Bibles in ancient languages
Old translations
Modern translations

Septante 4 Maccabees 6

Pentateuch
Historical books
Poetical Writings
Prophetic Books
Chapter
Verses
1
Τοῦτον τὸν τρόπον ἀντιρρητορεύσαντα ταῖς τοῦ τυράννου παρηγορίαις παραστάντες οἱ δορυϕόροι πικρῶς ἔσυραν ἐπὶ τὰ βασανιστήρια τὸν Ελεαζαρον.

Toûton tòn trópon antirrētoreúsanta taîs toû tyránnou parēgoríais parastántes hoi doryphóroi pikrō̂s ésyran epì tà basanistḗria tòn Eleazaron.

2
καὶ πρῶτον μὲν περιέδυσαν τὸν γεραιὸν ἐγκοσμούμενον τῇ περὶ τὴν εὐσέβειαν εὐσχημοσύνῃ·

kaì prō̂ton mèn periédysan tòn geraiòn enkosmoúmenon tē̂i perì tḕn eusébeian euschēmosýnēi:

3
ἔπειτα περιαγκωνίσαντες ἑκατέρωθεν μάστιξιν κατῄκιζον,

épeita periankōnísantes hekatérōthen mástixin katḗikizon,

4
Πείσθητι ταῖς τοῦ βασιλέως ἐντολαῖς, ἑτέρωθεν κήρυκος ἐπιβοῶντος.

Peísthēti taîs toû basiléōs entolaîs, hetérōthen kḗrykos epiboō̂ntos.

5
ὁ δὲ μεγαλόϕρων καὶ εὐγενὴς ὡς ἀληθῶς Ελεαζαρος ὥσπερ ἐν ὀνείρῳ βασανιζόμενος κατ’ οὐδένα τρόπον μετετρέπετο,

ho dè megalóphrōn kaì eugenḕs hōs alēthō̂s Eleazaros hṓsper en oneírōi basanizómenos kat’ oudéna trópon metetrépeto,

6
ἀλλὰ ὑψηλοὺς ἀνατείνας εἰς οὐρανὸν τοὺς ὀϕθαλμοὺς ἀπεξαίνετο ταῖς μάστιξιν τὰς σάρκας ὁ γέρων καὶ κατερρεῖτο τῷ αἵματι καὶ τὰ πλευρὰ κατετιτρώσκετο.

allà hypsēloùs anateínas eis ouranòn toùs ophthalmoùs apexaíneto taîs mástixin tàs sárkas ho gérōn kaì katerreîto tō̂i haímati kaì tà pleurà katetitrṓsketo.

7
καὶ πίπτων εἰς τὸ ἔδαϕος ἀπὸ τοῦ μὴ ϕέρειν τὸ σῶμα τὰς ἀλγηδόνας ὀρθὸν εἶχεν καὶ ἀκλινῆ τὸν λογισμόν.

kaì píptōn eis tò édaphos apò toû mḕ phérein tò sō̂ma tàs algēdónas orthòn eîchen kaì aklinē̂ tòn logismón.

8
λάξ γέ τοι τῶν πικρῶν τις δορυϕόρων εἰς τοὺς κενεῶνας ἐναλλόμενος ἔτυπτεν, ὅπως ἐξανίσταιτο πίπτων.

láx gé toi tō̂n pikrō̂n tis doryphórōn eis toùs keneō̂nas enallómenos étypten, hópōs exanístaito píptōn.

9
ὁ δὲ ὑπέμενε τοὺς πόνους καὶ περιεϕρόνει τῆς ἀνάγκης καὶ διεκαρτέρει τοὺς αἰκισμούς,

ho dè hypémene toùs pónous kaì periephrónei tē̂s anánkēs kaì diekartérei toùs aikismoús,

10
καὶ καθάπερ γενναῖος ἀθλητὴς τυπτόμενος ἐνίκα τοὺς βασανίζοντας ὁ γέρων·

kaì katháper gennaîos athlētḕs typtómenos eníka toùs basanízontas ho gérōn:

11
ἱδρῶν γέ τοι τὸ πρόσωπον καὶ ἐπασθμαίνων σϕοδρῶς καὶ ὑπ’ αὐτῶν τῶν βασανιζόντων ἐθαυμάζετο ἐπὶ τῇ εὐψυχίᾳ.

hidrō̂n gé toi tò prósōpon kaì epasthmaínōn sphodrō̂s kaì hyp’ autō̂n tō̂n basanizóntōn ethaumázeto epì tē̂i eupsychíāi.

