Bibles in ancient languages
Old translations
Modern translations

Novum Testamentum Graecum Apocalypse 13:8

New Testament
Chapter
Verses
1
Καὶ εἶδον ἐκ τῆς θαλάσσης θηρίον ἀναβαῖνον, ἔχον κέρατα δέκα καὶ κεφαλὰς ἑπτά, καὶ ἐπὶ τῶν κεράτων αὐτοῦ δέκα διαδήματα, καὶ ἐπὶ τὰς κεφαλὰς αὐτοῦ ὄνομα βλασφημίας.

Kaì eîdon ek tē̂s thalássēs thēríon anabaînon, échon kérata déka kaì kephalàs heptá, kaì epì tō̂n kerátōn autoû déka diadḗmata, kaì epì tàs kephalàs autoû ónoma blasphēmías.

2
καὶ τὸ θηρίον ὃ εἶδον ἦν ὅμοιον παρδάλει, καὶ οἱ πόδες αὐτοῦ ὡς ἄρκου, καὶ τὸ στόμα αὐτοῦ ὡς στόμα λέοντος. καὶ ἔδωκεν αὐτῷ ὁ δράκων τὴν δύναμιν αὐτοῦ καὶ τὸν θρόνον αὐτοῦ καὶ ἐξουσίαν μεγάλην.

kaì tò thēríon hò eîdon ē̂n hómoion pardálei, kaì hoi pódes autoû hōs árkou, kaì tò stóma autoû hōs stóma léontos. kaì édōken autō̂i ho drákōn tḕn dýnamin autoû kaì tòn thrónon autoû kaì exousían megálēn.

3
καὶ μίαν ἐκ τῶν κεφαλῶν αὐτοῦ ὡς ἐσφαγμένην εἰς θάνατον, καὶ ἡ πληγὴ τοῦ θανάτου αὐτοῦ ἐθεραπεύθη. καὶ ἐθαυμάσθη ὅλη ἡ γῆ ὀπίσω τοῦ θηρίου,

kaì mían ek tō̂n kephalō̂n autoû hōs esphagménēn eis thánaton, kaì hē plēgḕ toû thanátou autoû etherapeúthē. kaì ethaumásthē hólē hē gē̂ opísō toû thēríou,

4
καὶ προσεκύνησαν τῷ δράκοντι ὅτι ἔδωκεν τὴν ἐξουσίαν τῷ θηρίῳ, καὶ προσεκύνησαν τῷ θηρίῳ λέγοντες, Τίς ὅμοιος τῷ θηρίῳ, καὶ τίς δύναται πολεμῆσαι μετ’ αὐτοῦ;

kaì prosekýnēsan tō̂i drákonti hóti édōken tḕn exousían tō̂i thēríōi, kaì prosekýnēsan tō̂i thēríōi légontes, Tís hómoios tō̂i thēríōi, kaì tís dýnatai polemē̂sai met’ autoû?

5
Καὶ ἐδόθη αὐτῷ στόμα λαλοῦν μεγάλα καὶ βλασφημίας, καὶ ἐδόθη αὐτῷ ἐξουσία ποιῆσαι μῆνας τεσσαράκοντα δύο.

Kaì edóthē autō̂i stóma laloûn megála kaì blasphēmías, kaì edóthē autō̂i exousía poiē̂sai mē̂nas tessarákonta dýo.

6
καὶ ἤνοιξεν τὸ στόμα αὐτοῦ εἰς βλασφημίας πρὸς τὸν θεόν, βλασφημῆσαι τὸ ὄνομα αὐτοῦ καὶ τὴν σκηνὴν αὐτοῦ, τοὺς ἐν τῷ οὐρανῷ σκηνοῦντας.

kaì ḗnoixen tò stóma autoû eis blasphēmías pròs tòn theón, blasphēmē̂sai tò ónoma autoû kaì tḕn skēnḕn autoû, toùs en tō̂i ouranō̂i skēnoûntas.

7
καὶ ἐδόθη αὐτῷ ποιῆσαι πόλεμον μετὰ τῶν ἁγίων καὶ νικῆσαι αὐτούς, καὶ ἐδόθη αὐτῷ ἐξουσία ἐπὶ πᾶσαν φυλὴν καὶ λαὸν καὶ γλῶσσαν καὶ ἔθνος.

kaì edóthē autō̂i poiē̂sai pólemon metà tō̂n hagíōn kaì nikē̂sai autoús, kaì edóthē autō̂i exousía epì pâsan phylḕn kaì laòn kaì glō̂ssan kaì éthnos.

8
καὶ προσκυνήσουσιν αὐτὸν πάντες οἱ κατοικοῦντες ἐπὶ τῆς γῆς, οὗ οὐ γέγραπται τὸ ὄνομα αὐτοῦ ἐν τῷ βιβλίῳ τῆς ζωῆς τοῦ ἀρνίου τοῦ ἐσφαγμένου ἀπὸ καταβολῆς κόσμου.

kaì proskynḗsousin autòn pántes hoi katoikoûntes epì tē̂s gē̂s, hoû ou gégraptai tò ónoma autoû en tō̂i biblíōi tē̂s zōē̂s toû arníou toû esphagménou apò katabolē̂s kósmou.

9
Εἴ τις ἔχει οὖς ἀκουσάτω.

Eí tis échei oûs akousátō.

