Bibles in ancient languages
Old translations
Modern translations

Septante 2 Kings 24

Pentateuch
Historical books
Poetical Writings
Prophetic Books
Chapter
Verses
1
ἐν ταῖς ἡμέραις αὐτοῦ ἀνέβη Ναβουχοδονοσορ βασιλεὺς Βαβυλῶνος, καὶ ἐγενήθη αὐτῷ Ιωακιμ δοῦλος τρία ἔτη· καὶ ἐπέστρεψεν καὶ ἠθέτησεν ἐν αὐτῷ.

en taîs hēmérais autoû anébē Nabouchodonosor basileùs Babylō̂nos, kaì egenḗthē autō̂i Iōakim doûlos tría étē: kaì epéstrepsen kaì ēthétēsen en autō̂i.

2
καὶ ἀπέστειλεν αὐτῷ τοὺς μονοζώνους τῶν Χαλδαίων καὶ τοὺς μονοζώνους Συρίας καὶ τοὺς μονοζώνους Μωαβ καὶ τοὺς μονοζώνους υἱῶν Αμμων καὶ ἐξαπέστειλεν αὐτοὺς ἐν τῇ γῇ Ιουδα τοῦ κατισχῦσαι κατὰ τὸν λόγον κυρίου, ὃν ἐλάλησεν ἐν χειρὶ τῶν δούλων αὐτοῦ τῶν προϕητῶν.

kaì apésteilen autō̂i toùs monozṓnous tō̂n Chaldaíōn kaì toùs monozṓnous Syrías kaì toùs monozṓnous Mōab kaì toùs monozṓnous hyiō̂n Ammōn kaì exapésteilen autoùs en tē̂i gē̂i Iouda toû katischŷsai katà tòn lógon kyríou, hòn elálēsen en cheirì tō̂n doúlōn autoû tō̂n prophētō̂n.

3
πλὴν ἐπὶ τὸν θυμὸν κυρίου ἦν ἐν τῷ Ιουδα ἀποστῆσαι αὐτὸν ἀπὸ προσώπου αὐτοῦ ἐν ἁμαρτίαις Μανασση κατὰ πάντα, ὅσα ἐποίησεν·

plḕn epì tòn thymòn kyríou ē̂n en tō̂i Iouda apostē̂sai autòn apò prosṓpou autoû en hamartíais Manassē katà pánta, hósa epoíēsen:

4
καί γε αἷμα ἀθῷον ἐξέχεεν καὶ ἔπλησεν τὴν Ιερουσαλημ αἵματος ἀθῴου· καὶ οὐκ ἠθέλησεν κύριος ἱλασθῆναι.

kaí ge haîma athō̂ion exécheen kaì éplēsen tḕn Ierousalēm haímatos athṓiou: kaì ouk ēthélēsen kýrios hilasthē̂nai.

5
καὶ τὰ λοιπὰ τῶν λόγων Ιωακιμ καὶ πάντα, ὅσα ἐποίησεν, οὐκ ἰδοὺ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖς βασιλεῦσιν Ιουδα;

kaì tà loipà tō̂n lógōn Iōakim kaì pánta, hósa epoíēsen, ouk idoù taûta gegramména epì biblíōi lógōn tō̂n hēmerō̂n toîs basileûsin Iouda?

6
καὶ ἐκοιμήθη Ιωακιμ μετὰ τῶν πατέρων αὐτοῦ, καὶ ἐβασίλευσεν Ιωακιμ υἱὸς αὐτοῦ ἀντ’ αὐτοῦ.

kaì ekoimḗthē Iōakim metà tō̂n patérōn autoû, kaì ebasíleusen Iōakim hyiòs autoû ant’ autoû.

7
καὶ οὐ προσέθετο ἔτι βασιλεὺς Αἰγύπτου ἐξελθεῖν ἐκ τῆς γῆς αὐτοῦ, ὅτι ἔλαβεν βασιλεὺς Βαβυλῶνος ἀπὸ τοῦ χειμάρρου Αἰγύπτου ἕως τοῦ ποταμοῦ Εὐϕράτου πάντα, ὅσα ἦν τοῦ βασιλέως Αἰγύπτου.

kaì ou prosétheto éti basileùs Aigýptou exeltheîn ek tē̂s gē̂s autoû, hóti élaben basileùs Babylō̂nos apò toû cheimárrou Aigýptou héōs toû potamoû Euphrátou pánta, hósa ē̂n toû basiléōs Aigýptou.

