Bibles in ancient languages
Old translations
Modern translations

Biblia Hebraica Stuttgartensia Nombres 15:21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם כִּ֣י תָבֹ֗אוּ אֶל־אֶ֨רֶץ֙ מֹושְׁבֹ֣תֵיכֶ֔ם אֲשֶׁ֥ר אֲנִ֖י נֹתֵ֥ן לָכֶֽם׃

dȧbé̇r֙ ʼel־bĕ̇né֣y yişĕ̂ráʼé֔l wĕʼámarĕţá֖̇ ʼàléhe֑m ki֣̇y ţábò֗ʼẇ ʼel־ʼe֨reẕ֙ mòwşĕ̌bò֣ţéyke֔m ʼàşě֥r ʼàni֖y nòţé֥n lákeֽm׃

3
וַעֲשִׂיתֶ֨ם אִשֶּׁ֤ה לַֽיהוָה֙ עֹלָ֣ה אֹו־זֶ֔בַח לְפַלֵּא־נֶ֨דֶר֙ אֹ֣ו בִנְדָבָ֔ה אֹ֖ו בְּמֹעֲדֵיכֶ֑ם לַעֲשֹׂ֞ות רֵ֤יחַ נִיחֹ֨חַ֙ לַֽיהוָ֔ה מִן־הַבָּקָ֖ר אֹ֥ו מִן־הַצֹּֽאן׃

waʻàşîyţe֨m ʼişė֤̌h laֽyhwáh֙ ʻòlá֣h ʼòw־ze֔baẖ lĕpalé̇ʼ־ne֨der֙ ʼò֣w binĕdábá֔h ʼò֖w bĕ̇mòʻàdéyke֑m laʻàşò̂֞wţ ré֤yẖa niyẖò֨ẖa֙ laֽyhwá֔h min־habá̇qá֖r ʼò֥w min־haẕòֽ̇ʼn׃

4
וְהִקְרִ֛יב הַמַּקְרִ֥יב קָרְבָּנֹ֖ו לַֽיהוָ֑ה מִנְחָה֙ סֹ֣לֶת עִשָּׂרֹ֔ון בָּל֕וּל בִּרְבִעִ֥ית הַהִ֖ין שָֽׁמֶן׃

wĕhiqĕri֛yb hamȧqĕri֥yb qárĕbá̇nò֖w laֽyhwá֑h minĕẖáh֙ sò֣leţ ʻişá̇̂rò֔wn bá̇l֕ẇl bi̇rĕbiʻi֥yţ hahi֖yn şáֽ̌men׃

5
וְיַ֤יִן לַנֶּ֨סֶךְ֙ רְבִיעִ֣ית הַהִ֔ין תַּעֲשֶׂ֥ה עַל־הָעֹלָ֖ה אֹ֣ו לַזָּ֑בַח לַכֶּ֖בֶשׂ הָאֶחָֽד׃

wĕya֤yin lanė֨sekĕ֙ rĕbiyʻi֣yţ hahi֔yn ţȧʻàşê֥h ʻal־háʻòlá֖h ʼò֣w lazá֑̇baẖ lakė֖beş̂ háʼeẖáֽd׃

6
אֹ֤ו לָאַ֨יִל֙ תַּעֲשֶׂ֣ה מִנְחָ֔ה סֹ֖לֶת שְׁנֵ֣י עֶשְׂרֹנִ֑ים בְּלוּלָ֥ה בַשֶּׁ֖מֶן שְׁלִשִׁ֥ית הַהִֽין׃

ʼò֤w láʼa֨yil֙ ţȧʻàşê֣h minĕẖá֔h sò֖leţ şĕ̌né֣y ʻeşĕ̂ròni֑ym bĕ̇lẇlá֥h başė֖̌men şĕ̌lişǐ֥yţ hahiֽyn׃

