Bibles in ancient languages
Old translations
Modern translations

Biblia Hebraica Stuttgartiensia Nehemiah 13

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בַּיֹּ֣ום הַה֗וּא נִקְרָ֛א בְּסֵ֥פֶר מֹשֶׁ֖ה בְּאָזְנֵ֣י הָעָ֑ם וְנִמְצָא֙ כָּת֣וּב בֹּ֔ו אֲ֠שֶׁר לֹא־יָבֹ֨וא עַמֹּנִ֧י וּמֹאָבִ֛י בִּקְהַ֥ל הָאֱלֹהִ֖ים עַד־עֹולָֽם׃

bȧyò֣̇wm hah֗ẇʼ niqĕrá֛ʼ bĕ̇sé֥per mòşě֖h bĕ̇ʼázĕné֣y háʻá֑m wĕnimĕẕáʼ֙ ká̇ţ֣ẇb bò̇֔w ʼà֠şěr lòʼ־yábò֨wʼ ʻamò̇ni֧y ẇmòʼábi֛y bi̇qĕha֥l háʼèlòhi֖ym ʻad־ʻòwláֽm׃

2
כִּ֣י לֹ֧א קִדְּמ֛וּ אֶת־בְּנֵ֥י יִשְׂרָאֵ֖ל בַּלֶּ֣חֶם וּבַמָּ֑יִם וַיִּשְׂכֹּ֨ר עָלָ֤יו אֶת־בִּלְעָם֙ לְקַֽלְלֹ֔ו וַיַּהֲפֹ֧ךְ אֱלֹהֵ֛ינוּ הַקְּלָלָ֖ה לִבְרָכָֽה׃

ki֣̇y lò֧ʼ qidĕ̇m֛ẇ ʼeţ־bĕ̇né֥y yişĕ̂ráʼé֖l bȧlė֣ẖem ẇbamá֑̇yim wayi̇şĕ̂kò̇֨r ʻálá֤yw ʼeţ־bi̇lĕʻám֙ lĕqaֽlĕlò֔w wayȧhàpò֧kĕ ʼèlòhé֛ynẇ haqĕ̇lálá֖h libĕrákáֽh׃

3
וַיְהִ֖י כְּשָׁמְעָ֣ם אֶת־הַתֹּורָ֑ה וַיַּבְדִּ֥ילוּ כָל־עֵ֖רֶב מִיִּשְׂרָאֵֽל׃

wayĕhi֖y kĕ̇şá̌mĕʻá֣m ʼeţ־haţò̇wrá֑h wayȧbĕdi֥̇ylẇ kál־ʻé֖reb miyi̇şĕ̂ráʼéֽl׃

4
וְלִפְנֵ֣י מִזֶּ֔ה אֶלְיָשִׁיב֙ הַכֹּהֵ֔ן נָת֖וּן בְּלִשְׁכַּ֣ת בֵּית־אֱלֹהֵ֑ינוּ קָרֹ֖וב לְטֹובִיָּֽה׃

wĕlipĕné֣y mizė֔h ʼelĕyáşǐyb֙ hakò̇hé֔n náţ֖ẇn bĕ̇lişĕ̌kȧ֣ţ bé̇yţ־ʼèlòhé֑ynẇ qárò֖wb lĕtòwbiyáֽ̇h׃

5
וַיַּ֨עַשׂ לֹ֜ו לִשְׁכָּ֣ה גְדֹולָ֗ה וְשָׁ֣ם הָי֪וּ לְפָנִ֟ים נֹ֠תְנִים אֶת־הַמִּנְחָ֨ה הַלְּבֹונָ֜ה וְהַכֵּלִ֗ים וּמַעְשַׂ֤ר הַדָּגָן֙ הַתִּירֹ֣ושׁ וְהַיִּצְהָ֔ר מִצְוַת֙ הַלְוִיִּ֔ם וְהַמְשֹׁרְרִ֖ים וְהַשֹּׁעֲרִ֑ים וּתְרוּמַ֖ת הַכֹּהֲנִֽים׃

