Bibles in ancient languages
Old translations
Modern translations

Biblia Hebraica Stuttgartensia Lévitique 22:9

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
דַּבֵּ֨ר אֶֽל־אַהֲרֹ֜ן וְאֶל־בָּנָ֗יו וְיִנָּֽזְרוּ֙ מִקָּדְשֵׁ֣י בְנֵֽי־יִשְׂרָאֵ֔ל וְלֹ֥א יְחַלְּל֖וּ אֶת־שֵׁ֣ם קָדְשִׁ֑י אֲשֶׁ֨ר הֵ֧ם מַקְדִּשִׁ֛ים לִ֖י אֲנִ֥י יְהוָֽה׃

dȧbé̇֨r ʼeֽl־ʼahàrò֜n wĕʼel־bá̇ná֗yw wĕyináֽ̇zĕrẇ֙ miqá̇dĕşé֣̌y bĕnéֽy־yişĕ̂ráʼé֔l wĕlò֥ʼ yĕẖalĕ̇l֖ẇ ʼeţ־şé֣̌m qádĕşǐ֑y ʼàşě֨r hé֧m maqĕdi̇şǐ֛ym li֖y ʼàni֥y yĕhwáֽh׃

3
אֱמֹ֣ר אֲלֵהֶ֗ם לְדֹרֹ֨תֵיכֶ֜ם כָּל־אִ֣ישׁ׀ אֲשֶׁר־יִקְרַ֣ב מִכָּל־זַרְעֲכֶ֗ם אֶל־הַקֳּדָשִׁים֙ אֲשֶׁ֨ר יַקְדִּ֤ישׁוּ בְנֵֽי־יִשְׂרָאֵל֙ לַֽיהוָ֔ה וְטֻמְאָתֹ֖ו עָלָ֑יו וְנִכְרְתָ֞ה הַנֶּ֧פֶשׁ הַהִ֛וא מִלְּפָנַ֖י אֲנִ֥י יְהוָֽה׃

ʼèmò֣r ʼàléhe֗m lĕdòrò֨ţéyke֜m ká̇l־ʼi֣yş̌׀ ʼàşěr־yiqĕra֣b miká̇l־zarĕʻàke֗m ʼel־haqȯdáşǐym֙ ʼàşě֨r yaqĕdi֤̇yş̌ẇ bĕnéֽy־yişĕ̂ráʼél֙ laֽyhwá֔h wĕtumĕʼáţò֖w ʻálá֑yw wĕnikĕrĕţá֞h hanė֧peş̌ hahi֛wʼ milĕ̇pána֖y ʼàni֥y yĕhwáֽh׃

4
אִ֣ישׁ אִ֞ישׁ מִזֶּ֣רַע אַהֲרֹ֗ן וְה֤וּא צָר֨וּעַ֙ אֹ֣ו זָ֔ב בַּקֳּדָשִׁים֙ לֹ֣א יֹאכַ֔ל עַ֖ד אֲשֶׁ֣ר יִטְהָ֑ר וְהַנֹּגֵ֨עַ֙ בְּכָל־טְמֵא־נֶ֔פֶשׁ אֹ֣ו אִ֔ישׁ אֲשֶׁר־תֵּצֵ֥א מִמֶּ֖נּוּ שִׁכְבַת־זָֽרַע׃

ʼi֣yş̌ ʼi֞yş̌ mizė֣raʻ ʼahàrò֗n wĕh֤ẇʼ ẕár֨ẇʻa֙ ʼò֣w zá֔b bȧqȯdáşǐym֙ lò֣ʼ yòʼka֔l ʻa֖d ʼàşě֣r yitĕhá֑r wĕhanò̇gé֨ʻa֙ bĕ̇kál־tĕméʼ־ne֔peş̌ ʼò֣w ʼi֔yş̌ ʼàşěr־ţé̇ẕé֥ʼ mimė֖ṅẇ şǐkĕbaţ־záֽraʻ׃

5
אֹו־אִישׁ֙ אֲשֶׁ֣ר יִגַּ֔ע בְּכָל־שֶׁ֖רֶץ אֲשֶׁ֣ר יִטְמָא־לֹ֑ו אֹ֤ו בְאָדָם֙ אֲשֶׁ֣ר יִטְמָא־לֹ֔ו לְכֹ֖ל טֻמְאָתֹֽו׃

ʼòw־ʼiyş̌֙ ʼàşě֣r yigȧ֔ʻ bĕ̇kál־şě֖reẕ ʼàşě֣r yitĕmáʼ־lò֑w ʼò֤w bĕʼádám֙ ʼàşě֣r yitĕmáʼ־lò֔w lĕkò֖l tumĕʼáţòֽw׃

