Bibles in ancient languages
Old translations
Modern translations

Biblia Hebraica Stuttgartensia Proverbes 15:11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
מַֽעֲנֶה־רַּ֭ךְ יָשִׁ֣יב חֵמָ֑ה וּדְבַר־עֶ֝֗צֶב יַעֲלֶה־אָֽף׃

maֽʻàneh־rȧ֭kĕ yáşǐ֣yb ẖémá֑h ẇdĕbar־ʻe֝֗ẕeb yaʻàleh־ʼáֽp׃

2
לְשֹׁ֣ון חֲ֭כָמִים תֵּיטִ֣יב דָּ֑עַת וּפִ֥י כְ֝סִילִ֗ים יַבִּ֥יעַ אִוֶּֽלֶת׃

lĕşò֣̌wn ẖà֭kámiym ţé̇yti֣yb dá֑̇ʻaţ ẇpi֥y kĕ֝siyli֗ym yabi֥̇yʻa ʼiwėֽleţ׃

3
בְּֽכָל־מָ֭קֹום עֵינֵ֣י יְהוָ֑ה צֹ֝פֹ֗ות רָעִ֥ים וטֹובִֽים׃

bĕֽ̇kál־má֭qòwm ʻéyné֣y yĕhwá֑h ẕò֝pò֗wţ ráʻi֥ym wtòwbiֽym׃

4
מַרְפֵּ֣א לָ֭שֹׁון עֵ֣ץ חַיִּ֑ים וְסֶ֥לֶף בָּ֝֗הּ שֶׁ֣בֶר בְּרֽוּחַ׃

marĕpé֣̇ʼ lá֭şò̌wn ʻé֣ẕ ẖayi֑̇ym wĕse֥lep bá̇֝֗ḣ şě֣ber bĕ̇rֽẇẖa׃

5
אֱוִ֗יל יִ֭נְאַץ מוּסַ֣ר אָבִ֑יו וְשֹׁמֵ֖ר תֹּוכַ֣חַת יַעְרִֽם׃

ʼèwi֗yl yi֭nĕʼaẕ mẇsa֣r ʼábi֑yw wĕşò̌mé֖r ţò̇wka֣ẖaţ yaʻĕriֽm׃

6
בֵּ֣ית צַ֭דִּיק חֹ֣סֶן רָ֑ב וּבִתְבוּאַ֖ת רָשָׁ֣ע נֶעְכָּֽרֶת׃

bé֣̇yţ ẕa֭di̇yq ẖò֣sen rá֑b ẇbiţĕbẇʼa֖ţ ráşá֣̌ʻ neʻĕkáֽ̇reţ׃

7
שִׂפְתֵ֣י חֲ֭כָמִים יְזָ֣רוּ דָ֑עַת וְלֵ֖ב כְּסִילִ֣ים לֹא־כֵֽן׃

şîpĕţé֣y ẖà֭kámiym yĕzá֣rẇ dá֑ʻaţ wĕlé֖b kĕ̇siyli֣ym lòʼ־kéֽn׃

8
זֶ֣בַח רְ֭שָׁעִים תֹּועֲבַ֣ת יְהוָ֑ה וּתְפִלַּ֖ת יְשָׁרִ֣ים רְצֹונֹֽו׃

ze֣baẖ rĕ֭şá̌ʻiym ţò̇wʻàba֣ţ yĕhwá֑h ẇţĕpilȧ֖ţ yĕşá̌ri֣ym rĕẕòwnòֽw׃

9
תֹּועֲבַ֣ת יְ֭הוָה דֶּ֣רֶךְ רָשָׁ֑ע וּמְרַדֵּ֖ף צְדָקָ֣ה יֶאֱהָֽב׃

ţò̇wʻàba֣ţ yĕ֭hwáh dė֣rekĕ ráşá֑̌ʻ ẇmĕradé֖̇p ẕĕdáqá֣h yeʼèháֽb׃

10
מוּסָ֣ר רָ֭ע לְעֹזֵ֣ב אֹ֑רַח שֹׂונֵ֖א תֹוכַ֣חַת יָמֽוּת׃

mẇsá֣r rá֭ʻ lĕʻòzé֣b ʼò֑raẖ şò̂wné֖ʼ ţòwka֣ẖaţ yámֽẇţ׃

11
שְׁאֹ֣ול וַ֭אֲבַדֹּון נֶ֣גֶד יְהוָ֑ה אַ֝֗ף כִּֽי־לִבֹּ֥ות בְּֽנֵי־אָדָֽם׃

