Bibles in ancient languages
Old translations
Modern translations

Biblia Hebraica Stuttgartensia Nombres 23:5

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֤אמֶר בִּלְעָם֙ אֶל־בָּלָ֔ק בְּנֵה־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ן לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃

wayò֤̇ʼmer bi̇lĕʻám֙ ʼel־bá̇lá֔q bĕ̇néh־li֥y báze֖h şǐbĕʻá֣h mizĕbĕ̇ẖò֑ţ wĕháké֥n liy֙ bá̇ze֔h şǐbĕʻá֥h pári֖ym wĕşǐbĕʻá֥h ʼéyliֽym׃

2
וַיַּ֣עַשׂ בָּלָ֔ק כַּאֲשֶׁ֖ר דִּבֶּ֣ר בִּלְעָ֑ם וַיַּ֨עַל בָּלָ֧ק וּבִלְעָ֛ם פָּ֥ר וָאַ֖יִל בַּמִּזְבֵּֽחַ׃

wayȧ֣ʻaş̂ bá̇lá֔q kȧʼàşě֖r di̇bė֣r bi̇lĕʻá֑m wayȧ֨ʻal bá̇lá֧q ẇbilĕʻá֛m pá֥̇r wáʼa֖yil bȧmi̇zĕbéֽ̇ẖa׃

3
וַיֹּ֨אמֶר בִּלְעָ֜ם לְבָלָ֗ק הִתְיַצֵּב֮ עַל־עֹלָתֶךָ֒ וְאֵֽלְכָ֗ה אוּלַ֞י יִקָּרֵ֤ה יְהוָה֙ לִקְרָאתִ֔י וּדְבַ֥ר מַה־יַּרְאֵ֖נִי וְהִגַּ֣דְתִּי לָ֑ךְ וַיֵּ֖לֶךְ שֶֽׁפִי׃

wayò̇֨ʼmer bi̇lĕʻá֜m lĕbálá֗q hiţĕyaẕé̇b֮ ʻal־ʻòláţeká֒ wĕʼéֽlĕká֗h ʼẇla֞y yiqá̇ré֤h yĕhwáh֙ liqĕráʼţi֔y ẇdĕba֥r mah־yȧrĕʼé֖niy wĕhigȧ֣dĕţi̇y lá֑kĕ wayé֖̇lekĕ şěֽpiy׃

4
וַיִּקָּ֥ר אֱלֹהִ֖ים אֶל־בִּלְעָ֑ם וַיֹּ֣אמֶר אֵלָ֗יו אֶת־שִׁבְעַ֤ת הַֽמִּזְבְּחֹת֙ עָרַ֔כְתִּי וָאַ֛עַל פָּ֥ר וָאַ֖יִל בַּמִּזְבֵּֽחַ׃

wayi̇qá֥̇r ʼèlòhi֖ym ʼel־bi̇lĕʻá֑m wayò֣̇ʼmer ʼélá֗yw ʼeţ־şǐbĕʻa֤ţ haֽmi̇zĕbĕ̇ẖòţ֙ ʻára֔kĕţi̇y wáʼa֛ʻal pá֥̇r wáʼa֖yil bȧmi̇zĕbéֽ̇ẖa׃

5
וַיָּ֧שֶׂם יְהוָ֛ה דָּבָ֖ר בְּפִ֣י בִלְעָ֑ם וַיֹּ֛אמֶר שׁ֥וּב אֶל־בָּלָ֖ק וְכֹ֥ה תְדַבֵּֽר׃

wayá֧̇şêm yĕhwá֛h dá̇bá֖r bĕ̇pi֣y bilĕʻá֑m wayò֛̇ʼmer ş֥̌ẇb ʼel־bá̇lá֖q wĕkò֥h ţĕdabéֽ̇r׃