7
וְיַ֥יִן לַנֶּ֖סֶךְ שְׁלִשִׁ֣ית הַהִ֑ין תַּקְרִ֥יב רֵֽיחַ־נִיחֹ֖חַ לַיהוָֽה׃

wĕya֥yin lanė֖sekĕ şĕ̌lişǐ֣yţ hahi֑yn ţȧqĕri֥yb réֽyẖa־niyẖò֖ẖa layhwáֽh׃

8
וְכִֽי־תַעֲשֶׂ֥ה בֶן־בָּקָ֖ר עֹלָ֣ה אֹו־זָ֑בַח לְפַלֵּא־נֶ֥דֶר אֹֽו־שְׁלָמִ֖ים לַֽיהוָֽה׃

wĕkiֽy־ţaʻàşê֥h ben־bá̇qá֖r ʻòlá֣h ʼòw־zá֑baẖ lĕpalé̇ʼ־ne֥der ʼòֽw־şĕ̌lámi֖ym laֽyhwáֽh׃

9
וְהִקְרִ֤יב עַל־בֶּן־הַבָּקָר֙ מִנְחָ֔ה סֹ֖לֶת שְׁלֹשָׁ֣ה עֶשְׂרֹנִ֑ים בָּל֥וּל בַּשֶּׁ֖מֶן חֲצִ֥י הַהִֽין׃

wĕhiqĕri֤yb ʻal־bėn־habá̇qár֙ minĕẖá֔h sò֖leţ şĕ̌lòşá֣̌h ʻeşĕ̂ròni֑ym bá̇l֥ẇl bȧşė֖̌men ẖàẕi֥y hahiֽyn׃

10
וְיַ֛יִן תַּקְרִ֥יב לַנֶּ֖סֶךְ חֲצִ֣י הַהִ֑ין אִשֵּׁ֥ה רֵֽיחַ־נִיחֹ֖חַ לַיהוָֽה׃

wĕya֛yin ţȧqĕri֥yb lanė֖sekĕ ẖàẕi֣y hahi֑yn ʼişé֥̇̌h réֽyẖa־niyẖò֖ẖa layhwáֽh׃

11
כָּ֣כָה יֵעָשֶׂ֗ה לַשֹּׁור֙ הָֽאֶחָ֔ד אֹ֖ו לָאַ֣יִל הָאֶחָ֑ד אֹֽו־לַשֶּׂ֥ה בַכְּבָשִׂ֖ים אֹ֥ו בָעִזִּֽים׃

ká֣̇káh yéʻáşê֗h laşò̇̌wr֙ háֽʼeẖá֔d ʼò֖w láʼa֣yil háʼeẖá֑d ʼòֽw־laşė֥̂h bakĕ̇báşî֖ym ʼò֥w báʻiziֽ̇ym׃

12
כַּמִּסְפָּ֖ר אֲשֶׁ֣ר תַּעֲשׂ֑וּ כָּ֛כָה תַּעֲשׂ֥וּ לָאֶחָ֖ד כְּמִסְפָּרָֽם׃

kȧmi̇sĕpá֖̇r ʼàşě֣r ţȧʻàş֑̂ẇ ká֛̇káh ţȧʻàş֥̂ẇ láʼeẖá֖d kĕ̇misĕpá̇ráֽm׃

13
כָּל־הָאֶזְרָ֥ח יַעֲשֶׂה־כָּ֖כָה אֶת־אֵ֑לֶּה לְהַקְרִ֛יב אִשֵּׁ֥ה רֵֽיחַ־נִיחֹ֖חַ לַֽיהוָֽה׃

ká̇l־háʼezĕrá֥ẖ yaʻàşêh־ká֖̇káh ʼeţ־ʼé֑lėh lĕhaqĕri֛yb ʼişé֥̇̌h réֽyẖa־niyẖò֖ẖa laֽyhwáֽh׃

