Bibles in ancient languages
Old translations
Modern translations

Biblia Hebraica Stuttgartensia Malachie 3:14

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הִנְנִ֤י שֹׁלֵחַ֙ מַלְאָכִ֔י וּפִנָּה־דֶ֖רֶךְ לְפָנָ֑י וּפִתְאֹם֩ יָבֹ֨וא אֶל־הֵיכָלֹ֜ו הָאָדֹ֣ון׀ אֲשֶׁר־אַתֶּ֣ם מְבַקְשִׁ֗ים וּמַלְאַ֨ךְ הַבְּרִ֜ית אֲשֶׁר־אַתֶּ֤ם חֲפֵצִים֙ הִנֵּה־בָ֔א אָמַ֖ר יְהוָ֥ה צְבָאֹֽות׃

hinĕni֤y şò̌léẖa֙ malĕʼáki֔y ẇpiná̇h־de֖rekĕ lĕpáná֑y ẇpiţĕʼòm֩ yábò֨wʼ ʼel־héykálò֜w háʼádò֣wn׀ ʼàşěr־ʼaţė֣m mĕbaqĕşǐ֗ym ẇmalĕʼa֨kĕ habĕ̇ri֜yţ ʼàşěr־ʼaţė֤m ẖàpéẕiym֙ hiné̇h־bá֔ʼ ʼáma֖r yĕhwá֥h ẕĕbáʼòֽwţ׃

2
וּמִ֤י מְכַלְכֵּל֙ אֶת־יֹ֣ום בֹּואֹ֔ו וּמִ֥י הָעֹמֵ֖ד בְּהֵרָֽאֹותֹ֑ו כִּֽי־הוּא֙ כְּאֵ֣שׁ מְצָרֵ֔ף וּכְבֹרִ֖ית מְכַבְּסִֽים׃

ẇmi֤y mĕkalĕké̇l֙ ʼeţ־yò֣wm bò̇wʼò֔w ẇmi֥y háʻòmé֖d bĕ̇héráֽʼòwţò֑w kiֽ̇y־hẇʼ֙ kĕ̇ʼé֣ş̌ mĕẕáré֔p ẇkĕbòri֖yţ mĕkabĕ̇siֽym׃

3
וְיָשַׁ֨ב מְצָרֵ֤ף וּמְטַהֵר֙ כֶּ֔סֶף וְטִהַ֤ר אֶת־בְּנֵֽי־לֵוִי֙ וְזִקַּ֣ק אֹתָ֔ם כַּזָּהָ֖ב וְכַכָּ֑סֶף וְהָיוּ֙ לַֽיהוָ֔ה מַגִּישֵׁ֥י מִנְחָ֖ה בִּצְדָקָֽה׃

wĕyáşǎ֨b mĕẕáré֤p ẇmĕtahér֙ kė֔sep wĕtiha֤r ʼeţ־bĕ̇néֽy־léwiy֙ wĕziqȧ֣q ʼòţá֔m kȧzá̇há֖b wĕkaká֑̇sep wĕháyẇ֙ laֽyhwá֔h magi̇yşé֥̌y minĕẖá֖h bi̇ẕĕdáqáֽh׃

4
וְעָֽרְבָה֙ לַֽיהוָ֔ה מִנְחַ֥ת יְהוּדָ֖ה וִירֽוּשָׁלִָ֑ם כִּימֵ֣י עֹולָ֔ם וּכְשָׁנִ֖ים קַדְמֹנִיֹּֽות׃

wĕʻáֽrĕbáh֙ laֽyhwá֔h minĕẖa֥ţ yĕhẇdá֖h wiyrֽẇşá̌liá֑m ki̇ymé֣y ʻòwlá֔m ẇkĕşá̌ni֖ym qadĕmòniyòֽ̇wţ׃