12
῞Οθεν τὰ μὲν ἐλεῶντες τὰ τοῦ γήρως αὐτοῦ,

῞Othen tà mèn eleō̂ntes tà toû gḗrōs autoû,

13
τὰ δὲ ἐν συμπαθείᾳ τῆς συνηθείας ὄντες, τὰ δὲ ἐν θαυμασμῷ τῆς καρτερίας προσιόντες αὐτῷ τινες τοῦ βασιλέως ἔλεγον

tà dè en sympatheíāi tē̂s synētheías óntes, tà dè en thaumasmō̂i tē̂s karterías prosióntes autō̂i tines toû basiléōs élegon

14
Τί τοῖς κακοῖς τούτοις σεαυτὸν ἀλογίστως ἀπόλλεις, Ελεαζαρ;

Tí toîs kakoîs toútois seautòn alogístōs apólleis, Eleazar?

15
ἡμεῖς μέν τοι τῶν ἡψημένων βρωμάτων παραθήσομεν, σὺ δὲ ὑποκρινόμενος τῶν ὑείων ἀπογεύεσθαι σώθητι.

hēmeîs mén toi tō̂n hēpsēménōn brōmátōn parathḗsomen, sỳ dè hypokrinómenos tō̂n hyeíōn apogeúesthai sṓthēti.

16
Καὶ ὁ Ελεαζαρος ὥσπερ πικρότερον διὰ τῆς συμβουλίας αἰκισθεὶς ἀνεβόησεν

Kaì ho Eleazaros hṓsper pikróteron dià tē̂s symboulías aikistheìs anebóēsen

17
Μὴ οὕτως κακῶς ϕρονήσαιμεν οἱ Αβρααμ παῖδες ὥστε μαλακοψυχήσαντας ἀπρεπὲς ἡμῖν δρᾶμα ὑποκρίνασθαι.

Mḕ hoútōs kakō̂s phronḗsaimen hoi Abraam paîdes hṓste malakopsychḗsantas aprepès hēmîn drâma hypokrínasthai.

18
καὶ γὰρ ἀλόγιστον εἰ πρὸς ἀλήθειαν ζήσαντες τὸν μέχρι γήρως βίον καὶ τὴν ἐπ’ αὐτῷ δόξαν νομίμως ϕυλάσσοντες νῦν μεταβαλοίμεθα

kaì gàr alógiston ei pròs alḗtheian zḗsantes tòn méchri gḗrōs bíon kaì tḕn ep’ autō̂i dóxan nomímōs phylássontes nŷn metabaloímetha

19
καὶ αὐτοὶ μὲν ἡμεῖς γενοίμεθα τοῖς νέοις ἀσεβείας τύπος, ἵνα παράδειγμα γενώμεθα τῆς μιαροϕαγίας.

kaì autoì mèn hēmeîs genoímetha toîs néois asebeías týpos, hína parádeigma genṓmetha tē̂s miarophagías.

20
αἰσχρὸν δὲ εἰ ἐπιβιώσομεν ὀλίγον χρόνον καὶ τοῦτον καταγελώμενοι πρὸς ἁπάντων ἐπὶ δειλίᾳ

aischròn dè ei epibiṓsomen olígon chrónon kaì toûton katagelṓmenoi pròs hapántōn epì deilíāi

21
καὶ ὑπὸ μὲν τοῦ τυράννου καταϕρονηθῶμεν ὡς ἄνανδροι, τὸν δὲ θεῖον ἡμῶν νόμον μέχρι θανάτου μὴ προασπίσαιμεν.

kaì hypò mèn toû tyránnou kataphronēthō̂men hōs ánandroi, tòn dè theîon hēmō̂n nómon méchri thanátou mḕ proaspísaimen.

22
πρὸς ταῦτα ὑμεῖς μέν, ὦ Αβρααμ παῖδες, εὐγενῶς ὑπὲρ τῆς εὐσεβείας τελευτᾶτε.

pròs taûta hymeîs mén, ō̂ Abraam paîdes, eugenō̂s hypèr tē̂s eusebeías teleutâte.

23
οἱ δὲ τοῦ τυράννου δορυϕόροι, τί μέλλετε;

hoi dè toû tyránnou doryphóroi, tí méllete?