14
וְכִֽי־יָגוּר֩ אִתְּכֶ֨ם גֵּ֜ר אֹ֤ו אֲשֶֽׁר־בְּתֹֽוכְכֶם֙ לְדֹרֹ֣תֵיכֶ֔ם וְעָשָׂ֛ה אִשֵּׁ֥ה רֵֽיחַ־נִיחֹ֖חַ לַיהוָ֑ה כַּאֲשֶׁ֥ר תַּעֲשׂ֖וּ כֵּ֥ן יַעֲשֶֽׂה׃

wĕkiֽy־yágẇr֩ ʼiţĕ̇ke֨m gé̇֜r ʼò֤w ʼàşěֽr־bĕ̇ţòֽwkĕkem֙ lĕdòrò֣ţéyke֔m wĕʻáşá֛̂h ʼişé֥̇̌h réֽyẖa־niyẖò֖ẖa layhwá֑h kȧʼàşě֥r ţȧʻàş֖̂ẇ ké֥̇n yaʻàşêֽh׃

15
הַקָּהָ֕ל חֻקָּ֥ה אַחַ֛ת לָכֶ֖ם וְלַגֵּ֣ר הַגָּ֑ר חֻקַּ֤ת עֹולָם֙ לְדֹרֹ֣תֵיכֶ֔ם כָּכֶ֛ם כַּגֵּ֥ר יִהְיֶ֖ה לִפְנֵ֥י יְהוָֽה׃

haqá̇há֕l ẖuqá֥̇h ʼaẖa֛ţ láke֖m wĕlagé֣̇r hagá֑̇r ẖuqȧ֤ţ ʻòwlám֙ lĕdòrò֣ţéyke֔m ká̇ke֛m kȧgé֥̇r yihĕye֖h lipĕné֥y yĕhwáֽh׃

16
תֹּורָ֥ה אַחַ֛ת וּמִשְׁפָּ֥ט אֶחָ֖ד יִהְיֶ֣ה לָכֶ֑ם וְלַגֵּ֖ר הַגָּ֥ר אִתְּכֶֽם׃ פ

ţò̇wrá֥h ʼaẖa֛ţ ẇmişĕ̌pá֥̇t ʼeẖá֖d yihĕye֣h láke֑m wĕlagé֖̇r hagá֥̇r ʼiţĕ̇keֽm׃ p

17
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

18
דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם בְּבֹֽאֲכֶם֙ אֶל־הָאָ֔רֶץ אֲשֶׁ֥ר אֲנִ֛י מֵבִ֥יא אֶתְכֶ֖ם שָֽׁמָּה׃

dȧbé̇r֙ ʼel־bĕ̇né֣y yişĕ̂ráʼé֔l wĕʼámarĕţá֖̇ ʼàléhe֑m bĕ̇bòֽʼàkem֙ ʼel־háʼá֔reẕ ʼàşě֥r ʼàni֛y mébi֥yʼ ʼeţĕke֖m şáֽ̌má̇h׃

19
וְהָיָ֕ה בַּאֲכָלְכֶ֖ם מִלֶּ֣חֶם הָאָ֑רֶץ תָּרִ֥ימוּ תְרוּמָ֖ה לַיהוָֽה׃

wĕháyá֕h bȧʼàkálĕke֖m milė֣ẖem háʼá֑reẕ ţá̇ri֥ymẇ ţĕrẇmá֖h layhwáֽh׃

20
רֵאשִׁית֙ עֲרִסֹ֣תֵכֶ֔ם חַלָּ֖ה תָּרִ֣ימוּ תְרוּמָ֑ה כִּתְרוּמַ֣ת גֹּ֔רֶן כֵּ֖ן תָּרִ֥ימוּ אֹתָֽהּ׃

réʼşǐyţ֙ ʻàrisò֣ţéke֔m ẖalá֖̇h ţá̇ri֣ymẇ ţĕrẇmá֑h ki̇ţĕrẇma֣ţ gò̇֔ren ké֖̇n ţá̇ri֥ymẇ ʼòţáֽḣ׃

