Bibles in ancient languages
Old translations
Modern translations

Biblia Hebraica Stuttgartensia Lévitique 9:11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִי֙ בַּיֹּ֣ום הַשְּׁמִינִ֔י קָרָ֣א מֹשֶׁ֔ה לְאַהֲרֹ֖ן וּלְבָנָ֑יו וּלְזִקְנֵ֖י יִשְׂרָאֵֽל׃

wayĕhiy֙ bȧyò֣̇wm haşĕ̇̌miyni֔y qárá֣ʼ mòşě֔h lĕʼahàrò֖n ẇlĕbáná֑yw ẇlĕziqĕné֖y yişĕ̂ráʼéֽl׃

2
וַיֹּ֣אמֶר אֶֽל־אַהֲרֹ֗ן קַח־לְ֠ךָ עֵ֣גֶל בֶּן־בָּקָ֧ר לְחַטָּ֛את וְאַ֥יִל לְעֹלָ֖ה תְּמִימִ֑ם וְהַקְרֵ֖ב לִפְנֵ֥י יְהוָֽה׃

wayò֣̇ʼmer ʼeֽl־ʼahàrò֗n qaẖ־lĕ֠ká ʻé֣gel bėn־bá̇qá֧r lĕẖatá֛̇ʼţ wĕʼa֥yil lĕʻòlá֖h ţĕ̇miymi֑m wĕhaqĕré֖b lipĕné֥y yĕhwáֽh׃

3
וְאֶל־בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר קְח֤וּ שְׂעִיר־עִזִּים֙ לְחַטָּ֔את וְעֵ֨גֶל וָכֶ֧בֶשׂ בְּנֵי־שָׁנָ֛ה תְּמִימִ֖ם לְעֹלָֽה׃

wĕʼel־bĕ̇né֥y yişĕ̂ráʼé֖l ţĕ̇dabé֣̇r léʼmò֑r qĕẖ֤ẇ şĕ̂ʻiyr־ʻizi̇ym֙ lĕẖatá̇֔ʼţ wĕʻé֨gel wáke֧beş̂ bĕ̇néy־şá̌ná֛h ţĕ̇miymi֖m lĕʻòláֽh׃

4
וְשֹׁ֨ור וָאַ֜יִל לִשְׁלָמִ֗ים לִזְבֹּ֨חַ֙ לִפְנֵ֣י יְהוָ֔ה וּמִנְחָ֖ה בְּלוּלָ֣ה בַשָּׁ֑מֶן כִּ֣י הַיֹּ֔ום יְהוָ֖ה נִרְאָ֥ה אֲלֵיכֶֽם׃

wĕşò̌֨wr wáʼa֜yil lişĕ̌lámi֗ym lizĕbò̇֨ẖa֙ lipĕné֣y yĕhwá֔h ẇminĕẖá֖h bĕ̇lẇlá֣h başá֑̇̌men ki֣̇y hayò̇֔wm yĕhwá֖h nirĕʼá֥h ʼàléykeֽm׃

5
וַיִּקְח֗וּ אֵ֚ת אֲשֶׁ֣ר צִוָּ֣ה מֹשֶׁ֔ה אֶל־פְּנֵ֖י אֹ֣הֶל מֹועֵ֑ד וַֽיִּקְרְבוּ֙ כָּל־הָ֣עֵדָ֔ה וַיַּֽעַמְד֖וּ לִפְנֵ֥י יְהוָֽה׃

wayi̇qĕẖ֗ẇ ʼé֚ţ ʼàşě֣r ẕiwá֣̇h mòşě֔h ʼel־pĕ̇né֖y ʼò֣hel mòwʻé֑d waֽyi̇qĕrĕbẇ֙ ká̇l־há֣ʻédá֔h wayȧֽʻamĕd֖ẇ lipĕné֥y yĕhwáֽh׃

6
וַיֹּ֣אמֶר מֹשֶׁ֔ה זֶ֧ה הַדָּבָ֛ר אֲשֶׁר־צִוָּ֥ה יְהוָ֖ה תַּעֲשׂ֑וּ וְיֵרָ֥א אֲלֵיכֶ֖ם כְּבֹ֥וד יְהוָֽה׃

wayò֣̇ʼmer mòşě֔h ze֧h hadá̇bá֛r ʼàşěr־ẕiwá֥̇h yĕhwá֖h ţȧʻàş֑̂ẇ wĕyérá֥ʼ ʼàléyke֖m kĕ̇bò֥wd yĕhwáֽh׃

