Bibles in ancient languages
Old translations
Modern translations

Septante Isaïe 47

Pentateuch
Historical books
Poetical Writings
Prophetic Books
Chapter
Verses
1
Κατάβηθι κάθισον ἐπὶ τὴν γῆν, παρθένος θυγάτηρ Βαβυλῶνος, εἴσελθε εἰς τὸ σκότος, θυγάτηρ Χαλδαίων, ὅτι οὐκέτι προστεθήσῃ κληθῆναι ἁπαλὴ καὶ τρυϕερά.

Katábēthi káthison epì tḕn gē̂n, parthénos thygátēr Babylō̂nos, eíselthe eis tò skótos, thygátēr Chaldaíōn, hóti oukéti prostethḗsēi klēthē̂nai hapalḕ kaì trypherá.

2
λαβὲ μύλον, ἄλεσον ἄλευρον, ἀποκάλυψαι τὸ κατακάλυμμά σου, ἀνακάλυψαι τὰς πολιάς, ἀνάσυραι τὰς κνήμας, διάβηθι ποταμούς·

labè mýlon, áleson áleuron, apokálypsai tò katakálymmá sou, anakálypsai tàs poliás, anásyrai tàs knḗmas, diábēthi potamoús:

3
ἀνακαλυϕθήσεται ἡ αἰσχύνη σου, ϕανήσονται οἱ ὀνειδισμοί σου· τὸ δίκαιον ἐκ σοῦ λήμψομαι, οὐκέτι μὴ παραδῶ ἀνθρώποις.

anakalyphthḗsetai hē aischýnē sou, phanḗsontai hoi oneidismoí sou: tò díkaion ek soû lḗmpsomai, oukéti mḕ paradō̂ anthrṓpois.

4
εἶπεν ὁ ῥυσάμενός σε κύριος σαβαωθ ὄνομα αὐτῷ ἅγιος Ισραηλ

eîpen ho rhysámenós se kýrios sabaōth ónoma autō̂i hágios Israēl

5
Κάθισον κατανενυγμένη, εἴσελθε εἰς τὸ σκότος, θυγάτηρ Χαλδαίων, οὐκέτι μὴ κληθῇς ἰσχὺς βασιλείας.

Káthison katanenygménē, eíselthe eis tò skótos, thygátēr Chaldaíōn, oukéti mḕ klēthē̂is ischỳs basileías.

6
παρωξύνθην ἐπὶ τῷ λαῷ μου, ἐμίανας τὴν κληρονομίαν μου· ἐγὼ ἔδωκα εἰς τὴν χεῖρά σου, σὺ δὲ οὐκ ἔδωκας αὐτοῖς ἔλεος, τοῦ πρεσβυτέρου ἐβάρυνας τὸν ζυγὸν σϕόδρα.

parōxýnthēn epì tō̂i laō̂i mou, emíanas tḕn klēronomían mou: egṑ édōka eis tḕn cheîrá sou, sỳ dè ouk édōkas autoîs éleos, toû presbytérou ebárynas tòn zygòn sphódra.

7
καὶ εἶπας Εἰς τὸν αἰῶνα ἔσομαι ἄρχουσα· οὐκ ἐνόησας ταῦτα ἐν τῇ καρδίᾳ σου οὐδὲ ἐμνήσθης τὰ ἔσχατα.

kaì eîpas Eis tòn aiō̂na ésomai árchousa: ouk enóēsas taûta en tē̂i kardíāi sou oudè emnḗsthēs tà éschata.

8
νῦν δὲ ἄκουσον ταῦτα, ἡ τρυϕερὰ ἡ καθημένη πεποιθυῖα ἡ λέγουσα ἐν τῇ καρδίᾳ αὐτῆς ’Εγώ εἰμι, καὶ οὐκ ἔστιν ἑτέρα· οὐ καθιῶ χήρα οὐδὲ γνώσομαι ὀρϕανείαν.

nŷn dè ákouson taûta, hē trypherà hē kathēménē pepoithyîa hē légousa en tē̂i kardíāi autē̂s ’Egṓ eimi, kaì ouk éstin hetéra: ou kathiō̂ chḗra oudè gnṓsomai orphaneían.

