Bibles in ancient languages
Old translations
Modern translations

Biblia Hebraica Stuttgartensia Lévitique 5:22

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְנֶ֣פֶשׁ כִּֽי־תֶחֱטָ֗א וְשָֽׁמְעָה֙ קֹ֣ול אָלָ֔ה וְה֣וּא עֵ֔ד אֹ֥ו רָאָ֖ה אֹ֣ו יָדָ֑ע אִם־לֹ֥וא יַגִּ֖יד וְנָשָׂ֥א עֲוֹנֹֽו׃

wĕne֣peş̌ kiֽ̇y־ţeẖètá֗ʼ wĕşáֽ̌mĕʻáh֙ qò֣wl ʼálá֔h wĕh֣ẇʼ ʻé֔d ʼò֥w ráʼá֖h ʼò֣w yádá֑ʻ ʼim־lò֥wʼ yagi֖̇yd wĕnáşá֥̂ʼ ʻàwònòֽw׃

2
אֹ֣ו נֶ֗פֶשׁ אֲשֶׁ֣ר תִּגַּע֮ בְּכָל־דָּבָ֣ר טָמֵא֒ אֹו֩ בְנִבְלַ֨ת חַיָּ֜ה טְמֵאָ֗ה אֹ֚ו בְּנִבְלַת֙ בְּהֵמָ֣ה טְמֵאָ֔ה אֹ֕ו בְּנִבְלַ֖ת שֶׁ֣רֶץ טָמֵ֑א וְנֶעְלַ֣ם מִמֶּ֔נּוּ וְה֥וּא טָמֵ֖א וְאָשֵֽׁם׃

ʼò֣w ne֗peş̌ ʼàşě֣r ţi̇gȧʻ֮ bĕ̇kál־dá̇bá֣r táméʼ֒ ʼòw֩ bĕnibĕla֨ţ ẖayá̇֜h tĕméʼá֗h ʼò֚w bĕ̇nibĕlaţ֙ bĕ̇hémá֣h tĕméʼá֔h ʼò֕w bĕ̇nibĕla֖ţ şě֣reẕ támé֑ʼ wĕneʻĕla֣m mimė֔ṅẇ wĕh֥ẇʼ támé֖ʼ wĕʼáşéֽ̌m׃

3
אֹ֣ו כִ֤י יִגַּע֙ בְּטֻמְאַ֣ת אָדָ֔ם לְכֹל֙ טֻמְאָתֹ֔ו אֲשֶׁ֥ר יִטְמָ֖א בָּ֑הּ וְנֶעְלַ֣ם מִמֶּ֔נּוּ וְה֥וּא יָדַ֖ע וְאָשֵֽׁם׃

ʼò֣w ki֤y yigȧʻ֙ bĕ̇tumĕʼa֣ţ ʼádá֔m lĕkòl֙ tumĕʼáţò֔w ʼàşě֥r yitĕmá֖ʼ bá֑̇ḣ wĕneʻĕla֣m mimė֔ṅẇ wĕh֥ẇʼ yáda֖ʻ wĕʼáşéֽ̌m׃

4
אֹ֣ו נֶ֡פֶשׁ כִּ֣י תִשָּׁבַע֩ לְבַטֵּ֨א בִשְׂפָתַ֜יִם לְהָרַ֣ע׀ אֹ֣ו לְהֵיטִ֗יב לְ֠כֹל אֲשֶׁ֨ר יְבַטֵּ֧א הָאָדָ֛ם בִּשְׁבֻעָ֖ה וְנֶעְלַ֣ם מִמֶּ֑נּוּ וְהוּא־יָדַ֥ע וְאָשֵׁ֖ם לְאַחַ֥ת מֵאֵֽלֶּה׃

ʼò֣w ne֡peş̌ ki֣̇y ţişá̇̌baʻ֩ lĕbaté̇֨ʼ bişĕ̂páţa֜yim lĕhára֣ʻ׀ ʼò֣w lĕhéyti֗yb lĕ֠kòl ʼàşě֨r yĕbaté֧̇ʼ háʼádá֛m bi̇şĕ̌buʻá֖h wĕneʻĕla֣m mimė֑ṅẇ wĕhẇʼ־yáda֥ʻ wĕʼáşé֖̌m lĕʼaẖa֥ţ méʼéֽlėh׃

