Bibles in ancient languages
Old translations
Modern translations

Biblia Hebraica Stuttgartiensia Leviticus 11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֧ר יְהוָ֛ה אֶל־מֹשֶׁ֥ה וְאֶֽל־אַהֲרֹ֖ן לֵאמֹ֥ר אֲלֵהֶֽם׃

wayĕdabé֧̇r yĕhwá֛h ʼel־mòşě֥h wĕʼeֽl־ʼahàrò֖n léʼmò֥r ʼàléheֽm׃

2
דַּבְּר֛וּ אֶל־בְּנֵ֥י יִשְׂרָאֵ֖ל לֵאמֹ֑ר זֹ֤את הַֽחַיָּה֙ אֲשֶׁ֣ר תֹּאכְל֔וּ מִכָּל־הַבְּהֵמָ֖ה אֲשֶׁ֥ר עַל־הָאָֽרֶץ׃

dȧbĕ̇r֛ẇ ʼel־bĕ̇né֥y yişĕ̂ráʼé֖l léʼmò֑r zò֤ʼţ haֽẖayá̇h֙ ʼàşě֣r ţò̇ʼkĕl֔ẇ miká̇l־habĕ̇hémá֖h ʼàşě֥r ʻal־háʼáֽreẕ׃

3
כֹּ֣ל׀ מַפְרֶ֣סֶת פַּרְסָ֗ה וְשֹׁסַ֤עַת שֶׁ֨סַע֙ פְּרָסֹ֔ת מַעֲלַ֥ת גֵּרָ֖ה בַּבְּהֵמָ֑ה אֹתָ֖הּ תֹּאכֵֽלוּ׃

kò֣̇l׀ mapĕre֣seţ pȧrĕsá֗h wĕşò̌sa֤ʻaţ şě֨saʻ֙ pĕ̇rásò֔ţ maʻàla֥ţ gé̇rá֖h bȧbĕ̇hémá֑h ʼòţá֖ḣ ţò̇ʼkéֽlẇ׃

4
אַ֤ךְ אֶת־זֶה֙ לֹ֣א תֹֽאכְל֔וּ מִֽמַּעֲלֵי֙ הַגֵּרָ֔ה וּמִמַּפְרִיסֵ֖י הַפַּרְסָ֑ה אֶֽת־הַ֠גָּמָל כִּֽי־מַעֲלֵ֨ה גֵרָ֜ה ה֗וּא וּפַרְסָה֙ אֵינֶ֣נּוּ מַפְרִ֔יס טָמֵ֥א ה֖וּא לָכֶֽם׃

ʼa֤kĕ ʼeţ־zeh֙ lò֣ʼ ţòֽʼkĕl֔ẇ miֽmȧʻàléy֙ hagé̇rá֔h ẇmimȧpĕriysé֖y hapȧrĕsá֑h ʼeֽţ־ha֠gá̇mál kiֽ̇y־maʻàlé֨h gérá֜h h֗ẇʼ ẇparĕsáh֙ ʼéyne֣ṅẇ mapĕri֔ys támé֥ʼ h֖ẇʼ lákeֽm׃

5
וְאֶת־הַשָּׁפָ֗ן כִּֽי־מַעֲלֵ֤ה גֵרָה֙ ה֔וּא וּפַרְסָ֖ה לֹ֣א יַפְרִ֑יס טָמֵ֥א ה֖וּא לָכֶֽם׃

wĕʼeţ־haşá̇̌pá֗n kiֽ̇y־maʻàlé֤h géráh֙ h֔ẇʼ ẇparĕsá֖h lò֣ʼ yapĕri֑ys támé֥ʼ h֖ẇʼ lákeֽm׃

6
וְאֶת־הָאַרְנֶ֗בֶת כִּֽי־מַעֲלַ֤ת גֵּרָה֙ הִ֔וא וּפַרְסָ֖ה לֹ֣א הִפְרִ֑יסָה טְמֵאָ֥ה הִ֖וא לָכֶֽם׃

wĕʼeţ־háʼarĕne֗beţ kiֽ̇y־maʻàla֤ţ gé̇ráh֙ hi֔wʼ ẇparĕsá֖h lò֣ʼ hipĕri֑ysáh tĕméʼá֥h hi֖wʼ lákeֽm׃

