Bibles in ancient languages
Old translations
Modern translations

Biblia Hebraica Stuttgartensia Néhémie 9:28

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּבְיֹום֩ עֶשְׂרִ֨ים וְאַרְבָּעָ֜ה לַחֹ֣דֶשׁ הַזֶּ֗ה נֶאֶסְפ֤וּ בְנֵֽי־יִשְׂרָאֵל֙ בְּצֹ֣ום וּבְשַׂקִּ֔ים וַאֲדָמָ֖ה עֲלֵיהֶֽם׃

ẇbĕyòwm֩ ʻeşĕ̂ri֨ym wĕʼarĕbá̇ʻá֜h laẖò֣deş̌ hazė֗h neʼesĕp֤ẇ bĕnéֽy־yişĕ̂ráʼél֙ bĕ̇ẕò֣wm ẇbĕşâqi̇֔ym waʼàdámá֖h ʻàléyheֽm׃

2
וַיִּבָּֽדְלוּ֙ זֶ֣רַע יִשְׂרָאֵ֔ל מִכֹּ֖ל בְּנֵ֣י נֵכָ֑ר וַיַּעַמְד֗וּ וַיִּתְוַדּוּ֙ עַל־חַטֹּ֣אתֵיהֶ֔ם וַעֲוֹנֹ֖ות אֲבֹתֵיהֶֽם׃

wayi̇báֽ̇dĕlẇ֙ ze֣raʻ yişĕ̂ráʼé֔l mikò֖̇l bĕ̇né֣y néká֑r wayȧʻamĕd֗ẇ wayi̇ţĕwaḋẇ֙ ʻal־ẖatò֣̇ʼţéyhe֔m waʻàwònò֖wţ ʼàbòţéyheֽm׃

3
וַיָּק֨וּמוּ֙ עַל־עָמְדָ֔ם וַֽיִּקְרְא֗וּ בְּסֵ֨פֶר תֹּורַ֧ת יְהוָ֛ה אֱלֹהֵיהֶ֖ם רְבִעִ֣ית הַיֹּ֑ום וּרְבִעִית֙ מִתְוַדִּ֣ים וּמִֽשְׁתַּחֲוִ֔ים לַיהוָ֖ה אֱלֹהֵיהֶֽם׃ פ

wayá̇q֨ẇmẇ֙ ʻal־ʻámĕdá֔m waֽyi̇qĕrĕʼ֗ẇ bĕ̇sé֨per ţò̇wra֧ţ yĕhwá֛h ʼèlòhéyhe֖m rĕbiʻi֣yţ hayò֑̇wm ẇrĕbiʻiyţ֙ miţĕwadi֣̇ym ẇmiֽşĕ̌ţȧẖàwi֔ym layhwá֖h ʼèlòhéyheֽm׃ p

4
וַיָּ֜קָם עַֽל־מַֽעֲלֵ֣ה הַלְוִיִּ֗ם יֵשׁ֨וּעַ וּבָנִ֜י קַדְמִיאֵ֧ל שְׁבַנְיָ֛ה בֻּנִּ֥י שֵׁרֵבְיָ֖ה בָּנִ֣י כְנָ֑נִי וַֽיִּזְעֲקוּ֙ בְּקֹ֣ול גָּדֹ֔ול אֶל־יְהוָ֖ה אֱלֹהֵיהֶֽם׃

wayá̇֜qám ʻaֽl־maֽʻàlé֣h halĕwiyi̇֗m yéş̌֨ẇʻa ẇbáni֜y qadĕmiyʼé֧l şĕ̌banĕyá֛h bu̇ni֥̇y şé̌rébĕyá֖h bá̇ni֣y kĕná֑niy waֽyi̇zĕʻàqẇ֙ bĕ̇qò֣wl gá̇dò֔wl ʼel־yĕhwá֖h ʼèlòhéyheֽm׃

5
וַיֹּאמְר֣וּ הַלְוִיִּ֡ם יֵשׁ֣וּעַ וְ֠קַדְמִיאֵל בָּנִ֨י חֲשַׁבְנְיָ֜ה שֵׁרֵֽבְיָ֤ה הֹֽודִיָּה֙ שְׁבַנְיָ֣ה פְתַֽחְיָ֔ה ק֗וּמוּ בָּרֲכוּ֙ אֶת־יְהוָ֣ה אֱלֹֽהֵיכֶ֔ם מִן־הָעֹולָ֖ם עַד־הָעֹולָ֑ם וִיבָֽרְכוּ֙ שֵׁ֣ם כְּבֹודֶ֔ךָ וּמְרֹומַ֥ם עַל־כָּל־בְּרָכָ֖ה וּתְהִלָּֽה׃

wayò̇ʼmĕr֣ẇ halĕwiyi̇֡m yéş֣̌ẇʻa wĕ֠qadĕmiyʼél bá̇ni֨y ẖàşǎbĕnĕyá֜h şé̌réֽbĕyá֤h hòֽwdiyá̇h֙ şĕ̌banĕyá֣h pĕţaֽẖĕyá֔h q֗ẇmẇ bá̇ràkẇ֙ ʼeţ־yĕhwá֣h ʼèlòֽhéyke֔m min־háʻòwlá֖m ʻad־háʻòwlá֑m wiybáֽrĕkẇ֙ şé֣̌m kĕ̇bòwde֔ká ẇmĕròwma֥m ʻal־ká̇l־bĕ̇ráká֖h ẇţĕhiláֽ̇h׃