5
וְהָיָ֥ה כִֽי־יֶאְשַׁ֖ם לְאַחַ֣ת מֵאֵ֑לֶּה וְהִ֨תְוַדָּ֔ה אֲשֶׁ֥ר חָטָ֖א עָלֶֽיהָ׃

wĕháyá֥h kiֽy־yeʼĕşǎ֖m lĕʼaẖa֣ţ méʼé֑lėh wĕhi֨ţĕwadá̇֔h ʼàşě֥r ẖátá֖ʼ ʻáleֽyhá׃

6
וְהֵבִ֣יא אֶת־אֲשָׁמֹ֣ו לַיהוָ֡ה עַ֣ל חַטָּאתֹו֩ אֲשֶׁ֨ר חָטָ֜א נְקֵבָ֨ה מִן־הַצֹּ֥אן כִּשְׂבָּ֛ה אֹֽו־שְׂעִירַ֥ת עִזִּ֖ים לְחַטָּ֑את וְכִפֶּ֥ר עָלָ֛יו הַכֹּהֵ֖ן מֵחַטָּאתֹֽו׃

wĕhébi֣yʼ ʼeţ־ʼàşá̌mò֣w layhwá֡h ʻa֣l ẖatá̇ʼţòw֩ ʼàşě֨r ẖátá֜ʼ nĕqébá֨h min־haẕò֥̇ʼn ki̇şĕ̂bá֛̇h ʼòֽw־şĕ̂ʻiyra֥ţ ʻizi֖̇ym lĕẖatá֑̇ʼţ wĕkipė֥r ʻálá֛yw hakò̇hé֖n méẖatá̇ʼţòֽw׃

7
וְאִם־לֹ֨א תַגִּ֣יע יָדֹו֮ דֵּ֣י שֶׂה֒ וְהֵבִ֨יא אֶת־אֲשָׁמֹ֜ו אֲשֶׁ֣ר חָטָ֗א שְׁתֵּ֥י תֹרִ֛ים אֹֽו־שְׁנֵ֥י בְנֵֽי־יֹונָ֖ה לַֽיהוָ֑ה אֶחָ֥ד לְחַטָּ֖את וְאֶחָ֥ד לְעֹלָֽה׃

wĕʼim־lò֨ʼ ţagi֣̇yʻ yádòw֮ dé֣̇y şêh֒ wĕhébi֨yʼ ʼeţ־ʼàşá̌mò֜w ʼàşě֣r ẖátá֗ʼ şĕ̌ţé֥̇y ţòri֛ym ʼòֽw־şĕ̌né֥y bĕnéֽy־yòwná֖h laֽyhwá֑h ʼeẖá֥d lĕẖatá֖̇ʼţ wĕʼeẖá֥d lĕʻòláֽh׃

8
וְהֵבִ֤יא אֹתָם֙ אֶל־הַכֹּהֵ֔ן וְהִקְרִ֛יב אֶת־אֲשֶׁ֥ר לַחַטָּ֖את רִאשֹׁונָ֑ה וּמָלַ֧ק אֶת־רֹאשֹׁ֛ו מִמּ֥וּל עָרְפֹּ֖ו וְלֹ֥א יַבְדִּֽיל׃

wĕhébi֤yʼ ʼòţám֙ ʼel־hakò̇hé֔n wĕhiqĕri֛yb ʼeţ־ʼàşě֥r laẖatá֖̇ʼţ riʼşò̌wná֑h ẇmála֧q ʼeţ־ròʼşò֛̌w miṁ֥ẇl ʻárĕpò֖̇w wĕlò֥ʼ yabĕdiֽ̇yl׃

9
וְהִזָּ֞ה מִדַּ֤ם הַחַטָּאת֙ עַל־קִ֣יר הַמִּזְבֵּ֔חַ וְהַנִּשְׁאָ֣ר בַּדָּ֔ם יִמָּצֵ֖ה אֶל־יְסֹ֣וד הַמִּזְבֵּ֑חַ חַטָּ֖את הֽוּא׃

wĕhizá̇֞h midȧ֤m haẖatá̇ʼţ֙ ʻal־qi֣yr hami̇zĕbé̇֔ẖa wĕhani̇şĕ̌ʼá֣r bȧdá̇֔m yimá̇ẕé֖h ʼel־yĕsò֣wd hami̇zĕbé֑̇ẖa ẖatá֖̇ʼţ hֽẇʼ׃

10
וְאֶת־הַשֵּׁנִ֛י יַעֲשֶׂ֥ה עֹלָ֖ה כַּמִּשְׁפָּ֑ט וְכִפֶּ֨ר עָלָ֧יו הַכֹּהֵ֛ן מֵחַטָּאתֹ֥ו אֲשֶׁר־חָטָ֖א וְנִסְלַ֥ח לֹֽו׃ ס

wĕʼeţ־haşé̇̌ni֛y yaʻàşê֥h ʻòlá֖h kȧmi̇şĕ̌pá֑̇t wĕkipė֨r ʻálá֧yw hakò̇hé֛n méẖatá̇ʼţò֥w ʼàşěr־ẖátá֖ʼ wĕnisĕla֥ẖ lòֽw׃ s