6
וַיָּ֣שָׁב אֵלָ֔יו וְהִנֵּ֥ה נִצָּ֖ב עַל־עֹלָתֹ֑ו ה֖וּא וְכָל־שָׂרֵ֥י מֹואָֽב׃

wayá֣̇şá̌b ʼélá֔yw wĕhiné֥̇h niẕá֖̇b ʻal־ʻòláţò֑w h֖ẇʼ wĕkál־şá̂ré֥y mòwʼáֽb׃

7
וַיִּשָּׂ֥א מְשָׁלֹ֖ו וַיֹּאמַ֑ר מִן־אֲ֠רָם יַנְחֵ֨נִי בָלָ֤ק מֶֽלֶךְ־מֹואָב֙ מֵֽהַרְרֵי־קֶ֔דֶם לְכָה֙ אָֽרָה־לִּ֣י יַעֲקֹ֔ב וּלְכָ֖ה זֹעֲמָ֥ה יִשְׂרָאֵֽל׃

wayi̇şá֥̇̂ʼ mĕşá̌lò֖w wayò̇ʼma֑r min־ʼà֠rám yanĕẖé֨niy bálá֤q meֽlekĕ־mòwʼáb֙ méֽharĕréy־qe֔dem lĕkáh֙ ʼáֽráh־li֣̇y yaʻàqò֔b ẇlĕká֖h zòʻàmá֥h yişĕ̂ráʼéֽl׃

8
מָ֣ה אֶקֹּ֔ב לֹ֥א קַבֹּ֖ה אֵ֑ל וּמָ֣ה אֶזְעֹ֔ם לֹ֥א זָעַ֖ם יְהוָֽה׃

má֣h ʼeqò̇֔b lò֥ʼ qabò֖̇h ʼé֑l ẇmá֣h ʼezĕʻò֔m lò֥ʼ záʻa֖m yĕhwáֽh׃

9
כִּֽי־מֵרֹ֤אשׁ צֻרִים֙ אֶרְאֶ֔נּוּ וּמִגְּבָעֹ֖ות אֲשׁוּרֶ֑נּוּ הֶן־עָם֙ לְבָדָ֣ד יִשְׁכֹּ֔ן וּבַגֹּויִ֖ם לֹ֥א יִתְחַשָּֽׁב׃

kiֽ̇y־mérò֤ʼş̌ ẕuriym֙ ʼerĕʼe֔ṅẇ ẇmigĕ̇báʻò֖wţ ʼàş̌ẇre֑ṅẇ hen־ʻám֙ lĕbádá֣d yişĕ̌kò̇֔n ẇbagò̇wyi֖m lò֥ʼ yiţĕẖaşáֽ̇̌b׃

10
מִ֤י מָנָה֙ עֲפַ֣ר יַעֲקֹ֔ב וּמִסְפָּ֖ר אֶת־רֹ֣בַע יִשְׂרָאֵ֑ל תָּמֹ֤ת נַפְשִׁי֙ מֹ֣ות יְשָׁרִ֔ים וּתְהִ֥י אַחֲרִיתִ֖י כָּמֹֽהוּ׃

mi֤y mánáh֙ ʻàpa֣r yaʻàqò֔b ẇmisĕpá֖̇r ʼeţ־rò֣baʻ yişĕ̂ráʼé֑l ţá̇mò֤ţ napĕşǐy֙ mò֣wţ yĕşá̌ri֔ym ẇţĕhi֥y ʼaẖàriyţi֖y ká̇mòֽhẇ׃

11
וַיֹּ֤אמֶר בָּלָק֙ אֶל־בִּלְעָ֔ם מֶ֥ה עָשִׂ֖יתָ לִ֑י לָקֹ֤ב אֹיְבַי֙ לְקַחְתִּ֔יךָ וְהִנֵּ֖ה בֵּרַ֥כְתָּ בָרֵֽךְ׃

wayò֤̇ʼmer bá̇láq֙ ʼel־bi̇lĕʻá֔m me֥h ʻáşî֖yţá li֑y láqò֤b ʼòyĕbay֙ lĕqaẖĕţi̇֔yká wĕhiné֖̇h bé̇ra֥kĕţá̇ báréֽkĕ׃

12
וַיַּ֖עַן וַיֹּאמַ֑ר הֲלֹ֗א אֵת֩ אֲשֶׁ֨ר יָשִׂ֤ים יְהוָה֙ בְּפִ֔י אֹתֹ֥ו אֶשְׁמֹ֖ר לְדַבֵּֽר׃

wayȧ֖ʻan wayò̇ʼma֑r hàlò֗ʼ ʼéţ֩ ʼàşě֨r yáşî֤ym yĕhwáh֙ bĕ̇pi֔y ʼòţò֥w ʼeşĕ̌mò֖r lĕdabéֽ̇r׃