6
אַתָּה־ה֣וּא יְהוָה֮ לְבַדֶּךָ֒ אַתְּ עָשִׂ֡יתָ אֶֽת־הַשָּׁמַיִם֩ שְׁמֵ֨י הַשָּׁמַ֜יִם וְכָל־צְבָאָ֗ם הָאָ֜רֶץ וְכָל־אֲשֶׁ֤ר עָלֶ֨יהָ֙ הַיַּמִּים֙ וְכָל־אֲשֶׁ֣ר בָּהֶ֔ם וְאַתָּ֖ה מְחַיֶּ֣ה אֶת־כֻּלָּ֑ם וּצְבָ֥א הַשָּׁמַ֖יִם לְךָ֥ מִשְׁתַּחֲוִֽים׃

ʼaţá̇h־h֣ẇʼ yĕhwáh֮ lĕbadėká֒ ʼaţĕ̇ ʻáşî֡yţá ʼeֽţ־haşá̇̌mayim֩ şĕ̌mé֨y haşá̇̌ma֜yim wĕkál־ẕĕbáʼá֗m háʼá֜reẕ wĕkál־ʼàşě֤r ʻále֨yhá֙ hayȧmi̇ym֙ wĕkál־ʼàşě֣r bá̇he֔m wĕʼaţá֖̇h mĕẖayė֣h ʼeţ־ku̇lá֑̇m ẇẕĕbá֥ʼ haşá̇̌ma֖yim lĕká֥ mişĕ̌ţȧẖàwiֽym׃

7
אַתָּה־הוּא֙ יְהוָ֣ה הָאֱלֹהִ֔ים אֲשֶׁ֤ר בָּחַ֨רְתָּ֙ בְּאַבְרָ֔ם וְהֹוצֵאתֹ֖ו מֵא֣וּר כַּשְׂדִּ֑ים וְשַׂ֥מְתָּ שְּׁמֹ֖ו אַבְרָהָֽם׃

ʼaţá̇h־hẇʼ֙ yĕhwá֣h háʼèlòhi֔ym ʼàşě֤r bá̇ẖa֨rĕţá̇֙ bĕ̇ʼabĕrá֔m wĕhòwẕéʼţò֖w méʼ֣ẇr kȧşĕ̂di֑̇ym wĕşâ֥mĕţá̇ şĕ̇̌mò֖w ʼabĕráháֽm׃

8
וּמָצָ֣אתָ אֶת־לְבָבֹו֮ נֶאֱמָ֣ן לְפָנֶיךָ֒ וְכָרֹ֨ות עִמֹּ֜ו הַבְּרִ֗ית לָתֵ֡ת אֶת־אֶרֶץ֩ הַכְּנַעֲנִ֨י הַחִתִּ֜י הָאֱמֹרִ֧י וְהַפְּרִזִּ֛י וְהַיְבוּסִ֥י וְהַגִּרְגָּשִׁ֖י לָתֵ֣ת לְזַרְעֹ֑ו וַתָּ֨קֶם֙ אֶת־דְּבָרֶ֔יךָ כִּ֥י צַדִּ֖יק אָֽתָּה׃

ẇmáẕá֣ʼţá ʼeţ־lĕbábòw֮ neʼèmá֣n lĕpáneyká֒ wĕkárò֨wţ ʻimò̇֜w habĕ̇ri֗yţ láţé֡ţ ʼeţ־ʼereẕ֩ hakĕ̇naʻàni֨y haẖiţi̇֜y háʼèmòri֧y wĕhapĕ̇rizi֛̇y wĕhayĕbẇsi֥y wĕhagi̇rĕgá̇şǐ֖y láţé֣ţ lĕzarĕʻò֑w waţá̇֨qem֙ ʼeţ־dĕ̇báre֔yká ki֥̇y ẕadi֖̇yq ʼáֽţá̇h׃

9
וַתֵּ֛רֶא אֶת־עֳנִ֥י אֲבֹתֵ֖ינוּ בְּמִצְרָ֑יִם וְאֶת־זַעֲקָתָ֥ם שָׁמַ֖עְתָּ עַל־יַם־סֽוּף׃

waţé֛̇reʼ ʼeţ־ʻoni֥y ʼàbòţé֖ynẇ bĕ̇miẕĕrá֑yim wĕʼeţ־zaʻàqáţá֥m şá̌ma֖ʻĕţá̇ ʻal־yam־sֽẇp׃