21
מֵרֵאשִׁית֙ עֲרִסֹ֣תֵיכֶ֔ם תִּתְּנ֥וּ לַיהוָ֖ה תְּרוּמָ֑ה לְדֹרֹ֖תֵיכֶֽם׃ ס

méréʼşǐyţ֙ ʻàrisò֣ţéyke֔m ţi̇ţĕ̇n֥ẇ layhwá֖h ţĕ̇rẇmá֑h lĕdòrò֖ţéykeֽm׃ s

22
וְכִ֣י תִשְׁגּ֔וּ וְלֹ֣א תַעֲשׂ֔וּ אֵ֥ת כָּל־הַמִּצְוֹ֖ת הָאֵ֑לֶּה אֲשֶׁר־דִּבֶּ֥ר יְהוָ֖ה אֶל־מֹשֶֽׁה׃

wĕki֣y ţişĕ̌ġ֔ẇ wĕlò֣ʼ ţaʻàş̂֔ẇ ʼé֥ţ ká̇l־hami̇ẕĕwò֖ţ háʼé֑lėh ʼàşěr־di̇bė֥r yĕhwá֖h ʼel־mòşěֽh׃

23
אֵת֩ כָּל־אֲשֶׁ֨ר צִוָּ֧ה יְהוָ֛ה אֲלֵיכֶ֖ם בְּיַד־מֹשֶׁ֑ה מִן־הַיֹּ֞ום אֲשֶׁ֨ר צִוָּ֧ה יְהוָ֛ה וָהָ֖לְאָה לְדֹרֹתֵיכֶֽם׃

ʼéţ֩ ká̇l־ʼàşě֨r ẕiwá֧̇h yĕhwá֛h ʼàléyke֖m bĕ̇yad־mòşě֑h min־hayò̇֞wm ʼàşě֨r ẕiwá֧̇h yĕhwá֛h wáhá֖lĕʼáh lĕdòròţéykeֽm׃

24
וְהָיָ֗ה אִ֣ם מֵעֵינֵ֣י הָעֵדָה֮ נֶעֶשְׂתָ֣ה לִשְׁגָגָה֒ וְעָשׂ֣וּ כָל־הָעֵדָ֡ה פַּ֣ר בֶּן־בָּקָר֩ אֶחָ֨ד לְעֹלָ֜ה לְרֵ֤יחַ נִיחֹ֨חַ֙ לַֽיהוָ֔ה וּמִנְחָתֹ֥ו וְנִסְכֹּ֖ו כַּמִּשְׁפָּ֑ט וּשְׂעִיר־עִזִּ֥ים אֶחָ֖ד לְחַטָּֽת׃

wĕháyá֗h ʼi֣m méʻéyné֣y háʻédáh֮ neʻeşĕ̂ţá֣h lişĕ̌gágáh֒ wĕʻáş֣̂ẇ kál־háʻédá֡h pȧ֣r bėn־bá̇qár֩ ʼeẖá֨d lĕʻòlá֜h lĕré֤yẖa niyẖò֨ẖa֙ laֽyhwá֔h ẇminĕẖáţò֥w wĕnisĕkò֖̇w kȧmi̇şĕ̌pá֑̇t ẇşĕ̂ʻiyr־ʻizi֥̇ym ʼeẖá֖d lĕẖatáֽ̇ţ׃

25
וְכִפֶּ֣ר הַכֹּהֵ֗ן עַֽל־כָּל־עֲדַ֛ת בְּנֵ֥י יִשְׂרָאֵ֖ל וְנִסְלַ֣ח לָהֶ֑ם כִּֽי־שְׁגָגָ֣ה הִ֔וא וְהֵם֩ הֵבִ֨יאוּ אֶת־קָרְבָּנָ֜ם אִשֶּׁ֣ה לַֽיהוָ֗ה וְחַטָּאתָ֛ם לִפְנֵ֥י יְהוָ֖ה עַל־שִׁגְגָתָֽם׃

wĕkipė֣r hakò̇hé֗n ʻaֽl־ká̇l־ʻàda֛ţ bĕ̇né֥y yişĕ̂ráʼé֖l wĕnisĕla֣ẖ láhe֑m kiֽ̇y־şĕ̌gágá֣h hi֔wʼ wĕhém֩ hébi֨yʼẇ ʼeţ־qárĕbá̇ná֜m ʼişė֣̌h laֽyhwá֗h wĕẖatá̇ʼţá֛m lipĕné֥y yĕhwá֖h ʻal־şǐgĕgáţáֽm׃

