Bibles in ancient languages
Old translations
Modern translations

Biblia Hebraica Stuttgartensia Lévitique 7:35

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְזֹ֥את תֹּורַ֖ת הָאָשָׁ֑ם קֹ֥דֶשׁ קָֽדָשִׁ֖ים הֽוּא׃

wĕzò֥ʼţ ţò̇wra֖ţ háʼáşá֑̌m qò֥deş̌ qáֽdáşǐ֖ym hֽẇʼ׃

2
בִּמְקֹ֗ום אֲשֶׁ֤ר יִשְׁחֲטוּ֙ אֶת־הָ֣עֹלָ֔ה יִשְׁחֲט֖וּ אֶת־הָאָשָׁ֑ם וְאֶת־דָּמֹ֛ו יִזְרֹ֥ק עַל־הַמִּזְבֵּ֖חַ סָבִֽיב׃

bi̇mĕqò֗wm ʼàşě֤r yişĕ̌ẖàtẇ֙ ʼeţ־há֣ʻòlá֔h yişĕ̌ẖàt֖ẇ ʼeţ־háʼáşá֑̌m wĕʼeţ־dá̇mò֛w yizĕrò֥q ʻal־hami̇zĕbé֖̇ẖa sábiֽyb׃

3
וְאֵ֥ת כָּל־חֶלְבֹּ֖ו יַקְרִ֣יב מִמֶּ֑נּוּ אֵ֚ת הָֽאַלְיָ֔ה וְאֶת־הַחֵ֖לֶב הַֽמְכַסֶּ֥ה אֶת־הַקֶּֽרֶב׃

wĕʼé֥ţ ká̇l־ẖelĕbò֖̇w yaqĕri֣yb mimė֑ṅẇ ʼé֚ţ háֽʼalĕyá֔h wĕʼeţ־haẖé֖leb haֽmĕkasė֥h ʼeţ־haqėֽreb׃

4
וְאֵת֙ שְׁתֵּ֣י הַכְּלָיֹ֔ת וְאֶת־הַחֵ֨לֶב֙ אֲשֶׁ֣ר עֲלֵיהֶ֔ן אֲשֶׁ֖ר עַל־הַכְּסָלִ֑ים וְאֶת־הַיֹּתֶ֨רֶת֙ עַל־הַכָּבֵ֔ד עַל־הַכְּלָיֹ֖ת יְסִירֶֽנָּה׃

wĕʼéţ֙ şĕ̌ţé֣̇y hakĕ̇láyò֔ţ wĕʼeţ־haẖé֨leb֙ ʼàşě֣r ʻàléyhe֔n ʼàşě֖r ʻal־hakĕ̇sáli֑ym wĕʼeţ־hayò̇ţe֨reţ֙ ʻal־haká̇bé֔d ʻal־hakĕ̇láyò֖ţ yĕsiyreֽná̇h׃

5
וְהִקְטִ֨יר אֹתָ֤ם הַכֹּהֵן֙ הַמִּזְבֵּ֔חָה אִשֶּׁ֖ה לַיהוָ֑ה אָשָׁ֖ם הֽוּא׃

wĕhiqĕti֨yr ʼòţá֤m hakò̇hén֙ hami̇zĕbé̇֔ẖáh ʼişė֖̌h layhwá֑h ʼáşá֖̌m hֽẇʼ׃

6
כָּל־זָכָ֥ר בַּכֹּהֲנִ֖ים יֹאכְלֶ֑נּוּ בְּמָקֹ֤ום קָדֹושׁ֙ יֵאָכֵ֔ל קֹ֥דֶשׁ קָֽדָשִׁ֖ים הֽוּא׃

ká̇l־záká֥r bȧkò̇hàni֖ym yòʼkĕle֑ṅẇ bĕ̇máqò֤wm qádòwş̌֙ yéʼáké֔l qò֥deş̌ qáֽdáşǐ֖ym hֽẇʼ׃

7
כַּֽחַטָּאת֙ כָּֽאָשָׁ֔ם תֹּורָ֥ה אַחַ֖ת לָהֶ֑ם הַכֹּהֵ֛ן אֲשֶׁ֥ר יְכַפֶּר־בֹּ֖ו לֹ֥ו יִהְיֶֽה׃

kȧֽẖatá̇ʼţ֙ káֽ̇ʼáşá̌֔m ţò̇wrá֥h ʼaẖa֖ţ láhe֑m hakò̇hé֛n ʼàşě֥r yĕkapėr־bò֖̇w lò֥w yihĕyeֽh׃

