Bibles in ancient languages
Old translations
Modern translations

Biblia Hebraica Stuttgartiensia Malachi 2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְעַתָּ֗ה אֲלֵיכֶ֛ם הַמִּצְוָ֥ה הַזֹּ֖את הַכֹּהֲנִֽים׃

wĕʻaţá̇֗h ʼàléyke֛m hami̇ẕĕwá֥h hazò֖̇ʼţ hakò̇hàniֽym׃

2
אִם־לֹ֣א תִשְׁמְע֡וּ וְאִם־לֹא֩ תָשִׂ֨ימוּ עַל־לֵ֜ב לָתֵ֧ת כָּבֹ֣וד לִשְׁמִ֗י אָמַר֙ יְהוָ֣ה צְבָאֹ֔ות וְשִׁלַּחְתִּ֤י בָכֶם֙ אֶת־הַמְּאֵרָ֔ה וְאָרֹותִ֖י אֶת־בִּרְכֹֽותֵיכֶ֑ם וְגַם֙ אָרֹותִ֔יהָ כִּ֥י אֵינְכֶ֖ם שָׂמִ֥ים עַל־לֵֽב׃

ʼim־lò֣ʼ ţişĕ̌mĕʻ֡ẇ wĕʼim־lòʼ֩ ţáşî֨ymẇ ʻal־lé֜b láţé֧ţ ká̇bò֣wd lişĕ̌mi֗y ʼámar֙ yĕhwá֣h ẕĕbáʼò֔wţ wĕşǐlȧẖĕţi֤̇y bákem֙ ʼeţ־hamĕ̇ʼérá֔h wĕʼáròwţi֖y ʼeţ־bi̇rĕkòֽwţéyke֑m wĕgam֙ ʼáròwţi֔yhá ki֥̇y ʼéynĕke֖m şá̂mi֥ym ʻal־léֽb׃

3
הִנְנִ֨י גֹעֵ֤ר לָכֶם֙ אֶת־הַזֶּ֔רַע וְזֵרִ֤יתִי פֶ֨רֶשׁ֙ עַל־פְּנֵיכֶ֔ם פֶּ֖רֶשׁ חַגֵּיכֶ֑ם וְנָשָׂ֥א אֶתְכֶ֖ם אֵלָֽיו׃

hinĕni֨y gòʻé֤r lákem֙ ʼeţ־hazė֔raʻ wĕzéri֤yţiy pe֨reş̌֙ ʻal־pĕ̇néyke֔m pė֖reş̌ ẖagé̇yke֑m wĕnáşá֥̂ʼ ʼeţĕke֖m ʼéláֽyw׃

4
וִֽידַעְתֶּ֕ם כִּ֚י שִׁלַּ֣חְתִּי אֲלֵיכֶ֔ם אֵ֖ת הַמִּצְוָ֣ה הַזֹּ֑את לִֽהְיֹ֤ות בְּרִיתִי֙ אֶת־לֵוִ֔י אָמַ֖ר יְהוָ֥ה צְבָאֹֽות׃

wiֽydaʻĕţė֕m ki֚̇y şǐlȧ֣ẖĕţi̇y ʼàléyke֔m ʼé֖ţ hami̇ẕĕwá֣h hazò֑̇ʼţ liֽhĕyò֤wţ bĕ̇riyţiy֙ ʼeţ־léwi֔y ʼáma֖r yĕhwá֥h ẕĕbáʼòֽwţ׃

5
בְּרִיתִ֣י׀ הָיְתָ֣ה אִתֹּ֗ו הַֽחַיִּים֙ וְהַ֨שָּׁלֹ֔ום וָאֶתְּנֵֽם־לֹ֥ו מֹורָ֖א וַיִּֽירָאֵ֑נִי וּמִפְּנֵ֥י שְׁמִ֖י נִחַ֥ת הֽוּא׃

bĕ̇riyţi֣y׀ háyĕţá֣h ʼiţò̇֗w haֽẖayi̇ym֙ wĕha֨şá̇̌lò֔wm wáʼeţĕ̇néֽm־lò֥w mòwrá֖ʼ wayiֽ̇yráʼé֑niy ẇmipĕ̇né֥y şĕ̌mi֖y niẖa֥ţ hֽẇʼ׃

