Bibles in ancient languages
Old translations
Modern translations

Biblia Hebraica Stuttgartensia Nombres 6:14

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אִ֣ישׁ אֹֽו־אִשָּׁ֗ה כִּ֤י יַפְלִא֙ לִנְדֹּר֙ נֶ֣דֶר נָזִ֔יר לְהַזִּ֖יר לַֽיהוָֽה׃

dȧbé̇r֙ ʼel־bĕ̇né֣y yişĕ̂ráʼé֔l wĕʼámarĕţá֖̇ ʼàléhe֑m ʼi֣yş̌ ʼòֽw־ʼişá̇̌֗h ki֤̇y yapĕliʼ֙ linĕdò̇r֙ ne֣der názi֔yr lĕhazi֖̇yr laֽyhwáֽh׃

3
מִיַּ֤יִן וְשֵׁכָר֙ יַזִּ֔יר חֹ֥מֶץ יַ֛יִן וְחֹ֥מֶץ שֵׁכָ֖ר לֹ֣א יִשְׁתֶּ֑ה וְכָל־מִשְׁרַ֤ת עֲנָבִים֙ לֹ֣א יִשְׁתֶּ֔ה וַעֲנָבִ֛ים לַחִ֥ים וִיבֵשִׁ֖ים לֹ֥א יֹאכֵֽל׃

miyȧ֤yin wĕşé̌kár֙ yazi̇֔yr ẖò֥meẕ ya֛yin wĕẖò֥meẕ şé̌ká֖r lò֣ʼ yişĕ̌ţė֑h wĕkál־mişĕ̌ra֤ţ ʻànábiym֙ lò֣ʼ yişĕ̌ţė֔h waʻànábi֛ym laẖi֥ym wiybéşǐ֖ym lò֥ʼ yòʼkéֽl׃

4
כֹּ֖ל יְמֵ֣י נִזְרֹ֑ו מִכֹּל֩ אֲשֶׁ֨ר יֵעָשֶׂ֜ה מִגֶּ֣פֶן הַיַּ֗יִן מֵחַרְצַנִּ֛ים וְעַד־זָ֖ג לֹ֥א יֹאכֵֽל׃

kò֖̇l yĕmé֣y nizĕrò֑w mikò̇l֩ ʼàşě֨r yéʻáşê֜h migė֣pen hayȧ֗yin méẖarĕẕani֛̇ym wĕʻad־zá֖g lò֥ʼ yòʼkéֽl׃

5
כָּל־יְמֵי֙ נֶ֣דֶר נִזְרֹ֔ו תַּ֖עַר לֹא־יַעֲבֹ֣ר עַל־רֹאשֹׁ֑ו עַד־מְלֹ֨את הַיָּמִ֜ם אֲשֶׁר־יַזִּ֤יר לַיהוָה֙ קָדֹ֣שׁ יִהְיֶ֔ה גַּדֵּ֥ל פֶּ֖רַע שְׂעַ֥ר רֹאשֹֽׁו׃

ká̇l־yĕméy֙ ne֣der nizĕrò֔w ţȧ֖ʻar lòʼ־yaʻàbò֣r ʻal־ròʼşò֑̌w ʻad־mĕlò֨ʼţ hayá̇mi֜m ʼàşěr־yazi֤̇yr layhwáh֙ qádò֣ş̌ yihĕye֔h gȧdé֥̇l pė֖raʻ şĕ̂ʻa֥r ròʼşòֽ̌w׃

6
כָּל־יְמֵ֥י הַזִּירֹ֖ו לַיהוָ֑ה עַל־נֶ֥פֶשׁ מֵ֖ת לֹ֥א יָבֹֽא׃

ká̇l־yĕmé֥y hazi̇yrò֖w layhwá֑h ʻal־ne֥peş̌ mé֖ţ lò֥ʼ yábòֽʼ׃

7
לְאָבִ֣יו וּלְאִמֹּ֗ו לְאָחִיו֙ וּלְאַ֣חֹתֹ֔ו לֹא־יִטַּמָּ֥א לָהֶ֖ם בְּמֹתָ֑ם כִּ֛י נֵ֥זֶר אֱלֹהָ֖יו עַל־רֹאשֹֽׁו׃

lĕʼábi֣yw ẇlĕʼimò̇֗w lĕʼáẖiyw֙ ẇlĕʼa֣ẖòţò֔w lòʼ־yitȧmá֥̇ʼ láhe֖m bĕ̇mòţá֑m ki֛̇y né֥zer ʼèlòhá֖yw ʻal־ròʼşòֽ̌w׃

