĕká֔ kĕ̇bòwẕé֖r ʻal־salĕsilòֽ̇wţ׃

10
עַל־מִ֨י אֲדַבְּרָ֤ה וְאָעִ֨ידָה֙ וְיִשְׁמָ֔עוּ הִנֵּה֙ עֲרֵלָ֣ה אָזְנָ֔ם וְלֹ֥א יוּכְל֖וּ לְהַקְשִׁ֑יב הִנֵּ֣ה דְבַר־יְהוָ֗ה הָיָ֥ה לָהֶ֛ם לְחֶרְפָּ֖ה לֹ֥א יַחְפְּצוּ־בֹֽו׃

ʻal־mi֨y ʼàdabĕ̇rá֤h wĕʼáʻi֨ydáh֙ wĕyişĕ̌má֔ʻẇ hiné̇h֙ ʻàrélá֣h ʼázĕná֔m wĕlò֥ʼ yẇkĕl֖ẇ lĕhaqĕşǐ֑yb hiné֣̇h dĕbar־yĕhwá֗h háyá֥h láhe֛m lĕẖerĕpá֖̇h lò֥ʼ yaẖĕpĕ̇ẕẇ־bòֽw׃

11
וְאֵת֩ חֲמַ֨ת יְהוָ֤ה׀ מָלֵ֨אתִי֙ נִלְאֵ֣יתִי הָכִ֔יל שְׁפֹ֤ךְ עַל־עֹולָל֙ בַּח֔וּץ וְעַ֛ל סֹ֥וד בַּחוּרִ֖ים יַחְדָּ֑ו כִּֽי־גַם־אִ֤ישׁ עִם־אִשָּׁה֙ יִלָּכֵ֔דוּ זָקֵ֖ן עִם־מְלֵ֥א יָמִֽים׃

wĕʼéţ֩ ẖàma֨ţ yĕhwá֤h׀ málé֨ʼţiy֙ nilĕʼé֣yţiy háki֔yl şĕ̌pò֤kĕ ʻal־ʻòwlál֙ bȧẖ֔ẇẕ wĕʻa֛l sò֥wd bȧẖẇri֖ym yaẖĕdá֑̇w kiֽ̇y־gam־ʼi֤yş̌ ʻim־ʼişá̇̌h֙ yilá̇ké֔dẇ záqé֖n ʻim־mĕlé֥ʼ yámiֽym׃

12
וְנָסַ֤בּוּ בָֽתֵּיהֶם֙ לַאֲחֵרִ֔ים שָׂדֹ֥ות וְנָשִׁ֖ים יַחְדָּ֑ו כִּֽי־אַטֶּ֧ה אֶת־יָדִ֛י עַל־יֹשְׁבֵ֥י הָאָ֖רֶץ נְאֻם־יְהוָֽה׃

wĕnása֤ḃẇ báֽţé̇yhem֙ laʼàẖéri֔ym şá̂dò֥wţ wĕnáşǐ֖ym yaẖĕdá֑̇w kiֽ̇y־ʼatė֧h ʼeţ־yádi֛y ʻal־yòşĕ̌bé֥y háʼá֖reẕ nĕʼum־yĕhwáֽh׃

13
כִּ֤י מִקְּטַנָּם֙ וְעַד־גְּדֹולָ֔ם כֻּלֹּ֖ו בֹּוצֵ֣עַ בָּ֑צַע וּמִנָּבִיא֙ וְעַד־כֹּהֵ֔ן כֻּלֹּ֖ו עֹ֥שֶׂה שָּֽׁקֶר׃

ki֤̇y miqĕ̇taná̇m֙ wĕʻad־gĕ̇dòwlá֔m ku̇lò֖̇w bò̇wẕé֣ʻa bá֑̇ẕaʻ ẇminá̇biyʼ֙ wĕʻad־kò̇hé֔n ku̇lò֖̇w ʻò֥şêh şáֽ̇̌qer׃

