Bibles in ancient languages
Old translations
Modern translations

Novum Testamentum Graecum Actes 8:17

New Testament
Chapter
Verses
1
Σαῦλος δὲ ἦν συνευδοκῶν τῇ ἀναιρέσει αὐτοῦ. ’Εγένετο δὲ ἐν ἐκείνῃ τῇ ἡμέρᾳ διωγμὸς μέγας ἐπὶ τὴν ἐκκλησίαν τὴν ἐν ‘Ιεροσολύμοις· πάντες δὲ διεσπάρησαν κατὰ τὰς χώρας τῆς ’Ιουδαίας καὶ Σαμαρείας πλὴν τῶν ἀποστόλων.

Saûlos dè ē̂n syneudokō̂n tē̂i anairései autoû. ’Egéneto dè en ekeínēi tē̂i hēmérāi diōgmòs mégas epì tḕn ekklēsían tḕn en ‘Ierosolýmois: pántes dè diespárēsan katà tàs chṓras tē̂s ’Ioudaías kaì Samareías plḕn tō̂n apostólōn.

2
συνεκόμισαν δὲ τὸν Στέφανον ἄνδρες εὐλαβεῖς καὶ ἐποίησαν κοπετὸν μέγαν ἐπ’ αὐτῷ.

synekómisan dè tòn Stéphanon ándres eulabeîs kaì epoíēsan kopetòn mégan ep’ autō̂i.

3
Σαῦλος δὲ ἐλυμαίνετο τὴν ἐκκλησίαν κατὰ τοὺς οἴκους εἰσπορευόμενος, σύρων τε ἄνδρας καὶ γυναῖκας παρεδίδου εἰς φυλακήν.

Saûlos dè elymaíneto tḕn ekklēsían katà toùs oíkous eisporeuómenos, sýrōn te ándras kaì gynaîkas paredídou eis phylakḗn.

4
Οἱ μὲν οὖν διασπαρέντες διῆλθον εὐαγγελιζόμενοι τὸν λόγον.

Hoi mèn oûn diasparéntes diē̂lthon euangelizómenoi tòn lógon.

5
Φίλιππος δὲ κατελθὼν εἰς [τὴν] πόλιν τῆς Σαμαρείας ἐκήρυσσεν αὐτοῖς τὸν Χριστόν.

Phílippos dè katelthṑn eis [tḕn] pólin tē̂s Samareías ekḗryssen autoîs tòn Christón.

6
προσεῖχον δὲ οἱ ὄχλοι τοῖς λεγομένοις ὑπὸ τοῦ Φιλίππου ὁμοθυμαδὸν ἐν τῷ ἀκούειν αὐτοὺς καὶ βλέπειν τὰ σημεῖα ἃ ἐποίει·

proseîchon dè hoi óchloi toîs legoménois hypò toû Philíppou homothymadòn en tō̂i akoúein autoùs kaì blépein tà sēmeîa hà epoíei:

7
πολλοὶ γὰρ τῶν ἐχόντων πνεύματα ἀκάθαρτα βοῶντα φωνῇ μεγάλῃ ἐξήρχοντο, πολλοὶ δὲ παραλελυμένοι καὶ χωλοὶ ἐθεραπεύθησαν·

polloì gàr tō̂n echóntōn pneúmata akátharta boō̂nta phōnē̂i megálēi exḗrchonto, polloì dè paralelyménoi kaì chōloì etherapeúthēsan:

8
ἐγένετο δὲ πολλὴ χαρὰ ἐν τῇ πόλει ἐκείνῃ.

egéneto dè pollḕ charà en tē̂i pólei ekeínēi.

9
’Ανὴρ δέ τις ὀνόματι Σίμων προϋπῆρχεν ἐν τῇ πόλει μαγεύων καὶ ἐξιστάνων τὸ ἔθνος τῆς Σαμαρείας, λέγων εἶναί τινα ἑαυτὸν μέγαν,

’Anḕr dé tis onómati Símōn proüpē̂rchen en tē̂i pólei mageúōn kaì existánōn tò éthnos tē̂s Samareías, légōn eînaí tina heautòn mégan,

10
ᾧ προσεῖχον πάντες ἀπὸ μικροῦ ἕως μεγάλου λέγοντες, Οὗτός ἐστιν ἡ δύναμις τοῦ θεοῦ ἡ καλουμένη Μεγάλη.

hō̂i proseîchon pántes apò mikroû héōs megálou légontes, Hoûtós estin hē dýnamis toû theoû hē kalouménē Megálē.

