Bibles in ancient languages
Old translations
Modern translations

Biblia Hebraica Stuttgartensia Lévitique 26:26

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
לֹֽא־תַעֲשׂ֨וּ לָכֶ֜ם אֱלִילִ֗ם וּפֶ֤סֶל וּמַצֵּבָה֙ לֹֽא־תָקִ֣ימוּ לָכֶ֔ם וְאֶ֣בֶן מַשְׂכִּ֗ית לֹ֤א תִתְּנוּ֙ בְּאַרְצְכֶ֔ם לְהִֽשְׁתַּחֲוֹ֖ת עָלֶ֑יהָ כִּ֛י אֲנִ֥י יְהוָ֖ה אֱלֹהֵיכֶֽם׃

lòֽʼ־ţaʻàş̂֨ẇ láke֜m ʼèliyli֗m ẇpe֤sel ẇmaẕé̇báh֙ lòֽʼ־ţáqi֣ymẇ láke֔m wĕʼe֣ben maşĕ̂ki̇֗yţ lò֤ʼ ţiţĕ̇nẇ֙ bĕ̇ʼarĕẕĕke֔m lĕhiֽşĕ̌ţȧẖàwò֖ţ ʻále֑yhá ki֛̇y ʼàni֥y yĕhwá֖h ʼèlòhéykeֽm׃

2
אֶת־שַׁבְּתֹתַ֣י תִּשְׁמֹ֔רוּ וּמִקְדָּשִׁ֖י תִּירָ֑אוּ אֲנִ֖י יְהוָֽה׃ ס

ʼeţ־şǎbĕ̇ţòţa֣y ţi̇şĕ̌mò֔rẇ ẇmiqĕdá̇şǐ֖y ţi̇yrá֑ʼẇ ʼàni֖y yĕhwáֽh׃ s

3
אִם־בְּחֻקֹּתַ֖י תֵּלֵ֑כוּ וְאֶת־מִצְוֹתַ֣י תִּשְׁמְר֔וּ וַעֲשִׂיתֶ֖ם אֹתָֽם׃

ʼim־bĕ̇ẖuqò̇ţa֖y ţé̇lé֑kẇ wĕʼeţ־miẕĕwòţa֣y ţi̇şĕ̌mĕr֔ẇ waʻàşîyţe֖m ʼòţáֽm׃

4
וְנָתַתִּ֥י גִשְׁמֵיכֶ֖ם בְּעִתָּ֑ם וְנָתְנָ֤ה הָאָ֨רֶץ֙ יְבוּלָ֔הּ וְעֵ֥ץ הַשָּׂדֶ֖ה יִתֵּ֥ן פִּרְיֹֽו׃

wĕnáţaţi֥̇y gişĕ̌méyke֖m bĕ̇ʻiţá֑̇m wĕnáţĕná֤h háʼá֨reẕ֙ yĕbẇlá֔ḣ wĕʻé֥ẕ haşá̇̂de֖h yiţé֥̇n pi̇rĕyòֽw׃

5
וְהִשִּׂ֨יג לָכֶ֥ם דַּ֨יִשׁ֙ אֶת־בָּצִ֔יר וּבָצִ֖יר יַשִּׂ֣יג אֶת־זָ֑רַע וַאֲכַלְתֶּ֤ם לַחְמְכֶם֙ לָשֹׂ֔בַע וִֽישַׁבְתֶּ֥ם לָבֶ֖טַח בְּאַרְצְכֶֽם׃

wĕhişi̇̂֨yg láke֥m dȧ֨yiş̌֙ ʼeţ־bá̇ẕi֔yr ẇbáẕi֖yr yaşi֣̇̂yg ʼeţ־zá֑raʻ waʼàkalĕţė֤m laẖĕmĕkem֙ láşò̂֔baʻ wiֽyşǎbĕţė֥m lábe֖taẖ bĕ̇ʼarĕẕĕkeֽm׃

6
וְנָתַתִּ֤י שָׁלֹום֙ בָּאָ֔רֶץ וּשְׁכַבְתֶּ֖ם וְאֵ֣ין מַחֲרִ֑יד וְהִשְׁבַּתִּ֞י חַיָּ֤ה רָעָה֙ מִן־הָאָ֔רֶץ וְחֶ֖רֶב לֹא־תַעֲבֹ֥ר בְּאַרְצְכֶֽם׃

wĕnáţaţi֤̇y şá̌lòwm֙ bá̇ʼá֔reẕ ẇşĕ̌kabĕţė֖m wĕʼé֣yn maẖàri֑yd wĕhişĕ̌bȧţi̇֞y ẖayá֤̇h ráʻáh֙ min־háʼá֔reẕ wĕẖe֖reb lòʼ־ţaʻàbò֥r bĕ̇ʼarĕẕĕkeֽm׃

