Bibles in ancient languages
Old translations
Modern translations

Biblia Hebraica Stuttgartensia Nombres 14:1

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַתִּשָּׂא֙ כָּל־הָ֣עֵדָ֔ה וַֽיִּתְּנ֖וּ אֶת־קֹולָ֑ם וַיִּבְכּ֥וּ הָעָ֖ם בַּלַּ֥יְלָה הַהֽוּא׃

waţi̇şá̇̂ʼ֙ ká̇l־há֣ʻédá֔h waֽyi̇ţĕ̇n֖ẇ ʼeţ־qòwlá֑m wayi̇bĕk֥̇ẇ háʻá֖m bȧlȧ֥yĕláh hahֽẇʼ׃

2
וַיִּלֹּ֨נוּ֙ עַל־מֹשֶׁ֣ה וְעַֽל־אַהֲרֹ֔ן כֹּ֖ל בְּנֵ֣י יִשְׂרָאֵ֑ל וַֽיֹּאמְר֨וּ אֲלֵהֶ֜ם כָּל־הָעֵדָ֗ה לוּ־מַ֨תְנוּ֙ בְּאֶ֣רֶץ מִצְרַ֔יִם אֹ֛ו בַּמִּדְבָּ֥ר הַזֶּ֖ה לוּ־מָֽתְנוּ׃

wayi̇lò̇֨nẇ֙ ʻal־mòşě֣h wĕʻaֽl־ʼahàrò֔n kò֖̇l bĕ̇né֣y yişĕ̂ráʼé֑l waֽyò̇ʼmĕr֨ẇ ʼàléhe֜m ká̇l־háʻédá֗h lẇ־ma֨ţĕnẇ֙ bĕ̇ʼe֣reẕ miẕĕra֔yim ʼò֛w bȧmi̇dĕbá֥̇r hazė֖h lẇ־máֽţĕnẇ׃

3
וְלָמָ֣ה יְ֠הוָה מֵבִ֨יא אֹתָ֜נוּ אֶל־הָאָ֤רֶץ הַזֹּאת֙ לִנְפֹּ֣ל בַּחֶ֔רֶב נָשֵׁ֥ינוּ וְטַפֵּ֖נוּ יִהְי֣וּ לָבַ֑ז הֲלֹ֧וא טֹ֦וב לָ֖נוּ שׁ֥וּב מִצְרָֽיְמָה׃

wĕlámá֣h yĕ֠hwáh mébi֨yʼ ʼòţá֜nẇ ʼel־háʼá֤reẕ hazò̇ʼţ֙ linĕpò֣̇l bȧẖe֔reb náşé֥̌ynẇ wĕtapé֖̇nẇ yihĕy֣ẇ lába֑z hàlò֧wʼ tò֦wb lá֖nẇ ş֥̌ẇb miẕĕráֽyĕmáh׃

4
וַיֹּאמְר֖וּ אִ֣ישׁ אֶל־אָחִ֑יו נִתְּנָ֥ה רֹ֖אשׁ וְנָשׁ֥וּבָה מִצְרָֽיְמָה׃

wayò̇ʼmĕr֖ẇ ʼi֣yş̌ ʼel־ʼáẖi֑yw niţĕ̇ná֥h rò֖ʼş̌ wĕnáş֥̌ẇbáh miẕĕráֽyĕmáh׃

5
וַיִּפֹּ֥ל מֹשֶׁ֛ה וְאַהֲרֹ֖ן עַל־פְּנֵיהֶ֑ם לִפְנֵ֕י כָּל־קְהַ֥ל עֲדַ֖ת בְּנֵ֥י יִשְׂרָאֵֽל׃

wayi̇pò֥̇l mòşě֛h wĕʼahàrò֖n ʻal־pĕ̇néyhe֑m lipĕné֕y ká̇l־qĕha֥l ʻàda֖ţ bĕ̇né֥y yişĕ̂ráʼéֽl׃

6
וִיהֹושֻׁ֣עַ בִּן־נ֗וּן וְכָלֵב֙ בֶּן־יְפֻנֶּ֔ה מִן־הַתָּרִ֖ים אֶת־הָאָ֑רֶץ קָרְע֖וּ בִּגְדֵיהֶֽם׃

wiyhòwşǔ֣ʻa bi̇n־n֗ẇn wĕkáléb֙ bėn־yĕpunė֔h min־haţá̇ri֖ym ʼeţ־háʼá֑reẕ qárĕʻ֖ẇ bi̇gĕdéyheֽm׃