13
וַיֹּ֨אמֶר אֵלָ֜יו בָּלָ֗ק לְךָ נָּ֨א אִתִּ֜י אֶל־מָקֹ֤ום אַחֵר֙ אֲשֶׁ֣ר תִּרְאֶ֣נּוּ מִשָּׁ֔ם אֶ֚פֶס קָצֵ֣הוּ תִרְאֶ֔ה וְכֻלֹּ֖ו לֹ֣א תִרְאֶ֑ה וְקָבְנֹו־לִ֖י מִשָּֽׁם׃

wayò̇֨ʼmer ʼélá֜yw bá̇lá֗q lĕká ná̇֨ʼ ʼiţi̇֜y ʼel־máqò֤wm ʼaẖér֙ ʼàşě֣r ţi̇rĕʼe֣ṅẇ mişá̇̌֔m ʼe֚pes qáẕé֣hẇ ţirĕʼe֔h wĕkulò֖̇w lò֣ʼ ţirĕʼe֑h wĕqábĕnòw־li֖y mişáֽ̇̌m׃

14
וַיִּקָּחֵ֨הוּ֙ שְׂדֵ֣ה צֹפִ֔ים אֶל־רֹ֖אשׁ הַפִּסְגָּ֑ה וַיִּ֨בֶן֙ שִׁבְעָ֣ה מִזְבְּחֹ֔ת וַיַּ֛עַל פָּ֥ר וָאַ֖יִל בַּמִּזְבֵּֽחַ׃

wayi̇qá̇ẖé֨hẇ֙ şĕ̂dé֣h ẕòpi֔ym ʼel־rò֖ʼş̌ hapi̇sĕgá֑̇h wayi̇֨ben֙ şǐbĕʻá֣h mizĕbĕ̇ẖò֔ţ wayȧ֛ʻal pá֥̇r wáʼa֖yil bȧmi̇zĕbéֽ̇ẖa׃

15
וַיֹּ֨אמֶר֙ אֶל־בָּלָ֔ק הִתְיַצֵּ֥ב כֹּ֖ה עַל־עֹלָתֶ֑ךָ וְאָנֹכִ֖י אִקָּ֥רֶה כֹּֽה׃

wayò̇֨ʼmer֙ ʼel־bá̇lá֔q hiţĕyaẕé֥̇b kò֖̇h ʻal־ʻòláţe֑ká wĕʼánòki֖y ʼiqá֥̇reh kòֽ̇h׃

16
וַיִּקָּ֤ר יְהוָה֙ אֶל־בִּלְעָ֔ם וַיָּ֥שֶׂם דָּבָ֖ר בְּפִ֑יו וַיֹּ֛אמֶר שׁ֥וּב אֶל־בָּלָ֖ק וְכֹ֥ה תְדַבֵּֽר׃

wayi̇qá֤̇r yĕhwáh֙ ʼel־bi̇lĕʻá֔m wayá֥̇şêm dá̇bá֖r bĕ̇pi֑yw wayò֛̇ʼmer ş֥̌ẇb ʼel־bá̇lá֖q wĕkò֥h ţĕdabéֽ̇r׃

17
וַיָּבֹ֣א אֵלָ֗יו וְהִנֹּ֤ו נִצָּב֙ עַל־עֹ֣לָתֹ֔ו וְשָׂרֵ֥י מֹואָ֖ב אִתֹּ֑ו וַיֹּ֤אמֶר לֹו֙ בָּלָ֔ק מַה־דִּבֶּ֖ר יְהוָֽה׃

wayá̇bò֣ʼ ʼélá֗yw wĕhinò֤̇w niẕá̇b֙ ʻal־ʻò֣láţò֔w wĕşá̂ré֥y mòwʼá֖b ʼiţò֑̇w wayò֤̇ʼmer lòw֙ bá̇lá֔q mah־di̇bė֖r yĕhwáֽh׃