7
וּרְדַפְתֶּ֖ם אֶת־אֹיְבֵיכֶ֑ם וְנָפְל֥וּ לִפְנֵיכֶ֖ם לֶחָֽרֶב׃

ẇrĕdapĕţė֖m ʼeţ־ʼòyĕbéyke֑m wĕnápĕl֥ẇ lipĕnéyke֖m leẖáֽreb׃

8
וְרָדְפוּ֙ מִכֶּ֤ם חֲמִשָּׁה֙ מֵאָ֔ה וּמֵאָ֥ה מִכֶּ֖ם רְבָבָ֣ה יִרְדֹּ֑פוּ וְנָפְל֧וּ אֹיְבֵיכֶ֛ם לִפְנֵיכֶ֖ם לֶחָֽרֶב׃

wĕrádĕpẇ֙ mikė֤m ẖàmişá̇̌h֙ méʼá֔h ẇméʼá֥h mikė֖m rĕbábá֣h yirĕdò֑̇pẇ wĕnápĕl֧ẇ ʼòyĕbéyke֛m lipĕnéyke֖m leẖáֽreb׃

9
וּפָנִ֣יתִי אֲלֵיכֶ֔ם וְהִפְרֵיתִ֣י אֶתְכֶ֔ם וְהִרְבֵּיתִ֖י אֶתְכֶ֑ם וַהֲקִימֹתִ֥י אֶת־בְּרִיתִ֖י אִתְּכֶֽם׃

ẇpáni֣yţiy ʼàléyke֔m wĕhipĕréyţi֣y ʼeţĕke֔m wĕhirĕbé̇yţi֖y ʼeţĕke֑m wahàqiymòţi֥y ʼeţ־bĕ̇riyţi֖y ʼiţĕ̇keֽm׃

10
וַאֲכַלְתֶּ֥ם יָשָׁ֖ן נֹושָׁ֑ן וְיָשָׁ֕ן מִפְּנֵ֥י חָדָ֖שׁ תֹּוצִֽיאוּ׃

waʼàkalĕţė֥m yáşá֖̌n nòwşá֑̌n wĕyáşá̌֕n mipĕ̇né֥y ẖádá֖ş̌ ţò̇wẕiֽyʼẇ׃

11
וְנָתַתִּ֥י מִשְׁכָּנִ֖י בְּתֹוכְכֶ֑ם וְלֹֽא־תִגְעַ֥ל נַפְשִׁ֖י אֶתְכֶֽם׃

wĕnáţaţi֥̇y mişĕ̌ká̇ni֖y bĕ̇ţòwkĕke֑m wĕlòֽʼ־ţigĕʻa֥l napĕşǐ֖y ʼeţĕkeֽm׃

12
וְהִתְהַלַּכְתִּי֙ בְּתֹ֣וכְכֶ֔ם וְהָיִ֥יתִי לָכֶ֖ם לֵֽאלֹהִ֑ים וְאַתֶּ֖ם תִּהְיוּ־לִ֥י לְעָֽם׃

wĕhiţĕhalȧkĕţi̇y֙ bĕ̇ţò֣wkĕke֔m wĕháyi֥yţiy láke֖m léֽʼlòhi֑ym wĕʼaţė֖m ţi̇hĕyẇ־li֥y lĕʻáֽm׃

13
אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הֹוצֵ֤אתִי אֶתְכֶם֙ מֵאֶ֣רֶץ מִצְרַ֔יִם מִֽהְיֹ֥ת לָהֶ֖ם עֲבָדִ֑ים וָאֶשְׁבֹּר֙ מֹטֹ֣ת עֻלְּכֶ֔ם וָאֹולֵ֥ךְ אֶתְכֶ֖ם קֹֽומְמִיּֽוּת׃ פ

ʼàni֞y yĕhwá֣h ʼèlòֽhéyke֗m ʼàşě֨r hòwẕé֤ʼţiy ʼeţĕkem֙ méʼe֣reẕ miẕĕra֔yim miֽhĕyò֥ţ láhe֖m ʻàbádi֑ym wáʼeşĕ̌bò̇r֙ mòtò֣ţ ʻulĕ̇ke֔m wáʼòwlé֥kĕ ʼeţĕke֖m qòֽwmĕmiẏֽẇţ׃ p