11
וְאִם־לֹא֩ תַשִּׂ֨יג יָדֹ֜ו לִשְׁתֵּ֣י תֹרִ֗ים אֹו֮ לִשְׁנֵ֣י בְנֵי־יֹונָה֒ וְהֵבִ֨יא אֶת־קָרְבָּנֹ֜ו אֲשֶׁ֣ר חָטָ֗א עֲשִׂירִ֧ת הָאֵפָ֛ה סֹ֖לֶת לְחַטָּ֑את לֹא־יָשִׂ֨ים עָלֶ֜יהָ שֶׁ֗מֶן וְלֹא־יִתֵּ֤ן עָלֶ֨יהָ֙ לְבֹנָ֔ה כִּ֥י חַטָּ֖את הִֽיא׃

wĕʼim־lòʼ֩ ţaşi̇̂֨yg yádò֜w lişĕ̌ţé֣̇y ţòri֗ym ʼòw֮ lişĕ̌né֣y bĕnéy־yòwnáh֒ wĕhébi֨yʼ ʼeţ־qárĕbá̇nò֜w ʼàşě֣r ẖátá֗ʼ ʻàşîyri֧ţ háʼépá֛h sò֖leţ lĕẖatá֑̇ʼţ lòʼ־yáşî֨ym ʻále֜yhá şě֗men wĕlòʼ־yiţé֤̇n ʻále֨yhá֙ lĕbòná֔h ki֥̇y ẖatá֖̇ʼţ hiֽyʼ׃

12
וֶהֱבִיאָהּ֮ אֶל־הַכֹּהֵן֒ וְקָמַ֣ץ הַכֹּהֵ֣ן׀ מִ֠מֶּנָּה מְלֹ֨וא קֻמְצֹ֜ו אֶת־אַזְכָּרָתָה֙ וְהִקְטִ֣יר הַמִּזְבֵּ֔חָה עַ֖ל אִשֵּׁ֣י יְהוָ֑ה חַטָּ֖את הִֽוא׃

wehèbiyʼáḣ֮ ʼel־hakò̇hén֒ wĕqáma֣ẕ hakò̇hé֣n׀ mi֠mėná̇h mĕlò֨wʼ qumĕẕò֜w ʼeţ־ʼazĕká̇ráţáh֙ wĕhiqĕti֣yr hami̇zĕbé̇֔ẖáh ʻa֖l ʼişé֣̇̌y yĕhwá֑h ẖatá֖̇ʼţ hiֽwʼ׃

13
וְכִפֶּר֩ עָלָ֨יו הַכֹּהֵ֜ן עַל־חַטָּאתֹ֧ו אֲשֶׁר־חָטָ֛א מֵֽאַחַ֥ת מֵאֵ֖לֶּה וְנִסְלַ֣ח לֹ֑ו וְהָיְתָ֥ה לַכֹּהֵ֖ן כַּמִּנְחָֽה׃ ס

wĕkipėr֩ ʻálá֨yw hakò̇hé֜n ʻal־ẖatá̇ʼţò֧w ʼàşěr־ẖátá֛ʼ méֽʼaẖa֥ţ méʼé֖lėh wĕnisĕla֣ẖ lò֑w wĕháyĕţá֥h lakò̇hé֖n kȧmi̇nĕẖáֽh׃ s

14
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

15
נֶ֚פֶשׁ כִּֽי־תִמְעֹ֣ל מַ֔עַל וְחָֽטְאָה֙ בִּשְׁגָגָ֔ה מִקָּדְשֵׁ֖י יְהוָ֑ה וְהֵבִיא֩ אֶת־אֲשָׁמֹ֨ו לַֽיהוָ֜ה אַ֧יִל תָּמִ֣ים מִן־הַצֹּ֗אן בְּעֶרְכְּךָ֛ כֶּֽסֶף־שְׁקָלִ֥ים בְּשֶֽׁקֶל־הַקֹּ֖דֶשׁ לְאָשָֽׁם׃

ne֚peş̌ kiֽ̇y־ţimĕʻò֣l ma֔ʻal wĕẖáֽtĕʼáh֙ bi̇şĕ̌gágá֔h miqá̇dĕşé֖̌y yĕhwá֑h wĕhébiyʼ֩ ʼeţ־ʼàşá̌mò֨w laֽyhwá֜h ʼa֧yil ţá̇mi֣ym min־haẕò̇֗ʼn bĕ̇ʻerĕkĕ̇ká֛ kėֽsep־şĕ̌qáli֥ym bĕ̇şěֽqel־haqò֖̇deş̌ lĕʼáşáֽ̌m׃

