Bibles in ancient languages
Old translations
Modern translations

Biblia Hebraica Stuttgartensia Jérémie 7

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

hadá̇bár֙ ʼàşě֣r háyá֣h ʼeֽl־yirĕmĕyá֔hẇ méʼé֥ţ yĕhwá֖h léʼmòֽr׃
2
עֲמֹ֗ד בְּשַׁ֨עַר֙ בֵּ֣ית יְהוָ֔ה וְקָרָ֣אתָ שָּׁ֔ם אֶת־הַדָּבָ֖ר הַזֶּ֑ה וְאָמַרְתָּ֞ שִׁמְע֣וּ דְבַר־יְהוָ֗ה כָּל־יְהוּדָה֙ הַבָּאִים֙ בַּשְּׁעָרִ֣ים הָאֵ֔לֶּה לְהִֽשְׁתַּחֲוֹ֖ת לַיהוָֽה׃ ס

ʻàmò֗d bĕ̇şǎ֨ʻar֙ bé֣̇yţ yĕhwá֔h wĕqárá֣ʼţá şá̇̌֔m ʼeţ־hadá̇bá֖r hazė֑h wĕʼámarĕţá̇֞ şǐmĕʻ֣ẇ dĕbar־yĕhwá֗h ká̇l־yĕhẇdáh֙ habá̇ʼiym֙ bȧşĕ̇̌ʻári֣ym háʼé֔lėh lĕhiֽşĕ̌ţȧẖàwò֖ţ layhwáֽh׃ s
3
כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הֵיטִ֥יבוּ דַרְכֵיכֶ֖ם וּמַֽעַלְלֵיכֶ֑ם וַאֲשַׁכְּנָ֣ה אֶתְכֶ֔ם בַּמָּקֹ֥ום הַזֶּֽה׃

kòֽ̇h־ʼáma֞r yĕhwá֤h ẕĕbáʼòwţ֙ ʼèlòhé֣y yişĕ̂ráʼé֔l héyti֥ybẇ darĕkéyke֖m ẇmaֽʻalĕléyke֑m waʼàşǎkĕ̇ná֣h ʼeţĕke֔m bȧmá̇qò֥wm hazėֽh׃
4
אַל־תִּבְטְח֣וּ לָכֶ֔ם אֶל־דִּבְרֵ֥י הַשֶּׁ֖קֶר לֵאמֹ֑ר הֵיכַ֤ל יְהוָה֙ הֵיכַ֣ל יְהוָ֔ה הֵיכַ֥ל יְהוָ֖ה הֵֽמָּה׃

ʼal־ţi̇bĕtĕẖ֣ẇ láke֔m ʼel־di̇bĕré֥y haşė֖̌qer léʼmò֑r héyka֤l yĕhwáh֙ héyka֣l yĕhwá֔h héyka֥l yĕhwá֖h héֽmá̇h׃
5
כִּ֤י אִם־הֵיטֵיב֙ תֵּיטִ֔יבוּ אֶת־דַּרְכֵיכֶ֖ם וְאֶת־מַֽעַלְלֵיכֶ֑ם אִם־עָשֹׂ֤ו תַֽעֲשׂוּ֙ מִשְׁפָּ֔ט בֵּ֥ין אִ֖ישׁ וּבֵ֥ין רֵעֵֽהוּ׃

ki֤̇y ʼim־héytéyb֙ ţé̇yti֔ybẇ ʼeţ־dȧrĕkéyke֖m wĕʼeţ־maֽʻalĕléyke֑m ʼim־ʻáşò֤̂w ţaֽʻàş̂ẇ֙ mişĕ̌pá̇֔t bé֥̇yn ʼi֖yş̌ ẇbé֥yn réʻéֽhẇ׃
6
גֵּ֣ר יָתֹ֤ום וְאַלְמָנָה֙ לֹ֣א תַֽעֲשֹׁ֔קוּ וְדָ֣ם נָקִ֔י אַֽל־תִּשְׁפְּכ֖וּ בַּמָּקֹ֣ום הַזֶּ֑ה וְאַחֲרֵ֨י אֱלֹהִ֧ים אֲחֵרִ֛ים לֹ֥א תֵלְכ֖וּ לְרַ֥ע לָכֶֽם׃