10
וַ֠תִּתֵּן אֹתֹ֨ת וּמֹֽפְתִ֜ים בְּפַרְעֹ֤ה וּבְכָל־עֲבָדָיו֙ וּבְכָל־עַ֣ם אַרְצֹ֔ו כִּ֣י יָדַ֔עְתָּ כִּ֥י הֵזִ֖ידוּ עֲלֵיהֶ֑ם וַתַּֽעַשׂ־לְךָ֥ שֵׁ֖ם כְּהַיֹּ֥ום הַזֶּֽה׃

wa֠ţi̇ţé̇n ʼòţò֨ţ ẇmòֽpĕţi֜ym bĕ̇parĕʻò֤h ẇbĕkál־ʻàbádáyw֙ ẇbĕkál־ʻa֣m ʼarĕẕò֔w ki֣̇y yáda֔ʻĕţá̇ ki֥̇y hézi֖ydẇ ʻàléyhe֑m waţȧֽʻaş̂־lĕká֥ şé֖̌m kĕ̇hayò֥̇wm hazėֽh׃

11
וְהַיָּם֙ בָּקַ֣עְתָּ לִפְנֵיהֶ֔ם וַיַּֽעַבְר֥וּ בְתֹוךְ־הַיָּ֖ם בַּיַּבָּשָׁ֑ה וְֽאֶת־רֹ֨דְפֵיהֶ֜ם הִשְׁלַ֧כְתָּ בִמְצֹולֹ֛ת כְּמֹו־אֶ֖בֶן בְּמַ֥יִם עַזִּֽים׃

wĕhayá̇m֙ bá̇qa֣ʻĕţá̇ lipĕnéyhe֔m wayȧֽʻabĕr֥ẇ bĕţòwkĕ־hayá֖̇m bȧyȧbá̇şá֑̌h wĕֽʼeţ־rò֨dĕpéyhe֜m hişĕ̌la֧kĕţá̇ bimĕẕòwlò֛ţ kĕ̇mòw־ʼe֖ben bĕ̇ma֥yim ʻaziֽ̇ym׃

12
וּבְעַמּ֣וּד עָנָ֔ן הִנְחִיתָ֖ם יֹומָ֑ם וּבְעַמּ֥וּד אֵשׁ֙ לַ֔יְלָה לְהָאִ֣יר לָהֶ֔ם אֶת־הַדֶּ֖רֶךְ אֲשֶׁ֥ר יֵֽלְכוּ־בָֽהּ׃

ẇbĕʻaṁ֣ẇd ʻáná֔n hinĕẖiyţá֖m yòwmá֑m ẇbĕʻaṁ֥ẇd ʼéş̌֙ la֔yĕláh lĕháʼi֣yr láhe֔m ʼeţ־hadė֖rekĕ ʼàşě֥r yéֽlĕkẇ־báֽḣ׃

13
וְעַ֤ל הַר־סִינַי֙ יָרַ֔דְתָּ וְדַבֵּ֥ר עִמָּהֶ֖ם מִשָּׁמָ֑יִם וַתִּתֵּ֨ן לָהֶ֜ם מִשְׁפָּטִ֤ים יְשָׁרִים֙ וְתֹורֹ֣ות אֱמֶ֔ת חֻקִּ֥ים וּמִצְוֹ֖ת טֹובִֽים׃

wĕʻa֤l har־siynay֙ yára֔dĕţá̇ wĕdabé֥̇r ʻimá̇he֖m mişá̇̌má֑yim waţi̇ţé̇֨n láhe֜m mişĕ̌pá̇ti֤ym yĕşá̌riym֙ wĕţòwrò֣wţ ʼème֔ţ ẖuqi֥̇ym ẇmiẕĕwò֖ţ tòwbiֽym׃

14
וְאֶת־שַׁבַּ֥ת קָדְשְׁךָ֖ הֹודַ֣עַתָ לָהֶ֑ם וּמִצְוֹ֤ות וְחֻקִּים֙ וְתֹורָ֔ה צִוִּ֣יתָ לָהֶ֔ם בְּיַ֖ד מֹשֶׁ֥ה עַבְדֶּֽךָ׃

wĕʼeţ־şǎbȧ֥ţ qádĕşĕ̌ká֖ hòwda֣ʻaţá láhe֑m ẇmiẕĕwò֤wţ wĕẖuqi̇ym֙ wĕţòwrá֔h ẕiwi֣̇yţá láhe֔m bĕ̇ya֖d mòşě֥h ʻabĕdėֽká׃

15
וְ֠לֶחֶם מִשָּׁמַ֜יִם נָתַ֤תָּה לָהֶם֙ לִרְעָבָ֔ם וּמַ֗יִם מִסֶּ֛לַע הֹוצֵ֥אתָ לָהֶ֖ם לִצְמָאָ֑ם וַתֹּ֣אמֶר לָהֶ֗ם לָבֹוא֙ לָרֶ֣שֶׁת אֶת־הָאָ֔רֶץ אֲשֶׁר־נָשָׂ֥אתָ אֶת־יָדְךָ֖ לָתֵ֥ת לָהֶֽם׃

wĕ֠leẖem mişá̇̌ma֜yim náţa֤ţá̇h láhem֙ lirĕʻábá֔m ẇma֗yim misė֛laʻ hòwẕé֥ʼţá láhe֖m liẕĕmáʼá֑m waţò֣̇ʼmer láhe֗m lábòwʼ֙ láre֣şěţ ʼeţ־háʼá֔reẕ ʼàşěr־náşá֥̂ʼţá ʼeţ־yádĕká֖ láţé֥ţ láheֽm׃