6
נֶ֚פֶשׁ אֲשֶׁ֣ר תִּגַּע־בֹּ֔ו וְטָמְאָ֖ה עַד־הָעָ֑רֶב וְלֹ֤א יֹאכַל֙ מִן־הַקֳּדָשִׁ֔ים כִּ֛י אִם־רָחַ֥ץ בְּשָׂרֹ֖ו בַּמָּֽיִם׃

ne֚peş̌ ʼàşě֣r ţi̇gȧʻ־bò̇֔w wĕtámĕʼá֖h ʻad־háʻá֑reb wĕlò֤ʼ yòʼkal֙ min־haqȯdáşǐ֔ym ki֛̇y ʼim־ráẖa֥ẕ bĕ̇şá̂rò֖w bȧmáֽ̇yim׃

7
וּבָ֥א הַשֶּׁ֖מֶשׁ וְטָהֵ֑ר וְאַחַר֙ יֹאכַ֣ל מִן־הַקֳּדָשִׁ֔ים כִּ֥י לַחְמֹ֖ו הֽוּא׃

ẇbá֥ʼ haşė֖̌meş̌ wĕtáhé֑r wĕʼaẖar֙ yòʼka֣l min־haqȯdáşǐ֔ym ki֥̇y laẖĕmò֖w hֽẇʼ׃

8
נְבֵלָ֧ה וּטְרֵפָ֛ה לֹ֥א יֹאכַ֖ל לְטָמְאָה־בָ֑הּ אֲנִ֖י יְהוָֽה׃

nĕbélá֧h ẇtĕrépá֛h lò֥ʼ yòʼka֖l lĕtámĕʼáh־bá֑ḣ ʼàni֖y yĕhwáֽh׃

9
וְשָׁמְר֣וּ אֶת־מִשְׁמַרְתִּ֗י וְלֹֽא־יִשְׂא֤וּ עָלָיו֙ חֵ֔טְא וּמֵ֥תוּ בֹ֖ו כִּ֣י יְחַלְּלֻ֑הוּ אֲנִ֥י יְהוָ֖ה מְקַדְּשָֽׁם׃

wĕşá̌mĕr֣ẇ ʼeţ־mişĕ̌marĕţi̇֗y wĕlòֽʼ־yişĕ̂ʼ֤ẇ ʻáláyw֙ ẖé֔tĕʼ ẇmé֥ţẇ bò֖w ki֣̇y yĕẖalĕ̇lu֑hẇ ʼàni֥y yĕhwá֖h mĕqadĕ̇şáֽ̌m׃

10
וְכָל־זָ֖ר לֹא־יֹ֣אכַל קֹ֑דֶשׁ תֹּושַׁ֥ב כֹּהֵ֛ן וְשָׂכִ֖יר לֹא־יֹ֥אכַל קֹֽדֶשׁ׃

wĕkál־zá֖r lòʼ־yò֣ʼkal qò֑deş̌ ţò̇wşǎ֥b kò̇hé֛n wĕşá̂ki֖yr lòʼ־yò֥ʼkal qòֽdeş̌׃

11
וְכֹהֵ֗ן כִּֽי־יִקְנֶ֥ה נֶ֨פֶשׁ֙ קִנְיַ֣ן כַּסְפֹּ֔ו ה֖וּא יֹ֣אכַל בֹּ֑ו וִילִ֣יד בֵּיתֹ֔ו הֵ֖ם יֹאכְל֥וּ בְלַחְמֹֽו׃

wĕkòhé֗n kiֽ̇y־yiqĕne֥h ne֨peş̌֙ qinĕya֣n kȧsĕpò̇֔w h֖ẇʼ yò֣ʼkal bò֑̇w wiyli֣yd bé̇yţò֔w hé֖m yòʼkĕl֥ẇ bĕlaẖĕmòֽw׃

12
וּבַת־כֹּהֵ֔ן כִּ֥י תִהְיֶ֖ה לְאִ֣ישׁ זָ֑ר הִ֕וא בִּתְרוּמַ֥ת הַקֳּדָשִׁ֖ים לֹ֥א תֹאכֵֽל׃

ẇbaţ־kò̇hé֔n ki֥̇y ţihĕye֖h lĕʼi֣yş̌ zá֑r hi֕wʼ bi̇ţĕrẇma֥ţ haqȯdáşǐ֖ym lò֥ʼ ţòʼkéֽl׃

