Bibles in ancient languages
Old translations
Modern translations

Novum Testamentum Graecum Actes 27:32

New Testament
Chapter
Verses
1
‘Ως δὲ ἐκρίθη τοῦ ἀποπλεῖν ἡμᾶς εἰς τὴν ’Ιταλίαν, παρεδίδουν τόν τε Παῦλον καί τινας ἑτέρους δεσμώτας ἑκατοντάρχῃ ὀνόματι ’Ιουλίῳ σπείρης Σεβαστῆς.

‘Ōs dè ekríthē toû apopleîn hēmâs eis tḕn ’Italían, paredídoun tón te Paûlon kaí tinas hetérous desmṓtas hekatontárchēi onómati ’Ioulíōi speírēs Sebastē̂s.

2
ἐπιβάντες δὲ πλοίῳ ’Αδραμυττηνῷ μέλλοντι πλεῖν εἰς τοὺς κατὰ τὴν ’Ασίαν τόπους ἀνήχθημεν, ὄντος σὺν ἡμῖν ’Αριστάρχου Μακεδόνος θεσσαλονικέως·

epibántes dè ploíōi ’Adramyttēnō̂i méllonti pleîn eis toùs katà tḕn ’Asían tópous anḗchthēmen, óntos sỳn hēmîn ’Aristárchou Makedónos thessalonikéōs:

3
τῇ τε ἑτέρᾳ κατήχθημεν εἰς Σιδῶνα, φιλανθρώπως τε ὁ ’Ιούλιος τῷ Παύλῳ χρησάμενος ἐπέτρεψεν πρὸς τοὺς φίλους πορευθέντι ἐπιμελείας τυχεῖν.

tē̂i te hetérāi katḗchthēmen eis Sidō̂na, philanthrṓpōs te ho ’Ioúlios tō̂i Paúlōi chrēsámenos epétrepsen pròs toùs phílous poreuthénti epimeleías tycheîn.

4
κἀκεῖθεν ἀναχθέντες ὑπεπλεύσαμεν τὴν Κύπρον διὰ τὸ τοὺς ἀνέμους εἶναι ἐναντίους,

kakeîthen anachthéntes hypepleúsamen tḕn Kýpron dià tò toùs anémous eînai enantíous,

5
τό τε πέλαγος τὸ κατὰ τὴν Κιλικίαν καὶ Παμφυλίαν διαπλεύσαντες κατήλθομεν εἰς Μύρα τῆς Λυκίας.

tó te pélagos tò katà tḕn Kilikían kaì Pamphylían diapleúsantes katḗlthomen eis Mýra tē̂s Lykías.

6
κἀκεῖ εὑρὼν ὁ ἑκατοντάρχης πλοῖον ’Αλεξανδρῖνον πλέον εἰς τὴν ’Ιταλίαν ἐνεβίβασεν ἡμᾶς εἰς αὐτό.

kakeî heurṑn ho hekatontárchēs ploîon ’Alexandrînon pléon eis tḕn ’Italían enebíbasen hēmâs eis autó.

7
ἐν ἱκαναῖς δὲ ἡμέραις βραδυπλοοῦντες καὶ μόλις γενόμενοι κατὰ τὴν Κνίδον, μὴ προσεῶντος ἡμᾶς τοῦ ἀνέμου, ὑπεπλεύσαμεν τὴν Κρήτην κατὰ Σαλμώνην,

en hikanaîs dè hēmérais bradyplooûntes kaì mólis genómenoi katà tḕn Knídon, mḕ proseō̂ntos hēmâs toû anémou, hypepleúsamen tḕn Krḗtēn katà Salmṓnēn,

8
μόλις τε παραλεγόμενοι αὐτὴν ἤλθομεν εἰς τόπον τινὰ καλούμενον Καλοὺς Λιμένας, ᾧ ἐγγὺς πόλις ἦν Λασαία.

mólis te paralegómenoi autḕn ḗlthomen eis tópon tinà kaloúmenon Kaloùs Liménas, hō̂i engỳs pólis ē̂n Lasaía.