18
וַיִּשָּׂ֥א מְשָׁלֹ֖ו וַיֹּאמַ֑ר ק֤וּם בָּלָק֙ וּֽשֲׁמָ֔ע הַאֲזִ֥ינָה עָדַ֖י בְּנֹ֥ו צִפֹּֽר׃

wayi̇şá֥̇̂ʼ mĕşá̌lò֖w wayò̇ʼma֑r q֤ẇm bá̇láq֙ ẇֽşà̌má֔ʻ haʼàzi֥ynáh ʻáda֖y bĕ̇nò֥w ẕipòֽ̇r׃

19
לֹ֣א אִ֥ישׁ אֵל֙ וִֽיכַזֵּ֔ב וּבֶן־אָדָ֖ם וְיִתְנֶחָ֑ם הַה֤וּא אָמַר֙ וְלֹ֣א יַעֲשֶׂ֔ה וְדִבֶּ֖ר וְלֹ֥א יְקִימֶֽנָּה׃

lò֣ʼ ʼi֥yş̌ ʼél֙ wiֽykazé̇֔b ẇben־ʼádá֖m wĕyiţĕneẖá֑m hah֤ẇʼ ʼámar֙ wĕlò֣ʼ yaʻàşê֔h wĕdibė֖r wĕlò֥ʼ yĕqiymeֽná̇h׃

20
הִנֵּ֥ה בָרֵ֖ךְ לָקָ֑חְתִּי וּבֵרֵ֖ךְ וְלֹ֥א אֲשִׁיבֶֽנָּה׃

hiné֥̇h báré֖kĕ láqá֑ẖĕţi̇y ẇbéré֖kĕ wĕlò֥ʼ ʼàşǐybeֽná̇h׃

21
לֹֽא־הִבִּ֥יט אָ֨וֶן֙ בְּיַעֲקֹ֔ב וְלֹא־רָאָ֥ה עָמָ֖ל בְּיִשְׂרָאֵ֑ל יְהוָ֤ה אֱלֹהָיו֙ עִמֹּ֔ו וּתְרוּעַ֥ת מֶ֖לֶךְ בֹּֽו׃

lòֽʼ־hibi֥̇yt ʼá֨wen֙ bĕ̇yaʻàqò֔b wĕlòʼ־ráʼá֥h ʻámá֖l bĕ̇yişĕ̂ráʼé֑l yĕhwá֤h ʼèlòháyw֙ ʻimò̇֔w ẇţĕrẇʻa֥ţ me֖lekĕ bòֽ̇w׃

22
אֵ֖ל מֹוצִיאָ֣ם מִמִּצְרָ֑יִם כְּתֹועֲפֹ֥ת רְאֵ֖ם לֹֽו׃

ʼé֖l mòwẕiyʼá֣m mimi̇ẕĕrá֑yim kĕ̇ţòwʻàpò֥ţ rĕʼé֖m lòֽw׃

23
כִּ֤י לֹא־נַ֨חַשׁ֙ בְּיַעֲקֹ֔ב וְלֹא־קֶ֖סֶם בְּיִשְׂרָאֵ֑ל כָּעֵ֗ת יֵאָמֵ֤ר לְיַעֲקֹב֙ וּלְיִשְׂרָאֵ֔ל מַה־פָּ֖עַל אֵֽל׃

ki֤̇y lòʼ־na֨ẖaş̌֙ bĕ̇yaʻàqò֔b wĕlòʼ־qe֖sem bĕ̇yişĕ̂ráʼé֑l ká̇ʻé֗ţ yéʼámé֤r lĕyaʻàqòb֙ ẇlĕyişĕ̂ráʼé֔l mah־pá֖̇ʻal ʼéֽl׃

24
הֶן־עָם֙ כְּלָבִ֣יא יָק֔וּם וְכַאֲרִ֖י יִתְנַשָּׂ֑א לֹ֤א יִשְׁכַּב֙ עַד־יֹ֣אכַל טֶ֔רֶף וְדַם־חֲלָלִ֖ים יִשְׁתֶּֽה׃

hen־ʻám֙ kĕ̇lábi֣yʼ yáq֔ẇm wĕkaʼàri֖y yiţĕnaşá֑̇̂ʼ lò֤ʼ yişĕ̌kȧb֙ ʻad־yò֣ʼkal te֔rep wĕdam־ẖàláli֖ym yişĕ̌ţėֽh׃

