Bibles in ancient languages
Old translations
Modern translations

Biblia Hebraica Stuttgartensia Lévitique 10:16

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיִּקְח֣וּ בְנֵֽי־אַ֠הֲרֹן נָדָ֨ב וַאֲבִיה֜וּא אִ֣ישׁ מַחְתָּתֹ֗ו וַיִּתְּנ֤וּ בָהֵן֙ אֵ֔שׁ וַיָּשִׂ֥ימוּ עָלֶ֖יהָ קְטֹ֑רֶת וַיַּקְרִ֜בוּ לִפְנֵ֤י יְהוָה֙ אֵ֣שׁ זָרָ֔ה אֲשֶׁ֧ר לֹ֦א צִוָּ֖ה אֹתָֽם׃

wayi̇qĕẖ֣ẇ bĕnéֽy־ʼa֠hàròn nádá֨b waʼàbiyh֜ẇʼ ʼi֣yş̌ maẖĕţá̇ţò֗w wayi̇ţĕ̇n֤ẇ báhén֙ ʼé֔ş̌ wayá̇şî֥ymẇ ʻále֖yhá qĕtò֑reţ wayȧqĕri֜bẇ lipĕné֤y yĕhwáh֙ ʼé֣ş̌ zárá֔h ʼàşě֧r lò֦ʼ ẕiwá֖̇h ʼòţáֽm׃

2
וַתֵּ֥צֵא אֵ֛שׁ מִלִּפְנֵ֥י יְהוָ֖ה וַתֹּ֣אכַל אֹותָ֑ם וַיָּמֻ֖תוּ לִפְנֵ֥י יְהוָֽה׃

waţé֥̇ẕéʼ ʼé֛ş̌ mili̇pĕné֥y yĕhwá֖h waţò֣̇ʼkal ʼòwţá֑m wayá̇mu֖ţẇ lipĕné֥y yĕhwáֽh׃

3
וַיֹּ֨אמֶר מֹשֶׁ֜ה אֶֽל־אַהֲרֹ֗ן הוּא֩ אֲשֶׁר־דִּבֶּ֨ר יְהוָ֤ה׀ לֵאמֹר֙ בִּקְרֹבַ֣י אֶקָּדֵ֔שׁ וְעַל־פְּנֵ֥י כָל־הָעָ֖ם אֶכָּבֵ֑ד וַיִּדֹּ֖ם אַהֲרֹֽן׃

wayò̇֨ʼmer mòşě֜h ʼeֽl־ʼahàrò֗n hẇʼ֩ ʼàşěr־di̇bė֨r yĕhwá֤h׀ léʼmòr֙ bi̇qĕròba֣y ʼeqá̇dé֔ş̌ wĕʻal־pĕ̇né֥y kál־háʻá֖m ʼeká̇bé֑d wayi̇dò֖̇m ʼahàròֽn׃

4
וַיִּקְרָ֣א מֹשֶׁ֗ה אֶל־מִֽישָׁאֵל֙ וְאֶ֣ל אֶלְצָפָ֔ן בְּנֵ֥י עֻזִּיאֵ֖ל דֹּ֣ד אַהֲרֹ֑ן וַיֹּ֣אמֶר אֲלֵהֶ֗ם קִ֠רְב֞וּ שְׂא֤וּ אֶת־אֲחֵיכֶם֙ מֵאֵ֣ת פְּנֵי־הַקֹּ֔דֶשׁ אֶל־מִח֖וּץ לַֽמַּחֲנֶֽה׃

wayi̇qĕrá֣ʼ mòşě֗h ʼel־miֽyşá̌ʼél֙ wĕʼe֣l ʼelĕẕápá֔n bĕ̇né֥y ʻuzi̇yʼé֖l dò֣̇d ʼahàrò֑n wayò֣̇ʼmer ʼàléhe֗m qi֠rĕb֞ẇ şĕ̂ʼ֤ẇ ʼeţ־ʼàẖéykem֙ méʼé֣ţ pĕ̇néy־haqò̇֔deş̌ ʼel־miẖ֖ẇẕ laֽmȧẖàneֽh׃

5
וַֽיִּקְרְב֗וּ וַיִּשָּׂאֻם֙ בְּכֻתֳּנֹתָ֔ם אֶל־מִח֖וּץ לַֽמַּחֲנֶ֑ה כַּאֲשֶׁ֖ר דִּבֶּ֥ר מֹשֶֽׁה׃

waֽyi̇qĕrĕb֗ẇ wayi̇şá̇̂ʼum֙ bĕ̇kuţȯnòţá֔m ʼel־miẖ֖ẇẕ laֽmȧẖàne֑h kȧʼàşě֖r di̇bė֥r mòşěֽh׃