11
προσεῖχον δὲ αὐτῷ διὰ τὸ ἱκανῷ χρόνῳ ταῖς μαγείαις ἐξεστακέναι αὐτούς.

proseîchon dè autō̂i dià tò hikanō̂i chrónōi taîs mageíais exestakénai autoús.

12
ὅτε δὲ ἐπίστευσαν τῷ Φιλίππῳ εὐαγγελιζομένῳ περὶ τῆς βασιλείας τοῦ θεοῦ καὶ τοῦ ὀνόματος ’Ιησοῦ Χριστοῦ, ἐβαπτίζοντο ἄνδρες τε καὶ γυναῖκες.

hóte dè epísteusan tō̂i Philíppōi euangelizoménōi perì tē̂s basileías toû theoû kaì toû onómatos ’Iēsoû Christoû, ebaptízonto ándres te kaì gynaîkes.

13
ὁ δὲ Σίμων καὶ αὐτὸς ἐπίστευσεν, καὶ βαπτισθεὶς ἦν προσκαρτερῶν τῷ Φιλίππῳ, θεωρῶν τε σημεῖα καὶ δυνάμεις μεγάλας γινομένας ἐξίστατο.

ho dè Símōn kaì autòs epísteusen, kaì baptistheìs ē̂n proskarterō̂n tō̂i Philíppōi, theōrō̂n te sēmeîa kaì dynámeis megálas ginoménas exístato.

14
’Ακούσαντες δὲ οἱ ἐν ‘Ιεροσολύμοις ἀπόστολοι ὅτι δέδεκται ἡ Σαμάρεια τὸν λόγον τοῦ θεοῦ ἀπέστειλαν πρὸς αὐτοὺς Πέτρον καὶ ’Ιωάννην,

’Akoúsantes dè hoi en ‘Ierosolýmois apóstoloi hóti dédektai hē Samáreia tòn lógon toû theoû apésteilan pròs autoùs Pétron kaì ’Iōánnēn,

15
οἵτινες καταβάντες προσηύξαντο περὶ αὐτῶν ὅπως λάβωσιν πνεῦμα ἅγιον·

hoítines katabántes prosēýxanto perì autō̂n hópōs lábōsin pneûma hágion:

16
οὐδέπω γὰρ ἦν ἐπ’ οὐδενὶ αὐτῶν ἐπιπεπτωκός, μόνον δὲ βεβαπτισμένοι ὑπῆρχον εἰς τὸ ὄνομα τοῦ κυρίου ’Ιησοῦ.

oudépō gàr ē̂n ep’ oudenì autō̂n epipeptōkós, mónon dè bebaptisménoi hypē̂rchon eis tò ónoma toû kyríou ’Iēsoû.

17
τότε ἐπετίθουν τὰς χεῖρας ἐπ’ αὐτούς, καὶ ἐλάμβανον πνεῦμα ἅγιον.

tóte epetíthoun tàs cheîras ep’ autoús, kaì elámbanon pneûma hágion.

18
ἰδὼν δὲ ὁ Σίμων ὅτι διὰ τῆς ἐπιθέσεως τῶν χειρῶν τῶν ἀποστόλων δίδοται τὸ πνεῦμα, προσήνεγκεν αὐτοῖς χρήματα

idṑn dè ho Símōn hóti dià tē̂s epithéseōs tō̂n cheirō̂n tō̂n apostólōn dídotai tò pneûma, prosḗnenken autoîs chrḗmata

19
λέγων, Δότε κἀμοὶ τὴν ἐξουσίαν ταύτην ἵνα ᾧ ἐὰν ἐπιθῶ τὰς χεῖρας λαμβάνῃ πνεῦμα ἅγιον.

légōn, Dóte kamoì tḕn exousían taútēn hína hō̂i eàn epithō̂ tàs cheîras lambánēi pneûma hágion.

20
Πέτρος δὲ εἶπεν πρὸς αὐτόν, Τὸ ἀργύριόν σου σὺν σοὶ εἴη εἰς ἀπώλειαν, ὅτι τὴν δωρεὰν τοῦ θεοῦ ἐνόμισας διὰ χρημάτων κτᾶσθαι.

Pétros dè eîpen pròs autón, Tò argýrión sou sỳn soì eíē eis apṓleian, hóti tḕn dōreàn toû theoû enómisas dià chrēmátōn ktâsthai.

21
οὐκ ἔστιν σοι μερὶς οὐδὲ κλῆρος ἐν τῷ λόγῳ τούτῳ, ἡ γὰρ καρδία σου οὐκ ἔστιν εὐθεῖα ἔναντι τοῦ θεοῦ.

ouk éstin soi merìs oudè klē̂ros en tō̂i lógōi toútōi, hē gàr kardía sou ouk éstin eutheîa énanti toû theoû.