13
וּבַת־כֹּהֵן֩ כִּ֨י תִהְיֶ֜ה אַלְמָנָ֣ה וּגְרוּשָׁ֗ה וְזֶרַע֮ אֵ֣ין לָהּ֒ וְשָׁבָ֞ה אֶל־בֵּ֤ית אָבִ֨יהָ֙ כִּנְעוּרֶ֔יהָ מִלֶּ֥חֶם אָבִ֖יהָ תֹּאכֵ֑ל וְכָל־זָ֖ר לֹא־יֹ֥אכַל בֹּֽו׃ ס

ẇbaţ־kò̇hén֩ ki̇֨y ţihĕye֜h ʼalĕmáná֣h ẇgĕrẇşá̌֗h wĕzeraʻ֮ ʼé֣yn láḣ֒ wĕşá̌bá֞h ʼel־bé֤̇yţ ʼábi֨yhá֙ ki̇nĕʻẇre֔yhá milė֥ẖem ʼábi֖yhá ţò̇ʼké֑l wĕkál־zá֖r lòʼ־yò֥ʼkal bòֽ̇w׃ s

14
וְאִ֕ישׁ כִּֽי־יֹאכַ֥ל קֹ֖דֶשׁ בִּשְׁגָגָ֑ה וְיָסַ֤ף חֲמִֽשִׁיתֹו֙ עָלָ֔יו וְנָתַ֥ן לַכֹּהֵ֖ן אֶת־הַקֹּֽדֶשׁ׃

wĕʼi֕yş̌ kiֽ̇y־yòʼka֥l qò֖deş̌ bi̇şĕ̌gágá֑h wĕyása֤p ẖàmiֽşǐyţòw֙ ʻálá֔yw wĕnáţa֥n lakò̇hé֖n ʼeţ־haqòֽ̇deş̌׃

15
וְלֹ֣א יְחַלְּל֔וּ אֶת־קָדְשֵׁ֖י בְּנֵ֣י יִשְׂרָאֵ֑ל אֵ֥ת אֲשֶׁר־יָרִ֖ימוּ לַיהוָֽה׃

wĕlò֣ʼ yĕẖalĕ̇l֔ẇ ʼeţ־qádĕşé֖̌y bĕ̇né֣y yişĕ̂ráʼé֑l ʼé֥ţ ʼàşěr־yári֖ymẇ layhwáֽh׃

16
וְהִשִּׂ֤יאוּ אֹותָם֙ עֲוֹ֣ן אַשְׁמָ֔ה בְּאָכְלָ֖ם אֶת־קָדְשֵׁיהֶ֑ם כִּ֛י אֲנִ֥י יְהוָ֖ה מְקַדְּשָֽׁם׃ פ

wĕhişi֤̇̂yʼẇ ʼòwţám֙ ʻàwò֣n ʼaşĕ̌má֔h bĕ̇ʼákĕlá֖m ʼeţ־qádĕşé̌yhe֑m ki֛̇y ʼàni֥y yĕhwá֖h mĕqadĕ̇şáֽ̌m׃ p

17
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

18
דַּבֵּ֨ר אֶֽל־אַהֲרֹ֜ן וְאֶל־בָּנָ֗יו וְאֶל֙ כָּל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אִ֣ישׁ אִישׁ֩ מִבֵּ֨ית יִשְׂרָאֵ֜ל וּמִן־הַגֵּ֣ר בְּיִשְׂרָאֵ֗ל אֲשֶׁ֨ר יַקְרִ֤יב קָרְבָּנֹו֙ לְכָל־נִדְרֵיהֶם֙ וּלְכָל־נִדְבֹותָ֔ם אֲשֶׁר־יַקְרִ֥יבוּ לַיהוָ֖ה לְעֹלָֽה׃

dȧbé̇֨r ʼeֽl־ʼahàrò֜n wĕʼel־bá̇ná֗yw wĕʼel֙ ká̇l־bĕ̇né֣y yişĕ̂ráʼé֔l wĕʼámarĕţá֖̇ ʼàléhe֑m ʼi֣yş̌ ʼiyş̌֩ mibé̇֨yţ yişĕ̂ráʼé֜l ẇmin־hagé֣̇r bĕ̇yişĕ̂ráʼé֗l ʼàşě֨r yaqĕri֤yb qárĕbá̇nòw֙ lĕkál־nidĕréyhem֙ ẇlĕkál־nidĕbòwţá֔m ʼàşěr־yaqĕri֥ybẇ layhwá֖h lĕʻòláֽh׃