14
וַֽיְרַפְּא֞וּ אֶת־שֶׁ֤בֶר עַמִּי֙ עַל־נְקַלָּ֔ה לֵאמֹ֖ר שָׁלֹ֣ום׀ שָׁלֹ֑ום וְאֵ֖ין שָׁלֹֽום׃

waֽyĕrapĕ̇ʼ֞ẇ ʼeţ־şě֤ber ʻami̇y֙ ʻal־nĕqalá̇֔h léʼmò֖r şá̌lò֣wm׀ şá̌lò֑wm wĕʼé֖yn şá̌lòֽwm׃

15
הֹבִ֕ישׁוּ כִּ֥י תֹועֵבָ֖ה עָשׂ֑וּ גַּם־בֹּ֣ושׁ לֹֽא־יֵבֹ֗ושׁוּ גַּם־הַכְלִים֙ לֹ֣א יָדָ֔עוּ לָכֵ֞ן יִפְּל֧וּ בַנֹּפְלִ֛ים בְּעֵת־פְּקַדְתִּ֥ים יִכָּשְׁל֖וּ אָמַ֥ר יְהוָֽה׃ ס

hòbi֕yş̌ẇ ki֥̇y ţòwʻébá֖h ʻáş֑̂ẇ gȧm־bò֣̇wş̌ lòֽʼ־yébò֗wş̌ẇ gȧm־hakĕliym֙ lò֣ʼ yádá֔ʻẇ láké֞n yipĕ̇l֧ẇ banò̇pĕli֛ym bĕ̇ʻéţ־pĕ̇qadĕţi֥̇ym yiká̇şĕ̌l֖ẇ ʼáma֥r yĕhwáֽh׃ s

16
כֹּ֣ה אָמַ֣ר יְהוָ֡ה עִמְדוּ֩ עַל־דְּרָכִ֨ים וּרְא֜וּ וְשַׁאֲל֣וּ׀ לִנְתִבֹ֣ות עֹולָ֗ם אֵי־זֶ֨ה דֶ֤רֶךְ הַטֹּוב֙ וּלְכוּ־בָ֔הּ וּמִצְא֥וּ מַרְגֹּ֖ועַ לְנַפְשְׁכֶ֑ם וַיֹּאמְר֖וּ לֹ֥א נֵלֵֽךְ׃

kò֣̇h ʼáma֣r yĕhwá֡h ʻimĕdẇ֩ ʻal־dĕ̇ráki֨ym ẇrĕʼ֜ẇ wĕşǎʼàl֣ẇ׀ linĕţibò֣wţ ʻòwlá֗m ʼéy־ze֨h de֤rekĕ hatò̇wb֙ ẇlĕkẇ־bá֔ḣ ẇmiẕĕʼ֥ẇ marĕgò֖̇wʻa lĕnapĕşĕ̌ke֑m wayò̇ʼmĕr֖ẇ lò֥ʼ néléֽkĕ׃

17
וַהֲקִמֹתִ֤י עֲלֵיכֶם֙ צֹפִ֔ים הַקְשִׁ֖יבוּ לְקֹ֣ול שֹׁופָ֑ר וַיֹּאמְר֖וּ לֹ֥א נַקְשִֽׁיב׃

wahàqimòţi֤y ʻàléykem֙ ẕòpi֔ym haqĕşǐ֖ybẇ lĕqò֣wl şò̌wpá֑r wayò̇ʼmĕr֖ẇ lò֥ʼ naqĕşǐֽyb׃

18
לָכֵ֖ן שִׁמְע֣וּ הַגֹּויִ֑ם וּדְעִ֥י עֵדָ֖ה אֶת־אֲשֶׁר־בָּֽם׃

láké֖n şǐmĕʻ֣ẇ hagò̇wyi֑m ẇdĕʻi֥y ʻédá֖h ʼeţ־ʼàşěr־báֽ̇m׃

19
שִׁמְעִ֣י הָאָ֔רֶץ הִנֵּ֨ה אָנֹכִ֜י מֵבִ֥יא רָעָ֛ה אֶל־הָעָ֥ם הַזֶּ֖ה פְּרִ֣י מַחְשְׁבֹותָ֑ם כִּ֤י עַל־דְּבָרַי֙ לֹ֣א הִקְשִׁ֔יבוּ וְתֹורָתִ֖י וַיִּמְאֲסוּ־בָֽהּ׃

