Bibles in ancient languages
Old translations
Modern translations

Biblia Hebraica Stuttgartensia Nombres 33:8

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אֵ֜לֶּה מַסְעֵ֣י בְנֵֽי־יִשְׂרָאֵ֗ל אֲשֶׁ֥ר יָצְא֛וּ מֵאֶ֥רֶץ מִצְרַ֖יִם לְצִבְאֹתָ֑ם בְּיַד־מֹשֶׁ֖ה וְאַהֲרֹֽן׃

ʼé֜lėh masĕʻé֣y bĕnéֽy־yişĕ̂ráʼé֗l ʼàşě֥r yáẕĕʼ֛ẇ méʼe֥reẕ miẕĕra֖yim lĕẕibĕʼòţá֑m bĕ̇yad־mòşě֖h wĕʼahàròֽn׃

2
וַיִּכְתֹּ֨ב מֹשֶׁ֜ה אֶת־מֹוצָאֵיהֶ֛ם לְמַסְעֵיהֶ֖ם עַל־פִּ֣י יְהוָ֑ה וְאֵ֥לֶּה מַסְעֵיהֶ֖ם לְמֹוצָאֵיהֶֽם׃

wayi̇kĕţò̇֨b mòşě֜h ʼeţ־mòwẕáʼéyhe֛m lĕmasĕʻéyhe֖m ʻal־pi֣̇y yĕhwá֑h wĕʼé֥lėh masĕʻéyhe֖m lĕmòwẕáʼéyheֽm׃

3
וַיִּסְע֤וּ מֵֽרַעְמְסֵס֙ בַּחֹ֣דֶשׁ הָרִאשֹׁ֔ון בַּחֲמִשָּׁ֥ה עָשָׂ֛ר יֹ֖ום לַחֹ֣דֶשׁ הָרִאשֹׁ֑ון מִֽמָּחֳרַ֣ת הַפֶּ֗סַח יָצְא֤וּ בְנֵֽי־יִשְׂרָאֵל֙ בְּיָ֣ד רָמָ֔ה לְעֵינֵ֖י כָּל־מִצְרָֽיִם׃

wayi̇sĕʻ֤ẇ méֽraʻĕmĕsés֙ bȧẖò֣deş̌ háriʼşò̌֔wn bȧẖàmişá֥̇̌h ʻáşá֛̂r yò֖wm laẖò֣deş̌ háriʼşò֑̌wn miֽmá̇ẖora֣ţ hapė֗saẖ yáẕĕʼ֤ẇ bĕnéֽy־yişĕ̂ráʼél֙ bĕ̇yá֣d rámá֔h lĕʻéyné֖y ká̇l־miẕĕráֽyim׃

4
וּמִצְרַ֣יִם מְקַבְּרִ֗ים אֵת֩ אֲשֶׁ֨ר הִכָּ֧ה יְהוָ֛ה בָּהֶ֖ם כָּל־בְּכֹ֑ור וּבֵאלֹ֣הֵיהֶ֔ם עָשָׂ֥ה יְהוָ֖ה שְׁפָטִֽים׃

ẇmiẕĕra֣yim mĕqabĕ̇ri֗ym ʼéţ֩ ʼàşě֨r hiká֧̇h yĕhwá֛h bá̇he֖m ká̇l־bĕ̇kò֑wr ẇbéʼlò֣héyhe֔m ʻáşá֥̂h yĕhwá֖h şĕ̌pátiֽym׃

5
וַיִּסְע֥וּ בְנֵֽי־יִשְׂרָאֵ֖ל מֵרַעְמְסֵ֑ס וַֽיַּחֲנ֖וּ בְּסֻכֹּֽת׃

wayi̇sĕʻ֥ẇ bĕnéֽy־yişĕ̂ráʼé֖l méraʻĕmĕsé֑s waֽyȧẖàn֖ẇ bĕ̇sukòֽ̇ţ׃

6
וַיִּסְע֖וּ מִסֻּכֹּ֑ת וַיַּחֲנ֣וּ בְאֵתָ֔ם אֲשֶׁ֖ר בִּקְצֵ֥ה הַמִּדְבָּֽר׃

wayi̇sĕʻ֖ẇ misu̇kò֑̇ţ wayȧẖàn֣ẇ bĕʼéţá֔m ʼàşě֖r bi̇qĕẕé֥h hami̇dĕbáֽ̇r׃

7
וַיִּסְעוּ֙ מֵֽאֵתָ֔ם וַיָּ֨שָׁב֙ עַל־פִּ֣י הַחִירֹ֔ת אֲשֶׁ֥ר עַל־פְּנֵ֖י בַּ֣עַל צְפֹ֑ון וַֽיַּחֲנ֖וּ לִפְנֵ֥י מִגְדֹּֽל׃

