Bibles in ancient languages
Old translations
Modern translations

Septante Ézéchiel 10

Pentateuch
Historical books
Poetical Writings
Prophetic Books
Chapter
Verses
1
Καὶ εἶδον καὶ ἰδοὺ ἐπάνω τοῦ στερεώματος τοῦ ὑπὲρ κεϕαλῆς τῶν χερουβιν ὡς λίθος σαπϕείρου ὁμοίωμα θρόνου ἐπ’ αὐτῶν.

Kaì eîdon kaì idoù epánō toû stereṓmatos toû hypèr kephalē̂s tō̂n cheroubin hōs líthos sappheírou homoíōma thrónou ep’ autō̂n.

2
καὶ εἶπεν πρὸς τὸν ἄνδρα τὸν ἐνδεδυκότα τὴν στολήν Εἴσελθε εἰς τὸ μέσον τῶν τροχῶν τῶν ὑποκάτω τῶν χερουβιν καὶ πλῆσον τὰς δράκας σου ἀνθράκων πυρὸς ἐκ μέσου τῶν χερουβιν καὶ διασκόρπισον ἐπὶ τὴν πόλιν· καὶ εἰσῆλθεν ἐνώπιόν μου.

kaì eîpen pròs tòn ándra tòn endedykóta tḕn stolḗn Eíselthe eis tò méson tō̂n trochō̂n tō̂n hypokátō tō̂n cheroubin kaì plē̂son tàs drákas sou anthrákōn pyròs ek mésou tō̂n cheroubin kaì diaskórpison epì tḕn pólin: kaì eisē̂lthen enṓpión mou.

3
καὶ τὰ χερουβιν εἱστήκει ἐκ δεξιῶν τοῦ οἴκου ἐν τῷ εἰσπορεύεσθαι τὸν ἄνδρα, καὶ ἡ νεϕέλη ἔπλησεν τὴν αὐλὴν τὴν ἐσωτέραν.

kaì tà cheroubin heistḗkei ek dexiō̂n toû oíkou en tō̂i eisporeúesthai tòn ándra, kaì hē nephélē éplēsen tḕn aulḕn tḕn esōtéran.

4
καὶ ἀπῆρεν ἡ δόξα κυρίου ἀπὸ τῶν χερουβιν εἰς τὸ αἴθριον τοῦ οἴκου, καὶ ἔπλησεν τὸν οἶκον ἡ νεϕέλη, καὶ ἡ αὐλὴ ἐπλήσθη τοῦ ϕέγγους τῆς δόξης κυρίου·

kaì apē̂ren hē dóxa kyríou apò tō̂n cheroubin eis tò aíthrion toû oíkou, kaì éplēsen tòn oîkon hē nephélē, kaì hē aulḕ eplḗsthē toû phéngous tē̂s dóxēs kyríou:

5
καὶ ϕωνὴ τῶν πτερύγων τῶν χερουβιν ἠκούετο ἕως τῆς αὐλῆς τῆς ἐξωτέρας ὡς ϕωνὴ θεοῦ Σαδδαι λαλοῦντος.

kaì phōnḕ tō̂n pterýgōn tō̂n cheroubin ēkoúeto héōs tē̂s aulē̂s tē̂s exōtéras hōs phōnḕ theoû Saddai laloûntos.

6
καὶ ἐγένετο ἐν τῷ ἐντέλλεσθαι αὐτὸν τῷ ἀνδρὶ τῷ ἐνδεδυκότι τὴν στολὴν τὴν ἁγίαν λέγων Λαβὲ πῦρ ἐκ μέσου τῶν τροχῶν ἐκ μέσου τῶν χερουβιν, καὶ εἰσῆλθεν καὶ ἔστη ἐχόμενος τῶν τροχῶν,

kaì egéneto en tō̂i entéllesthai autòn tō̂i andrì tō̂i endedykóti tḕn stolḕn tḕn hagían légōn Labè pŷr ek mésou tō̂n trochō̂n ek mésou tō̂n cheroubin, kaì eisē̂lthen kaì éstē echómenos tō̂n trochō̂n,