7
וַיֹּ֣אמְר֔וּ אֶל־כָּל־עֲדַ֥ת בְּנֵֽי־יִשְׂרָאֵ֖ל לֵאמֹ֑ר הָאָ֗רֶץ אֲשֶׁ֨ר עָבַ֤רְנוּ בָהּ֙ לָת֣וּר אֹתָ֔הּ טֹובָ֥ה הָאָ֖רֶץ מְאֹ֥ד מְאֹֽד׃

wayò֣̇ʼmĕr֔ẇ ʼel־ká̇l־ʻàda֥ţ bĕ̇néֽy־yişĕ̂ráʼé֖l léʼmò֑r háʼá֗reẕ ʼàşě֨r ʻába֤rĕnẇ báḣ֙ láţ֣ẇr ʼòţá֔ḣ tòwbá֥h háʼá֖reẕ mĕʼò֥d mĕʼòֽd׃

8
אִם־חָפֵ֥ץ בָּ֨נוּ֙ יְהוָ֔ה וְהֵבִ֤יא אֹתָ֨נוּ֙ אֶל־הָאָ֣רֶץ הַזֹּ֔את וּנְתָנָ֖הּ לָ֑נוּ אֶ֕רֶץ אֲשֶׁר־הִ֛וא זָבַ֥ת חָלָ֖ב וּדְבָֽשׁ׃

ʼim־ẖápé֥ẕ bá̇֨nẇ֙ yĕhwá֔h wĕhébi֤yʼ ʼòţá֨nẇ֙ ʼel־háʼá֣reẕ hazò̇֔ʼţ ẇnĕţáná֖ḣ lá֑nẇ ʼe֕reẕ ʼàşěr־hi֛wʼ zába֥ţ ẖálá֖b ẇdĕbáֽş̌׃

9
אַ֣ךְ בַּֽיהוָה֮ אַל־תִּמְרֹדוּ֒ וְאַתֶּ֗ם אַל־תִּֽירְאוּ֙ אֶת־עַ֣ם הָאָ֔רֶץ כִּ֥י לַחְמֵ֖נוּ הֵ֑ם סָ֣ר צִלָּ֧ם מֵעֲלֵיהֶ֛ם וַֽיהוָ֥ה אִתָּ֖נוּ אַל־תִּירָאֻֽם׃

ʼa֣kĕ bȧֽyhwáh֮ ʼal־ţi̇mĕròdẇ֒ wĕʼaţė֗m ʼal־ţiֽ̇yrĕʼẇ֙ ʼeţ־ʻa֣m háʼá֔reẕ ki֥̇y laẖĕmé֖nẇ hé֑m sá֣r ẕilá֧̇m méʻàléyhe֛m waֽyhwá֥h ʼiţá֖̇nẇ ʼal־ţi̇yráʼuֽm׃

10
וַיֹּֽאמְרוּ֙ כָּל־הָ֣עֵדָ֔ה לִרְגֹּ֥ום אֹתָ֖ם בָּאֲבָנִ֑ים וּכְבֹ֣וד יְהוָ֗ה נִרְאָה֙ בְּאֹ֣הֶל מֹועֵ֔ד אֶֽל־כָּל־בְּנֵ֖י יִשְׂרָאֵֽל׃ פ

wayòֽ̇ʼmĕrẇ֙ ká̇l־há֣ʻédá֔h lirĕgò֥̇wm ʼòţá֖m bá̇ʼàbáni֑ym ẇkĕbò֣wd yĕhwá֗h nirĕʼáh֙ bĕ̇ʼò֣hel mòwʻé֔d ʼeֽl־ká̇l־bĕ̇né֖y yişĕ̂ráʼéֽl׃ p

11
וַיֹּ֤אמֶר יְהוָה֙ אֶל־מֹשֶׁ֔ה עַד־אָ֥נָה יְנַאֲצֻ֖נִי הָעָ֣ם הַזֶּ֑ה וְעַד־אָ֨נָה֙ לֹא־יַאֲמִ֣ינוּ בִ֔י בְּכֹל֙ הָֽאֹתֹ֔ות אֲשֶׁ֥ר עָשִׂ֖יתִי בְּקִרְבֹּֽו׃

wayò֤̇ʼmer yĕhwáh֙ ʼel־mòşě֔h ʻad־ʼá֥náh yĕnaʼàẕu֖niy háʻá֣m hazė֑h wĕʻad־ʼá֨náh֙ lòʼ־yaʼàmi֣ynẇ bi֔y bĕ̇kòl֙ háֽʼòţò֔wţ ʼàşě֥r ʻáşî֖yţiy bĕ̇qirĕbòֽ̇w׃