wayi̇sĕʻẇ֙ méֽʼéţá֔m wayá̇֨şá̌b֙ ʻal־pi֣̇y haẖiyrò֔ţ ʼàşě֥r ʻal־pĕ̇né֖y bȧ֣ʻal ẕĕpò֑wn waֽyȧẖàn֖ẇ lipĕné֥y migĕdòֽ̇l׃

8
וַיִּסְעוּ֙ מִפְּנֵ֣י הַֽחִירֹ֔ת וַיַּֽעַבְר֥וּ בְתֹוךְ־הַיָּ֖ם הַמִּדְבָּ֑רָה וַיֵּ֨לְכ֜וּ דֶּ֣רֶךְ שְׁלֹ֤שֶׁת יָמִים֙ בְּמִדְבַּ֣ר אֵתָ֔ם וַֽיַּחֲנ֖וּ בְּמָרָֽה׃

wayi̇sĕʻẇ֙ mipĕ̇né֣y haֽẖiyrò֔ţ wayȧֽʻabĕr֥ẇ bĕţòwkĕ־hayá֖̇m hami̇dĕbá֑̇ráh wayé̇֨lĕk֜ẇ dė֣rekĕ şĕ̌lò֤şěţ yámiym֙ bĕ̇midĕbȧ֣r ʼéţá֔m waֽyȧẖàn֖ẇ bĕ̇máráֽh׃

9
וַיִּסְעוּ֙ מִמָּרָ֔ה וַיָּבֹ֖אוּ אֵילִ֑מָה וּ֠בְאֵילִם שְׁתֵּ֣ים עֶשְׂרֵ֞ה עֵינֹ֥ת מַ֛יִם וְשִׁבְעִ֥ים תְּמָרִ֖ים וַיַּחֲנוּ־שָֽׁם׃

wayi̇sĕʻẇ֙ mimá̇rá֔h wayá̇bò֖ʼẇ ʼéyli֑máh ẇ֠bĕʼéylim şĕ̌ţé֣̇ym ʻeşĕ̂ré֞h ʻéynò֥ţ ma֛yim wĕşǐbĕʻi֥ym ţĕ̇mári֖ym wayȧẖànẇ־şáֽ̌m׃

10
וַיִּסְע֖וּ מֵאֵילִ֑ם וַֽיַּחֲנ֖וּ עַל־יַם־סֽוּף׃

wayi̇sĕʻ֖ẇ méʼéyli֑m waֽyȧẖàn֖ẇ ʻal־yam־sֽẇp׃

11
וַיִּסְע֖וּ מִיַּם־ס֑וּף וַֽיַּחֲנ֖וּ בְּמִדְבַּר־סִֽין׃

wayi̇sĕʻ֖ẇ miyȧm־s֑ẇp waֽyȧẖàn֖ẇ bĕ̇midĕbȧr־siֽyn׃

12
וַיִּסְע֖וּ מִמִּדְבַּר־סִ֑ין וַֽיַּחֲנ֖וּ בְּדָפְקָֽה׃

wayi̇sĕʻ֖ẇ mimi̇dĕbȧr־si֑yn waֽyȧẖàn֖ẇ bĕ̇dápĕqáֽh׃

13
וַיִּסְע֖וּ מִדָּפְקָ֑ה וַֽיַּחֲנ֖וּ בְּאָלֽוּשׁ׃

wayi̇sĕʻ֖ẇ midá̇pĕqá֑h waֽyȧẖàn֖ẇ bĕ̇ʼálֽẇş̌׃

14
וַיִּסְע֖וּ מֵאָל֑וּשׁ וַֽיַּחֲנוּ֙ בִּרְפִידִ֔ם וְלֹא־הָ֨יָה שָׁ֥ם מַ֛יִם לָעָ֖ם לִשְׁתֹּֽות׃

wayi̇sĕʻ֖ẇ méʼál֑ẇş̌ waֽyȧẖànẇ֙ bi̇rĕpiydi֔m wĕlòʼ־há֨yáh şá֥̌m ma֛yim láʻá֖m lişĕ̌ţòֽ̇wţ׃