gé֣̇r yáţò֤wm wĕʼalĕmánáh֙ lò֣ʼ ţaֽʻàşò̌֔qẇ wĕdá֣m náqi֔y ʼaֽl־ţi̇şĕ̌pĕ̇k֖ẇ bȧmá̇qò֣wm hazė֑h wĕʼaẖàré֨y ʼèlòhi֧ym ʼàẖéri֛ym lò֥ʼ ţélĕk֖ẇ lĕra֥ʻ lákeֽm׃
7
וְשִׁכַּנְתִּ֤י אֶתְכֶם֙ בַּמָּקֹ֣ום הַזֶּ֔ה בָּאָ֕רֶץ אֲשֶׁ֥ר נָתַ֖תִּי לַאֲבֹֽותֵיכֶ֑ם לְמִן־עֹולָ֖ם וְעַד־עֹולָֽם׃

wĕşǐkȧnĕţi֤̇y ʼeţĕkem֙ bȧmá̇qò֣wm hazė֔h bá̇ʼá֕reẕ ʼàşě֥r náţa֖ţi̇y laʼàbòֽwţéyke֑m lĕmin־ʻòwlá֖m wĕʻad־ʻòwláֽm׃
8
הִנֵּ֤ה אַתֶּם֙ בֹּטְחִ֣ים לָכֶ֔ם עַל־דִּבְרֵ֖י הַשָּׁ֑קֶר לְבִלְתִּ֖י הֹועִֽיל׃

hiné֤̇h ʼaţėm֙ bò̇tĕẖi֣ym láke֔m ʻal־di̇bĕré֖y haşá֑̇̌qer lĕbilĕţi֖̇y hòwʻiֽyl׃
9
הֲגָנֹ֤ב׀ רָצֹ֨חַ֙ וְֽנָאֹ֗ף וְהִשָּׁבֵ֥עַ לַשֶּׁ֖קֶר וְקַטֵּ֣ר לַבָּ֑עַל וְהָלֹ֗ךְ אַחֲרֵ֛י אֱלֹהִ֥ים אֲחֵרִ֖ים אֲשֶׁ֥ר לֹֽא־יְדַעְתֶּֽם׃

hàgánò֤b׀ ráẕò֨ẖa֙ wĕֽnáʼò֗p wĕhişá̇̌bé֥ʻa laşė֖̌qer wĕqaté֣̇r labá֑̇ʻal wĕhálò֗kĕ ʼaẖàré֛y ʼèlòhi֥ym ʼàẖéri֖ym ʼàşě֥r lòֽʼ־yĕdaʻĕţėֽm׃
10
וּבָאתֶ֞ם וַעֲמַדְתֶּ֣ם לְפָנַ֗י בַּבַּ֤יִת הַזֶּה֙ אֲשֶׁ֣ר נִקְרָא־שְׁמִ֣י עָלָ֔יו וַאֲמַרְתֶּ֖ם נִצַּ֑לְנוּ לְמַ֣עַן עֲשֹׂ֔ות אֵ֥ת כָּל־הַתֹּועֵבֹ֖ות הָאֵֽלֶּה׃

ẇbáʼţe֞m waʻàmadĕţė֣m lĕpána֗y bȧbȧ֤yiţ hazėh֙ ʼàşě֣r niqĕráʼ־şĕ̌mi֣y ʻálá֔yw waʼàmarĕţė֖m niẕȧ֑lĕnẇ lĕma֣ʻan ʻàşò̂֔wţ ʼé֥ţ ká̇l־haţò̇wʻébò֖wţ háʼéֽlėh׃
11
הַמְעָרַ֣ת פָּרִצִ֗ים הָיָ֨ה הַבַּ֧יִת הַזֶּ֛ה אֲשֶׁר־נִקְרָֽא־שְׁמִ֥י עָלָ֖יו בְּעֵינֵיכֶ֑ם גַּ֧ם אָנֹכִ֛י הִנֵּ֥ה רָאִ֖יתִי נְאֻם־יְהוָֽה׃ ס