26
וְנִסְלַ֗ח לְכָל־עֲדַת֙ בְּנֵ֣י יִשְׂרָאֵ֔ל וְלַגֵּ֖ר הַגָּ֣ר בְּתֹוכָ֑ם כִּ֥י לְכָל־הָעָ֖ם בִּשְׁגָגָֽה׃ ס

wĕnisĕla֗ẖ lĕkál־ʻàdaţ֙ bĕ̇né֣y yişĕ̂ráʼé֔l wĕlagé֖̇r hagá֣̇r bĕ̇ţòwká֑m ki֥̇y lĕkál־háʻá֖m bi̇şĕ̌gágáֽh׃ s

27
וְאִם־נֶ֥פֶשׁ אַחַ֖ת תֶּחֱטָ֣א בִשְׁגָגָ֑ה וְהִקְרִ֛יבָה עֵ֥ז בַּת־שְׁנָתָ֖הּ לְחַטָּֽאת׃

wĕʼim־ne֥peş̌ ʼaẖa֖ţ ţėẖètá֣ʼ bişĕ̌gágá֑h wĕhiqĕri֛ybáh ʻé֥z bȧţ־şĕ̌náţá֖ḣ lĕẖatáֽ̇ʼţ׃

28
וְכִפֶּ֣ר הַכֹּהֵ֗ן עַל־הַנֶּ֧פֶשׁ הַשֹּׁגֶ֛גֶת בְּחֶטְאָ֥ה בִשְׁגָגָ֖ה לִפְנֵ֣י יְהוָ֑ה לְכַפֵּ֥ר עָלָ֖יו וְנִסְלַ֥ח לֹֽו׃

wĕkipė֣r hakò̇hé֗n ʻal־hanė֧peş̌ haşò̇̌ge֛geţ bĕ̇ẖetĕʼá֥h bişĕ̌gágá֖h lipĕné֣y yĕhwá֑h lĕkapé֥̇r ʻálá֖yw wĕnisĕla֥ẖ lòֽw׃

29
הָֽאֶזְרָח֙ בִּבְנֵ֣י יִשְׂרָאֵ֔ל וְלַגֵּ֖ר הַגָּ֣ר בְּתֹוכָ֑ם תֹּורָ֤ה אַחַת֙ יִהְיֶ֣ה לָכֶ֔ם לָעֹשֶׂ֖ה בִּשְׁגָגָֽה׃

háֽʼezĕráẖ֙ bi̇bĕné֣y yişĕ̂ráʼé֔l wĕlagé֖̇r hagá֣̇r bĕ̇ţòwká֑m ţò̇wrá֤h ʼaẖaţ֙ yihĕye֣h láke֔m láʻòşê֖h bi̇şĕ̌gágáֽh׃

30
וְהַנֶּ֜פֶשׁ אֲשֶֽׁר־תַּעֲשֶׂ֣ה׀ בְּיָ֣ד רָמָ֗ה מִן־הָֽאֶזְרָח֙ וּמִן־הַגֵּ֔ר אֶת־יְהוָ֖ה ה֣וּא מְגַדֵּ֑ף וְנִכְרְתָ֛ה הַנֶּ֥פֶשׁ הַהִ֖וא מִקֶּ֥רֶב עַמָּֽהּ׃

wĕhanė֜peş̌ ʼàşěֽr־ţȧʻàşê֣h׀ bĕ̇yá֣d rámá֗h min־háֽʼezĕráẖ֙ ẇmin־hagé̇֔r ʼeţ־yĕhwá֖h h֣ẇʼ mĕgadé֑̇p wĕnikĕrĕţá֛h hanė֥peş̌ hahi֖wʼ miqė֥reb ʻamáֽ̇ḣ׃

