Bibles in ancient languages
Old translations
Modern translations

Septante Baruch 3

Pentateuch
Historical books
Poetical Writings
Prophetic Books
Chapter
Verses
1
κύριε παντοκράτωρ ὁ θεὸς Ισραηλ, ψυχὴ ἐν στενοῖς καὶ πνεῦμα ἀκηδιῶν κέκραγεν πρὸς σέ.

kýrie pantokrátōr ho theòs Israēl, psychḕ en stenoîs kaì pneûma akēdiō̂n kékragen pròs sé.
2
ἄκουσον, κύριε, καὶ ἐλέησον, ὅτι ἡμάρτομεν ἐναντίον σου·

ákouson, kýrie, kaì eléēson, hóti hēmártomen enantíon sou:
3
ὅτι σὺ καθήμενος τὸν αἰῶνα, καὶ ἡμεῖς ἀπολλύμενοι τὸν αἰῶνα.

hóti sỳ kathḗmenos tòn aiō̂na, kaì hēmeîs apollýmenoi tòn aiō̂na.
4
κύριε παντοκράτωρ ὁ θεὸς Ισραηλ, ἄκουσον δὴ τῆς προσευχῆς τῶν τεθνηκότων Ισραηλ καὶ υἱῶν τῶν ἁμαρτανόντων ἐναντίον σου, οἳ οὐκ ἤκουσαν τῆς ϕωνῆς κυρίου θεοῦ αὐτῶν καὶ ἐκολλήθη ἡμῖν τὰ κακά.

kýrie pantokrátōr ho theòs Israēl, ákouson dḕ tē̂s proseuchē̂s tō̂n tethnēkótōn Israēl kaì hyiō̂n tō̂n hamartanóntōn enantíon sou, hoì ouk ḗkousan tē̂s phōnē̂s kyríou theoû autō̂n kaì ekollḗthē hēmîn tà kaká.
5
μὴ μνησθῇς ἀδικιῶν πατέρων ἡμῶν, ἀλλὰ μνήσθητι χειρός σου καὶ ὀνόματός σου ἐν τῷ καιρῷ τούτῳ·

mḕ mnēsthē̂is adikiō̂n patérōn hēmō̂n, allà mnḗsthēti cheirós sou kaì onómatós sou en tō̂i kairō̂i toútōi:
6
ὅτι σὺ κύριος ὁ θεὸς ἡμῶν, καὶ αἰνέσομέν σε, κύριε.

hóti sỳ kýrios ho theòs hēmō̂n, kaì ainésomén se, kýrie.
7
ὅτι διὰ τοῦτο ἔδωκας τὸν ϕόβον σου ἐπὶ καρδίαν ἡμῶν τοῦ ἐπικαλεῖσθαι τὸ ὄνομά σου, καὶ αἰνέσομέν σε ἐν τῇ ἀποικίᾳ ἡμῶν, ὅτι ἀπεστρέψαμεν ἀπὸ καρδίας ἡμῶν πᾶσαν ἀδικίαν πατέρων ἡμῶν τῶν ἡμαρτηκότων ἐναντίον σου.

hóti dià toûto édōkas tòn phóbon sou epì kardían hēmō̂n toû epikaleîsthai tò ónomá sou, kaì ainésomén se en tē̂i apoikíāi hēmō̂n, hóti apestrépsamen apò kardías hēmō̂n pâsan adikían patérōn hēmō̂n tō̂n hēmartēkótōn enantíon sou.
8
ἰδοὺ ἡμεῖς σήμερον ἐν τῇ ἀποικίᾳ ἡμῶν, οὗ διέσπειρας ἡμᾶς ἐκεῖ εἰς ὀνειδισμὸν καὶ εἰς ἀρὰν καὶ εἰς ὄϕλησιν κατὰ πάσας τὰς ἀδικίας πατέρων ἡμῶν, οἳ ἀπέστησαν ἀπὸ κυρίου θεοῦ ἡμῶν.

idoù hēmeîs sḗmeron en tē̂i apoikíāi hēmō̂n, hoû diéspeiras hēmâs ekeî eis oneidismòn kaì eis aràn kaì eis óphlēsin katà pásas tàs adikías patérōn hēmō̂n, hoì apéstēsan apò kyríou theoû hēmō̂n.
9
῎Ακουε, Ισραηλ, ἐντολὰς ζωῆς, ἐνωτίσασθε γνῶναι ϕρόνησιν.