5
וְקָרַבְתִּ֣י אֲלֵיכֶם֮ לַמִּשְׁפָּט֒ וְהָיִ֣יתִי׀ עֵ֣ד מְמַהֵ֗ר בַּֽמְכַשְּׁפִים֙ וּבַמְנָ֣אֲפִ֔ים וּבַנִּשְׁבָּעִ֖ים לַשָּׁ֑קֶר וּבְעֹשְׁקֵ֣י שְׂכַר־שָׂ֠כִיר אַלְמָנָ֨ה וְיָתֹ֤ום וּמַטֵּי־גֵר֙ וְלֹ֣א יְרֵא֔וּנִי אָמַ֖ר יְהוָ֥ה צְבָאֹֽות׃

wĕqárabĕţi֣̇y ʼàléykem֮ lami̇şĕ̌pá̇t֒ wĕháyi֣yţiy׀ ʻé֣d mĕmahé֗r bȧֽmĕkaşĕ̇̌piym֙ ẇbamĕná֣ʼàpi֔ym ẇbani̇şĕ̌bá̇ʻi֖ym laşá֑̇̌qer ẇbĕʻòşĕ̌qé֣y şĕ̂kar־şá̂֠kiyr ʼalĕmáná֨h wĕyáţò֤wm ẇmaté̇y־gér֙ wĕlò֣ʼ yĕréʼ֔ẇniy ʼáma֖r yĕhwá֥h ẕĕbáʼòֽwţ׃

6
כִּ֛י אֲנִ֥י יְהוָ֖ה לֹ֣א שָׁנִ֑יתִי וְאַתֶּ֥ם בְּנֵֽי־יַעֲקֹ֖ב לֹ֥א כְלִיתֶֽם׃

ki֛̇y ʼàni֥y yĕhwá֖h lò֣ʼ şá̌ni֑yţiy wĕʼaţė֥m bĕ̇néֽy־yaʻàqò֖b lò֥ʼ kĕliyţeֽm׃

7
לְמִימֵ֨י אֲבֹתֵיכֶ֜ם סַרְתֶּ֤ם מֵֽחֻקַּי֙ וְלֹ֣א שְׁמַרְתֶּ֔ם שׁ֤וּבוּ אֵלַי֙ וְאָשׁ֣וּבָה אֲלֵיכֶ֔ם אָמַ֖ר יְהוָ֣ה צְבָאֹ֑ות וַאֲמַרְתֶּ֖ם בַּמֶּ֥ה נָשֽׁוּב׃

lĕmiymé֨y ʼàbòţéyke֜m sarĕţė֤m méֽẖuqȧy֙ wĕlò֣ʼ şĕ̌marĕţė֔m ş֤̌ẇbẇ ʼélay֙ wĕʼáş֣̌ẇbáh ʼàléyke֔m ʼáma֖r yĕhwá֣h ẕĕbáʼò֑wţ waʼàmarĕţė֖m bȧmė֥h náşֽ̌ẇb׃

8
הֲיִקְבַּ֨ע אָדָ֜ם אֱלֹהִ֗ים כִּ֤י אַתֶּם֙ קֹבְעִ֣ים אֹתִ֔י וַאֲמַרְתֶּ֖ם בַּמֶּ֣ה קְבַעֲנ֑וּךָ הַֽמַּעֲשֵׂ֖ר וְהַתְּרוּמָֽה׃

hàyiqĕbȧ֨ʻ ʼádá֜m ʼèlòhi֗ym ki֤̇y ʼaţėm֙ qòbĕʻi֣ym ʼòţi֔y waʼàmarĕţė֖m bȧmė֣h qĕbaʻàn֑ẇká haֽmȧʻàşé֖̂r wĕhaţĕ̇rẇmáֽh׃

9
בַּמְּאֵרָה֙ אַתֶּ֣ם נֵֽאָרִ֔ים וְאֹתִ֖י אַתֶּ֣ם קֹבְעִ֑ים הַגֹּ֖וי כֻּלֹּֽו׃

bȧmĕ̇ʼéráh֙ ʼaţė֣m néֽʼári֔ym wĕʼòţi֖y ʼaţė֣m qòbĕʻi֑ym hagò֖̇wy ku̇lòֽ̇w׃

10
הָבִ֨יאוּ אֶת־כָּל־הַֽמַּעֲשֵׂ֜ר אֶל־בֵּ֣ית הָאֹוצָ֗ר וִיהִ֥י טֶ֨רֶף֙ בְּבֵיתִ֔י וּבְחָנ֤וּנִי נָא֙ בָּזֹ֔את אָמַ֖ר יְהוָ֣ה צְבָאֹ֑ות אִם־לֹ֧א אֶפְתַּ֣ח לָכֶ֗ם אֵ֚ת אֲרֻבֹּ֣ות הַשָּׁמַ֔יִם וַהֲרִיקֹתִ֥י לָכֶ֛ם בְּרָכָ֖ה עַד־בְּלִי־דָֽי׃