19
לִֽרְצֹנְכֶ֑ם תָּמִ֣ים זָכָ֔ר בַּבָּקָ֕ר בַּכְּשָׂבִ֖ים וּבָֽעִזִּֽים׃

liֽrĕẕònĕke֑m ţá̇mi֣ym záká֔r bȧbá̇qá֕r bȧkĕ̇şá̂bi֖ym ẇbáֽʻiziֽ̇ym׃

20
כֹּ֛ל אֲשֶׁר־בֹּ֥ו מ֖וּם לֹ֣א תַקְרִ֑יבוּ כִּי־לֹ֥א לְרָצֹ֖ון יִהְיֶ֥ה לָכֶֽם׃

kò֛̇l ʼàşěr־bò֥̇w m֖ẇm lò֣ʼ ţaqĕri֑ybẇ ki̇y־lò֥ʼ lĕráẕò֖wn yihĕye֥h lákeֽm׃

21
וְאִ֗ישׁ כִּֽי־יַקְרִ֤יב זֶֽבַח־שְׁלָמִים֙ לַיהוָ֔ה לְפַלֵּא־נֶ֨דֶר֙ אֹ֣ו לִנְדָבָ֔ה בַּבָּקָ֖ר אֹ֣ו בַצֹּ֑אן תָּמִ֤ים יִֽהְיֶה֙ לְרָצֹ֔ון כָּל־מ֖וּם לֹ֥א יִהְיֶה־בֹּֽו׃

wĕʼi֗yş̌ kiֽ̇y־yaqĕri֤yb zeֽbaẖ־şĕ̌lámiym֙ layhwá֔h lĕpalé̇ʼ־ne֨der֙ ʼò֣w linĕdábá֔h bȧbá̇qá֖r ʼò֣w baẕò֑̇ʼn ţá̇mi֤ym yiֽhĕyeh֙ lĕráẕò֔wn ká̇l־m֖ẇm lò֥ʼ yihĕyeh־bòֽ̇w׃

22
עַוֶּרֶת֩ אֹ֨ו שָׁב֜וּר אֹו־חָר֣וּץ אֹֽו־יַבֶּ֗לֶת אֹ֤ו גָרָב֙ אֹ֣ו יַלֶּ֔פֶת לֹא־תַקְרִ֥יבוּ אֵ֖לֶּה לַיהוָ֑ה וְאִשֶּׁ֗ה לֹא־תִתְּנ֥וּ מֵהֶ֛ם עַל־הַמִּזְבֵּ֖חַ לַיהוָֽה׃

ʻawėreţ֩ ʼò֨w şá̌b֜ẇr ʼòw־ẖár֣ẇẕ ʼòֽw־yabė֗leţ ʼò֤w gáráb֙ ʼò֣w yalė֔peţ lòʼ־ţaqĕri֥ybẇ ʼé֖lėh layhwá֑h wĕʼişė̌֗h lòʼ־ţiţĕ̇n֥ẇ méhe֛m ʻal־hami̇zĕbé֖̇ẖa layhwáֽh׃

23
וְשֹׁ֥ור וָשֶׂ֖ה שָׂר֣וּעַ וְקָל֑וּט נְדָבָה֙ תַּעֲשֶׂ֣ה אֹתֹ֔ו וּלְנֵ֖דֶר לֹ֥א יֵרָצֶֽה׃

wĕşò֥̌wr wáşê֖h şá̂r֣ẇʻa wĕqál֑ẇt nĕdábáh֙ ţȧʻàşê֣h ʼòţò֔w ẇlĕné֖der lò֥ʼ yéráẕeֽh׃

24
וּמָע֤וּךְ וְכָתוּת֙ וְנָת֣וּק וְכָר֔וּת לֹ֥א תַקְרִ֖יבוּ לַֽיהוָ֑ה וּֽבְאַרְצְכֶ֖ם לֹ֥א תַעֲשֽׂוּ׃

ẇmáʻ֤ẇkĕ wĕkáţẇţ֙ wĕnáţ֣ẇq wĕkár֔ẇţ lò֥ʼ ţaqĕri֖ybẇ laֽyhwá֑h ẇֽbĕʼarĕẕĕke֖m lò֥ʼ ţaʻàşֽ̂ẇ׃

25
וּמִיַּ֣ד בֶּן־נֵכָ֗ר לֹ֥א תַקְרִ֛יבוּ אֶת־לֶ֥חֶם אֱלֹהֵיכֶ֖ם מִכָּל־אֵ֑לֶּה כִּ֣י מָשְׁחָתָ֤ם בָּהֶם֙ מ֣וּם בָּ֔ם לֹ֥א יֵרָצ֖וּ לָכֶֽם׃ פ