15
וַיִּסְע֖וּ מֵרְפִידִ֑ם וַֽיַּחֲנ֖וּ בְּמִדְבַּ֥ר סִינָֽי׃

wayi̇sĕʻ֖ẇ mérĕpiydi֑m waֽyȧẖàn֖ẇ bĕ̇midĕbȧ֥r siynáֽy׃

16
וַיִּסְע֖וּ מִמִּדְבַּ֣ר סִינָ֑י וַֽיַּחֲנ֖וּ בְּקִבְרֹ֥ת הַֽתַּאֲוָֽה׃

wayi̇sĕʻ֖ẇ mimi̇dĕbȧ֣r siyná֑y waֽyȧẖàn֖ẇ bĕ̇qibĕrò֥ţ haֽţȧʼàwáֽh׃

17
וַיִּסְע֖וּ מִקִּבְרֹ֣ת הַֽתַּאֲוָ֑ה וַֽיַּחֲנ֖וּ בַּחֲצֵרֹֽת׃

wayi̇sĕʻ֖ẇ miqi̇bĕrò֣ţ haֽţȧʼàwá֑h waֽyȧẖàn֖ẇ bȧẖàẕéròֽţ׃

18
וַיִּסְע֖וּ מֵחֲצֵרֹ֑ת וַֽיַּחֲנ֖וּ בְּרִתְמָֽה׃

wayi̇sĕʻ֖ẇ méẖàẕérò֑ţ waֽyȧẖàn֖ẇ bĕ̇riţĕmáֽh׃

19
וַיִּסְע֖וּ מֵרִתְמָ֑ה וַֽיַּחֲנ֖וּ בְּרִמֹּ֥ן פָּֽרֶץ׃

wayi̇sĕʻ֖ẇ mériţĕmá֑h waֽyȧẖàn֖ẇ bĕ̇rimò֥̇n páֽ̇reẕ׃

20
וַיִּסְע֖וּ מֵרִמֹּ֣ן פָּ֑רֶץ וַֽיַּחֲנ֖וּ בְּלִבְנָֽה׃

wayi̇sĕʻ֖ẇ mérimò֣̇n pá֑̇reẕ waֽyȧẖàn֖ẇ bĕ̇libĕnáֽh׃

21
וַיִּסְע֖וּ מִלִּבְנָ֑ה וַֽיַּחֲנ֖וּ בְּרִסָּֽה׃

wayi̇sĕʻ֖ẇ mili̇bĕná֑h waֽyȧẖàn֖ẇ bĕ̇risáֽ̇h׃

22
וַיִּסְע֖וּ מֵרִסָּ֑ה וַֽיַּחֲנ֖וּ בִּקְהֵלָֽתָה׃

wayi̇sĕʻ֖ẇ mérisá֑̇h waֽyȧẖàn֖ẇ bi̇qĕhéláֽţáh׃

23
וַיִּסְע֖וּ מִקְּהֵלָ֑תָה וַֽיַּחֲנ֖וּ בְּהַר־שָֽׁפֶר׃

wayi̇sĕʻ֖ẇ miqĕ̇hélá֑ţáh waֽyȧẖàn֖ẇ bĕ̇har־şáֽ̌per׃

24
וַיִּסְע֖וּ מֵֽהַר־שָׁ֑פֶר וַֽיַּחֲנ֖וּ בַּחֲרָדָֽה׃

wayi̇sĕʻ֖ẇ méֽhar־şá֑̌per waֽyȧẖàn֖ẇ bȧẖàrádáֽh׃

25