6
תֹּורַ֤ת אֱמֶת֙ הָיְתָ֣ה בְּפִ֔יהוּ וְעַוְלָ֖ה לֹא־נִמְצָ֣א בִשְׂפָתָ֑יו בְּשָׁלֹ֤ום וּבְמִישֹׁור֙ הָלַ֣ךְ אִתִּ֔י וְרַבִּ֖ים הֵשִׁ֥יב מֵעָוֹֽן׃

ţò̇wra֤ţ ʼèmeţ֙ háyĕţá֣h bĕ̇pi֔yhẇ wĕʻawĕlá֖h lòʼ־nimĕẕá֣ʼ bişĕ̂páţá֑yw bĕ̇şá̌lò֤wm ẇbĕmiyşò̌wr֙ hála֣kĕ ʼiţi̇֔y wĕrabi֖̇ym héşǐ֥yb méʻáwòֽn׃

7
כִּֽי־שִׂפְתֵ֤י כֹהֵן֙ יִשְׁמְרוּ־דַ֔עַת וְתֹורָ֖ה יְבַקְשׁ֣וּ מִפִּ֑יהוּ כִּ֛י מַלְאַ֥ךְ יְהוָֽה־צְבָאֹ֖ות הֽוּא׃

kiֽ̇y־şîpĕţé֤y kòhén֙ yişĕ̌mĕrẇ־da֔ʻaţ wĕţòwrá֖h yĕbaqĕş֣̌ẇ mipi֑̇yhẇ ki֛̇y malĕʼa֥kĕ yĕhwáֽh־ẕĕbáʼò֖wţ hֽẇʼ׃

8
וְאַתֶּם֙ סַרְתֶּ֣ם מִן־הַדֶּ֔רֶךְ הִכְשַׁלְתֶּ֥ם רַבִּ֖ים בַּתֹּורָ֑ה שִֽׁחַתֶּם֙ בְּרִ֣ית הַלֵּוִ֔י אָמַ֖ר יְהוָ֥ה צְבָאֹֽות׃

wĕʼaţėm֙ sarĕţė֣m min־hadė֔rekĕ hikĕşǎlĕţė֥m rabi֖̇ym bȧţò̇wrá֑h şǐֽẖaţėm֙ bĕ̇ri֣yţ halé̇wi֔y ʼáma֖r yĕhwá֥h ẕĕbáʼòֽwţ׃

9
וְגַם־אֲנִ֞י נָתַ֧תִּי אֶתְכֶ֛ם נִבְזִ֥ים וּשְׁפָלִ֖ים לְכָל־הָעָ֑ם כְּפִ֗י אֲשֶׁ֤ר אֵֽינְכֶם֙ שֹׁמְרִ֣ים אֶת־דְּרָכַ֔י וְנֹשְׂאִ֥ים פָּנִ֖ים בַּתֹּורָֽה׃ פ

wĕgam־ʼàni֞y náţa֧ţi̇y ʼeţĕke֛m nibĕzi֥ym ẇşĕ̌páli֖ym lĕkál־háʻá֑m kĕ̇pi֗y ʼàşě֤r ʼéֽynĕkem֙ şò̌mĕri֣ym ʼeţ־dĕ̇ráka֔y wĕnòşĕ̂ʼi֥ym pá̇ni֖ym bȧţò̇wráֽh׃ p

