Biblical texts

Heurísketai dè en taîs apographaîs Ieremias ho prophḗtēs hóti ekéleusen toû pyròs labeîn toùs metagenoménous, hōs sesḗmantai,

kaì hōs eneteílato toîs metagenoménois ho prophḗtēs doùs autoîs tòn nómon, hína mḕ epiláthōntai tō̂n prostagmátōn toû kyríou, kaì hína mḕ apoplanēthō̂sin taîs dianoíais blépontes agálmata chrysâ kaì argyrâ kaì tòn perì autà kósmon:

kaì hétera toiaûta légōn parekálei mḕ apostē̂nai tòn nómon apò tē̂s kardías autō̂n.

ē̂n dè en tē̂i graphē̂i hōs tḕn skēnḕn kaì tḕn kibōtòn ekéleusen ho prophḗtēs chrēmatismoû genēthéntos autō̂i synakoloutheîn: hōs dè exē̂lthen eis tò óros, hoû ho Mōysē̂s anabàs etheásato tḕn toû theoû klēronomían.

kaì elthṑn ho Ieremias heûren oîkon antrṓdē kaì tḕn skēnḕn kaì tḕn kibōtòn kaì tò thysiastḗrion toû thymiámatos eisḗnenken ekeî kaì tḕn thýran enéphraxen.

kaì proselthóntes tinès tō̂n synakolouthoúntōn hṓste episēmánasthai tḕn hodòn kaì ouk edynḗthēsan heureîn.

hōs dè ho Ieremias égnō, mempsámenos autoîs eîpen hóti Kaì ágnōstos ho tópos éstai, héōs àn synagágēi ho theòs episynagōgḕn toû laoû kaì híleōs génētai:

kaì tóte ho kýrios anadeíxei taûta, kaì ophthḗsetai hē dóxa toû kyríou kaì hē nephélē, hōs epì Mōysē̂i edēloûto, hōs kaì ho Salōmōn ēxíōsen hína ho tópos kathagiasthē̂i megálōs.

diesapheîto dè kaì hōs sophían échōn anḗnenken thysían enkainismoû kaì tē̂s teleiṓseōs toû hieroû.

kathṑs kaì Mōysē̂s prosēýxato pròs kýrion, kaì katébē pŷr ek toû ouranoû kaì tà tē̂s thysías edapánēsen, hoútōs kaì Salōmōn prosēýxato, kaì katabàn tò pŷr anḗlōsen tà holokautṓmata.

kaì eîpen Mōysē̂s Dià tò mḕ bebrō̂sthai tò perì tē̂s hamartías anēlṓthē.

hōsaútōs kaì ho Salōmōn tàs oktṑ hēméras ḗgagen.

exēgoûnto dè kaì en taîs anagraphaîs kaì en toîs hypomnēmatismoîs toîs katà tòn Neemian tà autà kaì hōs kataballómenos bibliothḗkēn episynḗgagen tà perì tō̂n basiléōn biblía kaì prophētō̂n kaì tà toû Dauid kaì epistolàs basiléōn perì anathemátōn.

hōsaútōs dè kaì Ioudas tà diapeptōkóta dià tòn gegonóta pólemon hēmîn episynḗgagen pánta, kaì éstin par’ hēmîn:

hō̂n oûn eàn chreían échēte, toùs apokomioûntas hymîn apostéllete.

Méllontes oûn ágein tòn katharismòn egrápsamen hymîn: kalṓs oûn poiḗsete ágontes tàs hēméras.

ho dè theòs ho sṓsas tòn pánta laòn autoû kaì apodoùs tḕn klēronomían pâsin kaì tò basíleion kaì tò hieráteuma kaì tòn hagiasmón,

kathṑs epēngeílato dià toû nómou: elpízomen gàr epì tō̂i theō̂i hóti tachéōs hēmâs eleḗsei kaì episynáxei ek tē̂s hypò tòn ouranòn eis tòn hágion tópon: exeíleto gàr hēmâs ek megálōn kakō̂n kaì tòn tópon ekathárisen.

Tà dè katà tòn Ioudan tòn Makkabaîon kaì toùs toútou adelphoùs kaì tòn toû hieroû toû megístou katharismòn kaì tòn toû bōmoû enkainismòn

éti te toùs pròs ’Antíochon tòn ’Epiphanē̂ kaì tòn toútou hyiòn Eupátora polémous

kaì tàs ex ouranoû genoménas epiphaneías toîs hypèr toû Ioudaïsmoû philotímōs andragathḗsasin, hṓste tḕn hólēn chṓran olígous óntas leēlateîn kaì tà bárbara plḗthē diṓkein,

kaì tò peribóēton kath’ hólēn tḕn oikouménēn hieròn anakomísasthai kaì tḕn pólin eleutherō̂sai kaì toùs méllontas katalýesthai nómous epanorthō̂sai, toû kyríou metà pásēs epieikeías híleō genoménou autoîs,

hypò ’Iásōnos toû Kyrēnaíou dedēlōména dià pénte biblíōn peirasómetha di’ henòs syntágmatos epitemeîn.

synorō̂ntes gàr tò chýma tō̂n arithmō̂n kaì tḕn oûsan dyschéreian toîs thélousin eiskykleîsthai toîs tē̂s historías diēgḗmasin dià tò plē̂thos tē̂s hýlēs

ephrontísamen toîs mèn bouloménois anaginṓskein psychagōgían, toîs dè philophronoûsin eis tò dià mnḗmēs analabeîn eukopían, pâsin dè toîs entynchánousin ōphéleian.

kaì hēmîn mèn toîs tḕn kakopátheian epidedegménois tē̂s epitomē̂s ou rhā́idion, hidrō̂tos dè kaì agrypnías tò prâgma,

katháper tō̂i paraskeuázonti sympósion kaì zētoûnti tḕn hetérōn lysitéleian ouk eucherés, hómōs dià tḕn tō̂n pollō̂n eucharistían hēdéōs tḕn kakopátheian hypoísomen

tò mèn diakriboûn perì hekástōn tō̂i syngrapheî parachōrḗsantes, tò dè epiporeúesthai toîs hypogrammoîs tē̂s epitomē̂s diaponoûntes.

katháper gàr tē̂s kainē̂s oikías architéktoni tē̂s hólēs katabolē̂s phrontistéon, tō̂i dè enkaíein kaì Zōgrapheîn epicheiroûnti tà epitḗdeia pròs diakósmēsin exetastéon, hoútōs dokō̂ kaì epì hēmō̂n.

tò mèn embateúein kaì perípaton poieîsthai lógōn kaì polypragmoneîn en toîs katà méros tō̂i tē̂s historías archēgétēi kathḗkei:

tò dè sýntomon tē̂s léxeōs metadiṓkein kaì tò exergastikòn tē̂s pragmateías paraiteîsthai tō̂i tḕn metáphrasin poiouménōi synchōrētéon.

enteûthen oûn arxṓmetha tē̂s diēgḗseōs toîs proeirēménois tosoûton epizeúxantes: eúēthes gàr tò mèn prò tē̂s historías pleonázein, tḕn dè historían epitemeîn.