9
νῦν δὲ ἥξει ἐξαίϕνης ἐπὶ σὲ τὰ δύο ταῦτα ἐν μιᾷ ἡμέρᾳ· χηρεία καὶ ἀτεκνία ἥξει ἐξαίϕνης ἐπὶ σὲ ἐν τῇ ϕαρμακείᾳ σου ἐν τῇ ἰσχύι τῶν ἐπαοιδῶν σου σϕόδρα

nŷn dè hḗxei exaíphnēs epì sè tà dýo taûta en miā̂i hēmérāi: chēreía kaì ateknía hḗxei exaíphnēs epì sè en tē̂i pharmakeíāi sou en tē̂i ischýi tō̂n epaoidō̂n sou sphódra

10
τῇ ἐλπίδι τῆς πονηρίας σου. σὺ γὰρ εἶπας ’Εγώ εἰμι, καὶ οὐκ ἔστιν ἑτέρα. γνῶθι ὅτι ἡ σύνεσις τούτων καὶ ἡ πορνεία σου ἔσται σοι αἰσχύνη. καὶ εἶπας τῇ καρδίᾳ σου ’Εγώ εἰμι, καὶ οὐκ ἔστιν ἑτέρα.

tē̂i elpídi tē̂s ponērías sou. sỳ gàr eîpas ’Egṓ eimi, kaì ouk éstin hetéra. gnō̂thi hóti hē sýnesis toútōn kaì hē porneía sou éstai soi aischýnē. kaì eîpas tē̂i kardíāi sou ’Egṓ eimi, kaì ouk éstin hetéra.

11
καὶ ἥξει ἐπὶ σὲ ἀπώλεια, καὶ οὐ μὴ γνῷς, βόθυνος, καὶ ἐμπεσῇ εἰς αὐτόν· καὶ ἥξει ἐπὶ σὲ ταλαιπωρία, καὶ οὐ μὴ δυνήσῃ καθαρὰ γενέσθαι· καὶ ἥξει ἐπὶ σὲ ἐξαπίνης ἀπώλεια, καὶ οὐ μὴ γνῷς.

kaì hḗxei epì sè apṓleia, kaì ou mḕ gnō̂is, bóthynos, kaì empesē̂i eis autón: kaì hḗxei epì sè talaipōría, kaì ou mḕ dynḗsēi katharà genésthai: kaì hḗxei epì sè exapínēs apṓleia, kaì ou mḕ gnō̂is.

12
στῆθι νῦν ἐν ταῖς ἐπαοιδαῖς σου καὶ τῇ πολλῇ ϕαρμακείᾳ σου, ἃ ἐμάνθανες ἐκ νεότητός σου, εἰ δυνήσῃ ὠϕεληθῆναι.

stē̂thi nŷn en taîs epaoidaîs sou kaì tē̂i pollē̂i pharmakeíāi sou, hà emánthanes ek neótētós sou, ei dynḗsēi ōphelēthē̂nai.

13
κεκοπίακας ἐν ταῖς βουλαῖς σου· στήτωσαν καὶ σωσάτωσάν σε οἱ ἀστρολόγοι τοῦ οὐρανοῦ, οἱ ὁρῶντες τοὺς ἀστέρας ἀναγγειλάτωσάν σοι τί μέλλει ἐπὶ σὲ ἔρχεσθαι.

kekopíakas en taîs boulaîs sou: stḗtōsan kaì sōsátōsán se hoi astrológoi toû ouranoû, hoi horō̂ntes toùs astéras anangeilátōsán soi tí méllei epì sè érchesthai.

14
ἰδοὺ πάντες ὡς ϕρύγανα ἐπὶ πυρὶ κατακαήσονται καὶ οὐ μὴ ἐξέλωνται τὴν ψυχὴν αὐτῶν ἐκ ϕλογός· ὅτι ἔχεις ἄνθρακας πυρός, κάθισαι ἐπ’ αὐτούς.

idoù pántes hōs phrýgana epì pyrì katakaḗsontai kaì ou mḕ exélōntai tḕn psychḕn autō̂n ek phlogós: hóti écheis ánthrakas pyrós, káthisai ep’ autoús.

15
οὗτοι ἔσονταί σοι βοήθεια, ἐκοπίασας ἐν τῇ μεταβολῇ σου ἐκ νεότητος, ἄνθρωπος καθ’ ἑαυτὸν ἐπλανήθη, σοὶ δὲ οὐκ ἔσται σωτηρία.

hoûtoi ésontaí soi boḗtheia, ekopíasas en tē̂i metabolē̂i sou ek neótētos, ánthrōpos kath’ heautòn eplanḗthē, soì dè ouk éstai sōtēría.