wayȧ֨ʻaş̂ lò֜w lişĕ̌ká֣̇h gĕdòwlá֗h wĕşá֣̌m háy֪ẇ lĕpáni֟ym nò֠ţĕniym ʼeţ־hami̇nĕẖá֨h halĕ̇bòwná֜h wĕhaké̇li֗ym ẇmaʻĕşâ֤r hadá̇gán֙ haţi̇yrò֣wş̌ wĕhayi̇ẕĕhá֔r miẕĕwaţ֙ halĕwiyi̇֔m wĕhamĕşò̌rĕri֖ym wĕhaşò̇̌ʻàri֑ym ẇţĕrẇma֖ţ hakò̇hàniֽym׃

6
וּבְכָל־זֶ֕ה לֹ֥א הָיִ֖יתִי בִּֽירוּשָׁלִָ֑ם כִּ֡י בִּשְׁנַת֩ שְׁלֹשִׁ֨ים וּשְׁתַּ֜יִם לְאַרְתַּחְשַׁ֤סְתְּא מֶֽלֶךְ־בָּבֶל֙ בָּ֣אתִי אֶל־הַמֶּ֔לֶךְ וּלְקֵ֥ץ יָמִ֖ים נִשְׁאַ֥לְתִּי מִן־הַמֶּֽלֶךְ׃

ẇbĕkál־ze֕h lò֥ʼ háyi֖yţiy biֽ̇yrẇşá̌liá֑m ki̇֡y bi̇şĕ̌naţ֩ şĕ̌lòşǐ֨ym ẇşĕ̌ţȧ֜yim lĕʼarĕţȧẖĕşǎ֤sĕţĕ̇ʼ meֽlekĕ־bá̇bel֙ bá֣̇ʼţiy ʼel־hamė֔lekĕ ẇlĕqé֥ẕ yámi֖ym nişĕ̌ʼa֥lĕţi̇y min־hamėֽlekĕ׃

7
וָאָבֹ֖וא לִֽירוּשָׁלִָ֑ם וָאָבִ֣ינָה בָרָעָ֗ה אֲשֶׁ֨ר עָשָׂ֤ה אֶלְיָשִׁיב֙ לְטֹ֣ובִיָּ֔ה לַעֲשֹׂ֥ות לֹו֙ נִשְׁכָּ֔ה בְּחַצְרֵ֖י בֵּ֥ית הָאֱלֹהִֽים׃

wáʼábò֖wʼ liֽyrẇşá̌liá֑m wáʼábi֣ynáh báráʻá֗h ʼàşě֨r ʻáşá֤̂h ʼelĕyáşǐyb֙ lĕtò֣wbiyá̇֔h laʻàşò֥̂wţ lòw֙ nişĕ̌ká̇֔h bĕ̇ẖaẕĕré֖y bé֥̇yţ háʼèlòhiֽym׃

8
וַיֵּ֥רַֽע לִ֖י מְאֹ֑ד וָֽאַשְׁלִ֜יכָה אֶֽת־כָּל־כְּלֵ֧י בֵית־טֹובִיָּ֛ה הַח֖וּץ מִן־הַלִּשְׁכָּֽה׃

wayé֥̇raֽʻ li֖y mĕʼò֑d wáֽʼaşĕ̌li֜ykáh ʼeֽţ־ká̇l־kĕ̇lé֧y béyţ־tòwbiyá֛̇h haẖ֖ẇẕ min־hali̇şĕ̌káֽ̇h׃

9
וָאֹ֣מְרָ֔ה וַֽיְטַהֲר֖וּ הַלְּשָׁכֹ֑ות וָאָשִׁ֣יבָה שָּׁ֗ם כְּלֵי֙ בֵּ֣ית הָאֱלֹהִ֔ים אֶת־הַמִּנְחָ֖ה וְהַלְּבֹונָֽה׃ פ

wáʼò֣mĕrá֔h waֽyĕtahàr֖ẇ halĕ̇şá̌kò֑wţ wáʼáşǐ֣ybáh şá̇̌֗m kĕ̇léy֙ bé֣̇yţ háʼèlòhi֔ym ʼeţ־hami̇nĕẖá֖h wĕhalĕ̇bòwnáֽh׃ p