14
וְאִם־לֹ֥א תִשְׁמְע֖וּ לִ֑י וְלֹ֣א תַעֲשׂ֔וּ אֵ֥ת כָּל־הַמִּצְוֹ֖ת הָאֵֽלֶּה׃

wĕʼim־lò֥ʼ ţişĕ̌mĕʻ֖ẇ li֑y wĕlò֣ʼ ţaʻàş̂֔ẇ ʼé֥ţ ká̇l־hami̇ẕĕwò֖ţ háʼéֽlėh׃

15
וְאִם־בְּחֻקֹּתַ֣י תִּמְאָ֔סוּ וְאִ֥ם אֶת־מִשְׁפָּטַ֖י תִּגְעַ֣ל נַפְשְׁכֶ֑ם לְבִלְתִּ֤י עֲשֹׂות֙ אֶת־כָּל־מִצְוֹתַ֔י לְהַפְרְכֶ֖ם אֶת־בְּרִיתִֽי׃

wĕʼim־bĕ̇ẖuqò̇ţa֣y ţi̇mĕʼá֔sẇ wĕʼi֥m ʼeţ־mişĕ̌pá̇ta֖y ţi̇gĕʻa֣l napĕşĕ̌ke֑m lĕbilĕţi֤̇y ʻàşò̂wţ֙ ʼeţ־ká̇l־miẕĕwòţa֔y lĕhapĕrĕke֖m ʼeţ־bĕ̇riyţiֽy׃

16
אַף־אֲנִ֞י אֶֽעֱשֶׂה־זֹּ֣את לָכֶ֗ם וְהִפְקַדְתִּ֨י עֲלֵיכֶ֤ם בֶּֽהָלָה֙ אֶת־הַשַּׁחֶ֣פֶת וְאֶת־הַקַּדַּ֔חַת מְכַלֹּ֥ות עֵינַ֖יִם וּמְדִיבֹ֣ת נָ֑פֶשׁ וּזְרַעְתֶּ֤ם לָרִיק֙ זַרְעֲכֶ֔ם וַאֲכָלֻ֖הוּ אֹיְבֵיכֶֽם׃

ʼap־ʼàni֞y ʼeֽʻèşêh־zò֣̇ʼţ láke֗m wĕhipĕqadĕţi̇֨y ʻàléyke֤m bėֽháláh֙ ʼeţ־haşȧ̌ẖe֣peţ wĕʼeţ־haqȧdȧ֔ẖaţ mĕkalò֥̇wţ ʻéyna֖yim ẇmĕdiybò֣ţ ná֑peş̌ ẇzĕraʻĕţė֤m láriyq֙ zarĕʻàke֔m waʼàkálu֖hẇ ʼòyĕbéykeֽm׃

17
וְנָתַתִּ֤י פָנַי֙ בָּכֶ֔ם וְנִגַּפְתֶּ֖ם לִפְנֵ֣י אֹיְבֵיכֶ֑ם וְרָד֤וּ בָכֶם֙ שֹֽׂנְאֵיכֶ֔ם וְנַסְתֶּ֖ם וְאֵין־רֹדֵ֥ף אֶתְכֶֽם׃ ס

wĕnáţaţi֤̇y pánay֙ bá̇ke֔m wĕnigȧpĕţė֖m lipĕné֣y ʼòyĕbéyke֑m wĕrád֤ẇ bákem֙ şòֽ̂nĕʼéyke֔m wĕnasĕţė֖m wĕʼéyn־ròdé֥p ʼeţĕkeֽm׃ s

18
וְאִ֨ם־עַד־אֵ֔לֶּה לֹ֥א תִשְׁמְע֖וּ לִ֑י וְיָסַפְתִּי֙ לְיַסְּרָ֣ה אֶתְכֶ֔ם שֶׁ֖בַע עַל־חַטֹּאתֵיכֶֽם׃

wĕʼi֨m־ʻad־ʼé֔lėh lò֥ʼ ţişĕ̌mĕʻ֖ẇ li֑y wĕyásapĕţi̇y֙ lĕyasĕ̇rá֣h ʼeţĕke֔m şě֖baʻ ʻal־ẖatò̇ʼţéykeֽm׃

