Bibles in ancient languages
Old translations
Modern translations

Biblia Hebraica Stuttgartensia Nombres 8:10

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
דַּבֵּר֙ אֶֽל־אַהֲרֹ֔ן וְאָמַרְתָּ֖ אֵלָ֑יו בְּהַעֲלֹֽתְךָ֙ אֶת־הַנֵּרֹ֔ת אֶל־מוּל֙ פְּנֵ֣י הַמְּנֹורָ֔ה יָאִ֖ירוּ שִׁבְעַ֥ת הַנֵּרֹֽות׃

dȧbé̇r֙ ʼeֽl־ʼahàrò֔n wĕʼámarĕţá֖̇ ʼélá֑yw bĕ̇haʻàlòֽţĕká֙ ʼeţ־hané̇rò֔ţ ʼel־mẇl֙ pĕ̇né֣y hamĕ̇nòwrá֔h yáʼi֖yrẇ şǐbĕʻa֥ţ hané̇ròֽwţ׃

3
וַיַּ֤עַשׂ כֵּן֙ אַהֲרֹ֔ן אֶל־מוּל֙ פְּנֵ֣י הַמְּנֹורָ֔ה הֶעֱלָ֖ה נֵרֹתֶ֑יהָ כַּֽאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

wayȧ֤ʻaş̂ ké̇n֙ ʼahàrò֔n ʼel־mẇl֙ pĕ̇né֣y hamĕ̇nòwrá֔h heʻèlá֖h néròţe֑yhá kȧֽʼàşě֛r ẕiwá֥̇h yĕhwá֖h ʼeţ־mòşěֽh׃

4
וְזֶ֨ה מַעֲשֵׂ֤ה הַמְּנֹרָה֙ מִקְשָׁ֣ה זָהָ֔ב עַד־יְרֵכָ֥הּ עַד־פִּרְחָ֖הּ מִקְשָׁ֣ה הִ֑וא כַּמַּרְאֶ֗ה אֲשֶׁ֨ר הֶרְאָ֤ה יְהוָה֙ אֶת־מֹשֶׁ֔ה כֵּ֥ן עָשָׂ֖ה אֶת־הַמְּנֹרָֽה׃ פ

wĕze֨h maʻàşé֤̂h hamĕ̇nòráh֙ miqĕşá֣̌h záhá֔b ʻad־yĕréká֥ḣ ʻad־pi̇rĕẖá֖ḣ miqĕşá֣̌h hi֑wʼ kȧmȧrĕʼe֗h ʼàşě֨r herĕʼá֤h yĕhwáh֙ ʼeţ־mòşě֔h ké֥̇n ʻáşá֖̂h ʼeţ־hamĕ̇nòráֽh׃ p

5
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

6
קַ֚ח אֶת־הַלְוִיִּ֔ם מִתֹּ֖וךְ בְּנֵ֣י יִשְׂרָאֵ֑ל וְטִהַרְתָּ֖ אֹתָֽם׃

qa֚ẖ ʼeţ־halĕwiyi̇֔m miţò֖̇wkĕ bĕ̇né֣y yişĕ̂ráʼé֑l wĕtiharĕţá֖̇ ʼòţáֽm׃

7
וְכֹֽה־תַעֲשֶׂ֤ה לָהֶם֙ לְטַֽהֲרָ֔ם הַזֵּ֥ה עֲלֵיהֶ֖ם מֵ֣י חַטָּ֑את וְהֶעֱבִ֤ירוּ תַ֨עַר֙ עַל־כָּל־בְּשָׂרָ֔ם וְכִבְּס֥וּ בִגְדֵיהֶ֖ם וְהִטֶּהָֽרוּ׃

wĕkòֽh־ţaʻàşê֤h láhem֙ lĕtaֽhàrá֔m hazé֥̇h ʻàléyhe֖m mé֣y ẖatá֑̇ʼţ wĕheʻèbi֤yrẇ ţa֨ʻar֙ ʻal־ká̇l־bĕ̇şá̂rá֔m wĕkibĕ̇s֥ẇ bigĕdéyhe֖m wĕhitėháֽrẇ׃