10
וָאֵ֣דְעָ֔ה כִּֽי־מְנָיֹ֥ות הַלְוִיִּ֖ם לֹ֣א נִתָּ֑נָה וַיִּבְרְח֧וּ אִישׁ־לְשָׂדֵ֛הוּ הַלְוִיִּ֥ם וְהַמְשֹׁרְרִ֖ים עֹשֵׂ֥י הַמְּלָאכָֽה׃

wáʼé֣dĕʻá֔h kiֽ̇y־mĕnáyò֥wţ halĕwiyi֖̇m lò֣ʼ niţá֑̇náh wayi̇bĕrĕẖ֧ẇ ʼiyş̌־lĕşá̂dé֛hẇ halĕwiyi֥̇m wĕhamĕşò̌rĕri֖ym ʻòşé֥̂y hamĕ̇láʼkáֽh׃

11
וָאָרִ֨יבָה֙ אֶת־הַסְּגָנִ֔ים וָאֹ֣מְרָ֔ה מַדּ֖וּעַ נֶעֱזַ֣ב בֵּית־הָאֱלֹהִ֑ים וָֽאֶ֨קְבְּצֵ֔ם וָֽאַעֲמִדֵ֖ם עַל־עָמְדָֽם׃

wáʼári֨ybáh֙ ʼeţ־hasĕ̇gáni֔ym wáʼò֣mĕrá֔h maḋ֖ẇʻa neʻèza֣b bé̇yţ־háʼèlòhi֑ym wáֽʼe֨qĕbĕ̇ẕé֔m wáֽʼaʻàmidé֖m ʻal־ʻámĕdáֽm׃

12
וְכָל־יְהוּדָ֗ה הֵבִ֜יאוּ מַעְשַׂ֧ר הַדָּגָ֛ן וְהַתִּירֹ֥ושׁ וְהַיִּצְהָ֖ר לָאֹוצָרֹֽות׃

wĕkál־yĕhẇdá֗h hébi֜yʼẇ maʻĕşâ֧r hadá̇gá֛n wĕhaţi̇yrò֥wş̌ wĕhayi̇ẕĕhá֖r láʼòwẕáròֽwţ׃

13
וָאֹוצְרָ֣ה עַל־אֹ֠וצָרֹות שֶׁלֶמְיָ֨ה הַכֹּהֵ֜ן וְצָדֹ֣וק הַסֹּופֵ֗ר וּפְדָיָה֙ מִן־הַלְוִיִּ֔ם וְעַל־יָדָ֔ם חָנָ֥ן בֶּן־זַכּ֖וּר בֶּן־מַתַּנְיָ֑ה כִּ֤י נֶאֱמָנִים֙ נֶחְשָׁ֔בוּ וַעֲלֵיהֶ֖ם לַחֲלֹ֥ק לַאֲחֵיהֶֽם׃ פ

wáʼòwẕĕrá֣h ʻal־ʼò֠wẕáròwţ şělemĕyá֨h hakò̇hé֜n wĕẕádò֣wq hasò̇wpé֗r ẇpĕdáyáh֙ min־halĕwiyi̇֔m wĕʻal־yádá֔m ẖáná֥n bėn־zak֖̇ẇr bėn־maţȧnĕyá֑h ki֤̇y neʼèmániym֙ neẖĕşá̌֔bẇ waʻàléyhe֖m laẖàlò֥q laʼàẖéyheֽm׃ p

14
זָכְרָה־לִּ֥י אֱלֹהַ֖י עַל־זֹ֑את וְאַל־תֶּ֣מַח חֲסָדַ֗י אֲשֶׁ֥ר עָשִׂ֛יתִי בְּבֵ֥ית אֱלֹהַ֖י וּבְמִשְׁמָרָֽיו׃

zákĕráh־li֥̇y ʼèlòha֖y ʻal־zò֑ʼţ wĕʼal־ţė֣maẖ ẖàsáda֗y ʼàşě֥r ʻáşî֛yţiy bĕ̇bé֥yţ ʼèlòha֖y ẇbĕmişĕ̌máráֽyw׃