12
אַכֶּ֥נּוּ בַדֶּ֖בֶר וְאֹורִשֶׁ֑נּוּ וְאֶֽעֱשֶׂה֙ אֹֽתְךָ֔ לְגֹוי־גָּדֹ֥ול וְעָצ֖וּם מִמֶּֽנּוּ׃

ʼakė֥ṅẇ badė֖ber wĕʼòwrişě֑ṅẇ wĕʼeֽʻèşêh֙ ʼòֽţĕká֔ lĕgòwy־gá̇dò֥wl wĕʻáẕ֖ẇm mimėֽṅẇ׃

13
וַיֹּ֥אמֶר מֹשֶׁ֖ה אֶל־יְהוָ֑ה וְשָׁמְע֣וּ מִצְרַ֔יִם כִּֽי־הֶעֱלִ֧יתָ בְכֹחֲךָ֛ אֶת־הָעָ֥ם הַזֶּ֖ה מִקִּרְבֹּֽו׃

wayò֥̇ʼmer mòşě֖h ʼel־yĕhwá֑h wĕşá̌mĕʻ֣ẇ miẕĕra֔yim kiֽ̇y־heʻèli֧yţá bĕkòẖàká֛ ʼeţ־háʻá֥m hazė֖h miqi̇rĕbòֽ̇w׃

14
וְאָמְר֗וּ אֶל־יֹושֵׁב֮ הָאָ֣רֶץ הַזֹּאת֒ שָֽׁמְעוּ֙ כִּֽי־אַתָּ֣ה יְהוָ֔ה בְּקֶ֖רֶב הָעָ֣ם הַזֶּ֑ה אֲשֶׁר־עַ֨יִן בְּעַ֜יִן נִרְאָ֣ה׀ אַתָּ֣ה יְהוָ֗ה וַעֲנָֽנְךָ֙ עֹמֵ֣ד עֲלֵהֶ֔ם וּבְעַמֻּ֣ד עָנָ֗ן אַתָּ֨ה הֹלֵ֤ךְ לִפְנֵיהֶם֙ יֹומָ֔ם וּבְעַמּ֥וּד אֵ֖שׁ לָֽיְלָה׃

wĕʼámĕr֗ẇ ʼel־yòwşé̌b֮ háʼá֣reẕ hazò̇ʼţ֒ şáֽ̌mĕʻẇ֙ kiֽ̇y־ʼaţá֣̇h yĕhwá֔h bĕ̇qe֖reb háʻá֣m hazė֑h ʼàşěr־ʻa֨yin bĕ̇ʻa֜yin nirĕʼá֣h׀ ʼaţá֣̇h yĕhwá֗h waʻànáֽnĕká֙ ʻòmé֣d ʻàléhe֔m ẇbĕʻamu֣̇d ʻáná֗n ʼaţá̇֨h hòlé֤kĕ lipĕnéyhem֙ yòwmá֔m ẇbĕʻaṁ֥ẇd ʼé֖ş̌ láֽyĕláh׃

15
וְהֵמַתָּ֛ה אֶת־הָעָ֥ם הַזֶּ֖ה כְּאִ֣ישׁ אֶחָ֑ד וְאָֽמְרוּ֙ הַגֹּויִ֔ם אֲשֶׁר־שָׁמְע֥וּ אֶֽת־שִׁמְעֲךָ֖ לֵאמֹֽר׃

wĕhémaţá֛̇h ʼeţ־háʻá֥m hazė֖h kĕ̇ʼi֣yş̌ ʼeẖá֑d wĕʼáֽmĕrẇ֙ hagò̇wyi֔m ʼàşěr־şá̌mĕʻ֥ẇ ʼeֽţ־şǐmĕʻàká֖ léʼmòֽr׃