31
כִּ֤י דְבַר־יְהוָה֙ בָּזָ֔ה וְאֶת־מִצְוָתֹ֖ו הֵפַ֑ר הִכָּרֵ֧ת׀ תִּכָּרֵ֛ת הַנֶּ֥פֶשׁ הַהִ֖וא עֲוֹנָ֥ה בָֽהּ׃ פ

ki֤̇y dĕbar־yĕhwáh֙ bá̇zá֔h wĕʼeţ־miẕĕwáţò֖w hépa֑r hiká̇ré֧ţ׀ ţi̇ká̇ré֛ţ hanė֥peş̌ hahi֖wʼ ʻàwòná֥h báֽḣ׃ p

32
וַיִּהְי֥וּ בְנֵֽי־יִשְׂרָאֵ֖ל בַּמִּדְבָּ֑ר וַֽיִּמְצְא֗וּ אִ֛ישׁ מְקֹשֵׁ֥שׁ עֵצִ֖ים בְּיֹ֥ום הַשַּׁבָּֽת׃

wayi̇hĕy֥ẇ bĕnéֽy־yişĕ̂ráʼé֖l bȧmi̇dĕbá֑̇r waֽyi̇mĕẕĕʼ֗ẇ ʼi֛yş̌ mĕqòşé֥̌ş̌ ʻéẕi֖ym bĕ̇yò֥wm haşȧ̌báֽ̇ţ׃

33
וַיַּקְרִ֣יבוּ אֹתֹ֔ו הַמֹּצְאִ֥ים אֹתֹ֖ו מְקֹשֵׁ֣שׁ עֵצִ֑ים אֶל־מֹשֶׁה֙ וְאֶֽל־אַהֲרֹ֔ן וְאֶ֖ל כָּל־הָעֵדָֽה׃

wayȧqĕri֣ybẇ ʼòţò֔w hamò̇ẕĕʼi֥ym ʼòţò֖w mĕqòşé֣̌ş̌ ʻéẕi֑ym ʼel־mòşěh֙ wĕʼeֽl־ʼahàrò֔n wĕʼe֖l ká̇l־háʻédáֽh׃

34
וַיַּנִּ֥יחוּ אֹתֹ֖ו בַּמִּשְׁמָ֑ר כִּ֚י לֹ֣א פֹרַ֔שׁ מַה־יֵּעָשֶׂ֖ה לֹֽו׃ ס

wayȧni֥̇yẖẇ ʼòţò֖w bȧmi̇şĕ̌má֑r ki֚̇y lò֣ʼ pòra֔ş̌ mah־yé̇ʻáşê֖h lòֽw׃ s

35
וַיֹּ֤אמֶר יְהוָה֙ אֶל־מֹשֶׁ֔ה מֹ֥ות יוּמַ֖ת הָאִ֑ישׁ רָגֹ֨ום אֹתֹ֤ו בָֽאֲבָנִים֙ כָּל־הָ֣עֵדָ֔ה מִח֖וּץ לַֽמַּחֲנֶֽה׃

wayò֤̇ʼmer yĕhwáh֙ ʼel־mòşě֔h mò֥wţ yẇma֖ţ háʼi֑yş̌ rágò֨wm ʼòţò֤w báֽʼàbániym֙ ká̇l־há֣ʻédá֔h miẖ֖ẇẕ laֽmȧẖàneֽh׃

36
וַיֹּצִ֨יאוּ אֹתֹ֜ו כָּל־הָעֵדָ֗ה אֶל־מִחוּץ֙ לַֽמַּחֲנֶ֔ה וַיִּרְגְּמ֥וּ אֹתֹ֛ו בָּאֲבָנִ֖ים וַיָּמֹ֑ת כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ

wayò̇ẕi֨yʼẇ ʼòţò֜w ká̇l־háʻédá֗h ʼel־miẖẇẕ֙ laֽmȧẖàne֔h wayi̇rĕgĕ̇m֥ẇ ʼòţò֛w bá̇ʼàbáni֖ym wayá̇mò֑ţ kȧʼàşě֛r ẕiwá֥̇h yĕhwá֖h ʼeţ־mòşěֽh׃ p

