Bibles in ancient languages
Old translations
Modern translations

Septante 2 Chroniques 17:2

Pentateuch
Historical books
Poetical Writings
Prophetic Books
Chapter
Verses
1
Καὶ ἐβασίλευσεν Ιωσαϕατ υἱὸς αὐτοῦ ἀντ’ αὐτοῦ, καὶ κατίσχυσεν Ιωσαϕατ ἐπὶ τὸν Ισραηλ.

Kaì ebasíleusen Iōsaphat hyiòs autoû ant’ autoû, kaì katíschysen Iōsaphat epì tòn Israēl.

2
καὶ ἔδωκεν δύναμιν ἐν πάσαις ταῖς πόλεσιν Ιουδα ταῖς ὀχυραῖς καὶ κατέστησεν ἡγουμένους ἐν πάσαις ταῖς πόλεσιν Ιουδα καὶ ἐν πόλεσιν Εϕραιμ, ἃς προκατελάβετο Ασα ὁ πατὴρ αὐτοῦ.

kaì édōken dýnamin en pásais taîs pólesin Iouda taîs ochyraîs kaì katéstēsen hēgouménous en pásais taîs pólesin Iouda kaì en pólesin Ephraim, hàs prokatelábeto Asa ho patḕr autoû.

3
καὶ ἐγένετο κύριος μετὰ Ιωσαϕατ, ὅτι ἐπορεύθη ἐν ὁδοῖς τοῦ πατρὸς αὐτοῦ ταῖς πρώταις καὶ οὐκ ἐξεζήτησεν τὰ εἴδωλα,

kaì egéneto kýrios metà Iōsaphat, hóti eporeúthē en hodoîs toû patròs autoû taîs prṓtais kaì ouk exezḗtēsen tà eídōla,

4
ἀλλὰ κύριον τὸν θεὸν τοῦ πατρὸς αὐτοῦ ἐξεζήτησεν καὶ ἐν ταῖς ἐντολαῖς τοῦ πατρὸς αὐτοῦ ἐπορεύθη, καὶ οὐχ ὡς τοῦ Ισραηλ τὰ ἔργα.

allà kýrion tòn theòn toû patròs autoû exezḗtēsen kaì en taîs entolaîs toû patròs autoû eporeúthē, kaì ouch hōs toû Israēl tà érga.

5
καὶ κατηύθυνεν κύριος τὴν βασιλείαν ἐν χειρὶ αὐτοῦ, καὶ ἔδωκεν πᾶς Ιουδα δῶρα τῷ Ιωσαϕατ, καὶ ἐγένετο αὐτῷ πλοῦτος καὶ δόξα πολλή.

kaì katēýthynen kýrios tḕn basileían en cheirì autoû, kaì édōken pâs Iouda dō̂ra tō̂i Iōsaphat, kaì egéneto autō̂i ploûtos kaì dóxa pollḗ.

6
καὶ ὑψώθη καρδία αὐτοῦ ἐν ὁδῷ κυρίου, καὶ ἔτι ἐξῆρεν τὰ ὑψηλὰ καὶ τὰ ἄλση ἀπὸ τῆς γῆς Ιουδα.

kaì hypsṓthē kardía autoû en hodō̂i kyríou, kaì éti exē̂ren tà hypsēlà kaì tà álsē apò tē̂s gē̂s Iouda.

7
καὶ ἐν τῷ τρίτῳ ἔτει τῆς βασιλείας αὐτοῦ ἀπέστειλεν τοὺς ἡγουμένους αὐτοῦ καὶ τοὺς υἱοὺς τῶν δυνατῶν, τὸν Αβδιαν καὶ Ζαχαριαν καὶ Ναθαναηλ καὶ Μιχαιαν, διδάσκειν ἐν πόλεσιν Ιουδα,

kaì en tō̂i trítōi étei tē̂s basileías autoû apésteilen toùs hēgouménous autoû kaì toùs hyioùs tō̂n dynatō̂n, tòn Abdian kaì Zacharian kaì Nathanaēl kaì Michaian, didáskein en pólesin Iouda,

8
καὶ μετ’ αὐτῶν οἱ Λευῖται Σαμουιας καὶ Ναθανιας καὶ Ζαβδιας καὶ Ασιηλ καὶ Σεμιραμωθ καὶ Ιωναθαν καὶ Αδωνιας καὶ Τωβιας οἱ Λευῖται, καὶ μετ’ αὐτῶν Ελισαμα καὶ Ιωραμ οἱ ἱερεῖς,

kaì met’ autō̂n hoi Leuîtai Samouias kaì Nathanias kaì Zabdias kaì Asiēl kaì Semiramōth kaì Iōnathan kaì Adōnias kaì Tōbias hoi Leuîtai, kaì met’ autō̂n Elisama kaì Iōram hoi hiereîs,

9
καὶ ἐδίδασκον ἐν Ιουδα, καὶ μετ’ αὐτῶν βύβλος νόμου κυρίου, καὶ διῆλθον ἐν ταῖς πόλεσιν Ιουδα καὶ ἐδίδασκον τὸν λαόν.

kaì edídaskon en Iouda, kaì met’ autō̂n býblos nómou kyríou, kaì diē̂lthon en taîs pólesin Iouda kaì edídaskon tòn laón.