8
Υἱὸς ὀκτωκαίδεκα ἐτῶν Ιωακιμ ἐν τῷ βασιλεύειν αὐτὸν καὶ τρίμηνον ἐβασίλευσεν ἐν Ιερουσαλημ, καὶ ὄνομα τῇ μητρὶ αὐτοῦ Νεσθα θυγάτηρ Ελλαναθαν ἐξ Ιερουσαλημ.

Hyiòs oktōkaídeka etō̂n Iōakim en tō̂i basileúein autòn kaì trímēnon ebasíleusen en Ierousalēm, kaì ónoma tē̂i mētrì autoû Nestha thygátēr Ellanathan ex Ierousalēm.

9
καὶ ἐποίησεν τὸ πονηρὸν ἐν ὀϕθαλμοῖς κυρίου κατὰ πάντα, ὅσα ἐποίησεν ὁ πατὴρ αὐτοῦ.

kaì epoíēsen tò ponēròn en ophthalmoîs kyríou katà pánta, hósa epoíēsen ho patḕr autoû.

10
ἐν τῷ καιρῷ ἐκείνῳ ἀνέβη Ναβουχοδονοσορ βασιλεὺς Βαβυλῶνος εἰς Ιερουσαλημ, καὶ ἦλθεν ἡ πόλις ἐν περιοχῇ.

en tō̂i kairō̂i ekeínōi anébē Nabouchodonosor basileùs Babylō̂nos eis Ierousalēm, kaì ē̂lthen hē pólis en periochē̂i.

11
καὶ εἰσῆλθεν Ναβουχοδονοσορ βασιλεὺς Βαβυλῶνος εἰς τὴν πόλιν, καὶ οἱ παῖδες αὐτοῦ ἐπολιόρκουν ἐπ’ αὐτήν.

kaì eisē̂lthen Nabouchodonosor basileùs Babylō̂nos eis tḕn pólin, kaì hoi paîdes autoû epoliórkoun ep’ autḗn.

12
καὶ ἐξῆλθεν Ιωακιμ βασιλεὺς Ιουδα ἐπὶ βασιλέα Βαβυλῶνος, αὐτὸς καὶ οἱ παῖδες αὐτοῦ καὶ ἡ μήτηρ αὐτοῦ καὶ οἱ ἄρχοντες αὐτοῦ καὶ οἱ εὐνοῦχοι αὐτοῦ, καὶ ἔλαβεν αὐτὸν βασιλεὺς Βαβυλῶνος ἐν ἔτει ὀγδόῳ τῆς βασιλείας αὐτοῦ.

kaì exē̂lthen Iōakim basileùs Iouda epì basiléa Babylō̂nos, autòs kaì hoi paîdes autoû kaì hē mḗtēr autoû kaì hoi árchontes autoû kaì hoi eunoûchoi autoû, kaì élaben autòn basileùs Babylō̂nos en étei ogdóōi tē̂s basileías autoû.

13
καὶ ἐξήνεγκεν ἐκεῖθεν πάντας τοὺς θησαυροὺς οἴκου κυρίου καὶ τοὺς θησαυροὺς οἴκου τοῦ βασιλέως καὶ συνέκοψεν πάντα τὰ σκεύη τὰ χρυσᾶ, ἃ ἐποίησεν Σαλωμων βασιλεὺς Ισραηλ ἐν τῷ ναῷ κυρίου, κατὰ τὸ ῥῆμα κυρίου.

kaì exḗnenken ekeîthen pántas toùs thēsauroùs oíkou kyríou kaì toùs thēsauroùs oíkou toû basiléōs kaì synékopsen pánta tà skeúē tà chrysâ, hà epoíēsen Salōmōn basileùs Israēl en tō̂i naō̂i kyríou, katà tò rhē̂ma kyríou.