37
וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃

wayò֥̇ʼmer yĕhwá֖h ʼel־mòşě֥h lé̇ʼmòֽr׃

38
דַּבֵּ֞ר אֶל־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם וְעָשׂ֨וּ לָהֶ֥ם צִיצִ֛ת עַל־כַּנְפֵ֥י בִגְדֵיהֶ֖ם לְדֹרֹתָ֑ם וְנָ֥תְנ֛וּ עַל־צִיצִ֥ת הַכָּנָ֖ף פְּתִ֥יל תְּכֵֽלֶת׃

dȧbé̇֞r ʼel־bĕ̇né֤y yişĕ̂ráʼél֙ wĕʼámarĕţá֣̇ ʼàléhe֔m wĕʻáş̂֨ẇ láhe֥m ẕiyẕi֛ţ ʻal־kȧnĕpé֥y bigĕdéyhe֖m lĕdòròţá֑m wĕná֥ţĕn֛ẇ ʻal־ẕiyẕi֥ţ haká̇ná֖p pĕ̇ţi֥yl ţĕ̇kéֽleţ׃

39
וְהָיָ֣ה לָכֶם֮ לְצִיצִת֒ וּרְאִיתֶ֣ם אֹתֹ֗ו וּזְכַרְתֶּם֙ אֶת־כָּל־מִצְוֹ֣ת יְהוָ֔ה וַעֲשִׂיתֶ֖ם אֹתָ֑ם וְלֹֽא־תָתֻ֜רוּ אַחֲרֵ֤י לְבַבְכֶם֙ וְאַחֲרֵ֣י עֵֽינֵיכֶ֔ם אֲשֶׁר־אַתֶּ֥ם זֹנִ֖ים אַחֲרֵיהֶֽם׃

wĕháyá֣h lákem֮ lĕẕiyẕiţ֒ ẇrĕʼiyţe֣m ʼòţò֗w ẇzĕkarĕţėm֙ ʼeţ־ká̇l־miẕĕwò֣ţ yĕhwá֔h waʻàşîyţe֖m ʼòţá֑m wĕlòֽʼ־ţáţu֜rẇ ʼaẖàré֤y lĕbabĕkem֙ wĕʼaẖàré֣y ʻéֽynéyke֔m ʼàşěr־ʼaţė֥m zòni֖ym ʼaẖàréyheֽm׃

40
לְמַ֣עַן תִּזְכְּר֔וּ וַעֲשִׂיתֶ֖ם אֶת־כָּל־מִצְוֹתָ֑י וִהְיִיתֶ֥ם קְדֹשִׁ֖ים לֵֽאלֹהֵיכֶֽם׃

lĕma֣ʻan ţi̇zĕkĕ̇r֔ẇ waʻàşîyţe֖m ʼeţ־ká̇l־miẕĕwòţá֑y wihĕyiyţe֥m qĕdòşǐ֖ym léֽʼlòhéykeֽm׃

41
אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הֹוצֵ֤אתִי אֶתְכֶם֙ מֵאֶ֣רֶץ מִצְרַ֔יִם לִהְיֹ֥ות לָכֶ֖ם לֵאלֹהִ֑ים אֲנִ֖י יְהוָ֥ה אֱלֹהֵיכֶֽם׃ פ

ʼàni֞y yĕhwá֣h ʼèlòֽhéyke֗m ʼàşě֨r hòwẕé֤ʼţiy ʼeţĕkem֙ méʼe֣reẕ miẕĕra֔yim lihĕyò֥wţ láke֖m léʼlòhi֑ym ʼàni֖y yĕhwá֥h ʼèlòhéykeֽm׃ p