Bibles in ancient languages
Old translations
Modern translations

Biblia Hebraica Stuttgartensia Nombres 32:9

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּמִקְנֶ֣ה׀ רַ֗ב הָיָ֞ה לִבְנֵ֧י רְאוּבֵ֛ן וְלִבְנֵי־גָ֖ד עָצ֣וּם מְאֹ֑ד וַיִּרְא֞וּ אֶת־אֶ֤רֶץ יַעְזֵר֙ וְאֶת־אֶ֣רֶץ גִּלְעָ֔ד וְהִנֵּ֥ה הַמָּקֹ֖ום מְקֹ֥ום מִקְנֶֽה׃

ẇmiqĕne֣h׀ ra֗b háyá֞h libĕné֧y rĕʼẇbé֛n wĕlibĕnéy־gá֖d ʻáẕ֣ẇm mĕʼò֑d wayi̇rĕʼ֞ẇ ʼeţ־ʼe֤reẕ yaʻĕzér֙ wĕʼeţ־ʼe֣reẕ gi̇lĕʻá֔d wĕhiné֥̇h hamá̇qò֖wm mĕqò֥wm miqĕneֽh׃

2
וַיָּבֹ֥אוּ בְנֵֽי־גָ֖ד וּבְנֵ֣י רְאוּבֵ֑ן וַיֹּאמְר֤וּ אֶל־מֹשֶׁה֙ וְאֶל־אֶלְעָזָ֣ר הַכֹּהֵ֔ן וְאֶל־נְשִׂיאֵ֥י הָעֵדָ֖ה לֵאמֹֽר׃

wayá̇bò֥ʼẇ bĕnéֽy־gá֖d ẇbĕné֣y rĕʼẇbé֑n wayò̇ʼmĕr֤ẇ ʼel־mòşěh֙ wĕʼel־ʼelĕʻázá֣r hakò̇hé֔n wĕʼel־nĕşîyʼé֥y háʻédá֖h léʼmòֽr׃

3
עֲטָרֹ֤ות וְדִיבֹן֙ וְיַעְזֵ֣ר וְנִמְרָ֔ה וְחֶשְׁבֹּ֖ון וְאֶלְעָלֵ֑ה וּשְׂבָ֥ם וּנְבֹ֖ו וּבְעֹֽן׃

ʻàtárò֤wţ wĕdiybòn֙ wĕyaʻĕzé֣r wĕnimĕrá֔h wĕẖeşĕ̌bò֖̇wn wĕʼelĕʻálé֑h ẇşĕ̂bá֥m ẇnĕbò֖w ẇbĕʻòֽn׃

4
הָאָ֗רֶץ אֲשֶׁ֨ר הִכָּ֤ה יְהוָה֙ לִפְנֵי֙ עֲדַ֣ת יִשְׂרָאֵ֔ל אֶ֥רֶץ מִקְנֶ֖ה הִ֑וא וְלַֽעֲבָדֶ֖יךָ מִקְנֶֽה׃ ס

háʼá֗reẕ ʼàşě֨r hiká֤̇h yĕhwáh֙ lipĕnéy֙ ʻàda֣ţ yişĕ̂ráʼé֔l ʼe֥reẕ miqĕne֖h hi֑wʼ wĕlaֽʻàbáde֖yká miqĕneֽh׃ s

5
וַיֹּאמְר֗וּ אִם־מָצָ֤אנוּ חֵן֙ בְּעֵינֶ֔יךָ יֻתַּ֞ן אֶת־הָאָ֧רֶץ הַזֹּ֛את לַעֲבָדֶ֖יךָ לַאֲחֻזָּ֑ה אַל־תַּעֲבִרֵ֖נוּ אֶת־הַיַּרְדֵּֽן׃

wayò̇ʼmĕr֗ẇ ʼim־máẕá֤ʼnẇ ẖén֙ bĕ̇ʻéyne֔yká yuţȧ֞n ʼeţ־háʼá֧reẕ hazò֛̇ʼţ laʻàbáde֖yká laʼàẖuzá֑̇h ʼal־ţȧʻàbiré֖nẇ ʼeţ־hayȧrĕdéֽ̇n׃