19
וְשָׁבַרְתִּ֖י אֶת־גְּאֹ֣ון עֻזְּכֶ֑ם וְנָתַתִּ֤י אֶת־שְׁמֵיכֶם֙ כַּבַּרְזֶ֔ל וְאֶֽת־אַרְצְכֶ֖ם כַּנְּחֻשָֽׁה׃

wĕşá̌barĕţi֖̇y ʼeţ־gĕ̇ʼò֣wn ʻuzĕ̇ke֑m wĕnáţaţi֤̇y ʼeţ־şĕ̌méykem֙ kȧbȧrĕze֔l wĕʼeֽţ־ʼarĕẕĕke֖m kȧnĕ̇ẖuşáֽ̌h׃

20
וְתַ֥ם לָרִ֖יק כֹּחֲכֶ֑ם וְלֹֽא־תִתֵּ֤ן אַרְצְכֶם֙ אֶת־יְבוּלָ֔הּ וְעֵ֣ץ הָאָ֔רֶץ לֹ֥א יִתֵּ֖ן פִּרְיֹֽו׃

wĕţa֥m lári֖yq kò̇ẖàke֑m wĕlòֽʼ־ţiţé֤̇n ʼarĕẕĕkem֙ ʼeţ־yĕbẇlá֔ḣ wĕʻé֣ẕ háʼá֔reẕ lò֥ʼ yiţé֖̇n pi̇rĕyòֽw׃

21
וְאִם־תֵּֽלְכ֤וּ עִמִּי֙ קֶ֔רִי וְלֹ֥א תֹאב֖וּ לִשְׁמֹ֣עַֽ לִ֑י וְיָסַפְתִּ֤י עֲלֵיכֶם֙ מַכָּ֔ה שֶׁ֖בַע כְּחַטֹּאתֵיכֶֽם׃

wĕʼim־ţéֽ̇lĕk֤ẇ ʻimi̇y֙ qe֔riy wĕlò֥ʼ ţòʼb֖ẇ lişĕ̌mò֣ʻaֽ li֑y wĕyásapĕţi֤̇y ʻàléykem֙ maká̇֔h şě֖baʻ kĕ̇ẖatò̇ʼţéykeֽm׃

22
וְהִשְׁלַחְתִּ֨י בָכֶ֜ם אֶת־חַיַּ֤ת הַשָּׂדֶה֙ וְשִׁכְּלָ֣ה אֶתְכֶ֔ם וְהִכְרִ֨יתָה֙ אֶת־בְּהֶמְתְּכֶ֔ם וְהִמְעִ֖יטָה אֶתְכֶ֑ם וְנָשַׁ֖מּוּ דַּרְכֵיכֶֽם׃

wĕhişĕ̌laẖĕţi̇֨y báke֜m ʼeţ־ẖayȧ֤ţ haşá̇̂deh֙ wĕşǐkĕ̇lá֣h ʼeţĕke֔m wĕhikĕri֨yţáh֙ ʼeţ־bĕ̇hemĕţĕ̇ke֔m wĕhimĕʻi֖ytáh ʼeţĕke֑m wĕnáşǎ֖ṁẇ dȧrĕkéykeֽm׃

23
וְאִ֨ם־בְּאֵ֔לֶּה לֹ֥א תִוָּסְר֖וּ לִ֑י וַהֲלַכְתֶּ֥ם עִמִּ֖י קֶֽרִי׃

wĕʼi֨m־bĕ̇ʼé֔lėh lò֥ʼ ţiwá̇sĕr֖ẇ li֑y wahàlakĕţė֥m ʻimi֖̇y qeֽriy׃

24
וְהָלַכְתִּ֧י אַף־אֲנִ֛י עִמָּכֶ֖ם בְּקֶ֑רִי וְהִכֵּיתִ֤י אֶתְכֶם֙ גַּם־אָ֔נִי שֶׁ֖בַע עַל־חַטֹּאתֵיכֶֽם׃

wĕhálakĕţi֧̇y ʼap־ʼàni֛y ʻimá̇ke֖m bĕ̇qe֑riy wĕhiké̇yţi֤y ʼeţĕkem֙ gȧm־ʼá֔niy şě֖baʻ ʻal־ẖatò̇ʼţéykeֽm׃

