Bibles in ancient languages
Old translations
Modern translations

Biblia Hebraica Stuttgartensia Lévitique 20

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
וְאֶל־בְּנֵ֣י יִשְׂרָאֵל֮ תֹּאמַר֒ אִ֣ישׁ אִישׁ֩ מִבְּנֵ֨י יִשְׂרָאֵ֜ל וּמִן־הַגֵּ֣ר׀ הַגָּ֣ר בְּיִשְׂרָאֵ֗ל אֲשֶׁ֨ר יִתֵּ֧ן מִזַּרְעֹ֛ו לַמֹּ֖לֶךְ מֹ֣ות יוּמָ֑ת עַ֥ם הָאָ֖רֶץ יִרְגְּמֻ֥הוּ בָאָֽבֶן׃

wĕʼel־bĕ̇né֣y yişĕ̂ráʼél֮ ţò̇ʼmar֒ ʼi֣yş̌ ʼiyş̌֩ mibĕ̇né֨y yişĕ̂ráʼé֜l ẇmin־hagé֣̇r׀ hagá֣̇r bĕ̇yişĕ̂ráʼé֗l ʼàşě֨r yiţé֧̇n mizȧrĕʻò֛w lamò֖̇lekĕ mò֣wţ yẇmá֑ţ ʻa֥m háʼá֖reẕ yirĕgĕ̇mu֥hẇ báʼáֽben׃

3
וַאֲנִ֞י אֶתֵּ֤ן אֶת־פָּנַי֙ בָּאִ֣ישׁ הַה֔וּא וְהִכְרַתִּ֥י אֹתֹ֖ו מִקֶּ֣רֶב עַמֹּ֑ו כִּ֤י מִזַּרְעֹו֙ נָתַ֣ן לַמֹּ֔לֶךְ לְמַ֗עַן טַמֵּא֙ אֶת־מִקְדָּשִׁ֔י וּלְחַלֵּ֖ל אֶת־שֵׁ֥ם קָדְשִֽׁי׃

waʼàni֞y ʼeţé֤̇n ʼeţ־pá̇nay֙ bá̇ʼi֣yş̌ hah֔ẇʼ wĕhikĕraţi֥̇y ʼòţò֖w miqė֣reb ʻamò֑̇w ki֤̇y mizȧrĕʻòw֙ náţa֣n lamò̇֔lekĕ lĕma֗ʻan tamé̇ʼ֙ ʼeţ־miqĕdá̇şǐ֔y ẇlĕẖalé֖̇l ʼeţ־şé֥̌m qádĕşǐֽy׃

4
וְאִ֡ם הַעְלֵ֣ם יַעְלִימֽוּ֩ עַ֨ם הָאָ֜רֶץ אֶת־עֵֽינֵיהֶם֙ מִן־הָאִ֣ישׁ הַה֔וּא בְּתִתֹּ֥ו מִזַּרְעֹ֖ו לַמֹּ֑לֶךְ לְבִלְתִּ֖י הָמִ֥ית אֹתֹֽו׃

wĕʼi֡m haʻĕlé֣m yaʻĕliymֽẇ֩ ʻa֨m háʼá֜reẕ ʼeţ־ʻéֽynéyhem֙ min־háʼi֣yş̌ hah֔ẇʼ bĕ̇ţiţò֥̇w mizȧrĕʻò֖w lamò֑̇lekĕ lĕbilĕţi֖̇y hámi֥yţ ʼòţòֽw׃

5
וְשַׂמְתִּ֨י אֲנִ֧י אֶת־פָּנַ֛י בָּאִ֥ישׁ הַה֖וּא וּבְמִשְׁפַּחְתֹּ֑ו וְהִכְרַתִּ֨י אֹתֹ֜ו וְאֵ֣ת׀ כָּל־הַזֹּנִ֣ים אַחֲרָ֗יו לִזְנֹ֛ות אַחֲרֵ֥י הַמֹּ֖לֶךְ מִקֶּ֥רֶב עַמָּֽם׃

wĕşâmĕţi̇֨y ʼàni֧y ʼeţ־pá̇na֛y bá̇ʼi֥yş̌ hah֖ẇʼ ẇbĕmişĕ̌pȧẖĕţò֑̇w wĕhikĕraţi̇֨y ʼòţò֜w wĕʼé֣ţ׀ ká̇l־hazò̇ni֣ym ʼaẖàrá֗yw lizĕnò֛wţ ʼaẖàré֥y hamò֖̇lekĕ miqė֥reb ʻamáֽ̇m׃