10
הֲלֹ֨וא אָ֤ב אֶחָד֙ לְכֻלָּ֔נוּ הֲלֹ֛וא אֵ֥ל אֶֽחָ֖ד בְּרָאָ֑נוּ מַדּ֗וּעַ נִבְגַּד֙ אִ֣ישׁ בְּאָחִ֔יו לְחַלֵּ֖ל בְּרִ֥ית אֲבֹתֵֽינוּ׃

hàlò֨wʼ ʼá֤b ʼeẖád֙ lĕkulá̇֔nẇ hàlò֛wʼ ʼé֥l ʼeֽẖá֖d bĕ̇ráʼá֑nẇ maḋ֗ẇʻa nibĕgȧd֙ ʼi֣yş̌ bĕ̇ʼáẖi֔yw lĕẖalé֖̇l bĕ̇ri֥yţ ʼàbòţéֽynẇ׃

11
בָּגְדָ֣ה יְהוּדָ֔ה וְתֹועֵבָ֛ה נֶעֶשְׂתָ֥ה בְיִשְׂרָאֵ֖ל וּבִירֽוּשָׁלִָ֑ם כִּ֣י׀ חִלֵּ֣ל יְהוּדָ֗ה קֹ֤דֶשׁ יְהוָה֙ אֲשֶׁ֣ר אָהֵ֔ב וּבָעַ֖ל בַּת־אֵ֥ל נֵכָֽר׃

bá̇gĕdá֣h yĕhẇdá֔h wĕţòwʻébá֛h neʻeşĕ̂ţá֥h bĕyişĕ̂ráʼé֖l ẇbiyrֽẇşá̌liá֑m ki֣̇y׀ ẖilé֣̇l yĕhẇdá֗h qò֤deş̌ yĕhwáh֙ ʼàşě֣r ʼáhé֔b ẇbáʻa֖l bȧţ־ʼé֥l nékáֽr׃

12
יַכְרֵ֨ת יְהוָ֜ה לָאִ֨ישׁ אֲשֶׁ֤ר יַעֲשֶׂ֨נָּה֙ עֵ֣ר וְעֹנֶ֔ה מֵאָהֳלֵ֖י יַֽעֲקֹ֑ב וּמַגִּ֣ישׁ מִנְחָ֔ה לַֽיהוָ֖ה צְבָאֹֽות׃ פ

yakĕré֨ţ yĕhwá֜h láʼi֨yş̌ ʼàşě֤r yaʻàşê֨ná̇h֙ ʻé֣r wĕʻòne֔h méʼáholé֖y yaֽʻàqò֑b ẇmagi֣̇yş̌ minĕẖá֔h laֽyhwá֖h ẕĕbáʼòֽwţ׃ p

13
וְזֹאת֙ שֵׁנִ֣ית תַּֽעֲשׂ֔וּ כַּסֹּ֤ות דִּמְעָה֙ אֶת־מִזְבַּ֣ח יְהוָ֔ה בְּכִ֖י וַֽאֲנָקָ֑ה מֵאֵ֣ין עֹ֗וד פְּנֹות֙ אֶל־הַמִּנְחָ֔ה וְלָקַ֥חַת רָצֹ֖ון מִיֶּדְכֶֽם׃

wĕzòʼţ֙ şé̌ni֣yţ ţȧֽʻàş̂֔ẇ kȧsò֤̇wţ di̇mĕʻáh֙ ʼeţ־mizĕbȧ֣ẖ yĕhwá֔h bĕ̇ki֖y waֽʼànáqá֑h méʼé֣yn ʻò֗wd pĕ̇nòwţ֙ ʼel־hami̇nĕẖá֔h wĕláqa֥ẖaţ ráẕò֖wn miyėdĕkeֽm׃