7
וְאֶת־הַ֠חֲזִיר כִּֽי־מַפְרִ֨יס פַּרְסָ֜ה ה֗וּא וְשֹׁסַ֥ע שֶׁ֨סַע֙ פַּרְסָ֔ה וְה֖וּא גֵּרָ֣ה לֹֽא־יִגָּ֑ר טָמֵ֥א ה֖וּא לָכֶֽם׃

wĕʼeţ־ha֠ẖàziyr kiֽ̇y־mapĕri֨ys pȧrĕsá֜h h֗ẇʼ wĕşò̌sa֥ʻ şě֨saʻ֙ pȧrĕsá֔h wĕh֖ẇʼ gé̇rá֣h lòֽʼ־yigá֑̇r támé֥ʼ h֖ẇʼ lákeֽm׃

8
מִבְּשָׂרָם֙ לֹ֣א תֹאכֵ֔לוּ וּבְנִבְלָתָ֖ם לֹ֣א תִגָּ֑עוּ טְמֵאִ֥ים הֵ֖ם לָכֶֽם׃

mibĕ̇şá̂rám֙ lò֣ʼ ţòʼké֔lẇ ẇbĕnibĕláţá֖m lò֣ʼ ţigá֑̇ʻẇ tĕméʼi֥ym hé֖m lákeֽm׃

9
אֶת־זֶה֙ תֹּֽאכְל֔וּ מִכֹּ֖ל אֲשֶׁ֣ר בַּמָּ֑יִם כֹּ֣ל אֲשֶׁר־לֹו֩ סְנַפִּ֨יר וְקַשְׂקֶ֜שֶׂת בַּמַּ֗יִם בַּיַּמִּ֛ים וּבַנְּחָלִ֖ים אֹתָ֥ם תֹּאכֵֽלוּ׃

ʼeţ־zeh֙ ţòֽ̇ʼkĕl֔ẇ mikò֖̇l ʼàşě֣r bȧmá֑̇yim kò֣̇l ʼàşěr־lòw֩ sĕnapi̇֨yr wĕqaşĕ̂qe֜şêţ bȧmȧ֗yim bȧyȧmi֛̇ym ẇbanĕ̇ẖáli֖ym ʼòţá֥m ţò̇ʼkéֽlẇ׃

10
וְכֹל֩ אֲשֶׁ֨ר אֵֽין־לֹ֜ו סְנַפִּ֣יר וְקַשְׂקֶ֗שֶׂת אֲשֶׁ֣ר בַּמָּ֑יִם בַּיַּמִּים֙ וּבַנְּחָלִ֔ים מִכֹּל֙ שֶׁ֣רֶץ הַמַּ֔יִם וּמִכֹּ֛ל נֶ֥פֶשׁ הַחַיָּ֖ה שֶׁ֥קֶץ הֵ֖ם לָכֶֽם׃

wĕkòl֩ ʼàşě֨r ʼéֽyn־lò֜w sĕnapi֣̇yr wĕqaşĕ̂qe֗şêţ ʼàşě֣r bȧmá֑̇yim bȧyȧmi̇ym֙ ẇbanĕ̇ẖáli֔ym mikò̇l֙ şě֣reẕ hamȧ֔yim ẇmikò֛̇l ne֥peş̌ haẖayá֖̇h şě֥qeẕ hé֖m lákeֽm׃