hábi֨yʼẇ ʼeţ־ká̇l־haֽmȧʻàşé̂֜r ʼel־bé֣̇yţ háʼòwẕá֗r wiyhi֥y te֨rep֙ bĕ̇béyţi֔y ẇbĕẖán֤ẇniy náʼ֙ bá̇zò֔ʼţ ʼáma֖r yĕhwá֣h ẕĕbáʼò֑wţ ʼim־lò֧ʼ ʼepĕţȧ֣ẖ láke֗m ʼé֚ţ ʼàrubò֣̇wţ haşá̇̌ma֔yim wahàriyqòţi֥y láke֛m bĕ̇ráká֖h ʻad־bĕ̇liy־dáֽy׃

11
וְגָעַרְתִּ֤י לָכֶם֙ בָּֽאֹכֵ֔ל וְלֹֽא־יַשְׁחִ֥ת לָכֶ֖ם אֶת־פְּרִ֣י הָאֲדָמָ֑ה וְלֹא־תְשַׁכֵּ֨ל לָכֶ֤ם הַגֶּ֨פֶן֙ בַּשָּׂדֶ֔ה אָמַ֖ר יְהוָ֥ה צְבָאֹֽות׃

wĕgáʻarĕţi֤̇y lákem֙ báֽ̇ʼòké֔l wĕlòֽʼ־yaşĕ̌ẖi֥ţ láke֖m ʼeţ־pĕ̇ri֣y háʼàdámá֑h wĕlòʼ־ţĕşǎké̇֨l láke֤m hagė֨pen֙ bȧşá̇̂de֔h ʼáma֖r yĕhwá֥h ẕĕbáʼòֽwţ׃

12
וְאִשְּׁר֥וּ אֶתְכֶ֖ם כָּל־הַגֹּויִ֑ם כִּֽי־תִהְי֤וּ אַתֶּם֙ אֶ֣רֶץ חֵ֔פֶץ אָמַ֖ר יְהוָ֥ה צְבָאֹֽות׃ ס

wĕʼişĕ̇̌r֥ẇ ʼeţĕke֖m ká̇l־hagò̇wyi֑m kiֽ̇y־ţihĕy֤ẇ ʼaţėm֙ ʼe֣reẕ ẖé֔peẕ ʼáma֖r yĕhwá֥h ẕĕbáʼòֽwţ׃ s

13
חָזְק֥וּ עָלַ֛י דִּבְרֵיכֶ֖ם אָמַ֣ר יְהוָ֑ה וַאֲמַרְתֶּ֕ם מַה־נִּדְבַּ֖רְנוּ עָלֶֽיךָ׃

ẖázĕq֥ẇ ʻála֛y di̇bĕréyke֖m ʼáma֣r yĕhwá֑h waʼàmarĕţė֕m mah־ni̇dĕbȧ֖rĕnẇ ʻáleֽyká׃

14
אֲמַרְתֶּ֕ם שָׁ֖וְא עֲבֹ֣ד אֱלֹהִ֑ים וּמַה־בֶּ֗צַע כִּ֤י שָׁמַ֨רְנוּ֙ מִשְׁמַרְתֹּ֔ו וְכִ֤י הָלַ֨כְנוּ֙ קְדֹ֣רַנִּ֔ית מִפְּנֵ֖י יְהוָ֥ה צְבָאֹֽות׃

ʼàmarĕţė֕m şá֖̌wĕʼ ʻàbò֣d ʼèlòhi֑ym ẇmah־bė֗ẕaʻ ki֤̇y şá̌ma֨rĕnẇ֙ mişĕ̌marĕţò̇֔w wĕki֤y hála֨kĕnẇ֙ qĕdò֣rani̇֔yţ mipĕ̇né֖y yĕhwá֥h ẕĕbáʼòֽwţ׃