6
וַיֹּ֣אמֶר מֹשֶׁ֣ה אֶֽל־אַהֲרֹ֡ן וּלְאֶלְעָזָר֩ וּלְאִֽיתָמָ֨ר׀ בָּנָ֜יו רָֽאשֵׁיכֶ֥ם אַל־תִּפְרָ֣עוּ׀ וּבִגְדֵיכֶ֤ם לֹֽא־תִפְרֹ֨מוּ֙ וְלֹ֣א תָמֻ֔תוּ וְעַ֥ל כָּל־הָעֵדָ֖ה יִקְצֹ֑ף וַאֲחֵיכֶם֙ כָּל־בֵּ֣ית יִשְׂרָאֵ֔ל יִבְכּוּ֙ אֶת־הַשְּׂרֵפָ֔ה אֲשֶׁ֖ר שָׂרַ֥ף יְהוָֽה׃

wayò֣̇ʼmer mòşě֣h ʼeֽl־ʼahàrò֡n ẇlĕʼelĕʻázár֩ ẇlĕʼiֽyţámá֨r׀ bá̇ná֜yw ráֽʼşé̌yke֥m ʼal־ţi̇pĕrá֣ʻẇ׀ ẇbigĕdéyke֤m lòֽʼ־ţipĕrò֨mẇ֙ wĕlò֣ʼ ţámu֔ţẇ wĕʻa֥l ká̇l־háʻédá֖h yiqĕẕò֑p waʼàẖéykem֙ ká̇l־bé֣̇yţ yişĕ̂ráʼé֔l yibĕk̇ẇ֙ ʼeţ־haşĕ̇̂répá֔h ʼàşě֖r şá̂ra֥p yĕhwáֽh׃

7
וּמִפֶּתַח֩ אֹ֨הֶל מֹועֵ֜ד לֹ֤א תֵֽצְאוּ֙ פֶּן־תָּמֻ֔תוּ כִּי־שֶׁ֛מֶן מִשְׁחַ֥ת יְהוָ֖ה עֲלֵיכֶ֑ם וַֽיַּעֲשׂ֖וּ כִּדְבַ֥ר מֹשֶֽׁה׃ פ

ẇmipėţaẖ֩ ʼò֨hel mòwʻé֜d lò֤ʼ ţéֽẕĕʼẇ֙ pėn־ţá̇mu֔ţẇ ki̇y־şě֛men mişĕ̌ẖa֥ţ yĕhwá֖h ʻàléyke֑m waֽyȧʻàş֖̂ẇ ki̇dĕba֥r mòşěֽh׃ p

8
וַיְדַבֵּ֣ר יְהוָ֔ה אֶֽל־אַהֲרֹ֖ן לֵאמֹֽר׃

wayĕdabé֣̇r yĕhwá֔h ʼeֽl־ʼahàrò֖n léʼmòֽr׃

9
יַ֣יִן וְשֵׁכָ֞ר אַל־תֵּ֣שְׁתְּ׀ אַתָּ֣ה׀ וּבָנֶ֣יךָ אִתָּ֗ךְ בְּבֹאֲכֶ֛ם אֶל־אֹ֥הֶל מֹועֵ֖ד וְלֹ֣א תָמֻ֑תוּ חֻקַּ֥ת עֹולָ֖ם לְדֹרֹתֵיכֶֽם׃

ya֣yin wĕşé̌ká֞r ʼal־ţé֣̇şĕ̌ţĕ̇׀ ʼaţá֣̇h׀ ẇbáne֣yká ʼiţá̇֗kĕ bĕ̇bòʼàke֛m ʼel־ʼò֥hel mòwʻé֖d wĕlò֣ʼ ţámu֑ţẇ ẖuqȧ֥ţ ʻòwlá֖m lĕdòròţéykeֽm׃

10
וּֽלֲהַבְדִּ֔יל בֵּ֥ין הַקֹּ֖דֶשׁ וּבֵ֣ין הַחֹ֑ל וּבֵ֥ין הַטָּמֵ֖א וּבֵ֥ין הַטָּהֹֽור׃

ẇֽlàhabĕdi̇֔yl bé֥̇yn haqò֖̇deş̌ ẇbé֣yn haẖò֑l ẇbé֥yn hatá̇mé֖ʼ ẇbé֥yn hatá̇hòֽwr׃

11
וּלְהֹורֹ֖ת אֶת־בְּנֵ֣י יִשְׂרָאֵ֑ל אֵ֚ת כָּל־הַ֣חֻקִּ֔ים אֲשֶׁ֨ר דִּבֶּ֧ר יְהוָ֛ה אֲלֵיהֶ֖ם בְּיַד־מֹשֶֽׁה׃ פ