24
Πρὸς τὰς ἀνάγκας οὕτως μεγαλοϕρονοῦντα αὐτὸν ἰδόντες καὶ μηδὲ πρὸς τὸν οἰκτιρμὸν αὐτῶν μεταβαλλόμενον ἐπὶ τὸ πῦρ αὐτὸν ἀνῆγον·

Pròs tàs anánkas hoútōs megalophronoûnta autòn idóntes kaì mēdè pròs tòn oiktirmòn autō̂n metaballómenon epì tò pŷr autòn anē̂gon:

25
ἔνθα διὰ κακοτέχνων ὀργάνων καταϕλέγοντες αὐτὸν ὑπερρίπτοσαν, καὶ δυσώδεις χυλοὺς εἰς τοὺς μυκτῆρας αὐτοῦ κατέχεον.

éntha dià kakotéchnōn orgánōn kataphlégontes autòn hyperríptosan, kaì dysṓdeis chyloùs eis toùs myktē̂ras autoû katécheon.

26
ὁ δὲ μέχρι τῶν ὀστέων ἤδη κατακεκαυμένος καὶ μέλλων λιποθυμεῖν ἀνέτεινε τὰ ὄμματα πρὸς τὸν θεὸν καὶ εἶπεν

ho dè méchri tō̂n ostéōn ḗdē katakekauménos kaì méllōn lipothymeîn anéteine tà ómmata pròs tòn theòn kaì eîpen

27
Σὺ οἶσθα, θεέ, παρόν μοι σῴζεσθαι βασάνοις καυστικαῖς ἀποθνῄσκω διὰ τὸν νόμον.

Sỳ oîstha, theé, parón moi sṓizesthai basánois kaustikaîs apothnḗiskō dià tòn nómon.

28
ἵλεως γενοῦ τῷ ἔθνει σου ἀρκεσθεὶς τῇ ἡμετέρᾳ ὑπὲρ αὐτῶν δίκῃ.

híleōs genoû tō̂i éthnei sou arkestheìs tē̂i hēmetérāi hypèr autō̂n díkēi.

29
καθάρσιον αὐτῶν ποίησον τὸ ἐμὸν αἷμα καὶ ἀντίψυχον αὐτῶν λαβὲ τὴν ἐμὴν ψυχήν.

kathársion autō̂n poíēson tò emòn haîma kaì antípsychon autō̂n labè tḕn emḕn psychḗn.

30
καὶ ταῦτα εἰπὼν ὁ ἱερὸς ἀνὴρ εὐγενῶς ταῖς βασάνοις ἐναπέθανεν καὶ μέχρι τῶν τοῦ θανάτου βασάνων ἀντέστη τῷ λογισμῷ διὰ τὸν νόμον.

kaì taûta eipṑn ho hieròs anḕr eugenō̂s taîs basánois enapéthanen kaì méchri tō̂n toû thanátou basánōn antéstē tō̂i logismō̂i dià tòn nómon.

31
‘Ομολογουμένως οὖν δεσπότης τῶν παθῶν ἐστιν ὁ εὐσεβὴς λογισμός.

‘Omologouménōs oûn despótēs tō̂n pathō̂n estin ho eusebḕs logismós.

32
εἰ γὰρ τὰ πάθη τοῦ λογισμοῦ κεκρατήκει, τούτοις ἂν ἀπέδομεν τὴν τῆς ἐπικρατείας μαρτυρίαν·

ei gàr tà páthē toû logismoû kekratḗkei, toútois àn apédomen tḕn tē̂s epikrateías martyrían:

33
νυνὶ δὲ τοῦ λογισμοῦ τὰ πάθη νικήσαντος αὐτῷ προσηκόντως τὴν τῆς ἡγεμονίας προσνέμομεν ἐξουσίαν.

nynì dè toû logismoû tà páthē nikḗsantos autō̂i prosēkóntōs tḕn tē̂s hēgemonías prosnémomen exousían.

34
καὶ δίκαιόν ἐστιν ὁμολογεῖν ἡμᾶς τὸ κράτος εἶναι τοῦ λογισμοῦ, ὅπου γε καὶ τῶν ἔξωθεν ἀλγηδόνων ἐπικρατεῖ, ἐπεὶ καὶ γελοῖον.

kaì díkaión estin homologeîn hēmâs tò krátos eînai toû logismoû, hópou ge kaì tō̂n éxōthen algēdónōn epikrateî, epeì kaì geloîon.

35
καὶ οὐ μόνον τῶν ἀλγηδόνων ἐπιδείκνυμι κεκρατηκέναι τὸν λογισμόν, ἀλλὰ καὶ τῶν ἡδονῶν κρατεῖν καὶ μηδὲν αὐταῖς ὑπείκειν.

kaì ou mónon tō̂n algēdónōn epideíknymi kekratēkénai tòn logismón, allà kaì tō̂n hēdonō̂n krateîn kaì mēdèn autaîs hypeíkein.