25
וְהֵבֵאתִ֨י עֲלֵיכֶ֜ם חֶ֗רֶב נֹקֶ֨מֶת֙ נְקַם־בְּרִ֔ית וְנֶאֱסַפְתֶּ֖ם אֶל־עָרֵיכֶ֑ם וְשִׁלַּ֤חְתִּי דֶ֨בֶר֙ בְּתֹ֣וכְכֶ֔ם וְנִתַּתֶּ֖ם בְּיַד־אֹויֵֽב׃

wĕhébéʼţi֨y ʻàléyke֜m ẖe֗reb nòqe֨meţ֙ nĕqam־bĕ̇ri֔yţ wĕneʼèsapĕţė֖m ʼel־ʻáréyke֑m wĕşǐlȧ֤ẖĕţi̇y de֨ber֙ bĕ̇ţò֣wkĕke֔m wĕniţȧţė֖m bĕ̇yad־ʼòwyéֽb׃

26
בְּשִׁבְרִ֣י לָכֶם֮ מַטֵּה־לֶחֶם֒ וְ֠אָפוּ עֶ֣שֶׂר נָשִׁ֤ים לַחְמְכֶם֙ בְּתַנּ֣וּר אֶחָ֔ד וְהֵשִׁ֥יבוּ לַחְמְכֶ֖ם בַּמִּשְׁקָ֑ל וַאֲכַלְתֶּ֖ם וְלֹ֥א תִשְׂבָּֽעוּ׃ ס

bĕ̇şǐbĕri֣y lákem֮ maté̇h־leẖem֒ wĕ֠ʼápẇ ʻe֣şêr náşǐ֤ym laẖĕmĕkem֙ bĕ̇ţaṅ֣ẇr ʼeẖá֔d wĕhéşǐ֥ybẇ laẖĕmĕke֖m bȧmi̇şĕ̌qá֑l waʼàkalĕţė֖m wĕlò֥ʼ ţişĕ̂báֽ̇ʻẇ׃ s

27
וְאִ֨ם־בְּזֹ֔את לֹ֥א תִשְׁמְע֖וּ לִ֑י וַהֲלַכְתֶּ֥ם עִמִּ֖י בְּקֶֽרִי׃

wĕʼi֨m־bĕ̇zò֔ʼţ lò֥ʼ ţişĕ̌mĕʻ֖ẇ li֑y wahàlakĕţė֥m ʻimi֖̇y bĕ̇qeֽriy׃

28
וְהָלַכְתִּ֥י עִמָּכֶ֖ם בַּחֲמַת־קֶ֑רִי וְיִסַּרְתִּ֤י אֶתְכֶם֙ אַף־אָ֔נִי שֶׁ֖בַע עַל־חַטֹּאתֵיכֶם׃

wĕhálakĕţi֥̇y ʻimá̇ke֖m bȧẖàmaţ־qe֑riy wĕyisȧrĕţi֤̇y ʼeţĕkem֙ ʼap־ʼá֔niy şě֖baʻ ʻal־ẖatò̇ʼţéykem׃

29
וַאֲכַלְתֶּ֖ם בְּשַׂ֣ר בְּנֵיכֶ֑ם וּבְשַׂ֥ר בְּנֹתֵיכֶ֖ם תֹּאכֵֽלוּ׃

waʼàkalĕţė֖m bĕ̇şâ֣r bĕ̇néyke֑m ẇbĕşâ֥r bĕ̇nòţéyke֖m ţò̇ʼkéֽlẇ׃

30
וְהִשְׁמַדְתִּ֞י אֶת־בָּמֹֽתֵיכֶ֗ם וְהִכְרַתִּי֙ אֶת־חַמָּ֣נֵיכֶ֔ם וְנָֽתַתִּי֙ אֶת־פִּגְרֵיכֶ֔ם עַל־פִּגְרֵ֖י גִּלּוּלֵיכֶ֑ם וְגָעֲלָ֥ה נַפְשִׁ֖י אֶתְכֶֽם׃

wĕhişĕ̌madĕţi̇֞y ʼeţ־bá̇mòֽţéyke֗m wĕhikĕraţi̇y֙ ʼeţ־ẖamá֣̇néyke֔m wĕnáֽţaţi̇y֙ ʼeţ־pi̇gĕréyke֔m ʻal־pi̇gĕré֖y gi̇l̇ẇléyke֑m wĕgáʻàlá֥h napĕşǐ֖y ʼeţĕkeֽm׃