16
מִבִּלְתִּ֞י יְכֹ֣לֶת יְהוָ֗ה לְהָבִיא֙ אֶת־הָעָ֣ם הַזֶּ֔ה אֶל־הָאָ֖רֶץ אֲשֶׁר־נִשְׁבַּ֣ע לָהֶ֑ם וַיִּשְׁחָטֵ֖ם בַּמִּדְבָּֽר׃

mibi̇lĕţi̇֞y yĕkò֣leţ yĕhwá֗h lĕhábiyʼ֙ ʼeţ־háʻá֣m hazė֔h ʼel־háʼá֖reẕ ʼàşěr־nişĕ̌bȧ֣ʻ láhe֑m wayi̇şĕ̌ẖáté֖m bȧmi̇dĕbáֽ̇r׃

17
וְעַתָּ֕ה יִגְדַּל־נָ֖א כֹּ֣חַ אֲדֹנָ֑י כַּאֲשֶׁ֥ר דִּבַּ֖רְתָּ לֵאמֹֽר׃

wĕʻaţá̇֕h yigĕdȧl־ná֖ʼ kò֣̇ẖa ʼàdòná֑y kȧʼàşě֥r di̇bȧ֖rĕţá̇ léʼmòֽr׃

18
יְהוָ֗ה אֶ֤רֶךְ אַפַּ֨יִם֙ וְרַב־חֶ֔סֶד נֹשֵׂ֥א עָוֹ֖ן וָפָ֑שַׁע וְנַקֵּה֙ לֹ֣א יְנַקֶּ֔ה פֹּקֵ֞ד עֲוֹ֤ן אָבֹות֙ עַל־בָּנִ֔ים עַל־שִׁלֵּשִׁ֖ים וְעַל־רִבֵּעִֽים׃

yĕhwá֗h ʼe֤rekĕ ʼapȧ֨yim֙ wĕrab־ẖe֔sed nòşé֥̂ʼ ʻáwò֖n wápá֑şǎʻ wĕnaqé̇h֙ lò֣ʼ yĕnaqė֔h pò̇qé֞d ʻàwò֤n ʼábòwţ֙ ʻal־bá̇ni֔ym ʻal־şǐlé̇şǐ֖ym wĕʻal־ribé̇ʻiֽym׃

19
סְלַֽח־נָ֗א לַעֲוֹ֛ן הָעָ֥ם הַזֶּ֖ה כְּגֹ֣דֶל חַסְדֶּ֑ךָ וְכַאֲשֶׁ֤ר נָשָׂ֨אתָה֙ לָעָ֣ם הַזֶּ֔ה מִמִּצְרַ֖יִם וְעַד־הֵֽנָּה׃

sĕlaֽẖ־ná֗ʼ laʻàwò֛n háʻá֥m hazė֖h kĕ̇gò֣del ẖasĕdė֑ká wĕkaʼàşě֤r náşá̂֨ʼţáh֙ láʻá֣m hazė֔h mimi̇ẕĕra֖yim wĕʻad־héֽná̇h׃

20
וַיֹּ֣אמֶר יְהוָ֔ה סָלַ֖חְתִּי כִּדְבָרֶֽךָ׃

wayò֣̇ʼmer yĕhwá֔h sála֖ẖĕţi̇y ki̇dĕbáreֽká׃

21
וְאוּלָ֖ם חַי־אָ֑נִי וְיִמָּלֵ֥א כְבֹוד־יְהוָ֖ה אֶת־כָּל־הָאָֽרֶץ׃

wĕʼẇlá֖m ẖay־ʼá֑niy wĕyimá̇lé֥ʼ kĕbòwd־yĕhwá֖h ʼeţ־ká̇l־háʼáֽreẕ׃

22
כִּ֣י כָל־הָאֲנָשִׁ֗ים הָרֹאִ֤ים אֶת־כְּבֹדִי֙ וְאֶת־אֹ֣תֹתַ֔י אֲשֶׁר־עָשִׂ֥יתִי בְמִצְרַ֖יִם וּבַמִּדְבָּ֑ר וַיְנַסּ֣וּ אֹתִ֗י זֶ֚ה עֶ֣שֶׂר פְּעָמִ֔ים וְלֹ֥א שָׁמְע֖וּ בְּקֹולִֽי׃

ki֣̇y kál־háʼànáşǐ֗ym háròʼi֤ym ʼeţ־kĕ̇bòdiy֙ wĕʼeţ־ʼò֣ţòţa֔y ʼàşěr־ʻáşî֥yţiy bĕmiẕĕra֖yim ẇbami̇dĕbá֑̇r wayĕnaṡ֣ẇ ʼòţi֗y ze֚h ʻe֣şêr pĕ̇ʻámi֔ym wĕlò֥ʼ şá̌mĕʻ֖ẇ bĕ̇qòwliֽy׃

