Bibles in ancient languages
Old translations
Modern translations

Novum Testamentum Graecum Apocalypse 19:12

New Testament
Chapter
Verses
1
Μετὰ ταῦτα ἤκουσα ὡς φωνὴν μεγάλην ὄχλου πολλοῦ ἐν τῷ οὐρανῷ λεγόντων, ‘Αλληλουϊά· ἡ σωτηρία καὶ ἡ δόξα καὶ ἡ δύναμις τοῦ θεοῦ ἡμῶν,

Metà taûta ḗkousa hōs phōnḕn megálēn óchlou polloû en tō̂i ouranō̂i legóntōn, ‘Allēlouïá: hē sōtēría kaì hē dóxa kaì hē dýnamis toû theoû hēmō̂n,

2
ὅτι ἀληθιναὶ καὶ δίκαιαι αἱ κρίσεις αὐτοῦ· ὅτι ἔκρινεν τὴν πόρνην τὴν μεγάλην ἥτις ἔφθειρεν τὴν γῆν ἐν τῇ πορνείᾳ αὐτῆς, καὶ ἐξεδίκησεν τὸ αἷμα τῶν δούλων αὐτοῦ ἐκ χειρὸς αὐτῆς.

hóti alēthinaì kaì díkaiai hai kríseis autoû: hóti ékrinen tḕn pórnēn tḕn megálēn hḗtis éphtheiren tḕn gē̂n en tē̂i porneíāi autē̂s, kaì exedíkēsen tò haîma tō̂n doúlōn autoû ek cheiròs autē̂s.

3
καὶ δεύτερον εἴρηκαν, ‘Αλληλουϊά· καὶ ὁ καπνὸς αὐτῆς ἀναβαίνει εἰς τοὺς αἰῶνας τῶν αἰώνων.

kaì deúteron eírēkan, ‘Allēlouïá: kaì ho kapnòs autē̂s anabaínei eis toùs aiō̂nas tō̂n aiṓnōn.

4
καὶ ἔπεσαν οἱ πρεσβύτεροι οἱ εἴκοσι τέσσαρες καὶ τὰ τέσσαρα ζῷα, καὶ προσεκύνησαν τῷ θεῷ τῷ καθημένῳ ἐπὶ τῷ θρόνῳ, λέγοντες, ’Αμήν, ‘Αλληλουϊά.

kaì épesan hoi presbýteroi hoi eíkosi téssares kaì tà téssara zō̂ia, kaì prosekýnēsan tō̂i theō̂i tō̂i kathēménōi epì tō̂i thrónōi, légontes, ’Amḗn, ‘Allēlouïá.

5
Καὶ φωνὴ ἀπὸ τοῦ θρόνου ἐξῆλθεν λέγουσα, Αἰνεῖτε τῷ θεῷ ἡμῶν, πάντες οἱ δοῦλοι αὐτοῦ, [καὶ] οἱ φοβούμενοι αὐτόν, οἱ μικροὶ καὶ οἱ μεγάλοι.

Kaì phōnḕ apò toû thrónou exē̂lthen légousa, Aineîte tō̂i theō̂i hēmō̂n, pántes hoi doûloi autoû, [kaì] hoi phoboúmenoi autón, hoi mikroì kaì hoi megáloi.

6
καὶ ἤκουσα ὡς φωνὴν ὄχλου πολλοῦ καὶ ὡς φωνὴν ὑδάτων πολλῶν καὶ ὡς φωνὴν βροντῶν ἰσχυρῶν λεγόντων, ‘Αλληλουϊά, ὅτι ἐβασίλευσεν κύριος ὁ θεὸς [ἡμῶν] ὁ παντοκράτωρ.

kaì ḗkousa hōs phōnḕn óchlou polloû kaì hōs phōnḕn hydátōn pollō̂n kaì hōs phōnḕn brontō̂n ischyrō̂n legóntōn, ‘Allēlouïá, hóti ebasíleusen kýrios ho theòs [hēmō̂n] ho pantokrátōr.

7
χαίρωμεν καὶ ἀγαλλιῶμεν, καὶ δώσωμεν τὴν δόξαν αὐτῷ, ὅτι ἦλθεν ὁ γάμος τοῦ ἀρνίου, καὶ ἡ γυνὴ αὐτοῦ ἡτοίμασεν ἑαυτήν·

chaírōmen kaì agalliō̂men, kaì dṓsōmen tḕn dóxan autō̂i, hóti ē̂lthen ho gámos toû arníou, kaì hē gynḕ autoû hētoímasen heautḗn:

8
καὶ ἐδόθη αὐτῇ ἵνα περιβάληται βύσσινον λαμπρὸν καθαρόν, τὸ γὰρ βύσσινον τὰ δικαιώματα τῶν ἁγίων ἐστίν.

kaì edóthē autē̂i hína peribálētai býssinon lampròn katharón, tò gàr býssinon tà dikaiṓmata tō̂n hagíōn estín.