6
וַיֹּ֣אמֶר מֹשֶׁ֔ה לִבְנֵי־גָ֖ד וְלִבְנֵ֣י רְאוּבֵ֑ן הַאַֽחֵיכֶ֗ם יָבֹ֨אוּ֙ לַמִּלְחָמָ֔ה וְאַתֶּ֖ם תֵּ֥שְׁבוּ פֹֽה׃

wayò֣̇ʼmer mòşě֔h libĕnéy־gá֖d wĕlibĕné֣y rĕʼẇbé֑n haʼaֽẖéyke֗m yábò֨ʼẇ֙ lami̇lĕẖámá֔h wĕʼaţė֖m ţé֥̇şĕ̌bẇ pòֽh׃

7
וְלָ֣מָּה תְנוּאוּן אֶת־לֵ֖ב בְּנֵ֣י יִשְׂרָאֵ֑ל מֵֽעֲבֹר֙ אֶל־הָאָ֔רֶץ אֲשֶׁר־נָתַ֥ן לָהֶ֖ם יְהוָֽה׃

wĕlá֣má̇h ţĕnẇʼẇn ʼeţ־lé֖b bĕ̇né֣y yişĕ̂ráʼé֑l méֽʻàbòr֙ ʼel־háʼá֔reẕ ʼàşěr־náţa֥n láhe֖m yĕhwáֽh׃

8
כֹּ֥ה עָשׂ֖וּ אֲבֹתֵיכֶ֑ם בְּשָׁלְחִ֥י אֹתָ֛ם מִקָּדֵ֥שׁ בַּרְנֵ֖עַ לִרְאֹ֥ות אֶת־הָאָֽרֶץ׃

kò֥̇h ʻáş֖̂ẇ ʼàbòţéyke֑m bĕ̇şá̌lĕẖi֥y ʼòţá֛m miqá̇dé֥ş̌ bȧrĕné֖ʻa lirĕʼò֥wţ ʼeţ־háʼáֽreẕ׃

9
וַֽיַּעֲל֞וּ עַד־נַ֣חַל אֶשְׁכֹּ֗ול וַיִּרְאוּ֙ אֶת־הָאָ֔רֶץ וַיָּנִ֕יאוּ אֶת־לֵ֖ב בְּנֵ֣י יִשְׂרָאֵ֑ל לְבִלְתִּי־בֹא֙ אֶל־הָאָ֔רֶץ אֲשֶׁר־נָתַ֥ן לָהֶ֖ם יְהוָֽה׃

waֽyȧʻàl֞ẇ ʻad־na֣ẖal ʼeşĕ̌kò̇֗wl wayi̇rĕʼẇ֙ ʼeţ־háʼá֔reẕ wayá̇ni֕yʼẇ ʼeţ־lé֖b bĕ̇né֣y yişĕ̂ráʼé֑l lĕbilĕţi̇y־bòʼ֙ ʼel־háʼá֔reẕ ʼàşěr־náţa֥n láhe֖m yĕhwáֽh׃

10
וַיִּֽחַר־אַ֥ף יְהוָ֖ה בַּיֹּ֣ום הַה֑וּא וַיִּשָּׁבַ֖ע לֵאמֹֽר׃

wayiֽ̇ẖar־ʼa֥p yĕhwá֖h bȧyò֣̇wm hah֑ẇʼ wayi̇şá̇̌ba֖ʻ léʼmòֽr׃

11
אִם־יִרְא֨וּ הָאֲנָשִׁ֜ים הָעֹלִ֣ים מִמִּצְרַ֗יִם מִבֶּ֨ן עֶשְׂרִ֤ים שָׁנָה֙ וָמַ֔עְלָה אֵ֚ת הָאֲדָמָ֔ה אֲשֶׁ֥ר נִשְׁבַּ֛עְתִּי לְאַבְרָהָ֥ם לְיִצְחָ֖ק וּֽלְיַעֲקֹ֑ב כִּ֥י לֹא־מִלְא֖וּ אַחֲרָֽי׃