şĕ̌ʼò֣wl wa֭ʼàbadò̇wn ne֣ged yĕhwá֑h ʼa֝֗p kiֽ̇y־libò֥̇wţ bĕֽ̇néy־ʼádáֽm׃

12
לֹ֣א יֶאֱהַב־לֵ֭ץ הֹוכֵ֣חַֽ לֹ֑ו אֶל־חֲ֝כָמִ֗ים לֹ֣א יֵלֵֽךְ׃

lò֣ʼ yeʼèhab־lé֭ẕ hòwké֣ẖaֽ lò֑w ʼel־ẖà֝kámi֗ym lò֣ʼ yéléֽkĕ׃

13
לֵ֣ב שָׂ֭מֵחַ יֵיטִ֣ב פָּנִ֑ים וּבְעַצְּבַת־לֵ֝ב ר֣וּחַ נְכֵאָֽה׃

lé֣b şá֭̂méẖa yéyti֣b pá̇ni֑ym ẇbĕʻaẕĕ̇baţ־lé֝b r֣ẇẖa nĕkéʼáֽh׃

14
לֵ֣ב נָ֭בֹון יְבַקֶּשׁ־דָּ֑עַת וּפְנֵי כְ֝סִילִ֗ים יִרְעֶ֥ה אִוֶּֽלֶת׃

lé֣b ná֭bòwn yĕbaqėş̌־dá֑̇ʻaţ ẇpĕnéy kĕ֝siyli֗ym yirĕʻe֥h ʼiwėֽleţ׃

15
כָּל־יְמֵ֣י עָנִ֣י רָעִ֑ים וְטֹֽוב־לֵ֝֗ב מִשְׁתֶּ֥ה תָמִֽיד׃

ká̇l־yĕmé֣y ʻáni֣y ráʻi֑ym wĕtòֽwb־lé֝֗b mişĕ̌ţė֥h ţámiֽyd׃

16
טֹוב־מְ֭עַט בְּיִרְאַ֣ת יְהוָ֑ה מֵאֹוצָ֥ר רָ֝֗ב וּמְה֥וּמָה בֹֽו׃

tòwb־mĕ֭ʻat bĕ̇yirĕʼa֣ţ yĕhwá֑h méʼòwẕá֥r rá֝֗b ẇmĕh֥ẇmáh bòֽw׃

17
טֹ֤וב אֲרֻחַ֣ת יָ֭רָק וְאַהֲבָה־שָׁ֑ם מִשֹּׁ֥ור אָ֝ב֗וּס וְשִׂנְאָה־בֹֽו׃

tò֤wb ʼàruẖa֣ţ yá֭ráq wĕʼahàbáh־şá֑̌m mişò֥̇̌wr ʼá֝b֗ẇs wĕşînĕʼáh־bòֽw׃

18
אִ֣ישׁ חֵ֭מָה יְגָרֶ֣ה מָדֹ֑ון וְאֶ֥רֶך אַ֝פַּ֗יִם יַשְׁקִ֥יט רִֽיב׃

ʼi֣yş̌ ẖé֭máh yĕgáre֣h mádò֑wn wĕʼe֥rek ʼa֝pȧ֗yim yaşĕ̌qi֥yt riֽyb׃

19
דֶּ֣רֶךְ עָ֭צֵל כִּמְשֻׂ֣כַת חָ֑דֶק וְאֹ֖רַח יְשָׁרִ֣ים סְלֻלָֽה׃

dė֣rekĕ ʻá֭ẕél ki̇mĕşû֣kaţ ẖá֑deq wĕʼò֖raẖ yĕşá̌ri֣ym sĕluláֽh׃

20
בֵּ֣ן חָ֭כָם יְשַׂמַּח־אָ֑ב וּכְסִ֥יל אָ֝דָ֗ם בֹּוזֶ֥ה אִמֹּֽו׃

bé֣̇n ẖá֭kám yĕşâmȧẖ־ʼá֑b ẇkĕsi֥yl ʼá֝dá֗m bò̇wze֥h ʼimòֽ̇w׃

21
אִ֭וֶּלֶת שִׂמְחָ֣ה לַחֲסַר־לֵ֑ב וְאִ֥ישׁ תְּ֝בוּנָ֗ה יְיַשֶּׁר־לָֽכֶת׃

ʼi֭wėleţ şîmĕẖá֣h laẖàsar־lé֑b wĕʼi֥yş̌ ţĕ̇֝bẇná֗h yĕyaşė̌r־láֽkeţ׃

22
הָפֵ֣ר מַ֭חֲשָׁבֹות בְּאֵ֣ין סֹ֑וד וּבְרֹ֖ב יֹועֲצִ֣ים תָּקֽוּם׃

hápé֣r ma֭ẖàşá̌bòwţ bĕ̇ʼé֣yn sò֑wd ẇbĕrò֖b yòwʻàẕi֣ym ţá̇qֽẇm׃