9
Καὶ λέγει μοι, Γράψον· Μακάριοι οἱ εἰς τὸ δεῖπνον τοῦ γάμου τοῦ ἀρνίου κεκλημένοι. καὶ λέγει μοι, Οὗτοι οἱ λόγοι ἀληθινοὶ τοῦ θεοῦ εἰσιν.

Kaì légei moi, Grápson: Makárioi hoi eis tò deîpnon toû gámou toû arníou keklēménoi. kaì légei moi, Hoûtoi hoi lógoi alēthinoì toû theoû eisin.

10
καὶ ἔπεσα ἔμπροσθεν τῶν ποδῶν αὐτοῦ προσκυνῆσαι αὐτῷ. καὶ λέγει μοι, ῞Ορα μή· σύνδουλός σού εἰμι καὶ τῶν ἀδελφῶν σου τῶν ἐχόντων τὴν μαρτυρίαν ’Ιησοῦ· τῷ θεῷ προσκύνησον. ἡ γὰρ μαρτυρία ’Ιησοῦ ἐστιν τὸ πνεῦμα τῆς προφητείας.

kaì épesa émprosthen tō̂n podō̂n autoû proskynē̂sai autō̂i. kaì légei moi, ῞Ora mḗ: sýndoulós soú eimi kaì tō̂n adelphō̂n sou tō̂n echóntōn tḕn martyrían ’Iēsoû: tō̂i theō̂i proskýnēson. hē gàr martyría ’Iēsoû estin tò pneûma tē̂s prophēteías.

11
Καὶ εἶδον τὸν οὐρανὸν ἠνεῳγμένον, καὶ ἰδοὺ ἵππος λευκός, καὶ ὁ καθήμενος ἐπ’ αὐτὸν πιστὸς [καλούμενος] καὶ ἀληθινός, καὶ ἐν δικαιοσύνῃ κρίνει καὶ πολεμεῖ.

Kaì eîdon tòn ouranòn ēneōigménon, kaì idoù híppos leukós, kaì ho kathḗmenos ep’ autòn pistòs [kaloúmenos] kaì alēthinós, kaì en dikaiosýnēi krínei kaì polemeî.

12
οἱ δὲ ὀφθαλμοὶ αὐτοῦ [ὡς] φλὸξ πυρός, καὶ ἐπὶ τὴν κεφαλὴν αὐτοῦ διαδήματα πολλά, ἔχων ὄνομα γεγραμμένον ὃ οὐδεὶς οἶδεν εἰ μὴ αὐτός,

hoi dè ophthalmoì autoû [hōs] phlòx pyrós, kaì epì tḕn kephalḕn autoû diadḗmata pollá, échōn ónoma gegramménon hò oudeìs oîden ei mḕ autós,

13
καὶ περιβεβλημένος ἱμάτιον βεβαμμένον αἵματι, καὶ κέκληται τὸ ὄνομα αὐτοῦ ὁ λόγος τοῦ θεοῦ.

kaì peribeblēménos himátion bebamménon haímati, kaì kéklētai tò ónoma autoû ho lógos toû theoû.

14
καὶ τὰ στρατεύματα [τὰ] ἐν τῷ οὐρανῷ ἠκολούθει αὐτῷ ἐφ’ ἵπποις λευκοῖς, ἐνδεδυμένοι βύσσινον λευκὸν καθαρόν.

kaì tà strateúmata [tà] en tō̂i ouranō̂i ēkoloúthei autō̂i eph’ híppois leukoîs, endedyménoi býssinon leukòn katharón.

15
καὶ ἐκ τοῦ στόματος αὐτοῦ ἐκπορεύεται ῥομφαία ὀξεῖα, ἵνα ἐν αὐτῇ πατάξῃ τὰ ἔθνη, καὶ αὐτὸς ποιμανεῖ αὐτοὺς ἐν ῥάβδῳ σιδηρᾷ· καὶ αὐτὸς πατεῖ τὴν ληνὸν τοῦ οἴνου τοῦ θυμοῦ τῆς ὀργῆς τοῦ θεοῦ τοῦ παντοκράτορος.

kaì ek toû stómatos autoû ekporeúetai rhomphaía oxeîa, hína en autē̂i patáxēi tà éthnē, kaì autòs poimaneî autoùs en rhábdōi sidērā̂i: kaì autòs pateî tḕn lēnòn toû oínou toû thymoû tē̂s orgē̂s toû theoû toû pantokrátoros.