22
μετανόησον οὖν ἀπὸ τῆς κακίας σου ταύτης, καὶ δεήθητι τοῦ κυρίου εἰ ἄρα ἀφεθήσεταί σοι ἡ ἐπίνοια τῆς καρδίας σου·

metanóēson oûn apò tē̂s kakías sou taútēs, kaì deḗthēti toû kyríou ei ára aphethḗsetaí soi hē epínoia tē̂s kardías sou:

23
εἰς γὰρ χολὴν πικρίας καὶ σύνδεσμον ἀδικίας ὁρῶ σε ὄντα.

eis gàr cholḕn pikrías kaì sýndesmon adikías horō̂ se ónta.

24
ἀποκριθεὶς δὲ ὁ Σίμων εἶπεν, Δεήθητε ὑμεῖς ὑπὲρ ἐμοῦ πρὸς τὸν κύριον ὅπως μηδὲν ἐπέλθῃ ἐπ’ ἐμὲ ὧν εἰρήκατε.

apokritheìs dè ho Símōn eîpen, Deḗthēte hymeîs hypèr emoû pròs tòn kýrion hópōs mēdèn epélthēi ep’ emè hō̂n eirḗkate.

25
Οἱ μὲν οὖν διαμαρτυράμενοι καὶ λαλήσαντες τὸν λόγον τοῦ κυρίου ὑπέστρεφον εἰς ‘Ιεροσόλυμα, πολλάς τε κώμας τῶν Σαμαριτῶν εὐηγγελίζοντο.

Hoi mèn oûn diamartyrámenoi kaì lalḗsantes tòn lógon toû kyríou hypéstrephon eis ‘Ierosólyma, pollás te kṓmas tō̂n Samaritō̂n euēngelízonto.

26
῎Αγγελος δὲ κυρίου ἐλάλησεν πρὸς Φίλιππον λέγων, ’Ανάστηθι καὶ πορεύου κατὰ μεσημβρίαν ἐπὶ τὴν ὁδὸν τὴν καταβαίνουσαν ἀπὸ ’Ιερουσαλὴμ εἰς Γάζαν· αὕτη ἐστὶν ἔρημος.

῎Angelos dè kyríou elálēsen pròs Phílippon légōn, ’Anástēthi kaì poreúou katà mesēmbrían epì tḕn hodòn tḕn katabaínousan apò ’Ierousalḕm eis Gázan: haútē estìn érēmos.

27
καὶ ἀναστὰς ἐπορεύθη· καὶ ἰδοὺ ἀνὴρ Αἰθίοψ εὐνοῦχος δυνάστης Κανδάκης βασιλίσσης Αἰθιόπων, ὃς ἦν ἐπὶ πάσης τῆς γάζης αὐτῆς, ὃς ἐληλύθει προσκυνήσων εἰς ’Ιερουσαλήμ,

kaì anastàs eporeúthē: kaì idoù anḕr Aithíops eunoûchos dynástēs Kandákēs basilíssēs Aithiópōn, hòs ē̂n epì pásēs tē̂s gázēs autē̂s, hòs elēlýthei proskynḗsōn eis ’Ierousalḗm,

28
ἦν τε ὑποστρέφων καὶ καθήμενος ἐπὶ τοῦ ἅρματος αὐτοῦ καὶ ἀνεγίνωσκεν τὸν προφήτην ’Ησαΐαν.

ē̂n te hypostréphōn kaì kathḗmenos epì toû hármatos autoû kaì anegínōsken tòn prophḗtēn ’Ēsaḯan.

29
εἶπεν δὲ τὸ πνεῦμα τῷ Φιλίππῳ, Πρόσελθε καὶ κολλήθητι τῷ ἅρματι τούτῳ.

eîpen dè tò pneûma tō̂i Philíppōi, Próselthe kaì kollḗthēti tō̂i hármati toútōi.

30
προσδραμὼν δὲ ὁ Φίλιππος ἤκουσεν αὐτοῦ ἀναγινώσκοντος ’Ησαΐαν τὸν προφήτην, καὶ εἶπεν, ῏Αρά γε γινώσκεις ἃ ἀναγινώσκεις;

prosdramṑn dè ho Phílippos ḗkousen autoû anaginṓskontos ’Ēsaḯan tòn prophḗtēn, kaì eîpen, ᾿̂Ará ge ginṓskeis hà anaginṓskeis?