15
בַּיָּמִ֣ים הָהֵ֡מָּה רָאִ֣יתִי בִֽיהוּדָ֣ה׀ דֹּֽרְכִֽים־גִּתֹּ֣ות׀ בַּשַּׁבָּ֡ת וּמְבִיאִ֣ים הָעֲרֵמֹ֣ות וְֽעֹמְסִ֪ים עַל־הַחֲמֹרִ֟ים וְאַף־יַ֜יִן עֲנָבִ֤ים וּתְאֵנִים֙ וְכָל־מַשָּׂ֔א וּמְבִיאִ֥ים יְרוּשָׁלִַ֖ם בְּיֹ֣ום הַשַּׁבָּ֑ת וָאָעִ֕יד בְּיֹ֖ום מִכְרָ֥ם צָֽיִד׃

bȧyá̇mi֣ym háhé֡má̇h ráʼi֣yţiy biֽyhẇdá֣h׀ dòֽ̇rĕkiֽym־gi̇ţò֣̇wţ׀ bȧşȧ̌bá̇֡ţ ẇmĕbiyʼi֣ym háʻàrémò֣wţ wĕֽʻòmĕsi֪ym ʻal־haẖàmòri֟ym wĕʼap־ya֜yin ʻànábi֤ym ẇţĕʼéniym֙ wĕkál־maşá̇̂֔ʼ ẇmĕbiyʼi֥ym yĕrẇşá̌lia֖m bĕ̇yò֣wm haşȧ̌bá֑̇ţ wáʼáʻi֕yd bĕ̇yò֖wm mikĕrá֥m ẕáֽyid׃

16
וְהַצֹּרִים֙ יָ֣שְׁבוּ בָ֔הּ מְבִיאִ֥ים דָּ֖אג וְכָל־מֶ֑כֶר וּמֹכְרִ֧ים בַּשַּׁבָּ֛ת לִבְנֵ֥י יְהוּדָ֖ה וּבִירוּשָׁלִָֽם׃

wĕhaẕò̇riym֙ yá֣şĕ̌bẇ bá֔ḣ mĕbiyʼi֥ym dá֖̇ʼg wĕkál־me֑ker ẇmòkĕri֧ym bȧşȧ̌bá֛̇ţ libĕné֥y yĕhẇdá֖h ẇbiyrẇşá̌láֽim׃

17
וָאָרִ֕יבָה אֵ֖ת חֹרֵ֣י יְהוּדָ֑ה וָאֹמְרָ֣ה לָהֶ֗ם מָֽה־הַדָּבָ֨ר הָרָ֤ע הַזֶּה֙ אֲשֶׁ֣ר אַתֶּ֣ם עֹשִׂ֔ים וּֽמְחַלְּלִ֖ים אֶת־יֹ֥ום הַשַּׁבָּֽת׃

wáʼári֕ybáh ʼé֖ţ ẖòré֣y yĕhẇdá֑h wáʼòmĕrá֣h láhe֗m máֽh־hadá̇bá֨r hárá֤ʻ hazėh֙ ʼàşě֣r ʼaţė֣m ʻòşî֔ym ẇֽmĕẖalĕ̇li֖ym ʼeţ־yò֥wm haşȧ̌báֽ̇ţ׃

18
הֲלֹ֨וא כֹ֤ה עָשׂוּ֙ אֲבֹ֣תֵיכֶ֔ם וַיָּבֵ֨א אֱלֹהֵ֜ינוּ עָלֵ֗ינוּ אֵ֚ת כָּל־הָרָעָ֣ה הַזֹּ֔את וְעַ֖ל הָעִ֣יר הַזֹּ֑את וְאַתֶּ֞ם מֹוסִיפִ֤ים חָרֹון֙ עַל־יִשְׂרָאֵ֔ל לְחַלֵּ֖ל אֶת־הַשַּׁבָּֽת׃ פ

hàlò֨wʼ kò֤h ʻáş̂ẇ֙ ʼàbò֣ţéyke֔m wayá̇bé֨ʼ ʼèlòhé֜ynẇ ʻálé֗ynẇ ʼé֚ţ ká̇l־háráʻá֣h hazò̇֔ʼţ wĕʻa֖l háʻi֣yr hazò֑̇ʼţ wĕʼaţė֞m mòwsiypi֤ym ẖáròwn֙ ʻal־yişĕ̂ráʼé֔l lĕẖalé֖̇l ʼeţ־haşȧ̌báֽ̇ţ׃ p