11
וְשֶׁ֖קֶץ יִהְי֣וּ לָכֶ֑ם מִבְּשָׂרָם֙ לֹ֣א תֹאכֵ֔לוּ וְאֶת־נִבְלָתָ֖ם תְּשַׁקֵּֽצוּ׃

wĕşě֖qeẕ yihĕy֣ẇ láke֑m mibĕ̇şá̂rám֙ lò֣ʼ ţòʼké֔lẇ wĕʼeţ־nibĕláţá֖m ţĕ̇şǎqéֽ̇ẕẇ׃

12
כֹּ֣ל אֲשֶׁ֥ר אֵֽין־לֹ֛ו סְנַפִּ֥יר וְקַשְׂקֶ֖שֶׂת בַּמָּ֑יִם שֶׁ֥קֶץ ה֖וּא לָכֶֽם׃

kò֣̇l ʼàşě֥r ʼéֽyn־lò֛w sĕnapi֥̇yr wĕqaşĕ̂qe֖şêţ bȧmá֑̇yim şě֥qeẕ h֖ẇʼ lákeֽm׃

13
וְאֶת־אֵ֨לֶּה֙ תְּשַׁקְּצ֣וּ מִן־הָעֹ֔וף לֹ֥א יֵאָכְל֖וּ שֶׁ֣קֶץ הֵ֑ם אֶת־הַנֶּ֨שֶׁר֙ וְאֶת־הַפֶּ֔רֶס וְאֵ֖ת הָעָזְנִיָּֽה׃

wĕʼeţ־ʼé֨lėh֙ ţĕ̇şǎqĕ̇ẕ֣ẇ min־háʻò֔wp lò֥ʼ yéʼákĕl֖ẇ şě֣qeẕ hé֑m ʼeţ־hanė֨şěr֙ wĕʼeţ־hapė֔res wĕʼé֖ţ háʻázĕniyáֽ̇h׃

14
וְאֶת־הַ֨דָּאָ֔ה וְאֶת־הָאַיָּ֖ה לְמִינָֽהּ׃

wĕʼeţ־ha֨dá̇ʼá֔h wĕʼeţ־háʼayá֖̇h lĕmiynáֽḣ׃

15
אֵ֥ת כָּל־עֹרֵ֖ב לְמִינֹֽו׃

ʼé֥ţ ká̇l־ʻòré֖b lĕmiynòֽw׃

16
וְאֵת֙ בַּ֣ת הַֽיַּעֲנָ֔ה וְאֶת־הַתַּחְמָ֖ס וְאֶת־הַשָּׁ֑חַף וְאֶת־הַנֵּ֖ץ לְמִינֵֽהוּ׃

wĕʼéţ֙ bȧ֣ţ haֽyȧʻàná֔h wĕʼeţ־haţȧẖĕmá֖s wĕʼeţ־haşá֑̇̌ẖap wĕʼeţ־hané֖̇ẕ lĕmiynéֽhẇ׃

17
וְאֶת־הַכֹּ֥וס וְאֶת־הַשָּׁלָ֖ךְ וְאֶת־הַיַּנְשֽׁוּף׃

wĕʼeţ־hakò֥̇ws wĕʼeţ־haşá̇̌lá֖kĕ wĕʼeţ־hayȧnĕşֽ̌ẇp׃

18
וְאֶת־הַתִּנְשֶׁ֥מֶת וְאֶת־הַקָּאָ֖ת וְאֶת־הָרָחָֽם׃

wĕʼeţ־haţi̇nĕşě֥meţ wĕʼeţ־haqá̇ʼá֖ţ wĕʼeţ־háráẖáֽm׃

19
וְאֵת֙ הַחֲסִידָ֔ה הָאֲנָפָ֖ה לְמִינָ֑הּ וְאֶת־הַדּוּכִיפַ֖ת וְאֶת־הָעֲטַלֵּֽף׃

wĕʼéţ֙ haẖàsiydá֔h háʼànápá֖h lĕmiyná֑ḣ wĕʼeţ־haḋẇkiypa֖ţ wĕʼeţ־háʻàtaléֽ̇p׃

20
כֹּ֚ל שֶׁ֣רֶץ הָעֹ֔וף הַהֹלֵ֖ךְ עַל־אַרְבַּ֑ע שֶׁ֥קֶץ ה֖וּא לָכֶֽם׃ ס

kò֚̇l şě֣reẕ háʻò֔wp hahòlé֖kĕ ʻal־ʼarĕbȧ֑ʻ şě֥qeẕ h֖ẇʼ lákeֽm׃ s

21
אַ֤ךְ אֶת־זֶה֙ תֹּֽאכְל֔וּ מִכֹּל֙ שֶׁ֣רֶץ הָעֹ֔וף הַהֹלֵ֖ךְ עַל־אַרְבַּ֑ע אֲשֶׁר־לֹא כְרָעַ֨יִם֙ מִמַּ֣עַל לְרַגְלָ֔יו לְנַתֵּ֥ר בָּהֵ֖ן עַל־הָאָֽרֶץ׃