8
וְלָֽקְחוּ֙ פַּ֣ר בֶּן־בָּקָ֔ר וּמִנְחָתֹ֔ו סֹ֖לֶת בְּלוּלָ֣ה בַשָּׁ֑מֶן וּפַר־שֵׁנִ֥י בֶן־בָּקָ֖ר תִּקַּ֥ח לְחַטָּֽאת׃

wĕláֽqĕẖẇ֙ pȧ֣r bėn־bá̇qá֔r ẇminĕẖáţò֔w sò֖leţ bĕ̇lẇlá֣h başá֑̇̌men ẇpar־şé̌ni֥y ben־bá̇qá֖r ţi̇qȧ֥ẖ lĕẖatáֽ̇ʼţ׃

9
וְהִקְרַבְתָּ֙ אֶת־הַלְוִיִּ֔ם לִפְנֵ֖י אֹ֣הֶל מֹועֵ֑ד וְהִ֨קְהַלְתָּ֔ אֶֽת־כָּל־עֲדַ֖ת בְּנֵ֥י יִשְׂרָאֵֽל׃

wĕhiqĕrabĕţá̇֙ ʼeţ־halĕwiyi̇֔m lipĕné֖y ʼò֣hel mòwʻé֑d wĕhi֨qĕhalĕţá̇֔ ʼeֽţ־ká̇l־ʻàda֖ţ bĕ̇né֥y yişĕ̂ráʼéֽl׃

10
וְהִקְרַבְתָּ֥ אֶת־הַלְוִיִּ֖ם לִפְנֵ֣י יְהוָ֑ה וְסָמְכ֧וּ בְנֵי־יִשְׂרָאֵ֛ל אֶת־יְדֵיהֶ֖ם עַל־הַלְוִיִּֽם׃

wĕhiqĕrabĕţá֥̇ ʼeţ־halĕwiyi֖̇m lipĕné֣y yĕhwá֑h wĕsámĕk֧ẇ bĕnéy־yişĕ̂ráʼé֛l ʼeţ־yĕdéyhe֖m ʻal־halĕwiyiֽ̇m׃

11
וְהֵנִיף֩ אַהֲרֹ֨ן אֶת־הַלְוִיִּ֤ם תְּנוּפָה֙ לִפְנֵ֣י יְהוָ֔ה מֵאֵ֖ת בְּנֵ֣י יִשְׂרָאֵ֑ל וְהָי֕וּ לַעֲבֹ֖ד אֶת־עֲבֹדַ֥ת יְהוָֽה׃

wĕhéniyp֩ ʼahàrò֨n ʼeţ־halĕwiyi֤̇m ţĕ̇nẇpáh֙ lipĕné֣y yĕhwá֔h méʼé֖ţ bĕ̇né֣y yişĕ̂ráʼé֑l wĕháy֕ẇ laʻàbò֖d ʼeţ־ʻàbòda֥ţ yĕhwáֽh׃

12
וְהַלְוִיִּם֙ יִסְמְכ֣וּ אֶת־יְדֵיהֶ֔ם עַ֖ל רֹ֣אשׁ הַפָּרִ֑ים וַ֠עֲשֵׂה אֶת־הָאֶחָ֨ד חַטָּ֜את וְאֶת־הָאֶחָ֤ד עֹלָה֙ לַֽיהוָ֔ה לְכַפֵּ֖ר עַל־הַלְוִיִּֽם׃

wĕhalĕwiyi̇m֙ yisĕmĕk֣ẇ ʼeţ־yĕdéyhe֔m ʻa֖l rò֣ʼş̌ hapá̇ri֑ym wa֠ʻàşé̂h ʼeţ־háʼeẖá֨d ẖatá̇֜ʼţ wĕʼeţ־háʼeẖá֤d ʻòláh֙ laֽyhwá֔h lĕkapé֖̇r ʻal־halĕwiyiֽ̇m׃