6
וְהַנֶּ֗פֶשׁ אֲשֶׁ֨ר תִּפְנֶ֤ה אֶל־הָֽאֹבֹת֙ וְאֶל־הַיִּדְּעֹנִ֔ים לִזְנֹ֖ות אַחֲרֵיהֶ֑ם וְנָתַתִּ֤י אֶת־פָּנַי֙ בַּנֶּ֣פֶשׁ הַהִ֔וא וְהִכְרַתִּ֥י אֹתֹ֖ו מִקֶּ֥רֶב עַמֹּֽו׃

wĕhanė֗peş̌ ʼàşě֨r ţi̇pĕne֤h ʼel־háֽʼòbòţ֙ wĕʼel־hayi̇dĕ̇ʻòni֔ym lizĕnò֖wţ ʼaẖàréyhe֑m wĕnáţaţi֤̇y ʼeţ־pá̇nay֙ bȧnė֣peş̌ hahi֔wʼ wĕhikĕraţi֥̇y ʼòţò֖w miqė֥reb ʻamòֽ̇w׃

7
וְהִ֨תְקַדִּשְׁתֶּ֔ם וִהְיִיתֶ֖ם קְדֹשִׁ֑ים כִּ֛י אֲנִ֥י יְהוָ֖ה אֱלֹהֵיכֶֽם׃

wĕhi֨ţĕqadi̇şĕ̌ţė֔m wihĕyiyţe֖m qĕdòşǐ֑ym ki֛̇y ʼàni֥y yĕhwá֖h ʼèlòhéykeֽm׃

8
וּשְׁמַרְתֶּם֙ אֶת־חֻקֹּתַ֔י וַעֲשִׂיתֶ֖ם אֹתָ֑ם אֲנִ֥י יְהוָ֖ה מְקַדִּשְׁכֶֽם׃

ẇşĕ̌marĕţėm֙ ʼeţ־ẖuqò̇ţa֔y waʻàşîyţe֖m ʼòţá֑m ʼàni֥y yĕhwá֖h mĕqadi̇şĕ̌keֽm׃

9
כִּֽי־אִ֣ישׁ אִ֗ישׁ אֲשֶׁ֨ר יְקַלֵּ֧ל אֶת־אָבִ֛יו וְאֶת־אִמֹּ֖ו מֹ֣ות יוּמָ֑ת אָבִ֧יו וְאִמֹּ֛ו קִלֵּ֖ל דָּמָ֥יו בֹּֽו׃

kiֽ̇y־ʼi֣yş̌ ʼi֗yş̌ ʼàşě֨r yĕqalé֧̇l ʼeţ־ʼábi֛yw wĕʼeţ־ʼimò֖̇w mò֣wţ yẇmá֑ţ ʼábi֧yw wĕʼimò֛̇w qilé֖̇l dá̇má֥yw bòֽ̇w׃

10
וְאִ֗ישׁ אֲשֶׁ֤ר יִנְאַף֙ אֶת־אֵ֣שֶׁת אִ֔ישׁ אֲשֶׁ֥ר יִנְאַ֖ף אֶת־אֵ֣שֶׁת רֵעֵ֑הוּ מֹֽות־יוּמַ֥ת הַנֹּאֵ֖ף וְהַנֹּאָֽפֶת׃

wĕʼi֗yş̌ ʼàşě֤r yinĕʼap֙ ʼeţ־ʼé֣şěţ ʼi֔yş̌ ʼàşě֥r yinĕʼa֖p ʼeţ־ʼé֣şěţ réʻé֑hẇ mòֽwţ־yẇma֥ţ hanò̇ʼé֖p wĕhanò̇ʼáֽpeţ׃