hamĕʻára֣ţ pá̇riẕi֗ym háyá֨h habȧ֧yiţ hazė֛h ʼàşěr־niqĕráֽʼ־şĕ̌mi֥y ʻálá֖yw bĕ̇ʻéynéyke֑m gȧ֧m ʼánòki֛y hiné֥̇h ráʼi֖yţiy nĕʼum־yĕhwáֽh׃ s
12
כִּ֣י לְכוּ־נָ֗א אֶל־מְקֹומִי֙ אֲשֶׁ֣ר בְּשִׁילֹ֔ו אֲשֶׁ֨ר שִׁכַּ֧נְתִּֽי שְׁמִ֛י שָׁ֖ם בָּרִֽאשֹׁונָ֑ה וּרְאוּ֙ אֵ֣ת אֲשֶׁר־עָשִׂ֣יתִי לֹ֔ו מִפְּנֵ֕י רָעַ֖ת עַמִּ֥י יִשְׂרָאֵֽל׃

ki֣̇y lĕkẇ־ná֗ʼ ʼel־mĕqòwmiy֙ ʼàşě֣r bĕ̇şǐylò֔w ʼàşě֨r şǐkȧ֧nĕţiֽ̇y şĕ̌mi֛y şá֖̌m bá̇riֽʼşò̌wná֑h ẇrĕʼẇ֙ ʼé֣ţ ʼàşěr־ʻáşî֣yţiy lò֔w mipĕ̇né֕y ráʻa֖ţ ʻami֥̇y yişĕ̂ráʼéֽl׃
13
וְעַתָּ֗ה יַ֧עַן עֲשֹׂותְכֶ֛ם אֶת־כָּל־הַמַּֽעֲשִׂ֥ים הָאֵ֖לֶּה נְאֻם־יְהוָ֑ה וָאֲדַבֵּ֨ר אֲלֵיכֶ֜ם הַשְׁכֵּ֤ם וְדַבֵּר֙ וְלֹ֣א שְׁמַעְתֶּ֔ם וָאֶקְרָ֥א אֶתְכֶ֖ם וְלֹ֥א עֲנִיתֶֽם׃

wĕʻaţá̇֗h ya֧ʻan ʻàşò̂wţĕke֛m ʼeţ־ká̇l־hamȧֽʻàşî֥ym háʼé֖lėh nĕʼum־yĕhwá֑h wáʼàdabé̇֨r ʼàléyke֜m haşĕ̌ké֤̇m wĕdabé̇r֙ wĕlò֣ʼ şĕ̌maʻĕţė֔m wáʼeqĕrá֥ʼ ʼeţĕke֖m wĕlò֥ʼ ʻàniyţeֽm׃
14
וְעָשִׂ֜יתִי לַבַּ֣יִת׀ אֲשֶׁ֧ר נִֽקְרָא־שְׁמִ֣י עָלָ֗יו אֲשֶׁ֤ר אַתֶּם֙ בֹּטְחִ֣ים בֹּ֔ו וְלַ֨מָּקֹ֔ום אֲשֶׁר־נָתַ֥תִּי לָכֶ֖ם וְלַאֲבֹֽותֵיכֶ֑ם כַּאֲשֶׁ֥ר עָשִׂ֖יתִי לְשִׁלֹֽו׃

wĕʻáşî֜yţiy labȧ֣yiţ׀ ʼàşě֧r niֽqĕráʼ־şĕ̌mi֣y ʻálá֗yw ʼàşě֤r ʼaţėm֙ bò̇tĕẖi֣ym bò̇֔w wĕla֨má̇qò֔wm ʼàşěr־náţa֥ţi̇y láke֖m wĕlaʼàbòֽwţéyke֑m kȧʼàşě֥r ʻáşî֖yţiy lĕşǐlòֽw׃
15
וְהִשְׁלַכְתִּ֥י אֶתְכֶ֖ם מֵעַ֣ל פָּנָ֑י כַּאֲשֶׁ֤ר הִשְׁלַ֨כְתִּי֙ אֶת־כָּל־אֲחֵיכֶ֔ם אֵ֖ת כָּל־זֶ֥רַע אֶפְרָֽיִם׃ ס

wĕhişĕ̌lakĕţi֥̇y ʼeţĕke֖m méʻa֣l pá̇ná֑y kȧʼàşě֤r hişĕ̌la֨kĕţi̇y֙ ʼeţ־ká̇l־ʼàẖéyke֔m ʼé֖ţ ká̇l־ze֥raʻ ʼepĕráֽyim׃ s
16
וְאַתָּ֞ה אַל־תִּתְפַּלֵּ֣ל׀ בְּעַד־הָעָ֣ם הַזֶּ֗ה וְאַל־תִּשָּׂ֧א בַעֲדָ֛ם רִנָּ֥ה וּתְפִלָּ֖ה וְאַל־תִּפְגַּע־בִּ֑י כִּי־אֵינֶ֥נִּי שֹׁמֵ֖עַ אֹתָֽךְ׃

