Bibles in ancient languages
Ancient translations
Modern translations

Novum Testamentum Graecum 1 Timothy 3

New Testament
Chapter
Verses
1
Πιστὸς ὁ λόγος· εἴ τις ἐπισκοπῆς ὀρέγεται, καλοῦ ἔργου ἐπιθυμεῖ.

Pistòs ho lógos: eí tis episkopē̂s orégetai, kaloû érgou epithymeî.

2
δεῖ οὖν τὸν ἐπίσκοπον ἀνεπίλημπτον εἶναι, μιᾶς γυναικὸς ἄνδρα, νηφάλιον, σώφρονα, κόσμιον, φιλόξενον, διδακτικόν,

deî oûn tòn epískopon anepílēmpton eînai, miâs gynaikòs ándra, nēphálion, sṓphrona, kósmion, philóxenon, didaktikón,

3
μὴ πάροινον, μὴ πλήκτην, ἀλλὰ ἐπιεικῆ, ἄμαχον, ἀφιλάργυρον,

mḕ pároinon, mḕ plḗktēn, allà epieikē̂, ámachon, aphilárgyron,

4
τοῦ ἰδίου οἴκου καλῶς προϊστάμενον, τέκνα ἔχοντα ἐν ὑποταγῇ μετὰ πάσης σεμνότητος·

toû idíou oíkou kalō̂s proïstámenon, tékna échonta en hypotagē̂i metà pásēs semnótētos:

5
(εἰ δέ τις τοῦ ἰδίου οἴκου προστῆναι οὐκ οἶδεν, πῶς ἐκκλησίας θεοῦ ἐπιμελήσεται;)

(ei dé tis toû idíou oíkou prostē̂nai ouk oîden, pō̂s ekklēsías theoû epimelḗsetai?)

6
μὴ νεόφυτον, ἵνα μὴ τυφωθεὶς εἰς κρίμα ἐμπέσῃ τοῦ διαβόλου.

mḕ neóphyton, hína mḕ typhōtheìs eis kríma empésēi toû diabólou.

7
δεῖ δὲ καὶ μαρτυρίαν καλὴν ἔχειν ἀπὸ τῶν ἔξωθεν, ἵνα μὴ εἰς ὀνειδισμὸν ἐμπέσῃ καὶ παγίδα τοῦ διαβόλου.

deî dè kaì martyrían kalḕn échein apò tō̂n éxōthen, hína mḕ eis oneidismòn empésēi kaì pagída toû diabólou.

8
Διακόνους ὡσαύτως σεμνούς, μὴ διλόγους, μὴ οἴνῳ πολλῷ προσέχοντας, μὴ αἰσχροκερδεῖς,

Diakónous hōsaútōs semnoús, mḕ dilógous, mḕ oínōi pollō̂i proséchontas, mḕ aischrokerdeîs,

9
ἔχοντας τὸ μυστήριον τῆς πίστεως ἐν καθαρᾷ συνειδήσει.

échontas tò mystḗrion tē̂s písteōs en katharā̂i syneidḗsei.

10
καὶ οὗτοι δὲ δοκιμαζέσθωσαν πρῶτον, εἶτα διακονείτωσαν ἀνέγκλητοι ὄντες.

kaì hoûtoi dè dokimazésthōsan prō̂ton, eîta diakoneítōsan anénklētoi óntes.

11
γυναῖκας ὡσαύτως σεμνάς, μὴ διαβόλους, νηφαλίους, πιστὰς ἐν πᾶσιν.

gynaîkas hōsaútōs semnás, mḕ diabólous, nēphalíous, pistàs en pâsin.

12
διάκονοι ἔστωσαν μιᾶς γυναικὸς ἄνδρες, τέκνων καλῶς προϊστάμενοι καὶ τῶν ἰδίων οἴκων·

diákonoi éstōsan miâs gynaikòs ándres, téknōn kalō̂s proïstámenoi kaì tō̂n idíōn oíkōn:

13
οἱ γὰρ καλῶς διακονήσαντες βαθμὸν ἑαυτοῖς καλὸν περιποιοῦνται καὶ πολλὴν παρρησίαν ἐν πίστει τῇ ἐν Χριστῷ ’Ιησοῦ.

hoi gàr kalō̂s diakonḗsantes bathmòn heautoîs kalòn peripoioûntai kaì pollḕn parrēsían en pístei tē̂i en Christō̂i ’Iēsoû.

14
Ταῦτά σοι γράφω, ἐλπίζων ἐλθεῖν πρὸς σὲ τάχιον·

Taûtá soi gráphō, elpízōn eltheîn pròs sè táchion:

15
ἐὰν δὲ βραδύνω, ἵνα εἰδῇς πῶς δεῖ ἐν οἴκῳ θεοῦ ἀναστρέφεσθαι, ἥτις ἐστὶν ἐκκλησία θεοῦ ζῶντος, στῦλος καὶ ἑδραίωμα τῆς ἀληθείας.

eàn dè bradýnō, hína eidē̂is pō̂s deî en oíkōi theoû anastréphesthai, hḗtis estìn ekklēsía theoû zō̂ntos, stŷlos kaì hedraíōma tē̂s alētheías.

16
καὶ ὁμολογουμένως μέγα ἐστὶν τὸ τῆς εὐσεβείας μυστήριον· ῝Ος ἐφανερώθη ἐν σαρκί, ἐδικαιώθη ἐν πνεύματι, ὤφθη ἀγγέλοις, ἐκηρύχθη ἐν ἔθνεσιν, ἐπιστεύθη ἐν κόσμῳ, ἀνελήμφθη ἐν δόξῃ.

kaì homologouménōs méga estìn tò tē̂s eusebeías mystḗrion: ῝Os ephanerṓthē en sarkí, edikaiṓthē en pneúmati, ṓphthē angélois, ekērýchthē en éthnesin, episteúthē en kósmōi, anelḗmphthē en dóxēi.