Bibles in ancient languages
Old translations
Modern translations

Septante Juges (B) 12:4

Pentateuch
Historical books
Poetical Writings
Prophetic Books
Chapter
Verses
1
Καὶ ἐβόησεν ἀνὴρ Εϕραιμ καὶ παρῆλθαν εἰς βορρᾶν καὶ εἶπαν πρὸς Ιεϕθαε Διὰ τί παρῆλθες παρατάξασθαι ἐν υἱοῖς Αμμων καὶ ἡμᾶς οὐ κέκληκας πορευθῆναι μετὰ σοῦ; τὸν οἶκόν σου ἐμπρήσομεν ἐπὶ σὲ ἐν πυρί.

Kaì ebóēsen anḕr Ephraim kaì parē̂lthan eis borrân kaì eîpan pròs Iephthae Dià tí parē̂lthes paratáxasthai en hyioîs Ammōn kaì hēmâs ou kéklēkas poreuthē̂nai metà soû? tòn oîkón sou emprḗsomen epì sè en pyrí.

2
καὶ εἶπεν Ιεϕθαε πρὸς αὐτούς ’Ανὴρ μαχητὴς ἤμην ἐγὼ καὶ ὁ λαός μου καὶ οἱ υἱοὶ Αμμων σϕόδρα· καὶ ἐβόησα ὑμᾶς, καὶ οὐκ ἐσώσατέ με ἐκ χειρὸς αὐτῶν.

kaì eîpen Iephthae pròs autoús ’Anḕr machētḕs ḗmēn egṑ kaì ho laós mou kaì hoi hyioì Ammōn sphódra: kaì ebóēsa hymâs, kaì ouk esṓsaté me ek cheiròs autō̂n.

3
καὶ εἶδον ὅτι οὐκ εἶ σωτήρ, καὶ ἔθηκα τὴν ψυχήν μου ἐν χειρί μου καὶ παρῆλθον πρὸς υἱοὺς Αμμων, καὶ ἔδωκεν αὐτοὺς κύριος ἐν χειρί μου· καὶ εἰς τί ἀνέβητε ἐπ’ ἐμὲ ἐν τῇ ἡμέρᾳ ταύτῃ παρατάξασθαι ἐν ἐμοί;

kaì eîdon hóti ouk eî sōtḗr, kaì éthēka tḕn psychḗn mou en cheirí mou kaì parē̂lthon pròs hyioùs Ammōn, kaì édōken autoùs kýrios en cheirí mou: kaì eis tí anébēte ep’ emè en tē̂i hēmérāi taútēi paratáxasthai en emoí?

4
καὶ συνέστρεψεν Ιεϕθαε τοὺς πάντας ἄνδρας Γαλααδ καὶ παρετάξατο τῷ Εϕραιμ, καὶ ἐπάταξαν ἄνδρες Γαλααδ τὸν Εϕραιμ, ὅτι εἶπαν Οἱ διασῳζόμενοι τοῦ Εϕραιμ ὑμεῖς, Γαλααδ ἐν μέσῳ τοῦ Εϕραιμ καὶ ἐν μέσῳ τοῦ Μανασση.

kaì synéstrepsen Iephthae toùs pántas ándras Galaad kaì paretáxato tō̂i Ephraim, kaì epátaxan ándres Galaad tòn Ephraim, hóti eîpan Hoi diasōizómenoi toû Ephraim hymeîs, Galaad en mésōi toû Ephraim kaì en mésōi toû Manassē.

5
καὶ προκατελάβετο Γαλααδ τὰς διαβάσεις τοῦ Ιορδάνου τοῦ Εϕραιμ, καὶ εἶπαν αὐτοῖς οἱ διασῳζόμενοι Εϕραιμ Διαβῶμεν, καὶ εἶπαν αὐτοῖς οἱ ἄνδρες Γαλααδ Μὴ Εϕραθίτης εἶ; καὶ εἶπεν Οὔ.

kaì prokatelábeto Galaad tàs diabáseis toû Iordánou toû Ephraim, kaì eîpan autoîs hoi diasōizómenoi Ephraim Diabō̂men, kaì eîpan autoîs hoi ándres Galaad Mḕ Ephrathítēs eî? kaì eîpen Oú.