16
καὶ ἔχει ἐπὶ τὸ ἱμάτιον καὶ ἐπὶ τὸν μηρὸν αὐτοῦ ὄνομα γεγραμμένον· Βασιλεὺς βασιλέων καὶ κύριος κυρίων.

kaì échei epì tò himátion kaì epì tòn mēròn autoû ónoma gegramménon: Basileùs basiléōn kaì kýrios kyríōn.

17
Καὶ εἶδον ἕνα ἄγγελον ἑστῶτα ἐν τῷ ἡλίῳ, καὶ ἔκραξεν [ἐν] φωνῇ μεγάλῃ λέγων πᾶσιν τοῖς ὀρνέοις τοῖς πετομένοις ἐν μεσουρανήματι, Δεῦτε συνάχθητε εἰς τὸ δεῖπνον τὸ μέγα τοῦ θεοῦ,

Kaì eîdon héna ángelon hestō̂ta en tō̂i hēlíōi, kaì ékraxen [en] phōnē̂i megálēi légōn pâsin toîs ornéois toîs petoménois en mesouranḗmati, Deûte synáchthēte eis tò deîpnon tò méga toû theoû,

18
ἵνα φάγητε σάρκας βασιλέων καὶ σάρκας χιλιάρχων καὶ σάρκας ἰσχυρῶν καὶ σάρκας ἵππων καὶ τῶν καθημένων ἐπ’ αὐτῶν καὶ σάρκας πάντων ἐλευθέρων τε καὶ δούλων καὶ μικρῶν καὶ μεγάλων.

hína phágēte sárkas basiléōn kaì sárkas chiliárchōn kaì sárkas ischyrō̂n kaì sárkas híppōn kaì tō̂n kathēménōn ep’ autō̂n kaì sárkas pántōn eleuthérōn te kaì doúlōn kaì mikrō̂n kaì megálōn.

19
Καὶ εἶδον τὸ θηρίον καὶ τοὺς βασιλεῖς τῆς γῆς καὶ τὰ στρατεύματα αὐτῶν συνηγμένα ποιῆσαι τὸν πόλεμον μετὰ τοῦ καθημένου ἐπὶ τοῦ ἵππου καὶ μετὰ τοῦ στρατεύματος αὐτοῦ.

Kaì eîdon tò thēríon kaì toùs basileîs tē̂s gē̂s kaì tà strateúmata autō̂n synēgména poiē̂sai tòn pólemon metà toû kathēménou epì toû híppou kaì metà toû strateúmatos autoû.

20
καὶ ἐπιάσθη τὸ θηρίον καὶ μετ’ αὐτοῦ ὁ ψευδοπροφήτης ὁ ποιήσας τὰ σημεῖα ἐνώπιον αὐτοῦ, ἐν οἷς ἐπλάνησεν τοὺς λαβόντας τὸ χάραγμα τοῦ θηρίου καὶ τοὺς προσκυνοῦντας τῇ εἰκόνι αὐτοῦ· ζῶντες ἐβλήθησαν οἱ δύο εἰς τὴν λίμνην τοῦ πυρὸς τῆς καιομένης ἐν θείῳ.

kaì epiásthē tò thēríon kaì met’ autoû ho pseudoprophḗtēs ho poiḗsas tà sēmeîa enṓpion autoû, en hoîs eplánēsen toùs labóntas tò cháragma toû thēríou kaì toùs proskynoûntas tē̂i eikóni autoû: zō̂ntes eblḗthēsan hoi dýo eis tḕn límnēn toû pyròs tē̂s kaioménēs en theíōi.

21
καὶ οἱ λοιποὶ ἀπεκτάνθησαν ἐν τῇ ῥομφαίᾳ τοῦ καθημένου ἐπὶ τοῦ ἵππου τῇ ἐξελθούσῃ ἐκ τοῦ στόματος αὐτοῦ, καὶ πάντα τὰ ὄρνεα ἐχορτάσθησαν ἐκ τῶν σαρκῶν αὐτῶν.

kaì hoi loipoì apektánthēsan en tē̂i rhomphaíāi toû kathēménou epì toû híppou tē̂i exelthoúsēi ek toû stómatos autoû, kaì pánta tà órnea echortásthēsan ek tō̂n sarkō̂n autō̂n.