wĕʼaţá̇֞h ʼal־ţi̇ţĕpȧlé֣̇l׀ bĕ̇ʻad־háʻá֣m hazė֗h wĕʼal־ţi̇şá֧̇̂ʼ baʻàdá֛m riná֥̇h ẇţĕpilá֖̇h wĕʼal־ţi̇pĕgȧʻ־bi֑̇y ki̇y־ʼéyne֥ni̇y şò̌mé֖ʻa ʼòţáֽkĕ׃
17
הַֽאֵינְךָ֣ רֹאֶ֔ה מָ֛ה הֵ֥מָּה עֹשִׂ֖ים בְּעָרֵ֣י יְהוּדָ֑ה וּבְחֻצֹ֖ות יְרוּשָׁלִָֽם׃

haֽʼéynĕká֣ ròʼe֔h má֛h hé֥má̇h ʻòşî֖ym bĕ̇ʻáré֣y yĕhẇdá֑h ẇbĕẖuẕò֖wţ yĕrẇşá̌láֽim׃
18
הַבָּנִ֞ים מְלַקְּטִ֣ים עֵצִ֗ים וְהָֽאָבֹות֙ מְבַעֲרִ֣ים אֶת־הָאֵ֔שׁ וְהַנָּשִׁ֖ים לָשֹׁ֣ות בָּצֵ֑ק לַעֲשֹׂ֨ות כַּוָּנִ֜ים לִמְלֶ֣כֶת הַשָּׁמַ֗יִם וְהַסֵּ֤ךְ נְסָכִים֙ לֵאלֹהִ֣ים אֲחֵרִ֔ים לְמַ֖עַן הַכְעִסֵֽנִי׃

habá̇ni֞ym mĕlaqĕ̇ti֣ym ʻéẕi֗ym wĕháֽʼábòwţ֙ mĕbaʻàri֣ym ʼeţ־háʼé֔ş̌ wĕhaná̇şǐ֖ym láşò֣̌wţ bá̇ẕé֑q laʻàşò̂֨wţ kȧwá̇ni֜ym limĕle֣keţ haşá̇̌ma֗yim wĕhasé֤̇kĕ nĕsákiym֙ léʼlòhi֣ym ʼàẖéri֔ym lĕma֖ʻan hakĕʻiséֽniy׃
19
הַאֹתִ֛י הֵ֥ם מַכְעִסִ֖ים נְאֻם־יְהוָ֑ה הֲלֹ֣וא אֹתָ֔ם לְמַ֖עַן בֹּ֥שֶׁת פְּנֵיהֶֽם׃ ס

haʼòţi֛y hé֥m makĕʻisi֖ym nĕʼum־yĕhwá֑h hàlò֣wʼ ʼòţá֔m lĕma֖ʻan bò֥̇şěţ pĕ̇néyheֽm׃ s
20
לָכֵ֞ן כֹּה־אָמַ֣ר׀ אֲדֹנָ֣י יְהֹוִ֗ה הִנֵּ֨ה אַפִּ֤י וַֽחֲמָתִי֙ נִתֶּ֨כֶת֙ אֶל־הַמָּקֹ֣ום הַזֶּ֔ה עַל־הָֽאָדָם֙ וְעַל־הַבְּהֵמָ֔ה וְעַל־עֵ֥ץ הַשָּׂדֶ֖ה וְעַל־פְּרִ֣י הָֽאֲדָמָ֑ה וּבָעֲרָ֖ה וְלֹ֥א תִכְבֶּֽה׃ ס

láké֞n kò̇h־ʼáma֣r׀ ʼàdòná֣y yĕhòwi֗h hiné̇֨h ʼapi֤̇y waֽẖàmáţiy֙ niţė֨keţ֙ ʼel־hamá̇qò֣wm hazė֔h ʻal־háֽʼádám֙ wĕʻal־habĕ̇hémá֔h wĕʻal־ʻé֥ẕ haşá̇̂de֖h wĕʻal־pĕ̇ri֣y háֽʼàdámá֑h ẇbáʻàrá֖h wĕlò֥ʼ ţikĕbėֽh׃ s
21
כֹּ֥ה אָמַ֛ר יְהוָ֥ה צְבָאֹ֖ות אֱלֹהֵ֣י יִשְׂרָאֵ֑ל עֹלֹותֵיכֶ֛ם סְפ֥וּ עַל־זִבְחֵיכֶ֖ם וְאִכְל֥וּ בָשָֽׂר׃