7
וַיֹּ֨אמֶר מֹשֶׁ֜ה אֶֽל־אַהֲרֹ֗ן קְרַ֤ב אֶל־הַמִּזְבֵּ֨חַ֙ וַעֲשֵׂ֞ה אֶת־חַטָּֽאתְךָ֙ וְאֶת־עֹ֣לָתֶ֔ךָ וְכַפֵּ֥ר בַּֽעַדְךָ֖ וּבְעַ֣ד הָעָ֑ם וַעֲשֵׂ֞ה אֶת־קָרְבַּ֤ן הָעָם֙ וְכַפֵּ֣ר בַּֽעֲדָ֔ם כַּאֲשֶׁ֖ר צִוָּ֥ה יְהוָֽה׃

wayò̇֨ʼmer mòşě֜h ʼeֽl־ʼahàrò֗n qĕra֤b ʼel־hami̇zĕbé̇֨ẖa֙ waʻàşé̂֞h ʼeţ־ẖatáֽ̇ʼţĕká֙ wĕʼeţ־ʻò֣láţe֔ká wĕkapé֥̇r bȧֽʻadĕká֖ ẇbĕʻa֣d háʻá֑m waʻàşé̂֞h ʼeţ־qárĕbȧ֤n háʻám֙ wĕkapé֣̇r bȧֽʻàdá֔m kȧʼàşě֖r ẕiwá֥̇h yĕhwáֽh׃

8
וַיִּקְרַ֥ב אַהֲרֹ֖ן אֶל־הַמִּזְבֵּ֑חַ וַיִּשְׁחַ֛ט אֶת־עֵ֥גֶל הַחַטָּ֖את אֲשֶׁר־לֹֽו׃

wayi̇qĕra֥b ʼahàrò֖n ʼel־hami̇zĕbé֑̇ẖa wayi̇şĕ̌ẖa֛t ʼeţ־ʻé֥gel haẖatá֖̇ʼţ ʼàşěr־lòֽw׃

9
וַ֠יַּקְרִבוּ בְּנֵ֨י אַהֲרֹ֣ן אֶת־הַדָּם֮ אֵלָיו֒ וַיִּטְבֹּ֤ל אֶצְבָּעֹו֙ בַּדָּ֔ם וַיִּתֵּ֖ן עַל־קַרְנֹ֣ות הַמִּזְבֵּ֑חַ וְאֶת־הַדָּ֣ם יָצַ֔ק אֶל־יְסֹ֖וד הַמִּזְבֵּֽחַ׃

wa֠yȧqĕribẇ bĕ̇né֨y ʼahàrò֣n ʼeţ־hadá̇m֮ ʼéláyw֒ wayi̇tĕbò֤̇l ʼeẕĕbá̇ʻòw֙ bȧdá̇֔m wayi̇ţé֖̇n ʻal־qarĕnò֣wţ hami̇zĕbé֑̇ẖa wĕʼeţ־hadá֣̇m yáẕa֔q ʼel־yĕsò֖wd hami̇zĕbéֽ̇ẖa׃

10
וְאֶת־הַחֵ֨לֶב וְאֶת־הַכְּלָיֹ֜ת וְאֶת־הַיֹּתֶ֤רֶת מִן־הַכָּבֵד֙ מִן־הַ֣חַטָּ֔את הִקְטִ֖יר הַמִּזְבֵּ֑חָה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

wĕʼeţ־haẖé֨leb wĕʼeţ־hakĕ̇láyò֜ţ wĕʼeţ־hayò̇ţe֤reţ min־haká̇béd֙ min־ha֣ẖatá̇֔ʼţ hiqĕti֖yr hami̇zĕbé֑̇ẖáh kȧʼàşě֛r ẕiwá֥̇h yĕhwá֖h ʼeţ־mòşěֽh׃

11
וְאֶת־הַבָּשָׂ֖ר וְאֶת־הָעֹ֑ור שָׂרַ֣ף בָּאֵ֔שׁ מִח֖וּץ לַֽמַּחֲנֶֽה׃

wĕʼeţ־habá̇şá֖̂r wĕʼeţ־háʻò֑wr şá̂ra֣p bá̇ʼé֔ş̌ miẖ֖ẇẕ laֽmȧẖàneֽh׃

12
וַיִּשְׁחַ֖ט אֶת־הָעֹלָ֑ה וַ֠יַּמְצִאוּ בְּנֵ֨י אַהֲרֹ֤ן אֵלָיו֙ אֶת־הַדָּ֔ם וַיִּזְרְקֵ֥הוּ עַל־הַמִּזְבֵּ֖חַ סָבִֽיב׃

wayi̇şĕ̌ẖa֖t ʼeţ־háʻòlá֑h wa֠yȧmĕẕiʼẇ bĕ̇né֨y ʼahàrò֤n ʼéláyw֙ ʼeţ־hadá̇֔m wayi̇zĕrĕqé֥hẇ ʻal־hami̇zĕbé֖̇ẖa sábiֽyb׃