şǐmĕʻi֣y háʼá֔reẕ hiné̇֨h ʼánòki֜y mébi֥yʼ ráʻá֛h ʼel־háʻá֥m hazė֖h pĕ̇ri֣y maẖĕşĕ̌bòwţá֑m ki֤̇y ʻal־dĕ̇báray֙ lò֣ʼ hiqĕşǐ֔ybẇ wĕţòwráţi֖y wayi̇mĕʼàsẇ־báֽḣ׃

20
לָמָּה־זֶּ֨ה לִ֤י לְבֹונָה֙ מִשְּׁבָ֣א תָבֹ֔וא וְקָנֶ֥ה הַטֹּ֖וב מֵאֶ֣רֶץ מֶרְחָ֑ק עֹלֹֽותֵיכֶם֙ לֹ֣א לְרָצֹ֔ון וְזִבְחֵיכֶ֖ם לֹא־עָ֥רְבוּ לִֽי׃ ס

lámá̇h־zė֨h li֤y lĕbòwnáh֙ mişĕ̇̌bá֣ʼ ţábò֔wʼ wĕqáne֥h hatò֖̇wb méʼe֣reẕ merĕẖá֑q ʻòlòֽwţéykem֙ lò֣ʼ lĕráẕò֔wn wĕzibĕẖéyke֖m lòʼ־ʻá֥rĕbẇ liֽy׃ s

21
לָכֵ֗ן כֹּ֚ה אָמַ֣ר יְהוָ֔ה הִנְנִ֥י נֹתֵ֛ן אֶל־הָעָ֥ם הַזֶּ֖ה מִכְשֹׁלִ֑ים וְכָ֣שְׁלוּ בָ֠ם אָבֹ֨ות וּבָנִ֥ים יַחְדָּ֛ו שָׁכֵ֥ן וְרֵעֹ֖ו יֹאבֵדוּ

láké֗n kò֚̇h ʼáma֣r yĕhwá֔h hinĕni֥y nòţé֛n ʼel־háʻá֥m hazė֖h mikĕşò̌li֑ym wĕká֣şĕ̌lẇ bá֠m ʼábò֨wţ ẇbáni֥ym yaẖĕdá֛̇w şá̌ké֥n wĕréʻò֖w yòʼbédẇ

22
כֹּ֚ה אָמַ֣ר יְהוָ֔ה הִנֵּ֛ה עַ֥ם בָּ֖א מֵאֶ֣רֶץ צָפֹ֑ון וְגֹ֣וי גָּדֹ֔ול יֵעֹ֖ור מִיַּרְכְּתֵי־אָֽרֶץ׃

kò֚̇h ʼáma֣r yĕhwá֔h hiné֛̇h ʻa֥m bá֖̇ʼ méʼe֣reẕ ẕápò֑wn wĕgò֣wy gá̇dò֔wl yéʻò֖wr miyȧrĕkĕ̇ţéy־ʼáֽreẕ׃

23
קֶ֣שֶׁת וְכִידֹ֞ון יַחֲזִ֗יקוּ אַכְזָרִ֥י הוּא֙ וְלֹ֣א יְרַחֵ֔מוּ קֹולָם֙ כַּיָּ֣ם יֶהֱמֶ֔ה וְעַל־סוּסִ֖ים יִרְכָּ֑בוּ עָר֗וּךְ כְּאִישׁ֙ לַמִּלְחָמָ֔ה עָלַ֖יִךְ בַּת־צִיֹּֽון׃

qe֣şěţ wĕkiydò֞wn yaẖàzi֗yqẇ ʼakĕzári֥y hẇʼ֙ wĕlò֣ʼ yĕraẖé֔mẇ qòwlám֙ kȧyá֣̇m yehème֔h wĕʻal־sẇsi֖ym yirĕká֑̇bẇ ʻár֗ẇkĕ kĕ̇ʼiyş̌֙ lami̇lĕẖámá֔h ʻála֖yikĕ bȧţ־ẕiyòֽ̇wn׃

