Bibles in ancient languages
Old translations
Modern translations

Septante Exodus 40

Pentateuch
Historical books
Poetical Writings
Prophetic Books
Chapter
Verses
1
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

2
’Εν ἡμέρᾳ μιᾷ τοῦ μηνὸς τοῦ πρώτου νουμηνίᾳ στήσεις τὴν σκηνὴν τοῦ μαρτυρίου

’En hēmérāi miā̂i toû mēnòs toû prṓtou noumēníāi stḗseis tḕn skēnḕn toû martyríou

3
καὶ θήσεις τὴν κιβωτὸν τοῦ μαρτυρίου καὶ σκεπάσεις τὴν κιβωτὸν τῷ καταπετάσματι

kaì thḗseis tḕn kibōtòn toû martyríou kaì skepáseis tḕn kibōtòn tō̂i katapetásmati

4
καὶ εἰσοίσεις τὴν τράπεζαν καὶ προθήσεις τὴν πρόθεσιν αὐτῆς καὶ εἰσοίσεις τὴν λυχνίαν καὶ ἐπιθήσεις τοὺς λύχνους αὐτῆς

kaì eisoíseis tḕn trápezan kaì prothḗseis tḕn próthesin autē̂s kaì eisoíseis tḕn lychnían kaì epithḗseis toùs lýchnous autē̂s

5
καὶ θήσεις τὸ θυσιαστήριον τὸ χρυσοῦν εἰς τὸ θυμιᾶν ἐναντίον τῆς κιβωτοῦ καὶ ἐπιθήσεις κάλυμμα καταπετάσματος ἐπὶ τὴν θύραν τῆς σκηνῆς τοῦ μαρτυρίου

kaì thḗseis tò thysiastḗrion tò chrysoûn eis tò thymiân enantíon tē̂s kibōtoû kaì epithḗseis kálymma katapetásmatos epì tḕn thýran tē̂s skēnē̂s toû martyríou

6
καὶ τὸ θυσιαστήριον τῶν καρπωμάτων θήσεις παρὰ τὰς θύρας τῆς σκηνῆς τοῦ μαρτυρίου

kaì tò thysiastḗrion tō̂n karpōmátōn thḗseis parà tàs thýras tē̂s skēnē̂s toû martyríou

8
καὶ περιθήσεις τὴν σκηνὴν καὶ πάντα τὰ αὐτῆς ἁγιάσεις κύκλῳ.

kaì perithḗseis tḕn skēnḕn kaì pánta tà autē̂s hagiáseis kýklōi.

9
καὶ λήμψῃ τὸ ἔλαιον τοῦ χρίσματος καὶ χρίσεις τὴν σκηνὴν καὶ πάντα τὰ ἐν αὐτῇ καὶ ἁγιάσεις αὐτὴν καὶ πάντα τὰ σκεύη αὐτῆς, καὶ ἔσται ἁγία.

kaì lḗmpsēi tò élaion toû chrísmatos kaì chríseis tḕn skēnḕn kaì pánta tà en autē̂i kaì hagiáseis autḕn kaì pánta tà skeúē autē̂s, kaì éstai hagía.

10
καὶ χρίσεις τὸ θυσιαστήριον τῶν καρπωμάτων καὶ πάντα αὐτοῦ τὰ σκεύη καὶ ἁγιάσεις τὸ θυσιαστήριον, καὶ ἔσται τὸ θυσιαστήριον ἅγιον τῶν ἁγίων.

kaì chríseis tò thysiastḗrion tō̂n karpōmátōn kaì pánta autoû tà skeúē kaì hagiáseis tò thysiastḗrion, kaì éstai tò thysiastḗrion hágion tō̂n hagíōn.

12
καὶ προσάξεις Ααρων καὶ τοὺς υἱοὺς αὐτοῦ ἐπὶ τὰς θύρας τῆς σκηνῆς τοῦ μαρτυρίου καὶ λούσεις αὐτοὺς ὕδατι

kaì prosáxeis Aarōn kaì toùs hyioùs autoû epì tàs thýras tē̂s skēnē̂s toû martyríou kaì loúseis autoùs hýdati

13
καὶ ἐνδύσεις Ααρων τὰς στολὰς τὰς ἁγίας καὶ χρίσεις αὐτὸν καὶ ἁγιάσεις αὐτόν, καὶ ἱερατεύσει μοι·

kaì endýseis Aarōn tàs stolàs tàs hagías kaì chríseis autòn kaì hagiáseis autón, kaì hierateúsei moi:

14
καὶ τοὺς υἱοὺς αὐτοῦ προσάξεις καὶ ἐνδύσεις αὐτοὺς χιτῶνας

kaì toùs hyioùs autoû prosáxeis kaì endýseis autoùs chitō̂nas

15
καὶ ἀλείψεις αὐτούς, ὃν τρόπον ἤλειψας τὸν πατέρα αὐτῶν, καὶ ἱερατεύσουσίν μοι· καὶ ἔσται ὥστε εἶναι αὐτοῖς χρῖσμα ἱερατείας εἰς τὸν αἰῶνα εἰς τὰς γενεὰς αὐτῶν.

kaì aleípseis autoús, hòn trópon ḗleipsas tòn patéra autō̂n, kaì hierateúsousín moi: kaì éstai hṓste eînai autoîs chrîsma hierateías eis tòn aiō̂na eis tàs geneàs autō̂n.

16
καὶ ἐποίησεν Μωυσῆς πάντα, ὅσα ἐνετείλατο αὐτῷ κύριος, οὕτως ἐποίησεν.

kaì epoíēsen Mōysē̂s pánta, hósa eneteílato autō̂i kýrios, hoútōs epoíēsen.

17
Καὶ ἐγένετο ἐν τῷ μηνὶ τῷ πρώτῳ τῷ δευτέρῳ ἔτει ἐκπορευομένων αὐτῶν ἐξ Αἰγύπτου νουμηνίᾳ ἐστάθη ἡ σκηνή·

Kaì egéneto en tō̂i mēnì tō̂i prṓtōi tō̂i deutérōi étei ekporeuoménōn autō̂n ex Aigýptou noumēníāi estáthē hē skēnḗ:

18
καὶ ἔστησεν Μωυσῆς τὴν σκηνὴν καὶ ἐπέθηκεν τὰς κεϕαλίδας καὶ διενέβαλεν τοὺς μοχλοὺς καὶ ἔστησεν τοὺς στύλους

kaì éstēsen Mōysē̂s tḕn skēnḕn kaì epéthēken tàs kephalídas kaì dienébalen toùs mochloùs kaì éstēsen toùs stýlous

19
καὶ ἐξέτεινεν τὰς αὐλαίας ἐπὶ τὴν σκηνὴν καὶ ἐπέθηκεν τὸ κατακάλυμμα τῆς σκηνῆς ἐπ’ αὐτῆς ἄνωθεν, καθὰ συνέταξεν κύριος τῷ Μωυσῇ.

kaì exéteinen tàs aulaías epì tḕn skēnḕn kaì epéthēken tò katakálymma tē̂s skēnē̂s ep’ autē̂s ánōthen, kathà synétaxen kýrios tō̂i Mōysē̂i.

20
καὶ λαβὼν τὰ μαρτύρια ἐνέβαλεν εἰς τὴν κιβωτὸν καὶ ὑπέθηκεν τοὺς διωστῆρας ὑπὸ τὴν κιβωτὸν

kaì labṑn tà martýria enébalen eis tḕn kibōtòn kaì hypéthēken toùs diōstē̂ras hypò tḕn kibōtòn

21
καὶ εἰσήνεγκεν τὴν κιβωτὸν εἰς τὴν σκηνὴν καὶ ἐπέθηκεν τὸ κατακάλυμμα τοῦ καταπετάσματος καὶ ἐσκέπασεν τὴν κιβωτὸν τοῦ μαρτυρίου, ὃν τρόπον συνέταξεν κύριος τῷ Μωυσῇ.

kaì eisḗnenken tḕn kibōtòn eis tḕn skēnḕn kaì epéthēken tò katakálymma toû katapetásmatos kaì esképasen tḕn kibōtòn toû martyríou, hòn trópon synétaxen kýrios tō̂i Mōysē̂i.

22
καὶ ἔθηκεν τὴν τράπεζαν εἰς τὴν σκηνὴν τοῦ μαρτυρίου ἐπὶ τὸ κλίτος τῆς σκηνῆς τοῦ μαρτυρίου τὸ πρὸς βορρᾶν ἔξωθεν τοῦ καταπετάσματος τῆς σκηνῆς

kaì éthēken tḕn trápezan eis tḕn skēnḕn toû martyríou epì tò klítos tē̂s skēnē̂s toû martyríou tò pròs borrân éxōthen toû katapetásmatos tē̂s skēnē̂s

23
καὶ προέθηκεν ἐπ’ αὐτῆς ἄρτους τῆς προθέσεως ἔναντι κυρίου, ὃν τρόπον συνέταξεν κύριος τῷ Μωυσῇ.

kaì proéthēken ep’ autē̂s ártous tē̂s prothéseōs énanti kyríou, hòn trópon synétaxen kýrios tō̂i Mōysē̂i.