23
אִם־יִרְאוּ֙ אֶת־הָאָ֔רֶץ אֲשֶׁ֥ר נִשְׁבַּ֖עְתִּי לַאֲבֹתָ֑ם וְכָל־מְנַאֲצַ֖י לֹ֥א יִרְאֽוּהָ׃

ʼim־yirĕʼẇ֙ ʼeţ־háʼá֔reẕ ʼàşě֥r nişĕ̌bȧ֖ʻĕţi̇y laʼàbòţá֑m wĕkál־mĕnaʼàẕa֖y lò֥ʼ yirĕʼֽẇhá׃

24
וְעַבְדִּ֣י כָלֵ֗ב עֵ֣קֶב הָֽיְתָ֞ה ר֤וּחַ אַחֶ֨רֶת֙ עִמֹּ֔ו וַיְמַלֵּ֖א אַחֲרָ֑י וַהֲבִֽיאֹתִ֗יו אֶל־הָאָ֨רֶץ֙ אֲשֶׁר־בָּ֣א שָׁ֔מָּה וְזַרְעֹ֖ו יֹורִשֶֽׁנָּה׃

wĕʻabĕdi֣̇y kálé֗b ʻé֣qeb háֽyĕţá֞h r֤ẇẖa ʼaẖe֨reţ֙ ʻimò̇֔w wayĕmalé֖̇ʼ ʼaẖàrá֑y wahàbiֽyʼòţi֗yw ʼel־háʼá֨reẕ֙ ʼàşěr־bá֣̇ʼ şá̌֔má̇h wĕzarĕʻò֖w yòwrişěֽná̇h׃

25
וְהָֽעֲמָלֵקִ֥י וְהַֽכְּנַעֲנִ֖י יֹושֵׁ֣ב בָּעֵ֑מֶק מָחָ֗ר פְּנ֨וּ וּסְע֥וּ לָכֶ֛ם הַמִּדְבָּ֖ר דֶּ֥רֶךְ יַם־סֽוּף׃ פ

wĕháֽʻàmáléqi֥y wĕhaֽkĕ̇naʻàni֖y yòwşé֣̌b bá̇ʻé֑meq máẖá֗r pĕ̇n֨ẇ ẇsĕʻ֥ẇ láke֛m hami̇dĕbá֖̇r dė֥rekĕ yam־sֽẇp׃ p

26
וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

wayĕdabé֣̇r yĕhwá֔h ʼel־mòşě֥h wĕʼeֽl־ʼahàrò֖n léʼmòֽr׃

27
עַד־מָתַ֗י לָעֵדָ֤ה הָֽרָעָה֙ הַזֹּ֔את אֲשֶׁ֛ר הֵ֥מָּה מַלִּינִ֖ים עָלָ֑י אֶת־תְּלֻנֹּ֞ות בְּנֵ֣י יִשְׂרָאֵ֗ל אֲשֶׁ֨ר הֵ֧מָּה מַלִּינִ֛ים עָלַ֖י שָׁמָֽעְתִּי׃

ʻad־máţa֗y láʻédá֤h háֽráʻáh֙ hazò̇֔ʼţ ʼàşě֛r hé֥má̇h mali̇yni֖ym ʻálá֑y ʼeţ־ţĕ̇lunò̇֞wţ bĕ̇né֣y yişĕ̂ráʼé֗l ʼàşě֨r hé֧má̇h mali̇yni֛ym ʻála֖y şá̌máֽʻĕţi̇y׃

28
אֱמֹ֣ר אֲלֵהֶ֗ם חַי־אָ֨נִי֙ נְאֻם־יְהוָ֔ה אִם־לֹ֕א כַּאֲשֶׁ֥ר דִּבַּרְתֶּ֖ם בְּאָזְנָ֑י כֵּ֖ן אֶֽעֱשֶׂ֥ה לָכֶֽם׃

ʼèmò֣r ʼàléhe֗m ẖay־ʼá֨niy֙ nĕʼum־yĕhwá֔h ʼim־lò֕ʼ kȧʼàşě֥r di̇bȧrĕţė֖m bĕ̇ʼázĕná֑y ké֖̇n ʼeֽʻèşê֥h lákeֽm׃