ẇlĕhòwrò֖ţ ʼeţ־bĕ̇né֣y yişĕ̂ráʼé֑l ʼé֚ţ ká̇l־ha֣ẖuqi̇֔ym ʼàşě֨r di̇bė֧r yĕhwá֛h ʼàléyhe֖m bĕ̇yad־mòşěֽh׃ p

12
וַיְדַבֵּ֨ר מֹשֶׁ֜ה אֶֽל־אַהֲרֹ֗ן וְאֶ֣ל אֶ֠לְעָזָר וְאֶל־אִ֨יתָמָ֥ר׀ בָּנָיו֮ הַנֹּֽותָרִים֒ קְח֣וּ אֶת־הַמִּנְחָ֗ה הַנֹּותֶ֨רֶת֙ מֵאִשֵּׁ֣י יְהוָ֔ה וְאִכְל֥וּהָ מַצֹּ֖ות אֵ֣צֶל הַמִּזְבֵּ֑חַ כִּ֛י קֹ֥דֶשׁ קָֽדָשִׁ֖ים הִֽוא׃

wayĕdabé̇֨r mòşě֜h ʼeֽl־ʼahàrò֗n wĕʼe֣l ʼe֠lĕʻázár wĕʼel־ʼi֨yţámá֥r׀ bá̇náyw֮ hanòֽ̇wţáriym֒ qĕẖ֣ẇ ʼeţ־hami̇nĕẖá֗h hanò̇wţe֨reţ֙ méʼişé֣̇̌y yĕhwá֔h wĕʼikĕl֥ẇhá maẕò֖̇wţ ʼé֣ẕel hami̇zĕbé֑̇ẖa ki֛̇y qò֥deş̌ qáֽdáşǐ֖ym hiֽwʼ׃

13
וַאֲכַלְתֶּ֤ם אֹתָהּ֙ בְּמָקֹ֣ום קָדֹ֔שׁ כִּ֣י חָקְךָ֤ וְחָק־בָּנֶ֨יךָ֙ הִ֔וא מֵאִשֵּׁ֖י יְהוָ֑ה כִּי־כֵ֖ן צֻוֵּֽיתִי׃

waʼàkalĕţė֤m ʼòţáḣ֙ bĕ̇máqò֣wm qádò֔ş̌ ki֣̇y ẖáqĕká֤ wĕẖáq־bá̇ne֨yká֙ hi֔wʼ méʼişé֖̇̌y yĕhwá֑h ki̇y־ké֖n ẕuwéֽ̇yţiy׃

14
וְאֵת֩ חֲזֵ֨ה הַתְּנוּפָ֜ה וְאֵ֣ת׀ שֹׁ֣וק הַתְּרוּמָ֗ה תֹּֽאכְלוּ֙ בְּמָקֹ֣ום טָהֹ֔ור אַתָּ֕ה וּבָנֶ֥יךָ וּבְנֹתֶ֖יךָ אִתָּ֑ךְ כִּֽי־חָקְךָ֤ וְחָק־בָּנֶ֨יךָ֙ נִתְּנ֔וּ מִזִּבְחֵ֥י שַׁלְמֵ֖י בְּנֵ֥י יִשְׂרָאֵֽל׃

wĕʼéţ֩ ẖàzé֨h haţĕ̇nẇpá֜h wĕʼé֣ţ׀ şò֣̌wq haţĕ̇rẇmá֗h ţòֽ̇ʼkĕlẇ֙ bĕ̇máqò֣wm táhò֔wr ʼaţá̇֕h ẇbáne֥yká ẇbĕnòţe֖yká ʼiţá֑̇kĕ kiֽ̇y־ẖáqĕká֤ wĕẖáq־bá̇ne֨yká֙ niţĕ̇n֔ẇ mizi̇bĕẖé֥y şǎlĕmé֖y bĕ̇né֥y yişĕ̂ráʼéֽl׃

15
שֹׁ֣וק הַתְּרוּמָ֞ה וַחֲזֵ֣ה הַתְּנוּפָ֗ה עַ֣ל אִשֵּׁ֤י הַחֲלָבִים֙ יָבִ֔יאוּ לְהָנִ֥יף תְּנוּפָ֖ה לִפְנֵ֣י יְהוָ֑ה וְהָיָ֨ה לְךָ֜ וּלְבָנֶ֤יךָ אִתְּךָ֙ לְחָק־עֹולָ֔ם כַּאֲשֶׁ֖ר צִוָּ֥ה יְהוָֽה׃

şò֣̌wq haţĕ̇rẇmá֞h waẖàzé֣h haţĕ̇nẇpá֗h ʻa֣l ʼişé֤̇̌y haẖàlábiym֙ yábi֔yʼẇ lĕháni֥yp ţĕ̇nẇpá֖h lipĕné֣y yĕhwá֑h wĕháyá֨h lĕká֜ ẇlĕbáne֤yká ʼiţĕ̇ká֙ lĕẖáq־ʻòwlá֔m kȧʼàşě֖r ẕiwá֥̇h yĕhwáֽh׃