13
וְהַֽעֲמַדְתָּ֙ אֶת־הַלְוִיִּ֔ם לִפְנֵ֥י אַהֲרֹ֖ן וְלִפְנֵ֣י בָנָ֑יו וְהֵנַפְתָּ֥ אֹתָ֛ם תְּנוּפָ֖ה לַֽיהוָֽה׃

wĕhaֽʻàmadĕţá̇֙ ʼeţ־halĕwiyi̇֔m lipĕné֥y ʼahàrò֖n wĕlipĕné֣y báná֑yw wĕhénapĕţá֥̇ ʼòţá֛m ţĕ̇nẇpá֖h laֽyhwáֽh׃

14
וְהִבְדַּלְתָּ֙ אֶת־הַלְוִיִּ֔ם מִתֹּ֖וךְ בְּנֵ֣י יִשְׂרָאֵ֑ל וְהָ֥יוּ לִ֖י הַלְוִיִּֽם׃

wĕhibĕdȧlĕţá̇֙ ʼeţ־halĕwiyi̇֔m miţò֖̇wkĕ bĕ̇né֣y yişĕ̂ráʼé֑l wĕhá֥yẇ li֖y halĕwiyiֽ̇m׃

15
וְאַֽחֲרֵי־כֵן֙ יָבֹ֣אוּ הַלְוִיִּ֔ם לַעֲבֹ֖ד אֶת־אֹ֣הֶל מֹועֵ֑ד וְטִֽהַרְתָּ֣ אֹתָ֔ם וְהֵנַפְתָּ֥ אֹתָ֖ם תְּנוּפָֽה׃

wĕʼaֽẖàréy־kén֙ yábò֣ʼẇ halĕwiyi̇֔m laʻàbò֖d ʼeţ־ʼò֣hel mòwʻé֑d wĕtiֽharĕţá֣̇ ʼòţá֔m wĕhénapĕţá֥̇ ʼòţá֖m ţĕ̇nẇpáֽh׃

16
כִּי֩ נְתֻנִ֨ים נְתֻנִ֥ים הֵ֨מָּה֙ לִ֔י מִתֹּ֖וךְ בְּנֵ֣י יִשְׂרָאֵ֑ל תַּחַת֩ פִּטְרַ֨ת כָּל־רֶ֜חֶם בְּכֹ֥ור כֹּל֙ מִבְּנֵ֣י יִשְׂרָאֵ֔ל לָקַ֥חְתִּי אֹתָ֖ם לִֽי׃

ki̇y֩ nĕţuni֨ym nĕţuni֥ym hé֨má̇h֙ li֔y miţò֖̇wkĕ bĕ̇né֣y yişĕ̂ráʼé֑l ţȧẖaţ֩ pi̇tĕra֨ţ ká̇l־re֜ẖem bĕ̇kò֥wr kò̇l֙ mibĕ̇né֣y yişĕ̂ráʼé֔l láqa֥ẖĕţi̇y ʼòţá֖m liֽy׃

17
כִּ֣י לִ֤י כָל־בְּכֹור֙ בִּבְנֵ֣י יִשְׂרָאֵ֔ל בָּאָדָ֖ם וּבַבְּהֵמָ֑ה בְּיֹ֗ום הַכֹּתִ֤י כָל־בְּכֹור֙ בְּאֶ֣רֶץ מִצְרַ֔יִם הִקְדַּ֥שְׁתִּי אֹתָ֖ם לִֽי׃

ki֣̇y li֤y kál־bĕ̇kòwr֙ bi̇bĕné֣y yişĕ̂ráʼé֔l bá̇ʼádá֖m ẇbabĕ̇hémá֑h bĕ̇yò֗wm hakò̇ţi֤y kál־bĕ̇kòwr֙ bĕ̇ʼe֣reẕ miẕĕra֔yim hiqĕdȧ֥şĕ̌ţi̇y ʼòţá֖m liֽy׃