11
וְאִ֗ישׁ אֲשֶׁ֤ר יִשְׁכַּב֙ אֶת־אֵ֣שֶׁת אָבִ֔יו עֶרְוַ֥ת אָבִ֖יו גִּלָּ֑ה מֹֽות־יוּמְת֥וּ שְׁנֵיהֶ֖ם דְּמֵיהֶ֥ם בָּֽם׃

wĕʼi֗yş̌ ʼàşě֤r yişĕ̌kȧb֙ ʼeţ־ʼé֣şěţ ʼábi֔yw ʻerĕwa֥ţ ʼábi֖yw gi̇lá֑̇h mòֽwţ־yẇmĕţ֥ẇ şĕ̌néyhe֖m dĕ̇méyhe֥m báֽ̇m׃

12
וְאִ֗ישׁ אֲשֶׁ֤ר יִשְׁכַּב֙ אֶת־כַּלָּתֹ֔ו מֹ֥ות יוּמְת֖וּ שְׁנֵיהֶ֑ם תֶּ֥בֶל עָשׂ֖וּ דְּמֵיהֶ֥ם בָּֽם׃

wĕʼi֗yş̌ ʼàşě֤r yişĕ̌kȧb֙ ʼeţ־kȧlá̇ţò֔w mò֥wţ yẇmĕţ֖ẇ şĕ̌néyhe֑m ţė֥bel ʻáş֖̂ẇ dĕ̇méyhe֥m báֽ̇m׃

13
וְאִ֗ישׁ אֲשֶׁ֨ר יִשְׁכַּ֤ב אֶת־זָכָר֙ מִשְׁכְּבֵ֣י אִשָּׁ֔ה תֹּועֵבָ֥ה עָשׂ֖וּ שְׁנֵיהֶ֑ם מֹ֥ות יוּמָ֖תוּ דְּמֵיהֶ֥ם בָּֽם׃

wĕʼi֗yş̌ ʼàşě֨r yişĕ̌kȧ֤b ʼeţ־zákár֙ mişĕ̌kĕ̇bé֣y ʼişá̇̌֔h ţò̇wʻébá֥h ʻáş֖̂ẇ şĕ̌néyhe֑m mò֥wţ yẇmá֖ţẇ dĕ̇méyhe֥m báֽ̇m׃

14
וְאִ֗ישׁ אֲשֶׁ֨ר יִקַּ֧ח אֶת־אִשָּׁ֛ה וְאֶת־אִמָּ֖הּ זִמָּ֣ה הִ֑וא בָּאֵ֞שׁ יִשְׂרְפ֤וּ אֹתֹו֙ וְאֶתְהֶ֔ן וְלֹא־תִהְיֶ֥ה זִמָּ֖ה בְּתֹוכְכֶֽם׃

wĕʼi֗yş̌ ʼàşě֨r yiqȧ֧ẖ ʼeţ־ʼişá֛̇̌h wĕʼeţ־ʼimá֖̇ḣ zimá֣̇h hi֑wʼ bá̇ʼé֞ş̌ yişĕ̂rĕp֤ẇ ʼòţòw֙ wĕʼeţĕhe֔n wĕlòʼ־ţihĕye֥h zimá֖̇h bĕ̇ţòwkĕkeֽm׃

15
וְאִ֗ישׁ אֲשֶׁ֨ר יִתֵּ֧ן שְׁכָבְתֹּ֛ו בִּבְהֵמָ֖ה מֹ֣ות יוּמָ֑ת וְאֶת־הַבְּהֵמָ֖ה תַּהֲרֹֽגוּ׃

wĕʼi֗yş̌ ʼàşě֨r yiţé֧̇n şĕ̌kábĕţò֛̇w bi̇bĕhémá֖h mò֣wţ yẇmá֑ţ wĕʼeţ־habĕ̇hémá֖h ţȧhàròֽgẇ׃