29
בַּמִּדְבָּ֣ר הַ֠זֶּה יִפְּל֨וּ פִגְרֵיכֶ֜ם וְכָל־פְּקֻדֵיכֶם֙ לְכָל־מִסְפַּרְכֶ֔ם מִבֶּ֛ן עֶשְׂרִ֥ים שָׁנָ֖ה וָמָ֑עְלָה אֲשֶׁ֥ר הֲלִֽינֹתֶ֖ם עָלָֽי׃

bȧmi̇dĕbá֣̇r ha֠zėh yipĕ̇l֨ẇ pigĕréyke֜m wĕkál־pĕ̇qudéykem֙ lĕkál־misĕpȧrĕke֔m mibė֛n ʻeşĕ̂ri֥ym şá̌ná֖h wámá֑ʻĕláh ʼàşě֥r hàliֽynòţe֖m ʻáláֽy׃

30
אִם־אַתֶּם֙ תָּבֹ֣אוּ אֶל־הָאָ֔רֶץ אֲשֶׁ֤ר נָשָׂ֨אתִי֙ אֶת־יָדִ֔י לְשַׁכֵּ֥ן אֶתְכֶ֖ם בָּ֑הּ כִּ֚י אִם־כָּלֵ֣ב בֶּן־יְפֻנֶּ֔ה וִיהֹושֻׁ֖עַ בִּן־נֽוּן׃

ʼim־ʼaţėm֙ ţá̇bò֣ʼẇ ʼel־háʼá֔reẕ ʼàşě֤r náşá̂֨ʼţiy֙ ʼeţ־yádi֔y lĕşǎké֥̇n ʼeţĕke֖m bá֑̇ḣ ki֚̇y ʼim־ká̇lé֣b bėn־yĕpunė֔h wiyhòwşǔ֖ʻa bi̇n־nֽẇn׃

31
וְטַ֨פְּכֶ֔ם אֲשֶׁ֥ר אֲמַרְתֶּ֖ם לָבַ֣ז יִהְיֶ֑ה וְהֵבֵיאתִ֣י אֹתָ֔ם וְיָֽדְעוּ֙ אֶת־הָאָ֔רֶץ אֲשֶׁ֥ר מְאַסְתֶּ֖ם בָּֽהּ׃

wĕta֨pĕ̇ke֔m ʼàşě֥r ʼàmarĕţė֖m lába֣z yihĕye֑h wĕhébéyʼţi֣y ʼòţá֔m wĕyáֽdĕʻẇ֙ ʼeţ־háʼá֔reẕ ʼàşě֥r mĕʼasĕţė֖m báֽ̇ḣ׃

32
וּפִגְרֵיכֶ֖ם אַתֶּ֑ם יִפְּל֖וּ בַּמִּדְבָּ֥ר הַזֶּֽה׃

ẇpigĕréyke֖m ʼaţė֑m yipĕ̇l֖ẇ bȧmi̇dĕbá֥̇r hazėֽh׃

33
וּ֠בְנֵיכֶם יִהְי֨וּ רֹעִ֤ים בַּמִּדְבָּר֙ אַרְבָּעִ֣ים שָׁנָ֔ה וְנָשְׂא֖וּ אֶת־זְנוּתֵיכֶ֑ם עַד־תֹּ֥ם פִּגְרֵיכֶ֖ם בַּמִּדְבָּֽר׃

ẇ֠bĕnéykem yihĕy֨ẇ ròʻi֤ym bȧmi̇dĕbá̇r֙ ʼarĕbá̇ʻi֣ym şá̌ná֔h wĕnáşĕ̂ʼ֖ẇ ʼeţ־zĕnẇţéyke֑m ʻad־ţò֥̇m pi̇gĕréyke֖m bȧmi̇dĕbáֽ̇r׃

34
בְּמִסְפַּ֨ר הַיָּמִ֜ים אֲשֶׁר־תַּרְתֶּ֣ם אֶת־הָאָרֶץ֮ אַרְבָּעִ֣ים יֹום֒ יֹ֣ום לַשָּׁנָ֞ה יֹ֣ום לַשָּׁנָ֗ה תִּשְׂאוּ֙ אֶת־עֲוֹנֹ֣תֵיכֶ֔ם אַרְבָּעִ֖ים שָׁנָ֑ה וִֽידַעְתֶּ֖ם אֶת־תְּנוּאָתִֽי׃

bĕ̇misĕpȧ֨r hayá̇mi֜ym ʼàşěr־ţȧrĕţė֣m ʼeţ־háʼáreẕ֮ ʼarĕbá̇ʻi֣ym yòwm֒ yò֣wm laşá̇̌ná֞h yò֣wm laşá̇̌ná֗h ţi̇şĕ̂ʼẇ֙ ʼeţ־ʻàwònò֣ţéyke֔m ʼarĕbá̇ʻi֖ym şá̌ná֑h wiֽydaʻĕţė֖m ʼeţ־ţĕ̇nẇʼáţiֽy׃