8
וְהַ֨כֹּהֵ֔ן הַמַּקְרִ֖יב אֶת־עֹ֣לַת אִ֑ישׁ עֹ֤ור הָֽעֹלָה֙ אֲשֶׁ֣ר הִקְרִ֔יב לַכֹּהֵ֖ן לֹ֥ו יִהְיֶֽה׃

wĕha֨kò̇hé֔n hamȧqĕri֖yb ʼeţ־ʻò֣laţ ʼi֑yş̌ ʻò֤wr háֽʻòláh֙ ʼàşě֣r hiqĕri֔yb lakò̇hé֖n lò֥w yihĕyeֽh׃

9
וְכָל־מִנְחָ֗ה אֲשֶׁ֤ר תֵּֽאָפֶה֙ בַּתַּנּ֔וּר וְכָל־נַעֲשָׂ֥ה בַמַּרְחֶ֖שֶׁת וְעַֽל־מַחֲבַ֑ת לַכֹּהֵ֛ן הַמַּקְרִ֥יב אֹתָ֖הּ לֹ֥ו תִֽהְיֶֽה׃

wĕkál־minĕẖá֗h ʼàşě֤r ţéֽ̇ʼápeh֙ bȧţȧṅ֔ẇr wĕkál־naʻàşá֥̂h bamȧrĕẖe֖şěţ wĕʻaֽl־maẖàba֑ţ lakò̇hé֛n hamȧqĕri֥yb ʼòţá֖ḣ lò֥w ţiֽhĕyeֽh׃

10
וְכָל־מִנְחָ֥ה בְלוּלָֽה־בַשֶּׁ֖מֶן וַחֲרֵבָ֑ה לְכָל־בְּנֵ֧י אַהֲרֹ֛ן תִּהְיֶ֖ה אִ֥ישׁ כְּאָחִֽיו׃ פ

wĕkál־minĕẖá֥h bĕlẇláֽh־başė֖̌men waẖàrébá֑h lĕkál־bĕ̇né֧y ʼahàrò֛n ţi̇hĕye֖h ʼi֥yş̌ kĕ̇ʼáẖiֽyw׃ p

11
וְזֹ֥את תֹּורַ֖ת זֶ֣בַח הַשְּׁלָמִ֑ים אֲשֶׁ֥ר יַקְרִ֖יב לַיהוָֽה׃

wĕzò֥ʼţ ţò̇wra֖ţ ze֣baẖ haşĕ̇̌lámi֑ym ʼàşě֥r yaqĕri֖yb layhwáֽh׃

12
אִ֣ם עַל־תֹּודָה֮ יַקְרִיבֶנּוּ֒ וְהִקְרִ֣יב׀ עַל־זֶ֣בַח הַתֹּודָ֗ה חַלֹּ֤ות מַצֹּות֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצֹּ֖ות מְשֻׁחִ֣ים בַּשָּׁ֑מֶן וְסֹ֣לֶת מֻרְבֶּ֔כֶת חַלֹּ֖ת בְּלוּלֹ֥ת בַּשָּֽׁמֶן׃

ʼi֣m ʻal־ţò̇wdáh֮ yaqĕriybeṅẇ֒ wĕhiqĕri֣yb׀ ʻal־ze֣baẖ haţò̇wdá֗h ẖalò֤̇wţ maẕò̇wţ֙ bĕ̇lẇlò֣ţ bȧşė̌֔men ẇrĕqiyqé֥y maẕò֖̇wţ mĕşǔẖi֣ym bȧşá֑̇̌men wĕsò֣leţ murĕbė֔keţ ẖalò֖̇ţ bĕ̇lẇlò֥ţ bȧşáֽ̇̌men׃

13
עַל־חַלֹּת֙ לֶ֣חֶם חָמֵ֔ץ יַקְרִ֖יב קָרְבָּנֹ֑ו עַל־זֶ֖בַח תֹּודַ֥ת שְׁלָמָֽיו׃