16
וְאִשָּׁ֗ה אֲשֶׁ֨ר תִּקְרַ֤ב אֶל־כָּל־בְּהֵמָה֙ לְרִבְעָ֣ה אֹתָ֔הּ וְהָרַגְתָּ֥ אֶת־הָאִשָּׁ֖ה וְאֶת־הַבְּהֵמָ֑ה מֹ֥ות יוּמָ֖תוּ דְּמֵיהֶ֥ם בָּֽם׃

wĕʼişá̇̌֗h ʼàşě֨r ţi̇qĕra֤b ʼel־ká̇l־bĕ̇hémáh֙ lĕribĕʻá֣h ʼòţá֔ḣ wĕháragĕţá֥̇ ʼeţ־háʼişá֖̇̌h wĕʼeţ־habĕ̇hémá֑h mò֥wţ yẇmá֖ţẇ dĕ̇méyhe֥m báֽ̇m׃

17
וְאִ֣ישׁ אֲשֶׁר־יִקַּ֣ח אֶת־אֲחֹתֹ֡ו בַּת־אָבִ֣יו אֹ֣ו בַת־אִ֠מֹּו וְרָאָ֨ה אֶת־עֶרְוָתָ֜הּ וְהִֽיא־תִרְאֶ֤ה אֶת־עֶרְוָתֹו֙ חֶ֣סֶד ה֔וּא וְנִ֨כְרְת֔וּ לְעֵינֵ֖י בְּנֵ֣י עַמָּ֑ם עֶרְוַ֧ת אֲחֹתֹ֛ו גִּלָּ֖ה עֲוֹנֹ֥ו יִשָּֽׂא׃

wĕʼi֣yş̌ ʼàşěr־yiqȧ֣ẖ ʼeţ־ʼàẖòţò֡w bȧţ־ʼábi֣yw ʼò֣w baţ־ʼi֠mò̇w wĕráʼá֨h ʼeţ־ʻerĕwáţá֜ḣ wĕhiֽyʼ־ţirĕʼe֤h ʼeţ־ʻerĕwáţòw֙ ẖe֣sed h֔ẇʼ wĕni֨kĕrĕţ֔ẇ lĕʻéyné֖y bĕ̇né֣y ʻamá֑̇m ʻerĕwa֧ţ ʼàẖòţò֛w gi̇lá֖̇h ʻàwònò֥w yişáֽ̇̂ʼ׃

18
וְ֠אִישׁ אֲשֶׁר־יִשְׁכַּ֨ב אֶת־אִשָּׁ֜ה דָּוָ֗ה וְגִלָּ֤ה אֶת־עֶרְוָתָהּ֙ אֶת־מְקֹרָ֣הּ הֶֽעֱרָ֔ה וְהִ֕יא גִּלְּתָ֖ה אֶת־מְקֹ֣ור דָּמֶ֑יהָ וְנִכְרְת֥וּ שְׁנֵיהֶ֖ם מִקֶּ֥רֶב עַמָּֽם׃

wĕ֠ʼiyş̌ ʼàşěr־yişĕ̌kȧ֨b ʼeţ־ʼişá̇̌֜h dá̇wá֗h wĕgilá֤̇h ʼeţ־ʻerĕwáţáḣ֙ ʼeţ־mĕqòrá֣ḣ heֽʻèrá֔h wĕhi֕yʼ gi̇lĕ̇ţá֖h ʼeţ־mĕqò֣wr dá̇me֑yhá wĕnikĕrĕţ֥ẇ şĕ̌néyhe֖m miqė֥reb ʻamáֽ̇m׃