16
וְאֵ֣ת אֲשֶׁר֩ חָטָ֨א מִן־הַקֹּ֜דֶשׁ יְשַׁלֵּ֗ם וְאֶת־חֲמִֽישִׁתֹו֙ יֹוסֵ֣ף עָלָ֔יו וְנָתַ֥ן אֹתֹ֖ו לַכֹּהֵ֑ן וְהַכֹּהֵ֗ן יְכַפֵּ֥ר עָלָ֛יו בְּאֵ֥יל הָאָשָׁ֖ם וְנִסְלַ֥ח לֹֽו׃ פ

wĕʼé֣ţ ʼàşěr֩ ẖátá֨ʼ min־haqò̇֜deş̌ yĕşǎlé̇֗m wĕʼeţ־ẖàmiֽyşǐţòw֙ yòwsé֣p ʻálá֔yw wĕnáţa֥n ʼòţò֖w lakò̇hé֑n wĕhakò̇hé֗n yĕkapé֥̇r ʻálá֛yw bĕ̇ʼé֥yl háʼáşá֖̌m wĕnisĕla֥ẖ lòֽw׃ p

17
וְאִם־נֶ֨פֶשׁ֙ כִּ֣י תֶֽחֱטָ֔א וְעָֽשְׂתָ֗ה אַחַת֙ מִכָּל־מִצְוֹ֣ת יְהוָ֔ה אֲשֶׁ֖ר לֹ֣א תֵעָשֶׂ֑ינָה וְלֹֽא־יָדַ֥ע וְאָשֵׁ֖ם וְנָשָׂ֥א עֲוֹנֹֽו׃

wĕʼim־ne֨peş̌֙ ki֣̇y ţeֽẖètá֔ʼ wĕʻáֽşĕ̂ţá֗h ʼaẖaţ֙ miká̇l־miẕĕwò֣ţ yĕhwá֔h ʼàşě֖r lò֣ʼ ţéʻáşê֑ynáh wĕlòֽʼ־yáda֥ʻ wĕʼáşé֖̌m wĕnáşá֥̂ʼ ʻàwònòֽw׃

18
וְ֠הֵבִיא אַ֣יִל תָּמִ֧ים מִן־הַצֹּ֛אן בְּעֶרְכְּךָ֥ לְאָשָׁ֖ם אֶל־הַכֹּהֵ֑ן וְכִפֶּר֩ עָלָ֨יו הַכֹּהֵ֜ן עַ֣ל שִׁגְגָתֹ֧ו אֲשֶׁר־שָׁגָ֛ג וְה֥וּא לֹֽא־יָדַ֖ע וְנִסְלַ֥ח לֹֽו׃

wĕ֠hébiyʼ ʼa֣yil ţá̇mi֧ym min־haẕò֛̇ʼn bĕ̇ʻerĕkĕ̇ká֥ lĕʼáşá֖̌m ʼel־hakò̇hé֑n wĕkipėr֩ ʻálá֨yw hakò̇hé֜n ʻa֣l şǐgĕgáţò֧w ʼàşěr־şá̌gá֛g wĕh֥ẇʼ lòֽʼ־yáda֖ʻ wĕnisĕla֥ẖ lòֽw׃

19
אָשָׁ֖ם ה֑וּא אָשֹׁ֥ם אָשַׁ֖ם לַיהוָֽה׃ פ

ʼáşá֖̌m h֑ẇʼ ʼáşò֥̌m ʼáşǎ֖m layhwáֽh׃ p

20
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

21
נֶ֚פֶשׁ כִּ֣י תֶחֱטָ֔א וּמָעֲלָ֥ה מַ֖עַל בַּיהוָ֑ה וְכִחֵ֨שׁ בַּעֲמִיתֹ֜ו בְּפִקָּדֹ֗ון אֹֽו־בִתְשׂ֤וּמֶת יָד֙ אֹ֣ו בְגָזֵ֔ל אֹ֖ו עָשַׁ֥ק אֶת־עֲמִיתֹֽו׃

ne֚peş̌ ki֣̇y ţeẖètá֔ʼ ẇmáʻàlá֥h ma֖ʻal bȧyhwá֑h wĕkiẖé֨ş̌ bȧʻàmiyţò֜w bĕ̇piqá̇dò֗wn ʼòֽw־biţĕş֤̂ẇmeţ yád֙ ʼò֣w bĕgázé֔l ʼò֖w ʻáşǎ֥q ʼeţ־ʻàmiyţòֽw׃