24
καὶ ἔθηκεν τὴν λυχνίαν εἰς τὴν σκηνὴν τοῦ μαρτυρίου εἰς τὸ κλίτος τῆς σκηνῆς τὸ πρὸς νότον

kaì éthēken tḕn lychnían eis tḕn skēnḕn toû martyríou eis tò klítos tē̂s skēnē̂s tò pròs nóton

25
καὶ ἐπέθηκεν τοὺς λύχνους αὐτῆς ἔναντι κυρίου, ὃν τρόπον συνέταξεν κύριος τῷ Μωυσῇ.

kaì epéthēken toùs lýchnous autē̂s énanti kyríou, hòn trópon synétaxen kýrios tō̂i Mōysē̂i.

26
καὶ ἔθηκεν τὸ θυσιαστήριον τὸ χρυσοῦν ἐν τῇ σκηνῇ τοῦ μαρτυρίου ἀπέναντι τοῦ καταπετάσματος

kaì éthēken tò thysiastḗrion tò chrysoûn en tē̂i skēnē̂i toû martyríou apénanti toû katapetásmatos

27
καὶ ἐθυμίασεν ἐπ’ αὐτοῦ τὸ θυμίαμα τῆς συνθέσεως, καθάπερ συνέταξεν κύριος τῷ Μωυσῇ.

kaì ethymíasen ep’ autoû tò thymíama tē̂s synthéseōs, katháper synétaxen kýrios tō̂i Mōysē̂i.

29
καὶ τὸ θυσιαστήριον τῶν καρπωμάτων ἔθηκεν παρὰ τὰς θύρας τῆς σκηνῆς

kaì tò thysiastḗrion tō̂n karpōmátōn éthēken parà tàs thýras tē̂s skēnē̂s

33
καὶ ἔστησεν τὴν αὐλὴν κύκλῳ τῆς σκηνῆς καὶ τοῦ θυσιαστηρίου. καὶ συνετέλεσεν Μωυσῆς πάντα τὰ ἔργα.

kaì éstēsen tḕn aulḕn kýklōi tē̂s skēnē̂s kaì toû thysiastēríou. kaì synetélesen Mōysē̂s pánta tà érga.

34
Καὶ ἐκάλυψεν ἡ νεϕέλη τὴν σκηνὴν τοῦ μαρτυρίου, καὶ δόξης κυρίου ἐπλήσθη ἡ σκηνή·

Kaì ekálypsen hē nephélē tḕn skēnḕn toû martyríou, kaì dóxēs kyríou eplḗsthē hē skēnḗ:

35
καὶ οὐκ ἠδυνάσθη Μωυσῆς εἰσελθεῖν εἰς τὴν σκηνὴν τοῦ μαρτυρίου, ὅτι ἐπεσκίαζεν ἐπ’ αὐτὴν ἡ νεϕέλη καὶ δόξης κυρίου ἐπλήσθη ἡ σκηνή.

kaì ouk ēdynásthē Mōysē̂s eiseltheîn eis tḕn skēnḕn toû martyríou, hóti epeskíazen ep’ autḕn hē nephélē kaì dóxēs kyríou eplḗsthē hē skēnḗ.

36
ἡνίκα δ’ ἂν ἀνέβη ἡ νεϕέλη ἀπὸ τῆς σκηνῆς, ἀνεζεύγνυσαν οἱ υἱοὶ Ισραηλ σὺν τῇ ἀπαρτίᾳ αὐτῶν·

hēníka d’ àn anébē hē nephélē apò tē̂s skēnē̂s, anezeúgnysan hoi hyioì Israēl sỳn tē̂i apartíāi autō̂n:

37
εἰ δὲ μὴ ἀνέβη ἡ νεϕέλη, οὐκ ἀνεζεύγνυσαν ἕως τῆς ἡμέρας, ἧς ἀνέβη ἡ νεϕέλη·

ei dè mḕ anébē hē nephélē, ouk anezeúgnysan héōs tē̂s hēméras, hē̂s anébē hē nephélē:

38
νεϕέλη γὰρ ἦν ἐπὶ τῆς σκηνῆς ἡμέρας καὶ πῦρ ἦν ἐπ’ αὐτῆς νυκτὸς ἐναντίον παντὸς Ισραηλ ἐν πάσαις ταῖς ἀναζυγαῖς αὐτῶν.

nephélē gàr ē̂n epì tē̂s skēnē̂s hēméras kaì pŷr ē̂n ep’ autē̂s nyktòs enantíon pantòs Israēl en pásais taîs anazygaîs autō̂n.