31
ὁ δὲ εἶπεν, Πῶς γὰρ ἂν δυναίμην ἐὰν μή τις ὁδηγήσει με; παρεκάλεσέν τε τὸν Φίλιππον ἀναβάντα καθίσαι σὺν αὐτῷ.

ho dè eîpen, Pō̂s gàr àn dynaímēn eàn mḗ tis hodēgḗsei me? parekálesén te tòn Phílippon anabánta kathísai sỳn autō̂i.

32
ἡ δὲ περιοχὴ τῆς γραφῆς ἣν ἀνεγίνωσκεν ἦν αὕτη· ‘Ως πρόβατον ἐπὶ σφαγὴν ἤχθη, καὶ ὡς ἀμνὸς ἐναντίον τοῦ κείραντος αὐτὸν ἄφωνος, οὕτως οὐκ ἀνοίγει τὸ στόμα αὐτοῦ.

hē dè periochḕ tē̂s graphē̂s hḕn anegínōsken ē̂n haútē: ‘Ōs próbaton epì sphagḕn ḗchthē, kaì hōs amnòs enantíon toû keírantos autòn áphōnos, hoútōs ouk anoígei tò stóma autoû.

33
’Εν τῇ ταπεινώσει ἡ κρίσις αὐτοῦ ἤρθη· τὴν γενεὰν αὐτοῦ τίς διηγήσεται; ὅτι αἴρεται ἀπὸ τῆς γῆς ἡ ζωὴ αὐτοῦ.

’En tē̂i tapeinṓsei hē krísis autoû ḗrthē: tḕn geneàn autoû tís diēgḗsetai? hóti aíretai apò tē̂s gē̂s hē zōḕ autoû.

34
’Αποκριθεὶς δὲ ὁ εὐνοῦχος τῷ Φιλίππῳ εἶπεν, Δέομαί σου, περὶ τίνος ὁ προφήτης λέγει τοῦτο; περὶ ἑαυτοῦ ἢ περὶ ἑτέρου τινός;

’Apokritheìs dè ho eunoûchos tō̂i Philíppōi eîpen, Déomaí sou, perì tínos ho prophḗtēs légei toûto? perì heautoû ḕ perì hetérou tinós?

35
ἀνοίξας δὲ ὁ Φίλιππος τὸ στόμα αὐτοῦ καὶ ἀρξάμενος ἀπὸ τῆς γραφῆς ταύτης εὐηγγελίσατο αὐτῷ τὸν ’Ιησοῦν.

anoíxas dè ho Phílippos tò stóma autoû kaì arxámenos apò tē̂s graphē̂s taútēs euēngelísato autō̂i tòn ’Iēsoûn.

36
ὡς δὲ ἐπορεύοντο κατὰ τὴν ὁδόν, ἦλθον ἐπί τι ὕδωρ, καί φησιν ὁ εὐνοῦχος, ’Ιδοὺ ὕδωρ· τί κωλύει με βαπτισθῆναι;

hōs dè eporeúonto katà tḕn hodón, ē̂lthon epí ti hýdōr, kaí phēsin ho eunoûchos, ’Idoù hýdōr: tí kōlýei me baptisthē̂nai?

38
καὶ ἐκέλευσεν στῆναι τὸ ἅρμα, καὶ κατέβησαν ἀμφότεροι εἰς τὸ ὕδωρ ὅ τε Φίλιππος καὶ ὁ εὐνοῦχος, καὶ ἐβάπτισεν αὐτόν.

kaì ekéleusen stē̂nai tò hárma, kaì katébēsan amphóteroi eis tò hýdōr hó te Phílippos kaì ho eunoûchos, kaì ebáptisen autón.

39
ὅτε δὲ ἀνέβησαν ἐκ τοῦ ὕδατος, πνεῦμα κυρίου ἥρπασεν τὸν Φίλιππον, καὶ οὐκ εἶδεν αὐτὸν οὐκέτι ὁ εὐνοῦχος· ἐπορεύετο γὰρ τὴν ὁδὸν αὐτοῦ χαίρων.

hóte dè anébēsan ek toû hýdatos, pneûma kyríou hḗrpasen tòn Phílippon, kaì ouk eîden autòn oukéti ho eunoûchos: eporeúeto gàr tḕn hodòn autoû chaírōn.

40
Φίλιππος δὲ εὑρέθη εἰς ῎Αζωτον, καὶ διερχόμενος εὐηγγελίζετο τὰς πόλεις πάσας ἕως τοῦ ἐλθεῖν αὐτὸν εἰς Καισάρειαν.

Phílippos dè heuréthē eis ῎Azōton, kaì dierchómenos euēngelízeto tàs póleis pásas héōs toû eltheîn autòn eis Kaisáreian.