19
וְעֶרְוַ֨ת אֲחֹ֧ות אִמְּךָ֛ וַאֲחֹ֥ות אָבִ֖יךָ לֹ֣א תְגַלֵּ֑ה כִּ֧י אֶת־שְׁאֵרֹ֛ו הֶעֱרָ֖ה עֲוֹנָ֥ם יִשָּֽׂאוּ׃

wĕʻerĕwa֨ţ ʼàẖò֧wţ ʼimĕ̇ká֛ waʼàẖò֥wţ ʼábi֖yká lò֣ʼ ţĕgalé֑̇h ki֧̇y ʼeţ־şĕ̌ʼérò֛w heʻèrá֖h ʻàwòná֥m yişáֽ̇̂ʼẇ׃

20
וְאִ֗ישׁ אֲשֶׁ֤ר יִשְׁכַּב֙ אֶת־דֹּ֣דָתֹ֔ו עֶרְוַ֥ת דֹּדֹ֖ו גִּלָּ֑ה חֶטְאָ֥ם יִשָּׂ֖אוּ עֲרִירִ֥ים יָמֻֽתוּ׃

wĕʼi֗yş̌ ʼàşě֤r yişĕ̌kȧb֙ ʼeţ־dò֣̇dáţò֔w ʻerĕwa֥ţ dò̇dò֖w gi̇lá֑̇h ẖetĕʼá֥m yişá֖̇̂ʼẇ ʻàriyri֥ym yámuֽţẇ׃

21
וְאִ֗ישׁ אֲשֶׁ֥ר יִקַּ֛ח אֶת־אֵ֥שֶׁת אָחִ֖יו נִדָּ֣ה הִ֑וא עֶרְוַ֥ת אָחִ֛יו גִּלָּ֖ה עֲרִירִ֥ים יִהְיֽוּ׃

wĕʼi֗yş̌ ʼàşě֥r yiqȧ֛ẖ ʼeţ־ʼé֥şěţ ʼáẖi֖yw nidá֣̇h hi֑wʼ ʻerĕwa֥ţ ʼáẖi֛yw gi̇lá֖̇h ʻàriyri֥ym yihĕyֽẇ׃

22
וּשְׁמַרְתֶּ֤ם אֶת־כָּל־חֻקֹּתַי֙ וְאֶת־כָּל־מִשְׁפָּטַ֔י וַעֲשִׂיתֶ֖ם אֹתָ֑ם וְלֹא־תָקִ֤יא אֶתְכֶם֙ הָאָ֔רֶץ אֲשֶׁ֨ר אֲנִ֜י מֵבִ֥יא אֶתְכֶ֛ם שָׁ֖מָּה לָשֶׁ֥בֶת בָּֽהּ׃

ẇşĕ̌marĕţė֤m ʼeţ־ká̇l־ẖuqò̇ţay֙ wĕʼeţ־ká̇l־mişĕ̌pá̇ta֔y waʻàşîyţe֖m ʼòţá֑m wĕlòʼ־ţáqi֤yʼ ʼeţĕkem֙ háʼá֔reẕ ʼàşě֨r ʼàni֜y mébi֥yʼ ʼeţĕke֛m şá֖̌má̇h láşě֥beţ báֽ̇ḣ׃

23
וְלֹ֤א תֵֽלְכוּ֙ בְּחֻקֹּ֣ת הַגֹּ֔וי אֲשֶׁר־אֲנִ֥י מְשַׁלֵּ֖חַ מִפְּנֵיכֶ֑ם כִּ֤י אֶת־כָּל־אֵ֨לֶּה֙ עָשׂ֔וּ וָאָקֻ֖ץ בָּֽם׃

wĕlò֤ʼ ţéֽlĕkẇ֙ bĕ̇ẖuqò֣̇ţ hagò̇֔wy ʼàşěr־ʼàni֥y mĕşǎlé֖̇ẖa mipĕ̇néyke֑m ki֤̇y ʼeţ־ká̇l־ʼé֨lėh֙ ʻáş̂֔ẇ wáʼáqu֖ẕ báֽ̇m׃