9
‘Ικανοῦ δὲ χρόνου διαγενομένου καὶ ὄντος ἤδη ἐπισφαλοῦς τοῦ πλοὸς διὰ τὸ καὶ τὴν νηστείαν ἤδη παρεληλυθέναι, παρῄνει ὁ Παῦλος

‘Ikanoû dè chrónou diagenoménou kaì óntos ḗdē episphaloûs toû ploòs dià tò kaì tḕn nēsteían ḗdē parelēlythénai, parḗinei ho Paûlos

10
λέγων αὐτοῖς, ῎Ανδρες, θεωρῶ ὅτι μετὰ ὕβρεως καὶ πολλῆς ζημίας οὐ μόνον τοῦ φορτίου καὶ τοῦ πλοίου ἀλλὰ καὶ τῶν ψυχῶν ἡμῶν μέλλειν ἔσεσθαι τὸν πλοῦν.

légōn autoîs, ῎Andres, theōrō̂ hóti metà hýbreōs kaì pollē̂s zēmías ou mónon toû phortíou kaì toû ploíou allà kaì tō̂n psychō̂n hēmō̂n méllein ésesthai tòn ploûn.

11
ὁ δὲ ἑκατοντάρχης τῷ κυβερνήτῃ καὶ τῷ ναυκλήρῳ μᾶλλον ἐπείθετο ἢ τοῖς ὑπὸ Παύλου λεγομένοις.

ho dè hekatontárchēs tō̂i kybernḗtēi kaì tō̂i nauklḗrōi mâllon epeítheto ḕ toîs hypò Paúlou legoménois.

12
ἀνευθέτου δὲ τοῦ λιμένος ὑπάρχοντος πρὸς παραχειμασίαν οἱ πλείονες ἔθεντο βουλὴν ἀναχθῆναι ἐκεῖθεν, εἴ πως δύναιντο καταντήσαντες εἰς Φοίνικα παραχειμάσαι, λιμένα τῆς Κρήτης βλέποντα κατὰ λίβα καὶ κατὰ χῶρον.

aneuthétou dè toû liménos hypárchontos pròs paracheimasían hoi pleíones éthento boulḕn anachthē̂nai ekeîthen, eí pōs dýnainto katantḗsantes eis Phoínika paracheimásai, liména tē̂s Krḗtēs bléponta katà líba kaì katà chō̂ron.

13
‘Υποπνεύσαντος δὲ νότου δόξαντες τῆς προθέσεως κεκρατηκέναι, ἄραντες ἆσσον παρελέγοντο τὴν Κρήτην.

‘Ypopneúsantos dè nótou dóxantes tē̂s prothéseōs kekratēkénai, árantes âsson parelégonto tḕn Krḗtēn.

14
μετ’ οὐ πολὺ δὲ ἔβαλεν κατ’ αὐτῆς ἄνεμος τυφωνικὸς ὁ καλούμενος Εὐρακύλων·

met’ ou polỳ dè ébalen kat’ autē̂s ánemos typhōnikòs ho kaloúmenos Eurakýlōn:

15
συναρπασθέντος δὲ τοῦ πλοίου καὶ μὴ δυναμένου ἀντοφθαλμεῖν τῷ ἀνέμῳ ἐπιδόντες ἐφερόμεθα.

synarpasthéntos dè toû ploíou kaì mḕ dynaménou antophthalmeîn tō̂i anémōi epidóntes epherómetha.

16
νησίον δέ τι ὑποδραμόντες καλούμενον Καῦδα ἰσχύσαμεν μόλις περικρατεῖς γενέσθαι τῆς σκάφης,

nēsíon dé ti hypodramóntes kaloúmenon Kaûda ischýsamen mólis perikrateîs genésthai tē̂s skáphēs,

17
ἣν ἄραντες βοηθείαις ἐχρῶντο ὑποζωννύντες τὸ πλοῖον· φοβούμενοί τε μὴ εἰς τὴν Σύρτιν ἐκπέσωσιν, χαλάσαντες τὸ σκεῦος, οὕτως ἐφέροντο.

hḕn árantes boētheíais echrō̂nto hypozōnnýntes tò ploîon: phoboúmenoí te mḕ eis tḕn Sýrtin ekpésōsin, chalásantes tò skeûos, hoútōs ephéronto.