14
καὶ ἀπῴκισεν τὴν Ιερουσαλημ καὶ πάντας τοὺς ἄρχοντας καὶ τοὺς δυνατοὺς ἰσχύι αἰχμαλωσίας δέκα χιλιάδας αἰχμαλωτίσας καὶ πᾶν τέκτονα καὶ τὸν συγκλείοντα, καὶ οὐχ ὑπελείϕθη πλὴν οἱ πτωχοὶ τῆς γῆς.

kaì apṓikisen tḕn Ierousalēm kaì pántas toùs árchontas kaì toùs dynatoùs ischýi aichmalōsías déka chiliádas aichmalōtísas kaì pân téktona kaì tòn synkleíonta, kaì ouch hypeleíphthē plḕn hoi ptōchoì tē̂s gē̂s.

15
καὶ ἀπῴκισεν τὸν Ιωακιμ εἰς Βαβυλῶνα καὶ τὴν μητέρα τοῦ βασιλέως καὶ τὰς γυναῖκας τοῦ βασιλέως καὶ τοὺς εὐνούχους αὐτοῦ· καὶ τοὺς ἰσχυροὺς τῆς γῆς ἀπήγαγεν ἀποικεσίαν ἐξ Ιερουσαλημ εἰς Βαβυλῶνα

kaì apṓikisen tòn Iōakim eis Babylō̂na kaì tḕn mētéra toû basiléōs kaì tàs gynaîkas toû basiléōs kaì toùs eunoúchous autoû: kaì toùs ischyroùs tē̂s gē̂s apḗgagen apoikesían ex Ierousalēm eis Babylō̂na

16
καὶ πάντας τοὺς ἄνδρας τῆς δυνάμεως ἑπτακισχιλίους καὶ τὸν τέκτονα καὶ τὸν συγκλείοντα χιλίους, πάντες δυνατοὶ ποιοῦντες πόλεμον, καὶ ἤγαγεν αὐτοὺς βασιλεὺς Βαβυλῶνος μετοικεσίαν εἰς Βαβυλῶνα.

kaì pántas toùs ándras tē̂s dynámeōs heptakischilíous kaì tòn téktona kaì tòn synkleíonta chilíous, pántes dynatoì poioûntes pólemon, kaì ḗgagen autoùs basileùs Babylō̂nos metoikesían eis Babylō̂na.

17
καὶ ἐβασίλευσεν βασιλεὺς Βαβυλῶνος τὸν Μαθθανιαν υἱὸν αὐτοῦ ἀντ’ αὐτοῦ καὶ ἐπέθηκεν τὸ ὄνομα αὐτοῦ Σεδεκια.

kaì ebasíleusen basileùs Babylō̂nos tòn Maththanian hyiòn autoû ant’ autoû kaì epéthēken tò ónoma autoû Sedekia.

18
Υἱὸς εἴκοσι καὶ ἑνὸς ἐνιαυτοῦ Σεδεκιας ἐν τῷ βασιλεύειν αὐτὸν καὶ ἕνδεκα ἔτη ἐβασίλευσεν ἐν Ιερουσαλημ, καὶ ὄνομα τῇ μητρὶ αὐτοῦ Αμιταλ θυγάτηρ Ιερεμιου.

Hyiòs eíkosi kaì henòs eniautoû Sedekias en tō̂i basileúein autòn kaì héndeka étē ebasíleusen en Ierousalēm, kaì ónoma tē̂i mētrì autoû Amital thygátēr Ieremiou.

19
καὶ ἐποίησεν τὸ πονηρὸν ἐνώπιον κυρίου κατὰ πάντα, ὅσα ἐποίησεν Ιωακιμ·

kaì epoíēsen tò ponēròn enṓpion kyríou katà pánta, hósa epoíēsen Iōakim:

20
ὅτι ἐπὶ τὸν θυμὸν κυρίου ἦν ἐπὶ Ιερουσαλημ καὶ ἐν τῷ Ιουδα, ἕως ἀπέρριψεν αὐτοὺς ἀπὸ προσώπου αὐτοῦ. καὶ ἠθέτησεν Σεδεκιας ἐν τῷ βασιλεῖ Βαβυλῶνος.

hóti epì tòn thymòn kyríou ē̂n epì Ierousalēm kaì en tō̂i Iouda, héōs apérripsen autoùs apò prosṓpou autoû. kaì ēthétēsen Sedekias en tō̂i basileî Babylō̂nos.