14
וַאֲמַרְתֶּ֖ם עַל־מָ֑ה עַ֡ל כִּי־יְהוָה֩ הֵעִ֨יד בֵּינְךָ֜ וּבֵ֣ין׀ אֵ֣שֶׁת נְעוּרֶ֗יךָ אֲשֶׁ֤ר אַתָּה֙ בָּגַ֣דְתָּה בָּ֔הּ וְהִ֥יא חֲבֶרְתְּךָ֖ וְאֵ֥שֶׁת בְּרִיתֶֽךָ׃

waʼàmarĕţė֖m ʻal־má֑h ʻa֡l ki̇y־yĕhwáh֩ héʻi֨yd bé̇ynĕká֜ ẇbé֣yn׀ ʼé֣şěţ nĕʻẇre֗yká ʼàşě֤r ʼaţá̇h֙ bá̇ga֣dĕţá̇h bá̇֔ḣ wĕhi֥yʼ ẖàberĕţĕ̇ká֖ wĕʼé֥şěţ bĕ̇riyţeֽká׃

15
וְלֹא־אֶחָ֣ד עָשָׂ֗ה וּשְׁאָ֥ר ר֨וּחַ֙ לֹ֔ו וּמָה֙ הָֽאֶחָ֔ד מְבַקֵּ֖שׁ זֶ֣רַע אֱלֹהִ֑ים וְנִשְׁמַרְתֶּם֙ בְּר֣וּחֲכֶ֔ם וּבְאֵ֥שֶׁת נְעוּרֶ֖יךָ אַל־יִבְגֹּֽד׃

wĕlòʼ־ʼeẖá֣d ʻáşá̂֗h ẇşĕ̌ʼá֥r r֨ẇẖa֙ lò֔w ẇmáh֙ háֽʼeẖá֔d mĕbaqé֖̇ş̌ ze֣raʻ ʼèlòhi֑ym wĕnişĕ̌marĕţėm֙ bĕ̇r֣ẇẖàke֔m ẇbĕʼé֥şěţ nĕʻẇre֖yká ʼal־yibĕgòֽ̇d׃

16
כִּֽי־שָׂנֵ֣א שַׁלַּ֗ח אָמַ֤ר יְהוָה֙ אֱלֹהֵ֣י יִשְׂרָאֵ֔ל וְכִסָּ֤ה חָמָס֙ עַל־לְבוּשֹׁ֔ו אָמַ֖ר יְהוָ֣ה צְבָאֹ֑ות וְנִשְׁמַרְתֶּ֥ם בְּרוּחֲכֶ֖ם וְלֹ֥א תִבְגֹּֽדוּ׃ ס

kiֽ̇y־şá̂né֣ʼ şǎlȧ֗ẖ ʼáma֤r yĕhwáh֙ ʼèlòhé֣y yişĕ̂ráʼé֔l wĕkisá֤̇h ẖámás֙ ʻal־lĕbẇşò̌֔w ʼáma֖r yĕhwá֣h ẕĕbáʼò֑wţ wĕnişĕ̌marĕţė֥m bĕ̇rẇẖàke֖m wĕlò֥ʼ ţibĕgòֽ̇dẇ׃ s

17
הֹוגַעְתֶּ֤ם יְהוָה֙ בְּדִבְרֵיכֶ֔ם וַאֲמַרְתֶּ֖ם בַּמָּ֣ה הֹוגָ֑עְנוּ בֶּאֱמָרְכֶ֗ם כָּל־עֹ֨שֵׂה רָ֜ע טֹ֣וב׀ בְּעֵינֵ֣י יְהוָ֗ה וּבָהֶם֙ ה֣וּא חָפֵ֔ץ אֹ֥ו אַיֵּ֖ה אֱלֹהֵ֥י הַמִּשְׁפָּֽט׃

hòwgaʻĕţė֤m yĕhwáh֙ bĕ̇dibĕréyke֔m waʼàmarĕţė֖m bȧmá֣̇h hòwgá֑ʻĕnẇ bėʼèmárĕke֗m ká̇l־ʻò֨şé̂h rá֜ʻ tò֣wb׀ bĕ̇ʻéyné֣y yĕhwá֗h ẇbáhem֙ h֣ẇʼ ẖápé֔ẕ ʼò֥w ʼayé֖̇h ʼèlòhé֥y hami̇şĕ̌páֽ̇t׃