18
σφοδρῶς δὲ χειμαζομένων ἡμῶν τῇ ἑξῆς ἐκβολὴν ἐποιοῦντο,

sphodrō̂s dè cheimazoménōn hēmō̂n tē̂i hexē̂s ekbolḕn epoioûnto,

19
καὶ τῇ τρίτῃ αὐτόχειρες τὴν σκευὴν τοῦ πλοίου ἔρριψαν.

kaì tē̂i trítēi autócheires tḕn skeuḕn toû ploíou érripsan.

20
μήτε δὲ ἡλίου μήτε ἄστρων ἐπιφαινόντων ἐπὶ πλείονας ἡμέρας, χειμῶνός τε οὐκ ὀλίγου ἐπικειμένου, λοιπὸν περιῃρεῖτο ἐλπὶς πᾶσα τοῦ σῴζεσθαι ἡμᾶς.

mḗte dè hēlíou mḗte ástrōn epiphainóntōn epì pleíonas hēméras, cheimō̂nós te ouk olígou epikeiménou, loipòn periēireîto elpìs pâsa toû sṓizesthai hēmâs.

21
Πολλῆς τε ἀσιτίας ὑπαρχούσης τότε σταθεὶς ὁ Παῦλος ἐν μέσῳ αὐτῶν εἶπεν, ῎Εδει μέν, ὦ ἄνδρες, πειθαρχήσαντάς μοι μὴ ἀνάγεσθαι ἀπὸ τῆς Κρήτης κερδῆσαί τε τὴν ὕβριν ταύτην καὶ τὴν ζημίαν.

Pollē̂s te asitías hyparchoúsēs tóte statheìs ho Paûlos en mésōi autō̂n eîpen, ῎Edei mén, ō̂ ándres, peitharchḗsantás moi mḕ anágesthai apò tē̂s Krḗtēs kerdē̂saí te tḕn hýbrin taútēn kaì tḕn zēmían.

22
καὶ τὰ νῦν παραινῶ ὑμᾶς εὐθυμεῖν, ἀποβολὴ γὰρ ψυχῆς οὐδεμία ἔσται ἐξ ὑμῶν πλὴν τοῦ πλοίου·

kaì tà nŷn parainō̂ hymâs euthymeîn, apobolḕ gàr psychē̂s oudemía éstai ex hymō̂n plḕn toû ploíou:

23
παρέστη γάρ μοι ταύτῃ τῇ νυκτὶ τοῦ θεοῦ οὗ εἰμι [ἐγώ], ᾧ καὶ λατρεύω, ἄγγελος

paréstē gár moi taútēi tē̂i nyktì toû theoû hoû eimi [egṓ], hō̂i kaì latreúō, ángelos

24
λέγων, Μὴ φοβοῦ, Παῦλε· Καίσαρί σε δεῖ παραστῆναι, καὶ ἰδοὺ κεχάρισταί σοι ὁ θεὸς πάντας τοὺς πλέοντας μετὰ σοῦ.

légōn, Mḕ phoboû, Paûle: Kaísarí se deî parastē̂nai, kaì idoù kecháristaí soi ho theòs pántas toùs pléontas metà soû.

25
διὸ εὐθυμεῖτε, ἄνδρες· πιστεύω γὰρ τῷ θεῷ ὅτι οὕτως ἔσται καθ’ ὃν τρόπον λελάληταί μοι.

diò euthymeîte, ándres: pisteúō gàr tō̂i theō̂i hóti hoútōs éstai kath’ hòn trópon lelálētaí moi.

26
εἰς νῆσον δέ τινα δεῖ ἡμᾶς ἐκπεσεῖν.

eis nē̂son dé tina deî hēmâs ekpeseîn.

27
‘Ως δὲ τεσσαρεσκαιδεκάτη νὺξ ἐγένετο διαφερομένων ἡμῶν ἐν τῷ ’Αδρίᾳ, κατὰ μέσον τῆς νυκτὸς ὑπενόουν οἱ ναῦται προσάγειν τινὰ αὐτοῖς χώραν.