25
וַיֹּ֤אמֶר בָּלָק֙ אֶל־בִּלְעָ֔ם גַּם־קֹ֖ב לֹ֣א תִקֳּבֶ֑נּוּ גַּם־בָּרֵ֖ךְ לֹ֥א תְבָרֲכֶֽנּוּ׃

wayò֤̇ʼmer bá̇láq֙ ʼel־bi̇lĕʻá֔m gȧm־qò֖b lò֣ʼ ţiqȯbe֑ṅẇ gȧm־bá̇ré֖kĕ lò֥ʼ ţĕbáràkeֽṅẇ׃

26
וַיַּ֣עַן בִּלְעָ֔ם וַיֹּ֖אמֶר אֶל־בָּלָ֑ק הֲלֹ֗א דִּבַּ֤רְתִּי אֵלֶ֨יךָ֙ לֵאמֹ֔ר כֹּ֛ל אֲשֶׁר־יְדַבֵּ֥ר יְהוָ֖ה אֹתֹ֥ו אֶֽעֱשֶֽׂה׃

wayȧ֣ʻan bi̇lĕʻá֔m wayò֖̇ʼmer ʼel־bá̇lá֑q hàlò֗ʼ di̇bȧ֤rĕţi̇y ʼéle֨yká֙ léʼmò֔r kò֛̇l ʼàşěr־yĕdabé֥̇r yĕhwá֖h ʼòţò֥w ʼeֽʻèşêֽh׃

27
וַיֹּ֤אמֶר בָּלָק֙ אֶל־בִּלְעָ֔ם לְכָה־נָּא֙ אֶקָּ֣חֲךָ֔ אֶל־מָקֹ֖ום אַחֵ֑ר אוּלַ֤י יִישַׁר֙ בְּעֵינֵ֣י הָאֱלֹהִ֔ים וְקַבֹּ֥תֹו לִ֖י מִשָּֽׁם׃

wayò֤̇ʼmer bá̇láq֙ ʼel־bi̇lĕʻá֔m lĕkáh־ná̇ʼ֙ ʼeqá֣̇ẖàká֔ ʼel־máqò֖wm ʼaẖé֑r ʼẇla֤y yiyşǎr֙ bĕ̇ʻéyné֣y háʼèlòhi֔ym wĕqabò֥̇ţòw li֖y mişáֽ̇̌m׃

28
וַיִּקַּ֥ח בָּלָ֖ק אֶת־בִּלְעָ֑ם רֹ֣אשׁ הַפְּעֹ֔ור הַנִּשְׁקָ֖ף עַל־פְּנֵ֥י הַיְשִׁימֹֽן׃

wayi̇qȧ֥ẖ bá̇lá֖q ʼeţ־bi̇lĕʻá֑m rò֣ʼş̌ hapĕ̇ʻò֔wr hani̇şĕ̌qá֖p ʻal־pĕ̇né֥y hayĕşǐymòֽn׃

29
וַיֹּ֤אמֶר בִּלְעָם֙ אֶל־בָּלָ֔ק בְּנֵה־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ן לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃

wayò֤̇ʼmer bi̇lĕʻám֙ ʼel־bá̇lá֔q bĕ̇néh־li֥y báze֖h şǐbĕʻá֣h mizĕbĕ̇ẖò֑ţ wĕháké֥n liy֙ bá̇ze֔h şǐbĕʻá֥h pári֖ym wĕşǐbĕʻá֥h ʼéyliֽym׃

30
וַיַּ֣עַשׂ בָּלָ֔ק כַּאֲשֶׁ֖ר אָמַ֣ר בִּלְעָ֑ם וַיַּ֛עַל פָּ֥ר וָאַ֖יִל בַּמִּזְבֵּֽחַ׃

wayȧ֣ʻaş̂ bá̇lá֔q kȧʼàşě֖r ʼáma֣r bi̇lĕʻá֑m wayȧ֛ʻal pá֥̇r wáʼa֖yil bȧmi̇zĕbéֽ̇ẖa׃