7
καὶ ἐξέτεινεν τὴν χεῖρα αὐτοῦ εἰς μέσον τοῦ πυρὸς τοῦ ὄντος ἐν μέσῳ τῶν χερουβιν καὶ ἔλαβεν καὶ ἔδωκεν εἰς τὰς χεῖρας τοῦ ἐνδεδυκότος τὴν στολὴν τὴν ἁγίαν, καὶ ἔλαβεν καὶ ἐξῆλθεν.

kaì exéteinen tḕn cheîra autoû eis méson toû pyròs toû óntos en mésōi tō̂n cheroubin kaì élaben kaì édōken eis tàs cheîras toû endedykótos tḕn stolḕn tḕn hagían, kaì élaben kaì exē̂lthen.

8
καὶ εἶδον τὰ χερουβιν, ὁμοίωμα χειρῶν ἀνθρώπων ὑποκάτωθεν τῶν πτερύγων αὐτῶν.

kaì eîdon tà cheroubin, homoíōma cheirō̂n anthrṓpōn hypokátōthen tō̂n pterýgōn autō̂n.

9
καὶ εἶδον καὶ ἰδοὺ τροχοὶ τέσσαρες εἱστήκεισαν ἐχόμενοι τῶν χερουβιν, τροχὸς εἷς ἐχόμενος χερουβ ἑνός, καὶ ἡ ὄψις τῶν τροχῶν ὡς ὄψις λίθου ἄνθρακος.

kaì eîdon kaì idoù trochoì téssares heistḗkeisan echómenoi tō̂n cheroubin, trochòs heîs echómenos cheroub henós, kaì hē ópsis tō̂n trochō̂n hōs ópsis líthou ánthrakos.

10
καὶ ἡ ὄψις αὐτῶν ὁμοίωμα ἓν τοῖς τέσσαρσιν, ὃν τρόπον ὅταν ᾖ τροχὸς ἐν μέσῳ τροχοῦ.

kaì hē ópsis autō̂n homoíōma hèn toîs téssarsin, hòn trópon hótan ē̂i trochòs en mésōi trochoû.

11
ἐν τῷ πορεύεσθαι αὐτὰ εἰς τὰ τέσσαρα μέρη αὐτῶν ἐπορεύοντο, οὐκ ἐπέστρεϕον ἐν τῷ πορεύεσθαι αὐτά, ὅτι εἰς ὃν ἂν τόπον ἐπέβλεψεν ἡ ἀρχὴ ἡ μία, ἐπορεύοντο καὶ οὐκ ἐπέστρεϕον ἐν τῷ πορεύεσθαι αὐτά.

en tō̂i poreúesthai autà eis tà téssara mérē autō̂n eporeúonto, ouk epéstrephon en tō̂i poreúesthai autá, hóti eis hòn àn tópon epéblepsen hē archḕ hē mía, eporeúonto kaì ouk epéstrephon en tō̂i poreúesthai autá.

12
καὶ οἱ νῶτοι αὐτῶν καὶ αἱ χεῖρες αὐτῶν καὶ αἱ πτέρυγες αὐτῶν καὶ οἱ τροχοὶ πλήρεις ὀϕθαλμῶν κυκλόθεν τοῖς τέσσαρσιν τροχοῖς αὐτῶν·

kaì hoi nō̂toi autō̂n kaì hai cheîres autō̂n kaì hai ptéryges autō̂n kaì hoi trochoì plḗreis ophthalmō̂n kyklóthen toîs téssarsin trochoîs autō̂n:

13
τοῖς δὲ τροχοῖς τούτοις ἐπεκλήθη Γελγελ ἀκούοντός μου·

toîs dè trochoîs toútois epeklḗthē Gelgel akoúontós mou:

15
καὶ ἦραν τὰ χερουβιν. τοῦτο τὸ ζῷον, ὃ εἶδον ἐπὶ τοῦ ποταμοῦ τοῦ Χοβαρ.

kaì ē̂ran tà cheroubin. toûto tò zō̂ion, hò eîdon epì toû potamoû toû Chobar.