kò֥̇h ʼáma֛r yĕhwá֥h ẕĕbáʼò֖wţ ʼèlòhé֣y yişĕ̂ráʼé֑l ʻòlòwţéyke֛m sĕp֥ẇ ʻal־zibĕẖéyke֖m wĕʼikĕl֥ẇ báşáֽ̂r׃
22
כִּ֠י לֹֽא־דִבַּ֤רְתִּי אֶת־אֲבֹֽותֵיכֶם֙ וְלֹ֣א צִוִּיתִ֔ים בְּיֹ֛ום הֹוצִיא אֹותָ֖ם מֵאֶ֣רֶץ מִצְרָ֑יִם עַל־דִּבְרֵ֥י עֹולָ֖ה וָזָֽבַח׃

ki̇֠y lòֽʼ־dibȧ֤rĕţi̇y ʼeţ־ʼàbòֽwţéykem֙ wĕlò֣ʼ ẕiwi̇yţi֔ym bĕ̇yò֛wm hòwẕiyʼ ʼòwţá֖m méʼe֣reẕ miẕĕrá֑yim ʻal־di̇bĕré֥y ʻòwlá֖h wázáֽbaẖ׃
23
כִּ֣י אִֽם־אֶת־הַדָּבָ֣ר הַ֠זֶּה צִוִּ֨יתִי אֹותָ֤ם לֵאמֹר֙ שִׁמְע֣וּ בְקֹולִ֔י וְהָיִ֤יתִי לָכֶם֙ לֵֽאלֹהִ֔ים וְאַתֶּ֖ם תִּֽהְיוּ־לִ֣י לְעָ֑ם וַהֲלַכְתֶּ֗ם בְּכָל־הַדֶּ֨רֶךְ֙ אֲשֶׁ֣ר אֲצַוֶּ֣ה אֶתְכֶ֔ם לְמַ֖עַן יִיטַ֥ב לָכֶֽם׃

ki֣̇y ʼiֽm־ʼeţ־hadá̇bá֣r ha֠zėh ẕiwi̇֨yţiy ʼòwţá֤m léʼmòr֙ şǐmĕʻ֣ẇ bĕqòwli֔y wĕháyi֤yţiy lákem֙ léֽʼlòhi֔ym wĕʼaţė֖m ţiֽ̇hĕyẇ־li֣y lĕʻá֑m wahàlakĕţė֗m bĕ̇kál־hadė֨rekĕ֙ ʼàşě֣r ʼàẕawė֣h ʼeţĕke֔m lĕma֖ʻan yiyta֥b lákeֽm׃
24
וְלֹ֤א שָֽׁמְעוּ֙ וְלֹֽא־הִטּ֣וּ אֶת־אָזְנָ֔ם וַיֵּֽלְכוּ֙ בְּמֹ֣עֵצֹ֔ות בִּשְׁרִר֖וּת לִבָּ֣ם הָרָ֑ע וַיִּהְי֥וּ לְאָחֹ֖ור וְלֹ֥א לְפָנִֽים׃

wĕlò֤ʼ şáֽ̌mĕʻẇ֙ wĕlòֽʼ־hiṫ֣ẇ ʼeţ־ʼázĕná֔m wayéֽ̇lĕkẇ֙ bĕ̇mò֣ʻéẕò֔wţ bi̇şĕ̌rir֖ẇţ libá֣̇m hárá֑ʻ wayi̇hĕy֥ẇ lĕʼáẖò֖wr wĕlò֥ʼ lĕpániֽym׃
25
לְמִן־הַיֹּ֗ום אֲשֶׁ֨ר יָצְא֤וּ אֲבֹֽותֵיכֶם֙ מֵאֶ֣רֶץ מִצְרַ֔יִם עַ֖ד הַיֹּ֣ום הַזֶּ֑ה וָאֶשְׁלַ֤ח אֲלֵיכֶם֙ אֶת־כָּל־עֲבָדַ֣י הַנְּבִיאִ֔ים יֹ֖ום הַשְׁכֵּ֥ם וְשָׁלֹֽחַ׃