10
εἴ τις εἰς αἰχμαλωσίαν, εἰς αἰχμαλωσίαν ὑπάγει· εἴ τις ἐν μαχαίρῃ ἀποκτανθῆναι, αὐτὸν ἐν μαχαίρῃ ἀποκτανθῆναι. ῟Ωδέ ἐστιν ἡ ὑπομονὴ καὶ ἡ πίστις τῶν ἁγίων.

eí tis eis aichmalōsían, eis aichmalōsían hypágei: eí tis en machaírēi apoktanthē̂nai, autòn en machaírēi apoktanthē̂nai. ῾̂Ōdé estin hē hypomonḕ kaì hē pístis tō̂n hagíōn.

11
Καὶ εἶδον ἄλλο θηρίον ἀναβαῖνον ἐκ τῆς γῆς, καὶ εἶχεν κέρατα δύο ὅμοια ἀρνίῳ, καὶ ἐλάλει ὡς δράκων.

Kaì eîdon állo thēríon anabaînon ek tē̂s gē̂s, kaì eîchen kérata dýo hómoia arníōi, kaì elálei hōs drákōn.

12
καὶ τὴν ἐξουσίαν τοῦ πρώτου θηρίου πᾶσαν ποιεῖ ἐνώπιον αὐτοῦ. καὶ ποιεῖ τὴν γῆν καὶ τοὺς ἐν αὐτῇ κατοικοῦντας ἵνα προσκυνήσουσιν τὸ θηρίον τὸ πρῶτον, οὗ ἐθεραπεύθη ἡ πληγὴ τοῦ θανάτου αὐτοῦ.

kaì tḕn exousían toû prṓtou thēríou pâsan poieî enṓpion autoû. kaì poieî tḕn gē̂n kaì toùs en autē̂i katoikoûntas hína proskynḗsousin tò thēríon tò prō̂ton, hoû etherapeúthē hē plēgḕ toû thanátou autoû.

13
καὶ ποιεῖ σημεῖα μεγάλα, ἵνα καὶ πῦρ ποιῇ ἐκ τοῦ οὐρανοῦ καταβαίνειν εἰς τὴν γῆν ἐνώπιον τῶν ἀνθρώπων.

kaì poieî sēmeîa megála, hína kaì pŷr poiē̂i ek toû ouranoû katabaínein eis tḕn gē̂n enṓpion tō̂n anthrṓpōn.

14
καὶ πλανᾷ τοὺς κατοικοῦντας ἐπὶ τῆς γῆς διὰ τὰ σημεῖα ἃ ἐδόθη αὐτῷ ποιῆσαι ἐνώπιον τοῦ θηρίου, λέγων τοῖς κατοικοῦσιν ἐπὶ τῆς γῆς ποιῆσαι εἰκόνα τῷ θηρίῳ ὃς ἔχει τὴν πληγὴν τῆς μαχαίρης καὶ ἔζησεν.

kaì planā̂i toùs katoikoûntas epì tē̂s gē̂s dià tà sēmeîa hà edóthē autō̂i poiē̂sai enṓpion toû thēríou, légōn toîs katoikoûsin epì tē̂s gē̂s poiē̂sai eikóna tō̂i thēríōi hòs échei tḕn plēgḕn tē̂s machaírēs kaì ézēsen.

15
καὶ ἐδόθη αὐτῷ δοῦναι πνεῦμα τῇ εἰκόνι τοῦ θηρίου, ἵνα καὶ λαλήσῃ ἡ εἰκὼν τοῦ θηρίου καὶ ποιήσῃ ἵνα ὅσοι ἐὰν μὴ προσκυνήσωσιν τῇ εἰκόνι τοῦ θηρίου ἀποκτανθῶσιν.

kaì edóthē autō̂i doûnai pneûma tē̂i eikóni toû thēríou, hína kaì lalḗsēi hē eikṑn toû thēríou kaì poiḗsēi hína hósoi eàn mḕ proskynḗsōsin tē̂i eikóni toû thēríou apoktanthō̂sin.

16
καὶ ποιεῖ πάντας, τοὺς μικροὺς καὶ τοὺς μεγάλους, καὶ τοὺς πλουσίους καὶ τοὺς πτωχούς, καὶ τοὺς ἐλευθέρους καὶ τοὺς δούλους, ἵνα δῶσιν αὐτοῖς χάραγμα ἐπὶ τῆς χειρὸς αὐτῶν τῆς δεξιᾶς ἢ ἐπὶ τὸ μέτωπον αὐτῶν,

kaì poieî pántas, toùs mikroùs kaì toùs megálous, kaì toùs plousíous kaì toùs ptōchoús, kaì toùs eleuthérous kaì toùs doúlous, hína dō̂sin autoîs cháragma epì tē̂s cheiròs autō̂n tē̂s dexiâs ḕ epì tò métōpon autō̂n,

17
καὶ ἵνα μή τις δύνηται ἀγοράσαι ἢ πωλῆσαι εἰ μὴ ὁ ἔχων τὸ χάραγμα, τὸ ὄνομα τοῦ θηρίου ἢ τὸν ἀριθμὸν τοῦ ὀνόματος αὐτοῦ.

kaì hína mḗ tis dýnētai agorásai ḕ pōlē̂sai ei mḕ ho échōn tò cháragma, tò ónoma toû thēríou ḕ tòn arithmòn toû onómatos autoû.

18
῟Ωδε ἡ σοφία ἐστίν· ὁ ἔχων νοῦν ψηφισάτω τὸν ἀριθμὸν τοῦ θηρίου, ἀριθμὸς γὰρ ἀνθρώπου ἐστίν· καὶ ὁ ἀριθμὸς αὐτοῦ ἑξακόσιοι ἑξήκοντα ἕξ.

῾̂Ōde hē sophía estín: ho échōn noûn psēphisátō tòn arithmòn toû thēríou, arithmòs gàr anthrṓpou estín: kaì ho arithmòs autoû hexakósioi hexḗkonta héx.