῎Akoue, Israēl, entolàs zōē̂s, enōtísasthe gnō̂nai phrónēsin.
10
τί ἐστιν, Ισραηλ, τί ὅτι ἐν γῇ τῶν ἐχθρῶν εἶ, ἐπαλαιώθης ἐν γῇ ἀλλοτρίᾳ,

tí estin, Israēl, tí hóti en gē̂i tō̂n echthrō̂n eî, epalaiṓthēs en gē̂i allotríāi,
11
συνεμιάνθης τοῖς νεκροῖς, προσελογίσθης μετὰ τῶν εἰς ᾅδου;

synemiánthēs toîs nekroîs, proselogísthēs metà tō̂n eis hā́idou?
12
ἐγκατέλιπες τὴν πηγὴν τῆς σοϕίας.

enkatélipes tḕn pēgḕn tē̂s sophías.
13
τῇ ὁδῷ τοῦ θεοῦ εἰ ἐπορεύθης, κατῴκεις ἂν ἐν εἰρήνῃ τὸν αἰῶνα.

tē̂i hodō̂i toû theoû ei eporeúthēs, katṓikeis àn en eirḗnēi tòn aiō̂na.
14
μάθε ποῦ ἐστιν ϕρόνησις, ποῦ ἐστιν ἰσχύς, ποῦ ἐστιν σύνεσις τοῦ γνῶναι ἅμα, ποῦ ἐστιν μακροβίωσις καὶ ζωή, ποῦ ἐστιν ϕῶς ὀϕθαλμῶν καὶ εἰρήνη.

máthe poû estin phrónēsis, poû estin ischýs, poû estin sýnesis toû gnō̂nai háma, poû estin makrobíōsis kaì zōḗ, poû estin phō̂s ophthalmō̂n kaì eirḗnē.
15
τίς εὗρεν τὸν τόπον αὐτῆς, καὶ τίς εἰσῆλθεν εἰς τοὺς θησαυροὺς αὐτῆς;

tís heûren tòn tópon autē̂s, kaì tís eisē̂lthen eis toùs thēsauroùs autē̂s?
16
ποῦ εἰσιν οἱ ἄρχοντες τῶν ἐθνῶν καὶ οἱ κυριεύοντες τῶν θηρίων τῶν ἐπὶ τῆς γῆς,

poû eisin hoi árchontes tō̂n ethnō̂n kaì hoi kyrieúontes tō̂n thēríōn tō̂n epì tē̂s gē̂s,
17
οἱ ἐν τοῖς ὀρνέοις τοῦ οὐρανοῦ ἐμπαίζοντες καὶ τὸ ἀργύριον θησαυρίζοντες καὶ τὸ χρυσίον, ᾧ ἐπεποίθεισαν ἄνθρωποι, καὶ οὐκ ἔστιν τέλος τῆς κτήσεως αὐτῶν,

hoi en toîs ornéois toû ouranoû empaízontes kaì tò argýrion thēsaurízontes kaì tò chrysíon, hō̂i epepoítheisan ánthrōpoi, kaì ouk éstin télos tē̂s ktḗseōs autō̂n,
18
οἱ τὸ ἀργύριον τεκταίνοντες καὶ μεριμνῶντες, καὶ οὐκ ἔστιν ἐξεύρεσις τῶν ἔργων αὐτῶν;

hoi tò argýrion tektaínontes kaì merimnō̂ntes, kaì ouk éstin exeúresis tō̂n érgōn autō̂n?
19
ἠϕανίσθησαν καὶ εἰς ᾅδου κατέβησαν, καὶ ἄλλοι ἀντανέστησαν ἀντ’ αὐτῶν.

ēphanísthēsan kaì eis hā́idou katébēsan, kaì álloi antanéstēsan ant’ autō̂n.
20
νεώτεροι εἶδον ϕῶς καὶ κατῴκησαν ἐπὶ τῆς γῆς, ὁδὸν δὲ ἐπιστήμης οὐκ ἔγνωσαν

neṓteroi eîdon phō̂s kaì katṓikēsan epì tē̂s gē̂s, hodòn dè epistḗmēs ouk égnōsan
21
οὐδὲ συνῆκαν τρίβους αὐτῆς οὐδὲ ἀντελάβοντο αὐτῆς· οἱ υἱοὶ αὐτῶν ἀπὸ τῆς ὁδοῦ αὐτῶν πόρρω ἐγενήθησαν.

oudè synē̂kan tríbous autē̂s oudè antelábonto autē̂s: hoi hyioì autō̂n apò tē̂s hodoû autō̂n pórrō egenḗthēsan.
22
οὐδὲ ἠκούσθη ἐν Χανααν οὐδὲ ὤϕθη ἐν θαιμαν,

oudè ēkoústhē en Chanaan oudè ṓphthē en thaiman,
23
οὔτε υἱοὶ Αγαρ οἱ ἐκζητοῦντες τὴν σύνεσιν ἐπὶ τῆς γῆς, οἱ ἔμποροι τῆς Μερραν καὶ θαιμαν οἱ μυθολόγοι καὶ οἱ ἐκζητηταὶ τῆς συνέσεως ὁδὸν τῆς σοϕίας οὐκ ἔγνωσαν οὐδὲ ἐμνήσθησαν τὰς τρίβους αὐτῆς.

oúte hyioì Agar hoi ekzētoûntes tḕn sýnesin epì tē̂s gē̂s, hoi émporoi tē̂s Merran kaì thaiman hoi mythológoi kaì hoi ekzētētaì tē̂s synéseōs hodòn tē̂s sophías ouk égnōsan oudè emnḗsthēsan tàs tríbous autē̂s.
24
ὦ Ισραηλ, ὡς μέγας ὁ οἶκος τοῦ θεοῦ καὶ ἐπιμήκης ὁ τόπος τῆς κτήσεως αὐτοῦ·