ẇmiyȧ֣d bėn־néká֗r lò֥ʼ ţaqĕri֛ybẇ ʼeţ־le֥ẖem ʼèlòhéyke֖m miká̇l־ʼé֑lėh ki֣̇y máşĕ̌ẖáţá֤m bá̇hem֙ m֣ẇm bá̇֔m lò֥ʼ yéráẕ֖ẇ lákeֽm׃ p

26
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

27
שֹׁ֣ור אֹו־כֶ֤שֶׂב אֹו־עֵז֙ כִּ֣י יִוָּלֵ֔ד וְהָיָ֛ה שִׁבְעַ֥ת יָמִ֖ים תַּ֣חַת אִמֹּ֑ו וּמִיֹּ֤ום הַשְּׁמִינִי֙ וָהָ֔לְאָה יֵרָצֶ֕ה לְקָרְבַּ֥ן אִשֶּׁ֖ה לַיהוָֽה׃

şò֣̌wr ʼòw־ke֤şêb ʼòw־ʻéz֙ ki֣̇y yiwá̇lé֔d wĕháyá֛h şǐbĕʻa֥ţ yámi֖ym ţȧ֣ẖaţ ʼimò֑̇w ẇmiyò֤̇wm haşĕ̇̌miyniy֙ wáhá֔lĕʼáh yéráẕe֕h lĕqárĕbȧ֥n ʼişė֖̌h layhwáֽh׃

28
וְשֹׁ֖ור אֹו־שֶׂ֑ה אֹתֹ֣ו וְאֶת־בְּנֹ֔ו לֹ֥א תִשְׁחֲט֖וּ בְּיֹ֥ום אֶחָֽד׃

wĕşò֖̌wr ʼòw־şê֑h ʼòţò֣w wĕʼeţ־bĕ̇nò֔w lò֥ʼ ţişĕ̌ẖàt֖ẇ bĕ̇yò֥wm ʼeẖáֽd׃

29
וְכִֽי־תִזְבְּח֥וּ זֶֽבַח־תֹּודָ֖ה לַיהוָ֑ה לִֽרְצֹנְכֶ֖ם תִּזְבָּֽחוּ׃

wĕkiֽy־ţizĕbĕ̇ẖ֥ẇ zeֽbaẖ־ţò̇wdá֖h layhwá֑h liֽrĕẕònĕke֖m ţi̇zĕbáֽ̇ẖẇ׃

30
בַּיֹּ֤ום הַהוּא֙ יֵאָכֵ֔ל לֹֽא־תֹותִ֥ירוּ מִמֶּ֖נּוּ עַד־בֹּ֑קֶר אֲנִ֖י יְהוָֽה׃

bȧyò֤̇wm hahẇʼ֙ yéʼáké֔l lòֽʼ־ţòwţi֥yrẇ mimė֖ṅẇ ʻad־bò֑̇qer ʼàni֖y yĕhwáֽh׃

31
וּשְׁמַרְתֶּם֙ מִצְוֹתַ֔י וַעֲשִׂיתֶ֖ם אֹתָ֑ם אֲנִ֖י יְהוָֽה׃

ẇşĕ̌marĕţėm֙ miẕĕwòţa֔y waʻàşîyţe֖m ʼòţá֑m ʼàni֖y yĕhwáֽh׃

32
וְלֹ֤א תְחַלְּלוּ֙ אֶת־שֵׁ֣ם קָדְשִׁ֔י וְנִ֨קְדַּשְׁתִּ֔י בְּתֹ֖וךְ בְּנֵ֣י יִשְׂרָאֵ֑ל אֲנִ֥י יְהוָ֖ה מְקַדִּשְׁכֶֽם׃

wĕlò֤ʼ ţĕẖalĕ̇lẇ֙ ʼeţ־şé֣̌m qádĕşǐ֔y wĕni֨qĕdȧşĕ̌ţi̇֔y bĕ̇ţò֖wkĕ bĕ̇né֣y yişĕ̂ráʼé֑l ʼàni֥y yĕhwá֖h mĕqadi̇şĕ̌keֽm׃

33
הַמֹּוצִ֤יא אֶתְכֶם֙ מֵאֶ֣רֶץ מִצְרַ֔יִם לִהְיֹ֥ות לָכֶ֖ם לֵאלֹהִ֑ים אֲנִ֖י יְהוָֽה׃ פ

hamò̇wẕi֤yʼ ʼeţĕkem֙ méʼe֣reẕ miẕĕra֔yim lihĕyò֥wţ láke֖m léʼlòhi֑ym ʼàni֖y yĕhwáֽh׃ p