16
וְהֵ֥ם וַאֲבֹתֵ֖ינוּ הֵזִ֑ידוּ וַיַּקְשׁוּ֙ אֶת־עָרְפָּ֔ם וְלֹ֥א שָׁמְע֖וּ אֶל־מִצְוֹתֶֽיךָ׃

wĕhé֥m waʼàbòţé֖ynẇ hézi֑ydẇ wayȧqĕş̌ẇ֙ ʼeţ־ʻárĕpá̇֔m wĕlò֥ʼ şá̌mĕʻ֖ẇ ʼel־miẕĕwòţeֽyká׃

17
וַיְמָאֲנ֣וּ לִשְׁמֹ֗עַ וְלֹא־זָכְר֤וּ נִפְלְאֹתֶ֨יךָ֙ אֲשֶׁ֣ר עָשִׂ֣יתָ עִמָּהֶ֔ם וַיַּקְשׁוּ֙ אֶת־עָרְפָּ֔ם וַיִּתְּנוּ־רֹ֛אשׁ לָשׁ֥וּב לְעַבְדֻתָ֖ם בְּמִרְיָ֑ם וְאַתָּה֩ אֱלֹ֨והַּ סְלִיחֹ֜ות חַנּ֧וּן וְרַח֛וּם אֶֽרֶךְ־אַפַּ֥יִם וְרַב־וְחֶסֶד וְלֹ֥א עֲזַבְתָּֽם׃

wayĕmáʼàn֣ẇ lişĕ̌mò֗ʻa wĕlòʼ־zákĕr֤ẇ nipĕlĕʼòţe֨yká֙ ʼàşě֣r ʻáşî֣yţá ʻimá̇he֔m wayȧqĕş̌ẇ֙ ʼeţ־ʻárĕpá̇֔m wayi̇ţĕ̇nẇ־rò֛ʼş̌ láş֥̌ẇb lĕʻabĕduţá֖m bĕ̇mirĕyá֑m wĕʼaţá̇h֩ ʼèlò֨whȧ sĕliyẖò֜wţ ẖaṅ֧ẇn wĕraẖ֛ẇm ʼeֽrekĕ־ʼapȧ֥yim wĕrab־wĕẖesed wĕlò֥ʼ ʻàzabĕţáֽ̇m׃

18
אַ֗ף כִּֽי־עָשׂ֤וּ לָהֶם֙ עֵ֣גֶל מַסֵּכָ֔ה וַיֹּ֣אמְר֔וּ זֶ֣ה אֱלֹהֶ֔יךָ אֲשֶׁ֥ר הֶעֶלְךָ֖ מִמִּצְרָ֑יִם וַֽיַּעֲשׂ֔וּ נֶאָצֹ֖ות גְּדֹלֹֽות׃

ʼa֗p kiֽ̇y־ʻáş֤̂ẇ láhem֙ ʻé֣gel masé̇ká֔h wayò֣̇ʼmĕr֔ẇ ze֣h ʼèlòhe֔yká ʼàşě֥r heʻelĕká֖ mimi̇ẕĕrá֑yim waֽyȧʻàş̂֔ẇ neʼáẕò֖wţ gĕ̇dòlòֽwţ׃

19
וְאַתָּה֙ בְּרַחֲמֶ֣יךָ הָֽרַבִּ֔ים לֹ֥א עֲזַבְתָּ֖ם בַּמִּדְבָּ֑ר אֶת־עַמּ֣וּד הֶ֠עָנָן לֹא־סָ֨ר מֵעֲלֵיהֶ֤ם בְּיֹומָם֙ לְהַנְחֹתָ֣ם בְּהַדֶּ֔רֶךְ וְאֶת־עַמּ֨וּד הָאֵ֤שׁ בְּלַ֨יְלָה֙ לְהָאִ֣יר לָהֶ֔ם וְאֶת־הַדֶּ֖רֶךְ אֲשֶׁ֥ר יֵֽלְכוּ־בָֽהּ׃

wĕʼaţá̇h֙ bĕ̇raẖàme֣yká háֽrabi̇֔ym lò֥ʼ ʻàzabĕţá֖̇m bȧmi̇dĕbá֑̇r ʼeţ־ʻaṁ֣ẇd he֠ʻánán lòʼ־sá֨r méʻàléyhe֤m bĕ̇yòwmám֙ lĕhanĕẖòţá֣m bĕ̇hadė֔rekĕ wĕʼeţ־ʻaṁ֨ẇd háʼé֤ş̌ bĕ̇la֨yĕláh֙ lĕháʼi֣yr láhe֔m wĕʼeţ־hadė֖rekĕ ʼàşě֥r yéֽlĕkẇ־báֽḣ׃