16
καὶ ἐν τῷ πορεύεσθαι τὰ χερουβιν ἐπορεύοντο οἱ τροχοί, καὶ οὗτοι ἐχόμενοι αὐτῶν· καὶ ἐν τῷ ἐξαίρειν τὰ χερουβιν τὰς πτέρυγας αὐτῶν τοῦ μετεωρίζεσθαι ἀπὸ τῆς γῆς οὐκ ἐπέστρεϕον οἱ τροχοὶ αὐτῶν·

kaì en tō̂i poreúesthai tà cheroubin eporeúonto hoi trochoí, kaì hoûtoi echómenoi autō̂n: kaì en tō̂i exaírein tà cheroubin tàs ptérygas autō̂n toû meteōrízesthai apò tē̂s gē̂s ouk epéstrephon hoi trochoì autō̂n:

17
ἐν τῷ ἑστάναι αὐτὰ εἱστήκεισαν καὶ ἐν τῷ μετεωρίζεσθαι αὐτὰ ἐμετεωρίζοντο μετ’ αὐτῶν, διότι πνεῦμα ζωῆς ἐν αὐτοῖς ἦν.

en tō̂i hestánai autà heistḗkeisan kaì en tō̂i meteōrízesthai autà emeteōrízonto met’ autō̂n, dióti pneûma zōē̂s en autoîs ē̂n.

18
καὶ ἐξῆλθεν δόξα κυρίου ἀπὸ τοῦ οἴκου καὶ ἐπέβη ἐπὶ τὰ χερουβιν,

kaì exē̂lthen dóxa kyríou apò toû oíkou kaì epébē epì tà cheroubin,

19
καὶ ἀνέλαβον τὰ χερουβιν τὰς πτέρυγας αὐτῶν καὶ ἐμετεωρίσθησαν ἀπὸ τῆς γῆς ἐνώπιον ἐμοῦ ἐν τῷ ἐξελθεῖν αὐτὰ καὶ οἱ τροχοὶ ἐχόμενοι αὐτῶν καὶ ἔστησαν ἐπὶ τὰ πρόθυρα τῆς πύλης οἴκου κυρίου τῆς ἀπέναντι, καὶ δόξα θεοῦ Ισραηλ ἦν ἐπ’ αὐτῶν ὑπεράνω.

kaì anélabon tà cheroubin tàs ptérygas autō̂n kaì emeteōrísthēsan apò tē̂s gē̂s enṓpion emoû en tō̂i exeltheîn autà kaì hoi trochoì echómenoi autō̂n kaì éstēsan epì tà próthyra tē̂s pýlēs oíkou kyríou tē̂s apénanti, kaì dóxa theoû Israēl ē̂n ep’ autō̂n hyperánō.

20
τοῦτο τὸ ζῷόν ἐστιν, ὃ εἶδον ὑποκάτω θεοῦ Ισραηλ ἐπὶ τοῦ ποταμοῦ τοῦ Χοβαρ, καὶ ἔγνων ὅτι χερουβιν ἐστίν.

toûto tò zō̂ión estin, hò eîdon hypokátō theoû Israēl epì toû potamoû toû Chobar, kaì égnōn hóti cheroubin estín.

21
τέσσαρα πρόσωπα τῷ ἑνί, καὶ ὀκτὼ πτέρυγες τῷ ἑνί, καὶ ὁμοίωμα χειρῶν ἀνθρώπου ὑποκάτωθεν τῶν πτερύγων αὐτῶν.

téssara prósōpa tō̂i hení, kaì oktṑ ptéryges tō̂i hení, kaì homoíōma cheirō̂n anthrṓpou hypokátōthen tō̂n pterýgōn autō̂n.

22
καὶ ὁμοίωσις τῶν προσώπων αὐτῶν, ταῦτα τὰ πρόσωπά ἐστιν, ἃ εἶδον ὑποκάτω τῆς δόξης θεοῦ Ισραηλ ἐπὶ τοῦ ποταμοῦ τοῦ Χοβαρ, καὶ αὐτὰ ἕκαστον κατὰ πρόσωπον αὐτῶν ἐπορεύοντο.

kaì homoíōsis tō̂n prosṓpōn autō̂n, taûta tà prósōpá estin, hà eîdon hypokátō tē̂s dóxēs theoû Israēl epì toû potamoû toû Chobar, kaì autà hékaston katà prósōpon autō̂n eporeúonto.