8
כֹּ֖ל יְמֵ֣י נִזְרֹ֑ו קָדֹ֥שׁ ה֖וּא לַֽיהוָֽה׃

kò֖̇l yĕmé֣y nizĕrò֑w qádò֥ş̌ h֖ẇʼ laֽyhwáֽh׃

9
וְכִֽי־יָמ֨וּת מֵ֤ת עָלָיו֙ בְּפֶ֣תַע פִּתְאֹ֔ם וְטִמֵּ֖א רֹ֣אשׁ נִזְרֹ֑ו וְגִלַּ֤ח רֹאשֹׁו֙ בְּיֹ֣ום טָהֳרָתֹ֔ו בַּיֹּ֥ום הַשְּׁבִיעִ֖י יְגַלְּחֶֽנּוּ׃

wĕkiֽy־yám֨ẇţ mé֤ţ ʻáláyw֙ bĕ̇pe֣ţaʻ pi̇ţĕʼò֔m wĕtimé֖̇ʼ rò֣ʼş̌ nizĕrò֑w wĕgilȧ֤ẖ ròʼşò̌w֙ bĕ̇yò֣wm táhoráţò֔w bȧyò֥̇wm haşĕ̇̌biyʻi֖y yĕgalĕ̇ẖeֽṅẇ׃

10
וּבַיֹּ֣ום הַשְּׁמִינִ֗י יָבִא֙ שְׁתֵּ֣י תֹרִ֔ים אֹ֥ו שְׁנֵ֖י בְּנֵ֣י יֹונָ֑ה אֶל־הַכֹּהֵ֔ן אֶל־פֶּ֖תַח אֹ֥הֶל מֹועֵֽד׃

ẇbayò֣̇wm haşĕ̇̌miyni֗y yábiʼ֙ şĕ̌ţé֣̇y ţòri֔ym ʼò֥w şĕ̌né֖y bĕ̇né֣y yòwná֑h ʼel־hakò̇hé֔n ʼel־pė֖ţaẖ ʼò֥hel mòwʻéֽd׃

11
וְעָשָׂ֣ה הַכֹּהֵ֗ן אֶחָ֤ד לְחַטָּאת֙ וְאֶחָ֣ד לְעֹלָ֔ה וְכִפֶּ֣ר עָלָ֔יו מֵאֲשֶׁ֥ר חָטָ֖א עַל־הַנָּ֑פֶשׁ וְקִדַּ֥שׁ אֶת־רֹאשֹׁ֖ו בַּיֹּ֥ום הַהֽוּא׃

wĕʻáşá֣̂h hakò̇hé֗n ʼeẖá֤d lĕẖatá̇ʼţ֙ wĕʼeẖá֣d lĕʻòlá֔h wĕkipė֣r ʻálá֔yw méʼàşě֥r ẖátá֖ʼ ʻal־haná֑̇peş̌ wĕqidȧ֥ş̌ ʼeţ־ròʼşò֖̌w bȧyò֥̇wm hahֽẇʼ׃

12
וְהִזִּ֤יר לַֽיהוָה֙ אֶת־יְמֵ֣י נִזְרֹ֔ו וְהֵבִ֛יא כֶּ֥בֶשׂ בֶּן־שְׁנָתֹ֖ו לְאָשָׁ֑ם וְהַיָּמִ֤ים הָרִאשֹׁנִים֙ יִפְּל֔וּ כִּ֥י טָמֵ֖א נִזְרֹֽו׃

wĕhizi֤̇yr laֽyhwáh֙ ʼeţ־yĕmé֣y nizĕrò֔w wĕhébi֛yʼ kė֥beş̂ bėn־şĕ̌náţò֖w lĕʼáşá֑̌m wĕhayá̇mi֤ym háriʼşò̌niym֙ yipĕ̇l֔ẇ ki֥̇y támé֖ʼ nizĕròֽw׃

13
וְזֹ֥את תֹּורַ֖ת הַנָּזִ֑יר בְּיֹ֗ום מְלֹאת֙ יְמֵ֣י נִזְרֹ֔ו יָבִ֣יא אֹתֹ֔ו אֶל־פֶּ֖תַח אֹ֥הֶל מֹועֵֽד׃

wĕzò֥ʼţ ţò̇wra֖ţ haná̇zi֑yr bĕ̇yò֗wm mĕlòʼţ֙ yĕmé֣y nizĕrò֔w yábi֣yʼ ʼòţò֔w ʼel־pė֖ţaẖ ʼò֥hel mòwʻéֽd׃