ʻal־ẖalò̇ţ֙ le֣ẖem ẖámé֔ẕ yaqĕri֖yb qárĕbá̇nò֑w ʻal־ze֖baẖ ţò̇wda֥ţ şĕ̌lámáֽyw׃

14
וְהִקְרִ֨יב מִמֶּ֤נּוּ אֶחָד֙ מִכָּל־קָרְבָּ֔ן תְּרוּמָ֖ה לַיהוָ֑ה לַכֹּהֵ֗ן הַזֹּרֵ֛ק אֶת־דַּ֥ם הַשְּׁלָמִ֖ים לֹ֥ו יִהְיֶֽה׃

wĕhiqĕri֨yb mimė֤ṅẇ ʼeẖád֙ miká̇l־qárĕbá̇֔n ţĕ̇rẇmá֖h layhwá֑h lakò̇hé֗n hazò̇ré֛q ʼeţ־dȧ֥m haşĕ̇̌lámi֖ym lò֥w yihĕyeֽh׃

15
וּבְשַׂ֗ר זֶ֚בַח תֹּודַ֣ת שְׁלָמָ֔יו בְּיֹ֥ום קָרְבָּנֹ֖ו יֵאָכֵ֑ל לֹֽא־יַנִּ֥יחַ מִמֶּ֖נּוּ עַד־בֹּֽקֶר׃

ẇbĕşâ֗r ze֚baẖ ţò̇wda֣ţ şĕ̌lámá֔yw bĕ̇yò֥wm qárĕbá̇nò֖w yéʼáké֑l lòֽʼ־yani֥̇yẖa mimė֖ṅẇ ʻad־bòֽ̇qer׃

16
וְאִם־נֶ֣דֶר׀ אֹ֣ו נְדָבָ֗ה זֶ֚בַח קָרְבָּנֹ֔ו בְּיֹ֛ום הַקְרִיבֹ֥ו אֶת־זִבְחֹ֖ו יֵאָכֵ֑ל וּמִֽמָּחֳרָ֔ת וְהַנֹּותָ֥ר מִמֶּ֖נּוּ יֵאָכֵֽל׃

wĕʼim־ne֣der׀ ʼò֣w nĕdábá֗h ze֚baẖ qárĕbá̇nò֔w bĕ̇yò֛wm haqĕriybò֥w ʼeţ־zibĕẖò֖w yéʼáké֑l ẇmiֽmá̇ẖorá֔ţ wĕhanò̇wţá֥r mimė֖ṅẇ yéʼákéֽl׃

17
וְהַנֹּותָ֖ר מִבְּשַׂ֣ר הַזָּ֑בַח בַּיֹּום֙ הַשְּׁלִישִׁ֔י בָּאֵ֖שׁ יִשָּׂרֵֽף׃

wĕhanò̇wţá֖r mibĕ̇şâ֣r hazá֑̇baẖ bȧyò̇wm֙ haşĕ̇̌liyşǐ֔y bá̇ʼé֖ş̌ yişá̇̂réֽp׃

18
וְאִ֣ם הֵאָכֹ֣ל יֵ֠אָכֵל מִבְּשַׂר־זֶ֨בַח שְׁלָמָ֜יו בַּיֹּ֣ום הַשְּׁלִישִׁי֮ לֹ֣א יֵרָצֶה֒ הַמַּקְרִ֣יב אֹתֹ֗ו לֹ֧א יֵחָשֵׁ֛ב לֹ֖ו פִּגּ֣וּל יִהְיֶ֑ה וְהַנֶּ֛פֶשׁ הָאֹכֶ֥לֶת מִמֶּ֖נּוּ עֲוֹנָ֥הּ תִּשָּֽׂא׃

wĕʼi֣m héʼákò֣l yé֠ʼákél mibĕ̇şâr־ze֨baẖ şĕ̌lámá֜yw bȧyò֣̇wm haşĕ̇̌liyşǐy֮ lò֣ʼ yéráẕeh֒ hamȧqĕri֣yb ʼòţò֗w lò֧ʼ yéẖáşé֛̌b lò֖w pi̇ġ֣ẇl yihĕye֑h wĕhanė֛peş̌ háʼòke֥leţ mimė֖ṅẇ ʻàwòná֥ḣ ţi̇şáֽ̇̂ʼ׃