23
שִׂמְחָ֣ה לָ֭אִישׁ בְּמַעֲנֵה־פִ֑יו וְדָבָ֖ר בְּעִתֹּ֣ו מַה־טֹּֽוב׃

şîmĕẖá֣h lá֭ʼiyş̌ bĕ̇maʻànéh־pi֑yw wĕdábá֖r bĕ̇ʻiţò֣̇w mah־tòֽ̇wb׃

24
אֹ֣רַח חַ֭יִּים לְמַ֣עְלָה לְמַשְׂכִּ֑יל לְמַ֥עַן ס֝֗וּר מִשְּׁאֹ֥ול מָֽטָּה׃

ʼò֣raẖ ẖa֭yi̇ym lĕma֣ʻĕláh lĕmaşĕ̂ki֑̇yl lĕma֥ʻan s֝֗ẇr mişĕ̇̌ʼò֥wl máֽtá̇h׃

25
בֵּ֣ית גֵּ֭אִים יִסַּ֥ח׀ יְהוָ֑ה וְ֝יַצֵּ֗ב גְּב֣וּל אַלְמָנָֽה׃

bé֣̇yţ gé֭̇ʼiym yisȧ֥ẖ׀ yĕhwá֑h wĕ֝yaẕé̇֗b gĕ̇b֣ẇl ʼalĕmánáֽh׃

26
תֹּועֲבַ֣ת יְ֭הוָה מַחְשְׁבֹ֣ות רָ֑ע וּ֝טְהֹרִ֗ים אִמְרֵי־נֹֽעַם׃

ţò̇wʻàba֣ţ yĕ֭hwáh maẖĕşĕ̌bò֣wţ rá֑ʻ ẇ֝tĕhòri֗ym ʼimĕréy־nòֽʻam׃

27
עֹכֵ֣ר בֵּ֭יתֹו בֹּוצֵ֣עַ בָּ֑צַע וְשֹׂונֵ֖א מַתָּנֹ֣ת יִחְיֶֽה׃

ʻòké֣r bé֭̇yţòw bò̇wẕé֣ʻa bá֑̇ẕaʻ wĕşò̂wné֖ʼ maţá̇nò֣ţ yiẖĕyeֽh׃

28
לֵ֣ב צַ֭דִּיק יֶהְגֶּ֣ה לַעֲנֹ֑ות וּפִ֥י רְ֝שָׁעִ֗ים יַבִּ֥יעַ רָעֹֽות׃

lé֣b ẕa֭di̇yq yehĕgė֣h laʻànò֑wţ ẇpi֥y rĕ֝şá̌ʻi֗ym yabi֥̇yʻa ráʻòֽwţ׃

29
רָחֹ֣וק יְ֭הוָה מֵרְשָׁעִ֑ים וּתְפִלַּ֖ת צַדִּיקִ֣ים יִשְׁמָֽע׃

ráẖò֣wq yĕ֭hwáh mérĕşá̌ʻi֑ym ẇţĕpilȧ֖ţ ẕadi̇yqi֣ym yişĕ̌máֽʻ׃

30
מְֽאֹור־עֵ֭ינַיִם יְשַׂמַּֽח־לֵ֑ב שְׁמוּעָ֥ה טֹ֝ובָ֗ה תְּדַשֶּׁן־עָֽצֶם׃

mĕֽʼòwr־ʻé֭ynayim yĕşâmȧֽẖ־lé֑b şĕ̌mẇʻá֥h tò֝wbá֗h ţĕ̇daşė̌n־ʻáֽẕem׃

31
אֹ֗זֶן שֹׁ֖מַעַת תֹּוכַ֣חַת חַיִּ֑ים בְּקֶ֖רֶב חֲכָמִ֣ים תָּלִֽין׃

ʼò֗zen şò֖̌maʻaţ ţò̇wka֣ẖaţ ẖayi֑̇ym bĕ̇qe֖reb ẖàkámi֣ym ţá̇liֽyn׃

32
פֹּורֵ֣עַ מ֖וּסָר מֹואֵ֣ס נַפְשֹׁ֑ו וְשֹׁומֵ֥עַ תֹּ֝וכַ֗חַת קֹ֣ונֶה לֵּֽב׃

pò̇wré֣ʻa m֖ẇsár mòwʼé֣s napĕşò֑̌w wĕşò̌wmé֥ʻa ţò̇֝wka֗ẖaţ qò֣wneh léֽ̇b׃

33
יִרְאַ֣ת יְ֭הוָה מוּסַ֣ר חָכְמָ֑ה וְלִפְנֵ֖י כָבֹ֣וד עֲנָוָֽה׃

yirĕʼa֣ţ yĕ֭hwáh mẇsa֣r ẖákĕmá֑h wĕlipĕné֖y kábò֣wd ʻànáwáֽh׃