15
וְעַתָּ֕ה אֲנַ֖חְנוּ מְאַשְּׁרִ֣ים זֵדִ֑ים גַּם־נִבְנוּ֙ עֹשֵׂ֣י רִשְׁעָ֔ה גַּ֧ם בָּחֲנ֛וּ אֱלֹהִ֖ים וַיִּמָּלֵֽטוּ׃

wĕʻaţá̇֕h ʼàna֖ẖĕnẇ mĕʼaşĕ̇̌ri֣ym zédi֑ym gȧm־nibĕnẇ֙ ʻòşé֣̂y rişĕ̌ʻá֔h gȧ֧m bá̇ẖàn֛ẇ ʼèlòhi֖ym wayi̇má̇léֽtẇ׃

16
אָ֧ז נִדְבְּר֛וּ יִרְאֵ֥י יְהוָ֖ה אִ֣ישׁ אֶת־רֵעֵ֑הוּ וַיַּקְשֵׁ֤ב יְהוָה֙ וַיִּשְׁמָ֔ע וַ֠יִּכָּתֵב סֵ֣פֶר זִכָּרֹ֤ון לְפָנָיו֙ לְיִרְאֵ֣י יְהוָ֔ה וּלְחֹשְׁבֵ֖י שְׁמֹֽו׃

ʼá֧z nidĕbĕ̇r֛ẇ yirĕʼé֥y yĕhwá֖h ʼi֣yş̌ ʼeţ־réʻé֑hẇ wayȧqĕşé֤̌b yĕhwáh֙ wayi̇şĕ̌má֔ʻ wa֠yi̇ká̇ţéb sé֣per ziká̇rò֤wn lĕpánáyw֙ lĕyirĕʼé֣y yĕhwá֔h ẇlĕẖòşĕ̌bé֖y şĕ̌mòֽw׃

17
וְהָ֣יוּ לִ֗י אָמַר֙ יְהוָ֣ה צְבָאֹ֔ות לַיֹּ֕ום אֲשֶׁ֥ר אֲנִ֖י עֹשֶׂ֣ה סְגֻלָּ֑ה וְחָמַלְתִּ֣י עֲלֵיהֶ֔ם כַּֽאֲשֶׁר֙ יַחְמֹ֣ל אִ֔ישׁ עַל־בְּנֹ֖ו הָעֹבֵ֥ד אֹתֹֽו׃

wĕhá֣yẇ li֗y ʼámar֙ yĕhwá֣h ẕĕbáʼò֔wţ layò̇֕wm ʼàşě֥r ʼàni֖y ʻòşê֣h sĕgulá֑̇h wĕẖámalĕţi֣̇y ʻàléyhe֔m kȧֽʼàşěr֙ yaẖĕmò֣l ʼi֔yş̌ ʻal־bĕ̇nò֖w háʻòbé֥d ʼòţòֽw׃

18
וְשַׁבְתֶּם֙ וּרְאִיתֶ֔ם בֵּ֥ין צַדִּ֖יק לְרָשָׁ֑ע בֵּ֚ין עֹבֵ֣ד אֱלֹהִ֔ים לַאֲשֶׁ֖ר לֹ֥א עֲבָדֹֽו׃ ס

wĕşǎbĕţėm֙ ẇrĕʼiyţe֔m bé֥̇yn ẕadi֖̇yq lĕráşá֑̌ʻ bé֚̇yn ʻòbé֣d ʼèlòhi֔ym laʼàşě֖r lò֥ʼ ʻàbádòֽw׃ s

19
כִּֽי־הִנֵּ֤ה הַיֹּום֙ בָּ֔א בֹּעֵ֖ר כַּתַּנּ֑וּר וְהָי֨וּ כָל־זֵדִ֜ים וְכָל־עֹשֵׂ֤ה רִשְׁעָה֙ קַ֔שׁ וְלִהַ֨ט אֹתָ֜ם הַיֹּ֣ום הַבָּ֗א אָמַר֙ יְהוָ֣ה צְבָאֹ֔ות אֲשֶׁ֛ר לֹא־יַעֲזֹ֥ב לָהֶ֖ם שֹׁ֥רֶשׁ וְעָנָֽף׃

kiֽ̇y־hiné֤̇h hayò̇wm֙ bá̇֔ʼ bò̇ʻé֖r kȧţȧṅ֑ẇr wĕháy֨ẇ kál־zédi֜ym wĕkál־ʻòşé֤̂h rişĕ̌ʻáh֙ qa֔ş̌ wĕliha֨t ʼòţá֜m hayò֣̇wm habá̇֗ʼ ʼámar֙ yĕhwá֣h ẕĕbáʼò֔wţ ʼàşě֛r lòʼ־yaʻàzò֥b láhe֖m şò֥̌reş̌ wĕʻánáֽp׃