ʼim־yirĕʼ֨ẇ háʼànáşǐ֜ym háʻòli֣ym mimi̇ẕĕra֗yim mibė֨n ʻeşĕ̂ri֤ym şá̌náh֙ wáma֔ʻĕláh ʼé֚ţ háʼàdámá֔h ʼàşě֥r nişĕ̌bȧ֛ʻĕţi̇y lĕʼabĕráhá֥m lĕyiẕĕẖá֖q ẇֽlĕyaʻàqò֑b ki֥̇y lòʼ־milĕʼ֖ẇ ʼaẖàráֽy׃

12
בִּלְתִּ֞י כָּלֵ֤ב בֶּן־יְפֻנֶּה֙ הַקְּנִזִּ֔י וִיהֹושֻׁ֖עַ בִּן־נ֑וּן כִּ֥י מִלְא֖וּ אַחֲרֵ֥י יְהוָֽה׃

bi̇lĕţi̇֞y ká̇lé֤b bėn־yĕpunėh֙ haqĕ̇nizi̇֔y wiyhòwşǔ֖ʻa bi̇n־n֑ẇn ki֥̇y milĕʼ֖ẇ ʼaẖàré֥y yĕhwáֽh׃

13
וַיִּֽחַר־אַ֤ף יְהוָה֙ בְּיִשְׂרָאֵ֔ל וַיְנִעֵם֙ בַּמִּדְבָּ֔ר אַרְבָּעִ֖ים שָׁנָ֑ה עַד־תֹּם֙ כָּל־הַדֹּ֔ור הָעֹשֶׂ֥ה הָרַ֖ע בְּעֵינֵ֥י יְהוָֽה׃

wayiֽ̇ẖar־ʼa֤p yĕhwáh֙ bĕ̇yişĕ̂ráʼé֔l wayĕniʻém֙ bȧmi̇dĕbá̇֔r ʼarĕbá̇ʻi֖ym şá̌ná֑h ʻad־ţò̇m֙ ká̇l־hadò̇֔wr háʻòşê֥h hára֖ʻ bĕ̇ʻéyné֥y yĕhwáֽh׃

14
וְהִנֵּ֣ה קַמְתֶּ֗ם תַּ֚חַת אֲבֹ֣תֵיכֶ֔ם תַּרְבּ֖וּת אֲנָשִׁ֣ים חַטָּאִ֑ים לִסְפֹּ֣ות עֹ֗וד עַ֛ל חֲרֹ֥ון אַף־יְהוָ֖ה אֶל־יִשְׂרָאֵֽל׃

wĕhiné֣̇h qamĕţė֗m ţȧ֚ẖaţ ʼàbò֣ţéyke֔m ţȧrĕḃ֖ẇţ ʼànáşǐ֣ym ẖatá̇ʼi֑ym lisĕpò֣̇wţ ʻò֗wd ʻa֛l ẖàrò֥wn ʼap־yĕhwá֖h ʼel־yişĕ̂ráʼéֽl׃

15
כִּ֤י תְשׁוּבֻן֙ מֵֽאַחֲרָ֔יו וְיָסַ֣ף עֹ֔וד לְהַנִּיחֹ֖ו בַּמִּדְבָּ֑ר וְשִֽׁחַתֶּ֖ם לְכָל־הָעָ֥ם הַזֶּֽה׃ ס

ki֤̇y ţĕş̌ẇbun֙ méֽʼaẖàrá֔yw wĕyása֣p ʻò֔wd lĕhani̇yẖò֖w bȧmi̇dĕbá֑̇r wĕşǐֽẖaţė֖m lĕkál־háʻá֥m hazėֽh׃ s