31
וְנָתַתִּ֤י אֶת־עָֽרֵיכֶם֙ חָרְבָּ֔ה וַהֲשִׁמֹּותִ֖י אֶת־מִקְדְּשֵׁיכֶ֑ם וְלֹ֣א אָרִ֔יחַ בְּרֵ֖יחַ נִיחֹֽחֲכֶֽם׃

wĕnáţaţi֤̇y ʼeţ־ʻáֽréykem֙ ẖárĕbá̇֔h wahàşǐmò̇wţi֖y ʼeţ־miqĕdĕ̇şé̌yke֑m wĕlò֣ʼ ʼári֔yẖa bĕ̇ré֖yẖa niyẖòֽẖàkeֽm׃

32
וַהֲשִׁמֹּתִ֥י אֲנִ֖י אֶת־הָאָ֑רֶץ וְשָֽׁמְמ֤וּ עָלֶ֨יהָ֙ אֹֽיְבֵיכֶ֔ם הַיֹּשְׁבִ֖ים בָּֽהּ׃

wahàşǐmò̇ţi֥y ʼàni֖y ʼeţ־háʼá֑reẕ wĕşáֽ̌mĕm֤ẇ ʻále֨yhá֙ ʼòֽyĕbéyke֔m hayò̇şĕ̌bi֖ym báֽ̇ḣ׃

33
וְאֶתְכֶם֙ אֱזָרֶ֣ה בַגֹּויִ֔ם וַהֲרִיקֹתִ֥י אַחֲרֵיכֶ֖ם חָ֑רֶב וְהָיְתָ֤ה אַרְצְכֶם֙ שְׁמָמָ֔ה וְעָרֵיכֶ֖ם יִהְי֥וּ חָרְבָּֽה׃

wĕʼeţĕkem֙ ʼèzáre֣h bagò̇wyi֔m wahàriyqòţi֥y ʼaẖàréyke֖m ẖá֑reb wĕháyĕţá֤h ʼarĕẕĕkem֙ şĕ̌mámá֔h wĕʻáréyke֖m yihĕy֥ẇ ẖárĕbáֽ̇h׃

34
אָז֩ תִּרְצֶ֨ה הָאָ֜רֶץ אֶת־שַׁבְּתֹתֶ֗יהָ כֹּ֚ל יְמֵ֣י הֳשַּׁמָּ֔ה וְאַתֶּ֖ם בְּאֶ֣רֶץ אֹיְבֵיכֶ֑ם אָ֚ז תִּשְׁבַּ֣ת הָאָ֔רֶץ וְהִרְצָ֖ת אֶת־שַׁבְּתֹתֶֽיהָ׃

ʼáz֩ ţi̇rĕẕe֨h háʼá֜reẕ ʼeţ־şǎbĕ̇ţòţe֗yhá kò֚̇l yĕmé֣y hoşȧ̌má̇֔h wĕʼaţė֖m bĕ̇ʼe֣reẕ ʼòyĕbéyke֑m ʼá֚z ţi̇şĕ̌bȧ֣ţ háʼá֔reẕ wĕhirĕẕá֖ţ ʼeţ־şǎbĕ̇ţòţeֽyhá׃

35
כָּל־יְמֵ֥י הָשַּׁמָּ֖ה תִּשְׁבֹּ֑ת אֵ֣ת אֲשֶׁ֧ר לֹֽא־שָׁבְתָ֛ה בְּשַׁבְּתֹתֵיכֶ֖ם בְּשִׁבְתְּכֶ֥ם עָלֶֽיהָ׃

ká̇l־yĕmé֥y háşȧ̌má֖̇h ţi̇şĕ̌bò֑̇ţ ʼé֣ţ ʼàşě֧r lòֽʼ־şá̌bĕţá֛h bĕ̇şǎbĕ̇ţòţéyke֖m bĕ̇şǐbĕţĕ̇ke֥m ʻáleֽyhá׃

36
וְהַנִּשְׁאָרִ֣ים בָּכֶ֔ם וְהֵבֵ֤אתִי מֹ֨רֶךְ֙ בִּלְבָבָ֔ם בְּאַרְצֹ֖ת אֹיְבֵיהֶ֑ם וְרָדַ֣ף אֹתָ֗ם קֹ֚ול עָלֶ֣ה נִדָּ֔ף וְנָס֧וּ מְנֻֽסַת־חֶ֛רֶב וְנָפְל֖וּ וְאֵ֥ין רֹדֵֽף׃

wĕhani̇şĕ̌ʼári֣ym bá̇ke֔m wĕhébé֤ʼţiy mò֨rekĕ֙ bi̇lĕbábá֔m bĕ̇ʼarĕẕò֖ţ ʼòyĕbéyhe֑m wĕráda֣p ʼòţá֗m qò֚wl ʻále֣h nidá̇֔p wĕnás֧ẇ mĕnuֽsaţ־ẖe֛reb wĕnápĕl֖ẇ wĕʼé֥yn ròdéֽp׃