16
וְאֵ֣ת׀ שְׂעִ֣יר הַֽחַטָּ֗את דָּרֹ֥שׁ דָּרַ֛שׁ מֹשֶׁ֖ה וְהִנֵּ֣ה שֹׂרָ֑ף וַ֠יִּקְצֹף עַל־אֶלְעָזָ֤ר וְעַל־אִֽיתָמָר֙ בְּנֵ֣י אַהֲרֹ֔ן הַנֹּותָרִ֖ם לֵאמֹֽר׃

wĕʼé֣ţ׀ şĕ̂ʻi֣yr haֽẖatá̇֗ʼţ dá̇rò֥ş̌ dá̇ra֛ş̌ mòşě֖h wĕhiné֣̇h şò̂rá֑p wa֠yi̇qĕẕòp ʻal־ʼelĕʻázá֤r wĕʻal־ʼiֽyţámár֙ bĕ̇né֣y ʼahàrò֔n hanò̇wţári֖m léʼmòֽr׃

17
מַדּ֗וּעַ לֹֽא־אֲכַלְתֶּ֤ם אֶת־הַחַטָּאת֙ בִּמְקֹ֣ום הַקֹּ֔דֶשׁ כִּ֛י קֹ֥דֶשׁ קָֽדָשִׁ֖ים הִ֑וא וְאֹתָ֣הּ׀ נָתַ֣ן לָכֶ֗ם לָשֵׂאת֙ אֶת־עֲוֹ֣ן הָעֵדָ֔ה לְכַפֵּ֥ר עֲלֵיהֶ֖ם לִפְנֵ֥י יְהוָֽה׃

maḋ֗ẇʻa lòֽʼ־ʼàkalĕţė֤m ʼeţ־haẖatá̇ʼţ֙ bi̇mĕqò֣wm haqò̇֔deş̌ ki֛̇y qò֥deş̌ qáֽdáşǐ֖ym hi֑wʼ wĕʼòţá֣ḣ׀ náţa֣n láke֗m láşé̂ʼţ֙ ʼeţ־ʻàwò֣n háʻédá֔h lĕkapé֥̇r ʻàléyhe֖m lipĕné֥y yĕhwáֽh׃

18
הֵ֚ן לֹא־הוּבָ֣א אֶת־דָּמָ֔הּ אֶל־הַקֹּ֖דֶשׁ פְּנִ֑ימָה אָכֹ֨ול תֹּאכְל֥וּ אֹתָ֛הּ בַּקֹּ֖דֶשׁ כַּאֲשֶׁ֥ר צִוֵּֽיתִי׃

hé֚n lòʼ־hẇbá֣ʼ ʼeţ־dá̇má֔ḣ ʼel־haqò֖̇deş̌ pĕ̇ni֑ymáh ʼákò֨wl ţò̇ʼkĕl֥ẇ ʼòţá֛ḣ bȧqò֖̇deş̌ kȧʼàşě֥r ẕiwéֽ̇yţiy׃

19
וַיְדַבֵּ֨ר אַהֲרֹ֜ן אֶל־מֹשֶׁ֗ה הֵ֣ן הַ֠יֹּום הִקְרִ֨יבוּ אֶת־חַטָּאתָ֤ם וְאֶת־עֹֽלָתָם֙ לִפְנֵ֣י יְהוָ֔ה וַתִּקְרֶ֥אנָה אֹתִ֖י כָּאֵ֑לֶּה וְאָכַ֤לְתִּי חַטָּאת֙ הַיֹּ֔ום הַיִּיטַ֖ב בְּעֵינֵ֥י יְהוָֽה׃

wayĕdabé̇֨r ʼahàrò֜n ʼel־mòşě֗h hé֣n ha֠yò̇wm hiqĕri֨ybẇ ʼeţ־ẖatá̇ʼţá֤m wĕʼeţ־ʻòֽláţám֙ lipĕné֣y yĕhwá֔h waţi̇qĕre֥ʼnáh ʼòţi֖y ká̇ʼé֑lėh wĕʼáka֤lĕţi̇y ẖatá̇ʼţ֙ hayò̇֔wm hayi̇yta֖b bĕ̇ʻéyné֥y yĕhwáֽh׃

20
וַיִּשְׁמַ֣ע מֹשֶׁ֔ה וַיִּיטַ֖ב בְּעֵינָֽיו׃ פ

wayi̇şĕ̌ma֣ʻ mòşě֔h wayi̇yta֖b bĕ̇ʻéynáֽyw׃ p