20
וְרוּחֲךָ֨ הַטֹּובָ֔ה נָתַ֖תָּ לְהַשְׂכִּילָ֑ם וּמַנְךָ֙ לֹא־מָנַ֣עְתָּ מִפִּיהֶ֔ם וּמַ֛יִם נָתַ֥תָּה לָהֶ֖ם לִצְמָאָֽם׃

wĕrẇẖàká֨ hatò̇wbá֔h náţa֖ţá̇ lĕhaşĕ̂ki̇ylá֑m ẇmanĕká֙ lòʼ־mána֣ʻĕţá̇ mipi̇yhe֔m ẇma֛yim náţa֥ţá̇h láhe֖m liẕĕmáʼáֽm׃

21
וְאַרְבָּעִ֥ים שָׁנָ֛ה כִּלְכַּלְתָּ֥ם בַּמִּדְבָּ֖ר לֹ֣א חָסֵ֑רוּ שַׂלְמֹֽתֵיהֶם֙ לֹ֣א בָל֔וּ וְרַגְלֵיהֶ֖ם לֹ֥א בָצֵֽקוּ׃

wĕʼarĕbá̇ʻi֥ym şá̌ná֛h ki̇lĕkȧlĕţá֥̇m bȧmi̇dĕbá֖̇r lò֣ʼ ẖásé֑rẇ şâlĕmòֽţéyhem֙ lò֣ʼ bál֔ẇ wĕragĕléyhe֖m lò֥ʼ báẕéֽqẇ׃

22
וַתִּתֵּ֨ן לָהֶ֤ם מַמְלָכֹות֙ וַעֲמָמִ֔ים וַֽתַּחְלְקֵ֖ם לְפֵאָ֑ה וַיִּֽירְשׁ֞וּ אֶת־אֶ֣רֶץ סִיחֹ֗ון וְאֶת־אֶ֨רֶץ֙ מֶ֣לֶךְ חֶשְׁבֹּ֔ון וְאֶת־אֶ֖רֶץ עֹ֥וג מֶֽלֶךְ־הַבָּשָֽׁן׃

waţi̇ţé̇֨n láhe֤m mamĕlákòwţ֙ waʻàmámi֔ym waֽţȧẖĕlĕqé֖m lĕpéʼá֑h wayiֽ̇yrĕş̌֞ẇ ʼeţ־ʼe֣reẕ siyẖò֗wn wĕʼeţ־ʼe֨reẕ֙ me֣lekĕ ẖeşĕ̌bò̇֔wn wĕʼeţ־ʼe֖reẕ ʻò֥wg meֽlekĕ־habá̇şáֽ̌n׃

23
וּבְנֵיהֶ֣ם הִרְבִּ֔יתָ כְּכֹכְבֵ֖י הַשָּׁמָ֑יִם וַתְּבִיאֵם֙ אֶל־הָאָ֔רֶץ אֲשֶׁר־אָמַ֥רְתָּ לַאֲבֹתֵיהֶ֖ם לָבֹ֥וא לָרָֽשֶׁת׃

ẇbĕnéyhe֣m hirĕbi̇֔yţá kĕ̇kòkĕbé֖y haşá̇̌má֑yim waţĕ̇biyʼém֙ ʼel־háʼá֔reẕ ʼàşěr־ʼáma֥rĕţá̇ laʼàbòţéyhe֖m lábò֥wʼ láráֽşěţ׃

24
וַיָּבֹ֤אוּ הַבָּנִים֙ וַיִּֽירְשׁ֣וּ אֶת־הָאָ֔רֶץ וַתַּכְנַ֨ע לִפְנֵיהֶ֜ם אֶת־יֹשְׁבֵ֤י הָאָ֨רֶץ֙ הַכְּנַ֣עֲנִ֔ים וַֽתִּתְּנֵ֖ם בְּיָדָ֑ם וְאֶת־מַלְכֵיהֶם֙ וְאֶת־עַֽמְמֵ֣י הָאָ֔רֶץ לַעֲשֹׂ֥ות בָּהֶ֖ם כִּרְצֹונָֽם׃

wayá̇bò֤ʼẇ habá̇niym֙ wayiֽ̇yrĕş֣̌ẇ ʼeţ־háʼá֔reẕ waţȧkĕna֨ʻ lipĕnéyhe֜m ʼeţ־yòşĕ̌bé֤y háʼá֨reẕ֙ hakĕ̇na֣ʻàni֔ym waֽţi̇ţĕ̇né֖m bĕ̇yádá֑m wĕʼeţ־malĕkéyhem֙ wĕʼeţ־ʻaֽmĕmé֣y háʼá֔reẕ laʻàşò֥̂wţ bá̇he֖m ki̇rĕẕòwnáֽm׃