16
וַיִּגְּשׁ֤וּ אֵלָיו֙ וַ֣יֹּאמְר֔וּ גִּדְרֹ֥ת צֹ֛אן נִבְנֶ֥ה לְמִקְנֵ֖נוּ פֹּ֑ה וְעָרִ֖ים לְטַפֵּֽנוּ׃

wayi̇gĕ̇ş֤̌ẇ ʼéláyw֙ wa֣yò̇ʼmĕr֔ẇ gi̇dĕrò֥ţ ẕò֛ʼn nibĕne֥h lĕmiqĕné֖nẇ pò֑̇h wĕʻári֖ym lĕtapéֽ̇nẇ׃

17
וַאֲנַ֜חְנוּ נֵחָלֵ֣ץ חֻשִׁ֗ים לִפְנֵי֙ בְּנֵ֣י יִשְׂרָאֵ֔ל עַ֛ד אֲשֶׁ֥ר אִם־הֲבִֽיאֹנֻ֖ם אֶל־מְקֹומָ֑ם וְיָשַׁ֤ב טַפֵּ֨נוּ֙ בְּעָרֵ֣י הַמִּבְצָ֔ר מִפְּנֵ֖י יֹשְׁבֵ֥י הָאָֽרֶץ׃

waʼàna֜ẖĕnẇ néẖálé֣ẕ ẖuşǐ֗ym lipĕnéy֙ bĕ̇né֣y yişĕ̂ráʼé֔l ʻa֛d ʼàşě֥r ʼim־hàbiֽyʼònu֖m ʼel־mĕqòwmá֑m wĕyáşǎ֤b tapé̇֨nẇ֙ bĕ̇ʻáré֣y hami̇bĕẕá֔r mipĕ̇né֖y yòşĕ̌bé֥y háʼáֽreẕ׃

18
לֹ֥א נָשׁ֖וּב אֶל־בָּתֵּ֑ינוּ עַ֗ד הִתְנַחֵל֙ בְּנֵ֣י יִשְׂרָאֵ֔ל אִ֖ישׁ נַחֲלָתֹֽו׃

lò֥ʼ náş֖̌ẇb ʼel־bá̇ţé֑̇ynẇ ʻa֗d hiţĕnaẖél֙ bĕ̇né֣y yişĕ̂ráʼé֔l ʼi֖yş̌ naẖàláţòֽw׃

19
כִּ֣י לֹ֤א נִנְחַל֙ אִתָּ֔ם מֵעֵ֥בֶר לַיַּרְדֵּ֖ן וָהָ֑לְאָה כִּ֣י בָ֤אָה נַחֲלָתֵ֨נוּ֙ אֵלֵ֔ינוּ מֵעֵ֥בֶר הַיַּרְדֵּ֖ן מִזְרָֽחָה׃ פ

ki֣̇y lò֤ʼ ninĕẖal֙ ʼiţá̇֔m méʻé֥ber layȧrĕdé֖̇n wáhá֑lĕʼáh ki֣̇y bá֤ʼáh naẖàláţé֨nẇ֙ ʼélé֔ynẇ méʻé֥ber hayȧrĕdé֖̇n mizĕráֽẖáh׃ p

20
וַיֹּ֤אמֶר אֲלֵיהֶם֙ מֹשֶׁ֔ה אִֽם־תַּעֲשׂ֖וּן אֶת־הַדָּבָ֣ר הַזֶּ֑ה אִם־תֵּחָ֥לְצ֛וּ לִפְנֵ֥י יְהוָ֖ה לַמִּלְחָמָֽה׃

wayò֤̇ʼmer ʼàléyhem֙ mòşě֔h ʼiֽm־ţȧʻàş֖̂ẇn ʼeţ־hadá̇bá֣r hazė֑h ʼim־ţé̇ẖá֥lĕẕ֛ẇ lipĕné֥y yĕhwá֖h lami̇lĕẖámáֽh׃