37
וְכָשְׁל֧וּ אִישׁ־בְּאָחִ֛יו כְּמִפְּנֵי־חֶ֖רֶב וְרֹדֵ֣ף אָ֑יִן וְלֹא־תִֽהְיֶ֤ה לָכֶם֙ תְּקוּמָ֔ה לִפְנֵ֖י אֹֽיְבֵיכֶֽם׃

wĕkáşĕ̌l֧ẇ ʼiyş̌־bĕ̇ʼáẖi֛yw kĕ̇mipĕ̇néy־ẖe֖reb wĕròdé֣p ʼá֑yin wĕlòʼ־ţiֽhĕye֤h lákem֙ ţĕ̇qẇmá֔h lipĕné֖y ʼòֽyĕbéykeֽm׃

38
וַאֲבַדְתֶּ֖ם בַּגֹּויִ֑ם וְאָכְלָ֣ה אֶתְכֶ֔ם אֶ֖רֶץ אֹיְבֵיכֶֽם׃

waʼàbadĕţė֖m bȧgò̇wyi֑m wĕʼákĕlá֣h ʼeţĕke֔m ʼe֖reẕ ʼòyĕbéykeֽm׃

39
וְהַנִּשְׁאָרִ֣ים בָּכֶ֗ם יִמַּ֨קּוּ֙ בַּֽעֲוֹנָ֔ם בְּאַרְצֹ֖ת אֹיְבֵיכֶ֑ם וְאַ֛ף בַּעֲוֹנֹ֥ת אֲבֹתָ֖ם אִתָּ֥ם יִמָּֽקּוּ׃

wĕhani̇şĕ̌ʼári֣ym bá̇ke֗m yimȧ֨q̇ẇ֙ bȧֽʻàwòná֔m bĕ̇ʼarĕẕò֖ţ ʼòyĕbéyke֑m wĕʼa֛p bȧʻàwònò֥ţ ʼàbòţá֖m ʼiţá֥̇m yimáֽ̇q̇ẇ׃

40
וְהִתְוַדּ֤וּ אֶת־עֲוֹנָם֙ וְאֶת־עֲוֹ֣ן אֲבֹתָ֔ם בְּמַעֲלָ֖ם אֲשֶׁ֣ר מָֽעֲלוּ־בִ֑י וְאַ֕ף אֲשֶׁר־הָֽלְכ֥וּ עִמִּ֖י בְּקֶֽרִי׃

wĕhiţĕwaḋ֤ẇ ʼeţ־ʻàwònám֙ wĕʼeţ־ʻàwò֣n ʼàbòţá֔m bĕ̇maʻàlá֖m ʼàşě֣r máֽʻàlẇ־bi֑y wĕʼa֕p ʼàşěr־háֽlĕk֥ẇ ʻimi֖̇y bĕ̇qeֽriy׃

41
אַף־אֲנִ֗י אֵלֵ֤ךְ עִמָּם֙ בְּקֶ֔רִי וְהֵבֵאתִ֣י אֹתָ֔ם בְּאֶ֖רֶץ אֹיְבֵיהֶ֑ם אֹו־אָ֣ז יִכָּנַ֗ע לְבָבָם֙ הֶֽעָרֵ֔ל וְאָ֖ז יִרְצ֥וּ אֶת־עֲוֹנָֽם׃

ʼap־ʼàni֗y ʼélé֤kĕ ʻimá̇m֙ bĕ̇qe֔riy wĕhébéʼţi֣y ʼòţá֔m bĕ̇ʼe֖reẕ ʼòyĕbéyhe֑m ʼòw־ʼá֣z yiká̇na֗ʻ lĕbábám֙ heֽʻáré֔l wĕʼá֖z yirĕẕ֥ẇ ʼeţ־ʻàwònáֽm׃

42
וְזָכַרְתִּ֖י אֶת־בְּרִיתִ֣י יַעֲקֹ֑וב וְאַף֩ אֶת־בְּרִיתִ֨י יִצְחָ֜ק וְאַ֨ף אֶת־בְּרִיתִ֧י אַבְרָהָ֛ם אֶזְכֹּ֖ר וְהָאָ֥רֶץ אֶזְכֹּֽר׃

wĕzákarĕţi֖̇y ʼeţ־bĕ̇riyţi֣y yaʻàqò֑wb wĕʼap֩ ʼeţ־bĕ̇riyţi֨y yiẕĕẖá֜q wĕʼa֨p ʼeţ־bĕ̇riyţi֧y ʼabĕráhá֛m ʼezĕkò֖̇r wĕháʼá֥reẕ ʼezĕkòֽ̇r׃