25
וַֽיִּלְכְּד֞וּ עָרִ֣ים בְּצֻרֹות֮ וַאֲדָמָ֣ה שְׁמֵנָה֒ וַיִּֽירְשׁ֡וּ בָּתִּ֣ים מְלֵֽאִים־כָּל־ט֠וּב בֹּרֹ֨ות חֲצוּבִ֜ים כְּרָמִ֧ים וְזֵיתִ֛ים וְעֵ֥ץ מַאֲכָ֖ל לָרֹ֑ב וַיֹּאכְל֤וּ וַֽיִּשְׂבְּעוּ֙ וַיַּשְׁמִ֔ינוּ וַיִּֽתְעַדְּנ֖וּ בְּטוּבְךָ֥ הַגָּדֹֽול׃

waֽyi̇lĕkĕ̇d֞ẇ ʻári֣ym bĕ̇ẕuròwţ֮ waʼàdámá֣h şĕ̌ménáh֒ wayiֽ̇yrĕş̌֡ẇ bá̇ţi֣̇ym mĕléֽʼiym־ká̇l־t֠ẇb bò̇rò֨wţ ẖàẕẇbi֜ym kĕ̇rámi֧ym wĕzéyţi֛ym wĕʻé֥ẕ maʼàká֖l lárò֑b wayò̇ʼkĕl֤ẇ waֽyi̇şĕ̂bĕ̇ʻẇ֙ wayȧşĕ̌mi֔ynẇ wayiֽ̇ţĕʻadĕ̇n֖ẇ bĕ̇tẇbĕká֥ hagá̇dòֽwl׃

26
וַיַּמְר֨וּ וַֽיִּמְרְד֜וּ בָּ֗ךְ וַיַּשְׁלִ֤כוּ אֶת־תֹּורָֽתְךָ֙ אַחֲרֵ֣י גַוָּ֔ם וְאֶת־נְבִיאֶ֣יךָ הָרָ֔גוּ אֲשֶׁר־הֵעִ֥ידוּ בָ֖ם לַהֲשִׁיבָ֣ם אֵלֶ֑יךָ וַֽיַּעֲשׂ֔וּ נֶאָצֹ֖ות גְּדֹולֹֽת׃

wayȧmĕr֨ẇ waֽyi̇mĕrĕd֜ẇ bá̇֗kĕ wayȧşĕ̌li֤kẇ ʼeţ־ţò̇wráֽţĕká֙ ʼaẖàré֣y gawá̇֔m wĕʼeţ־nĕbiyʼe֣yká hárá֔gẇ ʼàşěr־héʻi֥ydẇ bá֖m lahàşǐybá֣m ʼéle֑yká waֽyȧʻàş̂֔ẇ neʼáẕò֖wţ gĕ̇dòwlòֽţ׃

27
וַֽתִּתְּנֵם֙ בְּיַ֣ד צָֽרֵיהֶ֔ם וַיָּצֵ֖רוּ לָהֶ֑ם וּבְעֵ֤ת צָֽרָתָם֙ יִצְעֲק֣וּ אֵלֶ֔יךָ וְאַתָּה֙ מִשָּׁמַ֣יִם תִּשְׁמָ֔ע וּֽכְרַחֲמֶ֣יךָ הָֽרַבִּ֗ים תִּתֵּ֤ן לָהֶם֙ מֹֽושִׁיעִ֔ים וְיֹושִׁיע֖וּם מִיַּ֥ד צָרֵיהֶֽם׃

waֽţi̇ţĕ̇ném֙ bĕ̇ya֣d ẕáֽréyhe֔m wayá̇ẕé֖rẇ láhe֑m ẇbĕʻé֤ţ ẕáֽráţám֙ yiẕĕʻàq֣ẇ ʼéle֔yká wĕʼaţá̇h֙ mişá̇̌ma֣yim ţi̇şĕ̌má֔ʻ ẇֽkĕraẖàme֣yká háֽrabi̇֗ym ţi̇ţé֤̇n láhem֙ mòֽwşǐyʻi֔ym wĕyòwşǐyʻ֖ẇm miyȧ֥d ẕáréyheֽm׃

28
וּכְנֹ֣וחַ לָהֶ֔ם יָשׁ֕וּבוּ לַעֲשֹׂ֥ות רַ֖ע לְפָנֶ֑יךָ וַתַּֽעַזְבֵ֞ם בְּיַ֤ד אֹֽיְבֵיהֶם֙ וַיִּרְדּ֣וּ בָהֶ֔ם וַיָּשׁ֨וּבוּ֙ וַיִּזְעָק֔וּךָ וְאַתָּ֞ה מִשָּׁמַ֧יִם תִּשְׁמַ֛ע וְתַצִּילֵ֥ם כְּֽרַחֲמֶ֖יךָ רַבֹּ֥ות עִתִּֽים׃

ẇkĕnò֣wẖa láhe֔m yáş̌֕ẇbẇ laʻàşò֥̂wţ ra֖ʻ lĕpáne֑yká waţȧֽʻazĕbé֞m bĕ̇ya֤d ʼòֽyĕbéyhem֙ wayi̇rĕḋ֣ẇ báhe֔m wayá̇ş̌֨ẇbẇ֙ wayi̇zĕʻáq֔ẇká wĕʼaţá̇֞h mişá̇̌ma֧yim ţi̇şĕ̌ma֛ʻ wĕţaẕi̇ylé֥m kĕֽ̇raẖàme֖yká rabò֥̇wţ ʻiţiֽ̇ym׃