18
וָאֶקַּח֙ אֶת־הַלְוִיִּ֔ם תַּ֥חַת כָּל־בְּכֹ֖ור בִּבְנֵ֥י יִשְׂרָאֵֽל׃

wáʼeqȧẖ֙ ʼeţ־halĕwiyi̇֔m ţȧ֥ẖaţ ká̇l־bĕ̇kò֖wr bi̇bĕné֥y yişĕ̂ráʼéֽl׃

19
וָאֶתְּנָ֨ה אֶת־הַלְוִיִּ֜ם נְתֻנִ֣ים׀ לְאַהֲרֹ֣ן וּלְבָנָ֗יו מִתֹּוךְ֮ בְּנֵ֣י יִשְׂרָאֵל֒ לַעֲבֹ֞ד אֶת־עֲבֹדַ֤ת בְּנֵֽי־יִשְׂרָאֵל֙ בְּאֹ֣הֶל מֹועֵ֔ד וּלְכַפֵּ֖ר עַל־בְּנֵ֣י יִשְׂרָאֵ֑ל וְלֹ֨א יִהְיֶ֜ה בִּבְנֵ֤י יִשְׂרָאֵל֙ נֶ֔גֶף בְּגֶ֥שֶׁת בְּנֵֽי־יִשְׂרָאֵ֖ל אֶל־הַקֹּֽדֶשׁ׃

wáʼeţĕ̇ná֨h ʼeţ־halĕwiyi̇֜m nĕţuni֣ym׀ lĕʼahàrò֣n ẇlĕbáná֗yw miţò̇wkĕ֮ bĕ̇né֣y yişĕ̂ráʼél֒ laʻàbò֞d ʼeţ־ʻàbòda֤ţ bĕ̇néֽy־yişĕ̂ráʼél֙ bĕ̇ʼò֣hel mòwʻé֔d ẇlĕkapé֖̇r ʻal־bĕ̇né֣y yişĕ̂ráʼé֑l wĕlò֨ʼ yihĕye֜h bi̇bĕné֤y yişĕ̂ráʼél֙ ne֔gep bĕ̇ge֥şěţ bĕ̇néֽy־yişĕ̂ráʼé֖l ʼel־haqòֽ̇deş̌׃

20
וַיַּ֨עַשׂ מֹשֶׁ֧ה וְאַהֲרֹ֛ן וְכָל־עֲדַ֥ת בְּנֵי־יִשְׂרָאֵ֖ל לַלְוִיִּ֑ם כְּ֠כֹל אֲשֶׁר־צִוָּ֨ה יְהוָ֤ה אֶת־מֹשֶׁה֙ לַלְוִיִּ֔ם כֵּן־עָשׂ֥וּ לָהֶ֖ם בְּנֵ֥י יִשְׂרָאֵֽל׃

wayȧ֨ʻaş̂ mòşě֧h wĕʼahàrò֛n wĕkál־ʻàda֥ţ bĕ̇néy־yişĕ̂ráʼé֖l lalĕwiyi֑̇m kĕ̇֠kòl ʼàşěr־ẕiwá̇֨h yĕhwá֤h ʼeţ־mòşěh֙ lalĕwiyi̇֔m ké̇n־ʻáş֥̂ẇ láhe֖m bĕ̇né֥y yişĕ̂ráʼéֽl׃