13
וְאֶת־הָעֹלָ֗ה הִמְצִ֧יאוּ אֵלָ֛יו לִנְתָחֶ֖יהָ וְאֶת־הָרֹ֑אשׁ וַיַּקְטֵ֖ר עַל־הַמִּזְבֵּֽחַ׃

wĕʼeţ־háʻòlá֗h himĕẕi֧yʼẇ ʼélá֛yw linĕţáẖe֖yhá wĕʼeţ־hárò֑ʼş̌ wayȧqĕté֖r ʻal־hami̇zĕbéֽ̇ẖa׃

14
וַיִּרְחַ֥ץ אֶת־הַקֶּ֖רֶב וְאֶת־הַכְּרָעָ֑יִם וַיַּקְטֵ֥ר עַל־הָעֹלָ֖ה הַמִּזְבֵּֽחָה׃

wayi̇rĕẖa֥ẕ ʼeţ־haqė֖reb wĕʼeţ־hakĕ̇ráʻá֑yim wayȧqĕté֥r ʻal־háʻòlá֖h hami̇zĕbéֽ̇ẖáh׃

15
וַיַּקְרֵ֕ב אֵ֖ת קָרְבַּ֣ן הָעָ֑ם וַיִּקַּ֞ח אֶת־שְׂעִ֤יר הַֽחַטָּאת֙ אֲשֶׁ֣ר לָעָ֔ם וַיִּשְׁחָטֵ֥הוּ וַֽיְחַטְּאֵ֖הוּ כָּרִאשֹֽׁון׃

wayȧqĕré֕b ʼé֖ţ qárĕbȧ֣n háʻá֑m wayi̇qȧ֞ẖ ʼeţ־şĕ̂ʻi֤yr haֽẖatá̇ʼţ֙ ʼàşě֣r láʻá֔m wayi̇şĕ̌ẖáté֥hẇ waֽyĕẖatĕ̇ʼé֖hẇ ká̇riʼşòֽ̌wn׃

16
וַיַּקְרֵ֖ב אֶת־הָעֹלָ֑ה וַֽיַּעֲשֶׂ֖הָ כַּמִּשְׁפָּֽט׃

wayȧqĕré֖b ʼeţ־háʻòlá֑h waֽyȧʻàşê֖há kȧmi̇şĕ̌páֽ̇t׃

17
וַיַּקְרֵב֮ אֶת־הַמִּנְחָה֒ וַיְמַלֵּ֤א כַפֹּו֙ מִמֶּ֔נָּה וַיַּקְטֵ֖ר עַל־הַמִּזְבֵּ֑חַ מִלְּבַ֖ד עֹלַ֥ת הַבֹּֽקֶר׃

wayȧqĕréb֮ ʼeţ־hami̇nĕẖáh֒ wayĕmalé֤̇ʼ kapò̇w֙ mimė֔ná̇h wayȧqĕté֖r ʻal־hami̇zĕbé֑̇ẖa milĕ̇ba֖d ʻòla֥ţ habòֽ̇qer׃

18
וַיִּשְׁחַ֤ט אֶת־הַשֹּׁור֙ וְאֶת־הָאַ֔יִל זֶ֥בַח הַשְּׁלָמִ֖ים אֲשֶׁ֣ר לָעָ֑ם וַ֠יַּמְצִאוּ בְּנֵ֨י אַהֲרֹ֤ן אֶת־הַדָּם֙ אֵלָ֔יו וַיִּזְרְקֵ֥הוּ עַל־הַמִּזְבֵּ֖חַ סָבִֽיב׃

wayi̇şĕ̌ẖa֤t ʼeţ־haşò̇̌wr֙ wĕʼeţ־háʼa֔yil ze֥baẖ haşĕ̇̌lámi֖ym ʼàşě֣r láʻá֑m wa֠yȧmĕẕiʼẇ bĕ̇né֨y ʼahàrò֤n ʼeţ־hadá̇m֙ ʼélá֔yw wayi̇zĕrĕqé֥hẇ ʻal־hami̇zĕbé֖̇ẖa sábiֽyb׃