וַיִּסְע֖וּ מֵחֲרָדָ֑ה וַֽיַּחֲנ֖וּ בְּמַקְהֵלֹֽת׃

wayi̇sĕʻ֖ẇ méẖàrádá֑h waֽyȧẖàn֖ẇ bĕ̇maqĕhélòֽţ׃

26
וַיִּסְע֖וּ מִמַּקְהֵלֹ֑ת וַֽיַּחֲנ֖וּ בְּתָֽחַת׃

wayi̇sĕʻ֖ẇ mimȧqĕhélò֑ţ waֽyȧẖàn֖ẇ bĕ̇ţáֽẖaţ׃

27
וַיִּסְע֖וּ מִתָּ֑חַת וַֽיַּחֲנ֖וּ בְּתָֽרַח׃

wayi̇sĕʻ֖ẇ miţá֑̇ẖaţ waֽyȧẖàn֖ẇ bĕ̇ţáֽraẖ׃

28
וַיִּסְע֖וּ מִתָּ֑רַח וַֽיַּחֲנ֖וּ בְּמִתְקָֽה׃

wayi̇sĕʻ֖ẇ miţá֑̇raẖ waֽyȧẖàn֖ẇ bĕ̇miţĕqáֽh׃

29
וַיִּסְע֖וּ מִמִּתְקָ֑ה וַֽיַּחֲנ֖וּ בְּחַשְׁמֹנָֽה׃

wayi̇sĕʻ֖ẇ mimi̇ţĕqá֑h waֽyȧẖàn֖ẇ bĕ̇ẖaşĕ̌mònáֽh׃

30
וַיִּסְע֖וּ מֵֽחַשְׁמֹנָ֑ה וַֽיַּחֲנ֖וּ בְּמֹסֵרֹֽות׃

wayi̇sĕʻ֖ẇ méֽẖaşĕ̌mòná֑h waֽyȧẖàn֖ẇ bĕ̇mòséròֽwţ׃

31
וַיִּסְע֖וּ מִמֹּסֵרֹ֑ות וַֽיַּחֲנ֖וּ בִּבְנֵ֥י יַעֲקָֽן׃

wayi̇sĕʻ֖ẇ mimò̇sérò֑wţ waֽyȧẖàn֖ẇ bi̇bĕné֥y yaʻàqáֽn׃

32
וַיִּסְע֖וּ מִבְּנֵ֣י יַעֲקָ֑ן וַֽיַּחֲנ֖וּ בְּחֹ֥ר הַגִּדְגָּֽד׃

wayi̇sĕʻ֖ẇ mibĕ̇né֣y yaʻàqá֑n waֽyȧẖàn֖ẇ bĕ̇ẖò֥r hagi̇dĕgáֽ̇d׃

33
וַיִּסְע֖וּ מֵחֹ֣ר הַגִּדְגָּ֑ד וַֽיַּחֲנ֖וּ בְּיָטְבָֽתָה׃

wayi̇sĕʻ֖ẇ méẖò֣r hagi̇dĕgá֑̇d waֽyȧẖàn֖ẇ bĕ̇yátĕbáֽţáh׃

34
וַיִּסְע֖וּ מִיָּטְבָ֑תָה וַֽיַּחֲנ֖וּ בְּעַבְרֹנָֽה׃

wayi̇sĕʻ֖ẇ miyá̇tĕbá֑ţáh waֽyȧẖàn֖ẇ bĕ̇ʻabĕrònáֽh׃

35
וַיִּסְע֖וּ מֵֽעַבְרֹנָ֑ה וַֽיַּחֲנ֖וּ בְּעֶצְיֹ֥ון גָּֽבֶר׃