ō̂ Israēl, hōs mégas ho oîkos toû theoû kaì epimḗkēs ho tópos tē̂s ktḗseōs autoû:
25
μέγας καὶ οὐκ ἔχει τελευτήν, ὑψηλὸς καὶ ἀμέτρητος.

mégas kaì ouk échei teleutḗn, hypsēlòs kaì amétrētos.
26
ἐκεῖ ἐγεννήθησαν οἱ γίγαντες οἱ ὀνομαστοὶ οἱ ἀπ’ ἀρχῆς, γενόμενοι εὐμεγέθεις, ἐπιστάμενοι πόλεμον.

ekeî egennḗthēsan hoi gígantes hoi onomastoì hoi ap’ archē̂s, genómenoi eumegétheis, epistámenoi pólemon.
27
οὐ τούτους ἐξελέξατο ὁ θεὸς οὐδὲ ὁδὸν ἐπιστήμης ἔδωκεν αὐτοῖς·

ou toútous exeléxato ho theòs oudè hodòn epistḗmēs édōken autoîs:
28
καὶ ἀπώλοντο παρὰ τὸ μὴ ἔχειν ϕρόνησιν, ἀπώλοντο διὰ τὴν ἀβουλίαν αὐτῶν.

kaì apṓlonto parà tò mḕ échein phrónēsin, apṓlonto dià tḕn aboulían autō̂n.
29
τίς ἀνέβη εἰς τὸν οὐρανὸν καὶ ἔλαβεν αὐτὴν καὶ κατεβίβασεν αὐτὴν ἐκ τῶν νεϕελῶν;

tís anébē eis tòn ouranòn kaì élaben autḕn kaì katebíbasen autḕn ek tō̂n nephelō̂n?
30
τίς διέβη πέραν τῆς θαλάσσης καὶ εὗρεν αὐτὴν καὶ οἴσει αὐτὴν χρυσίου ἐκλεκτοῦ;

tís diébē péran tē̂s thalássēs kaì heûren autḕn kaì oísei autḕn chrysíou eklektoû?
31
οὐκ ἔστιν ὁ γινώσκων τὴν ὁδὸν αὐτῆς οὐδὲ ὁ ἐνθυμούμενος τὴν τρίβον αὐτῆς·

ouk éstin ho ginṓskōn tḕn hodòn autē̂s oudè ho enthymoúmenos tḕn tríbon autē̂s:
32
ἀλλὰ ὁ εἰδὼς τὰ πάντα γινώσκει αὐτήν, ἐξεῦρεν αὐτὴν τῇ συνέσει αὐτοῦ· ὁ κατασκευάσας τὴν γῆν εἰς τὸν αἰῶνα χρόνον, ἐνέπλησεν αὐτὴν κτηνῶν τετραπόδων·

allà ho eidṑs tà pánta ginṓskei autḗn, exeûren autḕn tē̂i synései autoû: ho kataskeuásas tḕn gē̂n eis tòn aiō̂na chrónon, enéplēsen autḕn ktēnō̂n tetrapódōn:
33
ὁ ἀποστέλλων τὸ ϕῶς, καὶ πορεύεται, ἐκάλεσεν αὐτό, καὶ ὑπήκουσεν αὐτῷ τρόμῳ·

ho apostéllōn tò phō̂s, kaì poreúetai, ekálesen autó, kaì hypḗkousen autō̂i trómōi:
34
οἱ δὲ ἀστέρες ἔλαμψαν ἐν ταῖς ϕυλακαῖς αὐτῶν καὶ εὐϕράνθησαν,

hoi dè astéres élampsan en taîs phylakaîs autō̂n kaì euphránthēsan,
35
ἐκάλεσεν αὐτοὺς καὶ εἶπον Πάρεσμεν, ἔλαμψαν μετ’ εὐϕροσύνης τῷ ποιήσαντι αὐτούς.

ekálesen autoùs kaì eîpon Páresmen, élampsan met’ euphrosýnēs tō̂i poiḗsanti autoús.
36
οὗτος ὁ θεὸς ἡμῶν, οὐ λογισθήσεται ἕτερος πρὸς αὐτόν.

hoûtos ho theòs hēmō̂n, ou logisthḗsetai héteros pròs autón.
37
ἐξεῦρεν πᾶσαν ὁδὸν ἐπιστήμης καὶ ἔδωκεν αὐτὴν Ιακωβ τῷ παιδὶ αὐτοῦ καὶ Ισραηλ τῷ ἠγαπημένῳ ὑπ’ αὐτοῦ·

exeûren pâsan hodòn epistḗmēs kaì édōken autḕn Iakōb tō̂i paidì autoû kaì Israēl tō̂i ēgapēménōi hyp’ autoû:
38
μετὰ τοῦτο ἐπὶ τῆς γῆς ὤϕθη καὶ ἐν τοῖς ἀνθρώποις συνανεστράϕη.

metà toûto epì tē̂s gē̂s ṓphthē kaì en toîs anthrṓpois synanestráphē.