lĕmin־hayò̇֗wm ʼàşě֨r yáẕĕʼ֤ẇ ʼàbòֽwţéykem֙ méʼe֣reẕ miẕĕra֔yim ʻa֖d hayò֣̇wm hazė֑h wáʼeşĕ̌la֤ẖ ʼàléykem֙ ʼeţ־ká̇l־ʻàbáda֣y hanĕ̇biyʼi֔ym yò֖wm haşĕ̌ké֥̇m wĕşá̌lòֽẖa׃
26
וְלֹ֤וא שָׁמְעוּ֙ אֵלַ֔י וְלֹ֥א הִטּ֖וּ אֶת־אָזְנָ֑ם וַיַּקְשׁוּ֙ אֶת־עָרְפָּ֔ם הֵרֵ֖עוּ מֵאֲבֹותָֽם׃

wĕlò֤wʼ şá̌mĕʻẇ֙ ʼéla֔y wĕlò֥ʼ hiṫ֖ẇ ʼeţ־ʼázĕná֑m wayȧqĕş̌ẇ֙ ʼeţ־ʻárĕpá̇֔m héré֖ʻẇ méʼàbòwţáֽm׃
27
וְדִבַּרְתָּ֤ אֲלֵיהֶם֙ אֶת־כָּל־הַדְּבָרִ֣ים הָאֵ֔לֶּה וְלֹ֥א יִשְׁמְע֖וּ אֵלֶ֑יךָ וְקָרָ֥אתָ אֲלֵיהֶ֖ם וְלֹ֥א יַעֲנֽוּכָה׃

wĕdibȧrĕţá֤̇ ʼàléyhem֙ ʼeţ־ká̇l־hadĕ̇bári֣ym háʼé֔lėh wĕlò֥ʼ yişĕ̌mĕʻ֖ẇ ʼéle֑yká wĕqárá֥ʼţá ʼàléyhe֖m wĕlò֥ʼ yaʻànֽẇkáh׃
28
וְאָמַרְתָּ֣ אֲלֵיהֶ֗ם זֶ֤ה הַגֹּוי֙ אֲשֶׁ֣ר לֹֽוא־שָׁמְע֗וּ בְּקֹול֙ יְהוָ֣ה אֱלֹהָ֔יו וְלֹ֥א לָקְח֖וּ מוּסָ֑ר אָֽבְדָה֙ הָֽאֱמוּנָ֔ה וְנִכְרְתָ֖ה מִפִּיהֶֽם׃ ס

wĕʼámarĕţá֣̇ ʼàléyhe֗m ze֤h hagò̇wy֙ ʼàşě֣r lòֽwʼ־şá̌mĕʻ֗ẇ bĕ̇qòwl֙ yĕhwá֣h ʼèlòhá֔yw wĕlò֥ʼ láqĕẖ֖ẇ mẇsá֑r ʼáֽbĕdáh֙ háֽʼèmẇná֔h wĕnikĕrĕţá֖h mipi̇yheֽm׃ s
29
גָּזִּ֤י נִזְרֵךְ֙ וְֽהַשְׁלִ֔יכִי וּשְׂאִ֥י עַל־שְׁפָיִ֖ם קִינָ֑ה כִּ֚י מָאַ֣ס יְהוָ֔ה וַיִּטֹּ֖שׁ אֶת־דֹּ֥ור עֶבְרָתֹֽו׃

gá̇zi֤̇y nizĕrékĕ֙ wĕֽhaşĕ̌li֔ykiy ẇşĕ̂ʼi֥y ʻal־şĕ̌páyi֖m qiyná֑h ki֚̇y máʼa֣s yĕhwá֔h wayi̇tò֖̇ş̌ ʼeţ־dò֥̇wr ʻebĕráţòֽw׃
30
כִּֽי־עָשׂ֨וּ בְנֵי־יְהוּדָ֥ה הָרַ֛ע בְּעֵינַ֖י נְאֻום־יְהוָ֑ה שָׂ֣מוּ שִׁקּֽוּצֵיהֶ֗ם בַּבַּ֛יִת אֲשֶׁר־נִקְרָא־שְׁמִ֥י עָלָ֖יו לְטַמְּאֹֽו׃