24
וָאֹמַ֣ר לָכֶ֗ם אַתֶּם֮ תִּֽירְשׁ֣וּ אֶת־אַדְמָתָם֒ וַאֲנִ֞י אֶתְּנֶ֤נָּה לָכֶם֙ לָרֶ֣שֶׁת אֹתָ֔הּ אֶ֛רֶץ זָבַ֥ת חָלָ֖ב וּדְבָ֑שׁ אֲנִי֙ יְהוָ֣ה אֱלֹֽהֵיכֶ֔ם אֲשֶׁר־הִבְדַּ֥לְתִּי אֶתְכֶ֖ם מִן־הָֽעַמִּֽים׃

wáʼòma֣r láke֗m ʼaţėm֮ ţiֽ̇yrĕş֣̌ẇ ʼeţ־ʼadĕmáţám֒ waʼàni֞y ʼeţĕ̇ne֤ná̇h lákem֙ láre֣şěţ ʼòţá֔ḣ ʼe֛reẕ zába֥ţ ẖálá֖b ẇdĕbá֑ş̌ ʼàniy֙ yĕhwá֣h ʼèlòֽhéyke֔m ʼàşěr־hibĕdȧ֥lĕţi̇y ʼeţĕke֖m min־háֽʻamiֽ̇ym׃

25
וְהִבְדַּלְתֶּ֞ם בֵּֽין־הַבְּהֵמָ֤ה הַטְּהֹרָה֙ לַטְּמֵאָ֔ה וּבֵין־הָעֹ֥וף הַטָּמֵ֖א לַטָּהֹ֑ר וְלֹֽא־תְשַׁקְּצ֨וּ אֶת־נַפְשֹֽׁתֵיכֶ֜ם בַּבְּהֵמָ֣ה וּבָעֹ֗וף וּבְכֹל֙ אֲשֶׁ֣ר תִּרְמֹ֣שׂ הָֽאֲדָמָ֔ה אֲשֶׁר־הִבְדַּ֥לְתִּי לָכֶ֖ם לְטַמֵּֽא׃

wĕhibĕdȧlĕţė֞m béֽ̇yn־habĕ̇hémá֤h hatĕ̇hòráh֙ latĕ̇méʼá֔h ẇbéyn־háʻò֥wp hatá̇mé֖ʼ latá̇hò֑r wĕlòֽʼ־ţĕşǎqĕ̇ẕ֨ẇ ʼeţ־napĕşòֽ̌ţéyke֜m bȧbĕ̇hémá֣h ẇbáʻò֗wp ẇbĕkòl֙ ʼàşě֣r ţi̇rĕmò֣ş̂ háֽʼàdámá֔h ʼàşěr־hibĕdȧ֥lĕţi̇y láke֖m lĕtaméֽ̇ʼ׃

26
וִהְיִ֤יתֶם לִי֙ קְדֹשִׁ֔ים כִּ֥י קָדֹ֖ושׁ אֲנִ֣י יְהוָ֑ה וָאַבְדִּ֥ל אֶתְכֶ֛ם מִן־הָֽעַמִּ֖ים לִהְיֹ֥ות לִֽי׃

wihĕyi֤yţem liy֙ qĕdòşǐ֔ym ki֥̇y qádò֖wş̌ ʼàni֣y yĕhwá֑h wáʼabĕdi֥̇l ʼeţĕke֛m min־háֽʻami֖̇ym lihĕyò֥wţ liֽy׃

27
וְאִ֣ישׁ אֹֽו־אִשָּׁ֗ה כִּי־יִהְיֶ֨ה בָהֶ֥ם אֹ֛וב אֹ֥ו יִדְּעֹנִ֖י מֹ֣ות יוּמָ֑תוּ בָּאֶ֛בֶן יִרְגְּמ֥וּ אֹתָ֖ם דְּמֵיהֶ֥ם בָּֽם׃ פ

wĕʼi֣yş̌ ʼòֽw־ʼişá̇̌֗h ki̇y־yihĕye֨h báhe֥m ʼò֛wb ʼò֥w yidĕ̇ʻòni֖y mò֣wţ yẇmá֑ţẇ bá̇ʼe֛ben yirĕgĕ̇m֥ẇ ʼòţá֖m dĕ̇méyhe֥m báֽ̇m׃ p