‘Ōs dè tessareskaidekátē nỳx egéneto diapheroménōn hēmō̂n en tō̂i ’Adríāi, katà méson tē̂s nyktòs hypenóoun hoi naûtai proságein tinà autoîs chṓran.

28
καὶ βολίσαντες εὗρον ὀργυιὰς εἴκοσι, βραχὺ δὲ διαστήσαντες καὶ πάλιν βολίσαντες εὗρον ὀργυιὰς δεκαπέντε·

kaì bolísantes heûron orgyiàs eíkosi, brachỳ dè diastḗsantes kaì pálin bolísantes heûron orgyiàs dekapénte:

29
φοβούμενοί τε μή που κατὰ τραχεῖς τόπους ἐκπέσωμεν, ἐκ πρύμνης ῥίψαντες ἀγκύρας τέσσαρας ηὔχοντο ἡμέραν γενέσθαι.

phoboúmenoí te mḗ pou katà tracheîs tópous ekpésōmen, ek prýmnēs rhípsantes ankýras téssaras ēýchonto hēméran genésthai.

30
τῶν δὲ ναυτῶν ζητούντων φυγεῖν ἐκ τοῦ πλοίου καὶ χαλασάντων τὴν σκάφην εἰς τὴν θάλασσαν προφάσει ὡς ἐκ πρῴρης ἀγκύρας μελλόντων ἐκτείνειν,

tō̂n dè nautō̂n zētoúntōn phygeîn ek toû ploíou kaì chalasántōn tḕn skáphēn eis tḕn thálassan prophásei hōs ek prṓirēs ankýras mellóntōn ekteínein,

31
εἶπεν ὁ Παῦλος τῷ ἑκατοντάρχῃ καὶ τοῖς στρατιώταις, ’Εὰν μὴ οὗτοι μείνωσιν ἐν τῷ πλοίῳ, ὑμεῖς σωθῆναι οὐ δύνασθε.

eîpen ho Paûlos tō̂i hekatontárchēi kaì toîs stratiṓtais, ’Eàn mḕ hoûtoi meínōsin en tō̂i ploíōi, hymeîs sōthē̂nai ou dýnasthe.

32
τότε ἀπέκοψαν οἱ στρατιῶται τὰ σχοινία τῆς σκάφης καὶ εἴασαν αὐτὴν ἐκπεσεῖν.

tóte apékopsan hoi stratiō̂tai tà schoinía tē̂s skáphēs kaì eíasan autḕn ekpeseîn.

33
῎Αχρι δὲ οὗ ἡμέρα ἤμελλεν γίνεσθαι παρεκάλει ὁ Παῦλος ἅπαντας μεταλαβεῖν τροφῆς λέγων, Τεσσαρεσκαιδεκάτην σήμερον ἡμέραν προσδοκῶντες ἄσιτοι διατελεῖτε, μηθὲν προσλαβόμενοι·

῎Achri dè hoû hēméra ḗmellen gínesthai parekálei ho Paûlos hápantas metalabeîn trophē̂s légōn, Tessareskaidekátēn sḗmeron hēméran prosdokō̂ntes ásitoi diateleîte, mēthèn proslabómenoi:

34
διὸ παρακαλῶ ὑμᾶς μεταλαβεῖν τροφῆς, τοῦτο γὰρ πρὸς τῆς ὑμετέρας σωτηρίας ὑπάρχει· οὐδενὸς γὰρ ὑμῶν θρὶξ ἀπὸ τῆς κεφαλῆς ἀπολεῖται.

diò parakalō̂ hymâs metalabeîn trophē̂s, toûto gàr pròs tē̂s hymetéras sōtērías hypárchei: oudenòs gàr hymō̂n thrìx apò tē̂s kephalē̂s apoleîtai.

35
εἴπας δὲ ταῦτα καὶ λαβὼν ἄρτον εὐχαρίστησεν τῷ θεῷ ἐνώπιον πάντων καὶ κλάσας ἤρξατο ἐσθίειν.

eípas dè taûta kaì labṑn árton eucharístēsen tō̂i theō̂i enṓpion pántōn kaì klásas ḗrxato esthíein.