6
καὶ εἶπαν αὐτῷ Εἰπὸν δὴ Στάχυς· καὶ οὐ κατεύθυνεν τοῦ λαλῆσαι οὕτως. καὶ ἐπελάβοντο αὐτοῦ καὶ ἔθυσαν αὐτὸν πρὸς τὰς διαβάσεις τοῦ Ιορδάνου, καὶ ἔπεσαν ἐν τῷ καιρῷ ἐκείνῳ ἀπὸ Εϕραιμ τεσσαράκοντα δύο χιλιάδες.

kaì eîpan autō̂i Eipòn dḕ Stáchys: kaì ou kateúthynen toû lalē̂sai hoútōs. kaì epelábonto autoû kaì éthysan autòn pròs tàs diabáseis toû Iordánou, kaì épesan en tō̂i kairō̂i ekeínōi apò Ephraim tessarákonta dýo chiliádes.

7
Καὶ ἔκρινεν Ιεϕθαε τὸν Ισραηλ ἑξήκοντα ἔτη. καὶ ἀπέθανεν Ιεϕθαε ὁ Γαλααδίτης καὶ ἐτάϕη ἐν πόλει αὐτοῦ ἐν Γαλααδ.

Kaì ékrinen Iephthae tòn Israēl hexḗkonta étē. kaì apéthanen Iephthae ho Galaadítēs kaì etáphē en pólei autoû en Galaad.

8
Καὶ ἔκρινεν μετ’ αὐτὸν τὸν Ισραηλ Αβαισαν ἀπὸ Βαιθλεεμ.

Kaì ékrinen met’ autòn tòn Israēl Abaisan apò Baithleem.

9
καὶ ἦσαν αὐτῷ τριάκοντα υἱοὶ καὶ τριάκοντα θυγατέρες, ἃς ἐξαπέστειλεν ἔξω, καὶ τριάκοντα θυγατέρας εἰσήνεγκεν τοῖς υἱοῖς αὐτοῦ ἔξωθεν. καὶ ἔκρινεν τὸν Ισραηλ ἑπτὰ ἔτη.

kaì ē̂san autō̂i triákonta hyioì kaì triákonta thygatéres, hàs exapésteilen éxō, kaì triákonta thygatéras eisḗnenken toîs hyioîs autoû éxōthen. kaì ékrinen tòn Israēl heptà étē.

10
καὶ ἀπέθανεν Αβαισαν καὶ ἐτάϕη ἐν Βαιθλεεμ.

kaì apéthanen Abaisan kaì etáphē en Baithleem.

11
Καὶ ἔκρινεν μετ’ αὐτὸν τὸν Ισραηλ Αιλωμ ὁ Ζαβουλωνίτης δέκα ἔτη.

Kaì ékrinen met’ autòn tòn Israēl Ailōm ho Zaboulōnítēs déka étē.

12
καὶ ἀπέθανεν Αιλωμ ὁ Ζαβουλωνίτης καὶ ἐτάϕη ἐν Αιλωμ ἐν γῇ Ζαβουλων.

kaì apéthanen Ailōm ho Zaboulōnítēs kaì etáphē en Ailōm en gē̂i Zaboulōn.

13
Καὶ ἔκρινεν μετ’ αὐτὸν τὸν Ισραηλ Αβδων υἱὸς Ελληλ ὁ Φαραθωνίτης.

Kaì ékrinen met’ autòn tòn Israēl Abdōn hyiòs Ellēl ho Pharathōnítēs.

14
καὶ ἦσαν αὐτῷ τεσσαράκοντα υἱοὶ καὶ τριάκοντα υἱῶν υἱοὶ ἐπιβαίνοντες ἐπὶ ἑβδομήκοντα πώλους. καὶ ἔκρινεν τὸν Ισραηλ ὀκτὼ ἔτη.

kaì ē̂san autō̂i tessarákonta hyioì kaì triákonta hyiō̂n hyioì epibaínontes epì hebdomḗkonta pṓlous. kaì ékrinen tòn Israēl oktṑ étē.

15
καὶ ἀπέθανεν Αβδων υἱὸς Ελληλ ὁ Φαραθωνίτης καὶ ἐτάϕη ἐν Φαραθωμ ἐν γῇ Εϕραιμ ἐν ὄρει τοῦ Αμαληκ.

kaì apéthanen Abdōn hyiòs Ellēl ho Pharathōnítēs kaì etáphē en Pharathōm en gē̂i Ephraim en órei toû Amalēk.