22
אֹֽו־מָצָ֧א אֲבֵדָ֛ה וְכִ֥חֶשׁ בָּ֖הּ וְנִשְׁבַּ֣ע עַל־שָׁ֑קֶר עַל־אַחַ֗ת מִכֹּ֛ל אֲשֶׁר־יַעֲשֶׂ֥ה הָאָדָ֖ם לַחֲטֹ֥א בָהֵֽנָּה׃

ʼòֽw־máẕá֧ʼ ʼàbédá֛h wĕki֥ẖeş̌ bá֖̇ḣ wĕnişĕ̌bȧ֣ʻ ʻal־şá֑̌qer ʻal־ʼaẖa֗ţ mikò֛̇l ʼàşěr־yaʻàşê֥h háʼádá֖m laẖàtò֥ʼ báhéֽná̇h׃

23
וְהָיָה֮ כִּֽי־יֶחֱטָ֣א וְאָשֵׁם֒ וְהֵשִׁ֨יב אֶת־הַגְּזֵלָ֜ה אֲשֶׁ֣ר גָּזָ֗ל אֹ֤ו אֶת־הָעֹ֨שֶׁק֙ אֲשֶׁ֣ר עָשָׁ֔ק אֹ֚ו אֶת־הַפִּקָּדֹ֔ון אֲשֶׁ֥ר הָפְקַ֖ד אִתֹּ֑ו אֹ֥ו אֶת־הָאֲבֵדָ֖ה אֲשֶׁ֥ר מָצָֽא׃

wĕháyáh֮ kiֽ̇y־yeẖètá֣ʼ wĕʼáşé̌m֒ wĕhéşǐ֨yb ʼeţ־hagĕ̇zélá֜h ʼàşě֣r gá̇zá֗l ʼò֤w ʼeţ־háʻò֨şěq֙ ʼàşě֣r ʻáşá̌֔q ʼò֚w ʼeţ־hapi̇qá̇dò֔wn ʼàşě֥r hápĕqa֖d ʼiţò֑̇w ʼò֥w ʼeţ־háʼàbédá֖h ʼàşě֥r máẕáֽʼ׃

24
אֹ֠ו מִכֹּ֞ל אֲשֶׁר־יִשָּׁבַ֣ע עָלָיו֮ לַשֶּׁקֶר֒ וְשִׁלַּ֤ם אֹתֹ בְּרֹאשֹׁ֔ו וַחֲמִשִׁתָ֖יו יֹסֵ֣ף עָלָ֑יו לַאֲשֶׁ֨ר ה֥וּא לֹ֛ו יִתְּנֶ֖נּוּ בְּיֹ֥ום אַשְׁמָתֹֽו׃

ʼò֠w mikò̇֞l ʼàşěr־yişá̇̌ba֣ʻ ʻáláyw֮ laşė̌qer֒ wĕşǐlȧ֤m ʼòţò bĕ̇ròʼşò̌֔w waẖàmişǐţá֖yw yòsé֣p ʻálá֑yw laʼàşě֨r h֥ẇʼ lò֛w yiţĕ̇ne֖ṅẇ bĕ̇yò֥wm ʼaşĕ̌máţòֽw׃

25
וְאֶת־אֲשָׁמֹ֥ו יָבִ֖יא לַיהוָ֑ה אַ֣יִל תָּמִ֧ים מִן־הַצֹּ֛אן בְּעֶרְכְּךָ֥ לְאָשָׁ֖ם אֶל־הַכֹּהֵֽן׃

wĕʼeţ־ʼàşá̌mò֥w yábi֖yʼ layhwá֑h ʼa֣yil ţá̇mi֧ym min־haẕò֛̇ʼn bĕ̇ʻerĕkĕ̇ká֥ lĕʼáşá֖̌m ʼel־hakò̇héֽn׃

26
וְכִפֶּ֨ר עָלָ֧יו הַכֹּהֵ֛ן לִפְנֵ֥י יְהוָ֖ה וְנִסְלַ֣ח לֹ֑ו עַל־אַחַ֛ת מִכֹּ֥ל אֲשֶֽׁר־יַעֲשֶׂ֖ה לְאַשְׁמָ֥ה בָֽהּ׃ פ

wĕkipė֨r ʻálá֧yw hakò̇hé֛n lipĕné֥y yĕhwá֖h wĕnisĕla֣ẖ lò֑w ʻal־ʼaẖa֛ţ mikò֥̇l ʼàşěֽr־yaʻàşê֖h lĕʼaşĕ̌má֥h báֽḣ׃ p