ʼa֤kĕ ʼeţ־zeh֙ ţòֽ̇ʼkĕl֔ẇ mikò̇l֙ şě֣reẕ háʻò֔wp hahòlé֖kĕ ʻal־ʼarĕbȧ֑ʻ ʼàşěr־lòʼ kĕráʻa֨yim֙ mimȧ֣ʻal lĕragĕlá֔yw lĕnaţé֥̇r bá̇hé֖n ʻal־háʼáֽreẕ׃

22
אֶת־אֵ֤לֶּה מֵהֶם֙ תֹּאכֵ֔לוּ אֶת־הָֽאַרְבֶּ֣ה לְמִינֹ֔ו וְאֶת־הַסָּלְעָ֖ם לְמִינֵ֑הוּ וְאֶת־הַחַרְגֹּ֣ל לְמִינֵ֔הוּ וְאֶת־הֶחָגָ֖ב לְמִינֵֽהוּ׃

ʼeţ־ʼé֤lėh méhem֙ ţò̇ʼké֔lẇ ʼeţ־háֽʼarĕbė֣h lĕmiynò֔w wĕʼeţ־hasá̇lĕʻá֖m lĕmiyné֑hẇ wĕʼeţ־haẖarĕgò֣̇l lĕmiyné֔hẇ wĕʼeţ־heẖágá֖b lĕmiynéֽhẇ׃

23
וְכֹל֙ שֶׁ֣רֶץ הָעֹ֔וף אֲשֶׁר־לֹ֖ו אַרְבַּ֣ע רַגְלָ֑יִם שֶׁ֥קֶץ ה֖וּא לָכֶֽם׃

wĕkòl֙ şě֣reẕ háʻò֔wp ʼàşěr־lò֖w ʼarĕbȧ֣ʻ ragĕlá֑yim şě֥qeẕ h֖ẇʼ lákeֽm׃

24
וּלְאֵ֖לֶּה תִּטַּמָּ֑אוּ כָּל־הַנֹּגֵ֥עַ בְּנִבְלָתָ֖ם יִטְמָ֥א עַד־הָעָֽרֶב׃

ẇlĕʼé֖lėh ţi̇tȧmá֑̇ʼẇ ká̇l־hanò̇gé֥ʻa bĕ̇nibĕláţá֖m yitĕmá֥ʼ ʻad־háʻáֽreb׃

25
וְכָל־הַנֹּשֵׂ֖א מִנִּבְלָתָ֑ם יְכַבֵּ֥ס בְּגָדָ֖יו וְטָמֵ֥א עַד־הָעָֽרֶב׃

wĕkál־hanò̇şé֖̂ʼ mini̇bĕláţá֑m yĕkabé֥̇s bĕ̇gádá֖yw wĕtámé֥ʼ ʻad־háʻáֽreb׃

26
לְֽכָל־הַבְּהֵמָ֡ה אֲשֶׁ֣ר הִוא֩ מַפְרֶ֨סֶת פַּרְסָ֜ה וְשֶׁ֣סַע׀ אֵינֶ֣נָּה שֹׁסַ֗עַת וְגֵרָה֙ אֵינֶ֣נָּה מַעֲלָ֔ה טְמֵאִ֥ים הֵ֖ם לָכֶ֑ם כָּל־הַנֹּגֵ֥עַ בָּהֶ֖ם יִטְמָֽא׃

lĕֽkál־habĕ̇hémá֡h ʼàşě֣r hiwʼ֩ mapĕre֨seţ pȧrĕsá֜h wĕşě֣saʻ׀ ʼéyne֣ná̇h şò̌sa֗ʻaţ wĕgéráh֙ ʼéyne֣ná̇h maʻàlá֔h tĕméʼi֥ym hé֖m láke֑m ká̇l־hanò̇gé֥ʻa bá̇he֖m yitĕmáֽʼ׃