21
וְעָבַ֨ר לָכֶ֧ם כָּל־חָל֛וּץ אֶת־הַיַּרְדֵּ֖ן לִפְנֵ֣י יְהוָ֑ה עַ֧ד הֹורִישֹׁ֛ו אֶת־אֹיְבָ֖יו מִפָּנָֽיו׃

wĕʻába֨r láke֧m ká̇l־ẖál֛ẇẕ ʼeţ־hayȧrĕdé֖̇n lipĕné֣y yĕhwá֑h ʻa֧d hòwriyşò֛̌w ʼeţ־ʼòyĕbá֖yw mipá̇náֽyw׃

22
וְנִכְבְּשָׁ֨ה הָאָ֜רֶץ לִפְנֵ֤י יְהוָה֙ וְאַחַ֣ר תָּשֻׁ֔בוּ וִהְיִיתֶ֧ם נְקִיִּ֛ים מֵיְהוָ֖ה וּמִיִּשְׂרָאֵ֑ל וְ֠הָיְתָה הָאָ֨רֶץ הַזֹּ֥את לָכֶ֛ם לַאֲחֻזָּ֖ה לִפְנֵ֥י יְהוָֽה׃

wĕnikĕbĕ̇şá̌֨h háʼá֜reẕ lipĕné֤y yĕhwáh֙ wĕʼaẖa֣r ţá̇şǔ֔bẇ wihĕyiyţe֧m nĕqiyi֛̇ym méyĕhwá֖h ẇmiyi̇şĕ̂ráʼé֑l wĕ֠háyĕţáh háʼá֨reẕ hazò֥̇ʼţ láke֛m laʼàẖuzá֖̇h lipĕné֥y yĕhwáֽh׃

23
וְאִם־לֹ֤א תַעֲשׂוּן֙ כֵּ֔ן הִנֵּ֥ה חֲטָאתֶ֖ם לַיהוָ֑ה וּדְעוּ֙ חַטַּאתְכֶ֔ם אֲשֶׁ֥ר תִּמְצָ֖א אֶתְכֶֽם׃

wĕʼim־lò֤ʼ ţaʻàş̂ẇn֙ ké̇֔n hiné֥̇h ẖàtáʼţe֖m layhwá֑h ẇdĕʻẇ֙ ẖatȧʼţĕke֔m ʼàşě֥r ţi̇mĕẕá֖ʼ ʼeţĕkeֽm׃

24
בְּנֽוּ־לָכֶ֤ם עָרִים֙ לְטַפְּכֶ֔ם וּגְדֵרֹ֖ת לְצֹנַאֲכֶ֑ם וְהַיֹּצֵ֥א מִפִּיכֶ֖ם תַּעֲשֽׂוּ׃

bĕ̇nֽẇ־láke֤m ʻáriym֙ lĕtapĕ̇ke֔m ẇgĕdérò֖ţ lĕẕònaʼàke֑m wĕhayò̇ẕé֥ʼ mipi̇yke֖m ţȧʻàşֽ̂ẇ׃

25
וַיֹּ֤אמֶר בְּנֵי־גָד֙ וּבְנֵ֣י רְאוּבֵ֔ן אֶל־מֹשֶׁ֖ה לֵאמֹ֑ר עֲבָדֶ֣יךָ יַעֲשׂ֔וּ כַּאֲשֶׁ֥ר אֲדֹנִ֖י מְצַוֶּֽה׃

wayò֤̇ʼmer bĕ̇néy־gád֙ ẇbĕné֣y rĕʼẇbé֔n ʼel־mòşě֖h léʼmò֑r ʻàbáde֣yká yaʻàş̂֔ẇ kȧʼàşě֥r ʼàdòni֖y mĕẕawėֽh׃

26
טַפֵּ֣נוּ נָשֵׁ֔ינוּ מִקְנֵ֖נוּ וְכָל־בְּהֶמְתֵּ֑נוּ יִֽהְיוּ־שָׁ֖ם בְּעָרֵ֥י הַגִּלְעָֽד׃

tapé֣̇nẇ náşé̌֔ynẇ miqĕné֖nẇ wĕkál־bĕ̇hemĕţé֑̇nẇ yiֽhĕyẇ־şá֖̌m bĕ̇ʻáré֥y hagi̇lĕʻáֽd׃