29
וַתָּ֨עַד בָּהֶ֜ם לַהֲשִׁיבָ֣ם אֶל־תֹּורָתֶ֗ךָ וְהֵ֨מָּה הֵזִ֜ידוּ וְלֹא־שָׁמְע֤וּ לְמִצְוֹתֶ֨יךָ֙ וּבְמִשְׁפָּטֶ֣יךָ חָֽטְאוּ־בָ֔ם אֲשֶׁר־יַעֲשֶׂ֥ה אָדָ֖ם וְחָיָ֣ה בָהֶ֑ם וַיִּתְּנ֤וּ כָתֵף֙ סֹורֶ֔רֶת וְעָרְפָּ֥ם הִקְשׁ֖וּ וְלֹ֥א שָׁמֵֽעוּ׃

waţá̇֨ʻad bá̇he֜m lahàşǐybá֣m ʼel־ţò̇wráţe֗ká wĕhé֨má̇h hézi֜ydẇ wĕlòʼ־şá̌mĕʻ֤ẇ lĕmiẕĕwòţe֨yká֙ ẇbĕmişĕ̌pá̇te֣yká ẖáֽtĕʼẇ־bá֔m ʼàşěr־yaʻàşê֥h ʼádá֖m wĕẖáyá֣h báhe֑m wayi̇ţĕ̇n֤ẇ káţép֙ sòwre֔reţ wĕʻárĕpá֥̇m hiqĕş֖̌ẇ wĕlò֥ʼ şá̌méֽʻẇ׃

30
וַתִּמְשֹׁ֤ךְ עֲלֵיהֶם֙ שָׁנִ֣ים רַבֹּ֔ות וַתָּ֨עַד בָּ֧ם בְּרוּחֲךָ֛ בְּיַד־נְבִיאֶ֖יךָ וְלֹ֣א הֶאֱזִ֑ינוּ וַֽתִּתְּנֵ֔ם בְּיַ֖ד עַמֵּ֥י הָאֲרָצֹֽת׃

waţi̇mĕşò֤̌kĕ ʻàléyhem֙ şá̌ni֣ym rabò̇֔wţ waţá̇֨ʻad bá֧̇m bĕ̇rẇẖàká֛ bĕ̇yad־nĕbiyʼe֖yká wĕlò֣ʼ heʼèzi֑ynẇ waֽţi̇ţĕ̇né֔m bĕ̇ya֖d ʻamé֥̇y háʼàráẕòֽţ׃

31
וּֽבְרַחֲמֶ֧יךָ הָרַבִּ֛ים לֹֽא־עֲשִׂיתָ֥ם כָּלָ֖ה וְלֹ֣א עֲזַבְתָּ֑ם כִּ֛י אֵֽל־חַנּ֥וּן וְרַח֖וּם אָֽתָּה׃

ẇֽbĕraẖàme֧yká hárabi֛̇ym lòֽʼ־ʻàşîyţá֥m ká̇lá֖h wĕlò֣ʼ ʻàzabĕţá֑̇m ki֛̇y ʼéֽl־ẖaṅ֥ẇn wĕraẖ֖ẇm ʼáֽţá̇h׃

32
וְעַתָּ֣ה אֱ֠לֹהֵינוּ הָאֵ֨ל הַגָּדֹ֜ול הַגִּבֹּ֣ור וְהַנֹּורָא֮ שֹׁומֵ֣ר הַבְּרִ֣ית וְהַחֶסֶד֒ אַל־יִמְעַ֣ט לְפָנֶ֡יךָ אֵ֣ת כָּל־הַתְּלָאָ֣ה אֲֽשֶׁר־מְ֠צָאַתְנוּ לִמְלָכֵ֨ינוּ לְשָׂרֵ֧ינוּ וּלְכֹהֲנֵ֛ינוּ וְלִנְבִיאֵ֥נוּ וְלַאֲבֹתֵ֖ינוּ וּלְכָל־עַמֶּ֑ךָ מִימֵי֙ מַלְכֵ֣י אַשּׁ֔וּר עַ֖ד הַיֹּ֥ום הַזֶּֽה׃

wĕʻaţá֣̇h ʼè֠lòhéynẇ háʼé֨l hagá̇dò֜wl hagi̇bò֣̇wr wĕhanò̇wráʼ֮ şò̌wmé֣r habĕ̇ri֣yţ wĕhaẖesed֒ ʼal־yimĕʻa֣t lĕpáne֡yká ʼé֣ţ ká̇l־haţĕ̇láʼá֣h ʼàֽşěr־mĕ֠ẕáʼaţĕnẇ limĕláké֨ynẇ lĕşá̂ré֧ynẇ ẇlĕkòhàné֛ynẇ wĕlinĕbiyʼé֥nẇ wĕlaʼàbòţé֖ynẇ ẇlĕkál־ʻamė֑ká miyméy֙ malĕké֣y ʼaş̇̌֔ẇr ʻa֖d hayò֥̇wm hazėֽh׃