27
וְכֹ֣ל׀ הֹולֵ֣ךְ עַל־כַּפָּ֗יו בְּכָל־הַֽחַיָּה֙ הַהֹלֶ֣כֶת עַל־אַרְבַּ֔ע טְמֵאִ֥ים הֵ֖ם לָכֶ֑ם כָּל־הַנֹּגֵ֥עַ בְּנִבְלָתָ֖ם יִטְמָ֥א עַד־הָעָֽרֶב׃

wĕkò֣l׀ hòwlé֣kĕ ʻal־kȧpá̇֗yw bĕ̇kál־haֽẖayá̇h֙ hahòle֣keţ ʻal־ʼarĕbȧ֔ʻ tĕméʼi֥ym hé֖m láke֑m ká̇l־hanò̇gé֥ʻa bĕ̇nibĕláţá֖m yitĕmá֥ʼ ʻad־háʻáֽreb׃

28
וְהַנֹּשֵׂא֙ אֶת־נִבְלָתָ֔ם יְכַבֵּ֥ס בְּגָדָ֖יו וְטָמֵ֣א עַד־הָעָ֑רֶב טְמֵאִ֥ים הֵ֖מָּה לָכֶֽם׃ ס

wĕhanò̇şé̂ʼ֙ ʼeţ־nibĕláţá֔m yĕkabé֥̇s bĕ̇gádá֖yw wĕtámé֣ʼ ʻad־háʻá֑reb tĕméʼi֥ym hé֖má̇h lákeֽm׃ s

29
וְזֶ֤ה לָכֶם֙ הַטָּמֵ֔א בַּשֶּׁ֖רֶץ הַשֹּׁרֵ֣ץ עַל־הָאָ֑רֶץ הַחֹ֥לֶד וְהָעַכְבָּ֖ר וְהַצָּ֥ב לְמִינֵֽהוּ׃

wĕze֤h lákem֙ hatá̇mé֔ʼ bȧşė֖̌reẕ haşò̇̌ré֣ẕ ʻal־háʼá֑reẕ haẖò֥led wĕháʻakĕbá֖̇r wĕhaẕá֥̇b lĕmiynéֽhẇ׃

30
וְהָאֲנָקָ֥ה וְהַכֹּ֖חַ וְהַלְּטָאָ֑ה וְהַחֹ֖מֶט וְהַתִּנְשָֽׁמֶת׃

wĕháʼànáqá֥h wĕhakò֖̇ẖa wĕhalĕ̇táʼá֑h wĕhaẖò֖met wĕhaţi̇nĕşáֽ̌meţ׃

31
אֵ֛לֶּה הַטְּמֵאִ֥ים לָכֶ֖ם בְּכָל־הַשָּׁ֑רֶץ כָּל־הַנֹּגֵ֧עַ בָּהֶ֛ם בְּמֹתָ֖ם יִטְמָ֥א עַד־הָעָֽרֶב׃

ʼé֛lėh hatĕ̇méʼi֥ym láke֖m bĕ̇kál־haşá֑̇̌reẕ ká̇l־hanò̇gé֧ʻa bá̇he֛m bĕ̇mòţá֖m yitĕmá֥ʼ ʻad־háʻáֽreb׃