20
וְזָרְחָ֨ה לָכֶ֜ם יִרְאֵ֤י שְׁמִי֙ שֶׁ֣מֶשׁ צְדָקָ֔ה וּמַרְפֵּ֖א בִּכְנָפֶ֑יהָ וִֽיצָאתֶ֥ם וּפִשְׁתֶּ֖ם כְּעֶגְלֵ֥י מַרְבֵּֽק׃

wĕzárĕẖá֨h láke֜m yirĕʼé֤y şĕ̌miy֙ şě֣meş̌ ẕĕdáqá֔h ẇmarĕpé֖̇ʼ bi̇kĕnápe֑yhá wiֽyẕáʼţe֥m ẇpişĕ̌ţė֖m kĕ̇ʻegĕlé֥y marĕbéֽ̇q׃

21
וְעַסֹּותֶ֣ם רְשָׁעִ֔ים כִּֽי־יִהְי֣וּ אֵ֔פֶר תַּ֖חַת כַּפֹּ֣ות רַגְלֵיכֶ֑ם בַּיֹּום֙ אֲשֶׁ֣ר אֲנִ֣י עֹשֶׂ֔ה אָמַ֖ר יְהוָ֥ה צְבָאֹֽות׃ פ

wĕʻasò̇wţe֣m rĕşá̌ʻi֔ym kiֽ̇y־yihĕy֣ẇ ʼé֔per ţȧ֖ẖaţ kȧpò֣̇wţ ragĕléyke֑m bȧyò̇wm֙ ʼàşě֣r ʼàni֣y ʻòşê֔h ʼáma֖r yĕhwá֥h ẕĕbáʼòֽwţ׃ p

22
זִכְר֕וּ תֹּורַ֖ת מֹשֶׁ֣ה עַבְדִּ֑י אֲשֶׁר֩ צִוִּ֨יתִי אֹותֹ֤ו בְחֹרֵב֙ עַל־כָּל־יִשְׂרָאֵ֔ל חֻקִּ֖ים וּמִשְׁפָּטִֽים׃

zikĕr֕ẇ ţò̇wra֖ţ mòşě֣h ʻabĕdi֑̇y ʼàşěr֩ ẕiwi̇֨yţiy ʼòwţò֤w bĕẖòréb֙ ʻal־ká̇l־yişĕ̂ráʼé֔l ẖuqi֖̇ym ẇmişĕ̌pá̇tiֽym׃

23
הִנֵּ֤ה אָֽנֹכִי֙ שֹׁלֵ֣חַ לָכֶ֔ם אֵ֖ת אֵלִיָּ֣ה הַנָּבִ֑יא לִפְנֵ֗י בֹּ֚וא יֹ֣ום יְהוָ֔ה הַגָּדֹ֖ול וְהַנֹּורָֽא׃

hiné֤̇h ʼáֽnòkiy֙ şò̌lé֣ẖa láke֔m ʼé֖ţ ʼéliyá֣̇h haná̇bi֑yʼ lipĕné֗y bò֚̇wʼ yò֣wm yĕhwá֔h hagá̇dò֖wl wĕhanò̇wráֽʼ׃

24
וְהֵשִׁ֤יב לֵב־אָבֹות֙ עַל־בָּנִ֔ים וְלֵ֥ב בָּנִ֖ים עַל־אֲבֹותָ֑ם פֶּן־אָבֹ֕וא וְהִכֵּיתִ֥י אֶת־הָאָ֖רֶץ חֵֽרֶם׃

wĕhéşǐ֤yb léb־ʼábòwţ֙ ʻal־bá̇ni֔ym wĕlé֥b bá̇ni֖ym ʻal־ʼàbòwţá֑m pėn־ʼábò֕wʼ wĕhiké̇yţi֥y ʼeţ־háʼá֖reẕ ẖéֽrem׃