19
וְאֶת־הַחֲלָבִ֖ים מִן־הַשֹּׁ֑ור וּמִן־הָאַ֔יִל הָֽאַלְיָ֤ה וְהַֽמְכַסֶּה֙ וְהַכְּלָיֹ֔ת וְיֹתֶ֖רֶת הַכָּבֵֽד׃

wĕʼeţ־haẖàlábi֖ym min־haşò֑̇̌wr ẇmin־háʼa֔yil háֽʼalĕyá֤h wĕhaֽmĕkasėh֙ wĕhakĕ̇láyò֔ţ wĕyòţe֖reţ haká̇béֽd׃

20
וַיָּשִׂ֥ימוּ אֶת־הַחֲלָבִ֖ים עַל־הֶחָזֹ֑ות וַיַּקְטֵ֥ר הַחֲלָבִ֖ים הַמִּזְבֵּֽחָה׃

wayá̇şî֥ymẇ ʼeţ־haẖàlábi֖ym ʻal־heẖázò֑wţ wayȧqĕté֥r haẖàlábi֖ym hami̇zĕbéֽ̇ẖáh׃

21
וְאֵ֣ת הֶחָזֹ֗ות וְאֵת֙ שֹׁ֣וק הַיָּמִ֔ין הֵנִ֧יף אַהֲרֹ֛ן תְּנוּפָ֖ה לִפְנֵ֣י יְהוָ֑ה כַּאֲשֶׁ֖ר צִוָּ֥ה מֹשֶֽׁה׃

wĕʼé֣ţ heẖázò֗wţ wĕʼéţ֙ şò֣̌wq hayá̇mi֔yn héni֧yp ʼahàrò֛n ţĕ̇nẇpá֖h lipĕné֣y yĕhwá֑h kȧʼàşě֖r ẕiwá֥̇h mòşěֽh׃

22
וַיִּשָּׂ֨א אַהֲרֹ֧ן אֶת־יָדֹו אֶל־הָעָ֖ם וַֽיְבָרְכֵ֑ם וַיֵּ֗רֶד מֵעֲשֹׂ֧ת הַֽחַטָּ֛את וְהָעֹלָ֖ה וְהַשְּׁלָמִֽים׃

wayi̇şá̇̂֨ʼ ʼahàrò֧n ʼeţ־yádòw ʼel־háʻá֖m waֽyĕbárĕké֑m wayé̇֗red méʻàşò֧̂ţ haֽẖatá֛̇ʼţ wĕháʻòlá֖h wĕhaşĕ̇̌lámiֽym׃

23
וַיָּבֹ֨א מֹשֶׁ֤ה וְאַהֲרֹן֙ אֶל־אֹ֣הֶל מֹועֵ֔ד וַיֵּ֣צְא֔וּ וַֽיְבָרֲכ֖וּ אֶת־הָעָ֑ם וַיֵּרָ֥א כְבֹוד־יְהוָ֖ה אֶל־כָּל־הָעָֽם׃

wayá̇bò֨ʼ mòşě֤h wĕʼahàròn֙ ʼel־ʼò֣hel mòwʻé֔d wayé֣̇ẕĕʼ֔ẇ waֽyĕbáràk֖ẇ ʼeţ־háʻá֑m wayé̇rá֥ʼ kĕbòwd־yĕhwá֖h ʼel־ká̇l־háʻáֽm׃

24
וַתֵּ֤צֵא אֵשׁ֙ מִלִּפְנֵ֣י יְהוָ֔ה וַתֹּ֨אכַל֙ עַל־הַמִּזְבֵּ֔חַ אֶת־הָעֹלָ֖ה וְאֶת־הַחֲלָבִ֑ים וַיַּ֤רְא כָּל־הָעָם֙ וַיָּרֹ֔נּוּ וַֽיִּפְּל֖וּ עַל־פְּנֵיהֶֽם׃

waţé֤̇ẕéʼ ʼéş̌֙ mili̇pĕné֣y yĕhwá֔h waţò̇֨ʼkal֙ ʻal־hami̇zĕbé̇֔ẖa ʼeţ־háʻòlá֖h wĕʼeţ־haẖàlábi֑ym wayȧ֤rĕʼ ká̇l־háʻám֙ wayá̇rò֔ṅẇ waֽyi̇pĕ̇l֖ẇ ʻal־pĕ̇néyheֽm׃