wayi̇sĕʻ֖ẇ méֽʻabĕròná֑h waֽyȧẖàn֖ẇ bĕ̇ʻeẕĕyò֥wn gáֽ̇ber׃

36
וַיִּסְע֖וּ מֵעֶצְיֹ֣ון גָּ֑בֶר וַיַּחֲנ֥וּ בְמִדְבַּר־צִ֖ן הִ֥וא קָדֵֽשׁ׃

wayi̇sĕʻ֖ẇ méʻeẕĕyò֣wn gá֑̇ber wayȧẖàn֥ẇ bĕmidĕbȧr־ẕi֖n hi֥wʼ qádéֽş̌׃

37
וַיִּסְע֖וּ מִקָּדֵ֑שׁ וַֽיַּחֲנוּ֙ בְּהֹ֣ר הָהָ֔ר בִּקְצֵ֖ה אֶ֥רֶץ אֱדֹֽום׃

wayi̇sĕʻ֖ẇ miqá̇dé֑ş̌ waֽyȧẖànẇ֙ bĕ̇hò֣r háhá֔r bi̇qĕẕé֖h ʼe֥reẕ ʼèdòֽwm׃

38
וַיַּעַל֩ אַהֲרֹ֨ן הַכֹּהֵ֜ן אֶל־הֹ֥ר הָהָ֛ר עַל־פִּ֥י יְהוָ֖ה וַיָּ֣מָת שָׁ֑ם בִּשְׁנַ֣ת הָֽאַרְבָּעִ֗ים לְצֵ֤את בְּנֵֽי־יִשְׂרָאֵל֙ מֵאֶ֣רֶץ מִצְרַ֔יִם בַּחֹ֥דֶשׁ הַחֲמִישִׁ֖י בְּאֶחָ֥ד לַחֹֽדֶשׁ׃

wayȧʻal֩ ʼahàrò֨n hakò̇hé֜n ʼel־hò֥r háhá֛r ʻal־pi֥̇y yĕhwá֖h wayá֣̇máţ şá֑̌m bi̇şĕ̌na֣ţ háֽʼarĕbá̇ʻi֗ym lĕẕé֤ʼţ bĕ̇néֽy־yişĕ̂ráʼél֙ méʼe֣reẕ miẕĕra֔yim bȧẖò֥deş̌ haẖàmiyşǐ֖y bĕ̇ʼeẖá֥d laẖòֽdeş̌׃

39
וְאַהֲרֹ֔ן בֶּן־שָׁלֹ֧שׁ וְעֶשְׂרִ֛ים וּמְאַ֖ת שָׁנָ֑ה בְּמֹתֹ֖ו בְּהֹ֥ר הָהָֽר׃ ס

wĕʼahàrò֔n bėn־şá̌lò֧ş̌ wĕʻeşĕ̂ri֛ym ẇmĕʼa֖ţ şá̌ná֑h bĕ̇mòţò֖w bĕ̇hò֥r háháֽr׃ s

40
וַיִּשְׁמַ֗ע הַֽכְּנַעֲנִי֙ מֶ֣לֶךְ עֲרָ֔ד וְהֽוּא־יֹשֵׁ֥ב בַּנֶּ֖גֶב בְּאֶ֣רֶץ כְּנָ֑עַן בְּבֹ֖א בְּנֵ֥י יִשְׂרָאֵֽל׃

wayi̇şĕ̌ma֗ʻ haֽkĕ̇naʻàniy֙ me֣lekĕ ʻàrá֔d wĕhֽẇʼ־yòşé֥̌b bȧnė֖geb bĕ̇ʼe֣reẕ kĕ̇ná֑ʻan bĕ̇bò֖ʼ bĕ̇né֥y yişĕ̂ráʼéֽl׃