27
וַעֲבָדֶ֨יךָ יַֽעַבְר֜וּ כָּל־חֲל֥וּץ צָבָ֛א לִפְנֵ֥י יְהוָ֖ה לַמִּלְחָמָ֑ה כַּאֲשֶׁ֥ר אֲדֹנִ֖י דֹּבֵֽר׃

waʻàbáde֨yká yaֽʻabĕr֜ẇ ká̇l־ẖàl֥ẇẕ ẕábá֛ʼ lipĕné֥y yĕhwá֖h lami̇lĕẖámá֑h kȧʼàşě֥r ʼàdòni֖y dò̇béֽr׃

28
וַיְצַ֤ו לָהֶם֙ מֹשֶׁ֔ה אֵ֚ת אֶלְעָזָ֣ר הַכֹּהֵ֔ן וְאֵ֖ת יְהֹושֻׁ֣עַ בִּן־נ֑וּן וְאֶת־רָאשֵׁ֛י אֲבֹ֥ות הַמַּטֹּ֖ות לִבְנֵ֥י יִשְׂרָאֵֽל׃

wayĕẕa֤w láhem֙ mòşě֔h ʼé֚ţ ʼelĕʻázá֣r hakò̇hé֔n wĕʼé֖ţ yĕhòwşǔ֣ʻa bi̇n־n֑ẇn wĕʼeţ־ráʼşé֛̌y ʼàbò֥wţ hamȧtò֖̇wţ libĕné֥y yişĕ̂ráʼéֽl׃

29
וַיֹּ֨אמֶר מֹשֶׁ֜ה אֲלֵהֶ֗ם אִם־יַעַבְר֣וּ בְנֵי־גָ֣ד וּבְנֵי־רְאוּבֵ֣ן׀ אִ֠תְּכֶם אֶֽת־הַיַּרְדֵּ֞ן כָּל־חָל֤וּץ לַמִּלְחָמָה֙ לִפְנֵ֣י יְהוָ֔ה וְנִכְבְּשָׁ֥ה הָאָ֖רֶץ לִפְנֵיכֶ֑ם וּנְתַתֶּ֥ם לָהֶ֛ם אֶת־אֶ֥רֶץ הַגִּלְעָ֖ד לַאֲחֻזָּֽה׃

wayò̇֨ʼmer mòşě֜h ʼàléhe֗m ʼim־yaʻabĕr֣ẇ bĕnéy־gá֣d ẇbĕnéy־rĕʼẇbé֣n׀ ʼi֠ţĕ̇kem ʼeֽţ־hayȧrĕdé̇֞n ká̇l־ẖál֤ẇẕ lami̇lĕẖámáh֙ lipĕné֣y yĕhwá֔h wĕnikĕbĕ̇şá֥̌h háʼá֖reẕ lipĕnéyke֑m ẇnĕţaţė֥m láhe֛m ʼeţ־ʼe֥reẕ hagi̇lĕʻá֖d laʼàẖuzáֽ̇h׃

30
וְאִם־לֹ֧א יַֽעַבְר֛וּ חֲלוּצִ֖ים אִתְּכֶ֑ם וְנֹֽאחֲז֥וּ בְתֹכְכֶ֖ם בְּאֶ֥רֶץ כְּנָֽעַן׃

wĕʼim־lò֧ʼ yaֽʻabĕr֛ẇ ẖàlẇẕi֖ym ʼiţĕ̇ke֑m wĕnòֽʼẖàz֥ẇ bĕţòkĕke֖m bĕ̇ʼe֥reẕ kĕ̇náֽʻan׃