19
וַיְהִ֡י כַּאֲשֶׁ֣ר צָֽלֲלוּ֩ שַׁעֲרֵ֨י יְרוּשָׁלִַ֜ם לִפְנֵ֣י הַשַּׁבָּ֗ת וָאֹֽמְרָה֙ וַיִּסָּגְר֣וּ הַדְּלָתֹ֔ות וָאֹ֣מְרָ֔ה אֲשֶׁר֙ לֹ֣א יִפְתָּח֔וּם עַ֖ד אַחַ֣ר הַשַּׁבָּ֑ת וּמִנְּעָרַ֗י הֶֽעֱמַ֨דְתִּי֙ עַל־הַשְּׁעָרִ֔ים לֹא־יָבֹ֥וא מַשָּׂ֖א בְּיֹ֥ום הַשַּׁבָּֽת׃

wayĕhi֡y kȧʼàşě֣r ẕáֽlàlẇ֩ şǎʻàré֨y yĕrẇşá̌lia֜m lipĕné֣y haşȧ̌bá̇֗ţ wáʼòֽmĕráh֙ wayi̇sá̇gĕr֣ẇ hadĕ̇láţò֔wţ wáʼò֣mĕrá֔h ʼàşěr֙ lò֣ʼ yipĕţá̇ẖ֔ẇm ʻa֖d ʼaẖa֣r haşȧ̌bá֑̇ţ ẇminĕ̇ʻára֗y heֽʻèma֨dĕţi̇y֙ ʻal־haşĕ̇̌ʻári֔ym lòʼ־yábò֥wʼ maşá֖̇̂ʼ bĕ̇yò֥wm haşȧ̌báֽ̇ţ׃

20
וַיָּלִ֨ינוּ הָרֹכְלִ֜ים וּמֹכְרֵ֧י כָל־מִמְכָּ֛ר מִח֥וּץ לִירוּשָׁלִָ֖ם פַּ֥עַם וּשְׁתָּֽיִם׃

wayá̇li֨ynẇ háròkĕli֜ym ẇmòkĕré֧y kál־mimĕká֛̇r miẖ֥ẇẕ liyrẇşá̌liá֖m pȧ֥ʻam ẇşĕ̌ţáֽ̇yim׃

21
וָאָעִ֣ידָה בָהֶ֗ם וָאֹמְרָ֤ה אֲלֵיהֶם֙ מַדּ֜וּעַ אַתֶּ֤ם לֵנִים֙ נֶ֣גֶד הַחֹומָ֔ה אִם־תִּשְׁנ֕וּ יָ֖ד אֶשְׁלַ֣ח בָּכֶ֑ם מִן־הָעֵ֣ת הַהִ֔יא לֹא־בָ֖אוּ בַּשַּׁבָּֽת׃ ס

wáʼáʻi֣ydáh báhe֗m wáʼòmĕrá֤h ʼàléyhem֙ maḋ֜ẇʻa ʼaţė֤m léniym֙ ne֣ged haẖòwmá֔h ʼim־ţi̇şĕ̌n֕ẇ yá֖d ʼeşĕ̌la֣ẖ bá̇ke֑m min־háʻé֣ţ hahi֔yʼ lòʼ־bá֖ʼẇ bȧşȧ̌báֽ̇ţ׃ s