21
וַיִּֽתְחַטְּא֣וּ הַלְוִיִּ֗ם וַֽיְכַבְּסוּ֙ בִּגְדֵיהֶ֔ם וַיָּ֨נֶף אַהֲרֹ֥ן אֹתָ֛ם תְּנוּפָ֖ה לִפְנֵ֣י יְהוָ֑ה וַיְכַפֵּ֧ר עֲלֵיהֶ֛ם אַהֲרֹ֖ן לְטַהֲרָֽם׃

wayiֽ̇ţĕẖatĕ̇ʼ֣ẇ halĕwiyi̇֗m waֽyĕkabĕ̇sẇ֙ bi̇gĕdéyhe֔m wayá̇֨nep ʼahàrò֥n ʼòţá֛m ţĕ̇nẇpá֖h lipĕné֣y yĕhwá֑h wayĕkapé֧̇r ʻàléyhe֛m ʼahàrò֖n lĕtahàráֽm׃

22
וְאַחֲרֵי־כֵ֞ן בָּ֣אוּ הַלְוִיִּ֗ם לַעֲבֹ֤ד אֶת־עֲבֹֽדָתָם֙ בְּאֹ֣הֶל מֹועֵ֔ד לִפְנֵ֥י אַהֲרֹ֖ן וְלִפְנֵ֣י בָנָ֑יו כַּאֲשֶׁר֩ צִוָּ֨ה יְהוָ֤ה אֶת־מֹשֶׁה֙ עַל־הַלְוִיִּ֔ם כֵּ֖ן עָשׂ֥וּ לָהֶֽם׃ ס

wĕʼaẖàréy־ké֞n bá֣̇ʼẇ halĕwiyi̇֗m laʻàbò֤d ʼeţ־ʻàbòֽdáţám֙ bĕ̇ʼò֣hel mòwʻé֔d lipĕné֥y ʼahàrò֖n wĕlipĕné֣y báná֑yw kȧʼàşěr֩ ẕiwá̇֨h yĕhwá֤h ʼeţ־mòşěh֙ ʻal־halĕwiyi̇֔m ké֖̇n ʻáş֥̂ẇ láheֽm׃ s

23
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

24
זֹ֖את אֲשֶׁ֣ר לַלְוִיִּ֑ם מִבֶּן֩ חָמֵ֨שׁ וְעֶשְׂרִ֤ים שָׁנָה֙ וָמַ֔עְלָה יָבֹוא֙ לִצְבֹ֣א צָבָ֔א בַּעֲבֹדַ֖ת אֹ֥הֶל מֹועֵֽד׃

zò֖ʼţ ʼàşě֣r lalĕwiyi֑̇m mibėn֩ ẖámé֨ş̌ wĕʻeşĕ̂ri֤ym şá̌náh֙ wáma֔ʻĕláh yábòwʼ֙ liẕĕbò֣ʼ ẕábá֔ʼ bȧʻàbòda֖ţ ʼò֥hel mòwʻéֽd׃

25
וּמִבֶּן֙ חֲמִשִּׁ֣ים שָׁנָ֔ה יָשׁ֖וּב מִצְּבָ֣א הָעֲבֹדָ֑ה וְלֹ֥א יַעֲבֹ֖ד עֹֽוד׃

ẇmibėn֙ ẖàmişi֣̇̌ym şá̌ná֔h yáş֖̌ẇb miẕĕ̇bá֣ʼ háʻàbòdá֑h wĕlò֥ʼ yaʻàbò֖d ʻòֽwd׃

26
וְשֵׁרֵ֨ת אֶת־אֶחָ֜יו בְּאֹ֤הֶל מֹועֵד֙ לִשְׁמֹ֣ר מִשְׁמֶ֔רֶת וַעֲבֹדָ֖ה לֹ֣א יַעֲבֹ֑ד כָּ֛כָה תַּעֲשֶׂ֥ה לַלְוִיִּ֖ם בְּמִשְׁמְרֹתָֽם׃ פ

wĕşé̌ré֨ţ ʼeţ־ʼeẖá֜yw bĕ̇ʼò֤hel mòwʻéd֙ lişĕ̌mò֣r mişĕ̌me֔reţ waʻàbòdá֖h lò֣ʼ yaʻàbò֑d ká֛̇káh ţȧʻàşê֥h lalĕwiyi֖̇m bĕ̇mişĕ̌mĕròţáֽm׃ p