32
וְכֹ֣ל אֲשֶׁר־יִפֹּל־עָלָיו֩ מֵהֶ֨ם׀ בְּמֹתָ֜ם יִטְמָ֗א מִכָּל־כְּלִי־עֵץ֙ אֹ֣ו בֶ֤גֶד אֹו־עֹור֙ אֹ֣ו שָׂ֔ק כָּל־כְּלִ֕י אֲשֶׁר־יֵעָשֶׂ֥ה מְלָאכָ֖ה בָּהֶ֑ם בַּמַּ֧יִם יוּבָ֛א וְטָמֵ֥א עַד־הָעֶ֖רֶב וְטָהֵֽר׃

wĕkò֣l ʼàşěr־yipò̇l־ʻáláyw֩ méhe֨m׀ bĕ̇mòţá֜m yitĕmá֗ʼ miká̇l־kĕ̇liy־ʻéẕ֙ ʼò֣w be֤ged ʼòw־ʻòwr֙ ʼò֣w şá̂֔q ká̇l־kĕ̇li֕y ʼàşěr־yéʻáşê֥h mĕláʼká֖h bá̇he֑m bȧmȧ֧yim yẇbá֛ʼ wĕtámé֥ʼ ʻad־háʻe֖reb wĕtáhéֽr׃

33
וְכָל־כְּלִי־חֶ֔רֶשׂ אֲשֶׁר־יִפֹּ֥ל מֵהֶ֖ם אֶל־תֹּוכֹ֑ו כֹּ֣ל אֲשֶׁ֧ר בְּתֹוכֹ֛ו יִטְמָ֖א וְאֹתֹ֥ו תִשְׁבֹּֽרוּ׃

wĕkál־kĕ̇liy־ẖe֔reş̂ ʼàşěr־yipò֥̇l méhe֖m ʼel־ţò̇wkò֑w kò֣̇l ʼàşě֧r bĕ̇ţòwkò֛w yitĕmá֖ʼ wĕʼòţò֥w ţişĕ̌bòֽ̇rẇ׃

34
מִכָּל־הָאֹ֜כֶל אֲשֶׁ֣ר יֵאָכֵ֗ל אֲשֶׁ֨ר יָבֹ֥וא עָלָ֛יו מַ֖יִם יִטְמָ֑א וְכָל־מַשְׁקֶה֙ אֲשֶׁ֣ר יִשָּׁתֶ֔ה בְּכָל־כְּלִ֖י יִטְמָֽא׃

miká̇l־háʼò֜kel ʼàşě֣r yéʼáké֗l ʼàşě֨r yábò֥wʼ ʻálá֛yw ma֖yim yitĕmá֑ʼ wĕkál־maşĕ̌qeh֙ ʼàşě֣r yişá̇̌ţe֔h bĕ̇kál־kĕ̇li֖y yitĕmáֽʼ׃

35
וְ֠כֹל אֲשֶׁר־יִפֹּ֨ל מִנִּבְלָתָ֥ם׀ עָלָיו֮ יִטְמָא֒ תַּנּ֧וּר וְכִירַ֛יִם יֻתָּ֖ץ טְמֵאִ֣ים הֵ֑ם וּטְמֵאִ֖ים יִהְי֥וּ לָכֶֽם׃

wĕ֠kòl ʼàşěr־yipò̇֨l mini̇bĕláţá֥m׀ ʻáláyw֮ yitĕmáʼ֒ ţȧṅ֧ẇr wĕkiyra֛yim yuţá֖̇ẕ tĕméʼi֣ym hé֑m ẇtĕméʼi֖ym yihĕy֥ẇ lákeֽm׃

36
אַ֣ךְ מַעְיָ֥ן וּבֹ֛ור מִקְוֵה־מַ֖יִם יִהְיֶ֣ה טָהֹ֑ור וְנֹגֵ֥עַ בְּנִבְלָתָ֖ם יִטְמָֽא׃

ʼa֣kĕ maʻĕyá֥n ẇbò֛wr miqĕwéh־ma֖yim yihĕye֣h táhò֑wr wĕnògé֥ʻa bĕ̇nibĕláţá֖m yitĕmáֽʼ׃

37
וְכִ֤י יִפֹּל֙ מִנִּבְלָתָ֔ם עַל־כָּל־זֶ֥רַע זֵר֖וּעַ אֲשֶׁ֣ר יִזָּרֵ֑עַ טָהֹ֖ור הֽוּא׃

wĕki֤y yipò̇l֙ mini̇bĕláţá֔m ʻal־ká̇l־ze֥raʻ zér֖ẇʻa ʼàşě֣r yizá̇ré֑ʻa táhò֖wr hֽẇʼ׃