33
וְאַתָּ֣ה צַדִּ֔יק עַ֖ל כָּל־הַבָּ֣א עָלֵ֑ינוּ כִּֽי־אֱמֶ֥ת עָשִׂ֖יתָ וַאֲנַ֥חְנוּ הִרְשָֽׁעְנוּ׃

wĕʼaţá֣̇h ẕadi̇֔yq ʻa֖l ká̇l־habá֣̇ʼ ʻálé֑ynẇ kiֽ̇y־ʼème֥ţ ʻáşî֖yţá waʼàna֥ẖĕnẇ hirĕşáֽ̌ʻĕnẇ׃

34
וְאֶת־מְלָכֵ֤ינוּ שָׂרֵ֨ינוּ֙ כֹּהֲנֵ֣ינוּ וַאֲבֹתֵ֔ינוּ לֹ֥א עָשׂ֖וּ תֹּורָתֶ֑ךָ וְלֹ֤א הִקְשִׁ֨יבוּ֙ אֶל־מִצְוֹתֶ֔יךָ וּלְעֵ֣דְוֹתֶ֔יךָ אֲשֶׁ֥ר הַעִידֹ֖תָ בָּהֶֽם׃

wĕʼeţ־mĕláké֤ynẇ şá̂ré֨ynẇ֙ kò̇hàné֣ynẇ waʼàbòţé֔ynẇ lò֥ʼ ʻáş֖̂ẇ ţò̇wráţe֑ká wĕlò֤ʼ hiqĕşǐ֨ybẇ֙ ʼel־miẕĕwòţe֔yká ẇlĕʻé֣dĕwòţe֔yká ʼàşě֥r haʻiydò֖ţá bá̇heֽm׃

35
וְהֵ֣ם בְּמַלְכוּתָם֩ וּבְטוּבְךָ֨ הָרָ֜ב אֲשֶׁר־נָתַ֣תָּ לָהֶ֗ם וּבְאֶ֨רֶץ הָרְחָבָ֧ה וְהַשְּׁמֵנָ֛ה אֲשֶׁר־נָתַ֥תָּ לִפְנֵיהֶ֖ם לֹ֣א עֲבָד֑וּךָ וְֽלֹא־שָׁ֔בוּ מִמַּֽעַלְלֵיהֶ֖ם הָרָעִֽים׃

wĕhé֣m bĕ̇malĕkẇţám֩ ẇbĕtẇbĕká֨ hárá֜b ʼàşěr־náţa֣ţá̇ láhe֗m ẇbĕʼe֨reẕ hárĕẖábá֧h wĕhaşĕ̇̌méná֛h ʼàşěr־náţa֥ţá̇ lipĕnéyhe֖m lò֣ʼ ʻàbád֑ẇká wĕֽlòʼ־şá̌֔bẇ mimȧֽʻalĕléyhe֖m háráʻiֽym׃

36
הִנֵּ֛ה אֲנַ֥חְנוּ הַיֹּ֖ום עֲבָדִ֑ים וְהָאָ֜רֶץ אֲשֶׁר־נָתַ֣תָּה לַאֲבֹתֵ֗ינוּ לֶאֱכֹ֤ל אֶת־פִּרְיָהּ֙ וְאֶת־טוּבָ֔הּ הִנֵּ֛ה אֲנַ֥חְנוּ עֲבָדִ֖ים עָלֶֽיהָ׃

hiné֛̇h ʼàna֥ẖĕnẇ hayò֖̇wm ʻàbádi֑ym wĕháʼá֜reẕ ʼàşěr־náţa֣ţá̇h laʼàbòţé֗ynẇ leʼèkò֤l ʼeţ־pi̇rĕyáḣ֙ wĕʼeţ־tẇbá֔ḣ hiné֛̇h ʼàna֥ẖĕnẇ ʻàbádi֖ym ʻáleֽyhá׃

37
וּתְבוּאָתָ֣הּ מַרְבָּ֗ה לַמְּלָכִ֛ים אֲשֶׁר־נָתַ֥תָּה עָלֵ֖ינוּ בְּחַטֹּאותֵ֑ינוּ וְעַ֣ל גְּ֠וִיֹּתֵינוּ מֹשְׁלִ֤ים וּבִבְהֶמְתֵּ֨נוּ֙ כִּרְצֹונָ֔ם וּבְצָרָ֥ה גְדֹולָ֖ה אֲנָֽחְנוּ׃ פ

ẇţĕbẇʼáţá֣ḣ marĕbá̇֗h lamĕ̇láki֛ym ʼàşěr־náţa֥ţá̇h ʻálé֖ynẇ bĕ̇ẖatò̇ʼwţé֑ynẇ wĕʻa֣l gĕ̇֠wiyò̇ţéynẇ mòşĕ̌li֤ym ẇbibĕhemĕţé̇֨nẇ֙ ki̇rĕẕòwná֔m ẇbĕẕárá֥h gĕdòwlá֖h ʼànáֽẖĕnẇ׃ p