22
וָאֹמְרָ֣ה לַלְוִיִּ֗ם אֲשֶׁ֨ר יִֽהְי֤וּ מִֽטַּהֲרִים֙ וּבָאִים֙ שֹׁמְרִ֣ים הַשְּׁעָרִ֔ים לְקַדֵּ֖שׁ אֶת־יֹ֣ום הַשַּׁבָּ֑ת גַּם־זֹאת֙ זָכְרָה־לִּ֣י אֱלֹהַ֔י וְח֥וּסָה עָלַ֖י כְּרֹ֥ב חַסְדֶּֽךָ׃ פ

wáʼòmĕrá֣h lalĕwiyi̇֗m ʼàşě֨r yiֽhĕy֤ẇ miֽtȧhàriym֙ ẇbáʼiym֙ şò̌mĕri֣ym haşĕ̇̌ʻári֔ym lĕqadé֖̇ş̌ ʼeţ־yò֣wm haşȧ̌bá֑̇ţ gȧm־zòʼţ֙ zákĕráh־li֣̇y ʼèlòha֔y wĕẖ֥ẇsáh ʻála֖y kĕ̇rò֥b ẖasĕdėֽká׃ p

23
גַּ֣ם׀ בַּיָּמִ֣ים הָהֵ֗ם רָאִ֤יתִי אֶת־הַיְּהוּדִים֙ הֹשִׁ֗יבוּ נָשִׁים֙ אַשְׁדֹּודִיֹּות עַמֹּונִיֹּות מֹואֲבִיֹּֽות׃

gȧ֣m׀ bȧyá̇mi֣ym háhé֗m ráʼi֤yţiy ʼeţ־hayĕ̇hẇdiym֙ hòşǐ֗ybẇ náşǐym֙ ʼaşĕ̌dò̇wdiyò̇wţ ʻamò̇wniyò̇wţ mòwʼàbiyòֽ̇wţ׃

24
וּבְנֵיהֶ֗ם חֲצִי֙ מְדַבֵּ֣ר אַשְׁדֹּודִ֔ית וְאֵינָ֥ם מַכִּירִ֖ים לְדַבֵּ֣ר יְהוּדִ֑ית וְכִלְשֹׁ֖ון עַ֥ם וָעָֽם׃

ẇbĕnéyhe֗m ẖàẕiy֙ mĕdabé֣̇r ʼaşĕ̌dò̇wdi֔yţ wĕʼéyná֥m maki̇yri֖ym lĕdabé֣̇r yĕhẇdi֑yţ wĕkilĕşò֖̌wn ʻa֥m wáʻáֽm׃

25
וָאָרִ֤יב עִמָּם֙ וָאֲקַֽלְלֵ֔ם וָאַכֶּ֥ה מֵהֶ֛ם אֲנָשִׁ֖ים וָֽאֶמְרְטֵ֑ם וָאַשְׁבִּיעֵ֣ם בֵּֽאלֹהִ֗ים אִם־תִּתְּנ֤וּ בְנֹֽתֵיכֶם֙ לִבְנֵיהֶ֔ם וְאִם־תִּשְׂאוּ֙ מִבְּנֹ֣תֵיהֶ֔ם לִבְנֵיכֶ֖ם וְלָכֶֽם׃

wáʼári֤yb ʻimá̇m֙ wáʼàqaֽlĕlé֔m wáʼakė֥h méhe֛m ʼànáşǐ֖ym wáֽʼemĕrĕté֑m wáʼaşĕ̌bi̇yʻé֣m béֽ̇ʼlòhi֗ym ʼim־ţi̇ţĕ̇n֤ẇ bĕnòֽţéykem֙ libĕnéyhe֔m wĕʼim־ţi̇şĕ̂ʼẇ֙ mibĕ̇nò֣ţéyhe֔m libĕnéyke֖m wĕlákeֽm׃

26
הֲלֹ֣וא עַל־אֵ֣לֶּה חָטָֽא־שְׁלֹמֹ֣ה מֶ֣לֶךְ יִשְׂרָאֵ֡ל וּבַגֹּויִ֣ם הָרַבִּים֩ לֹֽא־הָיָ֨ה מֶ֜לֶךְ כָּמֹ֗הוּ וְאָה֤וּב לֵֽאלֹהָיו֙ הָיָ֔ה וַיִּתְּנֵ֣הוּ אֱלֹהִ֔ים מֶ֖לֶךְ עַל־כָּל־יִשְׂרָאֵ֑ל גַּם־אֹותֹ֣ו הֶחֱטִ֔יאוּ הַנָּשִׁ֖ים הַנָּכְרִיֹּֽות׃