19
וְהַבָּשָׂ֞ר אֲשֶׁר־יִגַּ֤ע בְּכָל־טָמֵא֙ לֹ֣א יֵֽאָכֵ֔ל בָּאֵ֖שׁ יִשָּׂרֵ֑ף וְהַ֨בָּשָׂ֔ר כָּל־טָהֹ֖ור יֹאכַ֥ל בָּשָֽׂר׃

wĕhabá̇şá̂֞r ʼàşěr־yigȧ֤ʻ bĕ̇kál־táméʼ֙ lò֣ʼ yéֽʼáké֔l bá̇ʼé֖ş̌ yişá̇̂ré֑p wĕha֨bá̇şá̂֔r ká̇l־táhò֖wr yòʼka֥l bá̇şáֽ̂r׃

20
וְהַנֶּ֜פֶשׁ אֲשֶׁר־תֹּאכַ֣ל בָּשָׂ֗ר מִזֶּ֤בַח הַשְּׁלָמִים֙ אֲשֶׁ֣ר לַיהוָ֔ה וְטֻמְאָתֹ֖ו עָלָ֑יו וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃

wĕhanė֜peş̌ ʼàşěr־ţò̇ʼka֣l bá̇şá̂֗r mizė֤baẖ haşĕ̇̌lámiym֙ ʼàşě֣r layhwá֔h wĕtumĕʼáţò֖w ʻálá֑yw wĕnikĕrĕţá֛h hanė֥peş̌ hahi֖wʼ méʻamėֽyhá׃

21
וְנֶ֜פֶשׁ כִּֽי־תִגַּ֣ע בְּכָל־טָמֵ֗א בְּטֻמְאַ֤ת אָדָם֙ אֹ֣ו׀ בִּבְהֵמָ֣ה טְמֵאָ֗ה אֹ֚ו בְּכָל־שֶׁ֣קֶץ טָמֵ֔א וְאָכַ֛ל מִבְּשַׂר־זֶ֥בַח הַשְּׁלָמִ֖ים אֲשֶׁ֣ר לַיהוָ֑ה וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃ פ

wĕne֜peş̌ kiֽ̇y־ţigȧ֣ʻ bĕ̇kál־támé֗ʼ bĕ̇tumĕʼa֤ţ ʼádám֙ ʼò֣w׀ bi̇bĕhémá֣h tĕméʼá֗h ʼò֚w bĕ̇kál־şě֣qeẕ támé֔ʼ wĕʼáka֛l mibĕ̇şâr־ze֥baẖ haşĕ̇̌lámi֖ym ʼàşě֣r layhwá֑h wĕnikĕrĕţá֛h hanė֥peş̌ hahi֖wʼ méʻamėֽyhá׃ p

22
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

23
דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר כָּל־חֵ֜לֶב שֹׁ֥ור וְכֶ֛שֶׂב וָעֵ֖ז לֹ֥א תֹאכֵֽלוּ׃

dȧbé֛̇r ʼel־bĕ̇né֥y yişĕ̂ráʼé֖l léʼmò֑r ká̇l־ẖé֜leb şò֥̌wr wĕke֛şêb wáʻé֖z lò֥ʼ ţòʼkéֽlẇ׃

24
וְחֵ֤לֶב נְבֵלָה֙ וְחֵ֣לֶב טְרֵפָ֔ה יֵעָשֶׂ֖ה לְכָל־מְלָאכָ֑ה וְאָכֹ֖ל לֹ֥א תֹאכְלֻֽהוּ׃

wĕẖé֤leb nĕbéláh֙ wĕẖé֣leb tĕrépá֔h yéʻáşê֖h lĕkál־mĕláʼká֑h wĕʼákò֖l lò֥ʼ ţòʼkĕluֽhẇ׃

25
כִּ֚י כָּל־אֹכֵ֣ל חֵ֔לֶב מִן־הַ֨בְּהֵמָ֔ה אֲשֶׁ֨ר יַקְרִ֥יב מִמֶּ֛נָּה אִשֶּׁ֖ה לַיהוָ֑ה וְנִכְרְתָ֛ה הַנֶּ֥פֶשׁ הָאֹכֶ֖לֶת מֵֽעַמֶּֽיהָ׃

ki֚̇y ká̇l־ʼòké֣l ẖé֔leb min־ha֨bĕ̇hémá֔h ʼàşě֨r yaqĕri֥yb mimė֛ná̇h ʼişė֖̌h layhwá֑h wĕnikĕrĕţá֛h hanė֥peş̌ háʼòke֖leţ méֽʻamėֽyhá׃