41
וַיִּסְע֖וּ מֵהֹ֣ר הָהָ֑ר וַֽיַּחֲנ֖וּ בְּצַלְמֹנָֽה׃

wayi̇sĕʻ֖ẇ méhò֣r háhá֑r waֽyȧẖàn֖ẇ bĕ̇ẕalĕmònáֽh׃

42
וַיִּסְע֖וּ מִצַּלְמֹנָ֑ה וַֽיַּחֲנ֖וּ בְּפוּנֹֽן׃

wayi̇sĕʻ֖ẇ miẕȧlĕmòná֑h waֽyȧẖàn֖ẇ bĕ̇pẇnòֽn׃

43
וַיִּסְע֖וּ מִפּוּנֹ֑ן וַֽיַּחֲנ֖וּ בְּאֹבֹֽת׃

wayi̇sĕʻ֖ẇ miṗẇnò֑n waֽyȧẖàn֖ẇ bĕ̇ʼòbòֽţ׃

44
וַיִּסְע֖וּ מֵאֹבֹ֑ת וַֽיַּחֲנ֛וּ בְּעִיֵּ֥י הָעֲבָרִ֖ים בִּגְב֥וּל מֹואָֽב׃

wayi̇sĕʻ֖ẇ méʼòbò֑ţ waֽyȧẖàn֛ẇ bĕ̇ʻiyé֥̇y háʻàbári֖ym bi̇gĕb֥ẇl mòwʼáֽb׃

45
וַיִּסְע֖וּ מֵעִיִּ֑ים וַֽיַּחֲנ֖וּ בְּדִיבֹ֥ן גָּֽד׃

wayi̇sĕʻ֖ẇ méʻiyi֑̇ym waֽyȧẖàn֖ẇ bĕ̇diybò֥n gáֽ̇d׃

46
וַיִּסְע֖וּ מִדִּיבֹ֣ן גָּ֑ד וַֽיַּחֲנ֖וּ בְּעַלְמֹ֥ן דִּבְלָתָֽיְמָה׃

wayi̇sĕʻ֖ẇ midi̇ybò֣n gá֑̇d waֽyȧẖàn֖ẇ bĕ̇ʻalĕmò֥n di̇bĕláţáֽyĕmáh׃

47
וַיִּסְע֖וּ מֵעַלְמֹ֣ן דִּבְלָתָ֑יְמָה וַֽיַּחֲנ֛וּ בְּהָרֵ֥י הָעֲבָרִ֖ים לִפְנֵ֥י נְבֹֽו׃

wayi̇sĕʻ֖ẇ méʻalĕmò֣n di̇bĕláţá֑yĕmáh waֽyȧẖàn֛ẇ bĕ̇háré֥y háʻàbári֖ym lipĕné֥y nĕbòֽw׃

48
וַיִּסְע֖וּ מֵהָרֵ֣י הָעֲבָרִ֑ים וַֽיַּחֲנוּ֙ בְּעַֽרְבֹ֣ת מֹואָ֔ב עַ֖ל יַרְדֵּ֥ן יְרֵחֹֽו׃

wayi̇sĕʻ֖ẇ méháré֣y háʻàbári֑ym waֽyȧẖànẇ֙ bĕ̇ʻaֽrĕbò֣ţ mòwʼá֔b ʻa֖l yarĕdé֥̇n yĕréẖòֽw׃

49
וַיַּחֲנ֤וּ עַל־הַיַּרְדֵּן֙ מִבֵּ֣ית הַיְשִׁמֹ֔ת עַ֖ד אָבֵ֣ל הַשִּׁטִּ֑ים בְּעַֽרְבֹ֖ת מֹואָֽב׃ ס

wayȧẖàn֤ẇ ʻal־hayȧrĕdé̇n֙ mibé֣̇yţ hayĕşǐmò֔ţ ʻa֖d ʼábé֣l haşi̇̌ti֑̇ym bĕ̇ʻaֽrĕbò֖ţ mòwʼáֽb׃ s

50
וַיְדַבֵּ֧ר יְהוָ֛ה אֶל־מֹשֶׁ֖ה בְּעַֽרְבֹ֣ת מֹואָ֑ב עַל־יַרְדֵּ֥ן יְרֵחֹ֖ו לֵאמֹֽר׃

wayĕdabé֧̇r yĕhwá֛h ʼel־mòşě֖h bĕ̇ʻaֽrĕbò֣ţ mòwʼá֑b ʻal־yarĕdé֥̇n yĕréẖò֖w léʼmòֽr׃

51
דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם כִּ֥י אַתֶּ֛ם עֹבְרִ֥ים אֶת־הַיַּרְדֵּ֖ן אֶל־אֶ֥רֶץ כְּנָֽעַן׃

dȧbé̇r֙ ʼel־bĕ̇né֣y yişĕ̂ráʼé֔l wĕʼámarĕţá֖̇ ʼàléhe֑m ki֥̇y ʼaţė֛m ʻòbĕri֥ym ʼeţ־hayȧrĕdé֖̇n ʼel־ʼe֥reẕ kĕ̇náֽʻan׃

52
וְהֹ֨ורַשְׁתֶּ֜ם אֶת־כָּל־יֹשְׁבֵ֤י הָאָ֨רֶץ֙ מִפְּנֵיכֶ֔ם וְאִ֨בַּדְתֶּ֔ם אֵ֖ת כָּל־מַשְׂכִּיֹּתָ֑ם וְאֵ֨ת כָּל־צַלְמֵ֤י מַסֵּֽכֹתָם֙ תְּאַבֵּ֔דוּ וְאֵ֥ת כָּל־בָּמֹתָ֖ם תַּשְׁמִֽידוּ׃

wĕhò֨wraşĕ̌ţė֜m ʼeţ־ká̇l־yòşĕ̌bé֤y háʼá֨reẕ֙ mipĕ̇néyke֔m wĕʼi֨bȧdĕţė֔m ʼé֖ţ ká̇l־maşĕ̂ki̇yò̇ţá֑m wĕʼé֨ţ ká̇l־ẕalĕmé֤y maséֽ̇kòţám֙ ţĕ̇ʼabé̇֔dẇ wĕʼé֥ţ ká̇l־bá̇mòţá֖m ţȧşĕ̌miֽydẇ׃