31
וַיַּֽעֲנ֧וּ בְנֵי־גָ֛ד וּבְנֵ֥י רְאוּבֵ֖ן לֵאמֹ֑ר אֵת֩ אֲשֶׁ֨ר דִּבֶּ֧ר יְהוָ֛ה אֶל־עֲבָדֶ֖יךָ כֵּ֥ן נַעֲשֶֽׂה׃

wayȧֽʻàn֧ẇ bĕnéy־gá֛d ẇbĕné֥y rĕʼẇbé֖n léʼmò֑r ʼéţ֩ ʼàşě֨r di̇bė֧r yĕhwá֛h ʼel־ʻàbáde֖yká ké֥̇n naʻàşêֽh׃

32
נַ֣חְנוּ נַעֲבֹ֧ר חֲלוּצִ֛ים לִפְנֵ֥י יְהוָ֖ה אֶ֣רֶץ כְּנָ֑עַן וְאִתָּ֨נוּ֙ אֲחֻזַּ֣ת נַחֲלָתֵ֔נוּ מֵעֵ֖בֶר לַיַּרְדֵּֽן׃

na֣ẖĕnẇ naʻàbò֧r ẖàlẇẕi֛ym lipĕné֥y yĕhwá֖h ʼe֣reẕ kĕ̇ná֑ʻan wĕʼiţá̇֨nẇ֙ ʼàẖuzȧ֣ţ naẖàláţé֔nẇ méʻé֖ber layȧrĕdéֽ̇n׃

33
וַיִּתֵּ֣ן לָהֶ֣ם׀ מֹשֶׁ֡ה לִבְנֵי־גָד֩ וְלִבְנֵ֨י רְאוּבֵ֜ן וְלַחֲצִ֣י׀ שֵׁ֣בֶט׀ מְנַשֶּׁ֣ה בֶן־יֹוסֵ֗ף אֶת־מַמְלֶ֨כֶת֙ סִיחֹן֙ מֶ֣לֶךְ הָֽאֱמֹרִ֔י וְאֶת־מַמְלֶ֔כֶת עֹ֖וג מֶ֣לֶךְ הַבָּשָׁ֑ן הָאָ֗רֶץ לְעָרֶ֨יהָ֙ בִּגְבֻלֹ֔ת עָרֵ֥י הָאָ֖רֶץ סָבִֽיב׃

wayi̇ţé֣̇n láhe֣m׀ mòşě֡h libĕnéy־gád֩ wĕlibĕné֨y rĕʼẇbé֜n wĕlaẖàẕi֣y׀ şé֣̌bet׀ mĕnaşė֣̌h ben־yòwsé֗p ʼeţ־mamĕle֨keţ֙ siyẖòn֙ me֣lekĕ háֽʼèmòri֔y wĕʼeţ־mamĕle֔keţ ʻò֖wg me֣lekĕ habá̇şá֑̌n háʼá֗reẕ lĕʻáre֨yhá֙ bi̇gĕbulò֔ţ ʻáré֥y háʼá֖reẕ sábiֽyb׃

34
וַיִּבְנ֣וּ בְנֵי־גָ֔ד אֶת־דִּיבֹ֖ן וְאֶת־עֲטָרֹ֑ת וְאֵ֖ת עֲרֹעֵֽר׃

wayi̇bĕn֣ẇ bĕnéy־gá֔d ʼeţ־di̇ybò֖n wĕʼeţ־ʻàtárò֑ţ wĕʼé֖ţ ʻàròʻéֽr׃

35
וְאֶת־עַטְרֹ֥ת שֹׁופָ֛ן וְאֶת־יַעְזֵ֖ר וְיָגְבֳּהָֽה׃

wĕʼeţ־ʻatĕrò֥ţ şò̌wpá֛n wĕʼeţ־yaʻĕzé֖r wĕyágĕbȯháֽh׃

36
וְאֶת־בֵּ֥ית נִמְרָ֖ה וְאֶת־בֵּ֣ית הָרָ֑ן עָרֵ֥י מִבְצָ֖ר וְגִדְרֹ֥ת צֹֽאן׃

wĕʼeţ־bé֥̇yţ nimĕrá֖h wĕʼeţ־bé֣̇yţ hárá֑n ʻáré֥y mibĕẕá֖r wĕgidĕrò֥ţ ẕòֽʼn׃

37
וּבְנֵ֤י רְאוּבֵן֙ בָּנ֔וּ אֶת־חֶשְׁבֹּ֖ון וְאֶת־אֶלְעָלֵ֑א וְאֵ֖ת קִרְיָתָֽיִם׃