14
וְהִקְרִ֣יב אֶת־קָרְבָּנֹ֣ו לַיהוָ֡ה כֶּבֶשׂ֩ בֶּן־שְׁנָתֹ֨ו תָמִ֤ים אֶחָד֙ לְעֹלָ֔ה וְכַבְשָׂ֨ה אַחַ֧ת בַּת־שְׁנָתָ֛הּ תְּמִימָ֖ה לְחַטָּ֑את וְאַֽיִל־אֶחָ֥ד תָּמִ֖ים לִשְׁלָמִֽים׃

wĕhiqĕri֣yb ʼeţ־qárĕbá̇nò֣w layhwá֡h kėbeş̂֩ bėn־şĕ̌náţò֨w ţámi֤ym ʼeẖád֙ lĕʻòlá֔h wĕkabĕşá̂֨h ʼaẖa֧ţ bȧţ־şĕ̌náţá֛ḣ ţĕ̇miymá֖h lĕẖatá֑̇ʼţ wĕʼaֽyil־ʼeẖá֥d ţá̇mi֖ym lişĕ̌lámiֽym׃

15
וְסַ֣ל מַצֹּ֗ות סֹ֤לֶת חַלֹּת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצֹּ֖ות מְשֻׁחִ֣ים בַּשָּׁ֑מֶן וּמִנְחָתָ֖ם וְנִסְכֵּיהֶֽם׃

wĕsa֣l maẕò̇֗wţ sò֤leţ ẖalò̇ţ֙ bĕ̇lẇlò֣ţ bȧşė̌֔men ẇrĕqiyqé֥y maẕò֖̇wţ mĕşǔẖi֣ym bȧşá֑̇̌men ẇminĕẖáţá֖m wĕnisĕké̇yheֽm׃

16
וְהִקְרִ֥יב הַכֹּהֵ֖ן לִפְנֵ֣י יְהוָ֑ה וְעָשָׂ֥ה אֶת־חַטָּאתֹ֖ו וְאֶת־עֹלָתֹֽו׃

wĕhiqĕri֥yb hakò̇hé֖n lipĕné֣y yĕhwá֑h wĕʻáşá֥̂h ʼeţ־ẖatá̇ʼţò֖w wĕʼeţ־ʻòláţòֽw׃

17
וְאֶת־הָאַ֜יִל יַעֲשֶׂ֨ה זֶ֤בַח שְׁלָמִים֙ לַֽיהוָ֔ה עַ֖ל סַ֣ל הַמַּצֹּ֑ות וְעָשָׂה֙ הַכֹּהֵ֔ן אֶת־מִנְחָתֹ֖ו וְאֶת־נִסְכֹּֽו׃

wĕʼeţ־háʼa֜yil yaʻàşê֨h ze֤baẖ şĕ̌lámiym֙ laֽyhwá֔h ʻa֖l sa֣l hamȧẕò֑̇wţ wĕʻáşá̂h֙ hakò̇hé֔n ʼeţ־minĕẖáţò֖w wĕʼeţ־nisĕkòֽ̇w׃

18
וְגִלַּ֣ח הַנָּזִ֗יר פֶּ֛תַח אֹ֥הֶל מֹועֵ֖ד אֶת־רֹ֣אשׁ נִזְרֹ֑ו וְלָקַ֗ח אֶת־שְׂעַר֙ רֹ֣אשׁ נִזְרֹ֔ו וְנָתַן֙ עַל־הָאֵ֔שׁ אֲשֶׁר־תַּ֖חַת זֶ֥בַח הַשְּׁלָמִֽים׃

wĕgilȧ֣ẖ haná̇zi֗yr pė֛ţaẖ ʼò֥hel mòwʻé֖d ʼeţ־rò֣ʼş̌ nizĕrò֑w wĕláqa֗ẖ ʼeţ־şĕ̂ʻar֙ rò֣ʼş̌ nizĕrò֔w wĕnáţan֙ ʻal־háʼé֔ş̌ ʼàşěr־ţȧ֖ẖaţ ze֥baẖ haşĕ̇̌lámiֽym׃

19
וְלָקַ֨ח הַכֹּהֵ֜ן אֶת־הַזְּרֹ֣עַ בְּשֵׁלָה֮ מִן־הָאַיִל֒ וְֽחַלַּ֨ת מַצָּ֤ה אַחַת֙ מִן־הַסַּ֔ל וּרְקִ֥יק מַצָּ֖ה אֶחָ֑ד וְנָתַן֙ עַל־כַּפֵּ֣י הַנָּזִ֔יר אַחַ֖ר הִֽתְגַּלְּחֹ֥ו אֶת־נִזְרֹֽו׃

wĕláqa֨ẖ hakò̇hé֜n ʼeţ־hazĕ̇rò֣ʻa bĕ̇şé̌láh֮ min־háʼayil֒ wĕֽẖalȧ֨ţ maẕá֤̇h ʼaẖaţ֙ min־hasȧ֔l ẇrĕqi֥yq maẕá֖̇h ʼeẖá֑d wĕnáţan֙ ʻal־kȧpé֣̇y haná̇zi֔yr ʼaẖa֖r hiֽţĕgȧlĕ̇ẖò֥w ʼeţ־nizĕròֽw׃