hàlò֣wʼ ʻal־ʼé֣lėh ẖátáֽʼ־şĕ̌lòmò֣h me֣lekĕ yişĕ̂ráʼé֡l ẇbagò̇wyi֣m hárabi̇ym֩ lòֽʼ־háyá֨h me֜lekĕ ká̇mò֗hẇ wĕʼáh֤ẇb léֽʼlòháyw֙ háyá֔h wayi̇ţĕ̇né֣hẇ ʼèlòhi֔ym me֖lekĕ ʻal־ká̇l־yişĕ̂ráʼé֑l gȧm־ʼòwţò֣w heẖèti֔yʼẇ haná̇şǐ֖ym haná̇kĕriyòֽ̇wţ׃

27
וְלָכֶ֣ם הֲנִשְׁמַ֗ע לַעֲשֹׂת֙ אֵ֣ת כָּל־הָרָעָ֤ה הַגְּדֹולָה֙ הַזֹּ֔את לִמְעֹ֖ל בֵּֽאלֹהֵ֑ינוּ לְהֹשִׁ֖יב נָשִׁ֥ים נָכְרִיֹּֽות׃

wĕláke֣m hànişĕ̌ma֗ʻ laʻàşò̂ţ֙ ʼé֣ţ ká̇l־háráʻá֤h hagĕ̇dòwláh֙ hazò̇֔ʼţ limĕʻò֖l béֽ̇ʼlòhé֑ynẇ lĕhòşǐ֖yb náşǐ֥ym nákĕriyòֽ̇wţ׃

28
וּמִבְּנֵ֨י יֹויָדָ֤ע בֶּן־אֶלְיָשִׁיב֙ הַכֹּהֵ֣ן הַגָּדֹ֔ול חָתָ֖ן לְסַנְבַלַּ֣ט הַחֹרֹנִ֑י וָאַבְרִיחֵ֖הוּ מֵעָלָֽי׃

ẇmibĕ̇né֨y yòwyádá֤ʻ bėn־ʼelĕyáşǐyb֙ hakò̇hé֣n hagá̇dò֔wl ẖáţá֖n lĕsanĕbalȧ֣t haẖòròni֑y wáʼabĕriyẖé֖hẇ méʻáláֽy׃

29
זָכְרָ֥ה לָהֶ֖ם אֱלֹהָ֑י עַ֚ל גָּאֳלֵ֣י הַכְּהֻנָּ֔ה וּבְרִ֥ית הַכְּהֻנָּ֖ה וְהַלְוִיִּֽם׃

zákĕrá֥h láhe֖m ʼèlòhá֑y ʻa֚l gá̇ʼolé֣y hakĕ̇huná̇֔h ẇbĕri֥yţ hakĕ̇huná֖̇h wĕhalĕwiyiֽ̇m׃

30
וְטִֽהַרְתִּ֖ים מִכָּל־נֵכָ֑ר וָאַעֲמִ֧ידָה מִשְׁמָרֹ֛ות לַכֹּהֲנִ֥ים וְלַלְוִיִּ֖ם אִ֥ישׁ בִּמְלַאכְתֹּֽו׃

wĕtiֽharĕţi֖̇ym miká̇l־néká֑r wáʼaʻàmi֧ydáh mişĕ̌márò֛wţ lakò̇hàni֥ym wĕlalĕwiyi֖̇m ʼi֥yş̌ bi̇mĕlaʼkĕţòֽ̇w׃

31
וּלְקֻרְבַּ֧ן הָעֵצִ֛ים בְּעִתִּ֥ים מְזֻמָּנֹ֖ות וְלַבִּכּוּרִ֑ים זָכְרָה־לִּ֥י אֱלֹהַ֖י לְטֹובָֽה׃

ẇlĕqurĕbȧ֧n háʻéẕi֛ym bĕ̇ʻiţi֥̇ym mĕzumá̇nò֖wţ wĕlabi̇k̇ẇri֑ym zákĕráh־li֥̇y ʼèlòha֖y lĕtòwbáֽh׃