10
καὶ ἐγένετο ἔκστασις κυρίου ἐπὶ πάσαις ταῖς βασιλείαις τῆς γῆς ταῖς κύκλῳ Ιουδα, καὶ οὐκ ἐπολέμουν πρὸς Ιωσαϕατ·

kaì egéneto ékstasis kyríou epì pásais taîs basileíais tē̂s gē̂s taîs kýklōi Iouda, kaì ouk epolémoun pròs Iōsaphat:

11
καὶ ἀπὸ τῶν ἀλλοϕύλων ἔϕερον τῷ Ιωσαϕατ δῶρα καὶ ἀργύριον καὶ δόματα, καὶ οἱ ῎Αραβες ἔϕερον αὐτῷ κριοὺς προβάτων ἑπτακισχιλίους ἑπτακοσίους.

kaì apò tō̂n allophýlōn épheron tō̂i Iōsaphat dō̂ra kaì argýrion kaì dómata, kaì hoi ῎Arabes épheron autō̂i krioùs probátōn heptakischilíous heptakosíous.

12
καὶ ἦν Ιωσαϕατ πορευόμενος μείζων ἕως εἰς ὕψος καὶ ᾠκοδόμησεν οἰκήσεις ἐν τῇ Ιουδαίᾳ καὶ πόλεις ὀχυράς.

kaì ē̂n Iōsaphat poreuómenos meízōn héōs eis hýpsos kaì ōikodómēsen oikḗseis en tē̂i Ioudaíāi kaì póleis ochyrás.

13
καὶ ἔργα πολλὰ ἐγένετο αὐτῷ ἐν τῇ Ιουδαίᾳ καὶ ἄνδρες πολεμισταὶ δυνατοὶ ἰσχύοντες ἐν Ιερουσαλημ.

kaì érga pollà egéneto autō̂i en tē̂i Ioudaíāi kaì ándres polemistaì dynatoì ischýontes en Ierousalēm.

14
καὶ οὗτος ἀριθμὸς αὐτῶν κατ’ οἴκους πατριῶν αὐτῶν· τῷ Ιουδα χιλίαρχοι, Εδνας ὁ ἄρχων καὶ μετ’ αὐτοῦ υἱοὶ δυνατοὶ δυνάμεως τριακόσιαι χιλιάδες·

kaì hoûtos arithmòs autō̂n kat’ oíkous patriō̂n autō̂n: tō̂i Iouda chilíarchoi, Ednas ho árchōn kaì met’ autoû hyioì dynatoì dynámeōs triakósiai chiliádes:

15
καὶ μετ’ αὐτὸν Ιωαναν ὁ ἡγούμενος καὶ μετ’ αὐτοῦ διακόσιαι ὀγδοήκοντα χιλιάδες·

kaì met’ autòn Iōanan ho hēgoúmenos kaì met’ autoû diakósiai ogdoḗkonta chiliádes:

16
καὶ μετ’ αὐτὸν Αμασιας ὁ τοῦ Ζαχρι ὁ προθυμούμενος τῷ κυρίῳ καὶ μετ’ αὐτοῦ διακόσιαι χιλιάδες δυνατοὶ δυνάμεως.

kaì met’ autòn Amasias ho toû Zachri ho prothymoúmenos tō̂i kyríōi kaì met’ autoû diakósiai chiliádes dynatoì dynámeōs.

17
καὶ ἐκ τοῦ Βενιαμιν δυνατὸς δυνάμεως Ελιαδα καὶ μετ’ αὐτοῦ τοξόται καὶ πελτασταὶ διακόσιαι χιλιάδες·

kaì ek toû Beniamin dynatòs dynámeōs Eliada kaì met’ autoû toxótai kaì peltastaì diakósiai chiliádes:

18
καὶ μετ’ αὐτὸν Ιωζαβαδ καὶ μετ’ αὐτοῦ ἑκατὸν ὀγδοήκοντα χιλιάδες δυνατοὶ πολέμου.

kaì met’ autòn Iōzabad kaì met’ autoû hekatòn ogdoḗkonta chiliádes dynatoì polémou.

19
οὗτοι οἱ λειτουργοῦντες τῷ βασιλεῖ ἐκτὸς ὧν ἔδωκεν ὁ βασιλεὺς ἐν ταῖς πόλεσιν ταῖς ὀχυραῖς ἐν πάσῃ τῇ Ιουδαίᾳ.

hoûtoi hoi leitourgoûntes tō̂i basileî ektòs hō̂n édōken ho basileùs en taîs pólesin taîs ochyraîs en pásēi tē̂i Ioudaíāi.