20
וְהֵנִיף֩ אֹותָ֨ם הַכֹּהֵ֥ן׀ תְּנוּפָה֮ לִפְנֵ֣י יְהוָה֒ קֹ֤דֶשׁ הוּא֙ לַכֹּהֵ֔ן עַ֚ל חֲזֵ֣ה הַתְּנוּפָ֔ה וְעַ֖ל שֹׁ֣וק הַתְּרוּמָ֑ה וְאַחַ֛ר יִשְׁתֶּ֥ה הַנָּזִ֖יר יָֽיִן׃

wĕhéniyp֩ ʼòwţá֨m hakò̇hé֥n׀ ţĕ̇nẇpáh֮ lipĕné֣y yĕhwáh֒ qò֤deş̌ hẇʼ֙ lakò̇hé֔n ʻa֚l ẖàzé֣h haţĕ̇nẇpá֔h wĕʻa֖l şò֣̌wq haţĕ̇rẇmá֑h wĕʼaẖa֛r yişĕ̌ţė֥h haná̇zi֖yr yáֽyin׃

21
זֹ֣את תֹּורַ֣ת הַנָּזִיר֮ אֲשֶׁ֣ר יִדֹּר֒ קָרְבָּנֹ֤ו לַֽיהוָה֙ עַל־נִזְרֹ֔ו מִלְּבַ֖ד אֲשֶׁר־תַּשִּׂ֣יג יָדֹ֑ו כְּפִ֤י נִדְרֹו֙ אֲשֶׁ֣ר יִדֹּ֔ר כֵּ֣ן יַעֲשֶׂ֔ה עַ֖ל תֹּורַ֥ת נִזְרֹֽו׃ פ

zò֣ʼţ ţò̇wra֣ţ haná̇ziyr֮ ʼàşě֣r yidò̇r֒ qárĕbá̇nò֤w laֽyhwáh֙ ʻal־nizĕrò֔w milĕ̇ba֖d ʼàşěr־ţȧşi֣̇̂yg yádò֑w kĕ̇pi֤y nidĕròw֙ ʼàşě֣r yidò̇֔r ké֣̇n yaʻàşê֔h ʻa֖l ţò̇wra֥ţ nizĕròֽw׃ p

22
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

23
דַּבֵּ֤ר אֶֽל־אַהֲרֹן֙ וְאֶל־בָּנָ֣יו לֵאמֹ֔ר כֹּ֥ה תְבָרֲכ֖וּ אֶת־בְּנֵ֣י יִשְׂרָאֵ֑ל אָמֹ֖ור לָהֶֽם׃ ס

dȧbé֤̇r ʼeֽl־ʼahàròn֙ wĕʼel־bá̇ná֣yw léʼmò֔r kò֥̇h ţĕbáràk֖ẇ ʼeţ־bĕ̇né֣y yişĕ̂ráʼé֑l ʼámò֖wr láheֽm׃ s

24
יְבָרֶכְךָ֥ יְהוָ֖ה וְיִשְׁמְרֶֽךָ׃ ס

yĕbárekĕká֥ yĕhwá֖h wĕyişĕ̌mĕreֽká׃ s

25
יָאֵ֨ר יְהוָ֧ה׀ פָּנָ֛יו אֵלֶ֖יךָ וִֽיחֻנֶּֽךָּ׃ ס

yáʼé֨r yĕhwá֧h׀ pá̇ná֛yw ʼéle֖yká wiֽyẖunėֽká̇׃ s

26
יִשָּׂ֨א יְהוָ֤ה׀ פָּנָיו֙ אֵלֶ֔יךָ וְיָשֵׂ֥ם לְךָ֖ שָׁלֹֽום׃ ס

yişá̇̂֨ʼ yĕhwá֤h׀ pá̇náyw֙ ʼéle֔yká wĕyáşé֥̂m lĕká֖ şá̌lòֽwm׃ s

27
וְשָׂמ֥וּ אֶת־שְׁמִ֖י עַל־בְּנֵ֣י יִשְׂרָאֵ֑ל וַאֲנִ֖י אֲבָרֲכֵֽם׃ פ

wĕşá̂m֥ẇ ʼeţ־şĕ̌mi֖y ʻal־bĕ̇né֣y yişĕ̂ráʼé֑l waʼàni֖y ʼàbáràkéֽm׃ p