53
וְהֹורַשְׁתֶּ֥ם אֶת־הָאָ֖רֶץ וִֽישַׁבְתֶּם־בָּ֑הּ כִּ֥י לָכֶ֛ם נָתַ֥תִּי אֶת־הָאָ֖רֶץ לָרֶ֥שֶׁת אֹתָֽהּ׃

wĕhòwraşĕ̌ţė֥m ʼeţ־háʼá֖reẕ wiֽyşǎbĕţėm־bá֑̇ḣ ki֥̇y láke֛m náţa֥ţi̇y ʼeţ־háʼá֖reẕ láre֥şěţ ʼòţáֽḣ׃

54
וְהִתְנַחַלְתֶּם֩ אֶת־הָאָ֨רֶץ בְּגֹורָ֜ל לְמִשְׁפְּחֹֽתֵיכֶ֗ם לָרַ֞ב תַּרְבּ֤וּ אֶת־נַחֲלָתֹו֙ וְלַמְעַט֙ תַּמְעִ֣יט אֶת־נַחֲלָתֹ֔ו אֶל֩ אֲשֶׁר־יֵ֨צֵא לֹ֥ו שָׁ֛מָּה הַגֹּורָ֖ל לֹ֣ו יִהְיֶ֑ה לְמַטֹּ֥ות אֲבֹתֵיכֶ֖ם תִּתְנֶחָֽלוּ׃

wĕhiţĕnaẖalĕţėm֩ ʼeţ־háʼá֨reẕ bĕ̇gòwrá֜l lĕmişĕ̌pĕ̇ẖòֽţéyke֗m lára֞b ţȧrĕḃ֤ẇ ʼeţ־naẖàláţòw֙ wĕlamĕʻat֙ ţȧmĕʻi֣yt ʼeţ־naẖàláţò֔w ʼel֩ ʼàşěr־yé֨ẕéʼ lò֥w şá֛̌má̇h hagò̇wrá֖l lò֣w yihĕye֑h lĕmatò֥̇wţ ʼàbòţéyke֖m ţi̇ţĕneẖáֽlẇ׃

55
וְאִם־לֹ֨א תֹורִ֜ישׁוּ אֶת־יֹשְׁבֵ֣י הָאָרֶץ֮ מִפְּנֵיכֶם֒ וְהָיָה֙ אֲשֶׁ֣ר תֹּותִ֣ירוּ מֵהֶ֔ם לְשִׂכִּים֙ בְּעֵ֣ינֵיכֶ֔ם וְלִצְנִינִ֖ם בְּצִדֵּיכֶ֑ם וְצָרֲר֣וּ אֶתְכֶ֔ם עַל־הָאָ֕רֶץ אֲשֶׁ֥ר אַתֶּ֖ם יֹשְׁבִ֥ים בָּֽהּ׃

wĕʼim־lò֨ʼ ţòwri֜yş̌ẇ ʼeţ־yòşĕ̌bé֣y háʼáreẕ֮ mipĕ̇néykem֒ wĕháyáh֙ ʼàşě֣r ţò̇wţi֣yrẇ méhe֔m lĕşîki̇ym֙ bĕ̇ʻé֣ynéyke֔m wĕliẕĕniyni֖m bĕ̇ẕidé̇yke֑m wĕẕáràr֣ẇ ʼeţĕke֔m ʻal־háʼá֕reẕ ʼàşě֥r ʼaţė֖m yòşĕ̌bi֥ym báֽ̇ḣ׃

56
וְהָיָ֗ה כַּאֲשֶׁ֥ר דִּמִּ֛יתִי לַעֲשֹׂ֥ות לָהֶ֖ם אֶֽעֱשֶׂ֥ה לָכֶֽם׃ פ

wĕháyá֗h kȧʼàşě֥r di̇mi֛̇yţiy laʻàşò֥̂wţ láhe֖m ʼeֽʻèşê֥h lákeֽm׃ p