38
וְכִ֤י יֻתַּן־מַ֨יִם֙ עַל־זֶ֔רַע וְנָפַ֥ל מִנִּבְלָתָ֖ם עָלָ֑יו טָמֵ֥א ה֖וּא לָכֶֽם׃ ס

wĕki֤y yuţȧn־ma֨yim֙ ʻal־ze֔raʻ wĕnápa֥l mini̇bĕláţá֖m ʻálá֑yw támé֥ʼ h֖ẇʼ lákeֽm׃ s

39
וְכִ֤י יָמוּת֙ מִן־הַבְּהֵמָ֔ה אֲשֶׁר־הִ֥יא לָכֶ֖ם לְאָכְלָ֑ה הַנֹּגֵ֥עַ בְּנִבְלָתָ֖הּ יִטְמָ֥א עַד־הָעָֽרֶב׃

wĕki֤y yámẇţ֙ min־habĕ̇hémá֔h ʼàşěr־hi֥yʼ láke֖m lĕʼákĕlá֑h hanò̇gé֥ʻa bĕ̇nibĕláţá֖ḣ yitĕmá֥ʼ ʻad־háʻáֽreb׃

40
וְהָֽאֹכֵל֙ מִנִּבְלָתָ֔הּ יְכַבֵּ֥ס בְּגָדָ֖יו וְטָמֵ֣א עַד־הָעָ֑רֶב וְהַנֹּשֵׂא֙ אֶת־נִבְלָתָ֔הּ יְכַבֵּ֥ס בְּגָדָ֖יו וְטָמֵ֥א עַד־הָעָֽרֶב׃

wĕháֽʼòkél֙ mini̇bĕláţá֔ḣ yĕkabé֥̇s bĕ̇gádá֖yw wĕtámé֣ʼ ʻad־háʻá֑reb wĕhanò̇şé̂ʼ֙ ʼeţ־nibĕláţá֔ḣ yĕkabé֥̇s bĕ̇gádá֖yw wĕtámé֥ʼ ʻad־háʻáֽreb׃

41
וְכָל־הַשֶּׁ֖רֶץ הַשֹּׁרֵ֣ץ עַל־הָאָ֑רֶץ שֶׁ֥קֶץ ה֖וּא לֹ֥א יֵאָכֵֽל׃

wĕkál־haşė֖̌reẕ haşò̇̌ré֣ẕ ʻal־háʼá֑reẕ şě֥qeẕ h֖ẇʼ lò֥ʼ yéʼákéֽl׃

42
כֹּל֩ הֹולֵ֨ךְ עַל־גָּחֹ֜ון וְכֹ֣ל׀ הֹולֵ֣ךְ עַל־אַרְבַּ֗ע עַ֚ד כָּל־מַרְבֵּ֣ה רַגְלַ֔יִם לְכָל־הַשֶּׁ֖רֶץ הַשֹּׁרֵ֣ץ עַל־הָאָ֑רֶץ לֹ֥א תֹאכְל֖וּם כִּי־שֶׁ֥קֶץ הֵֽם׃

kò̇l֩ hòwlé֨kĕ ʻal־gá̇ẖò֜wn wĕkò֣l׀ hòwlé֣kĕ ʻal־ʼarĕbȧ֗ʻ ʻa֚d ká̇l־marĕbé֣̇h ragĕla֔yim lĕkál־haşė֖̌reẕ haşò̇̌ré֣ẕ ʻal־háʼá֑reẕ lò֥ʼ ţòʼkĕl֖ẇm ki̇y־şě֥qeẕ héֽm׃

43
אַל־תְּשַׁקְּצוּ֙ אֶת־נַפְשֹׁ֣תֵיכֶ֔ם בְּכָל־הַשֶּׁ֖רֶץ הַשֹּׁרֵ֑ץ וְלֹ֤א תִֽטַּמְּאוּ֙ בָּהֶ֔ם וְנִטְמֵתֶ֖ם בָּֽם׃