43
וְהָאָרֶץ֩ תֵּעָזֵ֨ב מֵהֶ֜ם וְתִ֣רֶץ אֶת־שַׁבְּתֹתֶ֗יהָ בָּהְשַׁמָּה֙ מֵהֶ֔ם וְהֵ֖ם יִרְצ֣וּ אֶת־עֲוֹנָ֑ם יַ֣עַן וּבְיַ֔עַן בְּמִשְׁפָּטַ֣י מָאָ֔סוּ וְאֶת־חֻקֹּתַ֖י גָּעֲלָ֥ה נַפְשָֽׁם׃

wĕháʼáreẕ֩ ţé̇ʻázé֨b méhe֜m wĕţi֣reẕ ʼeţ־şǎbĕ̇ţòţe֗yhá bá̇hĕşǎmá̇h֙ méhe֔m wĕhé֖m yirĕẕ֣ẇ ʼeţ־ʻàwòná֑m ya֣ʻan ẇbĕya֔ʻan bĕ̇mişĕ̌pá̇ta֣y máʼá֔sẇ wĕʼeţ־ẖuqò̇ţa֖y gá̇ʻàlá֥h napĕşáֽ̌m׃

44
וְאַף־גַּם־זֹ֠את בִּֽהְיֹותָ֞ם בְּאֶ֣רֶץ אֹֽיְבֵיהֶ֗ם לֹֽא־מְאַסְתִּ֤ים וְלֹֽא־גְעַלְתִּים֙ לְכַלֹּתָ֔ם לְהָפֵ֥ר בְּרִיתִ֖י אִתָּ֑ם כִּ֛י אֲנִ֥י יְהוָ֖ה אֱלֹהֵיהֶֽם׃

wĕʼap־gȧm־zò֠ʼţ biֽ̇hĕyòwţá֞m bĕ̇ʼe֣reẕ ʼòֽyĕbéyhe֗m lòֽʼ־mĕʼasĕţi֤̇ym wĕlòֽʼ־gĕʻalĕţi̇ym֙ lĕkalò̇ţá֔m lĕhápé֥r bĕ̇riyţi֖y ʼiţá֑̇m ki֛̇y ʼàni֥y yĕhwá֖h ʼèlòhéyheֽm׃

45
וְזָכַרְתִּ֥י לָהֶ֖ם בְּרִ֣ית רִאשֹׁנִ֑ים אֲשֶׁ֣ר הֹוצֵֽאתִי־אֹתָם֩ מֵאֶ֨רֶץ מִצְרַ֜יִם לְעֵינֵ֣י הַגֹּויִ֗ם לִהְיֹ֥ת לָהֶ֛ם לֵאלֹהִ֖ים אֲנִ֥י יְהוָֽה׃

wĕzákarĕţi֥̇y láhe֖m bĕ̇ri֣yţ riʼşò̌ni֑ym ʼàşě֣r hòwẕéֽʼţiy־ʼòţám֩ méʼe֨reẕ miẕĕra֜yim lĕʻéyné֣y hagò̇wyi֗m lihĕyò֥ţ láhe֛m léʼlòhi֖ym ʼàni֥y yĕhwáֽh׃

46
אֵ֠לֶּה הַֽחֻקִּ֣ים וְהַמִּשְׁפָּטִים֮ וְהַתֹּורֹת֒ אֲשֶׁר֙ נָתַ֣ן יְהוָ֔ה בֵּינֹ֕ו וּבֵ֖ין בְּנֵ֣י יִשְׂרָאֵ֑ל בְּהַ֥ר סִינַ֖י בְּיַד־מֹשֶֽׁה׃ פ

ʼé֠lėh haֽẖuqi֣̇ym wĕhami̇şĕ̌pá̇tiym֮ wĕhaţò̇wròţ֒ ʼàşěr֙ náţa֣n yĕhwá֔h bé̇ynò֕w ẇbé֖yn bĕ̇né֣y yişĕ̂ráʼé֑l bĕ̇ha֥r siyna֖y bĕ̇yad־mòşěֽh׃ p