kiֽ̇y־ʻáş̂֨ẇ bĕnéy־yĕhẇdá֥h hára֛ʻ bĕ̇ʻéyna֖y nĕʼuwm־yĕhwá֑h şá֣̂mẇ şǐqֽ̇ẇẕéyhe֗m bȧbȧ֛yiţ ʼàşěr־niqĕráʼ־şĕ̌mi֥y ʻálá֖yw lĕtamĕ̇ʼòֽw׃
31
וּבָנ֞וּ בָּמֹ֣ות הַתֹּ֗פֶת אֲשֶׁר֙ בְּגֵ֣יא בֶן־הִנֹּ֔ם לִשְׂרֹ֛ף אֶת־בְּנֵיהֶ֥ם וְאֶת־בְּנֹתֵיהֶ֖ם בָּאֵ֑שׁ אֲשֶׁר֙ לֹ֣א צִוִּ֔יתִי וְלֹ֥א עָלְתָ֖ה עַל־לִבִּֽי׃ ס

ẇbán֞ẇ bá̇mò֣wţ haţò̇֗peţ ʼàşěr֙ bĕ̇gé֣yʼ ben־hinò̇֔m lişĕ̂rò֛p ʼeţ־bĕ̇néyhe֥m wĕʼeţ־bĕ̇nòţéyhe֖m bá̇ʼé֑ş̌ ʼàşěr֙ lò֣ʼ ẕiwi̇֔yţiy wĕlò֥ʼ ʻálĕţá֖h ʻal־libiֽ̇y׃ s
32
לָכֵ֞ן הִנֵּֽה־יָמִ֤ים בָּאִים֙ נְאֻם־יְהוָ֔ה וְלֹא־יֵאָמֵ֨ר עֹ֤וד הַתֹּ֨פֶת֙ וְגֵ֣יא בֶן־הִנֹּ֔ם כִּ֖י אִם־גֵּ֣יא הַהֲרֵגָ֑ה וְקָבְר֥וּ בְתֹ֖פֶת מֵאֵ֥ין מָקֹֽום׃

láké֞n hinéֽ̇h־yámi֤ym bá̇ʼiym֙ nĕʼum־yĕhwá֔h wĕlòʼ־yéʼámé֨r ʻò֤wd haţò̇֨peţ֙ wĕgé֣yʼ ben־hinò̇֔m ki֖̇y ʼim־gé֣̇yʼ hahàrégá֑h wĕqábĕr֥ẇ bĕţò֖peţ méʼé֥yn máqòֽwm׃
33
וְֽהָ֨יְתָ֜ה נִבְלַ֨ת הָעָ֤ם הַזֶּה֙ לְמַֽאֲכָ֔ל לְעֹ֥וף הַשָּׁמַ֖יִם וּלְבֶהֱמַ֣ת הָאָ֑רֶץ וְאֵ֖ין מַחֲרִֽיד׃

wĕֽhá֨yĕţá֜h nibĕla֨ţ háʻá֤m hazėh֙ lĕmaֽʼàká֔l lĕʻò֥wp haşá̇̌ma֖yim ẇlĕbehèma֣ţ háʼá֑reẕ wĕʼé֖yn maẖàriֽyd׃
34
וְהִשְׁבַּתִּ֣י׀ מֵעָרֵ֣י יְהוּדָ֗ה וּמֵֽחֻצֹות֙ יְר֣וּשָׁלִַ֔ם קֹ֤ול שָׂשֹׂון֙ וְקֹ֣ול שִׂמְחָ֔ה קֹ֥ול חָתָ֖ן וְקֹ֣ול כַּלָּ֑ה כִּ֥י לְחָרְבָּ֖ה תִּהְיֶ֥ה הָאָֽרֶץ׃

wĕhişĕ̌bȧţi֣̇y׀ méʻáré֣y yĕhẇdá֗h ẇméֽẖuẕòwţ֙ yĕr֣ẇşá̌lia֔m qò֤wl şá̂şò̂wn֙ wĕqò֣wl şîmĕẖá֔h qò֥wl ẖáţá֖n wĕqò֣wl kȧlá֑̇h ki֥̇y lĕẖárĕbá֖̇h ţi̇hĕye֥h háʼáֽreẕ׃