ʼal־ţĕ̇şǎqĕ̇ẕẇ֙ ʼeţ־napĕşò֣̌ţéyke֔m bĕ̇kál־haşė֖̌reẕ haşò̇̌ré֑ẕ wĕlò֤ʼ ţiֽtȧmĕ̇ʼẇ֙ bá̇he֔m wĕnitĕméţe֖m báֽ̇m׃

44
כִּ֣י אֲנִ֣י יְהוָה֮ אֱלֹֽהֵיכֶם֒ וְהִתְקַדִּשְׁתֶּם֙ וִהְיִיתֶ֣ם קְדֹשִׁ֔ים כִּ֥י קָדֹ֖ושׁ אָ֑נִי וְלֹ֤א תְטַמְּאוּ֙ אֶת־נַפְשֹׁ֣תֵיכֶ֔ם בְּכָל־הַשֶּׁ֖רֶץ הָרֹמֵ֥שׂ עַל־הָאָֽרֶץ׃

ki֣̇y ʼàni֣y yĕhwáh֮ ʼèlòֽhéykem֒ wĕhiţĕqadi̇şĕ̌ţėm֙ wihĕyiyţe֣m qĕdòşǐ֔ym ki֥̇y qádò֖wş̌ ʼá֑niy wĕlò֤ʼ ţĕtamĕ̇ʼẇ֙ ʼeţ־napĕşò֣̌ţéyke֔m bĕ̇kál־haşė֖̌reẕ háròmé֥ş̂ ʻal־háʼáֽreẕ׃

45
כִּ֣י׀ אֲנִ֣י יְהוָ֗ה הַֽמַּעֲלֶ֤ה אֶתְכֶם֙ מֵאֶ֣רֶץ מִצְרַ֔יִם לִהְיֹ֥ת לָכֶ֖ם לֵאלֹהִ֑ים וִהְיִיתֶ֣ם קְדֹשִׁ֔ים כִּ֥י קָדֹ֖ושׁ אָֽנִי׃

ki֣̇y׀ ʼàni֣y yĕhwá֗h haֽmȧʻàle֤h ʼeţĕkem֙ méʼe֣reẕ miẕĕra֔yim lihĕyò֥ţ láke֖m léʼlòhi֑ym wihĕyiyţe֣m qĕdòşǐ֔ym ki֥̇y qádò֖wş̌ ʼáֽniy׃

46
זֹ֣את תֹּורַ֤ת הַבְּהֵמָה֙ וְהָעֹ֔וף וְכֹל֙ נֶ֣פֶשׁ הַֽחַיָּ֔ה הָרֹמֶ֖שֶׂת בַּמָּ֑יִם וּלְכָל־נֶ֖פֶשׁ הַשֹּׁרֶ֥צֶת עַל־הָאָֽרֶץ׃

zò֣ʼţ ţò̇wra֤ţ habĕ̇hémáh֙ wĕháʻò֔wp wĕkòl֙ ne֣peş̌ haֽẖayá̇֔h háròme֖şêţ bȧmá֑̇yim ẇlĕkál־ne֖peş̌ haşò̇̌re֥ẕeţ ʻal־háʼáֽreẕ׃

47
לְהַבְדִּ֕יל בֵּ֥ין הַטָּמֵ֖א וּבֵ֣ין הַטָּהֹ֑ר וּבֵ֤ין הַֽחַיָּה֙ הַֽנֶּאֱכֶ֔לֶת וּבֵין֙ הַֽחַיָּ֔ה אֲשֶׁ֖ר לֹ֥א תֵאָכֵֽל׃ פ

lĕhabĕdi̇֕yl bé֥̇yn hatá̇mé֖ʼ ẇbé֣yn hatá̇hò֑r ẇbé֤yn haֽẖayá̇h֙ haֽnėʼèke֔leţ ẇbéyn֙ haֽẖayá̇֔h ʼàşě֖r lò֥ʼ ţéʼákéֽl׃ p