26
וְכָל־דָּם֙ לֹ֣א תֹאכְל֔וּ בְּכֹ֖ל מֹושְׁבֹתֵיכֶ֑ם לָעֹ֖וף וְלַבְּהֵמָֽה׃

wĕkál־dá̇m֙ lò֣ʼ ţòʼkĕl֔ẇ bĕ̇kò֖l mòwşĕ̌bòţéyke֑m láʻò֖wp wĕlabĕ̇hémáֽh׃

27
כָּל־נֶ֖פֶשׁ אֲשֶׁר־תֹּאכַ֣ל כָּל־דָּ֑ם וְנִכְרְתָ֛ה הַנֶּ֥פֶשׁ הַהִ֖וא מֵֽעַמֶּֽיהָ׃ פ

ká̇l־ne֖peş̌ ʼàşěr־ţò̇ʼka֣l ká̇l־dá֑̇m wĕnikĕrĕţá֛h hanė֥peş̌ hahi֖wʼ méֽʻamėֽyhá׃ p

28
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

29
דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר הַמַּקְרִ֞יב אֶת־זֶ֤בַח שְׁלָמָיו֙ לַיהוָ֔ה יָבִ֧יא אֶת־קָרְבָּנֹ֛ו לַיהוָ֖ה מִזֶּ֥בַח שְׁלָמָֽיו׃

dȧbé֛̇r ʼel־bĕ̇né֥y yişĕ̂ráʼé֖l léʼmò֑r hamȧqĕri֞yb ʼeţ־ze֤baẖ şĕ̌lámáyw֙ layhwá֔h yábi֧yʼ ʼeţ־qárĕbá̇nò֛w layhwá֖h mizė֥baẖ şĕ̌lámáֽyw׃

30
יָדָ֣יו תְּבִיאֶ֔ינָה אֵ֖ת אִשֵּׁ֣י יְהוָ֑ה אֶת־הַחֵ֤לֶב עַל־הֶֽחָזֶה֙ יְבִיאֶ֔נּוּ אֵ֣ת הֶחָזֶ֗ה לְהָנִ֥יף אֹתֹ֛ו תְּנוּפָ֖ה לִפְנֵ֥י יְהוָֽה׃

yádá֣yw ţĕ̇biyʼe֔ynáh ʼé֖ţ ʼişé֣̇̌y yĕhwá֑h ʼeţ־haẖé֤leb ʻal־heֽẖázeh֙ yĕbiyʼe֔ṅẇ ʼé֣ţ heẖáze֗h lĕháni֥yp ʼòţò֛w ţĕ̇nẇpá֖h lipĕné֥y yĕhwáֽh׃

31
וְהִקְטִ֧יר הַכֹּהֵ֛ן אֶת־הַחֵ֖לֶב הַמִּזְבֵּ֑חָה וְהָיָה֙ הֶֽחָזֶ֔ה לְאַהֲרֹ֖ן וּלְבָנָֽיו׃

wĕhiqĕti֧yr hakò̇hé֛n ʼeţ־haẖé֖leb hami̇zĕbé֑̇ẖáh wĕháyáh֙ heֽẖáze֔h lĕʼahàrò֖n ẇlĕbánáֽyw׃

32
וְאֵת֙ שֹׁ֣וק הַיָּמִ֔ין תִּתְּנ֥וּ תְרוּמָ֖ה לַכֹּהֵ֑ן מִזִּבְחֵ֖י שַׁלְמֵיכֶֽם׃

wĕʼéţ֙ şò֣̌wq hayá̇mi֔yn ţi̇ţĕ̇n֥ẇ ţĕrẇmá֖h lakò̇hé֑n mizi̇bĕẖé֖y şǎlĕméykeֽm׃

33
הַמַּקְרִ֞יב אֶת־דַּ֧ם הַשְּׁלָמִ֛ים וְאֶת־הַחֵ֖לֶב מִבְּנֵ֣י אַהֲרֹ֑ן לֹ֧ו תִהְיֶ֛ה שֹׁ֥וק הַיָּמִ֖ין לְמָנָֽה׃

hamȧqĕri֞yb ʼeţ־dȧ֧m haşĕ̇̌lámi֛ym wĕʼeţ־haẖé֖leb mibĕ̇né֣y ʼahàrò֑n lò֧w ţihĕye֛h şò֥̌wq hayá̇mi֖yn lĕmánáֽh׃