35
אֲנִ֣י יְהוָה֮ דִּבַּרְתִּי֒ אִם־לֹ֣א׀ זֹ֣את אֶֽעֱשֶׂ֗ה לְכָל־הָעֵדָ֤ה הָֽרָעָה֙ הַזֹּ֔את הַנֹּועָדִ֖ים עָלָ֑י בַּמִּדְבָּ֥ר הַזֶּ֛ה יִתַּ֖מּוּ וְשָׁ֥ם יָמֻֽתוּ׃

ʼàni֣y yĕhwáh֮ di̇bȧrĕţi̇y֒ ʼim־lò֣ʼ׀ zò֣ʼţ ʼeֽʻèşê֗h lĕkál־háʻédá֤h háֽráʻáh֙ hazò̇֔ʼţ hanò̇wʻádi֖ym ʻálá֑y bȧmi̇dĕbá֥̇r hazė֛h yiţȧ֖ṁẇ wĕşá֥̌m yámuֽţẇ׃

36
וְהָ֣אֲנָשִׁ֔ים אֲשֶׁר־שָׁלַ֥ח מֹשֶׁ֖ה לָת֣וּר אֶת־הָאָ֑רֶץ וַיָּשֻׁ֗בוּ וַיִּלֹּונוּ עָלָיו֙ אֶת־כָּל־הָ֣עֵדָ֔ה לְהֹוצִ֥יא דִבָּ֖ה עַל־הָאָֽרֶץ׃

wĕhá֣ʼànáşǐ֔ym ʼàşěr־şá̌la֥ẖ mòşě֖h láţ֣ẇr ʼeţ־háʼá֑reẕ wayá̇şǔ֗bẇ wayi̇lò̇wnẇ ʻáláyw֙ ʼeţ־ká̇l־há֣ʻédá֔h lĕhòwẕi֥yʼ dibá֖̇h ʻal־háʼáֽreẕ׃

37
וַיָּמֻ֨תוּ֙ הָֽאֲנָשִׁ֔ים מֹוצִאֵ֥י דִבַּת־הָאָ֖רֶץ רָעָ֑ה בַּמַּגֵּפָ֖ה לִפְנֵ֥י יְהוָֽה׃

wayá̇mu֨ţẇ֙ háֽʼànáşǐ֔ym mòwẕiʼé֥y dibȧţ־háʼá֖reẕ ráʻá֑h bȧmȧgé̇pá֖h lipĕné֥y yĕhwáֽh׃

38
וִיהֹושֻׁ֣עַ בִּן־נ֔וּן וְכָלֵ֖ב בֶּן־יְפֻנֶּ֑ה חָיוּ֙ מִן־הָאֲנָשִׁ֣ים הָהֵ֔ם הַֽהֹלְכִ֖ים לָת֥וּר אֶת־הָאָֽרֶץ׃

wiyhòwşǔ֣ʻa bi̇n־n֔ẇn wĕkálé֖b bėn־yĕpunė֑h ẖáyẇ֙ min־háʼànáşǐ֣ym háhé֔m haֽhòlĕki֖ym láţ֥ẇr ʼeţ־háʼáֽreẕ׃

39
וַיְדַבֵּ֤ר מֹשֶׁה֙ אֶת־הַדְּבָרִ֣ים הָאֵ֔לֶּה אֶֽל־כָּל־בְּנֵ֖י יִשְׂרָאֵ֑ל וַיִּֽתְאַבְּל֥וּ הָעָ֖ם מְאֹֽד׃

wayĕdabé֤̇r mòşěh֙ ʼeţ־hadĕ̇bári֣ym háʼé֔lėh ʼeֽl־ká̇l־bĕ̇né֖y yişĕ̂ráʼé֑l wayiֽ̇ţĕʼabĕ̇l֥ẇ háʻá֖m mĕʼòֽd׃