24
שָׁמַ֥עְנוּ אֶת־שָׁמְעֹ֖ו רָפ֣וּ יָדֵ֑ינוּ צָרָה֙ הֶחֱזִיקַ֔תְנוּ חִ֖יל כַּיֹּולֵדָֽה׃

şá̌ma֥ʻĕnẇ ʼeţ־şá̌mĕʻò֖w ráp֣ẇ yádé֑ynẇ ẕáráh֙ heẖèziyqa֔ţĕnẇ ẖi֖yl kȧyò̇wlédáֽh׃

25
אַל־תֵּצְאִי הַשָּׂדֶ֔ה וּבַדֶּ֖רֶךְ אַל־תֵּלֵכִי כִּ֚י חֶ֣רֶב לְאֹיֵ֔ב מָגֹ֖ור מִסָּבִֽיב׃

ʼal־ţé̇ẕĕʼiy haşá̇̂de֔h ẇbadė֖rekĕ ʼal־ţé̇lékiy ki֚̇y ẖe֣reb lĕʼòyé֔b mágò֖wr misá̇biֽyb׃

26
בַּת־עַמִּ֤י חִגְרִי־שָׂק֙ וְהִתְפַּלְּשִׁ֣י בָאֵ֔פֶר אֵ֤בֶל יָחִיד֙ עֲשִׂ֣י לָ֔ךְ מִסְפַּ֖ד תַּמְרוּרִ֑ים כִּ֣י פִתְאֹ֔ם יָבֹ֥א הַשֹּׁדֵ֖ד עָלֵֽינוּ׃

bȧţ־ʻami֤̇y ẖigĕriy־şá̂q֙ wĕhiţĕpȧlĕ̇şǐ֣y báʼé֔per ʼé֤bel yáẖiyd֙ ʻàşî֣y lá֔kĕ misĕpȧ֖d ţȧmĕrẇri֑ym ki֣̇y piţĕʼò֔m yábò֥ʼ haşò̇̌dé֖d ʻáléֽynẇ׃

27
בָּחֹ֛ון נְתַתִּ֥יךָ בְעַמִּ֖י מִבְצָ֑ר וְתֵדַ֕ע וּבָחַנְתָּ֖ אֶת־דַּרְכָּֽם׃

bá̇ẖò֛wn nĕţaţi֥̇yká bĕʻami֖̇y mibĕẕá֑r wĕţéda֕ʻ ẇbáẖanĕţá֖̇ ʼeţ־dȧrĕkáֽ̇m׃

28
כֻּלָּם֙ סָרֵ֣י סֹֽורְרִ֔ים הֹלְכֵ֥י רָכִ֖יל נְחֹ֣שֶׁת וּבַרְזֶ֑ל כֻּלָּ֥ם מַשְׁחִיתִ֖ים הֵֽמָּה׃

ku̇lá̇m֙ sáré֣y sòֽwrĕri֔ym hòlĕké֥y ráki֖yl nĕẖò֣şěţ ẇbarĕze֑l ku̇lá֥̇m maşĕ̌ẖiyţi֖ym héֽmá̇h׃

29
נָחַ֣ר מַפֻּ֔חַ מֵאִשְׁתַּם עֹפָ֑רֶת לַשָּׁוְא֙ צָרַ֣ף צָרֹ֔וף וְרָעִ֖ים לֹ֥א נִתָּֽקוּ׃

náẖa֣r mapu̇֔ẖa méʼişĕ̌ţȧm ʻòpá֑reţ laşá̇̌wĕʼ֙ ẕára֣p ẕárò֔wp wĕráʻi֖ym lò֥ʼ niţáֽ̇qẇ׃

30
כֶּ֣סֶף נִמְאָ֔ס קָרְא֖וּ לָהֶ֑ם כִּֽי־מָאַ֥ס יְהוָ֖ה בָּהֶֽם׃ פ

kė֣sep nimĕʼá֔s qárĕʼ֖ẇ láhe֑m kiֽ̇y־máʼa֥s yĕhwá֖h bá̇heֽm׃ p