34
כִּי֩ אֶת־חֲזֵ֨ה הַתְּנוּפָ֜ה וְאֵ֣ת׀ שֹׁ֣וק הַתְּרוּמָ֗ה לָקַ֨חְתִּי֙ מֵאֵ֣ת בְּנֵֽי־יִשְׂרָאֵ֔ל מִזִּבְחֵ֖י שַׁלְמֵיהֶ֑ם וָאֶתֵּ֣ן אֹ֠תָם לְאַהֲרֹ֨ן הַכֹּהֵ֤ן וּלְבָנָיו֙ לְחָק־עֹולָ֔ם מֵאֵ֖ת בְּנֵ֥י יִשְׂרָאֵֽל׃

ki̇y֩ ʼeţ־ẖàzé֨h haţĕ̇nẇpá֜h wĕʼé֣ţ׀ şò֣̌wq haţĕ̇rẇmá֗h láqa֨ẖĕţi̇y֙ méʼé֣ţ bĕ̇néֽy־yişĕ̂ráʼé֔l mizi̇bĕẖé֖y şǎlĕméyhe֑m wáʼeţé֣̇n ʼò֠ţám lĕʼahàrò֨n hakò̇hé֤n ẇlĕbánáyw֙ lĕẖáq־ʻòwlá֔m méʼé֖ţ bĕ̇né֥y yişĕ̂ráʼéֽl׃

35
זֹ֣את מִשְׁחַ֤ת אַהֲרֹן֙ וּמִשְׁחַ֣ת בָּנָ֔יו מֵאִשֵּׁ֖י יְהוָ֑ה בְּיֹום֙ הִקְרִ֣יב אֹתָ֔ם לְכַהֵ֖ן לַיהוָֽה׃

zò֣ʼţ mişĕ̌ẖa֤ţ ʼahàròn֙ ẇmişĕ̌ẖa֣ţ bá̇ná֔yw méʼişé֖̇̌y yĕhwá֑h bĕ̇yòwm֙ hiqĕri֣yb ʼòţá֔m lĕkahé֖n layhwáֽh׃

36
אֲשֶׁר֩ צִוָּ֨ה יְהוָ֜ה לָתֵ֣ת לָהֶ֗ם בְּיֹום֙ מָשְׁחֹ֣ו אֹתָ֔ם מֵאֵ֖ת בְּנֵ֣י יִשְׂרָאֵ֑ל חֻקַּ֥ת עֹולָ֖ם לְדֹרֹתָֽם׃

ʼàşěr֩ ẕiwá̇֨h yĕhwá֜h láţé֣ţ láhe֗m bĕ̇yòwm֙ máşĕ̌ẖò֣w ʼòţá֔m méʼé֖ţ bĕ̇né֣y yişĕ̂ráʼé֑l ẖuqȧ֥ţ ʻòwlá֖m lĕdòròţáֽm׃

37
זֹ֣את הַתֹּורָ֗ה לָֽעֹלָה֙ לַמִּנְחָ֔ה וְלַֽחַטָּ֖את וְלָאָשָׁ֑ם וְלַ֨מִּלּוּאִ֔ים וּלְזֶ֖בַח הַשְּׁלָמִֽים׃

zò֣ʼţ haţò̇wrá֗h láֽʻòláh֙ lami̇nĕẖá֔h wĕlaֽẖatá֖̇ʼţ wĕláʼáşá֑̌m wĕla֨mi̇l̇ẇʼi֔ym ẇlĕze֖baẖ haşĕ̇̌lámiֽym׃

38
אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה בְּהַ֣ר סִינָ֑י בְּיֹ֨ום צַוֹּתֹ֜ו אֶת־בְּנֵ֣י יִשְׂרָאֵ֗ל לְהַקְרִ֧יב אֶת־קָרְבְּנֵיהֶ֛ם לַיהוָ֖ה בְּמִדְבַּ֥ר סִינָֽי׃ פ

ʼàşě֨r ẕiwá֧̇h yĕhwá֛h ʼeţ־mòşě֖h bĕ̇ha֣r siyná֑y bĕ̇yò֨wm ẕawò̇ţò֜w ʼeţ־bĕ̇né֣y yişĕ̂ráʼé֗l lĕhaqĕri֧yb ʼeţ־qárĕbĕ̇néyhe֛m layhwá֖h bĕ̇midĕbȧ֥r siynáֽy׃ p