40
וַיַּשְׁכִּ֣מוּ בַבֹּ֔קֶר וַיַּֽעֲל֥וּ אֶל־רֹאשׁ־הָהָ֖ר לֵאמֹ֑ר הִנֶּ֗נּוּ וְעָלִ֛ינוּ אֶל־הַמָּקֹ֛ום אֲשֶׁר־אָמַ֥ר יְהוָ֖ה כִּ֥י חָטָֽאנוּ׃

wayȧşĕ̌ki֣̇mẇ babò̇֔qer wayȧֽʻàl֥ẇ ʼel־ròʼş̌־háhá֖r léʼmò֑r hinė֗ṅẇ wĕʻáli֛ynẇ ʼel־hamá̇qò֛wm ʼàşěr־ʼáma֥r yĕhwá֖h ki֥̇y ẖátáֽʼnẇ׃

41
וַיֹּ֣אמֶר מֹשֶׁ֔ה לָ֥מָּה זֶּ֛ה אַתֶּ֥ם עֹבְרִ֖ים אֶת־פִּ֣י יְהוָ֑ה וְהִ֖וא לֹ֥א תִצְלָֽח׃

wayò֣̇ʼmer mòşě֔h lá֥má̇h zė֛h ʼaţė֥m ʻòbĕri֖ym ʼeţ־pi֣̇y yĕhwá֑h wĕhi֖wʼ lò֥ʼ ţiẕĕláֽẖ׃

42
אַֽל־תַּעֲל֔וּ כִּ֛י אֵ֥ין יְהוָ֖ה בְּקִרְבְּכֶ֑ם וְלֹא֙ תִּנָּ֣גְפ֔וּ לִפְנֵ֖י אֹיְבֵיכֶֽם׃

ʼaֽl־ţȧʻàl֔ẇ ki֛̇y ʼé֥yn yĕhwá֖h bĕ̇qirĕbĕ̇ke֑m wĕlòʼ֙ ţi̇ná֣̇gĕp֔ẇ lipĕné֖y ʼòyĕbéykeֽm׃

43
כִּי֩ הָעֲמָלֵקִ֨י וְהַכְּנַעֲנִ֥י שָׁם֙ לִפְנֵיכֶ֔ם וּנְפַלְתֶּ֖ם בֶּחָ֑רֶב כִּֽי־עַל־כֵּ֤ן שַׁבְתֶּם֙ מֵאַחֲרֵ֣י יְהוָ֔ה וְלֹא־יִהְיֶ֥ה יְהוָ֖ה עִמָּכֶֽם׃

ki̇y֩ háʻàmáléqi֨y wĕhakĕ̇naʻàni֥y şá̌m֙ lipĕnéyke֔m ẇnĕpalĕţė֖m bėẖá֑reb kiֽ̇y־ʻal־ké֤̇n şǎbĕţėm֙ méʼaẖàré֣y yĕhwá֔h wĕlòʼ־yihĕye֥h yĕhwá֖h ʻimá̇keֽm׃

44
וַיַּעְפִּ֕לוּ לַעֲלֹ֖ות אֶל־רֹ֣אשׁ הָהָ֑ר וַאֲרֹ֤ון בְּרִית־יְהוָה֙ וּמֹשֶׁ֔ה לֹא־מָ֖שׁוּ מִקֶּ֥רֶב הַֽמַּחֲנֶֽה׃

wayȧʻĕpi̇֕lẇ laʻàlò֖wţ ʼel־rò֣ʼş̌ háhá֑r waʼàrò֤wn bĕ̇riyţ־yĕhwáh֙ ẇmòşě֔h lòʼ־má֖ş̌ẇ miqė֥reb haֽmȧẖàneֽh׃

45
וַיֵּ֤רֶד הָעֲמָלֵקִי֙ וְהַֽכְּנַעֲנִ֔י הַיֹּשֵׁ֖ב בָּהָ֣ר הַה֑וּא וַיַּכּ֥וּם וַֽיַּכְּת֖וּם עַד־הַֽחָרְמָֽה׃ פ

wayé֤̇red háʻàmáléqiy֙ wĕhaֽkĕ̇naʻàni֔y hayò̇şé֖̌b bá̇há֣r hah֑ẇʼ wayȧk֥̇ẇm waֽyȧkĕ̇ţ֖ẇm ʻad־haֽẖárĕmáֽh׃ p