ẇbĕné֤y rĕʼẇbén֙ bá̇n֔ẇ ʼeţ־ẖeşĕ̌bò֖̇wn wĕʼeţ־ʼelĕʻálé֑ʼ wĕʼé֖ţ qirĕyáţáֽyim׃

38
וְאֶת־נְבֹ֞ו וְאֶת־בַּ֧עַל מְעֹ֛ון מֽוּסַבֹּ֥ת שֵׁ֖ם וְאֶת־שִׂבְמָ֑ה וַיִּקְרְא֣וּ בְשֵׁמֹ֔ת אֶת־שְׁמֹ֥ות הֶעָרִ֖ים אֲשֶׁ֥ר בָּנֽוּ׃

wĕʼeţ־nĕbò֞w wĕʼeţ־bȧ֧ʻal mĕʻò֛wn mֽẇsabò֥̇ţ şé֖̌m wĕʼeţ־şîbĕmá֑h wayi̇qĕrĕʼ֣ẇ bĕşé̌mò֔ţ ʼeţ־şĕ̌mò֥wţ heʻári֖ym ʼàşě֥r bá̇nֽẇ׃

39
וַיֵּ֨לְכ֜וּ בְּנֵ֨י מָכִ֧יר בֶּן־מְנַשֶּׁ֛ה גִּלְעָ֖דָה וַֽיִּלְכְּדֻ֑הָ וַיֹּ֖ורֶשׁ אֶת־הָאֱמֹרִ֥י אֲשֶׁר־בָּֽהּ׃

wayé̇֨lĕk֜ẇ bĕ̇né֨y máki֧yr bėn־mĕnaşė֛̌h gi̇lĕʻá֖dáh waֽyi̇lĕkĕ̇du֑há wayò֖̇wreş̌ ʼeţ־háʼèmòri֥y ʼàşěr־báֽ̇ḣ׃

40
וַיִּתֵּ֤ן מֹשֶׁה֙ אֶת־הַגִּלְעָ֔ד לְמָכִ֖יר בֶּן־מְנַשֶּׁ֑ה וַיֵּ֖שֶׁב בָּֽהּ׃

wayi̇ţé֤̇n mòşěh֙ ʼeţ־hagi̇lĕʻá֔d lĕmáki֖yr bėn־mĕnaşė֑̌h wayé֖̇şěb báֽ̇ḣ׃

41
וְיָאִ֤יר בֶּן־מְנַשֶּׁה֙ הָלַ֔ךְ וַיִּלְכֹּ֖ד אֶת־חַוֹּתֵיהֶ֑ם וַיִּקְרָ֥א אֶתְהֶ֖ן חַוֹּ֥ת יָאִֽיר׃

wĕyáʼi֤yr bėn־mĕnaşė̌h֙ hála֔kĕ wayi̇lĕkò֖̇d ʼeţ־ẖawò̇ţéyhe֑m wayi̇qĕrá֥ʼ ʼeţĕhe֖n ẖawò֥̇ţ yáʼiֽyr׃

42
וְנֹ֣בַח הָלַ֔ךְ וַיִּלְכֹּ֥ד אֶת־קְנָ֖ת וְאֶת־בְּנֹתֶ֑יהָ וַיִּקְרָ֧א לָ֦ה נֹ֖בַח בִּשְׁמֹֽו׃ פ

wĕnò֣baẖ hála֔kĕ wayi̇lĕkò֥̇d ʼeţ־qĕná֖ţ wĕʼeţ־bĕ̇nòţe֑yhá wayi̇qĕrá֧ʼ lá֦h nò֖baẖ bi̇şĕ̌mòֽw׃ p