36
εὔθυμοι δὲ γενόμενοι πάντες καὶ αὐτοὶ προσελάβοντο τροφῆς.

eúthymoi dè genómenoi pántes kaì autoì proselábonto trophē̂s.

37
ἤμεθα δὲ αἱ πᾶσαι ψυχαὶ ἐν τῷ πλοίῳ διακόσιαι ἑβδομήκοντα ἕξ.

ḗmetha dè hai pâsai psychaì en tō̂i ploíōi diakósiai hebdomḗkonta héx.

38
κορεσθέντες δὲ τροφῆς ἐκούφιζον τὸ πλοῖον ἐκβαλλόμενοι τὸν σῖτον εἰς τὴν θάλασσαν.

koresthéntes dè trophē̂s ekoúphizon tò ploîon ekballómenoi tòn sîton eis tḕn thálassan.

39
῞Οτε δὲ ἡμέρα ἐγένετο, τὴν γῆν οὐκ ἐπεγίνωσκον, κόλπον δέ τινα κατενόουν ἔχοντα αἰγιαλὸν εἰς ὃν ἐβουλεύοντο εἰ δύναιντο ἐξῶσαι τὸ πλοῖον.

῞Ote dè hēméra egéneto, tḕn gē̂n ouk epegínōskon, kólpon dé tina katenóoun échonta aigialòn eis hòn ebouleúonto ei dýnainto exō̂sai tò ploîon.

40
καὶ τὰς ἀγκύρας περιελόντες εἴων εἰς τὴν θάλασσαν, ἅμα ἀνέντες τὰς ζευκτηρίας τῶν πηδαλίων, καὶ ἐπάραντες τὸν ἀρτέμωνα τῇ πνεούσῃ κατεῖχον εἰς τὸν αἰγιαλόν.

kaì tàs ankýras perielóntes eíōn eis tḕn thálassan, háma anéntes tàs zeuktērías tō̂n pēdalíōn, kaì epárantes tòn artémōna tē̂i pneoúsēi kateîchon eis tòn aigialón.

41
περιπεσόντες δὲ εἰς τόπον διθάλασσον ἐπέκειλαν τὴν ναῦν, καὶ ἡ μὲν πρῷρα ἐρείσασα ἔμεινεν ἀσάλευτος, ἡ δὲ πρύμνα ἐλύετο ὑπὸ τῆς βίας [τῶν κυμάτων].

peripesóntes dè eis tópon dithálasson epékeilan tḕn naûn, kaì hē mèn prō̂ira ereísasa émeinen asáleutos, hē dè prýmna elýeto hypò tē̂s bías [tō̂n kymátōn].

42
τῶν δὲ στρατιωτῶν βουλὴ ἐγένετο ἵνα τοὺς δεσμώτας ἀποκτείνωσιν, μή τις ἐκκολυμβήσας διαφύγῃ·

tō̂n dè stratiōtō̂n boulḕ egéneto hína toùs desmṓtas apokteínōsin, mḗ tis ekkolymbḗsas diaphýgēi:

43
ὁ δὲ ἑκατοντάρχης βουλόμενος διασῶσαι τὸν Παῦλον ἐκώλυσεν αὐτοὺς τοῦ βουλήματος, ἐκέλευσέν τε τοὺς δυναμένους κολυμβᾶν ἀπορίψαντας πρώτους ἐπὶ τὴν γῆν ἐξιέναι,

ho dè hekatontárchēs boulómenos diasō̂sai tòn Paûlon ekṓlysen autoùs toû boulḗmatos, ekéleusén te toùs dynaménous kolymbân aporípsantas prṓtous epì tḕn gē̂n exiénai,

44
καὶ τοὺς λοιποὺς οὓς μὲν ἐπὶ σανίσιν οὓς δὲ ἐπί τινων τῶν ἀπὸ τοῦ πλοίου· καὶ οὕτως ἐγένετο πάντας διασωθῆναι ἐπὶ τὴν γῆν.

kaì toùs loipoùs hoùs mèn epì sanísin hoùs dè epí tinōn tō̂n apò toû ploíou: kaì hoútōs egéneto pántas diasōthē̂nai epì tḕn gē̂n.